Сборник летописей Южной и Западной Руси, снимок 144, печатная с. 79

Оригинал (дореформенная орфография)

рополитъ Михайло Рогоза; той былъ началникъ тои болести [^s03-1-4]; иайпервей прислалъ тутъ до Киева врядника своего, именемъ Янъ Хрушинский — щырый ляхъ, чого передъ тымъ николи не бывало, которий хотЂлъ поповъ судити и задавалъ трудности попамъ о послушенство. Теды и того явне Богъ скаралъ: гды жена его сытила медъ Ісъ Рожеству Пресвятои Багородици, хотЂла мЂти поповъ въ себе на обЂде ведлугъ давного звычаю и мЂла сполечпость [^s03-2-3] показувать костела римского исъ церковю восточною, але не допустилъ котелъ:

Пришла до него сыты гледЂти,

Але мусила въ немъ и долго сидЂти,

Ажъ и очи еи не стали гледЂти.

Бо и сама скипЂла.

Такъ и той далъ покой.

Року 1610 знову одозвався тотже Дмитръ Ивановичъ царь Московскій, скупивши войска полского, которое зобрано было на рокошъ противъ его кролевское милости теперешнего Жикгимонта третего, вторгнулъ до земли Московское подъ Новагородъ, маючи поляковъ тисячеи десять, надъ которымъ войскомъ полскимъ былъ старшимъ гетманомъ панъ Меховицкій; потомъ Шуйский, царь Московскій, зо всего панства своего скупилъ люду военного напротивко царя Дмитра Ивановича тисячей 180, при которомъ войску былъ старшимъ братъ царя Шуйского; а при цару тежъ Дмитру по пану Меховицкомъ былъ гетманомъ князь Романъ Ружинскій. На тотъ часъ войска нашого: поляковъ и козаковъ запорозскихъ такъ тежъ и донцовъ всего было тисячей пятнадцать. Споткалъ се князь Ружинскій зъ братомъ царя Шуйского подъ местомъ Болховомъ и поражена естъ москва презъ поляковъ, козаковъ и донцовъ, где воевода Болховский самъ и зъ местемъ и зъ замкомъ цареви Дмитру поддалсе; царя Ивана Шуйского братъ зъ остаткомъ войска

Перевод на современный русский

рополит Михайло Рогоза; той был началник тои болести [^s03-1-4]; иайпервей прислал тут до Киева врядника своего, именем Ян Хрушинский — щырый лях, чого перед тым николи не бывало, которий хотел попов судити и задавал трудности попам о послушенство. Теды и того явне Бог скарал: гды жена его сытила мед Ис Рожеству Пресвятои Багородици, хотела мети попов в себе на обеде ведлуг давного звычаю и мела сполечпость [^s03-2-3] показувать костела римского ис церковю восточною, але не допустил котел:

Пришла до него сыты гледети,

Але мусила в нем и долго сидети,

Аж и очи еи не стали гледети.

Бо и сама скипела.

Так и той дал покой.

Року 1610 знову одозвався тотже Дмитр Иванович царь Московский, скупивши войска полского, которое зобрано было на рокош против его кролевское милости теперешнего Жикгимонта третего, вторгнул до земли Московское под Новагород, маючи поляков тисячеи десять, над которым войском полским был старшим гетманом пан Меховицкий; потом Шуйский, царь Московский, зо всего панства своего скупил люду военного напротивко царя Дмитра Ивановича тисячей 180, при котором войску был старшим брат царя Шуйского; а при цару теж Дмитру по пану Меховицком был гетманом князь Роман Ружинский. На тот час войска нашого: поляков и казаков запорозских так теж и донцов всего было тисячей пятнадцать. Споткал се князь Ружинский з братом царя Шуйского под местом Болховом и поражена ест москва през поляков, казаков и донцов, где воевода Болховский сам и з местем и з замком цареви Дмитру поддалсе; царя Ивана Шуйского брат з остатком войска