Приложение I. «Новый Маргарит» князя Курбского, часть 1, с. 3-24 приложений: оригинал издания
Описание рукописи «Нового Маргарита» - сборника слов Иоанна Златоуста в переводе князя Андрея Курбского - и извлечения из неё: заглавия и порядок статей, предисловие переводчика, его замечания на полях и реестр книг Златоуста. С. 3-24 приложений. Текст в орфографии издания 1888 года.
Трудъ Курбскаго сохранился лишь въ двухъ спискахъ, изъ которыхъ одинъ въ России, въ рук. Моск. Рум. Музея, изъ собранія Ундольскаго № 187, другой въ Вольфенбюттельской библиотеке, in fa, 64. 43. Extravagantìum. Представляемъ описаніе первой.
Рукопись Рум. Музея сохранилась не вполнѣ; списокъ начинается съ 111 листа. О потерянной части рукописи даетъ, впрочемъ, полное понятіе, находящееся въ самомъ началѣ ее «сказание главамъ», оглавление статей рукописи, съ цифровыми указаніями листовъ, съ которыхъ они начинаются. Размѣщеніе главъ въ сохранившейся части рукописи въ точности соответствуетъ показаніямъ этого оглавления. Выписываемъ его сполна:
(Ск)азаніе главам...183
Исторія кратка и зѣло жалосна о плодѣх ласкателей. Глава г. (л)ист а.
Сказание о знаках книжных. Глава къ. лист зъ.
О рождествѣ Господнем бесѣда. Глава г. лист а҃і.
О поклонении волхвов бесѣда. Глава д. лист є҃і.
В недѣлю цвѣтную бесѣда. Глава е. лис къ.
(О пр)едателю и тайнах вечери Господни (с)лово а. (Г)лав зъ. (л)ист к҃ѕ.
Слово въ. Глава зъ лист к҃ѳ.
Слово г. Глава и. лист л.
Слово д. Глава ѳ҃. лист л҃ѕ
Слово е. Глава и. лист л҃д.
Слово зъ. Глава а҃і. лист л҃ѕ.
Въ великий четверток о Июдине преданию бесѣда. Глава в҃і. лист л҃ѳ.
О разбойнику слово. Глава г҃і. лист м҃ѳ.
В день преустовления бесѣда. Глава д҃і лист на.
О кресте и разбойнице бесѣда въ. Глава є҃і. лист н҃ѳ.
О кресте Господнем бесѣда. Глава ѕ҃і. лист ꙁ҃г.
О тайнах напоминално слово. Глава ꙁ҃і. (л)ист ꙁ҃н.
О воскресенію слово а. Глава ни. лист о҃а. Слово въ. Глава ѳ҃і. лист п҃є. Слово г. Глава къ. лист п҃ꙁ. Слово д҃. Глава к҃а. лист н҃ѳ. Слово е. Глава к҃в. лист п҃ѳ. Слово зъ. Глава к҃г. лист ч҃а. Слово зъ. Глава к҃д. лист ч҃в. Слово и. Глава к҃є. лист ч҃г. Слово ѳ҃. Глава к҃ѕ. лист ч҃є.
О вознесении Господнем слово. Глава к҃ꙁ. лист ч҃ꙁ.
О пентикостию слово. Глава кн. лист р҃є.
Слово на пентикостие о святом Духу. Глава к҃ѳ. лист ра҃і.
……..носущно и животворящей и... .Троицы. Глава л҃к. лист рм҃а.
О рожествѣ святого Иоана Крестителя и на благовѣщеніе Христово и о днех рожества Христова и зачатка слово. Глава л҃г. лист рн҃в.
Сказание о днях и мѣсяцах. Глава л҃д. лист р҃ꙁ.
На усекновение Иоан Крестителя бесѣда. Глава л҃є. лист рꙁа.
О том же бесѣда. Глава л҃ѕ. лист рѯ҃ꙁ.
На празник невинных младенцовъ бесѣда. Глава184 лист р҃...
О рожествѣ невинных младенцев бесѣда. Глава185 лист... .
Зъ главы Матфея въ бесѣда. Глава л҃ѳ лист ро҃д.
О впадшем въ разбойники слово. Глава м. лист ро҃с.
О мытарю и фарисею слово. Глава м҃а. лист рѻ҃н.
О отцу и двух сынех бесѣда. Глава м҃в. лист рг҃в.
Зъ главы Матфеа зач. ѯ҃. в суб. по просвещанию. Глав м҃г. лист рп҃н.
Зъ главы Матфеа зъ. зач. ꙁ҃і в неделю сыр. Глав мд. лист рч҃в.
О читанию евангелия идѣже читано ест. Глав м҃є. лист рч҃є.
На поклонение животворящего креста о средопостию. Глава м҃ѕ. лист рч҃н.
На оно Матфеа. хто сотворит и научить сей велий наречется в царствии небесном. Глава м҃ꙁ. лист с҃д.
3 главы Матфеꙗ е. бесѣда. Глав м҃н. лист с҃ѕ. зач. ѕ҃і. в ндлю.
О вѣре в Христа бесѣда. Глава м҃ѳ. лист с҃н186
О Иоане Крестителю бесѣда. Глава н. лист с҃і.
На речение Иоан. приде час. егда истинные поклонницы поклонятся Отцу духом истинным. Глава на. лист сд҃і.
О Лазарю воскресшем. Глава н҃в. лист сеи.
На речение Иоан. вы друзи мои есте и прч. Глава н҃г. лист сꙁ҃і.
На речение Иоан. вы друзи мои есте и прч. бесѣда въ. Глав. н҃д. лист сѳ҃і.187
[Со евангелия Матфеа бесѣд…..]
Съ еванглия Иоана бесѣда к҃в. Глава... и.. с...188
Бесѣда к҃г. Глава н҃ꙁ. листъ ск҃ѳ. зач. ѳ҃і.
Бесѣда м҃д. Глава ни. листъ сл҃г. в зач. ѳ҃і.
Бесѣда м҃є. Глава н҃ѳ, лист сл҃є. в зач. къ.
Бесѣда м҃ѕ. Глава ѯ҃. лис с҃м. в зач. к҃в.
Бесѣда м҃ꙁ. Глава ѯ҃а. лис см҃г. в зач. к҃г.
Горе миру от соблазнов бесѣда. Глава ѯ҃в. лис см҃н.
О розводе жен бесѣда. Глава ѯ҃г. лис с҃и.
О розводе на слово Павлово бесѣда. Глава ѯ҃д. лис си҃д.
Бесѣда на речение апостола до Коринфов. егда покорятся ему всяческие. Глава ѯ҃є. лис сн҃ѳ.
Слово на речение Павла, хощу вас не вѣдати братиа иже всѣ отци бвши подо облаком быша и всѣ сквозе море Чермное проидоша. Глава ѯ҃г. лис сѯ҃г.
Бесѣда на речение апостола до Коринфов. подобаетъ ересем быти. Глава ѯ҃ꙁ. лис св.
О приатиа Сивириана бесѣда. Глава ѯ҃н. лис сѻ҃ꙁ.
Слово самого Сивериана. Глава ѯ҃ѳ. лис сѻ҃н.
О вѣре, и надежды, и любви слово. Глава ь. лис сѻ҃ѳ.
О мздовоздаанию святых слово. Глава а. лис сп҃а.
О мученицех слово. Глава въ. лис сп҃д.
О мучнцех албо наследованны албо нехвалими подобают быть слово. Глава г. листъ сп҃ѕ.
На речение Павла не хощу вас невѣдати о усопших да не скорбите. Потом о Иове, и Авраамме. Глав д. лис сп҃и.
На речение апостола, о бысте подъяли мало нѣчто безумна моего бесѣда. Глава е. лис сч҃г.
