КНЯЖЕНІЕ ВСЕВОЛОДОВО.

Княжение Всеволода Ярославича вКиеве.

Всеволодъ же седе вКиеве на столѣ отца своего Ярослава, и брата своего Изяслава, переимъ власть всю Рускую. І посади сына своего Володимера вЧернигове; а Ярополка Изяславича вВолодимере, придавъ ему Туровъ.

Тогоже лѣта поставленъ бысть Новугороду великому епископъ Германъ.

Влѣто Ѕ'.Ф.П.З. [1079]

Приде Романъ сПоловцы хКиеву: Всеволодъже ста у Переславля, и сотвори миръ сПоловцы. И возвратися Романъ

1079

Романъ сПоловцы вспять: і убиша его Половцы мѣсяца Августа въ В. день; суть кости его и доселе, сына Святославля, внука Ярославля: а Олга емше и заточиша за море ко Царю граду. Всеволодъже посади посадника своего Ратибора воТмутаракане.

Влѣто Ѕ'.Ф.П.И. [1080]

Заратишася Торцы Переаславстии на Русь. Всеволодъ же посла сына своего Володимера. Володимеръже шедъ победи Торки.

Влѣто Ѕ'.Ф.П.Ѳ. [1081]

Бежа Давыдъ Игоревичь сВолодаремъ Ростиславичемъ, мѣсяца Маия въ И.І. день: и приидоста во Тмутаракань, и изымаста Ратибора, и сѣдоста во Тмутаракании.

Влѣто Ѕ'.Ф.Ч. [1082]

Осѣнь, князь Половецкий, умре.

Влѣто Ѕ'.Ф.Ч.А. [1083]

Прииде Олегъ изГрекъ во Тмутаракань: и ятъ Давыда и Володаря Ростиславича, и седе во Тмутаракании, иссече Казары, иже бѣ совѣтни на убиение брата его и на самого; а Давыда и Володаря пусти.

Царство Греческое Романа Диогена.

По Костянтине Дуце царствова Романъ Диогенъ, и снимъ Г. сыны Дуковы, Михаилъ, Костянтинъ, Андронникъ, лѣтъ Д. и Г. мѣсяца, купно сматерию Евдокиею. Да якоже убо приде Романъ вътоликое величество, отступания показа и от перваго течения, какова мужества теплоту вперсехъ имяше; не на пищи бо внятъ плотския, ниже привлекся златозарною и багряною одежею: не живяше бо житиемъ подобнымъ червя ока- стр. 178 яннаго и землю ядущаго, ниже темне сокровыя себѣ вчертозехъ, и отвраговъ бегая, и брани отскоча, и на злыя и зловѣрныя не потрясая меча; но ярость восприимъ на Агаряны, и ревностный на нихъ исторгъ мечь, и землю ихъ телесы яко снопиемъ покрыхъ, и истекшими кровьми езера сставль: показа, каково Грецы хранятъ мужество, и каковы мышца имутъ вобранехъ. И аще не бы вражебная злоба воздвиглася на добраго Романа, и аще не бы злобная ехидна содѣяла на мужа, сий рѣчь

1083

Царица его: не бы ничтоже избегло отъ его оружия отмщеннаго.

