Br
Брестчина
Производит · Предлагает · Приглашает

Приложение II. Примечания князя Курбского к переводу творений Иоанна Дамаскина, часть 1, с. 88-99 приложений: оригинал издания

Замечания и «сказы» на полях рукописного перевода творений Иоанна Дамаскина с указанием листов рукописи и словарь сопоставлений: слово текста и его толкование на полях. С. 88-99 приложений. Текст в орфографии издания 1888 года.

(Издается по рук. Моск. Рум. Мус. XVII в., № 193)

Противъ словъ текста: вѣдати убо подобаетъ нероженнаго гомонімумъ быти.... – на поляхъ: «Сказ. По кгрецку гомонимумъ, а по римски, еквівокумъ, а по словенскиж ни едіно знамянующее, a сіе диалектицки глаголет Дамаскин» (л. 12).

Противъ словъ текста: а яковыи был бы образ разлічиа нікакоже.... ‒ на поляхъ: «Рекше вѣдаемъ нікакоже» (л. 14).

Противъ словъ текста: кождый бо съ нихъ есть імѣюще душу разумну и смертну.... – на пол.: «Сказ. Рекше, разрешителну от тѣла, до времени воскресенія: а не яко епикуріяне глаголют ищезателну» (л. 15).

Противъ словъ текста: а зло благості, и существа не бытіе.... − на пол.: «Сирѣчь хужше и недостоинеи зло благости а существа небытие» (л. 21).

Противъ словъ текста: подобает вѣдати иже Богъ нічесоже терпітъ, и весь вездѣсый.... − на поляхъ: «Сирѣч, ніким же бывает обемлемъ a ні удержим» (л. 22 об.‒23).

Противъ словъ текста: и вѣк един вси вѣки содержащии.... − на поляхъ: „Сіреч, вес настоящии вѣк от созданіа міра, аж до скончаніа” (л. 27).

Противъ словъ текста: ибо не плотски по естеству преобразуются, a ні имѣютъ три образы величества.... − на пол.: «Всякое бо тѣло три образы велічества імѣетъ сіреч, долготу, широту, толстоту» (л. 28 об.)

Противъ словъ текста: с тѣх ангельских сілъ, та, яже старѣйшинство имѣла над земным чином.... − на поляхъ къ сл. «та»: «Сіреч сіла» (л. 29 об.).

Противъ словъ текста: ибо тѣ от землі и воды, воздуха же и огня повелением создателя быша.... − на поляхъ: «Сіреч, тѣ отъ подлежащее вещі» (л. 30 об.).

Противъ словъ текста: окрестъ воздуха отовсюды огнь, а внѣ всѣх вокругъ быти небо.... на поляхъ: «Сіречъ, около всѣхъ четырех стихий» (л. 31 об.).

Противъ словъ текста: оно само быти зѣло тончайшего естества, яко бы дымъ.... на поляхъ: «Сіречъ, еже послѣднее къ высоте» (л. 31 об.).

Противъ словъ текста: афрадітію убо глаголют нѣкогда денніцу, нѣкогда вечерніцу.... на поляхъ: «Денницу глаголют егда пред солнцем восходит, вечерницу ж по солнцу заходящую» (л. 31 об.).

Противъ словъ текста: обычай убо божественному писанію есть, воздух небо нарицати, понеже зрим его к горѣ.... на поляхъ: «Оранос еллінски, а по словенски горезрѣніа» (л. 32 об.).

Противъ словъ текста: аще и сем кругов за сем небес разумѣти восхощешь, никакож істина в правде умалится... на поляхъ: «Глаголетъ, аще седмъь круговъ сіречь, седмъ путей по нихъ же планеты благочинне по божию устроению, шествуютъ, которые кругі, албо пути, учители церковные, вси во едином небеси, рекше, въ тверди быти разумѣютъ. никако правда умалися, и сице по божественному Павлу три небеса имѣти будем, сіречь, первое небо небесное, потом твердь, послѣдиже воздухъ, бо и то писанія небом наречет, як здѣ Дамаскін свідѣтельствуетъ» (л. 32 об.).

Противъ словъ текста: Тѣм светілам первородную свѣтлость создател вложілъ, не иже бы потребовал другаго света, но иже бы неправеденъ свѣтъ он был... на поляхъ: «Сіреч, яж прежде сотворениа светілъ, во трех днех светілъ без солнца и луны, и звѣздъ, ботѣвъ четвертый день сотворенни суть» (л. 34).

Противъ словъ текста: с тѣх светилъ, седмъ планет глаголютъ быти, и поведаютъ их противъ теченія неба своим двіженіем тещи, сего раді и планѣты, сіречь, блудящіе нарицаются... на поляхъ: «Блудящіе сего ради нарицаются, иж овогда поправу солнца, овогда полѣву грядутъ, не яко солнце, яж подъ единою чертою ходіть, которая черта екліптіка нарицается (л. 34).

Противъ словъ текста: а нощи под землею заходяще і другімъ светилам уступующе вечеръ составіло.... на поляхъ: «Сіреч, солнце другимъ светилам уступует якъ, мѣсяцу и звездам (л. 35 об.).

Противъ словъ текста: родятся убо часто и кометы, и знамяніа неякое во смерть царей.... на поляхъ: «Кометы звѣзды хвастатые, або тѣм подобные» (л. 36 об.).

Противъ словъ текста: обретается сопротівъ чрез глубокое центро солнце под землею, а луна на земли.... на поляхъ: «Центрумъ, есть точка малая среди самые земли» (л. 37 об.).

Противъ словъ текста: поставленны суть и многіе пучины, горы, островы, потоки, и пристанища імущи различныя лімені и акты... на поляхъ къ сл. «Лимени» – «пристанища посолньи», къ сл. акты – «Акты къ каменнымъ горамъ пристанища» (л. 38 об.).

Противъ словъ текста: откуды и облаки составляются, и облаки родятся, и исходящей сладкой воде.... на поляхъ: «Сладкая вода из моря вытеглемая от солнца, обращается во мглу, которая пріидет в среднюю часть воздуха, тамо от студени аера, згущается, и разстопляется от солнца, албо от других звездъ, и бываетъ дожчь» (л. 39).

Противъ словъ текста: яко человѣкъ чувственный купно и разумный сотворенъ есть, так же и его святое мѣсто... на поляхъ: «Сіреч рай» (л. 42).

Противъ словъ текста: былъ яко другии ангелъ и тѣмъ питался... на поляхъ: «Сіречь зрѣніемъ божественнымъ» (л. 42 об.).

Противъ словъ текста: Дівный есть разум твои мною, сіречь моим существом... на поляхъ: «Hи въ единой бо тварі еще удивленъ есть разум божий, яко в человѣце» (л. 43).

Противъ словъ текста: не въ божество убо прилагаему въ божіе существо, но божественнымъ осіяніемъ... на поляхъ: «Сіреч, божествен будет» (л. 44).

Противъ словъ текста: безплотна же и невидіма, и необразна на двое разумеваем, ибо оные по естеству а тѣ по благодати, на поляхъ: «Сіречь, телесные с чувствы по естеству, а по благодати разумные, безсмертные, и безплотные, рекше душа умная, и словесная, и совесть» (л. 44 об).

