Br
Брестчина
Производит · Предлагает · Приглашает

Приложение II. Примечания князя Курбского к переводу творений Иоанна Дамаскина, часть 2, с. 99-127 приложений: оригинал издания

Замечания и «сказы» на полях рукописного перевода творений Иоанна Дамаскина с указанием листов рукописи и словарь сопоставлений: слово текста и его толкование на полях. С. 99-127 приложений. Текст в орфографии издания 1888 года.

Противъ словъ текста: еще к тому аще дву естьствъ человѣка глаголем, и нам трі естества во Христе глаголати подобало бы, и вы такоже со дву естествъ человѣка глаголюще, с трехъ естествъ Христа уставляете... на поляхъ: «Сіречь, да не будет тако, еретическое бо сіе замышленіе». (л. 101).

Противъ словъ текста: къ тому вѣдати подобаетъ, иж не по ізменению естества, або превращенію, або отлученію, або сліянію, плот Господня обоженна наріцается, вкупе Богъ, и Богъ бывше, яко богоглаголівыи, рече, грігоріи: убо который сіе обожилъ, сіе убо обоженно есть, дерзънулъ бы рещи омофеонъ, сіречь, вкупе Бога и человѣка быти, еже помазаетъ: і Бога яж помазаннаго... на поляхъ: «Сіреч, той же Богъ слово, бывше вочеловѣченъ». – «Грецкая пословица та, а по словенску, яко в сущем послѣдуетъ». – «Помазующей бѣ яко Богъ своим божеством тѣло помазал, яж з душею словесною и умною |пріялъ от пречистых кровей матерних, помазан есть яко человѣкъ, понеж он есть и то и оно, рекше сугубъ естеством а не составомъ. (л. 101 об.)

Противъ словъ текста: то убо смертно было само по собѣ, и ожівляющее, соедшенія ради к слову по іпостаси... на поляхъ: «То убо, сіреч, тѣло смертно было, по естественному чину, а по соединенію слова бывше оживляющее, яко мертвых ко жівоту возвращалъ пред очима всѣх, и сам себе воскресилъ. А духовне яко нас оживляет, сіреч, смертію и плотію своею, смертію, яко адъ разрушилъ, і от веков умерших воскресилъ, и плѣн ко отцу возвелъ: а тѣлом яко нас ожівляет, яко сам, реклъ, аще кто ясть тѣло мое и пиет кровь мою смерти не узріт во вѣки, и прочее», (л. 102.)

Противъ словъ текста: глаголетъ убо богословъ Григории: их же воистинну то обожил, а оно же обоженно есть... на поляхъ: «Яко богоносные отцы пріняли, Богъ человѣкъ бысть слова ради, божія вочеловѣчениа, також и то, человѣкъ быст Богъ, плоти раді и естества человѣческаго обоженіа. (л. 102 об.)

Противъ словъ текста: ибо быст человѣкъ, ижебы преодолѣл, яже одоленное... на поляхъ: «иже бы преодолел новои адам, не божеством, но плотію безплотнаго, и силнаго дьявола, понеже старый адам от него побежденъ былъ». (л. 102 об.)

Противъ словъ текста: по оклеветаниа и нареканиа вещию был бы мучітелеви, яж победил человѣка, аще бы от Бога насилие терпелъ... на поляхъ: «Сіреч, не сілою божественною, історгнути хотел, но подобное подобнымъ взыскати, и исправиии, иж бы дьявол не клеветал і не нарекал, иже насилием возвращенъ, и исторгненъ самовластный род человѣческии». (л. 102 об.)

Противъ словъ текста: чтож убо от вочеловѣчения полезного пріемлемъ, того не вцѣле сохранівъ яже первіе раны терпѣлъ... на поляхъ: «Раны от даявола терпяща древнего адама глаголетъ (и всѣх человѣков влекомых по роду от него) сіреч разлічные страсти и недугі и бѣды на тѣло человѣческое наведшіе, а прежде преступлениа нетлѣнну бывшу, и бессмертну». (л. 108.)

Противъ словъ текста: ко сохраненію своиственнаго естества, по нужде оные управляюще... на поляхъ: «Сіреч, естеству их на то воспаляющу, и принуждающе, еже от Бога вложенно в них». (л. 104 об.)

Противъ словъ текста: разума убо привілеи сеи есть, самовластная воля, и самовластіе... на поляхъ: «Прівилеи нарицается, царьскии златопечатныи лист, або грамота самого царя рукою подписана, на что будетъ данна, и свободами дарования, сіе в сѣбѣ обдержітъ писаніем: сему уподобляюще прівилиемъ нарічет самовластія волю от Бога намъ дарованну, и самое самовластіе». (л. 105.)

Противъ словъ текста: и обычая премѣннаго подаянія по неизреченному соединению... на поляхъ: «Сіреч, паче человѣка, отлічно бо и невозможно человѣку по морю пѣшествовати яко по суху: и паки егда хотяше его ово зъ горы сринути, ово камением побити, он же посреди их невідимо хождаше». (л. 105 об.)

Противъ словъ текста: ибо тои неестествен есть, ани от сотворителя нам данъ... на поляхъ: «Сіреч, трех не вложенъ во естество наше от Бога», (л. 107.)

Противъ словъ текста: еще к тому естественные наши терпѣніе, по естеству и паче естества быша во Христе... на поляхъ: «Аще и были во Христе подобные терпѣніе яко и в нас, но не еще быша в нем, якож в нас, первее убо иже в нас тѣх естественных терпѣнія двіженіа воли дѣла упреждают, егда убо не прінужденны, алчем, жаждем, и тѣм подобные», (л. 107 об.)

Противъ словъ текста: а паче естества, еже не упреждали во Христе воли естественные... на поляхъ. «Во Христѣ же оные терпѣны не упреждали естественных, и естественнаго движенія воль, но развіе последовали: понеж егда хотяше, алкал, и умерлъ. Бо он же о соби реклъ, област імѣю душу мою положити, и паки пріяти ю, второе, иже тѣ терпѣніа нам нуждою прінужденны, і тѣ от первороднаго греха пріемлемъ по первому преступленію, аки бы наследие и повинность первого вреждения або яда. Христосъ же не по обычаю человѣческие нужды оные імѣлъ, понеже греху неповіненъ былъ, но самою волею милосердия раді оные пріялъ, яко апостолъ ко евреям, реклъ, да уподобітся во всем братии и прочее, (л. 107 об.)

Противъ словъ текста: не естества суть іменоваша, и знаменія познанія, но нѣчто, яко отца и сына імена.... на поляхъ: «По римскии, релятиум, або адаликвідъ, а по словенъскии относящее, яко отецъ сына ради глаголется, и сынъ отца ради, ибо никогда же бы наречен был отец, аще бы сына не имъ,ел, також никогда был бы наречен сынъ аще бы отца не імѣлъ» (л. 108).

Противъ словъ текста: коего ж буде рабъ? отца? а сего раді не все еже імѣетъ отец, и сына суть.... на поляхъ: «Аще ли бы реклъ противницы самого себе нѣсть Христосъ рабъ, но отчи? Како же ісполнит сіе слово, еже, реклъ, Христосъ, вся яж імеет отец мои суть, і прочие» (л. 108).

