Br
Брестчина
Производит · Предлагает · Приглашает

Приложение II. Примечания князя Курбского к переводу творений Иоанна Дамаскина, часть 1, с. 88-99 приложений: современная орфография

Замечания и «сказы» на полях рукописного перевода творений Иоанна Дамаскина с указанием листов рукописи и словарь сопоставлений: слово текста и его толкование на полях. С. 88-99 приложений. Текст в современной орфографии.

(Издается по рук. Моск. Рум. Мус. XVII в., № 193)

Против слов текста: ведати убо подобает нероженного гомонимум быти.... – на полях: «Сказ. По кгрецку гомонимум, а по римски, еквивокум, а по словенскиж ни едино знамянующее, a сие диалектицки глаголет Дамаскин» (л. 12).

Против слов текста: а яковыи был бы образ различиа никакоже.... ‒ на полях: «Рекше ведаем никакоже» (л. 14).

Против слов текста: кождый бо с них есть имеюще душу разумну и смертну.... – на пол.: «Сказ. Рекше, разрешителну от тела, до времени воскресения: а не яко епикурияне глаголют ищезателну» (л. 15).

Против слов текста: а зло благости, и существа не бытие.... − на пол.: «Сиречь хужше и недостоинеи зло благости а существа небытие» (л. 21).

Против слов текста: подобает ведати иже Бог ничесоже терпит, и весь вездесый.... − на полях: «Сиреч, никим же бывает обемлем a ни удержим» (л. 22 об.‒23).

Против слов текста: и век един вси веки содержащии.... − на полях: „Сиреч, вес настоящии век от созданиа мира, аж до скончаниа” (л. 27).

Против слов текста: ибо не плотски по естеству преобразуются, a ни имеют три образы величества.... − на пол.: «Всякое бо тело три образы величества имеет сиреч, долготу, широту, толстоту» (л. 28 об.)

Против слов текста: с тех ангельских сил, та, яже старейшинство имела над земным чином.... − на полях к сл. «та»: «Сиреч сила» (л. 29 об.).

Против слов текста: ибо те от земли и воды, воздуха же и огня повелением создателя быша.... − на полях: «Сиреч, те от подлежащее вещи» (л. 30 об.).

Против слов текста: окрест воздуха отовсюды огнь, а вне всех вокруг быти небо.... на полях: «Сиреч, около всех четырех стихий» (л. 31 об.).

Против слов текста: оно само быти зело тончайшего естества, яко бы дым.... на полях: «Сиреч, еже последнее к высоте» (л. 31 об.).

Против слов текста: афрадитию убо глаголют некогда денницу, некогда вечерницу.... на полях: «Денницу глаголют егда пред солнцем восходит, вечерницу ж по солнцу заходящую» (л. 31 об.).

Против слов текста: обычай убо божественному писанию есть, воздух небо нарицати, понеже зрим его к горе.... на полях: «Оранос еллински, а по словенски горезрениа» (л. 32 об.).

Против слов текста: аще и сем кругов за сем небес разумети восхощешь, никакож истина в правде умалится... на полях: «Глаголет, аще седмъь кругов сиречь, седм путей по них же планеты благочинне по божию устроению, шествуют, которые круги, албо пути, учители церковные, вси во едином небеси, рекше, в тверди быти разумеют. никако правда умалися, и сице по божественному Павлу три небеса имети будем, сиречь, первое небо небесное, потом твердь, последиже воздух, бо и то писания небом наречет, як зде Дамаскин свидетельствует» (л. 32 об.).

Против слов текста: Тем светилам первородную светлость создател вложил, не иже бы потребовал другого света, но иже бы неправеден свет он был... на полях: «Сиреч, яж прежде сотворениа светил, во трех днех светил без солнца и луны, и звезд, ботев четвертый день сотворенни суть» (л. 34).

Против слов текста: с тех светил, седм планет глаголют быти, и поведают их против течения неба своим движением тещи, сего ради и планеты, сиречь, блудящие нарицаются... на полях: «Блудящие сего ради нарицаются, иж овогда поправу солнца, овогда полеву грядут, не яко солнце, яж под единою чертою ходить, которая черта еклиптика нарицается (л. 34).

Против слов текста: а нощи под землею заходяще и другим светилам уступующе вечер составило.... на полях: «Сиреч, солнце другим светилам уступует як, месяцу и звездам (л. 35 об.).

Против слов текста: родятся убо часто и кометы, и знамяниа неякое во смерть царей.... на полях: «Кометы звезды хвастатые, або тем подобные» (л. 36 об.).

Против слов текста: обретается сопротив чрез глубокое центро солнце под землею, а луна на земли.... на полях: «Центрум, есть точка малая среди самые земли» (л. 37 об.).

Против слов текста: поставленны суть и многие пучины, горы, островы, потоки, и пристанища имущи различные лимени и акты... на полях к сл. «Лимени» – «пристанища посолньи», к сл. акты – «Акты к каменным горам пристанища» (л. 38 об.).

Против слов текста: откуды и облаки составляются, и облаки родятся, и исходящей сладкой воде.... на полях: «Сладкая вода из моря вытеглемая от солнца, обращается во мглу, которая приидет в среднюю часть воздуха, тамо от студени аера, згущается, и расстопляется от солнца, албо от других звезд, и бывает дожчь» (л. 39).

Против слов текста: яко человек чувственный купно и разумный сотворен есть, так же и его святое место... на полях: «Сиреч рай» (л. 42).

Против слов текста: был яко другии ангел и тем питался... на полях: «Сиречь зрением божественным» (л. 42 об.).

Против слов текста: Дивный есть разум твои мною, сиречь моим существом... на полях: «Hи в единой бо твари еще удивлен есть разум божий, яко в человеце» (л. 43).

Против слов текста: не в божество убо прилагаему в божие существо, но божественным осиянием... на полях: «Сиреч, божествен будет» (л. 44).

Против слов текста: бесплотна же и невидима, и необразна на двое разумеваем, ибо оные по естеству а те по благодати, на полях: «Сиречь, телесные с чувствы по естеству, а по благодати разумные, бессмертные, и бесплотные, рекше душа умная, и словесная, и совесть» (л. 44 об).

