Br
Брестчина
Производит · Предлагает · Приглашает

Приложение II. Сыновья и дочери Гедимина и Ольгерда: оригинал

Девять родословных выписок о потомстве Гедимина и Ольгерда из разных списков, включая латинский Origo: имена, браки и уделы, в том числе Пинск Наримонта. С. 13-17 приложений. Оригинал издания.

II. O synach i córkach Gedyminowych i Olgierdowych.

1. Kodeks Wileński.

У великого князя Кгедимина Литовскаго. 7 сыновъ было. старшии Монтивид. потом Нарамонть. потом Олкгирдъ. потомъ Евнутии. потом Кестутии. потом Коріатъ, семыи Люборть. Монтивиду отець далъ Карачевъ и Слонимъ. а Нарамонту Пинескъ. Олкгирду королеву отцу, Крево. да к тому князь Витебскии. сыновъ не дръжалъ. принял ко дочце въ Витесбскъ. Евнута осадилъ въ Вилни. на великом княженьи. а Кестутю дал Трокы. а Корьяту Новгородокъ. а Люборта принял Волыньскии княз. въ всю землю Волынскую.

...Сынов же было у великого князя Олкгирда. 12. а у великаго князя Кестутя. 6.

2. Kodeks biblioteki ordynacji Krasińskich.

Напервѣи у великого князя Кгѣдимина. семь сыновъ было. старшии сынъ был Монтивид. потом Наримонтъ а потом Олкгирдъ королев отець. а Евнутеи. потомъ Керстутеи. отець князя великого Витовта. а потомъ Корятъ. а семыи Люборнтъ. коли ж ихъ отець подѣлил. напервѣи дал Монтивиду Корачов а Слонимъ Наримонту дал. Пинескъ. Олкгирду дал Крево. а к тому князь Витебъскии сыновъ не держал. и он принял Олкгирда. к дочцѣ своеи Витебъскъ взяти.

...У великого князя Олькгирда сыновъ было дванадцать, а у князя великого Керстутья шесть сыновъ было.

3. Kodeks Akademicki.

Велики князь Гедимина Литовъского 7 сыновъ было стареишии Мондивиды потом Наримонтъ потом Олгирдъ королевъ отецъ потомъ Евнутии потомъ Кестути отець великого князя Витовта потомъ [Ко]рьіатъ семы Люборть Мондѣвиду же отець дал Карачевъ да Слонимъ Наримонту Пинескъ Олгирду королеву отцю Кревъ да к тому князя Витебьски сыновъ не дръжалъ принялъ его к доцьѣ (sic!) и

Витебь (sic!) взяти а Евнутьа осадилъ у Вилни на великом княженьи а Кестутью Трокы а Корибуту Новгородъ а Любарта принялъ Володимерьскій князь къ дочцѣ въ всю землю Волыньскую.

...Сыновъ же было у великого князя Олгирда 12, а у великого князя Кестутья 6 сыновъ было.

4. Kodeks Supraślski.

Великого князя Кедмина Литовъског было сыновъ 7. стареши Моньвид, потомъ Наримонтъ. Олитордъ королевъ отець потомъ Евнутеи потомъ Кестути. отець великого князя Витовта потомъ Кориятъ седмыи Люборть. Монтивиду далъ отець Корачевъ да Слонимъ. Наримонту Пинескъ. Олгирду королеву отцу Крево да к тому князь Витебскыи сыновъ не держалъ принялъ его къ дотьце. Витебъскъ взяти Евнутия осадилъ во Вильни. на великомъ княжении. а Кестутию Троки: Корьяту Новгородокъ. а Люборта принялъ Володимеръскыи князь къ дотьце. во Володимеръ в въ Луческъ. и во въсю землю Волынскую.

...Сыновъ же было у великого князя Олгирда 12 а в князя великого Кестутия сыновъ 6 было.

5. Починокъ.

Литовскому роду починокъ первое Хвостъ а сынъ у него Волкъ. а у Волка сынъ Троен. а у Троена Витень. а у Витена сынъ Едиман. а у Едимана. 7 сыновъ. Монтивид. Наримантъ. Олгердъ Евнутии. Кестутеи. Корьят. Люборть. Едимана Литовскаго было. 7 сыновъ. Старѣишии Мантивид. Потомъ Наримантъ. Потом Олгердъ королев отецъ. Потомъ Евнутий потомъ Кестутии отець великого князя Витовта. Потомъ Корьят. Седмыи Люторть. Монтивиду ж отець дал Корачев да Слоним. Наримонту Пенескъ. Олгерду королеву отцу Крев. Да к тому князя Витебскии. сыновъ не держал. а приял Олгерда в Витепскъ. къ дочерь своеи а себѣ въ зяти. а Евнутия осади в Вилне на великом княжении. а Кестутию дасть Трокы Корияту Новгородокъ Литовскии. А Люборта принял Володимерскии князь ко речь (дочьцѣ?). Володимеръ. в Луческъ. во всю землю Волынскую.

...У великого ж князя Олгерда было двенатцат сыновъ а у великого князя у Кестутия. 6. сыновъ.