Противъ словъ текста: ащеж отчии будетъ рабъ, самому собѣ нікакож нѣсть.... на поляхъ: «Аще ж будет совершение отчии рабъ по человѣчеству яко и мы? Како же ізбавилъ бы нас от работы сам рабъ совершенныи будуще? Не такъ яко еретицы блядут, но еще подобает яко в сущем читаючи узришъ» (л. 108 об.).

Противъ словъ текста: от нестория празные мудроствующего пріведенны, постасное соединеніе, и нагаго обитающего ложне проповедуют.... на поляхъ: «Нестории блядословы, иже Христосъ рожен от дѣвицы а не Богъ [и не оболченно было плотію слово божіе, яко церковь мудроствует во едином быти соединенна составе, Бога совершенна и совершенна человѣка едінаго Христа], но ходіло слово Божіе невидімо во своей іпостаси, и чудеса творіло, а плотоносец Христосъ во своей іпостаси: сицевую хулу отрыгал нечестивыи» (л. 109).

Противъ словъ текста: ибо аще соединенна есть істенне плоть Божіему слову по послѣднему бытству ..на поляхъ: «Последнее бытство нарічет материялное, сіреч земное тѣло дебелости ради» (л. 109).

Противъ словъ текста: ибо аще от небытии въ бытіе пріведенны суть вси от создателя вещей оно быті, и нікакож не быти естествене желание імѣють.... на поляхъ: «Два роды боязні полагаетъ Дамаскинъ, едіна естественная, иже не хощет душа разлучитися от тѣла,» не токмо человѣческая, но и животных, сохраняюще себе вцеле яко могутъ, иже бы от всущественнаго бытии их в небытие не преложилися, и аще сии естеством прінужденны подстрецаеми ко таковой намети бываютъ, коли ми паче душа разумная понеже імѣеть объятие, ижебы ншогда ж от тѣла разлучилася, но и по разлучению от тѣла імѣетъ душа человѣческая вложенное ей от Бога желание, іжебы такі во свое тѣло возвратилася, яко о том желаніе свідетелствуетъ во апокалипсии, ідеж глаголетъ. Егдаж отверзеся пятая печат и видѣхъ под олтаремъ божіим души человѣческие ізбиенных за слово божіе, и за свідѣтелство еже імяху, и возопила глаголюще гласом веліким, доколе Господи святыи и істинный не судиши ни мстиши крови нашие от жівущих на земли. и даны быша комуждо ихъ ризы бѣлы и речение ім бысть, да почіют и еще время мало, дóндеже совершени будутъ клеврети их, и брала их, хотяще ізбиены быти якоже и тии» (л. 109 об.)..

Противъ словъ текста: ани убо отецъ Богъ его, точно тончайшімі ума мысльми разделивши оное еж зрітся от того что разумѣется, он с нами устроил бы ся.... на поляхъ: «Сіреч, не так общии отецъ яко всякому сотворению, но присносущен и свойствен по божеству, a сіе реченно смотреніе ради иже бы в собѣ совершенно человѣчество показал, a сіе зрится сеновне, и тончайше благоверно разделяюще, як церков воспевает» (л. 111 об.).

Противъ словъ текста: подобаетъ убо вѣдати, іжъ сугубое суть прісвоеніе.... на поляхъ: «Прісвоеніе естественнои существеннои Христу глаголется плоти раді и души нашего существа приятия, не по фантазіи, ани по алигории, рекше, не по мечтатю, ани по отмѣнному разумѣнію, там же замыкается и не повинное терпѣніе, яко алкати, и жадати, і притрудну от пути бывати, и слезы іспущати, и тѣм подобные, яко истанна евангельская усвояюще сіе Христу свідетелствуетъ. Второе же личное, егда возлагается сіе Христу, что ему недостоит, но развіе нам, яко во псалме, как, далече от спасениа моего словеса грѣхопадении моих, яко доброхотный врач седяще близ болящего, иже бы свое к нему мілосердае показал, немощ его на ся пріоблачитъ, воздыхает, плачет, болезнует о нем клевретом ему в недузех бывающе, сего ради глаголетъ апостолъ к галатом пишуще, Христосъ нас откупил от клятвы законные был по нас клятва, яко и паки к коринфом, иже невѣдевше греха, по нас грех сотворі, сіреч, за первородный адамлъ грех, и всех сущих по нем, един безгрѣшный безчесною смертію умре, очищающе человѣчески род жертвою тѣла своего» (л. 111 об.).

Противъ словъ текста: яко аще бы кто на распаленное желѣзо взлілъ воды, яж убо по естеству ест терпѣти [огня глаголю] от воды угашатися, цѣло же пребывает желѣзо, пѣсть бо ему по естеству от воды сокрушался.... на поляхъ: «Аки бы, реклъ, егда убо желѣзо водою возліянно не раздѣлится, точию един огнъ угашается в желѣзе далеко вящей егда терпѣло тѣло, божество же оного терпѣніе не подяло, ани от тѣла разлучілося, но во своем свойстве, не страдално пребыло» (л. 112 об.).

Противъ словъ текста: мы убо согрешихом, а оному подобало ижебы за нас пріялъ цену откупления.... на поляхъ: «Сіреч, подобалося Богу отцу иже бы за нас пріялъ цену откупленіа, рекше, мироочистітелною кровъ сына своего, и еще ізбавил повінных греху, неповинные рада крови ізлиянія» (л. 113).

Противъ словъ текста: сице и тлѣние раненым животом істребляется, и бываеть всѣм животъ.... на поляхъ: «Раненый живот, Христа нарічет плотію ранена» (л. 113).

Противъ словъ текста: а того ради неразсыпанно Господне тѣло глаголати по безумных уліяне и гаиусе, по первому показанію рассыпанія, преж мертвых воскресении, нечестиво есть.... на поляхъ: «Улиян, и гаи еретицы были, и глаголали иж бы Христосъ тёло принял нетленно, и не разсыпателно, и таково было преж воскресенія, яко и по воскресенію, ихъ же Дамаскин облічаетъ безумие, и свідетелствуетъ, иже по воскресенію уже нетлѣніем, и бессмертием оболченно, а преже воскресенія разсыпателно и смертно было, а всяко божество не допустіло ему тлѣнію прикоснутис, яко читаючи в сущем свѣтлеише узрится церковный разум» (л. 114).