Противъ словъ текста: а которая убо не есть послушна, і которая не препирается словы, животная есть, которая токаемая нарицается... на поляхъ: «Сиречь, егда руку ко сердцу приложишь, токает, сіреч біется, албо жілы біются, і аще бы им заповѣдывал незнаютъ, а ни слышат, бо сиа часть жівотная, рекше, садовная, далеко от словесные части души: а средняя часть души, сіречь, еж душевная нарицается сиа покаряется умной и словесной части души, понеж ближайша къ ней» (л. 46).

Противъ словъ текста: и семенная, родная, садовная, и растителная, и изыидет плоти сія бо не словом устроятся, но естеством.... на поляхъ: «Сіреч умножает плоть» (л. 46.).

Противъ словъ текста: потреба убо вѣдати, иж мы здѣ добро мняще и истинное благо, а еже мнится добро, разумеваем також и зло... на поляхъ: «Сіреч, не тѣми нижними частями души, сіречь, садовною и душевною, но разумною частью розмышляемъ, и разсуждаемъ» (л. 46).

Противъ словъ текста: ибо ізобіжени, албо мнимся изооижени быти гнѣваемся, и бываетъ убо смешанно сіе возмущеніе, с вожделѣніа и гнѣву, особы убо гнѣва трі: гнѣвъ яж нарицается колерою, албо желчию, запаление и ядовітостъ... на поляхъ: «Гнѣву полагаетъ трі особы, албо трикратен. Первый, ира по римски, гнѣвъ по словенскі, а прикладается таковый гнѣвъ, клену воспаленному, албо къ изгрѣбьям, иж прудчайше и зелне возгорается, а скоро і угасаете. Другий гнѣвъ, иракундія, нарицается, уподобляется огню въ желѣзе разгоревшемуся, егда разгорітся долго в желѣзе горячесть его и теплота бываетъ. Третьяя особа гнѣву, инфенсио нарицается, сіе уподобляется огню в трудовой губе вверженну, в нѣякіе вещи сокровенне и неявне горяще, а сущим імже каснеться еси истребляетъ, понеже обоих тѣхъ горшей, должайше пребываетъ неугасающе» (л. 47).

Противъ словъ текста: ядовітость убо гнѣвъ есть, время ко отомщению сохраняюще, оттуды реченно грецкою бесѣдою котосъ от лежаніа... на поляхъ: «Сіречь, иж внутрь лежит положенный гнѣвъ, албо злость на отомщеніе» (л. 47 об;).

Противъ словъ текста: того яж не препирается разумом сілы суть, растителная и подобная ей пріростающая и токателная.... на поляхъ: «Того албо сіреч, тое часті души, иже веетатіва, по римскі нарицается, а по руски помножателная, которая въ садех и в зелияхъ» (л. 47 об.).

Противъ словъ текста: сіла выображающая, сіла есть часта душі безсловесные, которая дѣлаеть подпомоганіем чувствъ, которая і чувством нарицается... на поляхъ: «Сіреч, отъ внѣшних ко внутреным, яж имѣют свои поставленные чины, втайне сокрыты» (л. 48).

Противъ словъ текста: и див оных яж помышляла, и тѣх яж вырозумѣла въ цѣле сохраняетъ, нарицает паметать.... на поляхъ: «Сіреч в памети имѣти» (л. 50).

Противъ словъ текста: сіла убо помышлятелная чрез чувства вещи объятые поручаетъ совестной и мысленной часті (едиаковы убо обе совестная и умная суть) которая пріимующе и рассуждающе, посылает во силѣ паметной... на поляхъ: «Приимуще, сиречь помышлениа от сердца исходящие от жівотные части души чрез послы, рекше внутренние чувства: и познавши и вырозумевші, и рассудивши, и постановивши ко управлению, посылает къ памети на дѣла исполненіе» (л. 50 об.).

Противъ словъ текста: но нѣсть печал тое терпѣніе, понеж егда нечувственне терпят не скорбять.... на поляхъ: «Яко вода грѣема, земля орома, и древо посекаемо, сіречь нечувственны, сего рад терпят без скорби, албо без болѣзни» (л. 51).

Противъ словъ текста: а в чловѣцех убо имѣющих разум, бываетъ вящеи ведено естественное желание, нежелі водить, свойственною убо волею и разумом двіжется.... на поляхъ: «В разумном, сіречь въ человеце вящей управляетъ и водить воля с совѣтом и разумом нежелі водітся, албо водіма бывает от естественнаго вожделенія безсловесные части души» (л. 53 об.).

Противъ словъ текста: а всяко по существу соединенна богу слову всѣхъ вѣданіе імѣл не любовію [но яко реченно есть] соедіненіа ради во едином подлежанию. на поляхъ: «Сіречь не яко любя пророковъ богъ отецъ дал сыну своему вѣданіе всѣхъ, но все вѣдалъ, яко отцу единосущный и всесілный» (л. 54).

Противъ словъ текста: а иже убо іпостасі нераздѣльны сут, едіна воля, и едино движенія трех ипостасеи в человѣцех убо іже едіно естество….. на поляхъ: «Сіреч, никогда ж разделяются едіна от другіе [аще бы сіце возможно реши, немощи ради уподобленіе незримому и недомыслимому божеству] яко ж солнцу совѣчны суть луча и теплота, ниогда ж разделяются, ани быти едіно без другаго может: сице и в пресущественнои троици разумѣй» (л. 54).

Противъ словъ текста: ко брашну убо вожделеніе, хотѣние: само убо брашно волі обятія... на поляхъ: «Сіреч, хотѣнием нарицается» (л. 54 об.).

Противъ словъ текста: а вторыи возможностю согласуетъ с первымъ обычаем дѣла... на поляхъ: «Сіреч, совершенным» (л. 56 об.).

Противъ словъ текста: а которые обнажают Бога, не заисте зрю яко Бога самого нарицают его быти человѣческо... на поляхъ къ сл. обнажаютъ: «Сіреч обнажают Бога еретицы овые блядутъ не приемше Бога Слова совершеннаго человѣчества, сіреч души словесные и разумные». И ниже, къ сл. человеческо: – «А овые простого человѣка нарицают, божества отлучающе его» (л. 56 об.).

Противъ словъ текста: тёх всѣх яж бывают, албо Бога глаголютъ виновна суща, албо нужду, албо марменію, албо естество, албо щастье, албо самобытіе... на поляхъ: «Сіречь, урочище неотмѣнное, блядут звездочеты от перских волхвованей навыкши, а не от истинные астрологіи» (л. 58 об.).

Противъ словъ текста: ани по самобытию: ибо въ бездушныхъ и безсловесных напасти самобите... на поляхъ: «Сіреч, по случаю самобытія, летающе птицы, и ищуще пищи случается в сяко впадати, ибо каменю з верху упасти, и мимо идущего человѣка уразити, и тѣм подобные» (л. 59).