О Ювентине и Максиме, мученицех слово. Глава зъ. лис сч҃ѳ.
О том же во книзе бытейскои. вражду положу между тобою и женою. Глав зъ. ис т҃г.
...дши враках бллскиих сут …… (?)
Толкование на псалом чѕ. Господь воцарился да радуется земля. Глава ѻ҃ѳ. листъ т҃ѕ.
О умерших не плаката но лепше молитися. Глава п. лис ти.
О похвалах божественнаго Павла бесѣда а. Глава п҃а. лис тг҃і. Бесѣда въ. Глава п҃в. лис тѕ҃і. Бесѣда въ. Глава п҃в. лис тѕ҃і. Бесѣда г. Глава п҃г. лис тѳ҃і Бесѣда д. Глава п҃д. лис тк҃а. Бесѣда е Глава п҃є лис тк҃ѕ. Бесѣда зъ Глава п҃ѕ. лис т҃л. Бесѣда зъ. Глава п҃ꙁ. лис тл҃ꙁ. Бесѣда н. Глава п҃н. лис тл҃ꙁ. О подъятию обличенее и о обращению Павлове бесѣда ѳ҃. Глава п҃ѳ. лис тл҃н.
Житіе блаженнаго Иоана Златоустаго. Глав. ч҃. лис. тм҃ꙁ.
Сказ Андреа Ярославскаго. Глав ч҃а. листъ тм҃и.
Кроники Никифора Калиста. Глава ч҃в. листъ тн҃и.
Отвещание Инокентиево на Иоанову епистолию до не(го) писаную. Глава ч҃г. листъ тн҃д.
Епистолия Инокентиа папы коим Аркадии проклятию подает Глав ч҃д. лист..
Кои по смерти Иоанове содѣлалис. Глава ч҃є. лис т҃ѯ.
Епистолиа Иоана Златоустаго ко Инокентию папе римскому. Глава чѕ. листъ тз҃а.
Второе послание Иоанова ко Инокентию епископу римскому. Глава ч҃ꙁ. ист тѯ҃а.
Того ж Иоана послание ко Кириаку епископу. (Г)лв ч҃н. (л)ис тѯ҃є.
Епистолия Иоан Златоустаго ко епископом и презвитером благочестиа ради вверженым. Глава ч҃ѳ. ли..
Послание того ж Иоан ко Алимпиаде женѣ зѣло славнои. Глава ра. лис..
Посем главы всѣх книгъ Златоустовых что он будуще исправилъ на сем свѣтѣ: которые у нас на словенское преведены и которые не преведены, а по коей винѣ. преведены189, зри вредословие190 книги сей.
Этого «предословие» въ описываемой рукописи однако нѣтъ: но оно сохранилось при списке Вольфенбюттельской библиотеки и по нему было напечатано Иванишевымъ въ его изданіи: Жизнь кн. А.М. Курбскаго въ Литвѣ и на Волыни, и пр., т. II, Киевъ, 1849, стр. 303‒315. По важности его содержанія и для цѣльности представления сборника, помѣщаемъ его и здѣсь:
Предисловіе многогрешнаго Андрея Ярославскаго на книгу сію, достойную нарицатися Новый Маргаритъ; въ той же отъчасти жалостна и плачу достойная исторія кратка и о плодехъ ласкателей. Глава I.
Въ лѣтехъ осмые тысещи вѣка звѣринаго191, яко глаголется во Апокалипси, вожделѣютъ человецы смерти, и бежитъ отъ нихъ смерть. Таковые намъ приключишася за грѣхи наши! Чтожъ такое и которая вина сицевымъ? Изгнанну ми бывшу безъ правды, от земли Божии, и въ странствѣ пребывающу, между человѣки тяжкими и зело, негостелюбными и къ тому въ ересехъ различныхъ развращенными, а во отечествѣ слышахъ огнь мучительства прелютѣйший горящъ, и гонением попаляемъ людъ христианский безъ пощаженія, и лютость кипяща презѣлная на народъ христианский, горшая, нежели при древнихъ мучителехъ, або при духоборныхъ іудѣехъ; тамо бо аще и на Христа нашего всяко безчеловечие ярости изливаемо, но женский родъ пощаженъ былъ, яко о Богородице при кресте и о мироносицахъ повѣствовано, также и о прочихъ, послужившихъ ко погребенію Христову. Нынѣ же толико отъ ласкателей (на поляхъ: отъ потаковниковъ, альбо отъ похлебниковъ), отъ сожительницы бѣсовские подгрѣваемыхъ, царь бысть возверзенъ не токмо мужей нарочитыхъ и свѣтлыхъ чиновниковъ, албо воиновъ крѣпкихъ, но и женъ благообразныхъ и пресвѣтлыхъ въ родех погубилъ различными муками, и младенцевъ, въ первомъ возрасте и въ мяхкомъ телеси и ссущихъ отъ сосцовъ матернихъ, не пощадилъ. И не ста ему ярость зверства. До того разгнѣвався туне на сановитыхъ, неточию ихъ заглади вовсеродно, но и обитания ихъ (на поляхъ: дворы ихъ, альбо домы), и веси, и села со живущими ихъ убогими подружними, со женами, съ дѣтками, всеродно погубляти повелѣваетъ нѣякимъ воинамъ безчеловечнѣйшимъ, на то избраннымъ отъ него, горши димиевъ (на поляхъ: Димии греческа пословица, а по руской палачи, або каты), нареченнымъ отъ него кромѣшникомъ. И къ тому еще совѣтуютъ ласкатели явственно съ самимъ сатаною, противъ закона Божія. Законъ Божій глаголетъ: да не понесетъ сынъ грѣховъ отца своего, а ни отецъ грѣховъ сына своего; каждый во своемъ грѣхѣ умретъ и по своей винѣ понесетъ казнь. А ласкатели совѣтуютъ, аще кого оклевещутъ, и повиннымъ сотворятъ, и праведника грѣшникомъ учинятъ, и измѣнникомъ нарекутъ, по ихъ обыкновенному слову; не токмо того безъ суда осуждаютъ и казни предаютъ, но и до трехъ поколѣний, отъ отца и отъ матери по роду влекомыхъ, осуждаютъ и казнятъ, и всеродно погубляютъ, не токмо единоколѣнныхъ, но аще и знаемъ былъ, и суседъ, и мало ко дружбѣ причастенъ, иже въ незамирение и безчисленные зла, гнѣвъ непримирительный и кровопролитие производятъ на неповинныхъ. Богь повелѣваетъ не клятися ни небомъ, ни землею, ни иными клятвами, но точно довольствовати ко вѣрности: еже ей-ей, еже ни-ни. Ласкатели совѣтуютъ, крестъ честный положа албо Евангелия, и, написавши исповѣдь, со твердымъ обещаніемъ и со проклинаніемъ обвезоваютъ мучителю работами, и вѣчною неволею принуждаютъ окаянныхъ, и оплетаютъ неволителне лехкоумие ихъ. Богъ глаголеть научающе совершеннѣйшей любви, душу за други полагати, а ласкатели совѣтуютъ при присезе окаяннымъ не знатись не токмо со други и ближними, но и самыхъ родителей, и братий, и сестеръ отрицатись, но точно мучительскую скверную тайну хранить и во всемъ, противъ совѣсти и Бога, волю его исполнять. Богъ повелѣваеть враговъ любити и гонящихъ благословляти, злодѣйствующимъ не отомщевати; а ласкатели совѣтуютъ при присязѣ друговъ ненавидѣти, неповинныхъ обидѣти и грабити, доброхотствующихъ и душу за царя и за общую вещь (на поляхъ: за посполитую рѣчь) полагающихъ, заколати, яко агнецовъ, и различными смертми растерзати, не палачами (на поляхъ: катъ) таковые дѣйствующе, но самимъ руки кровавити и рѣзати человѣковъ по составомъ. На таковыхъ всѣхъ и такъ пресквернѣйшихъ дѣлѣхъ присегати повелѣваютъ, и страшнымъ знамениемъ Христа нашего таковые утверждаютъ и печатлѣютъ сицевые претягчайшіе и