Противъ словъ текста: такъ и тѣмъ яже во аде іже бы ему всяко колѣно преклонилося, небесных, земных, и преисподнихъ.... на поляхъ: «Нѣцыи глаголютъ о Христове сошествию во адъ, яко істинна евангельская свідѣтелствуетъ, іже яко трідесят лѣть, и трі и мало на четвертыи, на земли со человѣки пожылъ, благовествующе и исцеляюще земнородных, також, и во аде по числу лѣтъ трцесят і три часы и мало к тому тамо был и проповедал, в пяток умре, к тому, в҃і годин суботные нощи паки дня суботнего в҃і годинъ, еще к тому нощи неделные шесть годинъ, пріложив и мало что к тому, яко ісполнится чісло тое рекше, трідесят и три годины, и мало что к тому, яко апостолъ Петръ, реклъ, в первом своем посланію, іже Христосъ едіное о гресѣ пострадалъ, и оным же сущим в темницы духом сшед проповѣдал, чтож проповедал и кому? Вѣрующим в него пророком и праведным, и вѣдущим пришествие его, и пророчествующим о нем, не токмо по моисеискому закону, праведно жівшим, но и по естественному, проповедал же, иж небеса остатівъ, і всѣ чины ангельские, и зшед на землю, и яко бѣды и навѣты и различныя наруганіа і смерть поносную ото іюдеи подял, и аж до тѣх адские пропасти темніц зшелъ, на взысканіе и на избавленіе погибшего рода человѣческаго, яко духа ісполненный златоустъ пространнеи пишеть, во, в, воскресном слове, ему же начало по стражах лютых, и по вязанію тяжком, іх же пленивъ ото ада, и воскресивъ со собою, яко евангелистъ мафи свідѣтельствуетъ, многіе телеса святыхъ усопших восташа, и вниидоша во святни град по воскресении его, и явшас многим» (л. 114 об.).

Противъ словъ текста: соединенна убо со божиим словом, его же ради и в нем хваліма бывает.... на поляхъ: «Сіреч, плоть Господня» (л. 127).

Противъ словъ текста: сему подобно, ею же и нагіи царь бывает одѣянъ, и оболченъ, и порфірою, яко простою порфірою.... на поляхъ: «Нагим царем нарічет и простою порфірою плот нагую, егда не совокупление будетъ тѣло души, тогда недвижимо есть и мертво, егдаж со душею совокупленно, тогда живо і двіжимо и дѣиствено, и частократ малогодное будуще соединенно лучшему от того пріемлетъ совершеннѣише и лучшие и прехвалные» (л. 117).

Противъ словъ текста: и житіем свободивъ насъ от тленія: и начало бысть нашего воскресенія.... на поляхъ: «Аки бы реклъ, на земли явился и со человѣки пожилъ того ради иже бы насъ житием тѣм свободил от тления, и преложил до лучшего, во всем собою образ подал нам» (л. 118).

Противъ словъ текста: нынѣ же благочестіе ради и доброты мученія ізбираютъ, и сломленіа костем и смерть.... на поляхъ: «Таковы сут мученицы различныя мученія и смерти терпяще Христа ради волею, таковы преподобные мучаще тѣло свое Христа ради, да ему угодятъ, и плот духу поработят» (л. 118 об.).

Противъ словъ текста: иж інако бываем прінужденны разделяти едінаго Христа двѣ іпостаси глаголюще, албо прети разлічие естествъ, и въводити обращение слиянія.... на поляхъ: «Сіреч, нікако бываем нудими або прінужденни от еретиковъ, они бо глаголютъ еще не по правовѣрным догматом, но по своему упрямству, яко напреді узришъ читаючи аж до конца того слова» (л. 119).

Противъ словъ текста: сіе убо есть от орігенскаго блуда гнушателное проповеданіе, пребывание душъ научающему... на поляхъ: «Оригеняне глаголютъ аки бы души преже от Бога созданные на небеси искони, и еще не влияны будуще в телеса ісполняют дѣла добрые, або злые, и за грехи сослани бываютъ на землю, и всаждаются в телеса аки в темницу, на отомщеніе прежним грехом своим, сіе блядение ихъ сопротивляется истиннои вѣре, іх же обличает блаженный Герасим во епистолии глаголемой періархумъ, в ней же выписуетъ басни оригенскіе, також и епифании ко іоанну ерусалимскому облічающе іх, и проповедуют оба, иже души наши вкупе, бывают сотворении с телесы, и абие вліваются» (л. 119).

Противъ словъ текста: господни естества ани единым тѣлом суть, ани верхом, ани ліниею, ани мѣстом, ани временем, іже бы могли ко великости целой относится.... на поляхъ: «Велікост цѣлая нарицается яко у черты долгота, у верха долгота і широта по содержанію мѣсца бываемая, над нимъ онъ верхъ бывает, і яко у сосуда всякого, долгота, и широта, и глубина, яко, во и-й главе, третих книг, читаючи о той же великости, достаточнеише и пространней рассмотретися может, нетокмо в толкование, но и в сущем» (л. 121 об.).

Противъ словъ текста: яко Петръ и Павел, а почему соединяются, несчитаются, а по существу соединенны, два естества ани глаголются.... на поляхъ: «Сіреч, яко Петръ и Павел по имянам, счітаются а не по естеству, по составом, а не по существу, во Христе же сопротив, по существам счиаются, а не по составом, понеж во едином составе два существа імѣетъ: а того ради к щету относятся существъ и естествъ разлічие, а не составовъ, бо состав един Христовъ, а едіно не чіслится» (л. 122).

Противъ словъ текста: имъ же еще рекше плоть, обоженіем Богъ сыи, и купно иже нѣкогда обыкла голубица престатие потопа благовестии.... на поляхъ: «Рекше, Бога слова плот, а еже глаголетъ Богъ сыи, аки бы реклъ, Богъ сыи безначалныи воплощенъ, і божеством своим плоть божественну ми обоженну соделалъ» (л. 124 об.).

Противъ словъ текста: ибо и сучець тогда маслінен принесла голубица оным яж от потопа ізыидоша.... на поляхъ: «ибо маслинным плодом, ізъявляет в нас многии плод милосердіѣ и мілости и щедрот божіих» (л. 124 об.).

Противъ словъ текста: иж крещеніем обрезаем всякое одѣяніе его ж есмо от порожения совлекли.... на поляхъ: «Сіреч, ветхаго человѣка, одеяніе с похотми его» (л. 125).

Противъ словъ текста: ізраилтеское духовное, и божии люди бываемъ.... на поляхъ: «Аки бы, реклъ, бываем ізраилтене духовные, рекше, сынове, авраама, и исаака, и якова, не по плоти но по духу, рекше по вѣре авраамлѣ? а обрезание ветхое ничто же иного образовало, точию внутреннее сердечное обрѣзаніе, іже бы есмо во крещению обрѣзали безвѣріе и злые дѣла от сердецъ наших» (л. 125).

Противъ словъ текста: ілі яко четыре концы кресту среднім убо согвожденіем содержатся, и сожимаются... на поляхъ. «Сим четвероконечную сілу креста показует, сіреч, им же Христосъ рекше крестом, четыре концы мира согвоздилъ вѣрою, ибо и въ высотѣ, сіречь на небесехъ прославіся, вознесши плѣнъ с собою от ада ко отцу, и седѣние десное со пріятою плотію, и въ широтѣ, сіреч. в концех всея вселенные проповѣдію евангельскою, и во глубинѣ, сіреч, во адских пропастех пленяще его, а вся сія крестом ісправілъ» (л. 126).

Противъ словъ текста: понеже освещенно прикосновеніем святые плоти и крові в лѣпоту поклоняіся... на поляхъ: «Сіречь, древо крестное освещенно прикосновеніем тѣла Христова (л. 126 об.)

Противъ словъ текста: мнози убо хрісти и избавители: но едін распят, не реклъ, копием прободеннаго, но распятого... на поляхъ: «Хрістов наречетъ, царей, судей, і архіереов, ими же по разлічным лѣтом избавлял Богъ народъ жидовскии, яко писано высторіях древни ветхаго завѣта» (л. 127).

