Br
Брестчина
Производит · Предлагает · Приглашает

Приложение II. Примечания князя Курбского к переводу творений Иоанна Дамаскина, часть 2, с. 99-127 приложений: современная орфография

Замечания и «сказы» на полях рукописного перевода творений Иоанна Дамаскина с указанием листов рукописи и словарь сопоставлений: слово текста и его толкование на полях. С. 99-127 приложений. Текст в современной орфографии.

Против слов текста: еще к тому аще дву естьств человека глаголем, и нам три естества во Христе глаголати подобало бы, и вы такоже со дву естеств человека глаголюще, с трех естеств Христа уставляете... на полях: «Сиречь, да не будет тако, еретическое бо сие замышление». (л. 101).

Против слов текста: к тому ведати подобает, иж не по изменению естества, або превращению, або отлучению, або слиянию, плот Господня обоженна нарицается, вкупе Бог, и Бог бывше, яко богоглаголивыи, рече, григории: убо который сие обожил, сие убо обоженно есть, дерзънул бы рещи омофеон, сиречь, вкупе Бога и человека быти, еже помазает: и Бога яж помазанного... на полях: «Сиреч, той же Бог слово, бывше вочеловечен». – «Грецкая пословица та, а по словенску, яко в сущем последует». – «Помазующей бе яко Бог своим божеством тело помазал, яж з душею словесною и умною |приял от пречистых кровей матерних, помазан есть яко человек, понеж он есть и то и оно, рекше сугуб естеством а не составом. (л. 101 об.)

Против слов текста: то убо смертно было само по собе, и оживляющее, соедшения ради к слову по ипостаси... на полях: «То убо, сиреч, тело смертно было, по естественному чину, а по соединению слова бывше оживляющее, яко мертвых ко животу возвращал пред очима всех, и сам себе воскресил. А духовне яко нас оживляет, сиреч, смертию и плотию своею, смертию, яко ад разрушил, и от веков умерших воскресил, и плен ко отцу возвел: а телом яко нас оживляет, яко сам, рекл, аще кто ясть тело мое и пиет кровь мою смерти не узрит во веки, и прочее», (л. 102.)

Против слов текста: глаголет убо богослов Григории: их же воистинну то обожил, а оно же обоженно есть... на полях: «Яко богоносные отцы приняли, Бог человек бысть слова ради, божие вочеловечениа, також и то, человек быст Бог, плоти ради и естества человеческого обожениа. (л. 102 об.)

Против слов текста: ибо быст человек, ижебы преодолел, яже одоленное... на полях: «иже бы преодолел новои адам, не божеством, но плотию бесплотного, и силного дьявола, понеже старый адам от него побежден был». (л. 102 об.)

Против слов текста: по оклеветаниа и нареканиа вещию был бы мучителеви, яж победил человека, аще бы от Бога насилие терпел... на полях: «Сиреч, не силою божественною, исторгнути хотел, но подобное подобным взыскати, и исправиии, иж бы дьявол не клеветал и не нарекал, иже насилием возвращен, и исторгнен самовластный род человеческии». (л. 102 об.)

Против слов текста: чтож убо от вочеловечения полезного приемлем, того не вцеле сохранив яже первие раны терпел... на полях: «Раны от даявола терпяща древнего адама глаголет (и всех человеков влекомых по роду от него) сиреч различные страсти и недуги и беды на тело человеческое наведшие, а прежде преступлениа нетленну бывшу, и бессмертну». (л. 108.)

Против слов текста: ко сохранению своиственного естества, по нужде оные управляюще... на полях: «Сиреч, естеству их на то воспаляющу, и принуждающе, еже от Бога вложенно в них». (л. 104 об.)

Против слов текста: разума убо привилеи сеи есть, самовластная воля, и самовластие... на полях: «Привилеи нарицается, царьскии златопечатныи лист, або грамота самого царя рукою подписана, на что будет данна, и свободами дарования, сие в себе обдержит писанием: сему уподобляюще привилием наричет самовластия волю от Бога нам дарованну, и самое самовластие». (л. 105.)

Против слов текста: и обычая пременного подаяния по неизреченному соединению... на полях: «Сиреч, паче человека, отлично бо и невозможно человеку по морю пешествовати яко по суху: и паки егда хотяше его ово з горы сринути, ово камением побити, он же посреди их невидимо хождаше». (л. 105 об.)

Против слов текста: ибо тои неестествен есть, ани от сотворителя нам дан... на полях: «Сиреч, трех не вложен во естество наше от Бога», (л. 107.)

Против слов текста: еще к тому естественные наши терпение, по естеству и паче естества быша во Христе... на полях: «Аще и были во Христе подобные терпение яко и в нас, но не еще быша в нем, якож в нас, первее убо иже в нас тех естественных терпения движениа воли дела упреждают, егда убо не принужденны, алчем, жаждем, и тем подобные», (л. 107 об.)

Против слов текста: а паче естества, еже не упреждали во Христе воли естественные... на полях. «Во Христе же оные терпены не упреждали естественных, и естественного движения воль, но развие последовали: понеж егда хотяше, алкал, и умерл. Бо он же о соби рекл, област имею душу мою положити, и паки прияти ю, второе, иже те терпениа нам нуждою принужденны, и те от первородного греха приемлем по первому преступлению, аки бы наследие и повинность первого вреждения або яда. Христос же не по обычаю человеческие нужды оные имел, понеже греху неповинен был, но самою волею милосердия ради оные приял, яко апостол ко евреям, рекл, да уподобится во всем братии и прочее, (л. 107 об.)

Против слов текста: не естества суть именоваша, и знамения познания, но нечто, яко отца и сына имена.... на полях: «По римскии, релятиум, або адаликвид, а по словенъскии относящее, яко отец сына ради глаголется, и сын отца ради, ибо никогда же бы наречен был отец, аще бы сына не им,ел, також никогда был бы наречен сын аще бы отца не имел» (л. 108).

Против слов текста: коего ж буде раб? отца? а сего ради не все еже имеет отец, и сына суть.... на полях: «Аще ли бы рекл противницы самого себе несть Христос раб, но отчи? Како же исполнит сие слово, еже, рекл, Христос, вся яж имеет отец мои суть, и прочие» (л. 108).