Против слов текста: а которая убо не есть послушна, и которая не препирается словы, животная есть, которая токаемая нарицается... на полях: «Сиречь, егда руку ко сердцу приложишь, токает, сиреч биется, албо жилы биются, и аще бы им заповедывал незнают, а ни слышат, бо сиа часть животная, рекше, садовная, далеко от словесные части души: а средняя часть души, сиречь, еж душевная нарицается сиа покаряется умной и словесной части души, понеж ближайша к ней» (л. 46).

Против слов текста: и семенная, родная, садовная, и растителная, и изыидет плоти сия бо не словом устроятся, но естеством.... на полях: «Сиреч умножает плоть» (л. 46.).

Против слов текста: потреба убо ведати, иж мы зде добро мняще и истинное благо, а еже мнится добро, разумеваем також и зло... на полях: «Сиреч, не теми нижними частями души, сиречь, садовною и душевною, но разумною частью розмышляем, и рассуждаем» (л. 46).

Против слов текста: ибо изобижени, албо мнимся изооижени быти гневаемся, и бывает убо смешанно сие возмущение, с вожделениа и гневу, особы убо гнева три: гнев яж нарицается колерою, албо желчию, запаление и ядовитост... на полях: «Гневу полагает три особы, албо трикратен. Первый, ира по римски, гнев по словенски, а прикладается таковый гнев, клену воспаленному, албо к изгребьям, иж прудчайше и зелне возгорается, а скоро и угасаете. Другий гнев, иракундия, нарицается, уподобляется огню в железе разгоревшемуся, егда разгорится долго в железе горячесть его и теплота бывает. Третьяя особа гневу, инфенсио нарицается, сие уподобляется огню в трудовой губе вверженну, в неякие вещи сокровенне и неявне горяще, а сущим имже каснеться еси истребляет, понеже обоих тех горшей, должайше пребывает неугасающе» (л. 47).

Против слов текста: ядовитость убо гнев есть, время ко отомщению сохраняюще, оттуды реченно грецкою беседою котос от лежаниа... на полях: «Сиречь, иж внутрь лежит положенный гнев, албо злость на отомщение» (л. 47 об;).

Против слов текста: того яж не препирается разумом силы суть, растителная и подобная ей приростающая и токателная.... на полях: «Того албо сиреч, тое части души, иже веетатива, по римски нарицается, а по руски помножателная, которая в садех и в зелиях» (л. 47 об.).

Против слов текста: сила выображающая, сила есть часта души бессловесные, которая делаеть подпомоганием чувств, которая и чувством нарицается... на полях: «Сиреч, от внешних ко внутреным, яж имеют свои поставленные чины, втайне сокрыты» (л. 48).

Против слов текста: и див оных яж помышляла, и тех яж вырозумела в целе сохраняет, нарицает паметать.... на полях: «Сиреч в памети имети» (л. 50).

Против слов текста: сила убо помышлятелная чрез чувства вещи объятые поручает совестной и мысленной части (едиаковы убо обе совестная и умная суть) которая приимующе и рассуждающе, посылает во силе паметной... на полях: «Приимуще, сиречь помышлениа от сердца исходящие от животные части души чрез послы, рекше внутренние чувства: и познавши и вырозумевши, и рассудивши, и постановивши ко управлению, посылает к памети на дела исполнение» (л. 50 об.).

Против слов текста: но несть печал тое терпение, понеж егда нечувственне терпят не скорбять.... на полях: «Яко вода греема, земля орома, и древо посекаемо, сиречь нечувственны, сего рад терпят без скорби, албо без болезни» (л. 51).

Против слов текста: а в чловецех убо имеющих разум, бывает вящеи ведено естественное желание, нежели водить, свойственною убо волею и разумом движется.... на полях: «В разумном, сиречь в человеце вящей управляет и водить воля с советом и разумом нежели водится, албо водима бывает от естественного вожделения бессловесные части души» (л. 53 об.).

Против слов текста: а всяко по существу соединенна богу слову всех ведание имел не любовию [но яко реченно есть] соединениа ради во едином подлежанию. на полях: «Сиречь не яко любя пророков бог отец дал сыну своему ведание всех, но все ведал, яко отцу единосущный и всесилный» (л. 54).

Против слов текста: а иже убо ипостаси нераздельны сут, едина воля, и едино движения трех ипостасеи в человецех убо иже едино естество….. на полях: «Сиреч, никогда ж разделяются едина от другие [аще бы сице возможно реши, немощи ради уподобление незримому и недомыслимому божеству] яко ж солнцу совечны суть луча и теплота, ниогда ж разделяются, ани быти едино без другого может: сице и в пресущественнои троици разумей» (л. 54).

Против слов текста: ко брашну убо вожделение, хотение: само убо брашно воли обятия... на полях: «Сиреч, хотением нарицается» (л. 54 об.).

Против слов текста: а вторыи возможностю согласует с первым обычаем дела... на полях: «Сиреч, совершенным» (л. 56 об.).

Против слов текста: а которые обнажают Бога, не заисте зрю яко Бога самого нарицают его быти человеческо... на полях к сл. обнажают: «Сиреч обнажают Бога еретицы овые блядут не приемше Бога Слова совершенного человечества, сиреч души словесные и разумные». И ниже, к сл. человеческо: – «А овые простого человека нарицают, божества отлучающе его» (л. 56 об.).

Против слов текста: тёх всех яж бывают, албо Бога глаголют виновна суща, албо нужду, албо мармению, албо естество, албо щастье, албо самобытие... на полях: «Сиречь, урочище неотменное, блядут звездочеты от перских волхвованей навыкши, а не от истинные астрологии» (л. 58 об.).

Против слов текста: ани по самобытию: ибо в бездушных и бессловесных напасти самобите... на полях: «Сиреч, по случаю самобытия, летающе птицы, и ищуще пищи случается в сяко впадати, ибо каменю з верху упасти, и мимо идущего человека уразити, и тем подобные» (л. 59).