звѣремъ неподобные дѣла; а что глаголю звѣремъ? а ни самымъ демономъ. Бо и беси бѣсовъ любятъ, точно злости ихъ на человѣческомъ родѣ исполняютъ. Таковы добры думы (на поляхъ совѣты або рады) ласкателей отворящему цареви уши имъ! Удобнѣйше смрада безумному нѣкоему печатати златымъ перстенемъ, нежели печатью Христа нашего таковые пресквернѣйшие печатлѣти. Чтожъ по сихъ? и во яковые пребытки производятся совѣты ласкателей (на поляхъ: по ихъ слову московскому, маняковъ, або потаковниковъ, а ту обыкли ихъ нарицати похлѣбники), и послушающий ихъ царь что получаетъ, и яково возмездіе отъ Бога пріемлетъ? Умиленное и жалостное ко слышанію. Егда наши малые остатечные отечества разори и овые собѣ побралъ, овые варваромъ подавалъ; тогда Богъ воскоре на отомщеніе въстаетъ и не обинувся воздаетъ (аще ко исправленію подвижуще человѣка преступльшего); градъ Москва, многонародный и преславный во вселенной, варварскими руками сожъженъ быти внезапу попущается и за два або за три часы зельнимъ пламенемъ потребляется, со множайшими церквами Божиими, и со безчисленными народы христіанскими, и съ чиноначальниками обоихъ чиновъ, мирскаго и духовнаго, внезапу, аки брение по пути, поглажается умиленно и слезне; окресные же веси и грады пленятся, и множество святыхъ монастырей разоряется, и въ плѣнъ люду христіанскаго безчисленные множества аки скоты чредами гонятся. Ибо воскоре безчеловѣчіе царево и единонравныхъ его отъ Бога обличается, на образъ хотящимъ беззаконовати. Таковые онъ мзды ему служащимъ воздалъ, такъ отечество украсилъ, такъ ко единоколѣннымъ доброту показалъ, таковую ко единоязычнымъ ему любовь простеръ. Таковые суть ласкателей192 плоды, и таковы полезны совѣты, и въ таково зло взрастаютъ безпрестанне, ложные во уши царей шепчуще! И мнѣ же нещасливому что въздалъ? Матерь ми и жену, и отрочка единаго сына моего, въ заточению затворенныхъ, троскою поморилъ, браню мою, единоколѣнныхъ княжатъ ярославскихъ, различными смертьми помори, служащихъ ему верне, имѣнія мои и ихъ разграбите, и надъ то все горчайшего, отъ любимаго отечества изгналъ, отъ друговъ прелюбезныхъ разлучилъ. И не до настоящихъ яростию сталъ, но и къ невещественнымъ сказати устремляется. Звѣзды съ небеси совлащати тщится, сиречь мучениковъ вѣнцовъ отлучати и прогнанныхъ и изобиженныхъ мздовъздаянія отъ праведнаго судьи лишати умышляетъ. Што се есть таковое дивное глаголемъ? Митрополиту своему, преуродивому и неточию отъ патріарха не херотонисанному съ подобными ему епископы, законопреступными и во всехъ злостехъ его согласающими, но и отъ Филиппа митрополита193, преже бывшего, новоявленнаго священномученика, запрещенъ и не благословенъ, мучительски на престолъ наскочилъ, тѣхъ всѣхъ, избиенныхъ отъ него различными муками, во церквахъ, на амвоны вошедше, кляти повелѣваетъ, (таковымъ въ ризы святительсткие оболченнымъ звѣремъ) и отъ християнскія части отлучати мучениковъ тщатся, что все, въ день нелицемѣрнаго праведнаго суда Христова, на главы ихъ обратится. И иншихъ же злыхъ, еже слышахъ и видѣхъ, на цѣлую книгу не исписалъ быхъ. Мню, иже человѣкъ бы сего зла человѣкомъ не възмогъ сотворити, но самъ дьяволъ, рыскающе и якъ левъ, ярящійся прелютейше на народъ христианский, разрѣшенъ уже будуще отъ темницы своея и пущенный на прельщеніе языковъ, имѣя ярость велію. Змій (на поляхъ: Драконъ. Зри во Апокалипси прилежне и прировнай тое пророчество нынешняго вѣка бесѣдамъ) онъ превеликий, имѣюще брань со святыми, и възвышающе опашъ (на поляхъ: хоботъ сіреч) свой на высоту, низлагающе съ небеси третину звѣздъ небесныхъ, то есть человѣковъ нарочитыхъ и властелей христианскихъ, въ высокихъ догматехъ и въ жительствѣ священнолѣпномъ. Послѣди же расслабившихся, и славу міра сего возлюбившихъ, и волею своею подъ его власть покорившихся низложилъ на землю (на поляхъ: земными вещьми оплелъ), то есть въ волю его живыхъ уловилъ и действуетъ уже ими елико хощетъ, яко сосуды своими, Богу попущающему по неизреченнымъ судьбамъ его, а избранныхъ своихъ Богъ, до конца претерпѣвшихъ, здѣ искушающе, аки злато въ горнилѣ. Азъ же вся сиа вѣдахъ и слышахъ, и быхъ объятъ жалостию и стисняемъ отовсюду уныниемъ, и снѣдающе тѣ нестерпимые предреченные бѣды, яко моль, сердце мое. Помянух же и обращался въ скорбехъ ко Господу моему, со воздыхании тяжкими, и со слезами, просяще помощи и заступленія, да отовратитъ гнѣвъ свой и да не презритъ уныніемъ потребитися, и утѣшающи ми ся въ книжныхъ дѣлехъ, и разумы высочайшихъ древнихъ мужей прохождахъ. Прочитахъ, рассмотряхъ физическіе194, и обучахся и навыкалъ еттическихъ195. Часто жъ обращался и прочиталъ сродные мои священные писанія, ими же праотцы мои были по душѣ воспитаны. И случило ми ся, часто вникающему въ нихъ, вспамятати о преподобномъ Максиме, новомъ исповѣднику; ибо прилучило ми ся съ нимъ нѣкогда бесѣдовати. И вопросихъ его о книгахъ великихъ учителей нашихъ въсточныхъ: если бы всѣ преведени были отъ грецка языка въ словенскій? и гдѣ суть? если у Сербовъ, альбо у Болгорувъ суть, або у иныхъ языковъ словенскихъ? Онъ же отвѣщалъ ми, ижъ не преведены суть во словенскій, но въ грецкомъ всѣ обрѣтаются, а не токмо въ словенскій, но ни въ латинский языкъ недозволенны были преложитися, аще и зело ихъ римляня желали, и многіе прошения о томъ чинили196; но грецкими цесарми было забраняемо сіе имъ и никакожъ попущаемо, не вѣмъ, реклъ, чего ради, даже до царствующего града взятия. А егда обстоенъ былъ Константиновъ градъ отъ безбожныхъ Турковъ, и цесарь Константинъ послѣдний видѣлъ беду належащую на градъ, многую и нестерпимую, самъ съ воинствомъ ополчашеся противу Турковъ, броняще стѣнъ града даже до смерти, а царицу свою, со всею казною (на поляхъ: скарбомъ), со газофилякиею книжною, выпустилъ на белое море въ кораблех, до Родиса и до Венацѣи. Егда же, грѣхъ ради христианскихъ, Константиновъ градъ, по Божию праведному суду, преданъ былъ подъ власть безбожныхъ Турковъ, и святилище великое Божіе