Против слов текста: ащеж отчии будет раб, самому собе никакож несть.... на полях: «Аще ж будет совершение отчии раб по человечеству яко и мы? Како же избавил бы нас от работы сам раб совершенныи будуще? Не так яко еретицы блядут, но еще подобает яко в сущем читаючи узриш» (л. 108 об.).

Против слов текста: от нестория празные мудроствующего приведенны, постасное соединение, и нагого обитающего ложне проповедуют.... на полях: «Нестории блядословы, иже Христос рожен от девицы а не Бог [и не оболченно было плотию слово божие, яко церковь мудроствует во едином быти соединенна составе, Бога совершенна и совершенна человека единого Христа], но ходило слово Божие невидимо во своей ипостаси, и чудеса творило, а плотоносец Христос во своей ипостаси: сицевую хулу отрыгал нечестивыи» (л. 109).

Против слов текста: ибо аще соединенна есть истенне плоть Божиему слову по последнему бытству ..на полях: «Последнее бытство наричет материялное, сиреч земное тело дебелости ради» (л. 109).

Против слов текста: ибо аще от небытии в бытие приведенны суть вси от создателя вещей оно быти, и никакож не быти естествене желание имеють.... на полях: «Два роды боязни полагает Дамаскин, едина естественная, иже не хощет душа разлучитися от тела,» не токмо человеческая, но и животных, сохраняюще себе вцеле яко могут, иже бы от всущественного бытии их в небытие не преложилися, и аще сии естеством принужденны подстрецаеми ко таковой намети бывают, коли ми паче душа разумная понеже имееть объятие, ижебы ншогда ж от тела разлучилася, но и по разлучению от тела имеет душа человеческая вложенное ей от Бога желание, ижебы таки во свое тело возвратилася, яко о том желание свидетелствует во апокалипсии, идеж глаголет. Егдаж отверзеся пятая печат и видех под олтарем божиим души человеческие избиенных за слово божие, и за свидетелство еже имяху, и возопила глаголюще гласом великим, доколе Господи святыи и истинный не судиши ни мстиши крови нашие от живущих на земли. и даны быша комуждо их ризы белы и речение им бысть, да почиют и еще время мало, дóндеже совершени будут клеврети их, и брала их, хотяще избиены быти якоже и тии» (л. 109 об.)..

Против слов текста: ани убо отец Бог его, точно тончайшими ума мысльми разделивши оное еж зрится от того что разумеется, он с нами устроил бы ся.... на полях: «Сиреч, не так общии отец яко всякому сотворению, но присносущен и свойствен по божеству, a сие реченно смотрение ради иже бы в собе совершенно человечество показал, a сие зрится сеновне, и тончайше благоверно разделяюще, як церков воспевает» (л. 111 об.).

Против слов текста: подобает убо ведати, иж сугубое суть присвоение.... на полях: «Присвоение естественнои существеннои Христу глаголется плоти ради и души нашего существа приятия, не по фантазии, ани по алигории, рекше, не по мечтатю, ани по отменному разумению, там же замыкается и не повинное терпение, яко алкати, и жадати, и притрудну от пути бывати, и слезы испущати, и тем подобные, яко истанна евангельская усвояюще сие Христу свидетелствует. Второе же личное, егда возлагается сие Христу, что ему недостоит, но развие нам, яко во псалме, как, далече от спасениа моего словеса грехопадении моих, яко доброхотный врач седяще близ болящего, иже бы свое к нему милосердае показал, немощ его на ся приоблачит, воздыхает, плачет, болезнует о нем клевретом ему в недузех бывающе, сего ради глаголет апостол к галатом пишуще, Христос нас откупил от клятвы законные был по нас клятва, яко и паки к коринфом, иже неведевше греха, по нас грех сотвори, сиреч, за первородный адамл грех, и всех сущих по нем, един безгрешный бесчесною смертию умре, очищающе человечески род жертвою тела своего» (л. 111 об.).

Против слов текста: яко аще бы кто на распаленное железо взлил воды, яж убо по естеству ест терпети [огня глаголю] от воды угашатися, цело же пребывает железо, песть бо ему по естеству от воды сокрушался.... на полях: «Аки бы, рекл, егда убо железо водою возлиянно не разделится, точию един огн угашается в железе далеко вящей егда терпело тело, божество же оного терпение не подяло, ани от тела разлучилося, но во своем свойстве, не страдално пребыло» (л. 112 об.).

Против слов текста: мы убо согрешихом, а оному подобало ижебы за нас приял цену откупления.... на полях: «Сиреч, подобалося Богу отцу иже бы за нас приял цену откуплениа, рекше, мироочистителною кров сына своего, и еще избавил повинных греху, неповинные рада крови излияния» (л. 113).

Против слов текста: сице и тление раненым животом истребляется, и бываеть всем живот.... на полях: «Раненый живот, Христа наричет плотию ранена» (л. 113).

Против слов текста: а того ради неразсыпанно Господне тело глаголати по безумных улияне и гаиусе, по первому показанию рассыпания, преж мертвых воскресении, нечестиво есть.... на полях: «Улиян, и гаи еретицы были, и глаголали иж бы Христос тёло принял нетленно, и не рассыпателно, и таково было преж воскресения, яко и по воскресению, их же Дамаскин обличает безумие, и свидетелствует, иже по воскресению уже нетлением, и бессмертием оболченно, а преже воскресения рассыпателно и смертно было, а всяко божество не допустило ему тлению прикоснутис, яко читаючи в сущем светлеише узрится церковный разум» (л. 114).