Против слов текста: недостает же того делающего и творящего человека началником быти своих дел и самовластием... на полях: «Аки бы рекл, началником будущи властелем есть человек всякого дела доброго, а недостает ему совершенну быти, и дела добрые совершати без божии благодати, яко присадке рости без корени и матицы невозможно: а сего ради яко не подобает нам возлагати и усвояти собе, аще и исполняем дела добрые, да не возгордимся, но божии благодати». «Також и не подобает возлагал на Бога аще что зло делаем, самовластаем бо по произволению исполняем [сие бо хула презлейша есть] понеж Бог человека сотворил на добрые дела». (л. 59).

Против слов текста: егда бы в нас не было деланиа, пачеж тех их же последуете похвала и хула, и в них же есть одоление и закон... на полях: к сл. одоление – «побеждение», и далее: «Сиреч одоленну быти от неподобных помыслов». К сл. закон – «Албо твёрдо стояти в законе господни» (л. 59 об.).

Против слов текста: словесного убо ово зрительно, а другое делателно есть зрителное убо по уму, понеже суть сущие; делателное ж по совету яж ему управляеть делом правое слово... на полях к сл. зрително – «Сказ. Ум человеческии, мудрые на двое разделяют, едину часть зрителным нарицают, который к чувством ничесож имееть, но о Бозе помышляет, и о бесплотных силах мечтает також и о созданных вещах и о животе будем мыслит». К сл. делателно: «А другую часть ума делателным нарицают, которы чувством ближайшии и помыслы сердечные, яко чрез послы внутрених чувств приносимые, рассуждает, и управляет, и в дело производити повелевает» К сл. сущие – «Рекшие сущеи сущих зрить, сиреч нетленно и ум, нетленных» (л. 60).

Против слов текста: a если сие понуже пристает ко словесному самовластное ибо несть словесно... на полях: «Аки бы рекл, аще бы было по нужи, яко нецы иглупают, иж родился онсица человек таков, и под таковою звездою, албо в такии час, не возможно уже ему пременитись, таковым Дамаскин насмевается обличающе их безумие, яко читающе вырозумееш разум православие» (л. 60 об.).

Против слов текста: но человек егда мыслен есть ведет паче естество, нежели водим бывает,.... на полях: «Ведет прирожение, ибо естество, нежели от естества ведется» (л. 60 об.).

Против слов текста: подобает убо ведати, иж ангели словесны сущи, и самовластны: и яко сотворенни неизменни.... на полях: «Сиреч во тление не прелагаются» (л. 61 об.).

Против слов текста: Хто сице, (на полях: «таков»), един Бог есть естеством, благии и премудрый.... на полях: «Сиреч, хто ему подобен, ни хто же равен силе его» (л. 60 об.).

Против слов текста: альбо от данные ему силы благодати в гордость не вознеслся, яко в Павле... на полях: «К коринфом, во, в, трикраты Господа молих да отступит от мене, и прочая» (л. 62).

Против слов текста: тогда убо предается в конечную погибел, яко Июда: пощади нас Боже и избави такового оставлена... на полях: «Яко и фараон, казни на Египет наведенные и чудеса божии презрел и сего ради ожесточитися ему попущенно на конечную погибел в наказание иным, иже бы сему подобны бесстудием необрелися сопротив Богу» (л. 63.).

Против слов текста: предуставляет убо те яже не в нашей силе есть по предувидению своему. ибо по предуведению уже предизбрал все Бог по благодати и правде своей.... на полях к сл.: не в нашей силе, – «Аще и всими силами потщимся завидящи равни быти святым возвеличенным и прославленным от Бога, не возможем: яко Иосифу некогда завидяще братия»; к слл.: по предувидению своему, – «Предъизбрал бо его Бог провидяще доброе его изволение, по естеству, a тех лукавое против естества» (пояснение: «чрез естество» л. 63 об.).

Против слов текста: сотвори от него жену помощницу ему: помощницу убо потому иже бы рожением роду по преступлению было бы сохранение от роду.... на полях: «Сиреч иж бы род человечьскии не извелся и до конца не исчез» (л..64).

Против слов текста: на земли плотию ходяще, а душею со ангелы общаяся в божественном познанию дел, и тем питашеся, наги простостью, и житием без кознеи, к единому создателю творении восходя: и своим водением сослажаяся и увеселяяся а егда убо самовластии естества его преукрасил дал ему закон.... на полях: Прекрасен бо бе зело сотворен был и в нетление бессмертия оболчен,. сего ради собе своей красоте удивлялся, и ею увеселялся: тую то доброту первородную и сияющую паче солнца, Христос по воскресении приял, рекше, плоть свою в нетление и бессмертие облекл, что был Адам прежде преступлениа ради погубил, сие он страдания ради взял... на полях: «Сиреч, тварем удаляясь от Бога сотворенным, острозрителен бо был в нетлении будуще адам, и ведяше во всяком бытстве естественную силу» (л. 64).

Против слов текста: понеж он нетления ради по падению произволениа отпадение во зло непокаянное и не извратное имел.... на полях: «Сиреч, сатана со бесы его» (л. 64 об.).

Против слов текста: якоже паки ангели по произволению и доброти собору в доброе благодатию не поколеблемое утвержение имеют... на полях: «Сиреч, познавши творца своего, произволили во своих служебных чинех стояти во смирению, не вожделеюще равни быти Богу» (л. 64 об.).

Против слов текста: понеже среднии Богу и вещи быв сохранением завета, по высвобождению и еж ко вещи естественного люблениа, единый беспрестанно Богу по обычаю о добром утвержении прияти непременно хотяше... на полях: «Рекше, среднии между Бога и вещи создан был адам, сиреч, между тления и нетления, и попущено его произволению искуситися если послушен Богу был бы, и не вкусил от заповеданного овощу, и аще бы устоял во своем чину, не желающе равен быти Богу, дарован бы был вечным нетлением, яко и ангели. Инако: Средни Богу и вещи быв, аки бы рекл, нижши Бога а вышии вещи, рекше, вышши всякая вещи созданный [понеж надо всеми царем постановлен был, токмо единому Богу послушен] ибо всякая вещь от четырех стихии сложения яко и тело наше с чувствы, и аще бы послушал Божии заповеди, а не совета змиина и жены, был бы по благодати Бог, сиречь, бессмертием и нетлением бесконечным украшен, а еж вожделен вещи нижшие собе, подпал волею тлению, и сам на ся навел смерть, и в правду осудился в землю рассыпатись от неяж создан бысть, яко и всякие вещи от чего созданны, в то и рассыпаются». (л. 65.)

