Приложение I. Свидетельства о приходе итальянцев: оригинал
Четыре версии рассказа о приходе Палемона и римлян по разным русским спискам, параллельно с польским текстом, с сносками издателя. С. 1-13 приложений. Оригинал издания.
Dodatki.
I. Świadectwa z latopisców o przyjściu Włochów.
1. Kodeks bibljoteki ordynacji hr. Krasińskich.
Лѣтописецъ великого князьства Литовьского и Жомоицьского.
Сталося есть воплощене сына Божьего от святого Духа зъ благословеное дѣвици пречистое Маріи от початку сотвореніа всего свѣта лѣта пяттысячного пятсотного двадцать шестого. Оного часу панство Римское было пред цесарем Августом, которыи иже не толко одному Риму, але и всему свѣту пановал. Якож вышей писано, часу цесарьства Августова, сынъ Божіи народился, а часу Тивириа цесаря, второго по Августе на крестѣ волную муку принял для збавеня и откупеня рожаю человѣчего. За которого ж Тивирия цесаря, вси рѣчи и пророчества наполнивши, по востанію из мертвых вступилъ на небо и сел на правици Бога отца, отколе ж дня судного маеть пріити судити живых и мертвых и отдати комуждо подлуг заслуги его. А по смерти Тивирия цесаря былъ цесаремъ Гайосъ, по Гайюсе Клавдии, по Клавдии царствовал сынъ его Нерон, которыи ж Неронъ былъ панъ окрутный а невъставичный, власную матку свою и докторя своего навышшого своею рукою забил, без кождое причины о смерьть приправилъ и неколко крот мѣсто Римское казал запаливати, а ни для чого толко для того, иж бы ся тому дивовал, а потеху съ тото мевалъ. И княжатам, и панятом Римским, и шляхтамъ, и всему посполству кривды и втисненя великия чинил, для чого ж всякимъ подданнымъ его, для великого окрутенства его и невъставичности, не был нихто певенъ, а ни безпечен
не только именеи, альбо скарбовъ, але и здоровъя своего. А такъ многые, опускаючи именя а скарбы свои втекали до розмаитых земль, наследуючи справедливости покоя. Где ж одно княже Римское именем Полемон, которыи же цесару Нерону был кровный, забралъся з жоною, и з дѣтми, и з скарбы своими и подданными своими, с которым жо княжетем собралось пятсот шляхты з жонами, и з дѣтми, и з многыми людми. И вземши с собою одного остронома, и пошли в кораблех морем по заходу солнца, хотечи собе знайти на земли месцо слушное, и гдѣ быс мели поселити, а мешкати с покоемъ. А с тыми шляхты чотыри были рожаи наивышшие именем Китоврасы, Колюмны, Рожи, Ургы. А так они, не малыи час по морю ходечи, пришли Межземскаго моря и дошли до реки до Шума, и тою рекою Шумою в море окиянъ, и морем окияномъ дошли до устья, и где река Немон впадывает в море окиянъ. Потом пошли Немном у верхъ, ажь в море зовемое Малое, которое называетея море Немновое. А с тое причины тое море Немновое называется, ижъ в тое море впадаеть Немон дванадцатми устьи, и кождое зовется своим именем Скиля. И пошли тым устьемъ у верхъ, и дошли цѣлого Немна, где вжо онъ самъ во одном месци течет весь. А у верхъ Немном пошли до реки Дубисы, где ж, вшедши в тую реку Дубису, и над нею нашли горы высокие, и на оных горах ровнины великие и дубровы роскошные, и розмаитое обѣтости наполненых розного рожаю звереи, то есть напервеи: туровъ, зубреи, лосеи, еленеи, сернъ, рысеи, куниць, лисиць, бѣлокъ, горнастаевъ, ласиць и иных розмаитых рожаевъ; и ту теж в реках великую объѣтос рыбъ непосполитых, иж не толко тые рыбы, которые в тых ся реках плодят, але множьство розмаитых а дивных з моря приходят, а то за тою причиною, иже недалеко устье Немновое, где Немон в море впадываеть. Над которыми ж реками—над Дубисою, и над Немном и над Юрою там ся поселили и почали розмноживатися. И оно мешьканье ихъ над тыми реками велми имъ подобалося и назвали тую землю словеньским языком побережная земля, а Литовьскимъ языком назвали Жемоитская земля.