премудрости оскверненно суще, и алтарь великий опровреженъ; патріархъ Анастасий и презвитери и вси клирици отъ церкви отогнаны и въ плѣнъ, и въ работу взяты. Послѣди же патріархъ отъ рукъ ихъ утече съ некоими презвитеры и диаконы, до Венацѣи и зъ собою всю газофилякию (на поляхъ: либрарію, або книгохранительницу) церковную износе. Венеты же видѣвъ давно желательное въ рукахъ ихъ, все оставя, яшася вседушевне за книги учителей въсточныхъ церквей. И посаждаютъ двухъ презвитеровъ софийскихъ и Петра архидіакона, мужей не точію въ священныхъ писаніяхъ искусныхъ, но и внѣшную философію навыкшихъ. И ктому придаютъ имъ въ помощь своихъ премудрыхъ. И преводятъ книги всѣхъ учителей нашихъ, елико ихъ обрѣли, отъ еллинские бесѣды на римскую, по чину и разуму грамотическому, не отмѣняюще немалѣйше. И преложивше ихъ на языкъ свой, даютъ въ друкъ (на поляхъ: на печатованіе) и размножаютъ много, и посылаютъ продавающе ихъ лехкою цѣною, не точию въ Италии, но и по всѣмъ странамъ западнымъ, на исправление и просвищение народовъ христианскихъ. Тѣ (на поляхъ: сіе) Максимъ поведал ми. Азъ же сіе слышахъ отъ превозлюбленнаго учителя моего, зъ самыхъ его преподобныхъ устъ, и приехавъ мнѣ уже ту, ото отечества моего, съ сожалѣніемъ потщахся латинску языку приучатися того ради, ижъ бы моглъ преложити на свой языкъ, что еще не преложено; ижъ нашихъ учителей чуждые наслаждаются, а мы гладомъ духовнымъ таемъ, на свои зряще. И того ради немало лѣть изнурихъ въ грамотическихъ, и въ діалектическихъ, и въ прочихъ наукахъ пріучаяся. Егда уже по силѣ моей навыкахъ ихъ, тогда купихъ книги и умолихъ юношу ко преводу (у него же внѣшнимъ наукамъ учихся), именем Амъброжія, отъ родителей христианскихъ рожденна, зело въ писаніяхъ искусна суща и верхъ философіи внѣшныя достигша. И первіе протолковахъ съ нимъ зъ латинскаго въ словенскъ всѣ главы съ книгъ Златоустовыхъ, што онъ исправилъ на семъ свѣтѣ будучи, трехъ ради винъ: первая да явится, колико преведенно Златоустовыхъ словесъ въ нашь словенскій языкъ, и рассмотрится въ нихъ, коликое еще множество не преведенно; другая, негли возревнуютъ ревностію по Бозѣ благовѣрные мужие, желатели благочестіе, и преложатъ сіе на свой имъ языкъ, тую нснасытимую доброту, каплющую отъ златаго языка, духовную благодать, въ похвалу и въ память свою и родовъ ихъ. Третяя вина, иже нѣкоторые197 поетове и многіе еретицы написали повести и слова нѣкоторые, на прельщеніе и на наруганіе христианское, наипаче же преуродливый Ереміе, попъ болгарский, еретикъ маннетовы ереси, вѣдаючи того преславнаго учителя ото всѣхъ любима и похваляема, и покрываючи свои имена, подписали титулъ его къ своимъ словесемъ, да удобне приимутся имени его ради. И аще нѣхто рассмотритъ въ реистрѣ семъ тогда обличается, аще суть Златоустовыхъ, або ни. Азъ же, рассмотрѣвъ главъ сихъ, и хотѣхъ со жаланемъ устремитися на епистоліи Павла, отъ него протолкованные, ажъ бы ихъ моглъ склонити на Словенией отъ латинска, и искахъ мужей, словенскимъ языкомъ книжнымъ добре умѣющихъ, и не возмогохъ обрѣсти. Аще и елицыхъ обретох мниховъ и мірскихъ, не возхотѣша помощи ми: мниси отрекошася, уничижающеся непохвалне, не глаголю лицемѣрне або лѣностне, отъ того достохвального дѣла; мірскіе, не восхотѣша, объяты будучи суетными міра сего и подавляюще сѣмя благовѣрия терниемъ и осотомъ. Азъ же бояхся, и отъ младости не до конца навыкохъ книжнаго словенскаго языка, понежъ беспрестанне обращахъся и лѣта изнуряхъ, за повелѣніемъ царевымъ, въ чину стратилацкомъ, потомъ въ синглицкомъ, исправляхъ дѣла, овогда судебные, овогда совѣтническіе, многождо же и частократъ съ воинствомъ ополчахся противъ враговъ креста Христова. Такъ же, и ту приехавъ, принужденъ быхъ королемъ къ службамъ его военнымъ, и егда упразнихся отъ нихъ, ненавистные и лукавые сусѣди прекаждаху ми дѣло сіе лакомствомъ (на поляхъ: міролюбиемъ, або сребролюбіемъ) и зависаю движими, хотяще ми выдрати данное ми имене зласки королевств на препитание, не только отъяти и пожрети хотяще многіе ради зависти, но и крови моей насытитися желающе. Понеже уже и слуги моего и брата превозлюбленнаго и вѣрнаго (на поляхъ: именем Иоанна, Калымета наречениемъ) кровь пролияша и внезапу отъ жизни сея разлучиша, мужа не точию въ военныхъ вещахъ крѣпкаго и искуснаго, но и въ разумѣ свѣтлаго, который здравие мое отъ гонения на своей вые вынесъ со другими слугами. И того ради воспящахся отъ того великаго дѣла до времени, и всяко покусился съ предреченнымъ онымъ съ наученѣйшимъ юношею, некои отъ словесъ его преложити, кои еще въ словенскомъ никогда же были преведенны, то-есть слова преведохъ на великіе празники владычни, елико ихъ обрѣтохъ, и другихъ не мало, въ таковыхъ бѣдахъ и въ напастехъ пребывая и по силѣ моей, и склоняхъ спадки (на поляхъ: казусы, або склоненія, фигуры и времена), и роды, и образцы, и часы, и иные грамотическіе чины неотмѣнне и истинне; такъ и разума нигдѣжъ растлѣхъ, бо престерехся того со великимъ трудомъ и прилежаніемъ. Также и знаки книжнымъ обычаемъ поставляхъ. И аще гдѣ погрѣшихъ въ чемъ, то-есть, не памятаючи книжныхъ пословицъ словенскихъ, лѣпотами украшенныхъ, и вмѣсто того буде простую пословицу введохъ, пречитающими, молюся съ любовию и христоподобною кротостію, да исправятся; ибо и со Павломъ дерзну рещи: аще и невѣжда есми словомъ, но не разумомъ. Аще ли хто въсхощетъ спадки и часы и прочие чины предреченные грамотические исправляти, Господи Боже, дай таковый обрѣлся! можетъ и зѣло можетъ исправляти, кто искусенъ въ грамотическихъ чинѣхъ, и во прочиихъ наукахъ совершенъ, нежели азъ. Аще ли кто тѣмъ не искусенъ будучи, да не дръзнетъ исправляти, понеже препортитъ и растлитъ, а исправити не можеть, но первее да учится и искусится трудолюбне, многими лѣты да навыкаетъ, и потомъ иныхъ учитъ и писанія исправляетъ; ибо варваръ не можеть философскихъ разумѣти, также и неученые учити, и неискусные ремеслу ремеселные художества устрояти и дѣлати не могутъ.