Противъ словъ текста: жезлъ аароновъ святаго архіереа знамением бѣ... на поляхъ: «Сіреч великаго архіереа Христа нашего» (л. 127 об.)

Противъ словъ текста: змии на древе триумъфующе яже умре, на древе умершего врага видяще уздоровляліся, вѣрующе иже Христосъ во плоти греха, греха не вѣдяще на кресте грѣхи повесил − на поляхъ: «Враг змии человѣку по вражде от Бога положен: какож был Христу образом повѣжь ми? Сице яко там на образ проклятаго естества, взірающе на мѣденаго змія, вознесеннаго на древо Моисеом, невидімая Божіе сіла угонзненныи люд от змии ісцеляла, такоже и Христу вознесему на древо плотию мертвенною и тлѣнною адамлею от богоборных, і убиенну проклятою смертію, вѣрующіе взирающе на страсти его исцеляются, яж были преже усекновении от мысленнаго змія діявола, идолослужении, и безвѣріем ко Богу: понеж был по нас клятвою клятву наше ісцелил, яко апостолъ реклъ» (л. 127 об.)

Противъ словъ текста: ибо с преизобілія звѣріе, понеже по бытию и житию причествующе, пріобщаются добра... на поляхъ: «Аки бы реклъ животные вси с преизобилія божіа благости прічаствуютъ во своих им бытствах. А человѣкъ не точию по преизобилю благости учасноком есть в бытстве своем, но и по разуму прічаствуетъ, уподобляющеся Богу по силе» (л. 128 об.)

Противъ словъ текста: и тѣло соединенно ко божеству не едіно и тое же естество есть, но едіно плоти и соедиеннаго божества другое... на поляхъ: «Не во едином, но во дву естествах познавается Христосъ, сіреч в совершенном божестве, і в совершенном человѣчестве» (л. 131 об.)

Противъ словъ текста: тогда не кроме закона, святую дѣву во обещаніе прівел, еще не бы от его жезла ізшелъ... на поляхъ. «Не взял бы от чужаго племени, бо праведен был в законе» (л. 133 об.)

Противъ словъ текста: а ижъ тогда стрежаше девиц нашего ради ізбавленіа, глаголюща, се дѣвая во чреве прииметъ и родит сына….на поляхъ: «Стрежаше сатана девиц, и боящеся ісаина прореченіа, того ради благоволит Богъ дати Іосифу во обручение дѣвіцу, да утаится тайна божіе от диавола, да не лишится род человѣческий избавленіе» (л. 134 об.)

Противъ словъ текста: тот которыи запінает мудрых в коварстве их... на поляхъ: «Богъ запинает премудрых и хитрых въ лукавстве дьяволем, и человѣков уподобляющихся им, злохитрством» (л. 134 об.)

Противъ словъ текста: во обручение дѣвица іосіфові от ереев дана была, яко новый світокъ писанію іскусному... на поляхъ: «Яко новую кнігу, ибо обычаи был древнии жидом книги на свитки писати» (л. 134 об.)

Противъ словъ текста: боги же глаголю и царіе и господие, не естеством, но яко врежденных скверными помыслы обладание и господствовавше... на поляхъ: «Сіреч, развращенные умом человѣцы облагодатися попущаютъ от Бога ісправленія ради яко рече апостолъ, нетуне властели меч носят, на отомщеніе злодѣем, и прочее» (л. 136 об.)

Противъ словъ текста: яже рекохом по добре ведущим, іжъ угодниковъ честь, указание імѣеть добромысленнѣ ко общему владыцѣ... на поляхъ: «Рекше, по великому василію» (л. 189 об.)

Противъ словъ текста: богов же смѣху достойных, и басни чуждые псом отвержемъ... на поляхъ: «Сіреч, невѣрным и еретиком» (л. 142).

Противъ словъ текста: кафолицких епистолеи сем, ияковля едіна, петровы двѣ, іоанновы три, іюдино едіно... на поляхъ: «Кафолицкие, сіреч, церковнические почему нарицаются? потому, иже церкви утверждающе в рассеянии сущих писали самые апостоли? а не такъ яко нѣцыи блядут, иже бы старцы або прозвитери, писали их церковные, а не апостоли, и по том нарічутся церковные, и титулы апостольские чести ради приписали къ нимъ: сію бо ересь на москвѣ слышах от нѣкоторых кириловских мнихов, понеж между нѣкоторых мних таковая секта крыется, яко и между осіфлянских мнихов небытная ересь, того бо ради люты безчеловѣчны и лукави зѣло, и властеи, и имѣнеи желатели, иже не надѣются за всѣ прегрѣшенія отвѣта дати на суде. В том то их монастыри, преподобномученикъ васьян венец мучениа пріялъ от Бога (іже был от поколениа великихъ княжат литовских) и максимъ філософъ заключеніе темнічное и оковы много лѣтъ претерпѣли от них, и иные мнози светые и преподобные мужи от них, разлічне пострадали, бо готови суть со потщаніем по завісти правоверных оклеветати» (л. 143).

Противъ словъ текста: понеже нѣкогда з добрейшего речение сочиняемъ, и обожение плоти, и слова сотворением и превознесеніемъ глаголемъ, і тѣмъ подобные... на поляхъ: «Яко і о человѣцѣ нѣкогда пріучается рещи, понеж и всякой человѣкъ устроенъ от души и тѣла, нѣкогда пріемлетъ от наилѣпшего іменованіа, глаголется убо от души, разумныи, мысленныи, добродѣтеле познаніа изобретател, бессмертием украшен, ко блаженству нароженъ, а от тѣла яко от мнѣишие и нижаишіе части почает, нареченіе, прозывается чувственъ, болезньми и смертьми обвязан, пищи и пития жаждающи, и других. Сему подобно и сына божіа нарицаем, яко Бога по божеству от вышеестественных, яко человѣка по человѣчеству отъ нижаиших» (л. 143).

Противъ словъ текста: вочеловѣченіе, смирение, тщета, і покореніе глаголемъ, таковые убо и тѣмъ подобные смешания во вочеловѣченіе глаголиться с слова и Бога.... на поляхъ: «Аки бы реклъ, слово безплотное, иже во зраце божии сыи, прімесіло собе чего прежде не мѣло, сіреч, совершенное человѣчество с своиствьвы плоти належащіми, нашего ради ізбавленія» (л. 143 об.)

Противъ словъ текста: нѣкоторые по прідаванію і отношенію нашему яко Боже Боже за что мя есі оставил... на поляхъ: «Сіреч наше ліце на собѣ приимовалъ, яко реченно недуги наши взял и болезни наши понеслъ, и прочее, в сущем читаючи зри» (л. 144 об.)

Противъ словъ текста: кождаго же свойственное познавши, и обое от едінаго содѣланно відевше.... на поляхъ: «Сіреч естества Божіе і естества человѣческаго» (л. 146 об.).