Против слов текста: так и тем яже во аде иже бы ему всяко колено преклонилося, небесных, земных, и преисподних.... на полях: «Нецыи глаголют о Христове сошествию во ад, яко истинна евангельская свидетелствует, иже яко тридесят леть, и три и мало на четвертыи, на земли со человеки пожыл, благовествующе и исцеляюще земнородных, також, и во аде по числу лет трцесят и три часы и мало к тому тамо был и проповедал, в пяток умре, к тому, ви годин суботные нощи паки дня суботнего ви годин, еще к тому нощи неделные шесть годин, приложив и мало что к тому, яко исполнится число тое рекше, тридесят и три годины, и мало что к тому, яко апостол Петр, рекл, в первом своем посланию, иже Христос единое о гресе пострадал, и оным же сущим в темницы духом сшед проповедал, чтож проповедал и кому? Верующим в него пророком и праведным, и ведущим пришествие его, и пророчествующим о нем, не токмо по моисеискому закону, праведно жившим, но и по естественному, проповедал же, иж небеса остатив, и все чины ангельские, и зшед на землю, и яко беды и наветы и различные наруганиа и смерть поносную ото июдеи подял, и аж до тех адские пропасти темниц зшел, на взыскание и на избавление погибшего рода человеческого, яко духа исполненный златоуст пространнеи пишеть, во, в, воскресном слове, ему же начало по стражах лютых, и по вязанию тяжком, их же пленив ото ада, и воскресив со собою, яко евангелист мафи свидетельствует, многие телеса святых усопших восташа, и вниидоша во святни град по воскресении его, и явшас многим» (л. 114 об.).

Против слов текста: соединенна убо со божиим словом, его же ради и в нем хвалима бывает.... на полях: «Сиреч, плоть Господня» (л. 127).

Против слов текста: сему подобно, ею же и нагии царь бывает одеян, и оболчен, и порфирою, яко простою порфирою.... на полях: «Нагим царем наричет и простою порфирою плот нагую, егда не совокупление будет тело души, тогда недвижимо есть и мертво, егдаж со душею совокупленно, тогда живо и движимо и деиствено, и частократ малогодное будуще соединенно лучшему от того приемлет совершеннеише и лучшие и прехвалные» (л. 117).

Против слов текста: и житием свободив нас от тления: и начало бысть нашего воскресения.... на полях: «Аки бы рекл, на земли явился и со человеки пожил того ради иже бы нас житием тем свободил от тления, и преложил до лучшего, во всем собою образ подал нам» (л. 118).

Против слов текста: ныне же благочестие ради и доброты мучения избирают, и сломлениа костем и смерть.... на полях: «Таковы сут мученицы различные мучения и смерти терпяще Христа ради волею, таковы преподобные мучаще тело свое Христа ради, да ему угодят, и плот духу поработят» (л. 118 об.).

Против слов текста: иж инако бываем принужденны разделяти единого Христа две ипостаси глаголюще, албо прети различие естеств, и въводити обращение слияния.... на полях: «Сиреч, никако бываем нудими або принужденни от еретиков, они бо глаголют еще не по правоверным догматом, но по своему упрямству, яко напреди узриш читаючи аж до конца того слова» (л. 119).

Против слов текста: сие убо есть от оригенского блуда гнушателное проповедание, пребывание душ научающему... на полях: «Оригеняне глаголют аки бы души преже от Бога созданные на небеси искони, и еще не влияны будуще в телеса исполняют дела добрые, або злые, и за грехи сослани бывают на землю, и всаждаются в телеса аки в темницу, на отомщение прежним грехом своим, сие блядение их сопротивляется истиннои вере, их же обличает блаженный Герасим во епистолии глаголемой периархум, в ней же выписует басни оригенские, також и епифании ко иоанну ерусалимскому обличающе их, и проповедуют оба, иже души наши вкупе, бывают сотворении с телесы, и абие вливаются» (л. 119).

Против слов текста: господни естества ани единым телом суть, ани верхом, ани линиею, ани местом, ани временем, иже бы могли ко великости целой относится.... на полях: «Великост целая нарицается яко у черты долгота, у верха долгота и широта по содержанию месца бываемая, над ним он верх бывает, и яко у сосуда всякого, долгота, и широта, и глубина, яко, во и-й главе, третих книг, читаючи о той же великости, достаточнеише и пространней рассмотретися может, нетокмо в толкование, но и в сущем» (л. 121 об.).

Против слов текста: яко Петр и Павел, а почему соединяются, несчитаются, а по существу соединенны, два естества ани глаголются.... на полях: «Сиреч, яко Петр и Павел по имянам, считаются а не по естеству, по составом, а не по существу, во Христе же сопротив, по существам счиаются, а не по составом, понеж во едином составе два существа имеет: а того ради к щету относятся существ и естеств различие, а не составов, бо состав един Христов, а едино не числится» (л. 122).

Против слов текста: им же еще рекше плоть, обожением Бог сыи, и купно иже некогда обыкла голубица престатие потопа благовестии.... на полях: «Рекше, Бога слова плот, а еже глаголет Бог сыи, аки бы рекл, Бог сыи безначалныи воплощен, и божеством своим плоть божественну ми обоженну соделал» (л. 124 об.).

Против слов текста: ибо и сучець тогда маслинен принесла голубица оным яж от потопа изыидоша.... на полях: «ибо маслинным плодом, изъявляет в нас многии плод милосердие и милости и щедрот божиих» (л. 124 об.).

Против слов текста: иж крещением обрезаем всякое одеяние его ж есмо от порожения совлекли.... на полях: «Сиреч, ветхого человека, одеяние с похотми его» (л. 125).

Против слов текста: израилтеское духовное, и божии люди бываем.... на полях: «Аки бы, рекл, бываем израилтене духовные, рекше, сынове, авраама, и исаака, и якова, не по плоти но по духу, рекше по вере авраамле? а обрезание ветхое ничто же иного образовало, точию внутреннее сердечное обрезание, иже бы есмо во крещению обрезали безверие и злые дела от сердец наших» (л. 125).

Против слов текста: или яко четыре концы кресту средним убо согвождением содержатся, и сожимаются... на полях. «Сим четвероконечную силу креста показует, сиреч, им же Христос рекше крестом, четыре концы мира согвоздил верою, ибо и в высоте, сиречь на небесех прославися, вознесши плен с собою от ада ко отцу, и седение десное со приятою плотию, и в широте, сиреч. в концех всея вселенные проповедию евангельскою, и во глубине, сиреч, во адских пропастех пленяще его, а вся сия крестом исправил» (л. 126).

Против слов текста: понеже освещенно прикосновением святые плоти и крови в лепоту поклоняися... на полях: «Сиречь, древо крестное освещенно прикосновением тела Христова (л. 126 об.)