Исперва убо Царица восхитися добротою Романовою, и от связна показа Царя; и по исполнении похотии паки возненавидѣ мужа, и якоже Далида Сампсона вруцѣ врагомъ предаетъ сожителя: и отсего злобное тернне, вражебный волчецъ, уязвиша его, яко от скорпии жало, и зѣница избодоша ему очныя. Бяше бо Романъ жестокъ, гневливъ, гордъ, яролюбивъ, самолюбивъ, самомудръ, тогдаже влящшими разгордѣвъ отбагряница, и большую лютость восприемъ, яко Грекомъ Царь: пачеже и притяжавъ разумъ неустроенъ, и нравъ мятеженъ, и всѣхъ непщуя, и всемъ зазирая, яко своимъ, и яко навѣтникомъ, яко пяту ему блюдущихъ, сий рѣчь злая нань помышляющихъ; и сего ради тяжекъ мняшеся и горекъ, не токмо подобластию сущимъ, но и самой женѣ и Дучинымъ чадомъ. Отсего быша словеса шепетаная, и размешения, и лукавства; и отсего ненависть своеплеменная, и ловитвы, и сѣти: врагомъ помышляху Самодержца предати, не гоненъ и не труденъ ловъ, но готовъ; растрояшеже чашу сию предательную Царю Кесарь, братъ Царя Костянтина Дуки. Сынъ же сего Кесаря Андроникъ бѣ тогда военачальникъ, приобщиже воеводы и сына своего своему совѣту, еже на Царя, и мрежа плеташеся бѣдна окаянному, і дежа черноризна ткашеся смертна.

Романуже сихъ невѣдущу, но мняше убо того лице Визан- стр. 179 тийское, сий рѣчь, Царь градъ, и звѣрогубителя устремляющесь, и гоняща волки, сий рѣчь нашествие поганыхъ наскачющая на священныхъ овецъ грады, еже есть на благочестивыя. Тогдаже летящия голубица неоткуды прилѣтевши, припаде на колѣну Роману, прилѣтени тихими, не яковаже преже хковчезному прилѣтевши покрову, и разрешение возвещающи сходу водному, и древяный листъ носящи, і утешающи Ноя вковчезе сокровенного, и втораго родуначальника. Романуже не такова прилетѣ, но яда изрыгательница, но злымъ вообращение зловозвѣстница, и чародѣйца, и зловолшебная пророчица. І убо Царь птица приемъ, посылаетъ кЦарице, доброповѣстно знамение возвещевавъ сего быти; якоже бо кто что желаетъ получити, сия и глаголетъ, и во умѣ и помысле воображаетъ. Сице и Романъ по своему хотѣнию суди во умѣ своемъ, якоже голубица она проста естествомъ, и прилѣтениемъ своимъ показа Роману невѣдѣние совѣта востающихъ нань. Ноубо ничтоже есть злосмертнее отчеловѣка имущаго враждующихъ ему во своемъ дому: и аще убо у себе имаши враги, и у себе храниши ихъ; не избавятъ тя отбѣдъ ни Вавилонския стены, ни Нирове Семирамстии, еже есть столпы Семирама Индийскаго Царя, аще предательну душу, якоже

1083

Далиду сожительницу получиши: и аще живеши снею внерушимемъ граде, прияти будутъ Нирове, и несохраненъ градъ. Повемже бывшее предательство.

Диогену Роману тяжка убо брань просыпася межу Греки и Персы: свирѣпъ шумъ взыде, темна воображаше ярость; обоюду военачалие, и повсюду оптицаше, мужъ гонитель Арей, кровми обращая, и мокая руцѣ, вся моря пожрети кровемъ желая. Царь же Романъ летяше сосецая и гоня, и копейными прободенми, и просыпая врагомъ чрева: якоже птицегубитель, аще кто речетъ ястребъ борзый, птицамъ ходоперымъ простиря ѳерековы молния являшеся врагомъ огнемъ стр. 180 летящия, и свыше сходящия, и просѣдшися изо облака: быша измовени кровми длани его; кровмиже показана десница его бысть, и омазанъ мечь, червленою ризою одеяся открови: якоже нѣкий левъ, преложився страшливу скоту, провалитъ ребра его ногтми, и омочитъ утробою, и покажетъ очервлены кровми устѣ свои. Сейже паче оного показась, і горя дерзостию, укровавленъ, твердый, неумягченъ, яко камень, хотяй совершена побѣда быти Грекомъ на противныя, і радостне усмеяся крепость ихъ, познавши луча побѣднаго дне. Но убо триварварная она ненависть и злобный мракъ ехиднинъ, сий рѣчь Царицынъ и тоя чади, и вражебный облакъ Кесаря и сущихъ во власти, таковый свѣтло украшенный и помрачи побѣды день.