Противъ словъ текста: иже не два начала, едіно добро и другое зло, оттуды познан хощем.... на поляхъ: «Сіе слово написал дамаскинъ, против маніхея еретика, он бо полагаеть два начала міробытству, едіно добро, глаголюще, иже Богъ безплотные и невидімые сотворилъ ангелы и прочие сілы, а другое зло иже от него начался, по их мнѣнии відимые и вещественные; на что свідетелство пріводятъ от Матфеева евангелиа, яже реклъ дьяволъ возведши Христа на гору, вся сіе дам ти аще над поклонишиміся, от того слова утвержают діявола быти правітелем и господом, тѣх нижаиших вещей? а не разумѣюще сего сіе блядутъ іже он прескверный врагъ от преизлишные гордости сіе Христу реклъ, яж возлагает собѣ всегда чуждее, и усвояет чего не імѣетъ яко прегордый дѣмон, богом мняся и подобен ему быти любопрится, того раді блуда и на никеиском соборе святые сіе слово вложіли во святыи символъ, вѣрую во едінаго Бога [сіреч во едіно начало] творца небу и земли, відмым же всѣм і невідимым, понеж вси от едінаго, а не от дву начал (л. 148).

Противъ словъ текста: або зло убо брань творити, добро же не сопротив брань творити, но ото злого сокрушітіся.... на поляхъ: «Яко сам Христосъ реклъ, сеи не собираетъ, со мною расточаетъ, а сего ради несть правителем, и господом дьявол відімых вещей, но сокрушител и тлител, и естествъ превратится, всѣхъ нижаиших их же создал Богъ» (л. 148 об.).

Противъ словъ текста: но и подущение злого, сіреч, законъ греха, приходяще в составы телесные, вкладает себе в насъ тѣмъ.... на поляхъ: «Сіреч, тём подущеніем албо наказаніем, и совѣтом злымъ (л. 150).

Противъ словъ текста: а сего рада до седмаго дни преидеть число, и паки обращается и от перваго начінаетъ.... на поляхъ: «Яко кірил александрѣискии при конъци четвертых книг своих яснѣише толкуетъ о том седморичном чіслѣ, и о осмом дню» (л. 181).

Противъ словъ текста: сіе число чесно у жидовъ іже Богъ повелѣлъ честити оную не яко прилучилося, но с тяжкими запрещены преступленія.... на поляхъ: «Сіреч, суботу» (л. 151).

Противъ словъ текста: но все время житие нашего Богу возлагаем, и всегда раба, гнѣвъ глаголю и похоть.... на поляхъ: «Сіреч гнѣв и похот яко раба усмиряем и воздержим» (л. 152).

Противъ словъ текста: еще к тому вѣдати подобаеть, иже седморичное число всякое настоящее время знаменуеть: яко ж рече премудрый соломонъ: дати часть седмым, дати и осмому.... на поляхъ: «Аки бы реклъ, якож во ветхом осмым днем обрѣзаніа ради субота разоримся? еще и воскресившего ради человѣчества Бога слова, во осмый день субота в духовном законе упразнілася, понеж честь ея на осмый день преложилася воскресенія ради Господня? Тако же и седморічныи вѣкъ упразднітся втораго ради пришествія, и общего для воскресенія изъ мертвых всея человѣческие плоти: понеже осмая тысяща конца неимѣетъ, скончавшу бо ся седморичному вѣку, сіреч седмотісещному, осмый же есть яко окромніи, и свободныи от чісла седморичного: сіе соломонъ являеть, дал еси часть седмым, сіреч был еси в законе моисѣевом почитающе седмые дни и лѣта, и седмъ седмицъ, еже есть вилео егда же упразнился законъ Христовым пришествіемъ, даи часть и осмому, сіреч дню господскому и прочему предреченному» (л. 153).

Противъ словъ текста: и всѣ человѣцы суть разумны: а всяко не всѣ разумны, человѣцы суть... на поляхъ: «не вси равны разумом, но овые зѣло остроумны и догадливы, а овые тупы и грубы» (л. 180 об.).

Противъ словъ текста: а колеблемых сіла въ тѣх есть, яж чувства оные не імѣють .. на поляхъ: «Сіреч, древес і травъ, і тѣм подобныхъ» (л. 184).

Противъ словъ текста: со превышнею волею на смерть устремляліся, і піщи и сну и иные вожделеніе презірали.... на поляхъ: «Сіреч, яко святые мученики и преподобныи, и тѣм подобные» (л. 184 об).

Противъ словъ текста: егда естество с волею разума отвергли, ани ему послушни быша.... на поляхъ: «Сіречь естество в чем сопротивится разуму». (л. 184 об.)

Противъ словъ текста: ани убо прежде соедіненія во Христе два естества бѣ, но едіно отче.... на поляхъ: «Сіреч егда не соединілся человѣчеству Богь слово, во своей іпостаси едіно отче мѣл естество, егда же плот человѣческую на ся пріялъ, рекше соединился, тогда оттол два естества імѣеть во единои іпостаси» (л. 190 об.)

Противъ словъ текста: аще бы тѣх совершение сохраняли яж от естества суть данны нам, и тѣх получилі еже естество превосходят, частью бессмертіем, частью со божіе соединена божество... на поляхъ: «Сіречь, того ради Богъ человѣкъ бысть, да Бога адама соделаетъ» (л. 197 об.).

Противъ словъ текста: паки сумнителных яко предрекохом, воля нѣкогда ему ею ж хощем ізъявляетъ.... на поляхъ: «Что есть сумнительна? сумнітелна наричется то, еже единым именем овогда тое, овогда іное наріцается, яко и в сущем гдѣ глаголетъ» (л. 199).

Противъ словъ текста: а всяко не в правде и в добротѣ чинех дѣло произвел.... на поляхъ: «Ани бы реклъ, неправдою и добротою и терпѣніем совокупилъ по іпостаси превечному слову Божию, но совершеннаго оного и всеполнаго человѣка на высочайшее совокупно соединение» (л. 204 об.).

Противъ словъ текста: что ж убо кроме воли согрешил?... на поляхъ: «Рекше праотец адам, и сущие по нем роженные уже во гресех тлѣнным тѣлом» (л. 204 об.)

Противъ словъ текста: ничтоже нѣсть усвоеннаго от лицъ во оном вышесущественном божестве, развіе отца.... на поляхъ: «Сіреч рознаго, иже бы отецъ хотел того, а сынъ іного, и духъ святыи іного, нѣсть нікакоже но во всѣхъ трех лицахъ пресущественнаго божества едіная воля и хотѣніе» (л. 209).

Противъ словъ текста: человѣческое же естество вкупе со человѣческою волею еже естества есть пріучил, а человѣческие іпостаси не пріучилъ.... на поляхъ: «Сіречь, не двѣ іпостаси імѣлъ сынъ Божии божества и человѣчества, но едіну, а другіе не приучил» (л. 214).

Противъ словъ текста: и паки желѣзо не свѣтитъ, но развіе сечеть, и веліко есть.... на поляхъ: «Сіречь величествеино желѣзо и мѣрімо, або мѣрою обдержімо, а не огнь мѣрим: еще и Богъ описан плотію, а божеством не измѣрим ани описан» (л. 216 об.).