Противъ словъ текста: недостает же того дѣлающего и творящего человѣка началником быти своих дѣлъ и самовластіем... на поляхъ: «Аки бы реклъ, началником будущи властелем есть человѣкъ всякаго дѣла добраго, а недостает ему совершенну быті, и дѣла добрые совершати без божии благодати, яко присадке рости без корени и матицы невозможно: а сего ради яко не подобает нам возлагаті и усвояти собѣ, аще и исполняем дѣла добрые, да не возгордимся, но божии благодати». «Також и не подобает возлагал на Бога аще что зло дѣлаем, самовластаем бо по произволению исполняем [сіе бо хула презлѣйша есть] понеж Богъ человѣка сотворилъ на добрые дѣла». (л. 59).

Противъ словъ текста: егда бы в нас не было дѣланіа, пачеж тѣх ихъ же послѣдуете похвала и хула, і в нихъ же есть одолѣніе и законъ... на поляхъ: къ сл. одолѣніе – «побежденіе», и далѣе: «Сіреч одоленну быти отъ неподобных помысловъ». Къ сл. законъ – «Албо твёрдо стояти в законе господни» (л. 59 об.).

Противъ словъ текста: словеснаго убо ово зрітельно, а другое делателно есть зрітелное убо по уму, понеже суть сущіе; дѣлателное ж по совету яж ему управляеть дѣлом правое слово... на поляхъ къ сл. зрително – «Сказ. Ум человѣческіи, мудрые на двое раздѣляютъ, едіну часть зрітелным нарицают, который к чувством ничесож імѣеть, но о Бозе помышляетъ, и о безплотных сілах мечтает також и о созданных вещах и о животѣ будем мыслит». Къ сл. дѣлателно: «А другую часть ума дѣлателным нарицают, которы чувством ближайшии и помыслы сердечные, яко чрез послы внутрених чувствъ приносимые, разсуждает, и управляет, и въ дѣло производити повелевает» Къ сл. сущие – «Рекшие сущеи сущих зрить, сіреч нетленно и умъ, нетлѣнных» (л. 60).

Противъ словъ текста: a еслі сіе понуже пристаетъ ко словесному самовластное ибо нѣсть словесно... на поляхъ: «Акі бы реклъ, аще бы было по нужи, яко нецы иглупаютъ, иж родился онсіца человѣкъ таков, и под таковою звездою, албо в такіи час, не возможно уже ему пременітись, таковым Дамаскинъ насмѣвается облічающе их безуміе, яко читающе вырозумеешъ разум православіе» (л. 60 об.).

Противъ словъ текста: но человѣкъ егда мыслен есть ведетъ паче естество, нежели водим бываетъ,.... на поляхъ: «Ведет прірожение, ибо естество, нежели от естества ведется» (л. 60 об.).

Противъ словъ текста: подобаетъ убо вѣдати, іжъ ангелі словесны сущи, и самовластны: и яко сотворенни неизмѣнни.... на поляхъ: «Сіреч во тление не прелагаются» (л. 61 об.).

Противъ словъ текста: Хто сіце, (на поляхъ: «таков»), един Богъ есть естеством, благии и премудрый.... на поляхъ: «Сіреч, хто ему подобенъ, ни хто же равен силѣ его» (л. 60 об.).

Противъ словъ текста: альбо от данные ему сілы благодати в гордость не вознеслся, яко в Павле... на поляхъ: «К корінфом, во, въ, трикраты Господа молих да отступит от мене, и прочая» (л. 62).

Противъ словъ текста: тогда убо предается в конечную погібел, яко Июда: пощади нас Боже и избави такового оставлена... на поляхъ: «Яко и фараон, казні на Егіпет наведенные и чудеса божии презрелъ и сего раді ожесточитися ему попущенно на конечную погібел в наказаніе иным, иже бы сему подобны безстудием необрѣлися сопротив Богу» (л. 63.).

Противъ словъ текста: предуставляетъ убо тѣ яже не в нашей силѣ есть по предувідѣнію своему. ибо по предуведѣнію уже предізбрал все Богъ по благодати и правде своей.... на поляхъ къ сл.: не въ нашей силѣ, – «Аще и всими сілами потщимся завидящи равни быти святым возвеліченным и прославленным от Бога, не возможем: яко Иосіфу нѣкогда завідяще братия»; къ слл.: по предувидению своему, – «Предъізбрал бо его Богъ провідяще доброе его ізволеніе, по естеству, a тѣх лукавое противъ естества» (поясненіе: «чрезъ естество» л. 63 об.).

Противъ словъ текста: сотворі от него жену помощницу ему: помощницу убо потому іже бы рожением роду по преступленію было бы сохраненіе от роду.... на поляхъ: «Сіреч иж бы род человѣчьскии не извелся и до конца не исчезъ» (л..64).

Противъ словъ текста: на землі плотію ходяще, а душею со ангелы общаяся в божественном познанію дѣлъ, и тѣм питашеся, нагі простостью, и житием без кознеи, къ едіному создателю творении восходя: і своим воденіем сослажаяся и увеселяяся а егда убо самовластии естества его преукрасілъ дал ему закон.... на поляхъ: Прекрасен бо бѣ зело сотворенъ былъ и в нетление бессмертія оболчен,. сего ради собѣ своей красотѣ удивлялся, і ею увеселялся: тую то доброту первородную и сияющую паче солнца, Христосъ по воскресеніи пріялъ, рекше, плоть свою в нетленіе и безсмертиѣ облеклъ, что былъ Адам прежде преступленіа раді погубил, сіе онъ страданія ради взялъ... на поляхъ: «Сіреч, тварем удаляясь от Бога сотворенным, острозрителен бо был в нѣтлении будуще адам, і ведяше во всяком бытстве естественную силу» (л. 64).

Противъ словъ текста: понеж он нетлѣния ради по падению произволениа отпадение во зло непокаянное и не ізвратное імѣлъ.... на поляхъ: «Сіреч, сатана со бѣсы его» (л. 64 об.).

Противъ словъ текста: якоже паки ангели по проізволенію и доброти собору в доброе благодатію не поколеблемое утверженіе імѣют... на поляхъ: «Сіреч, познавши творца своего, произволілі во своихъ служебных чинех стояти во смирению, не вожделѣюще равні быти Богу» (л. 64 об.).

Противъ словъ текста: понеже средніи Богу и вещи быв сохраненіемъ завѣта, по высвобожденію и еж ко вещі естественнаго любленіа, едіный безпрестанно Богу по обычаю о добром утверженіи прияти непременно хотяше... на поляхъ: «Рекше, среднии между Бога и вещі создан был адам, сіреч, между тления и нетлѣнія, и попущено его произволенію іскусітися если послушен Богу былъ бы, и не вкусил от заповеданнаго овощу, и аще бы устоял во своем чину, не желающе равен быти Богу, дарован бы был вѣчным нетлѣніем, яко и ангели. Инако: Средни Богу і вещи быв, аки бы реклъ, нижши Бога а вышии вещи, рекше, вышши всякая вещи созданный [понеж надо всѣми царем постановлен был, токмо единому Богу послушен] ибо всякая вещь от четырех стихіи сложения яко и тѣло наше с чувствы, и аще бы послушал Божии заповеди, а не совѣта змиина и жены, был бы по благодати Богъ, сіречь, безсмертіем и нетлѣніем бесконечным украшенъ, а еж вожделѣн вещи ніжшие собе, подпал волею тлѣнію, и сам на ся навел смерть, и в правду осуділся в землю разсыпатись от неяж создан бысть, яко и всякие вещи от чего созданны, в то и разсыпаются». (л. 65.)

