Br
Брестчина
Производит · Предлагает · Приглашает

Акты I-XIV: ранние привилеи и имущественные решения (1496-1529): оригинал

Акты I-XIV, ранние привилеи и имущественные решения, 1496-1529 годы. Издание, с. 1 и далее. Тексты актов в орфографии издания.

I.

Скан: с. 1

Упоминане пна Войтеха Кучуковича о имене Жирмуны подъ Монтолтовичами.

На память у Берштахъ, о середопостьи, на сойме.

Упоминался его млсти великому князю панъ Войтехъ Кучуковичъ передъ всими паны радою его млсти о близкость имѣнья своего наймя Жирмун, што-жъ держать Михайловичи Монтовтовичи.

При томъ упоминаньи был князь бискупъ Виленский князь Войтехъ; а панъ Миколай Радивиловичъ, воевода Виленский; а князь Александро Юревичъ, намѣстникъ Городенский; панъ Юрей Пацевичъ; княз Семен Юревич, староста Луцкій, и иныхъ пановъ при томъ было много.

(Л. М., Зап., кн. V, л. 62 об.).

II.

Скан: с. 1

Вырокъ пани Лодятиной Индриховичовой Алене з невесткою ее пани Яновою Кгостовтовичовою о именье въ Киевъской земли.

Александръ, Божю млстью.

Смотрели есмо того дела съ паны радою нашою................

Писанъ у Вилни въ лет. 7004, мца іюня 24 день, индиктъ 14.

При т. был князь Войт., бис. Вил.; воев. Вил. пн. Мик. Рад., кан.; пн. Вил., нам. Гор., князь Алек. Юр.; пн. Троц., нам. Полоц., пн Ян. Юр.; мар. двор., нам. Мер., пан Ге Стан [чтение сомнительно]; мар., нам. Еит. пн Стан. Глеб.

(Л. М., Зап., кн. VI, л. 132–133).

III.

Скан: с. 2

Вырокъ пану Войтеху Яновичу на двор Костевский, названый Межиречъ.

Самъ Александръ, Божю.

Чинимъ знаменито симъ нашымъ листом, хто на него посмотритъ, або, чтучи, вслышитъ, нинешнимъ и потомъ будучымъ, кому будеть потребъ того ведати.

Смотрели есмо того дѣла съ паны радами нашыми..... ....

А пры томъ были велебный, велможный, вроженыи: князь Войтехъ, бискупъ Виленъский; а воевода Виленский, канъцлеръ, панъ Миколай Радивиловичъ; а панъ Виленский, староста Городенский, князь Александро Юревичъ; а воевода Троцкий, маръшалокъ земъский, панъ Янъ Юревичъ; а панъ Троцкій, староста Жомоитский, панъ Станиславъ Яновичъ; а панъ Юри Пацовичъ; а маръшалокъ дворный, наместникъ Мерецкій и Утенскій, князь Михайло Лвовичъ Глинъский; а подчаший, наместникъ Бельскій, панъ Миколай Миколаевичъ; а маръшалокъ, наместникъ Волковыский, панъ Войтехъ Кучуковичъ; а маръшалокъ, наместникъ Лидскій, панъ Юри Ивановичъ Илиничa; а кухмистръ, наместникъ Олшитскій и Немоноитскій, панъ Петръ Олехновичъ; а наместникъ Радуньскій панъ Янушъ Костевичъ и иныи панове, рада наша.

Писанъ въ Новегородце, под леты нарожденья и збавенья нашого тисеча пятсот второго лета, мсца іюл 12 день, инъдикъ 5.

(Л. М., Зап., кн. V, л. 110 об.–111 об.).

IV.

Скан: с. 2-3

Застава двора Кормялова пану Войтеху Яновичу въ суме пнзей тисечи и полторусту копах грошей.

Самъ Александръ, Божю млстью корол Полский...........

А при томъ при насъ были панове рада наша великого князства Литовского: князь Войтехъ, бискупъ Виленъский; а маршалокъ земский панъ Янъ Юревичъ; а панъ Троцкий, староста Жомоитский, панъ Станиславъ Яновичъ; а маршалокъ дворный, наместникъ Бельский и Утенъский, князь Михайло Лвовичъ Глинъский; а гетманъ панъ Станиславъ Петровичъ; а кухмистръ нашъ, наместникъ Скерстамонский, панъ Петръ Олехновичъ; а кухмистръ нашое королевое, наместникъ Дубицъкий и Коневъский, панъ Миколай Юнъдиловичъ.