А потом вышереченое княже Палемон вродилъ трех сыновъ: старшии Боркгъ, другыи Кунас, третии Спера. Старшии ж сынъ Боркгъ вчинил город на Юре реце, и зложено имя того княжати посполе з рекою, иж имя реце Юра, а княжати Боргъ, и назвал тотъ город Юрборкъ. А середнии сынъ Кунас пришол на устье реки Неважи
, и где она впадаеть в Немон, и вчинил тут город, и назвал его именем своимъ Кунасовъ город. А третии сынъ Спера пошол далеи в пущи к восходу солнца, и перешодши реку Невяжу и рѣку Святую, и третию реку Ширвенту, и нашолъ озеро луками и розмаитым деревом окрашено, где ж то полюбивши над тым озером поселился. И тое озеро именем своим назвал Спера. И пановал много лѣт, а потом змеръ без плоду. И подданьи его милуючи его, а подле Римского обычая вчинили болвана на память его и назвали Спера. И потом оные люди мешькаючи около него, и почали офери чинити и за бога мети, а потом коли тот болванъ сказился, и они тое озеро и тое местцо хвалили, и мели за бога, и по немъ межи собою господаря не мели, и мешкали без пана. И навратившися воспакъ.
По малых часех брат его Боркгъ, которыи мешкал на Юрборку вмер, не маючи детеи; ино брат его Кунас возметь и тую част брата своего Борка, и город Юрборкъ, и тою частю его будет и город Юрборкъ пановати. Оное княжа Кунас мелъ двухъ сыновъ: одного Кернуса а другого Кгинъбунта. Пануючи ему в земли в Жомоитьскои, почался множити и розширяти, и выходити за реку Велью в землю Завелскую. И прошод реку Святую вышей, и нашолъ место велми хорошо, и сподобалося ему тое местцо велми, и онъ там поселился, и назвал тое местце именемъ сына своего Кернуса Керново, и дал тому сыну своему Кернусу, а потом умре. И почнет сынъ его пановати Кернус на всеи земли Завелскои по границу Латыгальскую и по Завелеискии Брягславль аж по реку Двину. А брат его Кгинбунт на Юръборку, а на Кунасове и на всеи земли Жомоитьскои. А в тотъ час где Кернус пановал на Завелеискои сторонѣ, люди тыи его што за Велею посели, игрывали на трубах дубасных. И прозвал тот Кернус берегъ по вълоску, гдѣ ся люди его множатъ, литусъ, а труба, што на них играютъ туба. И далъ имъ тыи людем своим по латыне, зложивши берег литус, а труба туба, и дал имъ имя литустуба. То пакъ простые люди не вмѣли звати по латыне и почали звати Литва, и от того часу панство Литовьское почалося звати и множити от Жомоити. Князь великии Кернус пановал на Литве а князь Кгинбунт на Жомоити, и не малыи час пановали, а жили межи собою в покои. Князь пакъ Кернус не мелъ сыновъ толко одну дочку, именем Пояту. А будучи онъ в старости своеи, а не хотечи панства своего от дочки своее отдалити, и принял до нее зятем собе с Китоврасу именем Кгируса а сам умре, а по нем нача
княжити на земли Литовъскои тот зять его с Китаврасу именем Кгирусъ. А Кгинбутъ на Жомоитскои земли. И пануючи Кгинбуту на Жомоити умре, а сына своего Монтвила зоставить на Жомоитьском князьстве. И Монътвилъ много княжил на Жомоити, а мелъ двух сыновъ одного Немоноса а другого Скирмонта.