Противъ словъ текста: а про то Божіею надеждою ложне прелстілъ окаяннаго человѣка, и пріводяще его к гордости своего презорства, ко подобной пропасти прівел све погібелі... на поляхъ: «Сіреч, шептал ему вселукавыи, будете яко боги, рекше, равниѣ Богу в сіле и въ величестве, он же увѣря ему, надѣявся сіе достігнути, и не токмо не получил, но и безсмертия лишился, и нетлѣниа красоты обнажен бысть. (л. 65.)

Противъ словъ текста: и одеявшася зломъ, подвизанныи ко житию терпкостью [сіе бо суть листвие смоковное] и облекшись во мертвенность и в дебельство плотное,... на поляхъ: «Сіреч, терпкостью и горкостью ісполненному, ілі бедами и скорбьми всегдашними». (л. 66 об.)

Противъ словъ текста: и нам бывает образом послушанія, кроме же его нѣсть удобно получіти избавленіе... на поляхъ: «Сіреч, послушанія» (л. 67 об.).

Противъ словъ текста: ані от божественнаго своего естества, и тоеж пріял человѣческое естество, едіно естество совершил сложено... на поляхъ: «Сіреч, есть совершен Богъ и человѣкъ, Божества сан во своем естестве соблюде, також и человѣкъ совершен бысть Господь нашъ Иисусъ Христосъ» (л. 69).

Противъ словъ текста: ани Божіе естество от своее простоты отступающе, ани человѣческое воистінну в Божіе естество измѣненно.... на поляхъ: «Простого, албо простоту при Бозе нарицают богословцы, иже ото всѣхъ ізъят и простъ, рекше никим же объемлется ани сложен от чего, но сам паче объемлет всѣх и содержітъ» (л. 69).

Противъ словъ текста: бо ани оное з Божества сложенно и съ человѣчества, ани въ Божестве будетъ.... на поляхъ: «Сіреч, тѣло Христово» (л. 69).

Противъ словъ текста: егда убо едіно нарицаем человѣческаго естества, вѣдати подобаетъ иже не обзірающеся на душу и тѣло сіе глаголемъ [понеж не удобно едінаго естества душу и тѣло глаголати вкупе сровнанны] но иже многіе бытіе человѣческие суть, а всѣ единым чином и толкованием пріемлютъ естества.... на поляхъ: «Не обзірающес, сіреч, не тѣмъ образом глаголемъ во Христе смешанно быті вкупе человѣчество з бозством як человѣка нарицаем сложенна быти от души и тѣла, но в едіном лицѣ албо составе, два совершенные естества и волі імѣти» (л. 70).

Противъ словъ текста: во Господе убо нашем Иисусе Христе, недостоит общего образа приимовати: понеже ани сотворенъ тьи яков есть, ани есть ани будетъ другии Христосъ зъ божества і человѣчества, в божестве и человѣчестве Богъ совершенный також и человѣкъ совершенный.... на поляхъ: «Сіреч, недостоит уподобляя простому человѣку, яко нестории реклъ, и подобные ему, албо недостоит простаго человѣка образ примовати, понеж. Христово паче человѣка, и зачтие и роженіе: и соединение, рекше, Божественнаго естества і человѣческаго во едіну іпостась» (л. 70).

Противъ словъ текста: а смертное пребывало смертно, а безсмертное безсмертно, а описанное описанно, а неописанное неописанно, видмое видмо, а невідімое невідімо.... на поляхъ: «Сіреч, по совершенному человѣчеству, умре Христосъ за человѣческий род, а Божество неразлучне безстрастно пребывало не яко магмет глаголетъ, іж бы обморочил Господь жидовъ, и вмѣсто его іуду распялі, також сопротів сему блядославят севвир и подобные ему, иже бы со Христовым тѣлом вкупе и божество терпело, албо умерло, но Богъ плотію умер, а божество безстрастно пребывало неотлучне» (л. 71;.

Противъ словъ текста: понеж оные суть тѣ яж святые его плоти суть, и подаетъ тѣлу свое по премѣнному поданію естествъ раді в собѣ вкупе пріступлениа и обітаніа, и по единои іпостаси совокуплению на поляхъ: «Зри в послѣдних толках, иже пременного глаголетъ его, рекше разлічного, розных раді естествъ, яко узришь достаточне в последующих» (л. 71).

Противъ словъ текста: а иж един бѣ и тот же, яж божеское и человѣческое исполнял во обоемъ чину, един з другімъ сообщеніем.... на поляхъ: «Сіреч слово с плотію, албо Бог с человѣчеством» (л. 71).

Противъ словъ текста: и сынъ человѣческии сын на небесех быт исповѣданъ, яко сам Господь реклъ.... на поляхъ: «Сіреч, яко к никодиму реклъ, никтож сошедыи со небесъ, токмо сынъ человѣческии іже сын на небесех» (л. 71).

Противъ словъ текста: а яко бы ся сохраніла различность несохранівши тѣхъ яж вкупе разлічие імѣютъ? ибо различность розных ест разлічность.... на поляхъ: «Сіреч Богъ нетлѣнныи и невидімыи, и недомыслимыи по божеству, во своем сану и достоинстве велічество свое соблюде, а человѣкъ веществен опісанъ, страдален своиство свое соблюде, то есть ровность различных» (л. 71 об).

Противъ словъ текста: глаголем оного быти соединеннаго ко последнимъ: по божестве убо Отцу и святому Духу: а по человѣчеству и ко матери и к нам.... на поляхъ: «А ко послѣдним, сіреч, откуды изыиде, рекше, ото отца по божеству, яко Бог от Бога, от матери яко человѣкъ от человѣка, посему бо и сам сынъ человѣчески наречеся» (л. 71 об.).

Противъ словъ текста: разлічнаго его ісповедаемъ, и от Отца і от Духа святого, и от матере, и от всёх человѣковъ случают бо ся естества его во іпостась, едіну іпостась сложенну мающе, по которои есть разлічныи и от Отца и от Духа и от матери и от нас.... на пооляхъ: «Сіреч разлічнаго і от Отца и от Духа, пріятия ради вещественные плоти, юж взял от пречистых. кровей и матерних, а разлічнаго от матери глаголем, іж Богъ слово неописанный, и мысленный, и необемлемыи, и вся содержащеи, вес вселыся во утробу дѣевичу неізреченне, и изыиде от матерніх ложеснъ, во единои іпостаси сугуб естеством, а не составом, потому и нам различен, иже николіже таков другии Христосъ явился ани будетъ» (л. 71 об.).

Противъ словъ текста: а нѣкогда убо от самых превышних, а нѣкогда от самых нижних, понеж един есть оно и то вкупе будуще: оно убо, присносыи не без вины ото Отца, а то, последі человѣкъ бысть щедрот ради и милосердия ко человѣкомъ.... на поляхъ: «Оно, единосущное и превѣчное и прісносущное отцу божество его глаголютъ: а то, рекше, человѣчество, единоестественно, и подлѣтно, и сродно матере, понеж от пречистых кровей ее заимствованно и созданно неизреченне содѣиствием святаго Духа» (л. 72).