Кесарь убо хотя предати Царя супротивнымъ, уклонися на бѣгство: течаху вслѣдъ его вси, Царя оставше. Царьже, яко звѣрь худъ, бѣ окруженъ, и сюду оглядывашеся, и овуду смотряше; и единого видяше себѣ всѣтехъ неизбежныхъ и злыхъ: тѣмъ и вскочиша первоначальницы варварстии, и стекающися, і притичюще, и предваряюще другъ друга, кто бы ялъ Романа жива. И конечное ухващенъ бысть Царь варварскими дланми, і бываетъ левъ ловитва ловцемъ пагубнымъ, и нощными гавраны удержанъ бываетъ орелъ златокрилный. Варваръ онъ ухвативый его, ненадежно варварскую душу укроти, и возрѣвъ человѣколюбезно на Царя; милуетъ бо и варваръ Царя злостражуща, обличаетже и свои племянныя Греки Царевы, предателя бывшаго, триварваръ іноплеменникъ, тожъ племенники, і бываетъ милостивейши тому, и отсвоихъ промысленѣйши и самыхъ сродникъ. Сжалився, и пощаде, і помощи даетъ ему руку, и на приятие посылаетъ то стр. 181 царству. Искочи убо Романъ, яко звѣрь, ис теневъ, и яко орелъ от сѣти, и паки имяше надежу возхитити царство; но и размеси ему надежу. Вражды писание убо перната повсюду постизаху я, затворяюще Роману грады; тѣмже убо и пустъ обхожаше не любимъ ибез друговъ и без помощи, другий

1083

Велерофонтъ, отцарства отгнанъ бысть, аки отПигаса. Царь бо не имый войска и сокровища, ничимже разнь есть от паселенъ.

Царство Греческое Михаила, сына Костянтина Дуки.

ПоРоманеже царствова Михаилъ, сынъ Дуковъ, лѣтъ Ѕ. и мѣсяцъ З. Сей убо на возрастъ вшедъ юношский, и на вусица емляся уже брадныя, і Кесаря приимъ стрыя своего, сирѣчь дядю по отцы, поспѣшника, и сильныя воеводы. Вседаетъ убо на престолъ отца своего; но ни паки убо пламень вражебный угасе: и рождьшую его стенющу велми і рыдающу, от града и от царства і нехотящу отгонитъ, и положи ея вмонастыри, и остриже власы ей, иже дарове обоюхаху преже миропомазания, і первие златоризную черноризицу показуетъ. Увѣдежъ и Романа паки воцаряющеся, и паки, отнеяже власти отпаде, желающа, и ратное воздвизающа жало аки скоропиино: посылаетъ брань составити снимъ, и ухватити его; и паки акаянный всѣти впадаетъ, и ухващенъ бываетъ, и очеснии зѣницы угашене бываютъ ему, вмало. Земленже и жестокъ вметаетца островецъ. Свободижеся Михаилъ от настоящаго страха, и небурну приимъ властную лодию, и мятежей убо і страхомъ ратныхъ ни во снѣ видяше, вкнигахже упражняяся, и внощехъ безъ сна провожаше: другий бяше Тимоѳеевъ, или Дидимъ мѣдночревный, Александренинъ родомъ, егоже сего ради сице нарекоша, яко радующеся закономъ и книгамъ, и безъ брашна пребывающа на многи дни.