Противъ словъ текста: а сего ради еще во единои святои троицы разделение свидетелствуется, яж два естества зрятся.... на поляхъ: «Яко во святой троици два естества зрятся? еще иж един от троицы сынъ и слово Божіе оболкся плотію в совершенном человѣческом естествѣ, яко мало нижеи сам святыи реклъ, во единои убо святой троицы два естества во единои еще являются, сіреч, во Христове» (л. 218 об.).

Противъ словъ текста: а трех лицъ не смѣшиваем, ани сліваем, a сіреч трех лицъ, яко едінаго существа не раздѣляем.... на поляхъ: «Сіреч, не смѣшиваемъ». (л. 219.).

Противъ словъ текста: тѣ вервелу и веру повелеваютъ.... на поляхъ: «Тѣ блядословили аки бы вервил богъ нѣякии был во осмом небе». (л. 224).

Противъ словъ текста: назареи убо Христа Иисуса Божіа сына ісповѣдуютъ, а закону послушни во всѣхъ.... на поляхъ: «Сіречь, ветхому закону яко Моисей предал» (л. 224 об..

Противъ словъ текста: гермофродити от части всѣхъ вкупе рожденных быти глаголютъ.... на поляхъ: «Сіреч, ани бы мѣли обое естество, мужеска полу и женьска» (л. 225).

Противъ словъ текста: а июде божество полагаютъ, и корею, дафану, и авірону, и еще вящей содомляном.... на поляхъ: «Рекше июде сыну Ияковлю» (л. 226).

Противъ словъ текста: алогите от нас наречении суть, еже Иоаннова евангелиа и апокалипси не хвалятъ.... на поляхъ: «Алоги, толкуются безсловесные» (л. 228).

Противъ словъ текста: то еже глаголютъ что и обі они.... на поляхъ: «Рекше ерес тую ж держат» (л. 228).

Противъ словъ текста: сына со отцем Христа глаголал быти.... на поляхъ: «Рекше акі бы отецъ і сынъ Христосъ наріцался, а вся троица отец» (л. 228 об.).

Противъ словъ текста: валесѣи суть яко мню, тѣ яже живут во ахате еже есть глава фіделфіи арапскои.... на поляхъ: «Краиня близ ердана» (л. 228 об.).

Противъ словъ текста: або постановлением клиріческим причащатися тѣх духа святаго, яже святою водою очіщаются.... на поляхъ: «Сіреч, водою святою освещенною, в купели святаго крещенія» (л. 234).

Противъ словъ текста: а насъ егда бы бремя браку сложіли, яко иноковъ пріимовати, и блаженных вводити.... на поляхъ: «И здѣ зрите православные, и стережітес того еретическаго узаконена яж дерзают пущати жены свои безвины законные и ходити во иноческое житие, таковое есть повелитѣ тѣх презлѣиших еретиковъ, а ни апостолскии а ни святых отецъ: яко о том пространней вамъ прежде нас написал Максим преподобный святогорскии інок новопострадавшеи о Христе о том же братии без правды» (л. 234 об.).

Противъ словъ текста: родителем совѣтуют, іже бы завоевали сыновом воспитаніе, и к ним всѣ свое относіли.... на поляхъ: «Тому подобная ересь и у наших иноков лицемѣрных, и любостяжателных явилася (а не истинныхъ) учат бо отцовъ и ужиков нерадѣти о ближних в роде (яже апостол рече, аще кто не промышляет о своих, паче же о ближних в роде вѣры отвергся, и есть горши невѣрнаго) но совѣтуютъ и глаголют не давати рече имѣнія, аще и убогим сродником, и давай к монастырю, а за то тобѣ умолят святые у Бога цартвие небесное: и так земли християнские уже знищили, иже военскии чин калик хужши учинили» (л. 234 об.).

Противъ словъ текста: рабов бѣгающих от своих господеи, доброволне пріемлютъ.... на поляхъ: «Зрите иноцы осифлянскіе и герасимянскіе, и прочее и ужаснітеся, зане то еже ісполняете, рабов бѣгающих со всяким крадением от господеи их приемлете сопротив правил седмостолпных сіе творіте, а тое зломудреное ереси наслѣдуете» (л. 234 об.).

Противъ словъ текста: паче же вертепы разбоинические, тѣх попалил и волцы от стада отогнал.... на поляхъ: «Сіреч, обитания их попалил, а их от предѣлов своих ізгнал» (л. 235 об.).

Противъ словъ текста: уста твои тебе прелстіли, і уснѣ твои на тебе свідѣлелствуют, а не азъ.... на поляхъ: «Аки бы рек, како отмещешь крещение от самого Христа уставленое в нем же первородный адамл грех очищается: и к тому како может быти иже бы неодержимого величества духа святого низримая іпостась под чувство человѣческое подпадала, і очима зрѣлася скверный ради твоея молитвы» (л. 236 об.).

Противъ словъ текста: еже адама перваго человѣка грехом был обязанъ.... на поляхъ: «Сіреч плот адама падшего облек» (л. 237).

Противъ словъ текста: яже в божественных писаніяхъ іщутъ неякого іскуства.... на поляхъ: «Сія ерес в московской землі носится между нѣкоторыми безумными, блядословят бо, непотреба рече книгам много учитис понеж в книгах заходятся человѣцы, сиреч, безумеют або в ерес упадают (л. 238).

Противъ словъ текста: вѣщевства, ублаганіа, жребиевъ чудов і пріносов назирания, чарования, и иных того же рода ложных басен наслѣдуют... на поляхъ: «Ублаганіе нарічет тое егда бабы чаровницы або чаровніки недуги шепчучи уговарівают або ублагают действіем, и навѣтом и сілою бесовскою». (л. 239).

Противъ словъ текста: во истинну нань потребна есть иже бы случилася ему оная общая пріповестъ, паки егда их вопрошаем.... на поляхъ: «Празноси умножают беззакония, і душа паствится в таковых. И пакі другая многую злость умножило спание и празность». (л. 241 об.).

Противъ словъ текста: хрістіяно-катокгори и суть и нарицаются, яже егда хрістияне едінаго живаго и истинаго Бога почитают.... на поляхъ: «Сіреч излишне почитатели иконные, которые чтят святые иконы яко Бога, от великаго невѣденія и заблужениа, паче ж от лѣности и нерадѣніа учителей церковных послѣднего вѣка сего», (л. 241 об.).

Противъ словъ текста: понеже божество, сіреч, существо, трікратно толкуется, неразделне во трех познанно ипостасех... на поляхъ: «Сіреч, по лицамъ, а не по существу». (л. 244 об.)

Противъ словъ текста: едіна кождая с них іпостасеи, едіна сынъ, іпостась, а не три, того ради трикратъ святится, а не едінова, або не два, обо четыре, обо не тмами... на поляхъ: «Аки бы реклъ, едінои іпостаси не трикратъ воспевается, аще бы кождои трикраты, деветекратно было бы пѣніе а не трикратно, сего ради реклъ, а не три рекше не кождои іпостаси по три кратъ». (л. 245).

Противъ словъ текста: яко глаголем трі человѣки, и три сут яже свідѣтелствуют, вода, и кров, и духъ, а тріс чрез лоту, словесне за многократное... на поляхъ: «Трис, сія грецкая пословица есть, бо у них множайше не складом ставятся, но единымъ словом под тітлом, або иными знаки обыкновенными, пачеж елладским высочайшим языком пишуще, сіреч еллінски». (л. 246 об.).