2. Kodeks bibljoteki Raczyńskich.
Лѣтописецъ великого князства Литовского и Жомоитского.
Сталося есть воплощене сына Божого от Духа святого з благословенное девицы чыстое Марѣи от початку сотворенья свѣта пяттисечного пятьсотного двадцать шостого. Одного часу панство Рымское было под цэсаром Августом, которыи же не толко одному Рыму, ино и всему свѣту пановал. Яко ж вышей писано, иж часу цэсарства Августова сынъ Божыи воплотился, а часу Тивирѣя цэсара, второго по Августе, на кресте волную муку принял для збавеня и откупенья роду чоловѣческого. За которого ж Тивирѣя, вси рѣчы и пророчаства пополнившы, по встани з мертвых, вступилъ на небо и сѣлъ на правицы в Бога отца, отколе ж дня Судного мает прыити судити жывых и мертвых и отдати кождому водле заслуги его.
По смерти Тивирѣя цэсара был цэсарэмъ Гаиосъ, а по Гаиосе Клавдѣи, а по Клавдѣи царствовалъ сынъ его Нерон, которыи же Нерон былъ панъ окрутныи а невъставичныи, иж власную матку свою и доктора своего навышшого Сэноку, бэз кождое прычыны ку смерти прыправил и колко раз казалъ место Рымское запаливать, а ни для чого иншого толко для того, иж бы ся тому дивовал а потеху мѣлъ. А княжатомъ и паном Рымскимъ шляхте и всему посполству крывды и втиски великие чынилъ, для чого ж всякии подданыи его, для великого окрутенства и невставичности его, не был нихто пэвэн а ни бэзпечонъ не толко имѣнеи албо скарбовъ, але и здоровя своего. А так многие, опускаючы имѣнья и скарбы свое, втекалися до розмаитых земль, наслядуючы справедливого упокою.
Где жъ одно княжа Рымское именем Палемонъ, которыи же цару Нерону был кревныи, забрался зъ жоною и з дѣтми своими, и с поддаными, и скарбы своими—с которым жо княжатем пят сот шляхты также зъ жонами и з дѣтми и з многими силами. И взявшы зъ собою одного остронома, которыи ся знал по звѣздахъ, и пошли
у кораблех моремъ по заходу солнъца, хотечи собѣ знаити на земли мѣстцэ слушное, гдѣ бы ся мели поселити а мешкати с покоем. А с тыми шляхты чотыры рожаи навышшые имены, именем, с Китаврусъ Довспрунъкгъ, а с Колюмновъ Прешпор, а з Руси Ульянус а з Рожъ Екъторъ. А такъ оные люди не малыи часъ по мору ходили, и пришли Межиземского мора, и дошли до реки Шума, и тою рекою Шумою в море окиян, и морем окияномъ дошли до реки устья, где Немон упадываеть у море окиян. И потом пошли рекою Немном у верхъ олиж у море Малое, которое называется море Немновое. А для тое прычыны тое Немъновое называется, ижъ в тое море Немонъ упадываеть дванадцатма устьи, а кождое зоветься особным именем, межы которыми ж устьи одно зовется Килья. И пошли тым устьем у верхъ, и дошли цѣлого Немна, гдѣ вже он сам увесь ув одномъ мѣстцу течеть. И верхъ Немна дошли до реки Дубисы, яко ж, впедъшы в тую реку Дубису, и нашли над нею горы высокие, и ровнины великие, и дубровы роскошные, и розмаитых обѣятостеи наполнено у звѣрех розного рожаю, то есть напервеи: туров, зубрев, лосеи, оленеи, сарнъ, рысеи, куниц, лисиць, бѣлокъ, горностаевъ и иных розмаитых рожаев; и так у рекахъ великую ооятость рыбъ непосполитых, ижъ не толко тые рыбы, которые ся в тых реках плодять, але множество рыб розмаитых а дивных прыходят з мора за тою прычыною, иж недалеко устье Немновое, гдѣ Немонъ у море впадываеть. Над которыми ж реками над Дубисою (sic!) и над Немномъ, и над Юрою там ся поселили и почали розмножыватися, и оное мешканье ихъ над тыми реками вельми имъ сподобало, и назвали тую землю землею Жомоитъ.