Всякое сопротивное со противнымъ вкупе пребывати не можетъ; а ижъ нечистота чистотѣ сопротивна; того ради, не очистився очищати другихъ не можетъ. Несовершенъ будучи, самъ учити другихъ не можетъ; а ижъ неискусный нѣсть совершенъ; того ради иныхъ учити не можетъ. Всякъ искусився словесныхъ и дѣлательныхъ совершенъ есть; а всякъ, совершенный во ученіихъ словесныхъ и свидѣтельствованный въ дѣлехъ добрыхъ, уже искушенъ; а про то (на поляхъ: того ради) иныхъ учити просвещати можете, яко оте сокровища духовнаго уже подающе и умножающе талантъ, ему вданный отъ Христа Бога нашего.
Затѣмъ слѣдуетъ вторая глава, которую также помѣщаемъ:
Сказаніе о знакахъ книжныхъ. Глава вторая.
Зри, читательнику, и примечай собѣ, бо тѣ знаки не туне (на поляхъ: пебезлепъ) отъ премудрыхъ мужей въ книгахъ положенны. Воздуха ради приймованія, то-есть частаго ради отдохъновенія, або по чину читания ради, ижъ бы строки неразсѣцалися, таковые поставляются: ,,,,, кои глаголются полатыни комы, а пословенску запятые. А гдѣ бываетъ полразума въ писаніяхъ, иное памяти человеческой подаемо, а иное на догадку пущаемо, и другихъ ради тѣмъ подобныхъ, тогды знаки ся ставятъ таковые:::. Тотъ знакъ нарицатися обыклъ отъ ученыхъ колонъ, римскимъ языкомъ. А гдѣ пишутся бесѣды, албо словеса по вопросу и отвѣту, албо гаданія неякіе, албо со еретики преніе (то-есть противъ церковнаго разума еретици свидѣтельства софистицки (на поляхъ: злохитре) вымышляютъ, а церковники противъ ихъ истинные аргументы (на поляхъ: доводы, альбо свидѣтельства) устрояютъ; тогды знаки тамо таковые поставляются: ;;; А гдѣ разумъ въ бесѣдѣ раздѣленъ быти потреба, то-есть на статьи, лѣпшего ради вырозумѣнія; тамо не токмо стати мало со отдохновеніемъ подобаетъ, но и гласъ отмѣнити, индѣ полехку, а индѣ и велегласно, ижъ бы было неварварско; бо риторски або философски сложенные писма, риторски читаемы быти хотятъ, а не варварски, не калицки, якъ строемъ у вратъ и подъ окны вспѣвати обычай; ту знаки таковые: …… А индѣ, егда въ бесѣдѣ або въ словѣ имя нѣкотораго случится вспомянути, або пословица нѣякая краткая вложити между писанными, и другое тѣмъ подобное, тогды таковые знаки ставятся: () () (). Тѣ нарицати звыкли ортографи парентези; бо читаючи, если между тѣми преступишь писанное, не показится разумъ, и аще не преступишь, а прочтешь, также не показится. А гдѣ сущее обрящется, то-есть албо евангельские слова, або апостольскіе, або пророческие, тогда таковые знаки ставятся: ] ] ] ] ], а потомъ знаку толкованіе бываетъ якова любо учителя. Тѣ обышные написалемъ, не премудрыхъ научающе; бо смѣхливо бы предъ ними обрелося (къ тому и азъ глупствомъ осудилъ бы ся, мало потребные пишуще), но неученныхъ ради, грубыхъ и неискусныхъ, въ писаніяхъ сицевые назнаменовалемъ, кои до читанія толико учатся и скоро по писаннымъ тещи тщатся, а разума богодухновеннаго не зрятъ под черниломъ сокровеннаго; и аще по статьямъ чиновне чести научатся, потомъ могугъ помалу и разума навыкати, руководящего къ небеси. Того ради молюся вамъ, аще преписоватися будетъ отъ кого-либо книжка сіе, не преминяйте знаковъ тѣхъ; бо и вамъ будетъ ко прочатанію полезно, и аще узрятъ ученые въ словенскомъ языцѣ съ тѣми знаками писану книгу, не точно предъ ними не будемъ посрамлены, но и похваленны; понеже въ греческихъ книгахъ таковые же знаки суть.
Самая рукопись, какъ мы замѣтили, начинается лишь съ 112 листа, продолженіемъ 29 главы, «Словом на пентикостие о святом Духу», словами текста: закон сошелъ: тоу гдѣ Христос на небо возшелъ, Духа Святого закон нам пришелъ,.. «Слово» это, по оглавлению, начиналось в рукописи съ предшествовавшего листа; оканчивается на л. 118. Далѣе,
л. 118: Божественнаго Иоана Хризостома бесѣда о светомъ и прехвалном Духу. Глава л. Нач.: Вчера от нас любовницы Христовы, Святого и прехвалного Духа ликовалося пришествие...
л. 132: Божественнаго Иоана Хризостома о вѣре и о естественном законе, и о Святом Духу слово. Глава л҃а. Нач.: Всякое писание богодухновеное полезно есть, начало источникь благодати от Духа правды ведеть...
л. 141: Божественнаго Иоана Хризостома, слово о святой единосущной и животворящей и нераздѣлимой Троицы. Глава л҃в. Нач.: Кои противу святой единосущной и неразделимой Троицы языки острятъ и хоулятъ, и тщатся...
л. 152: О рожествѣ святого Иоана Крстителя и на благовещение Христово слово, и о днех рожества Христова, и зачати. Глав л҃г. Нач.: О мѣре до хождения солнца о равнинах зачатиа нарожения Господа нашего Иисуса Христа и Иоана Крстителя, не вѣмъ аще кто смѣлъ тайну братиа преж рожства Христова разумѣти... Къ концу слова, противъ словъ текста: зачатъ есть мѣсяца марта, осмаго калянда апреля, – на поляхъ замѣчено: «аще кто не разумееть по устроенію мѣсяцей дней годовых, да зритъ кратко написано послѣди слова оного». За настоящимъ словомъ дѣйствительно непосредственно (л. 160 об.) слѣдуеть небольшая вставочная статья: Сказание о днях и мѣсяцехъ. От того звѣздозрителъства хоудожества началниковъ искусных сице оустроенно въ месяцех дни на трое разложенны, то есть, на калянды, на ноны, на идоусы. Глав. л҃д. Выписываемъ сполна:
Генварь мает каляндовъ ѳ҃і, ноны д҃, идоусов и.
Феврал каляндовь ѳ҃і, ноны д, идоусов и.
Август каляндовь ѳ҃і, ноны д, идоусов и.
Декабрь каляндовъ ѳ҃і, ноны д, идоусов н.
Апрель каляндовь и҃і, ноны д, идоусовъ н.
Июнь каляндовь (тоже самое).
Септеврий... (то же самое).
Ноеврий... (то же самое).
Мартъ мает каляндовь изъ; ноны зъ, идоусовъ и.
Маи … (тоже самое, что и въ предыдущемъ)
Июлий … (тоже самое, что и въ предыдущем)
Октоврии … (тоже самое, что и въ предыдущем)
И щитаются онако того ради, ижъ в каляндов днях прилучалис празники, на кои сходилося множество народа от окрестныхъ градовъ и весей, и на путех убиваемы были и разграбляемы от разбойниковъ, и того ради жрецы их сокрывающи празники их уреченные, щитали дни тые онако, иж бы их не оувѣдали разбойницы, и вопиюще велегласно, како, егда приходили пытатися до них о тѣх, празьницех, они же повѣдающе им днь празника приходящего тайно. И того ради единаго мѣсяца дни каляндовые в другой мѣсяцъ входят иж бы были тайны от злодѣевъ (л. 160 об.–161).
л. 161: На усекновение святаго Иоана Крстителя, где глаголется о злой женѣ, бесѣда. Глава л҃є. Нач.: Ох мнѣ что начну, откуды повести начало положу, або что отмолчоу. ани аз толко во иступлене оумысла есми, но всѣ слышавшие евангелский глас... и пр.