Писанъ въ Радомли, іюня 12 день, инъдиктъ 8.

(Л. М., Зап., кн. VI, л. 3).

V.

Скан: с. 3

Привилей пану Бартошу Таборовичу на дворъ Избляны вечностью.

Во имя светыя.................

А при томъ были панове рада наша: маршалокъ нашъ дворный, наместникъ Белский и Утенъский, князь Михайло Львовичъ Глинъский; а крайчий нашъ князь Янушъ Алекъсанъдровичъ; а маршалокъ нашъ, канцлеръ нашое королевое ее млсти, наместникъ Браславской и Жижморъский, панъ Иванъ Сопежичъ; а наместникъ Дорогицкій панъ Янъ Стецковичъ.

Писанъ въ Кракове, въ лете 7013, мца сентебря 26 дня, индиктъ 9.

(Л. М., Зап., кн. VI, л. 4–5).

VI.

Скан: с. 2-3

Покладанье привильевъ пана Якуба Кунцевича на розные именья его, отъ кор. его млсти Александра даные.

Писан у Городне, у четвергъ по святе всехъ святыхъ, року Божего нарож. тисяча пятьсотъ семого году, кролевъства нашого року первого.

При т. были велмож. и върожоный: Микъ Микъ, воевода Троцъ; Станис. Яновичъ, кашталянъ Троцъ и староста Жомоитский; Янъ Юревичъ Заберезъ, навышъ мар. великого князьства Литовского и державца Городенъский; князь Юри Александровичъ; Ян Янович, маршалокъ и державца Волковыйский; Ян Сопега, мар и секретар, городничый замъку Троцкого; Юрей Илиничъ, маршалок; Юрей Соболевичъ; Мартин Хребтовичъ, конюшій, и братъ его Федко, подскарбій земский и державца Остринскій; Иван Андреевич, подскарбій дворный, державца Мойшакголскій, и иншые многие панове радные, годные веры и верные, нам милые.

(Л. М., Суд. д., кн. VIII, л. 107).

VII.

Скан: с. 4

Потвержене Василю Кобылину купли его у князей Свирскихъ и разныхъ особъ дворца Жары и инших людеи и кгрунътовъ на вечность.

Жикгимонтъ, Божю милостью.

Чынимъ знаменито симъ нашимъ листомъ, хто на него посмотрыт, або, чтучы его, вслышыть, нынешънимъ и потомъ будучымъ, кому будеть потребъ того ведати.

Бил намъ чоломъ дворанин нашъ Василей Кобылинъ и поведилъ перед нами. Што жъ онъ купилъ у князя Петра а въ князя Анъдрея Свиръскихъ третюю часть именя ихъ дворецъ на имя Жары и люди того дворца на имя Буртоковича, а Бабича, а Балута, а Микулу, а Мишка, а паробъка Видюса з жоною за двесте копъ грошей литовъское монеты; а въ князя Людвика Михайловича Свирского купил два человѣки его отъчызны на имя Мица Войноловича а Олаха Пастыра и з детми ихъ и з землями, а землю пустовъскую на имя Труховцыну за трыдцать копъ грошей литовъское монеты; а въ князя Анъдрея Михайловича Свиръского купилъ два человѣки на имя Павла Петковича а Тумъна Паистовича и з ихъ и з детми и зъ землями за петнадцать копъ грошей литовъское монеты; а въ князя Петра Михайловича Свиръского купил человѣка его отчызного непохожого на имя Мума и з детми его а землю пустовъскую на имя Якубовъщыну на Едупе за двадцать копъ грошей литовъское монеты; а въ князя Войтеха Юревича купилъ два человѣка на имя Богъдана а Пацука Крупиничовъ и з детми их за трыдцать копъ грошей литовъское монеты; а въ князя Грыгоря Богъдановича Бутывидовича купил люди его отчызные на имя Станислава, а Томъка, а Павъла Юцевичовъ за двадцать копъ грошей литовъское монеты; а въ князя Анъдрея Михайловича Свирского купил человѣка его отчызного на имя Скорохода Кишъчича. На што онъ листы вызнаные тыхъ князей на тыи люди и земли перед нами вказывал. Въ которыхъ жо листехъ ихъ стоить, ижъ они тыи люди свои отделныи отъ братьи своеи и продали ему вечъно. И бил намъ чоломъ, абыхмо ему на то дали нашъ листъ и тую всю куплю его потверъдили нашымъ листомъ на вечъность.