Против слов текста: а про то Божиею надеждою ложне прелстил окаянного человека, и приводяще его к гордости своего презорства, ко подобной пропасти привел све погибели... на полях: «Сиреч, шептал ему вселукавыи, будете яко боги, рекше, равние Богу в силе и в величестве, он же уверя ему, надеявся сие достигнути, и не токмо не получил, но и бессмертия лишился, и нетлениа красоты обнажен бысть. (л. 65.)

Против слов текста: и одеявшася злом, подвизанныи ко житию терпкостью [сие бо суть листвие смоковное] и облекшись во мертвенность и в дебельство плотное,... на полях: «Сиреч, терпкостью и горкостью исполненному, или бедами и скорбьми всегдашними». (л. 66 об.)

Против слов текста: и нам бывает образом послушания, кроме же его несть удобно получити избавление... на полях: «Сиреч, послушания» (л. 67 об.).

Против слов текста: ани от божественного своего естества, и тоеж приял человеческое естество, едино естество совершил сложено... на полях: «Сиреч, есть совершен Бог и человек, Божества сан во своем естестве соблюде, також и человек совершен бысть Господь наш Иисус Христос» (л. 69).

Против слов текста: ани Божие естество от своее простоты отступающе, ани человеческое воистинну в Божие естество измененно.... на полях: «Простого, албо простоту при Бозе нарицают богословцы, иже ото всех изъят и прост, рекше никим же объемлется ани сложен от чего, но сам паче объемлет всех и содержит» (л. 69).

Против слов текста: бо ани оное з Божества сложенно и с человечества, ани в Божестве будет.... на полях: «Сиреч, тело Христово» (л. 69).

Против слов текста: егда убо едино нарицаем человеческого естества, ведати подобает иже не обзирающеся на душу и тело сие глаголем [понеж не удобно единого естества душу и тело глаголати вкупе сровнанны] но иже многие бытие человеческие суть, а все единым чином и толкованием приемлют естества.... на полях: «Не обзирающес, сиреч, не тем образом глаголем во Христе смешанно быти вкупе человечество з бозством як человека нарицаем сложенна быти от души и тела, но в едином лице албо составе, два совершенные естества и воли имети» (л. 70).

Против слов текста: во Господе убо нашем Иисусе Христе, недостоит общего образа приимовати: понеже ани сотворен тьи яков есть, ани есть ани будет другии Христос з божества и человечества, в божестве и человечестве Бог совершенный також и человек совершенный.... на полях: «Сиреч, недостоит уподобляя простому человеку, яко нестории рекл, и подобные ему, албо недостоит простого человека образ примовати, понеж. Христово паче человека, и зачтие и рожение: и соединение, рекше, Божественного естества и человеческого во едину ипостась» (л. 70).

Против слов текста: а смертное пребывало смертно, а бессмертное бессмертно, а описанное описанно, а неописанное неописанно, видмое видмо, а невидимое невидимо.... на полях: «Сиреч, по совершенному человечеству, умре Христос за человеческий род, а Божество неразлучне бесстрастно пребывало не яко магмет глаголет, иж бы обморочил Господь жидов, и вместо его иуду распяли, також сопротив сему блядославят севвир и подобные ему, иже бы со Христовым телом вкупе и божество терпело, албо умерло, но Бог плотию умер, а божество бесстрастно пребывало неотлучне» (л. 71;.

Против слов текста: понеж оные суть те яж святые его плоти суть, и подает телу свое по пременному поданию естеств ради в собе вкупе приступлениа и обитаниа, и по единои ипостаси совокуплению на полях: «Зри в последних толках, иже пременного глаголет его, рекше различного, розных ради естеств, яко узришь достаточне в последующих» (л. 71).

Против слов текста: а иж един бе и тот же, яж божеское и человеческое исполнял во обоем чину, един з другим сообщением.... на полях: «Сиреч слово с плотию, албо Бог с человечеством» (л. 71).

Против слов текста: и сын человеческии сын на небесех быт исповедан, яко сам Господь рекл.... на полях: «Сиреч, яко к никодиму рекл, никтож сошедыи со небес, токмо сын человеческии иже сын на небесех» (л. 71).

Против слов текста: а яко бы ся сохранила различность несохранивши тех яж вкупе различие имеют? ибо различность розных ест различность.... на полях: «Сиреч Бог нетленныи и невидимыи, и недомыслимыи по божеству, во своем сану и достоинстве величество свое соблюде, а человек веществен описан, страдален своиство свое соблюде, то есть ровность различных» (л. 71 об).

Против слов текста: глаголем оного быти соединенного ко последним: по божестве убо Отцу и святому Духу: а по человечеству и ко матери и к нам.... на полях: «А ко последним, сиреч, откуды изыиде, рекше, ото отца по божеству, яко Бог от Бога, от матери яко человек от человека, посему бо и сам сын человечески наречеся» (л. 71 об.).

Против слов текста: различного его исповедаем, и от Отца и от Духа святого, и от матере, и от всёх человеков случают бо ся естества его во ипостась, едину ипостась сложенну мающе, по которои есть различныи и от Отца и от Духа и от матери и от нас.... на поолях: «Сиреч различного и от Отца и от Духа, приятия ради вещественные плоти, юж взял от пречистых. кровей и матерних, а различного от матери глаголем, иж Бог слово неописанный, и мысленный, и необемлемыи, и вся содержащеи, вес вселыся во утробу деевичу неизреченне, и изыиде от матерних ложесн, во единои ипостаси сугуб естеством, а не составом, потому и нам различен, иже николиже таков другии Христос явился ани будет» (л. 71 об.).

Против слов текста: а некогда убо от самых превышних, а некогда от самых нижних, понеж един есть оно и то вкупе будуще: оно убо, присносыи не без вины ото Отца, а то, последи человек бысть щедрот ради и милосердия ко человеком.... на полях: «Оно, единосущное и превечное и присносущное отцу божество его глаголют: а то, рекше, человечество, единоестественно, и подлетно, и сродно матере, понеж от пречистых кровей ее заимствованно и созданно неизреченне содеиствием святого Духа» (л. 72).