стр. 182 Посихже паки проседошася нашествие варварская, і паки дохнуша вихри отвсюду, и шумы воспущаху, и рунии творяху; не бяше бо корабленика на сихъ помогающаго, сий рѣчь Царя мужествена, воинство укрѣпляющаго на сопротивныхъ. Ксимже и отземля проникоша прозябения плевелная: ібо сельный дѣлатель, сий рѣчь живяше кохлиинымъ житиемъ, вмале происходя, и паки сокрывался, сирѣчь, ни очемже брегий царскихъ: и паки приниче ис хизины, яко из бревия, или паче яко воглубине хранима пина перстъ ядущия; сий рѣчь, ни о трапезахъ, ни о иныхъ дѣлехъ царьскихъ внимая, требуя приходящаго на царьская дѣла, и іща, но и воспоминающаго, яко Греки обладаетъ: сий рѣчь, неточию требоваше строещихъ царьская дѣла, но і воспоминающихъ ему, яко Царь есть, и Греки обладаетъ. И сего ради поползоша змиеве зияющи, сий рѣчь воставние противныхъ, и весь Греческий предѣлъ присмерцаху, яко птенца млады, сирѣчь поплеиоваху. И сего ради бысть ропотъ великъ на Царя, и вси стражаху, видяще Греческая не на колѣну лежаща токмо, ни на устѣхъ, но уже растлѣвшуся и увядша, и скончатися хотяща.

Царство Греческое Никифора Ватаниота, иже царствова Г. лѣта. 1083

Бѣ же нѣкто великороденъ и от первородныхъ и доблихъ, долголѣтенъ и старъ, другий Пилиянинъ, Несторъ Ватониятинъ, зовяху его Никифоръ; искусенъ во бранехъ мужъ, и ураненъ тѣломъ, во многихъ пострада ратехъ еще издѣтства; и бысть мужескими исполненъ храбръствы. Сей руку збираетъ многу помощи, і достизаетъ вНикию, и посылаетъ кдержащему писания утѣшная, сими того увещевая, бескрови себѣ старцу отскипетръ уступиши, самомужъ, яко невскусну бранемъ, жити вбеспечалии. И что много глаголати? Пости- стр. 183 заетъ и Византию, и червленицею убо той украшается златотканною: первыйже Царь Михаилъ черноносецъ бываетъ, иноческимъ украша образомъ, избавивъ себѣ многомятежныхъ волнъ. Старецъже сей ветхий Никифоръ юностными облогается вещми, женѣ Михаилове привязаетcя закономъ брака, пачеже и старъ сый, младѣй, и сѣдъ, юнѣй. Михаилужъ гневающуся; онже Ефескому граду пастыря и митрополита поставляетъ его. Старецъже Никифоръ труды оставль ратныя, седяше злато нося, и украшался одежами луча испущающими блещащагося злата; банями, и пищии, и пищами доброчесную старость кормя, якоже птицъ златоперый кикносъ на здании седяй. И егда зайти хотя вогробъ и скрытися, начинаетъ веселитися, і являтися житиемъ престарый слабожителевъ, питаяся и кормя. И убо имѣния вручаще человѣкомъ варварствующимъ, и ни поне гласомъ праве бесѣдующимъ, чашу вседневную составляющимъ, і пиющимъ; имъ же бѣ от преработныхъ и дѣдове и отцы треварварнии душею, варваржъ и обычаемъ, и Скиѳоязычнии глаголы злогласно бесѣдующе.

Симъ убо ввѣри Царьския власти и сокровища, якоже аще кто великобременную увѣритъ лодию невѣждамъ и бунмъ и непотребнымъ кормителемъ. Самъже Царь одеяся златосияющими ризами, и червленицами златоткаными, и бисеромъ обнизаными одежами, и багряницею сияющею багрянымъ цвѣтомъ, и златымъ, и шаромъ пестрымъ и различнымъ, на высокихъ седяше престолехъ среброкованныхъ, украшая сановы вся приходящия кнему ковача, древодѣля, златаря, купца, земледѣльныя дѣлатели, каменосиждателя, и вжеплетеща, виногра- стр. 184 домъ дѣлателя; и размешая честная, и красная осквернял; и толику славу низводя врукодѣлателя. Еже возмѣздие даваху Царие первии храбръствия руками исправляющимъ великая, и сущимъ от крове и рода красна и свѣтла; Никифоръже сия рукодѣльникомъ даваше, и сицевыми дѣлы радовашеся, и втаковыхъ бдяше и упражняшеся. І аще нѣцый прошаху ему саномъ

1083

высоту, зло стража являшеся, и прочаяже вся бездѣльная, и ни во что же вменяше, аще и Гречестии предѣли стеняхусь варавары, аще и приятиемъ мнози градове разрушахуся.