Против слов текста: мнози убо христи и избавители: но един распят, не рекл, копием прободенного, но распятого... на полях: «Христов наречет, царей, судей, и архиереов, ими же по различным летом избавлял Бог народ жидовскии, яко писано высториях древни ветхого завета» (л. 127).

Против слов текста: жезл ааронов святого архиереа знамением бе... на полях: «Сиреч великого архиереа Христа нашего» (л. 127 об.)

Против слов текста: змии на древе триумъфующе яже умре, на древе умершего врага видяще уздоровлялися, верующе иже Христос во плоти греха, греха не ведяще на кресте грехи повесил − на полях: «Враг змии человеку по вражде от Бога положен: какож был Христу образом повежь ми? Сице яко там на образ проклятого естества, взирающе на меденого змия, вознесенного на древо Моисеом, невидимая Божие сила угонзненныи люд от змии исцеляла, такоже и Христу вознесему на древо плотию мертвенною и тленною адамлею от богоборных, и убиенну проклятою смертию, верующие взирающе на страсти его исцеляются, яж были преже усекновении от мысленного змия диявола, идолослужении, и безверием ко Богу: понеж был по нас клятвою клятву наше исцелил, яко апостол рекл» (л. 127 об.)

Против слов текста: ибо с преизобилия зверие, понеже по бытию и житию причествующе, приобщаются добра... на полях: «Аки бы рекл животные вси с преизобилия божиа благости причаствуют во своих им бытствах. А человек не точию по преизобилю благости учасноком есть в бытстве своем, но и по разуму причаствует, уподобляющеся Богу по силе» (л. 128 об.)

Против слов текста: и тело соединенно ко божеству не едино и тое же естество есть, но едино плоти и соедиенного божества другое... на полях: «Не во едином, но во дву естествах познавается Христос, сиреч в совершенном божестве, и в совершенном человечестве» (л. 131 об.)

Против слов текста: тогда не кроме закона, святую деву во обещание привел, еще не бы от его жезла исшел... на полях. «Не взял бы от чужого племени, бо праведен был в законе» (л. 133 об.)

Против слов текста: а иж тогда стрежаше девиц нашего ради избавлениа, глаголюща, се девая во чреве приимет и родит сына….на полях: «Стрежаше сатана девиц, и боящеся исаина проречениа, того ради благоволит Бог дати Иосифу во обручение девицу, да утаится тайна божие от диавола, да не лишится род человеческий избавление» (л. 134 об.)

Против слов текста: тот которыи запинает мудрых в коварстве их... на полях: «Бог запинает премудрых и хитрых в лукавстве дьяволем, и человеков уподобляющихся им, злохитрством» (л. 134 об.)

Против слов текста: во обручение девица иосифови от ереев дана была, яко новый свиток писанию искусному... на полях: «Яко новую книгу, ибо обычаи был древнии жидом книги на свитки писати» (л. 134 об.)

Против слов текста: боги же глаголю и царие и господие, не естеством, но яко врежденных скверными помыслы обладание и господствовавше... на полях: «Сиреч, развращенные умом человецы облагодатися попущают от Бога исправления ради яко рече апостол, нетуне властели меч носят, на отомщение злодеем, и прочее» (л. 136 об.)

Против слов текста: яже рекохом по добре ведущим, иж угодников честь, указание имееть добромысленне ко общему владыце... на полях: «Рекше, по великому василию» (л. 189 об.)

Против слов текста: богов же смеху достойных, и басни чуждые псом отвержем... на полях: «Сиреч, неверным и еретиком» (л. 142).

Против слов текста: кафолицких епистолеи сем, ияковля едина, петровы две, иоанновы три, июдино едино... на полях: «Кафолицкие, сиреч, церковнические почему нарицаются? потому, иже церкви утверждающе в рассеянии сущих писали самые апостоли? а не так яко нецыи блядут, иже бы старцы або прозвитери, писали их церковные, а не апостоли, и по том наричутся церковные, и титулы апостольские чести ради приписали к ним: сию бо ересь на москве слышах от некоторых кириловских мнихов, понеж между некоторых мних таковая секта крыется, яко и между осифлянских мнихов небытная ересь, того бо ради люты бесчеловечны и лукави зело, и властеи, и именеи желатели, иже не надеются за все прегрешения ответа дати на суде. В том то их монастыри, преподобномученик васьян венец мучениа приял от Бога (иже был от поколениа великих княжат литовских) и максим философ заключение темничное и оковы много лет претерпели от них, и иные мнози светые и преподобные мужи от них, различне пострадали, бо готови суть со потщанием по зависти правоверных оклеветати» (л. 143).

Против слов текста: понеже некогда з добрейшего речение сочиняем, и обожение плоти, и слова сотворением и превознесением глаголем, и тем подобные... на полях: «Яко и о человеце некогда приучается рещи, понеж и всякой человек устроен от души и тела, некогда приемлет от наилепшего именованиа, глаголется убо от души, разумныи, мысленныи, добродетеле познаниа изобретател, бессмертием украшен, ко блаженству нарожен, а от тела яко от мнеишие и нижаишие части почает, наречение, прозывается чувствен, болезньми и смертьми обвязан, пищи и пития жаждающи, и других. Сему подобно и сына божиа нарицаем, яко Бога по божеству от вышеестественных, яко человека по человечеству от нижаиших» (л. 143).

Против слов текста: вочеловечение, смирение, тщета, и покорение глаголем, таковые убо и тем подобные смешания во вочеловечение глаголиться с слова и Бога.... на полях: «Аки бы рекл, слово бесплотное, иже во зраце божии сыи, примесило собе чего прежде не мело, сиреч, совершенное человечество с своиствьвы плоти належащими, нашего ради избавления» (л. 143 об.)

Против слов текста: некоторые по придаванию и отношению нашему яко Боже Боже за что мя еси оставил... на полях: «Сиреч наше лице на собе приимовал, яко реченно недуги наши взял и болезни наши понесл, и прочее, в сущем читаючи зри» (л. 144 об.)

Против слов текста: кождого же свойственное познавши, и обое от единого соделанно видевше.... на полях: «Сиреч естества Божие и естества человеческого» (л. 146 об.).