Против слов текста: потому же можем глаголати и о Христе, се Бог наш иже на земли явился, и со человеки поживе, и человек сеи несотворен есть, не страдалныи, и неописанный... на полях: «Не иже бы по человечеству неописан, и не страдален, и не сотворен, но еже по божеству, сиреч, единые ради ипостаси глаголем еще, понеж в единои ипостаси Бог и человек Господь мои Иисус Христос» (л. 73).

Против слов текста: також и в божественнои и в неизреченнои и ум всякии и постижение всякое превосходящим устроением единого от святые троица Божие слова.... на полях: «Сиреч, во ипостаси або в составе тёла Христова» (л. 73).

Против слов текста: соединенны, яко что сщет: ей пятьдесят каменей имееть: разделен вы яко когда пятдесят каменев лежит на том полю... на полях «Аки бы рекл, аще положить пятдесят каменей сочетши вкупе, пятдесят обрящется, ани боле ани мнеи, аще ли в том же сщете разделиш, негде на полю един от другого разлучивши, також обрящется: сице и во Христе разумеи два естества не разделне, ани смешенне, ани изменне, иже бы едино в другое смешалося, рекше, человечество в божество, яко еретицы мнят? Но воистинну яко церков вселенская мудрствует, во обоем существе своиства целы сохранятис, сиречь, в совершенном божестве, и в совершенном человечьстве, яко напреди узрише его, другим образом толкующа» (л. 74).

Против слов текста: егда же терпит едина ипостась все существо, аще ж терпела ипостась, терпением нарицаается во единои самой ипостаси, а всяко не потреба иже бы вси единого лица ипостаси вкупе терпели со ипостастью терпящею.... на полях: «Аки бы, рекл, всему божеству досада, и наругание было, егда сыновня ипостась на кресте плотно мучима и досажаема претерпевала от богоборных жидов» (л. 75).

Против слов текста: ибо никакож сообщался отец и святыи дух во человечению Божие слова, но по приятию и воли... на полях: «Сиреч, все живоначалиые троицы волею прияло и одеялося плотию, едино от тех трех ипостасеи слово Божие, избавляюще все человеческое естество, а отча ипостась и Духа святого бестелесны сут, но точию волею и благоволением избавлению человеческого естества виновни суть и причасны» (л. 75 об.).

Против слов текста: а иж убо едино с тех недоведомо животное несть человек.... на полях: «Аки бы рекл, аще бы не все совершенно приял человечество сын Божии, сиреч, с своиствы человеческими, не был бы чувствен и животен человек» (л. 75 об.).

Против слов текста: иже бы и сиа сносила божественного божие слова всыновления, явственным и различным свойством, по нему же различен есть от отца и духа... на полях: «Сиреч, по свойствам человеческого естества, различен ото отца и духа» (л. 77).

Против слов текста: и явственны и различны плотные свойства по них же есть рожден от матери и ото иных человеков.... на полях: «Рекше, родоначалников, их же святеишие евангелисты воспоминают, матфеи, и лука, сыном его по плоти нарицающе, адамовым, и авраамовым, и давидовым» (л. 77).

Против слов текста: еще к тому различен есть ото отца и духа, от матери и от нас по нему же есть вкупе Бог и человек.... на полях: «Тому слову изяснения разума ищи во предваршем слове, яж о дву естествах, почему различен ото отца и духа, от матери и от нас, и тамо узриш» (л. 77).

Против слов текста: а оно во истинну плоти свойственные славы привлачить: егда сама пребывает не терпяще, и свободно от терпениа плотного.... на полях: «Слиание зде глаголет, не естество божественное в человеческое смесившеея, албо человеческое естество в божество преложившеся, не неслиянне во обоих совершенных естествах, Бог и человек Господь наш Иисус Христос рожен от Марии, яко и последуеть. А оно убо плоти свойственные славы привлачить, аки бы, рекл, оно божество возлагает, имя божественное плотному естеству, не токмо живу сущу Христу по плоти, но и умершу яко ангел женам, рекл, идете и видите идеж лежа Господь» (л 78).

Против слов текста: убо аще солнце нам свойственные дела подающе, пребывает нашими неведомо, коли паче создател солнца и Господь... на полях: «Аще солнцу таковую вложил силу, теплотную и живителную, иж сияет на всякие места, на смрадные и на нечистые, тех иссушающе, а семенным и садовным, и прочим таковым силу живителную, рекше плодорастителную умножающе, а само ни в чесом же умаляется. Колми паче Господь солнца, аще и все человеческое естество на ся облек, наши иссушающе нечистые страсти, и просвещающе и плодоносны творяще души и телеса, а себе ни в чесом же умалил, и божеством ничесож человеческих пострадал, ани претерпел» (л. 78).

Против слов текста: понеж те суть яж к великости целои сочитаются.... на полях: Великость двояка, едина целая другая розна, целая под которою замыкается черта, и верх и тело. Черта, албо линия, в неиже точию долгость, яко локот и прочие меры. Верха, в которой есть долгота, и широта, яко стол, и прочие. Тело, в неи же есть долгота широта и глубина, яко сосуд неякии, и орех и иные таковые. Разделная великость в которой замыкается счет албо числение, а щет делится на трое. На полчастыи, которыи протезается до девети. На главнои, которыи считается десяторицами, сотницами, тысящами, третее. На сложеннои которыи, рекше, складывается главнои с полчастым, яко, к десетьма два приложишь, або иные таковые» (л. 78 об.).

Против слов текста: коим делом соединенни суть нечислятся. ибо не исповедуем быти по ипостаси дву естеств Христовых.... на полях: «Сие слово написал Дамаскин, глупства ради и бесстудая еретического, клевещут бо еретицы на церков глаголюще, иже бы глаголали двух по числу, понеж правоверные исповедуют Христа, в целом божестве, рекше, в совершенном, и в целом человечестве, и сего ради сие, рекл, оправдаючи церковь. ибо не исповедуем быти по ипостаси дву естеств Христовых (и прочие читающе узриш), но яко от невидимого и видимого, сиреч от души и тела сложен человек и не нарицается тако, точию человек един, аще и от дву естеств, також и Христос аще Бог совершенныи, и человек совершенный, не нарицаются от церкви два Христи, но един Христос по ипостаси» (л. 78 об.).