О княжати Палемоне и о трех сыновъ (sic!) его.
Княз Палемон вродилъ трехъ сынов старшыи Боркг, а другии Кунасъ, а третии Спера. Старшыи же сын Боркъ вчинил городъ на реце Юре, и зложено имя того княжати посполъ з рекою, имя рецэ Юра, а княжати Боркъ, назвал тот замок Юръборкъ. А середнии сынъ Кунасъ прышол на устье реки Невяжи, гдѣ она впадываеть у Немонъ, и тут учинилъ городъ, и назвалъ его именем своим Куносов город. А третии сын Спера пошолъ далеи у пущу ко всходу солнца, и перешедъшы реку Невяжу, и реку Святую, и третию реку Шырвинту знашолъ озеро лугами и розмаитым деревомъ украшено, где ж злюбившы и над тымъ озером поселилъсь. И тое озеро именемъ
своимъ назвал Спэра, и пановалъ многие лѣта, и был велми ласкавъ подданым своимъ и потом умер бэз плоду. И подданые его, милуючы его, и подле Рымского обычаю вчинили собѣ балъвана и назвали его Спэра на память его.
И потом оные люди, мешкаючы около него, и почали ему оферы чынити и за бога его мѣти, и потом коли тот балванъ сказилъся, они тое озеро и мѣстцо хвалили и мѣли за бога, и по немъ межы собою господара не мели и мешкали без пана.
По малых же часех умреть брат его, которыи мешкалъ на Юрборъку, не маючы детеи, и брат его Куносъ озмет и тую часть брата своего Борка, и город Юръборкъ, и в тои части его будет пановати. И оное княже Кунос мѣлъ двух сынов: одного Кернуса а другого Кгинбунта. И пануючи ему в земли Жомоитскои, почалъся множыти и розшырати, и выходити на реку Велю в землю Завельскую. И перешодъшы реку Святую вышей, и нашолъ мѣсто велми хороше, и сподобалося ему тое мѣстцо велми, и тогды он там поселилъ сына своего Кернуса, и назвалось тое местцо по Кернусе Керново, а потом Кунус умре, и по немъ почнет сынъ его Кернусъ пановати на всеи земли Завельскои по границу Латыгольскую и по Завельскии Брасълавль олиж по реку Двину. А брат его Кгинбунт на Юрборъку и на Кунусове и на всеи земли Жомоитскои. А в тот час, гдѣ Кернусъ пановал на Завельскои стороне, люди его тые, што за Велею осѣли, игрывали на трубах дубасныхъ. И прозвал тот Кернус берегъ своим языкомъ власным по латыни литус, где ся люди его множат, а трубы, што на них играют, туба, и далъ имя тымъ людем своимъ языком по латине, зложывшы берег с трубою, литусба. И простые люди не вмели звати по латине и почали звати Литвою, и от того часу почали звати панство Литовское и множытися от Жомоити. И князь великии Кернусъ пановалъ на Литве, а княз Кгинбунтъ на Жомоити и не малыи час пановали и жыли межы собою вов покои. И князь Кернусъ не мѣлъ сыновъ толко одну дочку именем Пояту. И будучы он у старости своеи, и не хотечы панства своего от дочки своеи отдалити, и прынял до неи, и зятем своим его вчынил собѣ с Китавруса именем своимъ Кируса сына Довпрункгова з Дявильтова и сам умер, а по немъ начне княжыти на земли Литовскои тот зять его с Китаврус Кирус. А Кгинбуттъ пануючы на Жомоити и умер, а сына своего Монтвила зоставить на князьстве Жомоитскомъ. И Монтвилъ много лѣтъ княжыл на Жомоити
и мѣлъ двух сыновъ: одного Немоноса а другого Скирмонта. А въ иншых тых жэ называ: Викента а Ердвила.