Против слов текста: иже не два начала, едино добро и другое зло, оттуды познан хощем.... на полях: «Сие слово написал дамаскин, против манихея еретика, он бо полагаеть два начала миробытству, едино добро, глаголюще, иже Бог бесплотные и невидимые сотворил ангелы и прочие силы, а другое зло иже от него начался, по их мнении видимые и вещественные; на что свидетелство приводят от Матфеева евангелиа, яже рекл дьявол возведши Христа на гору, вся сие дам ти аще над поклонишимися, от того слова утвержают диявола быти правителем и господом, тех нижаиших вещей? а не разумеюще сего сие блядут иже он прескверный враг от преизлишные гордости сие Христу рекл, яж возлагает собе всегда чуждее, и усвояет чего не имеет яко прегордый демон, богом мняся и подобен ему быти любопрится, того ради блуда и на никеиском соборе святые сие слово вложили во святыи символ, верую во единого Бога [сиреч во едино начало] творца небу и земли, видмым же всем и невидимым, понеж вси от единого, а не от дву начал (л. 148).

Против слов текста: або зло убо брань творити, добро же не сопротив брань творити, но ото злого сокрушитися.... на полях: «Яко сам Христос рекл, сеи не собирает, со мною расточает, а сего ради несть правителем, и господом дьявол видимых вещей, но сокрушител и тлител, и естеств превратится, всех нижаиших их же создал Бог» (л. 148 об.).

Против слов текста: но и подущение злого, сиреч, закон греха, приходяще в составы телесные, вкладает себе в нас тем.... на полях: «Сиреч, тём подущением албо наказанием, и советом злым (л. 150).

Против слов текста: а сего рада до седмого дни преидеть число, и паки обращается и от первого начинает.... на полях: «Яко кирил александреискии при конъци четвертых книг своих яснеише толкует о том седморичном числе, и о осмом дню» (л. 181).

Против слов текста: сие число чесно у жидов иже Бог повелел честити оную не яко прилучилося, но с тяжкими запрещены преступления.... на полях: «Сиреч, суботу» (л. 151).

Против слов текста: но все время житие нашего Богу возлагаем, и всегда раба, гнев глаголю и похоть.... на полях: «Сиреч гнев и похот яко раба усмиряем и воздержим» (л. 152).

Против слов текста: еще к тому ведати подобаеть, иже седморичное число всякое настоящее время знаменуеть: яко ж рече премудрый соломон: дати часть седмым, дати и осмому.... на полях: «Аки бы рекл, якож во ветхом осмым днем обрезаниа ради субота разоримся? еще и воскресившего ради человечества Бога слова, во осмый день субота в духовном законе упразнилася, понеж честь ея на осмый день преложилася воскресения ради Господня? Тако же и седморичныи век упразднится второго ради пришествия, и общего для воскресения из мертвых всея человеческие плоти: понеже осмая тысяща конца неимеет, скончавшу бо ся седморичному веку, сиреч седмотисещному, осмый же есть яко окромнии, и свободныи от числа седморичного: сие соломон являеть, дал еси часть седмым, сиреч был еси в законе моисеевом почитающе седмые дни и лета, и седм седмиц, еже есть вилео егда же упразнился закон Христовым пришествием, даи часть и осмому, сиреч дню господскому и прочему предреченному» (л. 153).

Против слов текста: и все человецы суть разумны: а всяко не все разумны, человецы суть... на полях: «не вси равны разумом, но овые зело остроумны и догадливы, а овые тупы и грубы» (л. 180 об.).

Против слов текста: а колеблемых сила в тех есть, яж чувства оные не имеють .. на полях: «Сиреч, древес и трав, и тем подобных» (л. 184).

Против слов текста: со превышнею волею на смерть устремлялися, и пищи и сну и иные вожделение презирали.... на полях: «Сиреч, яко святые мученики и преподобныи, и тем подобные» (л. 184 об).

Против слов текста: егда естество с волею разума отвергли, ани ему послушни быша.... на полях: «Сиречь естество в чем сопротивится разуму». (л. 184 об.)

Против слов текста: ани убо прежде соединения во Христе два естества бе, но едино отче.... на полях: «Сиреч егда не соединился человечеству Богь слово, во своей ипостаси едино отче мел естество, егда же плот человеческую на ся приял, рекше соединился, тогда оттол два естества имееть во единои ипостаси» (л. 190 об.)

Против слов текста: аще бы тех совершение сохраняли яж от естества суть данны нам, и тех получили еже естество превосходят, частью бессмертием, частью со божие соединена божество... на полях: «Сиречь, того ради Бог человек бысть, да Бога адама соделает» (л. 197 об.).

Против слов текста: паки сумнителных яко предрекохом, воля некогда ему ею ж хощем изъявляет.... на полях: «Что есть сумнительна? сумнителна наричется то, еже единым именем овогда тое, овогда иное нарицается, яко и в сущем где глаголет» (л. 199).

Против слов текста: а всяко не в правде и в доброте чинех дело произвел.... на полях: «Ани бы рекл, неправдою и добротою и терпением совокупил по ипостаси превечному слову Божию, но совершенного оного и всеполного человека на высочайшее совокупно соединение» (л. 204 об.).

Против слов текста: что ж убо кроме воли согрешил?... на полях: «Рекше праотец адам, и сущие по нем роженные уже во гресех тленным телом» (л. 204 об.)

Против слов текста: ничтоже несть усвоенного от лиц во оном вышесущественном божестве, развие отца.... на полях: «Сиреч розного, иже бы отец хотел того, а сын иного, и дух святыи иного, несть никакоже но во всех трех лицах пресущественного божества единая воля и хотение» (л. 209).

Против слов текста: человеческое же естество вкупе со человеческою волею еже естества есть приучил, а человеческие ипостаси не приучил.... на полях: «Сиречь, не две ипостаси имел сын Божии божества и человечества, но едину, а другие не приучил» (л. 214).

Против слов текста: и паки железо не светит, но развие сечеть, и велико есть.... на полях: «Сиречь величествеино железо и меримо, або мерою обдержимо, а не огнь мерим: еще и Бог описан плотию, а божеством не измерим ани описан» (л. 216 об.).

