ИЗЯСЛАВЪ третично.

Влѣто Ѕ'.Ф.П.Е. [1077]

Пойде Изяславъ сЛяхи: Всеволодъже пойде противу ему. Седе Борисъ вЧернигове: мѣсяца Маия въ Д. день,

1077

бысть же княжения его дний И.; посла во Тмутораканю кРоманови. Всеволодъже пойде противу брату своему Изя- стр. 174 славу на Волынь, и сотвориста миръ. И пришедъ Изяславъ седе вКиеве, Июля въ Е.І. день. Олегже, Святославъ сынъ, бѣ у Всеволода вЧернигове.

Влѣто Ѕ'.Ф.П.Ѕ. [1078]

И бежа Олегъ во Тмутаракань от Всеволода, мѣсяца Апрѣля.

Убиение князя Глѣба Святославича.

Тогоже лѣта убиенъ бысть Глѣбъ, сынъ Святославль, внукъ Ярославль, правнукъ великого Владимера, вЗаволочьи. Бѣ бо милостивъ ко убогимъ, и страннолюбивъ, потщание имѣя по церквамъ, і теплъ на вѣру, и тихъ, и кротокъ, и любовенъ, и милостивъ, и долготерпеливъ. И положенъ бысть у святаго Спаса вЧернигове.

Седящу Святославу вКиеве, а Володимеру седящу вСмоленске: и веде Олегъ и Борисъ поганыя на Рускую землю, идоста на Всеволода сПоловцы. Всеволодъже изыде противу имъ на Сожицe. И победиша Половцы Руси много: и убиенъ бысть Иванъ Жирославичь, і Тукий, Чюдинъ братъ, и Порѣй, и инии мнози въ К.Е. Олегъже и Борисъ придоста кЧернигову.

Всеволодъже прииде кбрату своему Изяславу хКиеву, целовашась, і седоста вкупе. Всеволодъже исповѣда брату своему вся бывшая, что случися о немъ. И рече ему Изяславъ: брате, не тужи; видиши ли, колико ся мнѣ зла случило. Первое не выгнашали мене, а имѣние мое разграбиша? и паки, кою обиду сотворихъ? не изгнанъли бѣхъ от ваю брату своею? не блудихъ ли по чюжимъ странамъ, и имѣния лишенъ быхъ, і не сотворихъ зла ничтоже? и ныне брате не туживе. Аще будетъ намъ часть врУской земле, то обема намъ; ащелиже небудетъ, то обѣма; азъ сложу главу свою за тя. Азъ бо нерадъ есмь злу братии своей, но добру есмь радъ. И се рекъ, утѣши

1078

Всеволода. И повелѣ збирати вои от мала и до велика, и бысть вой безчисла. И пойде Изяславъ съ Ярополкомъ, сыномъ своимъ, а Всеволодъ сВолодимеромъ, сыномъ своимъ, пойдоша кЧернигову; Черниговцы же затворишася во граде; Олгаже тогда и Бориса не бяше во градѣ. Володимеръже приступи ко вратомъ восточнымъ от стрежени, і отъятъ врата, и отвориша градъ околний, и пожгоша й; людемъ же выбегшимъ во днѣшний градъ. Изя- стр. 175 славъже и Всеволодъ слышаста, яко идетъ Олегъ и Борисъ противу имъ, и уранивша, пойдоста отграда противу Олгови. И рече Олегъ Борису: не идемъ противу; не можемъ бо стати противу княземъ Д. мъ; но пойдемъ смольбою противу дядь своихъ. И рече ему Борисъ: ты готова зри, а язъ имъ противенъ. Всемъ похвалився велми невѣдый, яко богъ гордымъ противится, смиренънымъ дастъ благодать. Да не хвалится сильный силою своею. И пойдоста противу, і бывшимъ имъ на мѣсте у села на ниве на Нежатине.

Убиение Борисово, сына Вячеславля.

І сступившимся обоимъ, и бысть сѣча зла, первое убиша Бориса, сына Вячеславля, похвалившагося велми.

Убиение Изяслава, князя великого, сына Ярославля, внука Владимерова.