Против слов текста: a ни нехвалнои плоти его нарицаем, понеж хвалим бывает во еданого слова ипостаси которая ему ипостась бысть.... На полях: «Сиреч плоть слову» (л. 79).

Против слов текста: не рассеценна и неразделна, иже бы часть своего тому, часть ж оному уделяюще, но целая того, и целая оного, нечастне и суполне будуще.... на полях: «Аки бы рекл, не допущает, ани есть Божию естеству едина ипостась, а другая человеческому, но едина и тая же обоим: яко егда вода приемлет согреяние его ж пред тем не умела предприятием ее подлежала теплота, и егда прилучилася ей не погубила своего бытства, також и железо, аще во огню будет, не погубит своего существа, сими худыми уподобленнми, необемлемая божие тайна может быта неяко изяснена, иж ипостась слова Божие по приятои плоти человеческои немней пребывала ипостась слова Божие яко и предприятием бе, и никакоже приятием оным отпала або пременилася от именования ипостаси яж пред тем имела, яко и вода своего именованиа и существа: а того ради ани другого лица a ни четвертые в троицу ипостаси мнети и вводити не подобает» (л. 79 об.).

Против слов текста: глаголют убо иже церковную историю чиновне разложили.... на полях: «Сиреч, по временам и летам, описали достаточно» (л. 80 об.).

Против слов текста: а иже убо божество человек бысть, албо воплощенно, албо вочеловеченно, никакож слышахом.... на полях: «Сиреч, всее троици божество вочеловеченно, рекше, вси три ипостаси воплощенны? никакоже, акибы рекл, не буди то, иже бы так глаголати, албо исповедати, но едана Божие слова ипостась плоть прияла, яко и напреди сам являет, иже отец и дух никакоже вочеловечению приобщишася, разве чудесы и волею» (л. 83).

Против слов текста: а иж Бог выображается, сиреч, иж по существу чуждое сотворяет, еж по нас реченно есть... на полях: «Рекше рабии зрак на ся приемлеть и всесовершенно человечество и смерть крестную, то есть, еж глаголет чуждые чего пред тем не мел» (л. 83).

Против слов текста: ибо оное слово плот бысть почато от Девы, упреждающе и приятием Бог, и она уже от него обоженна яко бы тремя соделавшимися вкупе сопроизведением оного ко бытию, приятием, бытством, и обожением оного от слова.... на полях: «Упреждающе або находяще, сиреч, не первее плоть в Марии почата, но вкупе Божие слово облечеся в плоть, и бысть состав с тех дву един в совершение божестве, и в совершение человечестве, единого по составу неразделного, а по своиствам несмесного изведе Мариа, и того ради нарицается Богородица» (л. 85).

Против слов тексе: понеж зачатие слова, а плоти во оном слове пребывание, оно Божии матере неизреченне подающеи, в составление сотворителя, и во человечение Богу создателю всех, и обожающу что приял, вцеле сохраняюще свойства оные кои соединилися, таковы якобы соделалися.... на полях: «Сиреч, свойство Божества во своем сану, а своиство человеческое во своем совершенстве». (л. 85).

Против слов текста: а иж убо дву естеств едина его ипостась есть, едино и тоеже присооружаем и хотяще и делающе естественне, по обоим естествам.... на полях: «Зри блаженного сего и высокого мужа в догматех правоверна совершенное смиренне яко усвоение слово и обретает, не рекл, взаконяем, албо уставляем, но присооружаем, аки бы рекл, не новое от себе замышляем, но готовое апостолское и отчьское благочестие изъясняем, и сим уста еретических бреднеи зашиваем» (л. 86).

Против слов текста: сице и сщет существенно оставляюще при естестве воль и дел.... на полях: «Рекше, божества и человечества в совершенных свойствах» (л. 86 об).

Против слов текста: аще оные исповедаем составные другие хотяще другие делающе, трисвятые троицы ипостаси нарцати будем принуждени..., на полях: «Сиреч, аще бы Христовы воли были составны, последовало бы иже бы и святые троицы воли были составны, что есть хулно, понеж в божестве трипостасном едина воля» (л. 86 об.)

Против слов текста: ибо аще яковым обычаем хотети потому еже воли возлагается объятие воли.... на полях: «Сиреч, иж един есть Христос и тот же хотящий по обоем естестве равны будуще воли объяты от него, яко божеская, так и человеческая, чего хотела божиа последовала человеческая, а чего желала человеческая допущала божие» (л. 87).

Против слов текста: хотящеи убо есть яж содержит волю, сиреч, ипостась, яко петр.... на полях: «Сиреч, кождыи человек в своей ипостаси, сиреч в поставе тела его содержит волю, а не кроме человека воля ипостасна, яко в петре, и во всяком человеку» (л. 87).

Против слов текста: не иже бы тою единою хотел ею же естественне яко Бог хотел (понеж недостоит божеству хотети, ясти, пити, и тем подобные) точно соустрояющего естества хотел, несопротивным обычаем и волею, но со свойственных естеств.... на полях: «Сиреч, по совершенному человечеству» (л. 87 и 87 об).

Против слов текста: а иж бы человекови естественне была бы воля, отнявши оную яже божественная есть, оттуды будет явственно.... на полях: «Сиреч, еже чудеса различны творити и знамениа, и славу божества показовати равно мощну отцу, сиа была божественная воля, а не человеческая» (л. 87 об).

Против слов текста: мысленнои же и разумнои, доброволное и самовластное, аще убо по естеству есть колеблющему растителное и чувственному по месту движения, а того ради по естеству есть мысленному и разумному, доброволное и самовластное движения.... на полях: «Три бывают части зримы, ими же живот наш содержится. Колеблющася, всех нижаишая к вещи телеснеи присаждеина. Чувственная ж в животных бессловесных вышнее место имееть, их же вожделение естества ведет ко долу, в человецех же среднее. Мысленная же во человецех наивышша и предостоинеиша. Ко всякому же убо животу належит свое свойственное движения. К колеблющему движения разептелное. К чувственному по месту движение, рекше, им же бывает с места на место движим. К мысленному же животу и разумному дижение волное и самовластное по естеству, а того ради человек по естеству самовластныи и волю имеет по естеству ему преданную» (л. 87 об.)