Противъ словъ текста: потому же можем глаголати и о Христе, се Богъ нашъ иже на землі явілся, и со человѣки пожіве, и человѣкъ сеи несотворен есть, не страдалныи, и неопісанный... на поляхъ: «Не иже бы по человѣчеству неописан, и не страдаленъ, і не сотворенъ, но еже по божеству, сіреч, единые раді іпостаси глаголем еще, понеж въ единои іпостаси Богъ и человѣкъ Господь мои Иисусъ Христосъ» (л. 73).

Противъ словъ текста: також и в божественнои и в неизреченнои и ум всякіи и постижение всякое превосходящім устроеніем едінаго от святые троица Божіе слова.... на поляхъ: «Сіреч, во іпостаси або в составе тёла Христова» (л. 73).

Противъ словъ текста: соединенны, яко что сщетъ: ей пятьдесятъ каменей імѣеть: разделен вы яко когда пятдесят каменев лежитъ на том полю... на поляхъ «Аки бы реклъ, аще положить пятдесятъ каменей сочетши вкупе, пятдесят обрящется, ани боле ани мнѣи, аще ли в том же сщете разделишъ, нѣгдѣ на полю едінъ от другаго разлучивши, також обрящется: сице і во Христе разумѣи два естества не раздѣлне, ани смешенне, ани ізменне, иже бы едино в другое смешалося, рекше, человѣчество в божество, яко еретицы мнят? Но воистинну яко церковъ вселенская мудрствуетъ, во обоемъ существѣ своиства цѣлы сохранятис, сіречь, в совершенном божестве, и в совершенном человѣчьстве, яко напреді узрише его, другимъ образом толкующа» (л. 74).

Противъ словъ текста: егда же терпитъ едіна іпостась все существо, аще ж терпела іпостась, терпѣніем нарицаается во единои самой іпостасі, а всяко не потреба іже бы вси едінаго лица іпостаси вкупе терпѣли со іпостастью терпящею.... на поляхъ: «Аки бы, реклъ, всему божеству досада, і наругание было, егда сыновня іпостась на кресте плотно мучима и досажаема претерпевала от богоборных жидовъ» (л. 75).

Противъ словъ текста: ибо нікакож сообщался отецъ и святыи духъ во человеченію Божіе слова, но по пріятию и воли... на поляхъ: «Сіреч, всѣ живоначалиые троицы волею прияло и одеялося плотію, едіно от тѣх трех ипостасеи слово Божіе, ізбавляюще все человѣческое естество, а отча іпостась и Духа святаго безтелесны сут, но точию волею и благоволением ізбавленію человѣческаго естества віновни суть и причасны» (л. 75 об.).

Противъ словъ текста: а иж убо едіно съ тѣх недоведомо жівотное нѣсть человѣкъ.... на поляхъ: «Аки бы реклъ, аще бы не все совершенно пріялъ человѣчество сынъ Божіи, сіреч, с своиствы человѣческими, не был бы чувственъ и животенъ человѣкъ» (л. 75 об.).

Противъ словъ текста: иже бы и сиа сносіла божественнаго божіе слова всыновления, явственным и различным свойством, по нему же различен есть отъ отца и духа... на поляхъ: «Сіреч, по свойствам человѣческаго естества, разліченъ ото отца и духа» (л. 77).

Противъ словъ текста: і явственны и разлічны плотные свойства по нихъ же есть рожденъ от матери и ото іных человѣковъ.... на поляхъ: «Рекше, родоначалников, ихъ же святѣишие евангелисты воспомінают, матфеи, и лука, сыномъ его по плоти нарицающе, адамовым, и авраамовым, и давидовым» (л. 77).

Противъ словъ текста: еще к тому разлічен есть ото отца и духа, от матери и от нас по нему же есть вкупе Богъ и человѣкъ.... на поляхъ: «Тому слову ізясненія разума ищи во предваршем слове, яж о дву естествах, почему разліченъ ото отца и духа, от матери и от нас, и тамо узришъ» (л. 77).

Противъ словъ текста: а оно во істінну плоти свойственные славы привлачить: егда сама пребываетъ не терпяще, и свободно от терпѣниа плотнаго.... на поляхъ: «Сліаніе здѣ глаголетъ, не естество божественное в человѣческое смесівшеея, албо человѣческое естество в божество преложівшеся, не несліянне во обоих совершенных естествах, Богъ и человѣкъ Господь нашъ Иисус Христос рожен от Марии, яко и послѣдуеть. А оно убо плоти свойственные славы привлачіть, аки бы, реклъ, оно божество возлагает, імя божественное плотному естеству, не токмо живу сущу Христу по плоті, но и умершу яко ангелъ женам, реклъ, ідѣте и видите ідеж лежа Господь» (л 78).

Противъ словъ текста: убо аще солнце нам свойственные дѣла подающе, пребывает нашіми невѣдомо, колі паче создател солнца и Господь... на поляхъ: «Аще солнцу таковую вложілъ силу, теплотную и живітелную, иж сияетъ на всякіе мѣста, на смрадные и на нечистые, тѣх изсушающе, а сѣменным и садовным, и прочимъ таковым сілу живителную, рекше плодорастителную умножающе, а само ни в чесом же умаляется. Колми паче Господь солнца, аще и все человѣческое естество на ся облекъ, наші изсушающе нечистые страсти, и просвещающе и плодоносны творяще души и телеса, а себе ні в чесом же умалил, и божеством ничесож человѣческих пострадал, ани претерпѣл» (л. 78).

Противъ словъ текста: понеж тѣ суть яж к велікости цѣлои сочитаются.... на поляхъ: Великость двояка, едіна цѣлая другая розна, цѣлая под которою замыкается черта, и верх и тѣло. Черта, албо линия, в неиже точию долгость, яко локот и прочие мѣры. Верха, в которой есть долгота, и широта, яко столъ, и прочие. Тѣло, в неи же есть долгота широта и глубина, яко сосудъ нѣякии, и орѣхъ и иные таковые. Раздѣлная великость в которой замыкается счет албо числение, а щетъ делится на трое. На полчастыи, которыи протезается до девети. На главнои, которыи считается десяторицамі, сотницами, тысящами, третее. На сложеннои которыи, рекше, складывается главнои с полчастым, яко, к десетьма два пріложишь, або иные таковые» (л. 78 об.).

Противъ словъ текста: коим дѣлом соединенни суть нечіслятся. ибо не исповѣдуем быти по іпостаси дву естествъ Христовых.... на поляхъ: «Сіе слово написал Дамаскінъ, глупства раді и безстудая еретическаго, клевещутъ бо еретицы на церков глаголюще, иже бы глаголали двух по числу, понеж правоверные ісповѣдуютъ Христа, в целом божестве, рекше, в совершенном, и в целом человѣчестве, и сего ради сіе, реклъ, оправдаючи церковь. ибо не ісповедуем быти по іпостаси дву естествъ Хрістовых (и прочие читающе узришъ), но яко от невидімаго и видімаго, сіреч от души и тѣла сложенъ человѣкъ і не нарицается тако, точию человѣкъ едінъ, аще и от дву естествъ, також и Христосъ аще Богъ совершенныи, и человѣкъ совершенный, не нарицаются от церкві два Христи, но един Христосъ по іпостаси» (л. 78 об.).