Ино мы, з ласки нашое, на его чоломъбитье, то вчынили: на то дали ему сес нашъ листъ и тотъ дворецъ на имя Жары з людми, и тыи вси люди и земли, которыи онъ в тых вышемененых князей покупил, потверъжаемъ симъ нашымъ листомъ вечъно и на веки непорушно ему самому и его жоне, и их детемъ, и на потомъ будучымъ ихъ щадкомъ, и ближнимъ со въсими вышеречеными людми, который в тых записех стоять, и их землями пашъными и бортъными, и з ловы зверынъными и пташыми, и съ сеножатми, и з гаи, и со озеры, и з реками, и з речками, и ставы, и ставищы, и з млыны и их вымелки, и службами тых людей, и з дякълы и съ въсими иными платы и податми, которымъ кольве именемъ могут названы, або менены быти, и со всимъ правомъ и пожыткомъ по тому, какъ тыи князи сами то на себѣ держали и какъ ся тотъ дворец Жары и люди того дворца и тежъ люди тых князей здавъна и ныне сами въ собе и в границах ся и в обходех ся своих мають; воленъ дворанинъ нашъ Василей и его жона и их дети, и на потомъ будучымъ их щадкомъ и ближнимъ ихъ то на церъковъ Божю записати и отдати, и продати, и заменити, розшырыти, къ своему лепъшому и выжыточному обернути такъ, какъ сами налепей розумеючы, водлугъ купли своеи и листовъ купъчых тых вышемененых князей.

А на твердость того и печать нашу казали есмо прывесити къ сему нашему листу.

Пры томъ были панове рады: воевода Виленъский, канъцлеръ нашъ, староста Белски и Мозырски, панъ Олбрахтъ Марътиновичъ Кгаштолт; а подскаръбий земский, маръшалокъ и писаръ нашъ, державъца Слонимъскій, панъ Богушъ Боговитиновичъ; а конюший дворный и Троцкій панъ Якубъ Кунъцовичъ.

Писанъ у Василишъсках, под лет Бож нарож 1522, мѣсяца декабря 12 день, инъдык 11.

В томъ листе рука королевъская.

Горностай, писаръ.

(Л. М., Зап. кн. XII, л. 53–53 об.).

VIII.

Скан: с. 6

Мещаном Берестейским до пна подскарбего о даване им знати за часу для готованя сереб. и ордынщин.

Жыкгимонт, Божю млстью.

Подскарбему земскому, маршалку и писару нашому, державцы Слонимскому и Каменецкому, пну Богушу Боговитиновичу.

Присылали к нам войт и бурмистры, и радцы и вси мещане места Берестейского, чоломъ бьючы о том, што ж, коли мы и пнове рады великого князства Литовского, без небытности нашое, покладают на места наши серебщизну и ордынщину, ино, дей, дворане наши, которые приезжають тамъ з листы нашими тое серебщины и ординъщины на нихъ правити, они, дей, того часу, скоро приехавши правити на них децкованей своихъ, и кажут, дей, имъ себе и кони свои тамъ у месте стравовати. И на то, дей, имъ накладу много выходитъ и тяжкость ся имъ в том великая деет. И били нам чоломъ мещане Берестейские, абыхмо казали им о том ведане за часу давати, коли быхмо мели на места наши серебщины класти.

Ино намъ ся видело: естли коли серебщину и ордынъщину на места наши будемъ покладати, аж бы имъ от того часу, какъ будеть положоно, ведане о том дано за чотыри недели. А про тож, коли мы або панове рады нши, без бытности ншое, серебщизну и ордынщину на места наши будуть покладати, ты бы им от того часу, как будеть положоно, ведати имъ давалъ через лист свой за чотыры недели. А естли через чотыри недели тое серебщины и ординъщины не отдадуть, ино вжо дворане нши мають тую серебъщину и ординщину на нихъ отправити. А децковане бы еси казал на нихъ брати, подле обычая и права земъского, и таковых стацей тяжких на них брати не казал, абы мещаном нашимъ в том тяжкости не было.