Противъ словъ текста: был бы нѣкто пороченъ, іже три святые существа, або три святые іпостаси заключаетъ.... на поляхъ: «Акі бы реклъ, аще бы есмо глаголали трі святые существа, многобожие вынурило бы ся аще ли едінаго божества едіну іпостась, жидовствовати; но едінаго божества три іпостаси глаголати, благочестиво есть, яко истина евангельская свідѣтельствует». (л. 247).

Противъ словъ текста: трісвятое убо оное нікакоже нигдѣ же, ни в якои повести святых отец обретаем... на поляхъ: «Рекше тое трісвятое, иже бы кождои іпостаси по трисвятому воспевано, еже от проклятаго петра гнафеуся точію обретенно». (л. 248

Противъ словъ текста: отжени от мене смерть сію, смерть в том мѣдяном конобе аще бы кто сіе реклъ... на поляхъ: «Сіе уподобленіа ради реклъ здѣ, a зрі о сем в четвертых царских во елесеи пророцѣ. (л. 248 об.).

Противъ словъ текста: а сілы едіно ипостасны, нераздѣлны ото отца, от него же и в нем же суть... на поляхъ: «Сіреч кождая съ них во единой совершенно іпостаси рекше по еднои іпостаси имѣюще, неразделне: аки бы реклъ, аще бы едіна кождая с них разделялас на трое, был бы 9, а не три, або пѣніе аще бы возлагалос кождому по три святъ, было бы какоже деветекратно». (л. 250).

Противъ словъ текста: ибо не сіла отча в нас сынъ со стоится, ани слово или мудрость... на поляхъ: «Аки бы реклъ, аще родимся мы ото отца кождыи с нас, уже сіла в нас отца нашего не владѣет, ани духъ отчь, ани матерни, но сами собою воспитани будуще владеем, і прочие, в бози же не тако, но яко на преди узриш чітаючи». (л. 250).

Противъ словъ текста: паки полагают святаго епифаніа от того еже о святои богородици, блаженна в женах, слово от тебе воплощенно, родяще слово отча сына... на поляхъ: «Рекше еретицы на свідетелство собѣ епифанаа пріводят, або полагают пісаніа его, развращение их толкующей». (л. 251).

Противъ словъ текста: окресть стоящих в крузе рабов, достойнеи онъ мающе превышние силы... на поляхъ: «Сіреч, обстояще его во окрестъ херувими». (л. 253).

Противъ словъ текста: ибо ани зрѣніем, ани провидѣніем раздѣлнінаго отто отца и сына и святаго духа Исаия пророкъ... на поляхъ: «Рекшее нѣсть раздѣленнаго ани пеніа ани хвалы, в существе и господстве божии». (л. 255 об.).

Противъ словъ текста: пріложити к тому слово і сіе во светои луторгии телете божественных тайн, потом глаголати люду трісвятое пѣніе.... на поляхъ: «А тое оелете у греков различне разумѣется, ово ко ереиству, ово жертва, або пріношение, ово празницы великіе, ово тайны: и херотоніа священіческая; от вещей же предреченных и последующих удобнее вырозумѣется к чему пословица сиа пріата была бы и знаменована». (л. 259).

Противъ словъ текста: сего ради сынъ и духъ: едіно іпостасное схожение, ибо ото отца, сына же, а не от сына, іже бы духь усть божіа слова обявленный... на поляхъ: «Сіреч от единые отчи іпостаси, сынъ и духъ, а не от сына духъ ісходен яко нѣцыи блядутъ». (л. 260 об.).

Противъ словъ текста: прящеся убо таковые посрацыне, наипаче гнушателны суть и ненавідіми... на поляхъ: «Сіреч, гнутщаются зѣло мудрых хрістиановъ сарацыни, і иные языци яж держат, магметанскую ересь». (л. 261).

Противъ словъ текста: они убо сарацыні повести сумнітелные, глаголютъ сопротив нам... на поляхъ: «Книги есть арістотелскіё, проблимата глаголемые, в них же сумнителные повести, вопросы в собѣ, або гадаша імѣютъ, их же магметани зѣло держатся, спору ради упрямства ихъ». (л. 262).

Противъ словъ текста: ужелі разумеешь иже Христосъ сугубъ нарицается, един же іпостасю, понеже превечное слово Божіе, і по пріятию плоти нелічное, ани естественное... на поляхъ: «Сіреч не сугуболичное, ашбы реклъ, другаго лща и другіе іпостаси не имѣл: ани естественное, рекше естества человѣческаго в божеско не пременил, ани божескаго в человѣческо, но сугуб естеством, а не составомъ Господь нашъ». (л. 262 об.).

Противъ словъ текста: отвещаи неумре: уповающе писанію и указанно.... на поляхъ: «Аще и умре плотію, но воскрес и жив есть». (л. 262 об.).

Противъ словъ текста: понеже бы Богъ повелел прегну содѣю преблудодѣяние творити.... на поляхъ: «Аки бы реклъ, аще бы твои разум мѣсто имѣл то убо еще бы тому послѣдовало». (л. 263 об.).

Противъ словъ текста: a сіе во утробе освятих тя, разумѣи тую яже истинне породили сыны божии по свидѣтелству святаго евангелиа.... на поляхъ: «Сіречь купел поражающая, а мнѣ видится реченно сіе Богом ижь провидѣл Богъ доброе его произволеніе по самовластію: купел же на духовный разум толкующе зѣло прилічно». (л. 265).

Противъ словъ текста: радость або мученія бесконечное, от чистые совести покои, человѣческое достоинство, божію благость.... на поляхъ: «Сіреч, яков был человѣкъ от Бога ісперва создан, и по образу сотворшего его, украшенъ, и в породе райской посажденъ, и надо всѣми тварьми яко царь возвеліченъ: еднова рад греха от рая изгнал, и во яковые бѣды неизреченне, пришель: потом милосерда ради и неизглаголанных щедрот, мірочистителною Христовою кровію откуплен, и избавленъ; тѣ всѣ святые паметати совѣтует на свое достоинство человѣку». (л. 267 об.).

Противъ словъ текста: потом с тѣми богомерскіе слученные еретические счепетанія по чину положу.... на поляхъ: «Здѣ зри, иж сіе предословіе показуется не на едіну діалектику, но на всѣ слова оныи яж фрагменты нарицаются, паче же всѣх остре сопротивъ еретиковъ борется яже слово о дву воляхъ Христовых, и во другом яж о трисвятом». (л. 287 об.).

Противъ словъ текста: понеж истность еще толкуютъ: істность, есть вещь сама в собѣ стоящая, и не потребующа другаго ко уставлению.... на поляхъ: «Ин по еллинскии, а по латине енсъ, по чески и по лацки истиность, а по руски істотност». (л. 289 об.).

Противъ словъ текста: ему же потом мефодии и евсевии и аполинаріи и въ трідесяти кнігах отвещали их же нарицаютъ оброненіе, або отвещаніе сопропвником вѣры.... на поляхъ: «Аполинарии не еретикъ бо он послѣди был по многих лѣтех, а сеи прежде блаженныи и достохвалныи премудрый учитель и епископъ христианскии, яж во старости уже, иулияна преступила облічил, и насмеял не стыдяся, такь прелютаго цесаря огнем дышущего на християны». (л. 291 об.).