л. 167: О том же бёсѣда. Глав. л҃ѕ. Нач.: Днесь нам Иоаново преподобіе, иродиадова лютост егда возвещалося, смоутилис внутренние, сердца трепетали, зракъ помрачился, разумъ притупился, слоух скоутался або что твердо въ чоувствах человѣческихъ, егда погубляет преподобии величество злостей множество., и пр. концу поученія, противъ словъ текста: мы не возвещати но вопияти хотѣхом, иж бы празника вашего во опасению были веселия, и ваших нарожений радование да содержит во веселию мироу и пр., на поляхъ замѣчено «Нравоучение яко нам подобаетъ день рожения нашего почитати» (л. 170).
л. 170: Со вторые главы Матфев на празник невиньныхъ младенцовъ бесѣда. Глава л҃ꙁ. Нач.: Во оно время ангелъ господень явился во снѣ Иосифу глаголюще востани поими отроча и матерь его и бѣжи во Египет, и пр.
л. 172 О рожествѣ невинных младенцев бесѣда. Глав. ли. Нач.: Возлагается новое отъ немотоующих глаголание святым похвалам Христовым, бываетъ на почесть Господу первый глас провещеваютъ неповинные, бывают, словесные славою, будуще неискусны глаголаниемъ.. и пр.
л. 174: Зъ главы Матфея вторыя бесѣда. Глава л҃ѳ. Нач.: Во оно время умершоу Ироду, се ангелъ Господень, явился во снѣ Иосифу и пр.
л. 175: Слово божественнаго Иоана Хризостома о впадшом в разбойники. Глав. м. Нач.: Тогда реклъ Господь притчоу сію к нимъ: человѣкъ нѣкоторый сходяще от Иерусалима во Ерихон, впаде в разбойники и пр.
л. 189: О мытарѣ и фарисею и о смирению слово. Глава м҃а. Нач.: Яко облаковъ схожение в начале исте темный воздух сотворяетъ, егда же междоу себе облаки снидутся испоустивьши вес дожчь соткноутся, все небо и вселенноую споину и веселоу сподѣловаетъ и пр.
л. 182: О отцоу и двоу сынехъ бесѣда. Глава м҃в. Нач.: Всѣх воистинноу гаданий совершенство во писаніях самому оному явственно есть так, яко есть иж реклъ, аз есми истинна и пр.
л. 187: Зъ главы Матфея д҃ бесѣда. Глава м҃г. Нач.: Во оно время веден есть Иисус в поустыню и пр.
л. 192: Зъ главы Матфеꙗ зъ . в недѣлю сирную. Глава мд. Нач.: Во оно время рече Иисус учеником своим: аще отпоущаете человѣкомъ согрѣшениа их, и пр.
л. 195: О читанию евангелии идѣже читанно есть. Мат. зач. ꙁі. въ туж недѣлю. Глава м҃є. Нач.: Не боудите яко лицемири и фаресеи вытягают бо лица свои яко да видят ся человѣкомъ постящася. Поряду читаниа евангелиа, нам великое желание подало глаголание, о слове святыни, о святых наказаниах, о презлых обыкновениях, да нѣкогда и своих сооружит, врагов обличило и пр.
л. 198: Святаго Иоана Златоуста на поклонение надражайшего и животворящего креста, о средопостию слово. Глава м҃ѕ. Нач.: Пришелъ нам днишнии день всякимъ благочестіемъ хвалимый, и пресветлый святых постов и пр.
л. 204 об: На оно Матфея, кто сотворит и такъ научитъ наиболшии наречется в царствию небесном бесѣда. Глава м҃ꙁ. Нач.: Егда нам водле повинности достоит глаголати, а вам пристоит слушати: что такъ потребно и так годно может обоим случитися яко иж бы благочстие повидается и со прилежанием слушается и пр.
л. 207: Зъ главы Матфея пятой бесѣда. Глава м҃н. Нач.: Во оно время рече Иисус учеником своим слышасте яко реченно есть древним и пр.
л. 808: Божественного Иоана Хризостома архиепископа константинополскаго, нѣкоторые бесѣды на евангелию Иоановоу глаголемые фраменты, о вѣре во Христа бесѣда. Глава м҃ѳ. Нач.: Аще вѣроуешь Иисус Господь Богъ бѣ слово: по евангелистовъ свидѣтелствоу вѣроуй, иж то Слово плоть бысть: сиреч человѣкомъ сотворился, такъ иж не извратно божество пребываетъ. Ибо Богъ неизвратныи есть его же не едино соущество обемлет: егда ж он всѣ обемлетъ и пр.
л. 210 об.: Того ж о божественном Иоане Крестителю бесѣда. Глав. н. Нач.: О Иоане глаголется: бысть человѣкъ послан отъ Бога. Зри яковая есть различность междоу Богом и человѣком и пр.
л. 214: Бесѣда божественаго Иоана Хрисостома на речение Иоана, прииде час егда истинные поклонницы поклонятся Отцоу доухомъ истинны. Глава на. Нач.: Безчисленные благости божии, коих всегда наслажаемся. Аще безпрестанныя о умыслом и беседование рассоуждаем обращен ничесоже такъ пристоинаго нам, яко молитвы, простирати, славу исповѣдати и пр.
л. 215 об.: О Лазарю воскрешом бесѣда. Сіе слово нѣцыи глаголют не быти Златоустово того ради иже не во глоубиноу духовнаго разоума касаются аще и поетскии прекрасно словеса составлены; ибо Златоустый не такъ о прекрасности словесѣх тщился яко во глоубиноу духа вшед на духовный разум описании изводил. Глава н҃в. Нач.: С великим страхом братиа и со великим чоудомь оттоуды, и тамо насилиемъ болезнии Лазарь оумре: и яко берными составы, и оудессы согнившими оумиралъ, погребен есть и закопан и пр.
л. 317: На речение Иоана, вы дроузи мои есте и прочие, бесѣда вторая. Глава н҃г. Нач.: Господь во евангелии своей глаголет: вы дроузи мои есте, аще сотворите еже повелѣваю вам. Господь Христос любовне к своим глаголет любезне и милостне своемоу имени сообщников наказоует и пр.
л. 219 об.: На речение Иоана, вы дроузи мои есте аще сотворите и прочие бесѣда. Глава нд҃. Нач.: Вы дроузи мои есте аще сотворите елико повелѣваю вам. егда разсмотряю против человѣки показанные бжественные щедроты, и напослѣдокъ небесных силъ превосходные овощи емоу оудоленны зрю и пр.
л. 221: Бесѣда м҃є со евангеліа от Матфея. Глава не. Нач.: И пристоупиша оученицы рекоша емоу: чемоу въ притчах глаголеши и пр.
л. 226: Бесѣда . . . Чъто мнѣ и тебѣ жено не оуприиде часъ мои. Глава н҃ѕ. Нач: Мнѣ есть оубо нѣкии троуд еже глаголати, и сіе Павелъ являа глаголаше предстоящий добрѣ презвитери соугоубыя чести достоини и пр.
л. 299 об.: Бесѣда к҃г. Глава н҃ꙁ. Нач.: Сие сотворил начаток знамение Иисус в Кана галилеистеи. Много нас диаволъ приноужает, много нашемоу здравию сопротивляется и, пр.
л. 233 об.: Бесѣда мд. Глава и҃н. Нач.: Отвеща Иисус и рече: аминь амин глаголю вам. ищете мене не иже видѣсте знамение, но иже ядосте и насытистес и пр.
л. 535 об.: Бесѣда м҃е. Глава н҃ѳ. Нач.: Реша же к немоу что сотворим да дѣлаем дѣла божиа. Отвѣщал Иисус и рече им. и се есть дѣло божие да вѣруете в того его же послал он и пр.
л. 240: Бесѣда м҃ѕ. Глава зъ198 Нач.: Сего ради роптахоу июдеи о семь еже реклъ, аз есми хлѣбъ животныи иже съ небесе снидох и пр.