Писан у Кракове под лет Бож нарож. 1524, мца април 27, индык 12.

(Л. М., Суд. д., кн. IV, л. 61).

IX.

Скан: с. 7

Потверженье подскарбему дворному, державцы Веленьскому, пану Ивану Анъдреевичу, на записане третее части ву всихъ именяхъ ее отчызных у Вишкове и в Луком у Четвертни, отъ пани Богданы, жоны его, ему записаные, на вечъность.

Жыкгимонтъ.

Чынимъ знаменито симъ нашымъ листомъ, хто на него посмотрыть, або, чтучы его, услышыть, нинешънимъ и на потомъ будучымъ, кому будеть потребъ того ведати.

Билъ нам чоломъ подскарбии нашъ дворный, державъца Веленьский, панъ Иванъ Анъдреевичъ и поведил перед нами, што-жъ жона его, дочъка князя Федора Михайловича Четвертеньского, пани Богъдана, записала ему на вечъность третюю часть во въсих именьех своих отчызных у Вышъкове, въ Лукомъ, у Четвертни, у Навозе, у Годомичох, у Копылях, у Суску, у Славомирчох, у Пасачевичох, у Волшъковичохъ и къ тому вси речы свои рухомыи и статокъ домовый вес, отъдаляючы отъ того всю братью свою и сестры и вси ближънии свои. На што жъ онъ запис жоны своей перед нами вказывал и билъ намъ чоломъ, абыхмо ему на то дали нашъ листъ и потвердили то ему нашымъ листомъ на вечность.

Ино мы, выслухавшы запису жоны его, и для его къ намъ верное служъбы, з ласки нашое, на его чоломъбитье, то вчынили, на то дали ему нашъ листъ и тую вышеписаную третюю часть во всихъ тых именьяхъ, и тежъ рухомыи речы вси и статокъ домовый вес, который ему жона его записала, потвержаемъ симъ нашымъ листомъ пану Ивану его детем и напотом будучымъ его щадкомъ вечьно и на веки непорушъно зъ людми тыхъ именей и со въсими землями пашъными и бортъными, и з сеножатми, и зъ гаи, и лесы, и дубровами, з ловы зверынъными и пташыми, и съ озеры, и з реками, и з речками и съ ставы и ставищы, и з млыны и их вымелки, и з бобровыми гоны, и з службами и въходы всих тых земль и людей, и з даньми грошовыми и медовыми, и з бобровыми, и кунъчными, и з дякълы оръжаными и овъсяными, и со всимъ с тымъ, какъ ся тая третяя часть в всихъ тыхъ вышемененых именьях отчызна жоны его здавъна сама в собе и в границах ся своих маеть, и тежъ рухомыи речы вси и статокъ домовый вес, подле запису жоны его; воленъ панъ Иванъ и его потомки тую третюю часть во всихъ тых именях отъдати, продати и заменити, и на церковъ Божю записати, и къ своему лепшому и вжыточъному обернути, какъ самъ налепей розумеючи, подле запису жоны его.

А на твердость того и печать нашу казали есьмо прывесити къ сему нашому листу.

Пры том были панове рада: воевод Троцкій, гетманъ навызшый, староста Браславъскій и Веницкій, князь Констанътин Ивановичъ Острозскій; а маршалокъ дворный, староста Берестейскій и Ковеньскій и Лидскій, панъ Юри Ивановичъ Илинича; а державца Ушъполскій и Пеняньскій панъ Станиславъ Миколаевичъ Радивиловича.

Писанъ у во Львове, под леты Божъег нарож. 1524, мѣсяца ок. 15 день, инъдык 13.

Богушъ, писаръ.

(Л. М., Зап., кн. XII, л. 189–189 об.).

X.

Скан: с. 8

(Листъ до воеводы Виленского).

Жикгимон.

Листъ до воевод Вилен. пан Кгаштолт

Што твоя мл. первее сего писалъ до насъ, велико собе обътежаючи на мещанъ Виленьскихъ о томъ, ижъ они наместника твоее мл. Рудоминского Криштофа имали и соромотили и на замокъ нашъ кгвалтомъ ве зъброяхъ приходили. Въ чомъ жо мы росказали были имъ перед нами стати на том сойме, который есмо мели съ паны радами нашыми у великомъ князьстве того прошлого часу мети, какъ жо есмо твоей млст и листы нашы позовныи на них подавали. Ино мы з великими а пильными справами нашими здешнего панъства нашого коруны Полское тых часовъ у великомъ князьстве быти не могли. Въ чомъ же бурмистры и рядцы присылали к намъ писара местского Симона а Ивана.