Противъ словъ текста: a ни нехвалнои плоти его нарицаем, понеж хвалімъ бывает во еданаго слова іпостаси которая ему іпостась бысть.... На поляхъ: «Сіреч плоть слову» (л. 79).

Противъ словъ текста: не разсеценна и нераздѣлна, иже бы часть своего тому, часть ж оному уделяюще, но цѣлая того, и цѣлая оного, нечастне и суполне будуще.... на поляхъ: «Аки бы реклъ, не допущает, ани есть Божию естеству едіна іпостась, а другая человѣческому, но едіна и тая же обоим: яко егда вода пріемлетъ согрѣяние его ж пред тѣм не умѣла предпріятием ее подлежала теплота, и егда прілучілася ей не погубила своего бытства, також и желѣзо, аще во огню будетъ, не погубит своего существа, сими худыми уподобленнми, необемлемая божія тайна может быта нѣяко ізяснена, іж іпостась слова Божія по пріятои плоти человѣческои немнѣй пребывала іпостась слова Божіе яко и предпріятием бѣ, и нікакоже пріятиемъ оным отпала або пременілася от іменования іпостаси яж пред тѣм імѣла, яко и вода своего именованіа и существа: а того раді ані другаго лица a ни четвертые в троицу іпостаси мнѣти и вводити не подобает» (л. 79 об.).

Противъ словъ текста: глаголютъ убо иже церковную історію чіновне разложіли.... на поляхъ: «Сіреч, по временам і лѣтам, описали достаточно» (л. 80 об.).

Противъ словъ текста: а иже убо божество человѣкъ бысть, албо воплощенно, албо вочеловѣченно, нікакож слышахом.... на поляхъ: «Сіреч, всее троици божество вочеловѣченно, рекше, вси три іпостаси воплощенны? нікакоже, акібы реклъ, не буді то, иже бы так глаголати, албо исповѣдати, но едана Божіе слова іпостась плоть пріяла, яко и напреді сам являет, иже отец и духъ нікакоже вочеловеченію пріобщишася, разве чудесы и волею» (л. 83).

Противъ словъ текста: а иж Богъ выображается, сіреч, иж по существу чуждое сотворяетъ, еж по нас реченно есть... на поляхъ: «Рекше рабии зракъ на ся пріемлеть и всесовершенно человѣчество и смерть крестную, то есть, еж глаголетъ чуждые чего пред тѣм не мѣлъ» (л. 83).

Противъ словъ текста: ибо оное слово плот бысть почато от Дѣвы, упреждающе и приятием Богъ, и она уже от него обоженна яко бы тремя соделавшіміся вкупе сопроизведением оного ко бытію, пріятием, бытством, и обоженіем оного от слова.... на поляхъ: «Упреждающе або находяще, сіреч, не первее плоть в Маріи почата, но вкупе Божіе слово облечеся в плоть, і бысть состав с тѣх дву един въ совершение божестве, и в совершение человѣчестве, едінаго по составу нераздѣлнаго, а по своиствамъ несмѣснаго ізведе Маріа, и того ради нарицается Богородица» (л. 85).

Противъ словъ тексе: понеж зачатие слова, а плоти во оном слове пребываніе, оно Божіи матере неизреченне подающеи, в составленіе сотворителя, и во человѣчение Богу создателю всѣхъ, и обожающу что пріялъ, вцеле сохраняюще свойства оные кои соединілися, таковы якобы содѣлаліся.... на поляхъ: «Сіреч, свойство Божества во своем сану, а своиство человѣческое во своем совершенстве». (л. 85).

Противъ словъ текста: а иж убо дву естествъ едіна его іпостась есть, едіно и тоеже прісооружаем и хотяще и дѣлающе естественне, по обоим естествам.... на поляхъ: «Зри блаженнаго сего и высокаго мужа в догматех правовѣрна совершенное смиренне яко усвоение слово и обретаетъ, не реклъ, взаконяем, албо уставляем, но прісооружаем, аки бы реклъ, не новое от себе замышляем, но готовое апостолское и отчьское благочестіе изъясняемъ, и сим уста еретическихъ бреднеи зашиваем» (л. 86).

Противъ словъ текста: сице и сщетъ существенно оставляюще прі естестве воль и дѣлъ.... на поляхъ: «Рекше, божества и человѣчества в совершенных свойствах» (л. 86 об).

Противъ словъ текста: аще оные ісповедаем составные другіе хотяще другіе дѣлающе, трисвятые троицы іпостаси нарцати будемъ прінуждени..., на поляхъ: «Сіреч, аще бы Христовы воли были составны, послѣдовало бы иже бы и святые троицы воли были составны, что есть хулно, понеж в божестве трипостасном едіна воля» (л. 86 об.)

Противъ словъ текста: ибо аще яковым обычаем хотѣти потому еже волі возлагается объятіе воли.... на поляхъ: «Сіреч, иж един есть Христос и тот же хотящий по обоем естестве равны будуще воли объяты от него, яко божеская, так и человѣческая, чего хотела божіа послѣдовала человѣческая, а чего желала человѣческая допущала божіе» (л. 87).

Противъ словъ текста: хотящеи убо есть яж содержит волю, сіреч, іпостась, яко петръ.... на поляхъ: «Сіреч, кождыи человѣкъ в своей іпостаси, сіреч въ поставе тѣла его содержит волю, а не кроме человѣка воля іпостасна, яко в петре, и во всяком человѣку» (л. 87).

Противъ словъ текста: не иже бы тою единою хотел ею же естественне яко Богъ хотѣл (понеж недостоит божеству хотети, ясти, пити, и тѣм подобные) точно соустрояющего естества хотел, несопротивным обычаем и волею, но со свойственных естествъ.... на поляхъ: «Сіреч, по совершенному человѣчеству» (л. 87 и 87 об).

Противъ словъ текста: а иж бы человѣкови естественне была бы воля, отнявші оную яже божественная есть, оттуды будетъ явственно.... на поляхъ: «Сіреч, еже чудеса разлічны творити и знаменіа, и славу божества показовати равно мощну отцу, сиа была божественная воля, а не человѣческая» (л. 87 об).

Противъ словъ текста: мысленнои же и разумнои, доброволное и самовластное, аще убо по естеству есть колеблющему растітелное и чувственному по месту движенія, а того ради по естеству есть мысленному и разумному, доброволное и самовластное движенія.... на поляхъ: «Три бываютъ части зримы, ими же живот нашъ содержится. Колеблющася, всѣх нижаишая к вещи телеснеи прісаждеина. Чувственная ж в жівотныхъ безсловесных вышнее мѣсто імѣеть, их же вожделеніе естества ведетъ ко долу, в человецех же среднее. Мысленная же во человѣцех наивышша и предостоинѣиша. Ко всякому же убо жівоту належітъ свое свойственное движенія. К колеблющему движенія разептелное. К чувственному по мѣсту двіженіе, рекше, им же бывает с мѣста на мѣсто движимъ. К мысленному же жівоту и разумному дижение волное и самовластное по естеству, а того ради человѣкъ по естеству самовластныи и волю імѣетъ по естеству ему преданную» (л. 87 об.)