А Изяславу стоящу вопешцехъ, внезаапу приѣхавъ единъ, ударивъ копиемъ за плечо. Тако убиенъ бысть Изяславъ, сынъ Ярославль, и предлеже бывши сѣчи, побеже Олегъ вмале дружине, и едва утече, и бежа во Тмутаракань. Убиенже бысть князь Изяславъ, мѣсяца Октября въ Г. день. И вземше тѣло его, везоша влодьи, и поставиша противу городца: и изыде противу его весь городъ Киевъ, и возложиша на сани, и повезоша й спѣсми: поповеже и черноризцы понесоша й во градъ, и не бѣ лзѣ слышати пѣния вплачи; плакахуся бо по немъ весь градъ Киевъ. Ярополкъже сынъ его иде понемъ, плачася здружиною своею,

1078

глаголя сице: отче, отче мой, что еси пожилъ беспечали на семъ свете! многи напасти приимъ от людей и от братии своей, нынеже погибе не отбрата, но и за брата своего положи главу свою. И принесше положиша тѣло его вцеркви святыя богородицы, вложиша враку мраморяну.

Бѣ бо Изяславъ мужъ красенъ взоромъ, и тѣломъ великъ, незлобивъ нравомъ, криваго ненавидя, любяй вправду. Не бѣ бо внемъ льсти, но простъ умомъ, не воздая зла за зло. Колико ему зла сотвориша Кияне, самого выгнаша, а домъ его разграбиша: и не возда противу тому зла. Ащели кто рече: высече и сече; то несамъ то со- стр. 176 твори, но сынъ его. Пакижъ братия его прогнаста, и ходи по чюжимъ странамъ блудяй. Седящу ему паки на столѣ своемъ, и Всеволоду пришедшу, побежену кнему, и не рече ему: колико отваю прияхъ! и не возда зла за зло, но утѣши й, рекъ: елмажъ ты брате показа ко мне любовь, и введе мя на столъ мой, і нарекъ мя старѣйшину себѣ. Се азъ не помяну злобы первыя: ты ми еси братъ, а язъ тебѣ, и положу главу свою за тя. Еже и бысть. Не рече бо ему: колика зла сотвориста мнѣ, и се ныне тобѣ ся склю чи; и не рече ему: се и кромѣ мене; но на ся переятъ братню печаль, показавъ любовь велику. Якоже Апостолъ глаголаше: утешайше печальныя. Поистинне, аще что сотворилъ есть во свѣте семъ нѣкое согрешение, отдастъся ему; занеже положи главу свою по брате своемъ, не желая большие власти, ни имѣния хотя больша, но и за братию обиду. О сяковыхъ бо Господь рече: боле сея любви нѣсть, да кто положитъ душу свою за други своя. Соломанъже рече: братие, вбедахъ пособивии бывайте; любовь бо есть выше всего. Яко Иванъ глаголетъ: богъ любый есть, пребывая влюбви вбозе пребываетъ, и богъ внемъ пребываетъ, всѣмъ совершается любы, да достояние и имамъ вдень судный; да якоже онъ есть, тако и мы есми вмире семъ. Боязни нѣсть влюбви, но совершеная

1078

любы измещетъ боязнь, яко боязнь мучение иматъ; бойжеся, нѣсть совершенъ влюбви. Аще кто речетъ: люблю бога, а брата своего ненавижу, ложъ есть. Не любяйже брата своего, егоже видитъ; а бога, егоже не видитъ, то како можетъ любити? Сию заповедь имамы отнего; да любяй бога, любитъ и брата своего, влюбви бо все совершается. Любве ради сниде богъ на землю, и распятся за ны грѣшныя, вземъ грехи наша пригвозди на крестѣ, давъ намъ крестъ свой на прогнание ненависти бесовские. Любве ради мученицы пролияша кровь свою. Любве ради і сий стр. 177 князь пролия кровь свою за брата своего, совершая заповедь Господню.

Седеже сей князь Изяславъ, сынъ Ярославль, внукъ великого Владимера, на княжении вКиеве лѣтъ К.Ѳ. Сыновеже его бѣ Мстиславъ и Святославъ и Ярополкъ.

(Наборная орнаментальная концовка)