А такъ, што ся дотычеть тое речи первое твоей млс и нашого кгвалту замкового, о которую твоя млст перед нас ихъ позываеш, до нашого шчасного, ажъ дасть Богъ, приеханя къ великому князьству Литовскому; а што ся будеть потом служебникомъ твоее млсти кривда, або легъкость ся от них стала, мы на то твоей млсти комисарем дали: бис. Вилен.; а пан Троц., стар. Город., пн. Юря Мик; а маршалка земского, воевод Новгород, дер Мерец. и Довкговъ, пн Ян. Яновича Заберезеньского; а мар. дворного, стар. Берест и Ков и Лидский пан Юрей Иван Илинича. И тв бы мст передъ тыми комисаръми нашими казалъ того на нихъ искати.

Правил княз Ян, бис. Виленский

(Л. М., Зап., кн. XIV, л. 101 об.–102).

XI.

Скан: с. 9

Потверженье князю Михаилу Осовицкому на держанье двора Ясвоиньского до его жывота.

Жикгимонт.

Чинимъ знаменито симъ нашимъ листомъ и далей.

Билъ намъ чоломъ княз Михайло Иванович Осовицкий о то: Ижъ отчизна его вся отошла в сторону неприятеля нашого Московского, а мы за то перво сего дали есмо ему двор нашъ Дорсунишъский а потомъ Скертомони до его живота; ино мы тыи дворы наши з рукъ его выняли, а напротивку того дали есмо ему двор нашъ Ясвоини держати до тых часовъ, поки быхмо отчизну его от неприятеля нашого Московского очистили; а не очистивъши отчизны его, не мели есмо съ того двора нашого его рушати. На што жъ есмо и листъ нашъ с подписю руки нашое ему дали.

То пак тыми разы панове рады наши великого князства Литовского до нас писали, жедаючы, абыхмо тотъ двор наш Ясвоини дали под нимъ дворанину нашому Ивану Тимофеевичу Юрлову. А Иванъ поведилъ, ижъ имене бы лепъшое княз Михайло Микулино зъ стороны неприятеля нашого къ его рукамъ пришло; а къ тому князя Богдана Путивльскаго именья он у своей моцы держить. Какъ же мы, на писанье панов ихъ милости и чоломъбитье того дворанина нашого Ивана Юрлова, ему есмо были тот двор нашъ Ясвоини под нимъ дали. Нижли тых часовъ княз Михайло Осовицкий билъ намъ чоломъ и вказывалъ перед нами листы, которыи есмо ему первей того на тыи дворы наши дали, и тот листъ на Ясвоини, в которых же выписуеть, ижъ, не очистивши отчизны ег, не маем его с того двора нашого Ясвоини рушати; а што ся дотычеть Микулина и тежъ именей князя Богдановых, онъ поведил, иж с того не мает се чимъ поживити, и на чомъ мешкати, бо Микулин волостъка мала а от неприятеля нашог Московског скажона, а тыи именья князя Богдановы у Киевскомъ повете от поганства татар спустошоны. И билъ намъ чолом, абыхмо за се тое державье Ясвоини ему дали и при листе, данине нашой, его зоставили.

Ино, ачъ кольвекъ были есмо Ивану Юрлову тотъ двор нашъ под нимъ дали, однако жъ, паметуючи на верныи заслуги его, ижъ онъ, оставивши отчизну свою, замки и волости у неприятеля нашого Московского, а самъ, приехав к намъ, господару своему прирожоному, а звлаща не мает ся на чом тепер поживити, а намъ без причины слушное не годится листов нашихъ никому ламати, на его чоломъбитье, то вчинили есмо: тот двор нашъ Ясвоини ему есмо за ся держати дали со всимъ с тымъ, што здавна на державец наших прихоживало, и какъ перед тымъ от нас самъ держалъ; и не маем его с того двора нашого рушати а ни под нимъ кому давати, а ни заставляти, аж до его живота.

И на то есмо ему дали сес наш листъ з нашою печатю.

Писан у Кракове, под лет 1526, мѣсяца нояб. 10 день, индик 15.