Противъ словъ текста: аще іпостасна, такъ иную хотяще ото отца будет сынъ: понеже к самои належащеи іпостаси, изявляетъ іпостасную.... на поляхъ: «Зде Дамаскинъ еретиком едіноволником уста заграждаетъ, сіречь, аще бы была іпостасна воля сыновня, іна была отча, іна бы была сыновска, яко и іпостась в троице, что есть неудобно, иже бы человѣческая воля кроме Христова состава была, паче же хулно есть» (л. 88).

Противъ словъ текста: богъ убо сынъ, Богъ и духь святыи, того ради воля будетъ естественна.... на поляхъ: «Рекше, едіно Божество отца и сына и святаго духа едіно и естество, сего раді і воля естественна, сіреч, едіна» (л. 88 об).

Противъ словъ текста: еще к тому по отцехъ нашихъ, их же воля едіна, тѣхъ і существо едіно и едіна есть воля божества Христова, и вочеловѣчениа его: а сего рада едіно и тоеже тѣхъ (божества глаголю и человѣчества) существо.... на поляхъ: «Паки видится зде сопротив еретиковъ глаголаті, их же воля, реклъ, едіна, тёх і существо едіно, акібы, реклъ, божества воля едіна, бо и существо едіно, а едіна воля божества Христова, и вочеловѣченіа его полагал хулно есть, и неудобно: понеж ізвестихомся существа в нем два, рекше божеское и человѣческое, послѣдуетъ иже и воли две неслиянные» (л. 88 об).

Противъ словъ текста: аще же послушаше, того его ж есть воля, есть повороте, а не того его же нѣсть (безсловесные убо албо послушными албо не послушными не глаголемъ) и бысть послушныи Господь отцу, не почему Богъ бѣ, но почему человѣкъ.... на поляхъ: Всякии послушател есть покорен болшому, отъ него ж повеленіе пріемлеть ко ісполненію яковые буде вещи, а того ради не нарицается Богъ послушателем, иже не имѣетъ над собою ні еданаго болше себе, в еже убо апостолъ глаголетъ Христа послушным быти отцу, по человѣчеству сіе, реклъ, а не по божеству, а того раді Христосъ самовластную человѣческую волю імѣлъ, ею ж сохранил повеленіе отче» (л. 89 об).

Противъ словъ текста: и тое съ естеством слова воплощеннаго не пріялъ, а того раді нѣсть есмо сотворенни кроме греха.... на поляхъ: «Сиреч не пріялъ Христос страдалные и терпящіе волі, рекше, мучимые, от греховных страстей, но пречисту непорочну, и ко греху не склонителну, и нікакож послушиу, греху яко пророкъ реклъ, сеи несогрѣшил, ани обрелася лесть во устех его».

«Акібы рекл от первороднаго адама во гресехъ уже сотворяемся, сіреч, родимся, понеж по естественному самовластию хотяще Богу послушен был адам, а егда преступил заповедь, також волею самовластною преступил, а того раді воля роду человѣческаго яко в первом родителю, так и во прочихъ опрокаженна и склонітелна ко греху и аще бы Христосъ воли человѣческие не пріялъ, ани бы вѣрующих воля очистілася, понеж подобное подобным взыскал, і исправилъ» (л. 90).

Противъ словъ текста: убо невозможно есть едіно нѣчто сложенное со дву воль глаголати, яко иже со дву естествъ сложенную глаголемъ іпостась.... на поляхъ: «И аще бы кто реклъ, иже яко со дву воль во Христе сложенно быти нѣчто едіно яко со дву естествъ соединенна есть едіна его іпостась? А иж оно сліянно едіно со дву воль, было бы единою волею, яже во Христе, того ради отъ нѣкоторых едіна воля глаголется. Отвещеваетъ сопротив Дамаскинъ, и нікакож сего допущаетъ свидетелствующе сіе и доводяще четырма доводы: ко іпостаси убо належит сложние, едінаго ото многих, но воля не во іпостаси есть, но в естестве, воистінну не іпостасна есть воля, но естественна и существа наслѣдующа: а тѣ четыре свцетелства лепеи в сущем рассмотришъ» (л. 90 об).

Противъ словъ текста: остает убо, иже бы есмо ісповедали едіну іпостась Христову сложенну, и общую таковым обычаем естествы, яковым обычаем и естественным его.... на поляхъ: «Сіречь, яко едва іпостась, обдержит цѣлые два естества Христовы, сице в естествах и ствоиства совершенные, бо ихъ в собѣ цѣло и неслиянне сохраняетъ» (л. 90 об).

Послѣ словъ текста: яко убо и ржа желѣзу не естественне будуща, но от нерадѣніа случілася, трудом отирающе естественную желѣза ясность светиті устрояетъ.... на поляхъ: «А здѣ видится противъ еретиковъ оригенских глаголати, они бо глаголють, иже бы адам по преступленію заповеди отнюд погубил образъ Божии и подобие, також и исчадия его уже не имѣли его, Дамаскинъ же церковный разум поставляюще изъясняет глаголюще, не ко достажению доброты яж внутрь нас, сіреч, ибо не изчез отнюд образъ адамл въ человѣцех, но запылен и осквернен страстьми греховными, яко драгоценный бисер въ кале погружен, албо златыи на нем же царьский образъ, выображен бѣ ввержен въ тину, и не возмог измовен быти инако и очищен, точию пришествием второго адама банею прерожающею очистился и въ первую свѣтлость прииде, а того ради пришедши Христосъ не снову въ нас образъ и подобие вложілъ, но запыленное и оскверненное очистил трудомъ. сіреч, терпѣніем страсти своее, и отер мирочистительною кровию своею», (л. 91 об).

Противъ словъ текста: яко убо и ржа железу не естественне будуща, но от нерадѣніа случилася, трудомъ отирающе естественную желѣза ясность светити устрояет.... на поляхъ: «Ин разум, аще и по крещенію случится кому осквернитися (яко петръ, реклъ, яко свіни омытися в кале сквернаве) но и сіе премногие ради благодати Христовы даровано нам от Бога трудом отирающе естественную желѣза свѣтлост, сіреч істинным покаяніем доброту острогаті, со воздержаніем и слезами многіми, и сіцевым обычаем образ паки очістим первородные доброты» (л. 91. об).

Противъ словъ текста: нѣкогда же совѣтъ, яко нѣкогда глаголетъ пророкъ Давыдъ, о людех твоихъ золъ умыслиша совѣтъ, нѣкогда же помощи яко Даниилъ, отъ котораго изыиде повелете нечестівое... на поляхъ: «Яко при Вантазаре, о сосудехъ священныхъ., и при отці его Новходоносоре, о поклоненію тѣла и тѣм подобные». (л. 91 об).

Противъ словъ текста: дѣланіе же нарицается в насъ первое постановленное вырозумение, и есть просто и кромѣ обітанія дѣланіе.... на поляхъ: «Первое въ нас вырозумлѣние глаголетъ, рекше, оное познаніе вещей вырозумлѣнных, во умѣ нашем почато, і выображенно» – «Кроме обитаниа, сіреч, кроме причеплениа ко другому, понеж от другаго ани намнеи ісходитъ, ані собрания ко другому не імѣетъ, развіе ото оного ума от внутренних умысла выображается, не объято ни единым гласом речеша, ани приятием писаниа, ани от иного присовокупленіа потребующе» (л. 92. об).