3. Kodeks Muzeum hr. Rumiancowa.
Кроники великаго княжства Литовского і Жомоітскаго.
Зачалося есть от воплощениа сына Божия от Духа святаго из благословенныя дѣвицы от начала сотворения свѣта лѣта пятьтысячнаго пятьсотнаго 26-го. Одного часу панство Римское было под цесарем Августомъ, которыи же не только одному Риму но всему свѣту пановалъ. Яко ж вышеписано часу цесарства Августова сынъ Божии воплотился а часу Тивирия цесаря, второго по Августе, на крестѣ волную муку принял для избавления и откупения роду человѣческаго. За которого ж Тивирия, вси рѣчи и пророчества пополнивши, по востании из мертвых вознесеся на небо и сѣл одесную Бога отца, отколя же дня суднаго имать приити судити живым и мертвым и воздати комуждо по дѣломъ его. И по смерти Тивирия царя (sic!) былъ цесарем Гаиос а по Гаиосѣ Клавдеи, а по Клавдѣи царствовал сынъ его Неронъ, которыи ж Нерон был пан окрутныи а неуставичныи, властную матерь свою и доктора своего навышшето Сенику, без каждое причины, к смерти приправил и неколко кратъ мѣсто Римское казал запалити, а не для иншого только для того, иже бы ся тому дивовал, а потеху мел. И княжатом и паном Римскимъ и шляхте всему посполству кривды и втиски великии чинил, для чого ж всякиис подданныи его для великого окрутниства и неуставичности его не былъ нихто пѣвенъ а ни безпечонъ не только именеи або скарбовъ, але и здоровья своего. А так многии, отпускаючи имѣнья и скарбы свои утекали до разматыъ (sic!) земел, наслѣдуючи справедливого покою.
Гдѣ ж одно княже Римское, именем Палемонъ, которыи ж был цесарю Нерону кровныи, забрался з женою и дѣтми своими, и поддаными своими, и скарбы своими, с которым же княжатемъ пять сотъ шляхты также з женами, и з дѣтми, и многими силами. І вземши с собою одного остронома, и пошли в кораблех морем по заходу солнца, хотячи собѣ наити на земли мѣстцо слушное, гдѣ бы ся имѣли поселить а мешкати с покоемъ. А с тыми шляхты были четыре рожаи навышшии имѣли (sic!): с Китаврусъ Давспрункгъ, а с Колюмнувъ Прешпор, а з Русинъ Иульянус, а з Рож Ектор. А
такъ оныи, не малыи часъ по морю ходячи, пришли Межиземскаго моря, и дошли до реки до Шумы, тою рекою Шумою в море окиянъ, и морем окияном дошли до устия, гдѣ река Немонъ упадываеть в море окиян. Потом пошли рекою Немном в верхъ ажє море зовомое Малое, которое называется море Немновое. А с тое причины егое морѣ Немновое называется, ижъ в то море Немон впадает дванадесятма устьи, а каждое зовется особным именем, межи которыми дванатцетма устьи одно зовется устье именем Скилия. И пошли тым устьем в верхъ, и дошли цѣлаго Немна, гдѣ уже онъ сам весь в одном мѣстцы, то есть і верхъ Немна дошли до реки Дубисы, гдѣ ж впедши в тую реку Дубису, и над нею нашли горы высокии, и на оных горахъ ровнины великии, и дубровы роскошныи, и розмаиты ооятости наполнено: звѣреи розного рожаю токть (то-есть) напервеи: туровъ, зубрев, лосеи, оленеи, сернъ, рысеи, куниць, лисиць, бѣлокъ, горностаевъ, и иных розмаитых рожаевъ; и тутъ ж в реках великои ооятости рыб непосполитых, иже не толко тыи рыбы, которыи ся в тых реках плодять, але множество рыб розмаитых и дивных приходять из моря за тою причиною, иже недалеко устье Немновое, гдѣ Немон в море впадываеть. Над которыми ж реками над Дубисою, и над Немномъ, и над Юрою там ся поселили, и почали розмноживати, и оное мешканье над тыми рѣками велми им сподобалося, и назвали тую землю Жомоитыю.