В томъ листе рука королевская.

Ивашко Горностай, писарь, наместник Дор.

(Л. М., Зап., кн. XII, л. 388–388 об.).

XII.

Скан: с. 11

Вырок плебану Крошинскому зъ Олексеем Овсянникомъ о мутвицу и о розные шкоды, ему и подданым его поделаные.

Смотрели есьмо того дѣла съ паны радами нашыми.

Стояли перед нами очивисто. Жаловал намъ плебанъ Крошыньский князь Войтех на дворанина нашого Олекъсея Овъсяника о томъ: Ижъ бы ему отъ него крывъды великии ся стали в землях, въ кгвалтех, в грабежех, в наездъкахъ и въ винъшых речах. И мы казали о томъ межы ними досмотрети и справедливость тому вчынити судямъ нашымъ дворнымъ — маршалъку нашому князю Ондрею Михайловичу Санъкгушъковича, а маршалъку нашому державцы Волковыйскому пану Матею Войтеховичу, а тивуну, подконюшому Виленьскому, пану Шымъку Мацковичу, а дворанину нашому пану Богдану Довъкгирдовичу. Где жъ перед тыми судями плебанъ на Овсяника жаловалъ тымъ обычаемъ, што жъ, з росказанья пановъ рад нашых, зыездили суди на тыи земли ихъ судити и, того межь ними досмотревъши, и подле прысяги светковъ плебаньских, мутвицу плебану прысудили и листъ свой судовый на то ему дали. В которомъ же листе их пишеть, ижъ суди Овсяниковы судями плебаньскими спор вчынили, хотячи Овъсянику на плебане кгвалт присудити за тож, ижъ плебанъ мутвицу Овъсяникову съ своее гребъли зметал; и пишуть тыи ихъ судьи, штожъ панове ихъ милость, рада наша, дали имъ науку, хто бы в земъли былъ прав, тотъ и въ кгвалтех; и суди Овсяниковы с права зъехали, конъца не вчынивши; а плебаньскии суди, подле росказанья пановъ рад нашых, такъ сказали: на чомъ плебанъ и люди его присягънуть, то Овъсяникъ маеть платити. И тыи нашы суди дворныи, о том межи ними смотревъши, и нам то отказывали и самих их очивисте перед нами ставили.

Намъ и паномъ радомъ нашимъ виделося и такъ есмо сказали: што Овсяникъ плебану, кгвалты поделав, и въ люди его увязывался и держалъ их, и грабилъ, и шкоды поделавъ, и з них работы и платы, и доходы бралъ, — плебанъ маеть на тых шкодах своих, который ся ему от Овъсяника стали, прысягу вчынити; и рокъ той прысязе казали есьмо положыти третий день; и плебанъ на шкодахъ своих, на сту копахъ грошей, на тотъ рокъ прысягнулъ; а мутвицу прысудили есмо плебану держати, подле суда тых первыхъ судей, которыи тамъ выезжали о землю; чого суди не судили, мы казали имъ с обу сторонъ знову тамъ судьи вывести и о том межы собою росправитися: а што ся дотычеть боевъ и грабежовъ, и шкод людей плебанских, — то есмо тежъ людемъ его дали на присягу и рокъ есмо той прысязе положили отъ святого Авъгустына за чотыры недели; на чомъ тыи люди плебански, перед двораниномъ нашымъ Иваномъ Мостыкою у церъкви въ Крошине у своей пароееи прысягу вчынять, то Овъсяникъ маеть имъ платити: а што ся тычеть тых ста копъ грошей, што плебанъ на своихъ шкодах прысягу вчынилъ, мы, водле прысяги, росказали есмо судямъ нашымъ дворнымъ тую сто копъ грошей на Овъсянику сказати и роки трои заплате положыти по двадцати недель отъ дня святого Авъгуштына, — маеть Овъсяникъ тую сто копъ грошей на тыи роки заплатити плебану, водле его прысяги.

И на то есмо плебану дали сесь нашъ лист под нашою печатью.

Писанъ у Вилни, под лет Бож нарож. 1528 г., мѣсяца сентября 4 день, индыкъ 2.

(Л. М., Зап., кн. XV, л. 30–31).

XIII.

Скан: с. 12

Вырокъ пану Станиславу Щиту зъ братом его паном Миколаем Щитом о вехане моцно кгвалтом и взяте имене его Вселюбъ.