Но убо на молчание прочее слово устремившеся, да престанетъ; пучины бо неисчерпаемыя пролитие изничеми, храбръствуя красная добрыхъ Царей, и мужъ храбрыхъ, благородныхъ, и крѣпкихъ, и великодушныхъ, ихже немощно языкомъ жития преплути. Уже бо прочее проничютъ трие храбрии Царие Комнини Самодержцы, великодѣлателне доблии, езера наводняеми побѣдными, яже не возможе самъ Ираклий крѣпкий преплути: і убо да прикоснимся добрыхъ кормилъ здѣ, корабное весело преложивше, и составивше вѣтрило; не проходна бо рѣчь гадарская прехожения.

Царство Греческое Алексия Комнина.

По Никифореже Вотаниоте царствова Алексий Комнинъ, лѣтъ З. и мѣсяцъ Ѕ. православенъ.

Влѣто Ѕ'.Ф.Ч.В. [1084]

Приходи Ярополкъ ко Всеволоду на великъ день. Всеже время выбегоста Ростиславичевъ два отъ Ярополка, и пришедше прогнаста Ярополка. И посла Всеволодъ сына своего Владимера, и выгнаста Ростиславичевъ: и посади Ярополка Изяславича вВолодимере.

Тогоже лѣта Давыдъ Игоревичь заятъ Греки во Олешьи, и вся у нихъ имѣние. И Всеволодъ пославъ приведе его, и вдаде ему Дорогобужъ.

Влѣто Ѕ'.Ф.Ч.Г. [1085]

стр. 185 Ярополкъ, сынъ Изяславль, внукъ Ярославль, правнукъ великого Владимера, хотяше ити на дядю своего Всеволода, послушавъ злыхъ совѣтниковъ. И увѣдавъ Всеволодъ, посла противу ему сына своего Володимера: Ярополкъже оставивъ матерь свою и дружину вЛуцке, і бежа вЛяхи. Володимеружъ пришедшу кЛутску, и предашася Лучане: Володимеръже посади Давыда вВолодимери вбрата своего мѣсто Ярополка; а матерь Ярополчю, и жену его, и дружину его, приведе хКиеву, и имѣния его взя много.

Влѣто Ѕ'.Ф.Ч.Д. [1086] 1086

Приде Ярополкъ изЛяховъ, и сотвори миръ сВолодимеромъ, сыномъ Всеволодичимъ, внукомъ Ярославлимъ, правнукомъ великого Владимера; и бѣ Володимеръ съ Ярополкомъ двоюродныхъ братъ дѣти. И иде Володимеръ вспять кЧернигову, а Ярополкъ седе вВолодимери. И пребысть тамо мало днии, ізыде изВолодимеря, и иде кЗвенигороду: и недошедшу ему Звенигорода, прободенъ бысть от проклятого Нерадца, от диявола наученъ, и от лукавыхъ человѣкъ; лежащу ему на возе, саблею сконя прободе й окаянный, мѣсяца Ноября въ К.В. день. Ярополкъже воздвигнувся и выторгнувъ ис себя саблю, и возопивъ велиимъ гласомъ, и рече: охъ, что ты мя враже сулови! и неотмсти ти Христе Спасе милостиве! І бежа Нерадецъ проклятый кПеремышлю кРюрикови. А Ярополка вземше отроцы его на конь передся Радонии и Войкина и инии, сослезами и сплачемъ велиимъ, и несоша его кВолодимерю, а оттуду хКиеву. И изыде во стрѣтение его со священною честию, со кресты, и скадилы, і сосвещами, преблаженный Митрополитъ Иоаннъ, ссыномъ своимъ, благовѣрнымъ княземъ Всеволодомъ, и съ его детми, Володимеромъ и Ростиславомъ, и со всѣмъ священнымъ соборомъ, и иноки, и множествомъ народа: и сотвориша велий плачь, и пролияша многи слезы надънимъ, і проводиша его со псалмы и пѣсньми до святаго Дмитрея; і сопрятавша тѣло его, положиша честнѣ стр. 186 враце, вцеркви святаго Апостола Петра, южe бѣ самъ началъ здати преже мѣсяца Декабря.