6. Origo.

Aput ducem magnum Lithuanie Gediminum erant septem filii primus et senior Montiwid secundus Narimuth. Tercius Olgerth pater domini regis. Quartus Iwenyti. Quintus Kyestuti pater domini magni ducis Wythowdi sextus Krriath septimus Lubarth. Montiwido suus pater dederat bona ista Bernow (sic!) et Slonym Narimutho Pynsk. Olgerdo patri domini regis Crewa. Sed quia dux Wytersky prolem non habuit masculinam assumsit eum ad filiam suam vnicam Wythewsko post eam recipiendo. Iewyntham autem locauit in Magno ducatu Gyesthutho patri domini ducis Wythowdi donauit Troky Coriatho Nowogrodek Lubarthim assumsit dux Wladimiriensis ad filiam suam cum qua dedit Wladimirian Luczko et terram dictam Wolnyczska.

…Item aput magnum ducem Olgerth erant filii XII Et apud magnum ducem Kyerstruchi VII erant filii.

7. Kodeks Towarzystwa Archeologicznego.

О великом князе Кгиндмине і о осми сынех его.

И будучи великому князю Кгиндмину при старости своеи. і сплодил. 7. сынов осмую дочку, именем Ганну которую дал до Ляхов в малженсу сыну Казимирову Владиславу Локетку коли писано отъ Божего нароженя. 1320 году і будучи великии князь Кгиндмин. у великои старости своеи. і при своем животе, розделил усих сынов своих. і пяти сынов своих посадил на вделех то есть старшого сына Монтивида на Карачове да на Кониме (sic!). а Наримонта на Пинску, а Олкгирда на Креве а к тому княз Витебскии сынов мел только і он за него дал дочку свою. і принял его в землю Витебскую Коряту дал Новгород. Люборту дал Володимер і Луческъ і землю Волынскую. а тых двух сынов своих посадил, на великих князствах Евнутя на столцы своем на Вильни і на великом князьстве Литовском, а Кестутя на Троцех і всеи земли Жомоитскои, і розделивши их самъ почестне умре.

...Великого ж князя Олкгидра сынов было. 12. а у великого князя Кестутя сынов было. 6. а межи собою любили сынов своих. князь великии Олкгирдъ князя великого Ольгирда (sic!) и княз великии Кестутеи. князя великого Витовта.

8. Kodeks Raczyńskich.

О великом князи Кгидимине и о семи сынехъ его.

Будучы великому князю Кгидимину при старости своеи и сплодилъ семь сыновъ а осмую дочку именем Ганну которую далъ до Ляхов в малженство сыну Казимерову Владиславу Локетку коли писано отъ Божого нароженя тисеча трыста двадцатог году, и будучы князь великии Кгидимин у великои старости своеи. и при своемъ жывоце розделил всих сыновъ своихъ. и пяти сыновъ своихъ посадилъ на вдѣлехъ то ест старшого сына Монтивида на Корачове да на Слониме, а Нарымунта на Пинску, а Олкгирда на Креве, а к тому князь Витебскии сыновъ не мѣлъ, только дочку, и он за Олкгирда далъ дочку свою и прынял его у землю Витебскую, а Коркгиту дал Новгородокъ, а Люборту дал Володимер и Луческъ и землю Волынскую а старшыхъ двухъ сынов своих посадилъ на великих князствахъ, Евнутя на стольцы своемъ на Вилни и на великом князьствѣ Литовскомъ, а Кестутя на Троцѣх и на всеи земли Жомоитскои, о розделившы ихъ самъ почестне умер...

...У великого князя Олькгирда сынов было дванадцать отъ первое жоны пять а отъ другое Тверанъки сем. а то сутъ имена их, Анъдреи Дмитреи Костянтин Володимер Өодоръ Корибутъ Скрыгаило Якгеило Корыгаило Лукъвени Швитрыгаило.

9. Kodeks Jewreinowa.

И пребываючи великому князю Кгидимину при старости своеи сплодил семь сыновъ а осмую доч именем Анну которую дал в Ляхи в жену сыну Казимерову Владиславу и пребывающе в великои старости своеи и при своем животѣ раздѣлил всѣхъ сынов своих і пять сынов своих посади на удѣлех старѣйшаго сына Мантвида на Карачеве да на Слонимѣ а Наримонта на Пинску а Олкгирда на Крѣкове (sic!) а князь Витепский сынов не имѣл толко одну дочь и он дал за него доч свою и принялъ его в землю Витепскую Коарту (sic!) дал Новъгородок Люборту Володимер и Луческъ и землю Волынскую а тѣх дву сынов своих посадил на великих княжествах Евнутя на столцы своемъ на Вилнѣ и на великом княжествѣ Литовском а Кестутя на Троцѣх и на всеи земли Жемоитскои раздѣливши ихъ и умре;...

...Сынов же было у великого князя Олкгидра двенатцат то сут сынове его с тою женою что понял князя Витебскаго с коею Витепскъ взял имѣлъ семь сыновъ первой Владимер иже удѣлъ имѣл Киев другои князь Іван Жедевич иже имѣл Подолскую землю третiе князь Семен Лыкгвенныи удѣлъ его Трубческъ пятыи Костянтинъ удѣлъ его Чернигов і Черторызскость шестои сынъ его Нушко (Сантушко?) Өедор удѣлъ его Любомль;

По смерти ж великие княгини Анны понялъ князь великии Олкгирдъ дочь князя великаго Тверскаго княжну Уляну Юрьевну имѣл с нею шесть сыновъ старѣишiи Якгаило другои Скригаило третеи Швитригаило четвертыи Корибоыръ (sic!) пятыi князь Дмитреи Корецкиi шестыi князь Василеи...