Жыкгимонтъ.

Смотрели есмо того дела с паны радами нашими.

Стояли перед нами очивисто. Жаловал нам панъ Станиславъ Щитъ на брата своего маршалъка нашого пана Миколая Щита о том, ижъ онъ именье Вселюбъ моцно кгвалтомъ взял и многие речи с того именья его побрал и вывозил. И панъ Миколай перед нами мовил, ижъ бы онъ тое именье свое опустил и люди разогнал, и самъ нет ведома, где ся подел был, и люди чужые статокъ его разобрали; «и я, дей, чуючы, ижъ о брате моемъ ведома нетъ, и хотячы, абы тое именье на корень было неспустошано, вземъшы есми вижа в замъку у Новогородку, и въ тое именье вехал и приказалъ тое именье заведати, и всего прысмотрати его жъ боярыну». И панъ Станиславъ перед нами мовил: «ты, дей, о мне не ведал, и листъ еси свой до моихъ подданных писал, подбураючы напротивку ихъ мене, и с того именья моего побралъ еси многие речи».

Ино мы с паны радами нашыми того досмотревъшы, и виделося нам: кгды жъ панъ Миколай не радне самъ, свовольне въ его именье вехалъ, сказали есмо на немъ брату его пану Станиславу кгвалтъ дванадцать рублевъ грошей; а што ся дотычеть шкод его, ино о томъ панъ Станиславъ маеть з братомъ своимъ паномъ Миколаемъ мовити.

И на то есмо пану Станиславу дали сесь нашъ листъ судовый з нашою печатью.

(Л. М., Зап., кн. XV, л. 31–32 об.).

XIV.

Скан: с. 13

Привилей пану Оникею Горностаевичу на петнадцат службъ людей и пят пустовщин у Ейшиской волости, и поле з сеножатю под вязовым пнем, и озеро Глушец в Киевскомъ повете в Чорнобылской волости на вечност.

Жыкгимонтъ.

Чынимъ знаменито симъ нашимъ листомъ, хто на него посмотрыть, або, чтучы, услышыть и далей.

Билъ намъ чолом дворанинъ нашъ панъ Оникей Горностаевичъ о том: Што перъво сего, убачивъши есмо на его вѣрныи послуги, которые онъ на службахъ нашыхъ чынил, потомъ, отъ насъ будучи в Орде в посольстве, в делех наших господаръскихъ и земъскихъ пилне а верне заслуговалъ, черезъ которыи жъ послуги его дела наши были зоставлены, для чого жъ вси панове рада наша насъ за нимъ жадали, абыхмо чымъ его пожаловали и осмотрели и неколко людей ему дали. Мы, на прычыну пановъ радъ нашыхъ, за его службу, дали есмо ему пятнадцать службъ людей тяглыхъ а пять пустовщинъ, надворную пашъню у Троцкомъ повете у Ейшишской волости и писали есмо о томъ до воеводы Троцкого, гетъмана нашого, старосты Браславъскаго и Веницъкого, князя Костантина Ивановича Острозского, абы, его обыеравши, в той волости пятънадцать служобъ людей а пять пустовъщинъ где с одного и в то ему увязанье далъ. Ино князь Костанътинъ писалъ о томъ до подкоморого нашого, державъцы Ейшиского, пана Анъдрея Якубовича Довойновича и служебъника своего Ждана Дмитреевича посылалъ, абы онъ казалъ ему тыи люди и земъли, подлугъ данины и листу нашого обравши, дати. Панъ подкоморый, вглянувъши в листъ, данину нашу, и опытавъшы пристава волостного Шымъка, обралъ пятънадцать служобъ тяглыхъ людей на имя: Янеля Станевича служба, Станеля Яцевича служба, Наруша Монъковича служба, Матея Монъковича жъ з братьею служба, Юря Ганъцевича з братьею служба, Докгилиса з братьею служба, и Яна Величъковича служба, Миколая Бутъковича з братьею служба, Юря з братьею служба, Януша з братьею служба, Михайла Мошкевича з братьею служба, Юря Гринъковича служба, Олехна Коверпаса служба, Ромашъка Сеньковича з братьею служба, Якубашъ Капетькевича з братаничи Бутъковичы служба, а пять земль пустовъских лейтских родчовъщинъ на имя Мацъковъщыну а Каркиловщыну, а Станьковщыну, а Дырмейковщыну, а Бернатовщыну; в которыи жъ люди и земли панъ подкоморый его увязалъ. А потомъ дали есмо ему тамъ жъ у волости Ейшиской пашъни нашое дворное Ейшиское поле зъ сеножатью под вязовымъ пнемъ и с кустовъем Плиндинъ. И в ту пашъню и в сеножать, з росказанья нашого, небожъчикъ панъ подкоморый панъ Анъдрей Довойновичъ его указалъ увязати. И к тому поведилъ перед нами, ижъ первее сего далъ ему озеро на имя Глушецъ в Киевъскомъ повете в Чорнобыльской волости воевода Киевъский, державъца Свислоцкий, панъ Анъдрей Якубовичъ Немировича, а потомъ мы на тое озеро дали ему нашъ листъ с подписье руки нашое, и писали есмо до пана воеводы Киевъскаго, абы онъ в то озеро ничимъ ся не вступалъ; и панъ воевода, подле листа нашого, далъ ему на то другий свой листъ и велелъ его в то увязати наместнику своему Чорнобыльскому Федку Андреевичу Киселю: и на то онъ на все листы, данину нашу, и листы увяжъчии князя Костантиновъ, воеводы Троцкого, и пана Анъдрея Довойновича, державцы Ейшишъского, и пана воеводы Киевъского на озеро Глушецъ перед нами указывалъ. И билъ намъ чоломъ, абыхъмо то все потвердили ему нашимъ привилем на вечъность. О чомъ жо панове рада наша — княз Янъ, бискупъ Виленьский, воевода Виленьский, канъцлеръ нашъ, староста Бельский и Мозырский, панъ Ольбрахтъ Мартиновичъ Кгаштолтъ — насъ за нимъ жадали.