Противъ словъ текста: реченъ порфирии багряные ради одежди, в ней же хождаше являюще великородіе свое, а первее малхусом перечень был.... на поляхъ: «Того сквернрго безвѣрніка малхуса здѣ имя вложихъ, не того ради иже бы достоенъ былъ, в той священной кнізе быти, но дву ради вин? а) иж святые не гнушалисе от них учитис и исчерпати добрые и естественные первородные доброты благолѣпия, б) иж тую так велжую и мудрую вещь написал, дамаскинскии, яко превосходныи філософъ, такоже ко ученному и искусному козмѣ епископу вкратце, и яко ведущий к вѣдущему, во умѣ мающе пространне, писанием же изложил вкратце. А аз сего ради древо сіе вложил, да мало пространнее будет и явственѣише, нам не зѣло искусным и прістрастии объятым». (л. 292).

Противъ словъ текста: и то уставляютъ, а случая окрестъ нераздѣлнаго.... на поляхъ: «Сіреч существо». (л. 398 об.).

Противъ словъ текста: яко все воистинну, яко той глас, песъ... на поляхъ: «Еквивокум, нарицается что единым гласом речется, а много в собѣ замыкаетъ вещей» (л. 301).

Противъ словъ текста: ибо не един человѣкъ звѣрь разумный, но и ангелъ, и не пременяется.... на поляхъ: «Сіречь, ангелъ не пременяется в звѣря, або в жівотное, но человѣкъ душевный разумный относится по душевному и чувственному к животному понеж человѣкъ есть смертенъ, а ангелъ бессмертенъ, а сего ради непременяется» (л. 303).

Противъ словъ текста: душевное на чувственнаго звѣря, и на безчувственнаго, губа, и прісада... на поляхъ: «Губа и присада аще и не імѣеть чувъетва обаче ростутъ». (л. 310 об.).

Противъ словъ текста: понеже оное паче подлежавъ случаю ко бытству, а не оно в другом імѣетъ бытьство.... на поляхъ: «Рекше, но само в собѣ». (л. 311 об.).

Противъ словъ текста: третее, яко ани цѣло рожденно имѣти род, яко глаголем мѣти готовость немотующее ко мусікии, а фиговаго древа нікакоже.... на поляхъ: «Сіречь, отрочатко малое аще и неглаголетъ, а всяко в собѣ імѣеть от Бога вложенную сілу и готовость ко воспеванію, и ко другім искуствам: когда же? Егда возрастет, або лѣтъ досягънет, тогда можетъ аки на уготованное естество написати, рекше, научитися». (л. 325).

Противъ словъ текста: подобаетъ вѣдати показаніе быти лоики рассмотренія.... на поляхъ: «Лоика нарицается або бесѣдованіе, або неявных от ложных рассужденіе». (л. 330 об.)

Противъ словъ текста: и аще обретенна была бы едіна от непреборимых ложная, або замкненіе, род уловляющим свидѣтелством есть, а не сілогізмъ.... на поляхъ: «Паралогизм, а по латине капцыо за аргументацыя або конклюзіо фалляксъ, або децепціо перъ фалсас опиніонес, а по словенску подуловляющее свідетельство». (л. 331.).

Противъ словъ текста: прілужность есть, яж с предословія іскореняетъ речение антипарастазісъ, еже пріемлетъ глаголъ аки истинныи, а показует еже ничтоже тщетно ко непреборимому... на поляхъ: «Фігкура, або образец дамостенов, имѣюще ісповеданіе всякое совокупленно з болшим прѣніем». (л. 332).

Противъ словъ текста: лемнацыонъ есть, яж пріято есть яко ісповѣданное ко приготовленію нѣкотораго.... на поляхъ: «Пріятое ісповеданіе». (л. 332 об.).

Противъ словъ текста: яко парменідосовъ глаголъ, понеж едіну глаголалъ істотность... на поляхъ: «Парменідес фіософ ксенефонтовъ ученикъ и другъ, от котораго имени платонъ беседу яж о идиах писалъ парменідом прозвал, тот мнил все быти вѣчно, и недвіжімо: что бы было істотность по неявной вещи ибо толико быти просто, и небоящееся, і нероженно, а рожние оных быти ложным мнѣнием відятся быти егда ж не суть. А чувства отлученны ото истинны непщевал, понеж утвержал аще что ест паче истотности сіе не быти істотность, ани істотность не быти в вещах. А еще собѣ неточность в жівущих составлял: а землю разлѣишим аером спаденіем сотворенну быти блядословил». (л. 332 об.).

Противъ словъ текста: яко ераклія понеж всѣ вещи двіжутся.... на поляхъ: «Мудрец един который всегды плакалъ, еликократ исходил зъ дому». (л. 332 об.).

Противъ словъ текста: пребываетъ убо по созданію мѣсто... на поляхъ: «То что содѣланно». (л. 333).

Противъ словъ текста: дѣлати нарицается в них же не пребываетъ дѣло, сіреч, апотолезма, яко в пискающим и во скачущем.... на поляхъ: «Апотолезма, сіречь, елико аще небо с совокупленіа звѣздъ; и от возрѣніа общего в нароженном часе всякаго управленія, сіе уподобляет дамаскин блядословіе звездочетское во писканію, або ко скаканіе иже есть несуще и не потребно, яко роженіе под часами и жребиа и урочаща, и щастя, и пророчества от звѣздъ, и тѣмъ подобные, понеж сіе все умышленіе сатанинъское, от волхвов ізобретенно, а не от сифа праотца». (л. 333).

Противъ словъ текста: епіноианъ, сіреч, выразумлѣніе, строка глаголъ сугубый, назнаменуетъ.... на поляхъ: «Обходы, або ликованіа…. елнины нарицали, одолѣніе ради полученіа». (л. 333).

Противъ словъ текста: здѣ же акібы епенноия нѣякая и епинтимизис есть, совершенную вещи и нераздѣлную або явную разпространяюще.... на поляхъ: «Епінъноия, и епентемізис, во среду слова вложеніе лівры, або сілябы, абы была числом сілябъ должавшее глаголаніе» (л. 333).

Противъ словъ текста: а таковыи есть центауровъ, и сірінов, и троеляфовъ басни смышлены.... на поляхъ: «Люд о них же поетове пішут: акібы на полы человѣкъ был, а на полы конъ, подобно того ради ижъ на конех битвы первіе началіся.

Див морскии образом дѣвица будуща по пояс, а прочая рыба, поетове затевают три быти дщери ахелиовы, яж прекрасным воспеваніем человѣкъ прелщают, сіречь, усыпляют и потопляютъ, имъ же имена были, парфенове, лігия, и леукозіа.

Звѣръ есть в фазе рецѣ плодящеся, браду козлову мающе, а во прочим еленю подобенъ, откуды смешанно съ еленя и козла». (л. 333 об.).

Противъ словъ текста: смешание або умерение нарекли, або въ купе рожденіе.... на поляхъ: «Понеж душа вкупе с тѣлом раждается». (л. 334).