Многи убо беды сей князь Ярополкъ приималъ отбратии своей безвины, и изгонимъ от нихъ, и обудимъ, и разграбляемъ, и внапасти и вскорби непрестанно вмѣтаемъ; прочееже и смерть горкую приятъ, но вѣчному животу и радости сподобися, страдавъ неповинно. Таковъ бо бяше блаженный сей князь Ярополкъ, тихъ, кротокъ,

1086

смиренъ, любовенъ, милостивъ, даровитъ, не памятозлобивъ, и неотмстителенъ ксогрешающимъ ему, умиленъ, и слезенъ, и слабокъ, и радостенъ ко всѣмъ, и книженъ велми; пиянстважъ и всякого глумления отлучаяся. От всего же имѣния своего десятую часть дая Господу богу и пречистей богородице и святителю, і отвсѣхъ скотъ своихъ, и от житъ, на всякое лѣто: и зело почиташе епископа, и презвитеры, и иноки; і церкви украшая, и убогихъ и нищихъ насыщая, и нагихъ і странныхъ одевая, и вскорби і впечали. И о братии своей моляше бога всегда, глаголя: Господи боже мой, призри на мя, и помилуй мя, и приими молитву мою, і недай же ми отмстити противу злотворящимъ ми; но дайже ми смерть, якоже далъ еси братии моей Борису и Глѣбу, от чюжихъ рукъ кровию скончатися, да отмыю грехи моя вся своею кровию, и избуду вражиихъ ловлении и сѣтей, и суетнаго жития и мятежей, и дойду ввѣчный покой и радость. Егоже убо прошения не лиши его всеблагий богъ: восприятъ бо благая она от Христа бога, ихже око не виде, и ухо неслыша, и на сердце человѣку невзыде, еже уготова богъ любящимъ его.

Влѣто Ѕ'.Ф.Ч.Е. [1087] Влѣто Ѕ'.Ф.Ч.Ѕ. [1088]

Священа бысть церковь святаго Архистратига Михаила, монастыря Всеволожа; Митрополитомъ Иваномъ Киевскимъ и всеа Росии, а игуменство тогда держащу того монастыря Лазорю.

Тогоже лѣта ізыде Святополкъ из Новагорода вТуровъ княжити. Тогоже лѣта преставися Никонъ, стр. 187 игуменъ Печерский. Тогоже лѣта взяша Болгаре Воложския и Камския Муромъ.

Влѣто Ѕ'.Ф.Ч.З. [1089]

Священа бысть церковь Печерская святыя богородицы Успение, монастыря Ѳеодосиева, Иваномъ

1089

Митрополитомъ Киевскимъ и всеа Росии, и Лукою епископомъ Белогородцкимъ, Исаиемъ епископомъ Черниговскимъ, при благовѣрномъ князе Всеволоде Ярославиче, и чадъ его Володимера Манамаха и Ростислава; а воеводство держащу Киевския тысяща Яневи; а Игуменство держащу Ивану.

Тогоже лѣта принесоша мощи Николы Чюдотворца отМиръ вбаръ градъ, при Царѣ Алексѣе Комнине, і при Патриарсе Николе, и при великомъ князе Киевскомъ Всеволоде, и при сыне его Володимере Черниговскомъ; вКиевехъ и во всей Русии Митрополиту бывшу тогда Иванну.

Преставися Митрополитъ Иванъ Киевский и всеа Росии.