О княжати Палемоне и о трех сынѣхъ его.
Князь Палемонъ уродил трех сыновъ: старшии Боркъ, 2. Кунасъ, 3. Истра. Старѣишии ж сынъ Боркъ учинилъ городъ на рецѣ Юре, и зложено имя того княжати поспол с рекою, иже имя рецѣ Юра а княжати Боркъ, и назвал тот замокъ Юрборкъ. А середнии сынъ Кунас, пришод на усть реки Невяжи, гдѣ она впадаетъ в Немонъ, и тутъ учинил город и назвал его именем своим Куносовъ город. А третєи сынъ Спера пошол далеи в пущу ко всходу солнца, и перешедши рѣку Невяжу, и реку Святую, и третюю реку Ширвинту, нашол озеро луками и с розмаитым древом украшено, гдѣ ж возлюбивши, и над тым озером поселился. И то озеро именем своим назвал Спера, и пановал много лѣтъ, и былъ ласковъ подданым своим, и потом умер без плоду. И подданные его, милуючи его, и подлѣ Рымскаго обычая учинили болвана, и назвали Спера на память его. И потомъ оныи люди, мешкаючи около его, и почали
ему оферы чинити и за бога его имѣти, потом коли тотъ болван сказился, и они то озеро і мѣсто ховали, и мѣли за бога, и по нем межи собою господаря не имѣли, и мешкали без пана.
О княжати Борку и о брате его Куносѣ.
По малых часѣх умре братъ его, которыи мешкал на Юрборку, не имѣючи дѣтеи, и брат его Кунос возметь и тую часть брата своего Борка, и город Юрборкъ, і в тои части его будет пановати. И оно княжа Кунос имѣлъ двух сыновъ, одного Кернуса а другого Кгинбутыа. И пануючи ему в земли Жомоитскои, почался множити и разширяти, і выходити на реку Велию в землю Завелскую. И прошедши рѣку Светую вышей, и нашел мѣстцо велми хорошо, и сподобалося ему то мѣстцо велми, и он там поселил сына своего Кернуса, и назвался то мѣстцо по Кернусе Керново. А потом Куносъ умре и по нем почнетъ сынъ его Кернусъ пановати на всеи земли Завелскои по границу Латыгонъскую и по Завелскии Браславль ажє по реку Двину. А братъ его Кгинбутъ на Юрборку, и на Куносове, и на всеи земли Жомоитскои. А въ тот час, гдѣ Кернусъ пановал на Завелскои сторонѣ, людие тыи его, што за Велею осѣли, игрывали на трубах дубасныхъ. И прозвал тотъ Кернус берег своим языкомъ власнымъ по латыне литус, гдѣ ся люди множатъ, а трубы, што на них играют, туба, и дал имя тым людем своимъ языком по латыне, слочивше берегъ с тробою (sic!), литусба. И простыи люди не велѣли звати по латыне, и почали звати просто Литвою, и от того часу почалося звати панство Литовское, и множити от Жомоити. Князь великии Кернусъ пановал на Литвѣ, а князь Кгинбутъ на Жомоити, и не малыи час пановали межи собою вов покои. И князь Кернус не имѣлъ сыновъ, толко одну дочку именемъ Паяту. И будучи он в старости своеи, и не хотячи панства своего от дчки своее отдалити, и принялъ до нее, и зятем своимъ собѣ учинил с Китавруса именемъ своим Кгируса, сына Довспрункгова з Дявилтова, и сам умре, а по нем начне княжити на земли Литовскои тот зять его с Китаврус Кгирус. А Кгинбутъ пануючи на Жомоити и умре, а сына своего Монтвила остави на княжєствѣ Жомоитском. И Монтвил много лѣтъ княжил на Жомоити имѣл двух сыновъ одного Немоноса, а другого Скирмонта.
