Сборник летописей Южной и Западной Руси, снимок 152, печатная с. 87

Оригинал (дореформенная орфография)

Коротко тежъ напишу, што се деяло за веку мого.

Року прошлого 1618, месеца листопада, зъ дня на ночь тридцатого, указалосе дивное видение на небе, которое кометою албо звездою злучою зовуть; кгды такая звезда была въ року 1500 видена, стало се презъ моръ въ Немцахъ гневъ Божий неслыханый, же товаръ и люди поветриемъ были караны. Ведомо тожъ то всимъ съ писма кроничного, што року тисеча пятсотъ семдесятъ семого сталосе по такои звезде? якое крови розляние, якое было великое людей мордованіе праве въ тотъ часъ въ царствЂ Московскомъ? Одно Богъ ведаетъ якъ много войною презъ мечъ и огонъ людей погинуло; не одинъ тамъ городъ, место, поле кровию сплынуло; о Полщи нижей напишу, якъ се по той комете стало; читай тежъ писмо светое, найдешъ тамъ розумомъ своимъ справы, которые заховалъ Господъ Богъ вЂрнымъ своимъ. Южъ у кроникахъ полскихъ, русскихъ читаемъ, же ледве зъ матки своее дитя на светъ отворило ворота зъ живота, „татарове едутъ“ закричало; и также правдою тогожъ року стало, же по всей Полщи землю спустошили вширъ и надолжъ и назадъ вцале вернули. Въ останку вечная мудрость нехай о насъ радитъ, а штомъ тутъ написалъ, верь ми, же не завадитъ.

Въ року 1620, мая 13 дня, светейший патриархъ Ерусалимский, киръ Феофанъ, черезъ землю Московскую до Киева прибылъ. Для певное ведомости и копито зъ листу, отъ короля его милости до превелебного отца патриархи Ерусалимского писаного, который на езыкъ руский переложеный такъ се въ себе маетъ: „Жикгимонтъ третій, Божию милостию кроль Полскій, великій князь Литовский, Руский, Пруский, Мазовецкій и далей. Велебный, побож-

Перевод на современный русский

Коротко теж напишу, што се деяло за веку мого.

Року прошлого 1618, месеца листопада, з дня на ночь тридцатого, указалосе дивное видение на небе, которое кометою албо звездою злучою зовуть; кгды такая звезда была в року 1500 видена, стало се през мор в Немцах гнев Божий неслыханый, же товар и люди поветрием были караны. Ведомо тож то всим с писма кроничного, што року тисеча пятсот семдесят семого сталосе по такои звезде? якое крови розляние, якое было великое людей мордование праве в тот час в царстве Московском? Одно Бог ведает як много войною през меч и огон людей погинуло; не один там город, место, поле кровию сплынуло; о Полщи нижей напишу, як се по той комете стало; читай теж писмо светое, найдеш там розумом своим справы, которые заховал Господ Бог верным своим. Юж у крониках полских, русских читаем, же ледве з матки своее дитя на свет отворило ворота з живота, „татарове едутъ“ закричало; и также правдою тогож року стало, же по всей Полщи землю спустошили вшир и надолж и назад вцале вернули. В останку вечная мудрость нехай о нас радит, а штом тут написал, верь ми, же не завадит.

В року 1620, мая 13 дня, светейший патриарх ерусалимский, кир Феофан, через землю Московскую до Киева прибыл. Для певное ведомости и копито з листу, от короля его милости до превелебного отца патриархи ерусалимского писаного, который на езык руский переложеный так се в себе мает: „Жикгимонт третий, Божию милостию кроль Полский, великий князь Литовский, Руский, Пруский, Мазовецкий и далей. Велебный, побож-