Против слов текста: аще ипостасна, так иную хотяще ото отца будет сын: понеже к самои належащеи ипостаси, изявляет ипостасную.... на полях: «Зде Дамаскин еретиком единоволником уста заграждает, сиречь, аще бы была ипостасна воля сыновня, ина была отча, ина бы была сыновска, яко и ипостась в троице, что есть неудобно, иже бы человеческая воля кроме Христова состава была, паче же хулно есть» (л. 88).

Против слов текста: бог убо сын, Бог и духь святыи, того ради воля будет естественна.... на полях: «Рекше, едино Божество отца и сына и святого духа едино и естество, сего ради и воля естественна, сиреч, едина» (л. 88 об).

Против слов текста: еще к тому по отцех наших, их же воля едина, тех и существо едино и едина есть воля божества Христова, и вочеловечениа его: а сего рада едино и тоеже тех (божества глаголю и человечества) существо.... на полях: «Паки видится зде сопротив еретиков глаголати, их же воля, рекл, едина, тёх и существо едино, акибы, рекл, божества воля едина, бо и существо едино, а едина воля божества Христова, и вочеловечениа его полагал хулно есть, и неудобно: понеж известихомся существа в нем два, рекше божеское и человеческое, последует иже и воли две неслиянные» (л. 88 об).

Против слов текста: аще же послушаше, того его ж есть воля, есть повороте, а не того его же несть (бессловесные убо албо послушными албо не послушными не глаголем) и бысть послушныи Господь отцу, не почему Бог бе, но почему человек.... на полях: Всякии послушател есть покорен болшому, от него ж повеление приемлеть ко исполнению яковые буде вещи, а того ради не нарицается Бог послушателем, иже не имеет над собою ни еданого болше себе, в еже убо апостол глаголет Христа послушным быти отцу, по человечеству сие, рекл, а не по божеству, а того ради Христос самовластную человеческую волю имел, ею ж сохранил повеление отче» (л. 89 об).

Против слов текста: и тое с естеством слова воплощенного не приял, а того ради несть есмо сотворенни кроме греха.... на полях: «Сиреч не приял Христос страдалные и терпящие воли, рекше, мучимые, от греховных страстей, но пречисту непорочну, и ко греху не склонителну, и никакож послушиу, греху яко пророк рекл, сеи несогрешил, ани обрелася лесть во устех его».

«Акибы рекл от первородного адама во гресех уже сотворяемся, сиреч, родимся, понеж по естественному самовластию хотяще Богу послушен был адам, а егда преступил заповедь, також волею самовластною преступил, а того ради воля роду человеческого яко в первом родителю, так и во прочих опрокаженна и склонителна ко греху и аще бы Христос воли человеческие не приял, ани бы верующих воля очистилася, понеж подобное подобным взыскал, и исправил» (л. 90).

Против слов текста: убо невозможно есть едино нечто сложенное со дву воль глаголати, яко иже со дву естеств сложенную глаголем ипостась.... на полях: «И аще бы кто рекл, иже яко со дву воль во Христе сложенно быти нечто едино яко со дву естеств соединенна есть едина его ипостась? А иж оно слиянно едино со дву воль, было бы единою волею, яже во Христе, того ради от некоторых едина воля глаголется. Отвещевает сопротив Дамаскин, и никакож сего допущает свидетелствующе сие и доводяще четырма доводы: ко ипостаси убо належит сложние, единого ото многих, но воля не во ипостаси есть, но в естестве, воистинну не ипостасна есть воля, но естественна и существа наследующа: а те четыре свцетелства лепеи в сущем рассмотриш» (л. 90 об).

Против слов текста: остает убо, иже бы есмо исповедали едину ипостась Христову сложенну, и общую таковым обычаем естествы, яковым обычаем и естественным его.... на полях: «Сиречь, яко едва ипостась, обдержит целые два естества Христовы, сице в естествах и ствоиства совершенные, бо их в собе цело и неслиянне сохраняет» (л. 90 об).

После слов текста: яко убо и ржа железу не естественне будуща, но от нерадениа случилася, трудом отирающе естественную железа ясность светити устрояет.... на полях: «А зде видится против еретиков оригенских глаголати, они бо глаголють, иже бы адам по преступлению заповеди отнюд погубил образ Божии и подобие, також и исчадия его уже не имели его, Дамаскин же церковный разум поставляюще изъясняет глаголюще, не ко достажению доброты яж внутрь нас, сиреч, ибо не исчез отнюд образ адамл в человецех, но запылен и осквернен страстьми греховными, яко драгоценный бисер в кале погружен, албо златыи на нем же царьский образ, выображен бе ввержен в тину, и не возмог измовен быти инако и очищен, точию пришествием второго адама банею прерожающею очистился и в первую светлость прииде, а того ради пришедши Христос не снову в нас образ и подобие вложил, но запыленное и оскверненное очистил трудом. сиреч, терпением страсти своее, и отер мирочистительною кровию своею», (л. 91 об).

Против слов текста: яко убо и ржа железу не естественне будуща, но от нерадениа случилася, трудом отирающе естественную железа ясность светити устрояет.... на полях: «Ин разум, аще и по крещению случится кому осквернитися (яко петр, рекл, яко свини омытися в кале сквернаве) но и сие премногие ради благодати Христовы даровано нам от Бога трудом отирающе естественную железа светлост, сиреч истинным покаянием доброту острогати, со воздержанием и слезами многими, и сицевым обычаем образ паки очистим первородные доброты» (л. 91. об).

Против слов текста: некогда же совет, яко некогда глаголет пророк Давыд, о людех твоих зол умыслиша совет, некогда же помощи яко Даниил, от которого изыиде повелете нечестивое... на полях: «Яко при Вантазаре, о сосудех священных., и при отци его Новходоносоре, о поклонению тела и тем подобные». (л. 91 об).