Против слов текста: а сего ради еще во единои святои троицы разделение свидетелствуется, яж два естества зрятся.... на полях: «Яко во святой троици два естества зрятся? еще иж един от троицы сын и слово Божие оболкся плотию в совершенном человеческом естестве, яко мало нижеи сам святыи рекл, во единои убо святой троицы два естества во единои еще являются, сиреч, во Христове» (л. 218 об.).

Против слов текста: а трех лиц не смешиваем, ани сливаем, a сиреч трех лиц, яко единого существа не разделяем.... на полях: «Сиреч, не смешиваем». (л. 219.).

Против слов текста: те вервелу и веру повелевают.... на полях: «Те блядословили аки бы вервил бог неякии был во осмом небе». (л. 224).

Против слов текста: назареи убо Христа Иисуса Божиа сына исповедуют, а закону послушни во всех.... на полях: «Сиречь, ветхому закону яко Моисей предал» (л. 224 об..

Против слов текста: гермофродити от части всех вкупе рожденных быти глаголют.... на полях: «Сиреч, ани бы мели обое естество, мужеска полу и женьска» (л. 225).

Против слов текста: а июде божество полагают, и корею, дафану, и авирону, и еще вящей содомляном.... на полях: «Рекше июде сыну Ияковлю» (л. 226).

Против слов текста: алогите от нас наречении суть, еже Иоаннова евангелиа и апокалипси не хвалят.... на полях: «Алоги, толкуются бессловесные» (л. 228).

Против слов текста: то еже глаголют что и оби они.... на полях: «Рекше ерес тую ж держат» (л. 228).

Против слов текста: сына со отцем Христа глаголал быти.... на полях: «Рекше аки бы отец и сын Христос нарицался, а вся троица отец» (л. 228 об.).

Против слов текста: валесеи суть яко мню, те яже живут во ахате еже есть глава фиделфии арапскои.... на полях: «Краиня близ ердана» (л. 228 об.).

Против слов текста: або постановлением клирическим причащатися тех духа святого, яже святою водою очищаются.... на полях: «Сиреч, водою святою освещенною, в купели святого крещения» (л. 234).

Против слов текста: а нас егда бы бремя браку сложили, яко иноков приимовати, и блаженных вводити.... на полях: «И зде зрите православные, и стережитес того еретического узаконена яж дерзают пущати жены свои безвины законные и ходити во иноческое житие, таковое есть повелите тех презлеиших еретиков, а ни апостолскии а ни святых отец: яко о том пространней вам прежде нас написал Максим преподобный святогорскии инок новопострадавшеи о Христе о том же братии без правды» (л. 234 об.).

Против слов текста: родителем советуют, иже бы завоевали сыновом воспитание, и к ним все свое относили.... на полях: «Тому подобная ересь и у наших иноков лицемерных, и любостяжателных явилася (а не истинных) учат бо отцов и ужиков нерадети о ближних в роде (яже апостол рече, аще кто не промышляет о своих, паче же о ближних в роде веры отвергся, и есть горши неверного) но советуют и глаголют не давати рече имения, аще и убогим сродником, и давай к монастырю, а за то тобе умолят святые у Бога цартвие небесное: и так земли християнские уже знищили, иже военскии чин калик хужши учинили» (л. 234 об.).

Против слов текста: рабов бегающих от своих господеи, доброволне приемлют.... на полях: «Зрите иноцы осифлянские и герасимянские, и прочее и ужаснитеся, зане то еже исполняете, рабов бегающих со всяким крадением от господеи их приемлете сопротив правил седмостолпных сие творите, а тое зломудреное ереси наследуете» (л. 234 об.).

Против слов текста: паче же вертепы разбоинические, тех попалил и волцы от стада отогнал.... на полях: «Сиреч, обитания их попалил, а их от пределов своих изгнал» (л. 235 об.).

Против слов текста: уста твои тебе прелстили, и усне твои на тебе свиделелствуют, а не аз.... на полях: «Аки бы рек, како отмещешь крещение от самого Христа уставленое в нем же первородный адамл грех очищается: и к тому како может быти иже бы неодержимого величества духа святого низримая ипостась под чувство человеческое подпадала, и очима зрелася скверный ради твоея молитвы» (л. 236 об.).

Против слов текста: еже адама первого человека грехом был обязан.... на полях: «Сиреч плот адама падшего облек» (л. 237).

Против слов текста: яже в божественных писаниях ищут неякого искуства.... на полях: «Сия ерес в московской земли носится между некоторыми безумными, блядословят бо, непотреба рече книгам много учитис понеж в книгах заходятся человецы, сиреч, безумеют або в ерес упадают (л. 238).

Против слов текста: вещевства, ублаганиа, жребиев чудов и приносов назирания, чарования, и иных того же рода ложных басен наследуют... на полях: «Ублагание наричет тое егда бабы чаровницы або чаровники недуги шепчучи уговаривают або ублагают действием, и наветом и силою бесовскою». (л. 239).

Против слов текста: во истинну нань потребна есть иже бы случилася ему оная общая приповест, паки егда их вопрошаем.... на полях: «Празноси умножают беззакония, и душа паствится в таковых. И паки другая многую злость умножило спание и празность». (л. 241 об.).

Против слов текста: християно-катокгори и суть и нарицаются, яже егда християне единого живого и истиного Бога почитают.... на полях: «Сиреч излишне почитатели иконные, которые чтят святые иконы яко Бога, от великого неведения и заблужениа, паче ж от лености и нерадениа учителей церковных последнего века сего», (л. 241 об.).

Против слов текста: понеже божество, сиреч, существо, трикратно толкуется, неразделне во трех познанно ипостасех... на полях: «Сиреч, по лицам, а не по существу». (л. 244 об.)

Против слов текста: едина кождая с них ипостасеи, едина сын, ипостась, а не три, того ради трикрат святится, а не единова, або не два, обо четыре, обо не тмами... на полях: «Аки бы рекл, единои ипостаси не трикрат воспевается, аще бы кождои трикраты, деветекратно было бы пение а не трикратно, сего ради рекл, а не три рекше не кождои ипостаси по три крат». (л. 245).

Против слов текста: яко глаголем три человеки, и три сут яже свидетелствуют, вода, и кров, и дух, а трис чрез лоту, словесне за многократное... на полях: «Трис, сия грецкая пословица есть, бо у них множайше не складом ставятся, но единым словом под титлом, або иными знаки обыкновенными, пачеж елладским высочайшим языком пишуще, сиреч еллински». (л. 246 об.).