л. 243 об.: Бесѣда м҃ꙁ. Глава за.199 Нач.: Рече же им Иисус. амин амин глаголю вам. аще не снѣсте плоти сына человѣческаго, и пиете крови его, и пр.
л. 248 об.: На евангелию Матфеовоу, горе мироу от соблаз бесѣда. Глава ꙁ҃в. зач. д. Нач.: Горе мироу от соблазнов, а потреба приити соблазном, обаче горе человѣку томоу, коим приидутъ соблазны. Зрится воистинноу явственне Июдоу, ибо подобало терпѣти Господу: аще бы не терпѣлъ человѣческий род спастись не моглъ, и пр.
л. 250: О розводе женъ бесѣда. Глава ꙁ҃с. Мат. зач. н. Нач.: Во оно время пристоупиша ко Иисусоу фарисе искоушающе его и глаголюще. аще достоит человекови поустити женоу свою по всякой винѣ и прочие. Праведен Господь всѣх иж так милоует иных, яко и других не презирает, и пр.
л. 254 об.: О розводе на слово Павлово жена привязана законом поки живет моуж ея: а если оуснет свободна есть за кого хощет да посятгнет. точию о Господѣ благословеннѣйша есть аще так пребудет. Глава ꙁд҃. Нач.: Издавна нам блаженный Павель о женитве и о очищению женитвы законъ положил, х Коринфом такъ пишоуще: а о коих писаете ми, добро есть человѣкоу жены не косноутися: но невоздержания ради кождый свою женоу да имѣет, и пр.
л. 259 об.: Бесѣда божественаго Иоана Хризостома на речение апостола до Коринфов егда покорятся емоу всяческие тогда и сам сынъ покорится покоршемоу емоу всяческие, и прочие. Таже о очищению прокаженаго о тайне десяторицы и рогоу елея. Глава ꙁ҃е. Нач.: Вчорашим братиямъ глаголанию кое о вѣчномъ христовѣ царстве имѣли есмы, и мы всѣ силы вещания напряглисмы, и тѣм кои послушали, достоино и доволно случилос исповѣдание, и пр.
л. 265 об.: Божественаго Иоана Хрисостома слово на реченіе Павла: не хощу вас невѣдати братия иж всѣ отцы наши подо облаком быпа и всѣ сквозе Чермное море преидоша. Глава ѯ҃ѕ. Нач: Плавателе оную страну моря вящеи любят, кая частыми островы и пристанищими раздѣленна. Ибо море гдѣ пристанища не имѣет, аще и тихо есть, плавающим многие страхи приносит: а гдѣ пристанище и брегы от всюду бывают, тамо зѣло бестрашно плавается...
л. 272: Божественнаго Иоана Хризостома бесѣда на рече... апостола до Коринфов. потреба ересем быти. Глава ѯꙁ. Нач: Собрание ваше глаголанием оуже давно воспалих, и егда ем ввел Ерусалим вам своих бѣд проповедницоу, и оплакателницоу иж видѣхом тогда очи ваши запоухли, слез рѣки источити, и оумыслы всѣх жалостию смоущатис, и оплакивати: того ради абие яко ем оузрѣл, плачевное кратко оправив, речение в посреди расторгноулъ емь...
л. 277: О приятию Северияна бесѣда. Глава ѯи. Нач: Яко главѣ тѣло совокупити подобает, так церков священникоу, и началникоу люд: и яко ветви корениям, и кладезем источники: такъ и сынове отцоу и оучителю оученицы, и пр.
л. 278: Слово самого Сиверияна о мире, егда принят был отъ блаженаго Иоана епископа Константинопольскаго. Глава ѯ҃ѳ. Нач: Во пришествию Господа и Спаса нашего, и пред обличием плотскимъ ангели небесные веселящее, благовѣтствовали пастырем глаголюще: объявляем вам радость великоую, котора боудет всѣм народом, и пр.
л. 279: Божественнаго Иоанна Хрисостома от апостола о вѣре, надежди и любви слово. Глава ь. Нач: Апостолъ Павелъ повѣдает глаголюще: пребываютъ реку три тѣ, вѣра надежда любовь: а болшая с тѣх есть любовь. Тѣ тогда три подобает нам претещи, и каждоую по силѣ показати...
л. 281 об.: О мздовоздаанию святых и о различных честех апостольских, и о геоне, если есть и гдѣ есть, слово. Глава а. Нач: Неравне тая же честь блаженнымъ всѣмъ въ царствѣ божию подается, понеже ани христовым оучеников меж себе равных бывших явно: ибо три были яж над иных превышали, и межоу тѣми различности видѣлись: внегда ж Богоу и о намнѣйших попечение, и пр.
л. 274: Божественнаго Иоана Хризостома о мученницех слово. Глава въ. Нач: Ни единаго нѣсть, иж бы не вѣдалъ мученников славы того ради божиим совѣтом от божияго людоу хвалимых быти: точию иж бы и онымъ достойная честь воздалася и нам преподобна оуподобление помощию Христовою показалось: иж егда такъ оных славитис зрим, выразумѣхомъ, якова им слава есть на небесех и пр.
л. 276: Того ж Хрисостома о мученицех албо наслѣдованны албо нехвалими подобают быть слово. Глава г. Нач: Кто святых заслоугам благочестною любовию дивится, и кто праведных похвалы частым похвалением воспоминает, тѣх обычаи святые и правду да наслѣдуем, и пр.
л. 278: Божественнаго Иоана Хрисостома на речение Павла апостола, братия не хощоу вас невѣдати о оусопших да не скорбите. Потом о Иеви и Аврааме. Глава д. Нач: Четыри дни истребихом, во исповѣданию, вам при порасти Лазаревѣ, сокровища оные исчерпающе иже обрѣтохом сокрываемы въ согнившем теле: не злато во истинноу, ани сребро, або драгые камение, но благочестие, крѣпость, ноужду, и терпѣние многое, и пр.
л. 293 об.: Божественнаго Иоана Хрисостома на оное речение апостола, а бысть подъяли нѣчто мало безоуміа моего, бесѣда. Глава е. Нач: Всѣх во истинноу святых люблю, а наивящеи святаго Павла, сосоуд избранный, троубоу небесноую невѣсты Христовы воеводоу дѣво обещателя, и пр.
л. 299: Божественнаго Иоана Хрисостома о Ювентине и Максиме мученице слово. Глава зъ. Нач: Вчера блаженный Вавила со трема отроки нас здѣ собралъ, а днесь двоица святых воиновъ во ополчению воинство Христово показало. Вчера четверица мучеников, а днесь двоица явилась, и пр.
л. 303: Слово Иоана Златоустаго о том же во книзе бытейскои, враждо положоу межу тобою и женою. Глава зъ. Нач: Христианиноу с соупостатом воевание в самом начале явилос, и в самом начале мироу обрѣлось, егда дьявол змии прелесник человѣческий, престоупник мира, начальникъ смерти, греха вещь, сѣятел злости, престоуплении род, изобрѣтател мучения, живота отъял небеснаго декретоу восхитител и межи оным и женою, въ междоу обоими сѣмя вражды, и пр.
л. 304: Слово Иоана Хрисостома на мудрость Соломонову, праведныя души в роуках божиих суть и проч. Глава н. Нач: Праведных души в руках божиих суть и не прикоснется им мука, и пр.