4. Kodeks Jewreinowa.
Книга великого княжства Литовскаго и Жемоицкаго.
Бысть воплощения сына Божия от Духа Святаго из преблагословенныя дѣвицы Марии от начала миру третие тысящи девятсот шестдесят; царствования же Римскаго 769 г. лѣта; от нарожения господа нашего Иисуса Христа лѣта шестагонадесят. В то время царство Римское было под цысарем Римскимъ, он же нѣтокмо одному Риму, но и всему свѣту царствовал. Яко же выше писано і во время царства Августова сынъ Божии воплотился, і во время царства Тивирия цесаря, втораго по Августе, на крестѣ волну страсть принял избавления ради от искупления1 рода человеческаго. Потом же Тивирий, всѣ рѣчи и пророчества исполнивши, по востании из мертвых, вознесеся на небеса и сяде одесную Бога отца, оттуду же в день судный имат приити судити живым и мертвым и воздати комуждо по дѣлам его. По смерти же Тивирия цесаря бысть цесарем Гаиос, а по Гаиосѣ Клавдии, а по Клавдии царствовал сынъ его Нерон, тои убо цесарь Нерон бысть лютый неуставичный, родную свою матерь и доктора своего Сенѣку без всякие вины на смерть предал, и не колико крат град Римъ велѣл зажигати напрасно ни для чево иного токмо для того, что бы ся тому дивовал и потѣхи имѣл и княжатом, і паномъ Римским, и шляхте, и всему народу неправды и убытки чинил, для того всякий подручный его для великия лютости и неуставичности его не был нихто извѣстно нѣ токмо отчины имѣния или скарбу, но здравия своего. Для истого ради многие оставляя отчины и скарбы свои и сбѣгали в различные страны наслѣдуючи правдиваго упокою. Един же князь Римский именем Послесмон2, иже был цесарю Нерону ближний в родстве, собрался з женою з дѣтми своими, и с подручными своими, и з скарбы, и со имѣнием, и с тѣм же князем вышло пятсотъ шляхт також з женами и з дѣтми и со многими силами. І вземше с собою единаго астронома, и пошли в кораблех морем на заход солнца, хотя себѣ наити на земли мѣсто подобное, гдѣ быся имѣли поселити и жити с покоем. А с тѣми шляхты были четыре роды навышшии имены: с Китавруч Доцепронкгъ, Прешпор, а з Урусин (sic!) Иулиян, а за Рожен Нектор (sic!)3. И тако они, не мало время по морю ходя, пришли Межиземскаго моря и дошли рѣки до Шума, и тою рѣкою
Шумою в морѣ акиян, а морем окияном дошли до устья, гдѣ речка Неммононъ впадывает в морѣ акиян, потом рекою Немноном пошли вверхь в море зовомое Малое, еже называется море Немновое, и с тое причины то морѣ Немновое называется, иже в то море Немно впадывает 12 устий, а всякое называется особным имянемъ, межи которыми устьи одно зовется устье именем Якилия. І пошли тѣм устьемъ вверхь, и дошли целого Нѣмна, где он единъ вес в одномъ месте течет. И верхь Немна дошли до рѣки Дубисы, и впедши в ту рѣку Дубису, и над нею нашли горы высокии, и на иных горах равнины великии, и дубровы раскошный, і различный, и авототи4 напалнено в звѣрех разного рожаю, то сут первие: туровъ, зубрей, лосли, і олени, і серны, рыси, куницы, лисицы, бѣлок, горностаев, и иных различных рожаев; и туж в тѣхъ рѣках великую обилность рыб непосполитых, иж не толке5 тѣх которые ся в тѣхъ рѣкахъ плодять но множество рыб различных и дивных приходят из моря, за тою причиною не далека устие Немновое, гдѣ он в море впадывает, над которыми ж рѣками над Дубисою и мном, и над горою6 там ся поселяхь, и учали розмноживатся, и оное житие над тѣми рѣками і велми имъ полюби, и назвали тую землю Жемоитъ.