Против слов текста: был бы некто порочен, иже три святые существа, або три святые ипостаси заключает.... на полях: «Аки бы рекл, аще бы есмо глаголали три святые существа, многобожие вынурило бы ся аще ли единого божества едину ипостась, жидовствовати; но единого божества три ипостаси глаголати, благочестиво есть, яко истина евангельская свидетельствует». (л. 247).

Против слов текста: трисвятое убо оное никакоже нигде же, ни в якои повести святых отец обретаем... на полях: «Рекше тое трисвятое, иже бы кождои ипостаси по трисвятому воспевано, еже от проклятого петра гнафеуся точию обретенно». (л. 248

Против слов текста: отжени от мене смерть сию, смерть в том медяном конобе аще бы кто сие рекл... на полях: «Сие уподоблениа ради рекл зде, a зри о сем в четвертых царских во елесеи пророце. (л. 248 об.).

Против слов текста: а силы едино ипостасны, неразделны ото отца, от него же и в нем же суть... на полях: «Сиреч кождая с них во единой совершенно ипостаси рекше по еднои ипостаси имеюще, неразделне: аки бы рекл, аще бы едина кождая с них разделялас на трое, был бы 9, а не три, або пение аще бы возлагалос кождому по три свят, было бы какоже деветекратно». (л. 250).

Против слов текста: ибо не сила отча в нас сын со стоится, ани слово или мудрость... на полях: «Аки бы рекл, аще родимся мы ото отца кождыи с нас, уже сила в нас отца нашего не владеет, ани дух отчь, ани матерни, но сами собою воспитани будуще владеем, и прочие, в бози же не тако, но яко на преди узриш читаючи». (л. 250).

Против слов текста: паки полагают святого епифаниа от того еже о святои богородици, блаженна в женах, слово от тебе воплощенно, родяще слово отча сына... на полях: «Рекше еретицы на свидетелство собе епифанаа приводят, або полагают писаниа его, развращение их толкующей». (л. 251).

Против слов текста: окресть стоящих в крузе рабов, достойнеи он мающе превышние силы... на полях: «Сиреч, обстояще его во окрест херувими». (л. 253).

Против слов текста: ибо ани зрением, ани провидением разделниного отто отца и сына и святого духа Исаия пророк... на полях: «Рекшее несть разделенного ани пениа ани хвалы, в существе и господстве божии». (л. 255 об.).

Против слов текста: приложити к тому слово и сие во светои луторгии телете божественных тайн, потом глаголати люду трисвятое пение.... на полях: «А тое оелете у греков различне разумеется, ово ко ереиству, ово жертва, або приношение, ово празницы великие, ово тайны: и херотониа священическая; от вещей же предреченных и последующих удобнее вырозумеется к чему пословица сиа приата была бы и знаменована». (л. 259).

Против слов текста: сего ради сын и дух: едино ипостасное схожение, ибо ото отца, сына же, а не от сына, иже бы духь усть божиа слова обявленный... на полях: «Сиреч от единые отчи ипостаси, сын и дух, а не от сына дух исходен яко нецыи блядут». (л. 260 об.).

Против слов текста: прящеся убо таковые посрацыне, наипаче гнушателны суть и ненавидими... на полях: «Сиреч, гнутщаются зело мудрых христианов сарацыни, и иные языци яж держат, магметанскую ересь». (л. 261).

Против слов текста: они убо сарацыни повести сумнителные, глаголют сопротив нам... на полях: «Книги есть аристотелскиё, проблимата глаголемые, в них же сумнителные повести, вопросы в собе, або гадаша имеют, их же магметани зело держатся, спору ради упрямства их». (л. 262).

Против слов текста: ужели разумеешь иже Христос сугуб нарицается, един же ипостасю, понеже превечное слово Божие, и по приятию плоти неличное, ани естественное... на полях: «Сиреч не сугуболичное, ашбы рекл, другого лща и другие ипостаси не имел: ани естественное, рекше естества человеческого в божеско не пременил, ани божеского в человеческо, но сугуб естеством, а не составом Господь наш». (л. 262 об.).

Против слов текста: отвещаи неумре: уповающе писанию и указанно.... на полях: «Аще и умре плотию, но воскрес и жив есть». (л. 262 об.).

Против слов текста: понеже бы Бог повелел прегну содею преблудодеяние творити.... на полях: «Аки бы рекл, аще бы твои разум место имел то убо еще бы тому последовало». (л. 263 об.).

Против слов текста: a сие во утробе освятих тя, разумеи тую яже истинне породили сыны божии по свидетелству святого евангелиа.... на полях: «Сиречь купел поражающая, а мне видится реченно сие Богом ижь провидел Бог доброе его произволение по самовластию: купел же на духовный разум толкующе зело прилично». (л. 265).

Против слов текста: радость або мучения бесконечное, от чистые совести покои, человеческое достоинство, божию благость.... на полях: «Сиреч, яков был человек от Бога исперва создан, и по образу сотворшего его, украшен, и в породе райской посажден, и надо всеми тварьми яко царь возвеличен: еднова рад греха от рая изгнал, и во яковые беды неизреченне, пришель: потом милосерда ради и неизглаголанных щедрот, мирочистителною Христовою кровию откуплен, и избавлен; те все святые паметати советует на свое достоинство человеку». (л. 267 об.).

Против слов текста: потом с теми богомерские слученные еретические счепетания по чину положу.... на полях: «Зде зри, иж сие предословие показуется не на едину диалектику, но на все слова оныи яж фрагменты нарицаются, паче же всех остре сопротив еретиков борется яже слово о дву волях Христовых, и во другом яж о трисвятом». (л. 287 об.).

Против слов текста: понеж истность еще толкуют: истность, есть вещь сама в собе стоящая, и не потребующа другого ко уставлению.... на полях: «Ин по еллинскии, а по латине енс, по чески и по лацки истиность, а по руски истотност». (л. 289 об.).