Ино мы, з ласки нашое и на жаданье панов рад нашихъ, и за его к намъ вернии службы на его чоломъбитье, то вчынили: тую пятънадцать служобъ людей и пять земль пустовъских, которых имены панъ подкоморый в листе своемъ выписалъ, и поле з сеножатью под вязовымъ пнемъ и с кустовемъ Плиндинъ, и озеро Глушецъ в Чорнобыльской волости, и тыи люди вси и земъли, яко выше в семъ нашом листе стоить выписано, потвержаемъ симъ нашимъ привильемъ вечъно и навеки непорушъно пану Оникею Горностаевичу самому, его жоне и их детемъ, и напотомъ будучымъ ихъ щадкомъ со въсими тыми людми и ихъ службами, и податьми, и с земълями пашъными и бортными, и с припашъми, селищи, и с кустовъи, з гаи, лесы и дубровами, и с сеножатьми, з ловы и ловищи, с озеры, з реками и речъками, з ставы и ставищи, з луги и болоты, и з заросльми и польми, и з дяклы оръжаными и овъсяными, и с платы грошовыми и со всякими иными платы, доходы и пожытки, которымъ кольве именемъ могуть названы, або менены быти, и со въсимъ с тымъ, какъ ся тыи люди и пустовщины, и пашъни, и сеножати и озеро Глушецъ здавъна и ноне въ собе маеть, и какъ были на насъ держаны; и воленъ онъ и его потомъки тамъ собе прибавити и разширити, и к своему лепшому и вжыточъному обернути, какъ сами налепей розумеючы.

А на твердость того и печать нашу казали есмо привесити к сему нашому листу.

При томъ были: князь Янъ, бискупъ Виленьский; князь Миколай, бискупъ Киевъский; воевода Виленъский, канъцлеръ нашъ, староста Бельский и Мозырский, панъ Ольбрахтъ Мартиновичъ Кгаштолтъ; подскарбій земъский, маршалокъ и писаръ нашъ, державъца Слонимъский и Каменецкий, панъ Богушъ Боговитиновичъ; подскарбій дворный, державъца Веленьский, панъ Иванъ Анъдреевичъ; маршалокъ, державъца Волъковыский, панъ Матей Войтеховичъ, и иныи панове рада великого князства Литовского.

Писанъ у Вилни под лет Божьего нарож 1529, марта 17 день, инъдыкътъ 2.

Въ томъ листе рука королевская.

(Л. М., Зап., кн. XII, л. 419–420 об.).