л. 307: Толкование на псаломъ ч҃ѕ, Господь воцарися, да радуется земля. Глава ѻ҃ѳ. Нач: Оусекновен от ехидны Павел в роукоу, духа святаго сила яже в нем обитала соущим тамъ бывшим достоине объявилась, приемлюще от ехидны свидѣтелство, и пр.200
л. 310: О оусопших не плакати, но лѣпше молитися. Глава н҃. Нач: Превозлюбленнѣйшие отриноувши Богъ смерти мучителя, в коупе и дьяволю развязав силоу. Аще бы кто о востанию мертвых многоразоумне зналъ размышляти, како бысть смерти оужасалъ, и пр. Конца этого слова нѣтъ въ рукописи, равно какъ и начала слѣдующего, такъ какъ листы 312 и 313 въ рукописи вырваны.
л. 316 об.: Бесѣда въ Глава п҃в. Нач: Что есть человѣкъ, и коликая естества его свѣтлость, и коликих преподобии вмѣститель, то або наипаче над всѣх Павелъ показал, который нынѣ стал сопротив клеветал человѣчскаго сотворения, ясным гласом за Бога отвещающе, и пр.
л. 319: Бесѣда третя. Глава п҃г. Нач: Блаженыи Павелъ, иже толикоую силоу человечские охоты показалъ иж и на небо моглъ возлегѣти, оставив аггелы и архаггелы, и небесные силы, нѣкогда воистинноу своим образом повелѣвает нам, Христа послѣдовали глаголюще, и пр.
л. 321: Бесѣда д҃. Глава п҃д. Нач: Блаженыи Павелъ иж нас днесь собрал, и всю вселенноую освястил во время званиа своего ослепъ, но тою слеротою всего мира просвѣщение сталос, а иж не добре виделъ, добре его ослепил, иже уже потом виделъ полезнѣйшие, и пр.
л. 326 об.: Бесѣда е. Глава п҃є. Нач: Гдѣ тѣ нынѣ суть, иж нарекательным разоумом смерть обвиняти обыкли, и тленное тое тѣло и сокроушенное напрекажению добродѣтелей непщоуют? Да слоушают пресвѣтлых дѣлъ Павловых, и от того злого оклеветания престаноут. Ибо что человѣчскому родоу смерть прешкодила, что ко преподобию немощь тѣла забавило? Зри Павла и узришь, и пр.
л. 330 об.: Бесѣда шестаа: глава п҃ѕ. Нач; Хощете днесь братиа возлюбленнаа, иже тщанием послоушания тоу собрастес, абы есмо свѣтлые дѣлания Павловы, и знаменитые, по нѣкоторых мню, наруганиа нѣчто видятся ся имѣти, всредоу принесем? Ибо обрящем его не мнѣи в тѣх яко выных свѣтлыми и великим статис. Что ж оубо оное есть, что хоулимо осуждается? Виден есть глаголют нѣкогда бьениа боатис что во истинноу виден есть егда его воины вервии разстягноули: а не токмо тогда, но иногда в порфире про далницы... и проч.
л. 334: Бесѣда зъ Глава п҃ꙁ Нач: Коликожды тѣ носяще знамение царские, троубяще пред ними трубою и полком воином предходящимъ во град входят, вес народ обыклъ стекатис, ко оуслоушанию звука трубнаго або хоругов зрѣти яж высоце несется, а оного силоу носящего. а иже и днесь не во град, но во всю вселенноую Павел входит, стечемся всѣ. Ибо се не хоруговъ нѣкотораго земнаго царя, и проч.
л. 387: Бесѣда осмая. Глава п҃и. Нач: Часто око оувеселяющес светлым кроуга небом ко позорищу сопротивнаго свѣта себе оусилователне возносит и аще чоуетъ зрѣніе свое неравное быти лоучам борения жалание. всяко зрѣния оного прекраснѣйшего чиания, тщателнѣ оусильствует с непрестоупными лоучеи сиания. Таково нѣчто и азъ искоусих, егда зрю своиственнаго оумысла очи лоучами апостолские свѣтлости притоуплятис, и пр.
Сноски
183. Многоточие означаетъ мѣста вырванныя въ листѣ.
184. Не сказано, которая; цифра 37 пропущена.
185. Цифра главы опять пропущена.
186. Противъ этой главы на полѣ киноварью означено: «...агменты Иоановы»
187. Противъ этой главы на поляхъ также стоитъ:... «нед(?)фрагментом».
188. На полѣ противъ этого мѣста замѣчено киноварью: «двѣ от бесѣдъ евангелских Иоановых, яже вси в лвов... преводе не обрѣлис».
189. Вѣроятно, д. б. «не преведены».
190. Описка писца; нужно: «предословие» или «в предословие».
191. Зри во Апокалипсе. Звѣрь осмый есть, то есть уже въ осмой тысещи вящшей злостию возмогаетъ. Аще и не родился еще антихристъ, всяко уже на прагѣ дверей, широкихъ и пространныхъ, и зъ таинники, помогающими ему, действуетъ, и отъ седмихъ есть, и въ пагубу идетъ, и прочие, тамъ рассмотря, духовне разумей.
192. Стихи нѣякихъ премудрыхъ о плодѣхъ ласкателей: Ни единъ прыщъ повѣтренный въ королевстве горши надъ ласкателя. Ни единое безсловесное прелютейше надъ похлѣбника. Лучше есть впасти въмежу врановъ, нежели маньяковъ; оные бо ядятъ мертвыхъ, а тѣ живыхъ.
193. Сей архиепископъ Филипъ отъ роду велика бысть и отъ младости, все оставя вземъ крестъ, послѣдова Христу. И вяще тридесяти лѣть монашествовалъ и въ постѣ провозсиялъ, послѣди же на престолъ возведенъ Рускіе митрополии. И глагола о свѣдѣнияхъ Господнихъ также предъ лютымъ, безчеловечнымъ Царемъ, ни въ чесомъ же стыдящеся, обличающе его о неправдахъ и о кровопійствахъ Того ради многіе, надъ обычай неслыханные бещестия и муки претерпѣлъ отъ него, послѣдиже удавленъ повелѣніемъ его. Такъ отъ Христа священномученичества вѣнецъ принялъ, его же ради пострадалъ.
194. Физика есть книга Аристотельская, коя въ себѣ замыкаетъ прироженную, або естественную философію, и есть зело премудра.
195. Такъ же и эттика, десять книгъ Аристотельскихъ, кои иаучаютъ налепшей философии, сирѣчь обычае любомудрія, и человѣческому роду наипаче зело потребнейша.
196. О тѣхъ то книгахъ учителей нашихъ восточныхъ много лѣть стужали моленьми многими и прошеньми западные царіе съ самимъ папою ихъ; просяще ихъ на препись у царей грецкихъ и у потриарховъ нашихъ, и никакоже николижъ получиша ихъ отъ нихъ. Послѣди же торговаша ихъ многою цѣною; неціи глаголютъ, за каждый листъ давали имъ по червоному златому, а нѣціи повѣдаютъ, иже по корунѣ, яжъ по три златыхъ червоныхъ важить, и ни за таковую цѣну даша имъ, подобно ради свару или премногие ради зависти, а потомъ по Божию попущенію, все сами имъ въ руки привезли ихъ. Намъ же нынѣ, благодати ради Христовы, безъ всякие цены даромъ преведенна немалая часть отъ нихъ, на нашъ языкъ словенский, ово Максимомъ Философомъи Селиваномъ, ученикомъ его, ово мною многогрешнымъ съ помощники моими, учеными мужами, искусными толковники въ римской бесѣдѣ; да читаеми были со потщаніемъ и со охотою, безъ цѣны даромъ просвещаетеся по душахъ своихъ независтне.
197. Нѣкоторыя поэтове, складающе прекрасные словеса и полезные и таяще имена свои, подписовалися Златоустовымъ титуломъ, что есть непохвально и тщеславно зрится чужимъ румянцомъ украшатися.
198. На поляхъ: Иоан. зач. к̑г.
199. На поляхъ: Иоан. зач. к̑г.
200. Въ концѣ главы пропускъ, – листъ. 308 въ рукописи вырванъ.