Противъ словъ текста: но и оно мѣніе яж імѣетъ дѣлающе к тому яж бываетъ, дѣланіе есть, и опое яж совершается кончися, дѣлатем нарицается и сіе, убо едіные души есть: а овое души производящеи помощію тѣла.... на поляхъ: «Мнѣніе наріцает оно, же в предреченном сказе, назнаменованно» – «Сіреч, яко вырозумлѣніе, або волі внутренные дѣланіе». «Сіреч, орудии чувственных в помощь требующи яко ушеи ко слышанію, яко очей к віденію, яко языка и прочих орудии ко глаголанію, и тѣм подобных» (л. 92 об).

Противъ словъ текста: іное убо есть телесное дѣланіе, яж водітся от души, и двіжется: яж убо от тѣла совершится, дотыканіемъ есть и востязаниемъ, и дѣла аки бы окруженіе: а души же аки бы дѣла твореніе; и выображеніе.... на поляхъ: «Первіе умысливши собѣ внутрь, тѣла помощи потребуетъ, повелевающе ему, яко архітектору яко зготовал уже окруженіа албо образецъ, в дѣло производіти» (л. 93).

Противъ словъ текста: так і в Господе нашем Иисусе Христе чудесъ сіла, дѣланіе было Божества его: возложением же руки врачевство, а хотѣти рещи, хощу очистис, человѣчества его было дѣланіе, и от его человѣчьство ісполненно, и дѣло сотворенно было, хлѣбовъ преломление, и еже о прокаженномъ было слышано хощу.... на поляхъ: «Сіреч, орудиемъ гласным произведенно сіе слово хощу очистіся, ему же сіла божественная последовала, ибо абие очистился прокаженныи, а прочую зри істинну правовериа напреді в сущем. (л. 93.)

Противъ словъ текста: а если бы кто, реклъ, иж зделанием ліце бываетъ введенно; отвещаем, аще здѣланіем ліце вводиться, по разуму возращается, іже бы с лицем деланіе было введено. ..на поляхъ: «Сіреч, последованіе будет неудобно, аще дѣланіе будете составно, рекше по іпостасем разумѣти, то кождому будет лицу свое дѣланіе, что есть хулно» (л. 94 об).

Противъ словъ текста: іные убо оного, іные же того; а въ тому едіно от другаго неразделны суть в божию всемогущомъ дѣланію.... на поляхъ: «Оного, рекше Божества, а того, человѣчества» (л. 95 об).

Противъ словъ текста: аще едіно господьствующего Христа дѣлатем албо сотворенно будетъ або несотворенно: среднее убо тѣх нѣсть дѣланіем, яко ани естество.... на поляхъ: «А среднее, сіреч, мѣжду сотвореннаго и несотвореннаго, не обретается, а что ж бы было ани сотворенное, ані несотворенное, но точию во Христѣ два естества істенные, рекше, несотворенно божество, и сотворенное человѣчество с цѣлыми свойствы» (л. 95 об).

Противъ словъ текста: потреба убо всячески премѣннаго и тамо и овамо проходящего быти естеством естественные: ибо невозможно есть недостаточному естеству бытства обретати... на поляхъ: «Аки бы реклъ, Богу божески достоять, а человѣку человѣческие свойства и дѣланія, иже бы вократце исповедал, яково естество таково и дѣланіе, понеж по Божію естеству неодолѣнъ был, по человѣческому же наруган, и ко кресту пригвожденъ. (л. 96.)

Противъ словъ текста: но едіно естественное дѣланіе Божіе и сотворениа, нікакоже бы той позволілъ кто добре разумѣете по блаженном Кіріле... на поляхъ: Сіреч, допустил сему быти, иже бы было едіно дѣланіе Божіе, и сотвореніа, рекше, человѣчества, яко ани естество может быти едіно обоего.(л. 96 об.)

Противъ словъ текста: неземленна бывше вода, но преестественною Божіею сілою стояща ко згущенію, и тяготу вещественныхъ ногъ носяща... на поляхъ: «Не пременивши своего естества в землю, або згустившись в ледъ, но сіла Господне тело, яко, реклъ, Герасим, аще молитвою елесея пророка сикера правала на жыдкой воде, не отменила тяготы желѣза, еще и вода носящая Господа не отменіла жыткого естества», (л. 98.)

Противъ словъ текста: не убо по разделенію сопротивъ положена, яко реченно есть: но по разуме от сотворениа имъ подавно, ото всѣхъ создателя вины... на поляхъ: «Сіречь, от еретиковъ реченно, (не того убо ради) яко ізверженные и гнушаемые сшилі, рекше, разделеніа ради сопротивъ положеніа ко божіему дѣлу едіно дѣиствіе и волю глаголатъ, но хулно и хітролестно изъявілося их свідетелство: но еж не токмо человѣческое но и всякое дѣланіе и движенія, двіжется от деланя и от силы Божіа, понеж созданно и вложенно в насъ движенія и во всѣхъ от первые вины, сіреч от Бога, понеж последнее двіженіе без перваго, ни единые силы не імѣеть. (л. 99).

Противъ словъ текста: иж бы потому яже глаголемъ божіе и человѣческое, различие убо вещей, разлічных есть разлічіе... на поляхъ: «Сіреч не іпостась разделяюще святые полагали двое во Христе, но по считанію, сіреч, дѣлъ, и воль, и естествъ, двоих во едином Христове составе узаконяюще». (л. 99 об.)

Противъ словъ текста: и паки, аще звѣрь, разумный смертный человѣкъ, и всяко уставление покоренных естествъ нарицающе, и нѣсть равно по естеству, мысленное смертному, не был бы воистинну едінаго естества человѣкъ, по уставу своиственнаго уставленіа... на поляхъ: «Вопрошен от нѣкоторых Платонъ філософъ, яко бы существо человѣческое вытолковалъ? Отвещалъ, иже есть человѣкъ звѣръ разумный смертный, сего ради зде припоминает сіе Дамаскинъ, иж сопротивъ зломудренных філософов которые оклеветуютъ естествъ уставъ, философским обычаем вещаетъ, облачающе ихъ». (л. 99 об.)

Противъ словъ текста: еще и во Господе нашем Иисусе Христе, не части частей раземотряем, точно з ближайшего сложенно, божества и человѣчества... на поляхъ: «Не часть частей разсмотряем, но ближаишіе? Акібы, реклъ, не по стихииным частей души и тѣла соедіненна зрим (яко нѣцыи блядуть) три естества сего ради быти во Христе и трі дѣланіа, рекше, тѣла рада и души, и божества его, но сіе есть хула? Но поближаишим, сіреч, от божества совершеннаго, и человѣчества совершеннаго соединенна есть іпостась Христова: a еслі соедиенна от совершенных естествъ, убо послѣдуетъ и от дѣль и воль различныхъ, понеж дѣла и воли не іпостасны, но въ естествах замыкаются несліянне». (л. 101).