О княжати Палемоне и о трѣх сынехъ его.
Князь Полемон родил три сыны стариии Боркгъ другий Кунас, третий Спера. Старѣйший сынъ Боркъ учинил город на рѣце Юре, и зложено7 того княжати поспол с рѣкою, иже имя рѣце Юра, а княжати Боркгъ, назвалъ тот град Юръборхъ рок. А средний сынъ Кунас пришел на устие рѣки Невяжи, и дѣ она пала в Немнон, и тут учинилъ городъ и назвалъ его именем своимъ Кунасъ город. А третий сынъ Спера пошелъ далеи в лѣсъ ко всходу солнца, и перешедши рѣку Невяжу, и рѣку Святую, третию рѣку Ширвинту, нашел озеро лугами и различными древеси украшено, и возлюбивши то мѣсто, над тѣмъ озеромъ поселился, и то озеро назвал своимъ именем Спера, и господарьствовал много лѣт, и был велми любовен подручным своим, и потом умер бес плоду. И подручные любя его по Римскому обычаю учинили болван, и назвали Спера на памят его. И потом иные люде его, живучи около его, и почали ему жертвы чинит, и за бога его имѣти, и потом тот болвань разрушился, и они то, озеро и мѣсто имѣли и хвалили за бога, и по немъ межи собою господаря не имѣли, и жили безъ господаря.
О княжати Борку и о братѣ его Кунасе.
Потом по малых временах умре брат его, котории жил на Юрборку, не имѣл дѣтей, и брат его Кунас взял часть брата своего Борка, и город Юръборок, і в тои части его учал господарьствовати. И оное княже Кунас имѣл двух сыновъ: одного Кернуса а другаго Скинбута. И владѣючи ему в земли Жомоитской, и начался множити, и расширятись, і выходити на рѣку Велию в землю Завелскую. И прошед рѣку Святую вышол8, і нашол мѣсто велми хороше, и полюбилося ему мѣсто велми, і он тамъ вселил сына своего Кернуса, и звалось мѣсто(по) Кернусе Нернова9, и потом Кунас умре. І по нем нача сынъ его Кернас княжити на своеи земли Завелской по границу Латыгорскую (sic!) и по Завельский Брасловль аже по рѣку по Двину. А брат его Кгинъбунтъ на Юрборку и на Кунове10, и на всеи земли Жемоитской. И в тои час, по Кернус владѣлъ на Завелскои земли, и тѣ люди его, что за Велею осѣли, игрывали на трубахъ дубасных. И прозвалъ тот Кернус берег свои языком роднымъ по Латыне литус, где ся люди его множат, а трубы, что на нихъ11.
1. Powinno być—откупеня.
2. Pow. być—Палемонъ.
3. Rk. Raczyńskich ma: Довспрункгъ, а с Колюмновъ Прешпор, а з Руси Ульянус, а з Рожъ Екъторъ.
4. Powinno być jak w Racz. обѣятостеи наполнено.
5. Racz. тые рыбы.
6. Pow. być Немномъ и надъ Юрою.
7. Racz. dodano—имя.
8. Racz.—вышеи.
9. Pow. być—по Кернусе Керново.
10. Racz.—Куносовъ.
11. W tym kodeksie powieść o Pojacie opuszczona.