Против слов текста: делание же нарицается в нас первое постановленное вырозумение, и есть просто и кроме обитания делание.... на полях: «Первое в нас вырозумление глаголет, рекше, оное познание вещей вырозумленных, во уме нашем почато, и выображенно» – «Кроме обитаниа, сиреч, кроме причеплениа ко другому, понеж от другого ани намнеи исходит, ани собрания ко другому не имеет, развие ото оного ума от внутренних умысла выображается, не объято ни единым гласом речеша, ани приятием писаниа, ани от иного присовокуплениа потребующе» (л. 92. об).

Против слов текста: но и оно мение яж имеет делающе к тому яж бывает, делание есть, и опое яж совершается кончися, делатем нарицается и сие, убо единые души есть: а овое души производящеи помощию тела.... на полях: «Мнение нарицает оно, же в предреченном сказе, назнаменованно» – «Сиреч, яко вырозумление, або воли внутренные делание». «Сиреч, орудии чувственных в помощь требующи яко ушеи ко слышанию, яко очей к видению, яко языка и прочих орудии ко глаголанию, и тем подобных» (л. 92 об).

Против слов текста: иное убо есть телесное делание, яж водится от души, и движется: яж убо от тела совершится, дотыканием есть и востязанием, и дела аки бы окружение: а души же аки бы дела творение; и выображение.... на полях: «Первие умысливши собе внутрь, тела помощи потребует, повелевающе ему, яко архитектору яко зготовал уже окружениа албо образец, в дело производити» (л. 93).

Против слов текста: так и в Господе нашем Иисусе Христе чудес сила, делание было Божества его: возложением же руки врачевство, а хотети рещи, хощу очистис, человечества его было делание, и от его человечьство исполненно, и дело сотворенно было, хлебов преломление, и еже о прокаженном было слышано хощу.... на полях: «Сиреч, орудием гласным произведенно сие слово хощу очистися, ему же сила божественная последовала, ибо абие очистился прокаженныи, а прочую зри истинну правовериа напреди в сущем. (л. 93.)

Против слов текста: а если бы кто, рекл, иж зделанием лице бывает введенно; отвещаем, аще зделанием лице вводиться, по разуму возращается, иже бы с лицем делание было введено. ..на полях: «Сиреч, последование будет неудобно, аще делание будете составно, рекше по ипостасем разумети, то кождому будет лицу свое делание, что есть хулно» (л. 94 об).

Против слов текста: иные убо оного, иные же того; а в тому едино от другого неразделны суть в божию всемогущом деланию.... на полях: «Оного, рекше Божества, а того, человечества» (л. 95 об).

Против слов текста: аще едино господьствующего Христа делатем албо сотворенно будет або несотворенно: среднее убо тех несть деланием, яко ани естество.... на полях: «А среднее, сиреч, между сотворенного и несотворенного, не обретается, а что ж бы было ани сотворенное, ани несотворенное, но точию во Христе два естества истенные, рекше, несотворенно божество, и сотворенное человечество с целыми свойствы» (л. 95 об).

Против слов текста: потреба убо всячески пременного и тамо и овамо проходящего быти естеством естественные: ибо невозможно есть недостаточному естеству бытства обретати... на полях: «Аки бы рекл, Богу божески достоять, а человеку человеческие свойства и делания, иже бы вократце исповедал, яково естество таково и делание, понеж по Божию естеству неодолен был, по человеческому же наруган, и ко кресту пригвожден. (л. 96.)

Против слов текста: но едино естественное делание Божие и сотворениа, никакоже бы той позволил кто добре разумеете по блаженном Кириле... на полях: Сиреч, допустил сему быти, иже бы было едино делание Божие, и сотворениа, рекше, человечества, яко ани естество может быти едино обоего.(л. 96 об.)

Против слов текста: неземленна бывше вода, но преестественною Божиею силою стояща ко згущению, и тяготу вещественных ног носяща... на полях: «Не пременивши своего естества в землю, або згустившись в лед, но сила Господне тело, яко, рекл, Герасим, аще молитвою елесея пророка сикера правала на жыдкой воде, не отменила тяготы железа, еще и вода носящая Господа не отменила жыткого естества», (л. 98.)

Против слов текста: не убо по разделению сопротив положена, яко реченно есть: но по разуме от сотворениа им подавно, ото всех создателя вины... на полях: «Сиречь, от еретиков реченно, (не того убо ради) яко изверженные и гнушаемые сшили, рекше, разделениа ради сопротив положениа ко божиему делу едино деиствие и волю глаголат, но хулно и хитролестно изъявилося их свидетелство: но еж не токмо человеческое но и всякое делание и движения, движется от деланя и от силы Божиа, понеж созданно и вложенно в нас движения и во всех от первые вины, сиреч от Бога, понеж последнее движение без первого, ни единые силы не имееть. (л. 99).

Против слов текста: иж бы потому яже глаголем божие и человеческое, различие убо вещей, различных есть различие... на полях: «Сиреч не ипостась разделяюще святые полагали двое во Христе, но по считанию, сиреч, дел, и воль, и естеств, двоих во едином Христове составе узаконяюще». (л. 99 об.)

Против слов текста: и паки, аще зверь, разумный смертный человек, и всяко уставление покоренных естеств нарицающе, и несть равно по естеству, мысленное смертному, не был бы воистинну единого естества человек, по уставу своиственного уставлениа... на полях: «Вопрошен от некоторых Платон философ, яко бы существо человеческое вытолковал? Отвещал, иже есть человек звер разумный смертный, сего ради зде припоминает сие Дамаскин, иж сопротив зломудренных философов которые оклеветуют естеств устав, философским обычаем вещает, облачающе их». (л. 99 об.)

Против слов текста: еще и во Господе нашем Иисусе Христе, не части частей раземотряем, точно з ближайшего сложенно, божества и человечества... на полях: «Не часть частей рассмотряем, но ближаишие? Акибы, рекл, не по стихииным частей души и тела соединенна зрим (яко нецыи блядуть) три естества сего ради быти во Христе и три деланиа, рекше, тела рада и души, и божества его, но сие есть хула? Но поближаишим, сиреч, от божества совершенного, и человечества совершенного соединенна есть ипостась Христова: a если соедиенна от совершенных естеств, убо последует и от дель и воль различных, понеж дела и воли не ипостасны, но в естествах замыкаются неслиянне». (л. 101).