Против слов текста: ему же потом мефодии и евсевии и аполинарии и в тридесяти книгах отвещали их же нарицают обронение, або отвещание сопропвником веры.... на полях: «Аполинарии не еретик бо он последи был по многих летех, а сеи прежде блаженныи и достохвалныи премудрый учитель и епископ христианскии, яж во старости уже, иулияна преступила обличил, и насмеял не стыдяся, такь прелютого цесаря огнем дышущего на християны». (л. 291 об.).

Против слов текста: речен порфирии багряные ради одежди, в ней же хождаше являюще великородие свое, а первее малхусом перечень был.... на полях: «Того сквернрго безверника малхуса зде имя вложих, не того ради иже бы достоен был, в той священной книзе быти, но дву ради вин? а) иж святые не гнушалисе от них учитис и исчерпати добрые и естественные первородные доброты благолепия, б) иж тую так велжую и мудрую вещь написал, дамаскинскии, яко превосходныи философ, такоже ко ученному и искусному козме епископу вкратце, и яко ведущий к ведущему, во уме мающе пространне, писанием же изложил вкратце. А аз сего ради древо сие вложил, да мало пространнее будет и явственеише, нам не зело искусным и пристрастии объятым». (л. 292).

Против слов текста: и то уставляют, а случая окрест неразделного.... на полях: «Сиреч существо». (л. 398 об.).

Против слов текста: яко все воистинну, яко той глас, пес... на полях: «Еквивокум, нарицается что единым гласом речется, а много в собе замыкает вещей» (л. 301).

Против слов текста: ибо не един человек зверь разумный, но и ангел, и не пременяется.... на полях: «Сиречь, ангел не пременяется в зверя, або в животное, но человек душевный разумный относится по душевному и чувственному к животному понеж человек есть смертен, а ангел бессмертен, а сего ради непременяется» (л. 303).

Против слов текста: душевное на чувственного зверя, и на бесчувственного, губа, и присада... на полях: «Губа и присада аще и не имееть чувъетва обаче ростут». (л. 310 об.).

Против слов текста: понеже оное паче подлежав случаю ко бытству, а не оно в другом имеет бытьство.... на полях: «Рекше, но само в собе». (л. 311 об.).

Против слов текста: третее, яко ани цело рожденно имети род, яко глаголем мети готовость немотующее ко мусикии, а фигового древа никакоже.... на полях: «Сиречь, отрочатко малое аще и неглаголет, а всяко в собе имееть от Бога вложенную силу и готовость ко воспеванию, и ко другим искуствам: когда же? Егда возрастет, або лет досягънет, тогда может аки на уготованное естество написати, рекше, научитися». (л. 325).

Против слов текста: подобает ведати показание быти лоики рассмотрения.... на полях: «Лоика нарицается або беседование, або неявных от ложных рассуждение». (л. 330 об.)

Против слов текста: и аще обретенна была бы едина от непреборимых ложная, або замкнение, род уловляющим свидетелством есть, а не силогизм.... на полях: «Паралогизм, а по латине капцыо за аргументацые або конклюзио фаллякс, або децепцио пер фалсас опинионес, а по словенску подуловляющее свидетельство». (л. 331.).

Против слов текста: прилужность есть, яж с предословия искореняет речение антипарастазис, еже приемлет глагол аки истинныи, а показует еже ничтоже тщетно ко непреборимому... на полях: «Фигкура, або образец дамостенов, имеюще исповедание всякое совокупленно з болшим прением». (л. 332).

Против слов текста: лемнацыон есть, яж приято есть яко исповеданное ко приготовлению некоторого.... на полях: «Приятое исповедание». (л. 332 об.).

Против слов текста: яко парменидосов глагол, понеж едину глаголал истотность... на полях: «Парменидес фиософ ксенефонтов ученик и друг, от которого имени платон беседу яж о идиах писал парменидом прозвал, тот мнил все быти вечно, и недвижимо: что бы было истотность по неявной вещи ибо толико быти просто, и небоящееся, и нероженно, а рожние оных быти ложным мнением видятся быти егда ж не суть. А чувства отлученны ото истинны непщевал, понеж утвержал аще что ест паче истотности сие не быти истотность, ани истотность не быти в вещах. А еще собе неточность в живущих составлял: а землю разлеишим аером спадением сотворенну быти блядословил». (л. 332 об.).

Против слов текста: яко ераклия понеж все вещи движутся.... на полях: «Мудрец един который всегды плакал, еликократ исходил з дому». (л. 332 об.).

Против слов текста: пребывает убо по созданию место... на полях: «То что соделанно». (л. 333).

Против слов текста: делати нарицается в них же не пребывает дело, сиреч, апотолезма, яко в пискающим и во скачущем.... на полях: «Апотолезма, сиречь, елико аще небо с совокуплениа звезд; и от возрениа общего в нароженном часе всякого управления, сие уподобляет дамаскин блядословие звездочетское во писканию, або ко скакание иже есть несуще и не потребно, яко рожение под часами и жребиа и урочаща, и щастя, и пророчества от звезд, и тем подобные, понеж сие все умышление сатанинъское, от волхвов изобретенно, а не от сифа праотца». (л. 333).

Против слов текста: епиноиан, сиреч, выразумление, строка глагол сугубый, назнаменует.... на полях: «Обходы, або ликованиа…. елнины нарицали, одоление ради получениа». (л. 333).

Против слов текста: зде же акибы епенноия неякая и епинтимизис есть, совершенную вещи и неразделную або явную распространяюще.... на полях: «Епинъноия, и епентемизис, во среду слова вложение ливры, або силябы, абы была числом силяб должавшее глаголание» (л. 333).

Против слов текста: а таковыи есть центауров, и сиринов, и троеляфов басни смышлены.... на полях: «Люд о них же поетове пишут: акибы на полы человек был, а на полы кон, подобно того ради иж на конех битвы первие началися.

Див морскии образом девица будуща по пояс, а прочая рыба, поетове затевают три быти дщери ахелиовы, яж прекрасным воспеванием человек прелщают, сиречь, усыпляют и потопляют, им же имена были, парфенове, лигие, и леукозиа.

Звер есть в фазе реце плодящеся, браду козлову мающе, а во прочим еленю подобен, откуды смешанно с еленя и козла». (л. 333 об.).

Против слов текста: смешание або умерение нарекли, або в купе рождение.... на полях: «Понеж душа вкупе с телом раждается». (л. 334).