Сборник летописей Южной и Западной Руси, снимок 162, печатная с. 97

Оригинал (дореформенная орфография)

Року 1647 месеца Іануарія 1 дня въ нощи преставися преосвященний архіепископъ, митрополитъ Кіевский, Галицкий и всея Россіи, ексарха святого апостолского θрону Константинопольского Петръ Могила; и проважено тЂло его съ Печерского монастыра до святой Софіи, до церкви катедралной митрополитанской Кіевской для небезпеченства отъ новыхъ іеретиковъ, то естъ отъ лжехристіянъ, мерзеныхъ унЂятовъ, жебы столечнои церкви святой Софіи не отрымали, за росказанемъ и порадою ясневельможного пана Киселя, каштеляна и воеводы Кіевского; и стояло тЂло его преосвященное у святой Софіи часъ немалый, зачимъ епископове, архимандритове и игуменове, такъ тежъ и священници благочестивии на той презацный погребъ зобралися; и былъ тотъ погребъ ажъ на 40 мученикъ, марта 9 дня у великий постъ, на другий недели святого поста во второкъ; и проважоно тЂло его изъ святой Софіи до монастыра Печерского на службу Божую зъ великимъ соборомъ народу христіянского, и, отправивши звычайную церемонію и велце знатную надъ тЂломъ, положили въ церкви великой Успенія пресвятои Богородицы Печерской, на лЂвой сторонЂ, за лЂвымъ крилосомъ, въ склепЂ, въ землЂ.

Року 1648 повсталъ Богданъ Хмельницкий, гетманъ запорожский и всеЂ Украины козацкий войною на ляхи; совокупившись съ татарами и выгналъ ляховъ зо всеи Украины; тогожъ року мая 8 побилъ ляховъ барзо много на Жовтой водЂ: комисара взято въ Орду; тогожъ месеца 17 дня Потоцкого, гетмана полного съ Калиновскимъ подъ Корсунемъ и весь обозъ лядский Хмельницкий зъ ордою збивъ и всЂхъ ляховъ въ Орду въ неволю погнавъ, и иншихъ пановъ и воеводъ тамже звоевавъ.

Тогожъ року зобралися ляхи подъ Пилявою и тамъ ихъ Хмельницкий поразилъ.

Року 1649 князь Вишневецкий ишолъ противъ войска козацкого и козаки, поспЂшившися, князя у Збаражи облегли, и тамъ ихъ голодомъ морилы, такъ, же и шапки своЂ едали; знову послышавши козаки, ижъ кроль Янъ Казимеръ идетъ зъ великою поту-

Перевод на современный русский

Року 1647 месеца Иануария 1 дня в нощи преставися преосвященний архиепископ, митрополит Киевский, Галицкий и всея России, ексарха святого апостолского θрону Константинопольского Петр Могила; и проважено тело его с Печерского монастыра до святой Софии, до церкви катедралной митрополитанской Киевской для небезпеченства от новых иеретиков, то ест от лжехристиян, мерзеных унеятов, жебы столечнои церкви святой Софии не отрымали, за росказанем и порадою ясневельможного пана Киселя, каштеляна и воеводы Киевского; и стояло тело его преосвященное у святой Софии час немалый, зачим епископове, архимандритове и игуменове, так теж и священници благочестивии на той презацный погреб зобралися; и был тот погреб аж на 40 мученик, марта 9 дня у великий пост, на другий недели святого поста во второк; и проважоно тело его из святой Софии до монастыра Печерского на службу Божую з великим собором народу християнского, и, отправивши звычайную церемонию и велце знатную над телом, положили в церкви великой Успения пресвятои Богородицы Печерской, на левой стороне, за левым крилосом, в склепе, в земле.

Року 1648 повстал Богдан Хмельницкий, гетман запорожский и всее Украины казацкий войною на ляхи; совокупившись с татарами и выгнал ляхов зо всеи Украины; тогож року мая 8 побил ляхов барзо много на Жовтой воде: комисара взято в Орду; тогож месеца 17 дня Потоцкого, гетмана полного с Калиновским под Корсунем и весь обоз лядский Хмельницкий з ордою збив и всех ляхов в Орду в неволю погнав, и инших панов и воевод тамже звоевав.

Тогож року зобралися ляхи под Пилявою и там их Хмельницкий поразил.

Року 1649 князь Вишневецкий ишол против войска казацкого и козаки, поспешившися, князя у Збаражи облегли, и там их голодом морилы, так, же и шапки свое едали; знову послышавши козаки, иж кроль Ян Казимер идет з великою поту-