Тогоже лѣта преставися Иванъ Митрополитъ Киевский и всеа Русии. Бысть же сей Иванъ мужъ хитръ книгамъ и учению, милостивъ ко убогимъ і ко вдовицамъ, ласковъ же кбагатымъ и убогимъ, і тихъ, и смиренъ, и кротокъ, и милостивъ, и молчаливъ, речистъже книгамъ святымъ, і утешая печальныя. И таковаго небысть вРуси преже, и по немъ, невѣмъ, будетъ ли таковъ.

Влѣто Ѕ'.Ф.Ч.И. [1090]

Иде Янка ко Царю граду вГреки, дщи Всеволожа. И приведъ Янка Митрополита Киеву и всей Росии Ивана Скопца; о немъже людие рѣша: сей новый Иоаннъ пришелъ есть; но і будетъ ли таковъ, якоже первый Иванъ?

Преставленье другаго Митрополита Ивана Скопца.

И от года до года пребысть преставися: бѣ же сей мужъ не книженъ, и умомъ простъ, и просторѣкъ.

Влѣто Ѕ'.Ф.Ч.Ѳ. [1091]

Митрополитъ Ефрѣмъ Киевский и всеа Русии.

Священа бысть церкви святаго Архангела Михаила, Ефрѣмомъ Митрополитомъ Киевскимъ и всеа Росии, южe бѣ самъ создалъ, велику сущу; бѣ бо преже Переаславль Митрополья, и живяху множае тамо Митрополити Киевстии и все Росии, и епископы поставляху тамо:

1091

и украси ю великою пристроею, и церковными сосуды. Сейже бѣ Ефрѣмъ скопецъ много добродѣтеленъ, высокъ тѣломъ, и сухъ. Бѣ же тогда здания многа воздвиглъ стр. 188 вцеркви святаго Архангела Михаила, и заложи церковь камену на воротехъ градскихъ, во имя святаго мученика Ѳеодора; и по семъ другую церковь святаго Апостола Андрѣя, у церкви святаго Ѳеодора отворотъ; і строение банное, и врачеве, и больницы всѣмъ приходящимъ безмѣздно врачевание. Такожъ и вМилитине всвоемъ граде устрои, и по инымъ своимъ градомъ Митропольскимъ, иже суть, и суѣзды, и сволостми, и сселы: сеже не бысть преже вРусии. И градъ бѣ Переславль заложилъ каменъ отцеркви святаго Ѳеодора, и спротчими здании, и соверши его чюдне.

Тогоже лѣта приде Ѳеодоръ, Грекъ Митрополичь, отПапы изрима, и принесе много мощей святыхъ.

Тогоже лѣта умножение бысть плодовъ всяческихъ.

Влѣто Ѕ'.Х. [1092] Влѣто Ѕ'.Х.А. [1093]

Игуменъ Печерский со иноки совѣтъ сотворше, и рѣша: не добро есть, лежати отцу нашему Ѳеодосию кромѣ монастыря и церкви своея; понеже той есть основалъ церковь, и черноризцы совокупилъ. Тако повелѣша устроити мѣсто, идѣже положити мощи его: і приспѣвшу празнику Успения святыя богородицы треми денми, і повелѣ игуменъ рушити, гдѣ лежатъ мощи отца нашего Ѳеодосия. Егоже повелѣнию быхъ азъ грѣшный, первое самовидецъ, еже скажу; не слухомъ бо слышахъ, но самъ, и о семъ начальникъ. Пришедшиже игумену ко мнѣ, и рекшу ми: пойдиве впещеру Ѳеодосиеви. Азже пришедъ со игуменомъ, невѣдуще никомуже, разглядаше копати; і назнаменавше мѣсто, кудѣ копати, кромѣ устия, рече ко мнѣ игуменъ: неможи повѣдати никомуже, но поймі, егоже хощеши, да ти поможетъ. Азъже

1093

пристроихъ З.ю днии прогалию, еюже копати: и во вторникъ вечеръ пояхъ ссобою два брата, невѣдующе никомуже, приидохомъ впещеру. И отпѣвъ псалмы, почахъ копати, и трудився, и вдахъ другому брату, і копахомъ до полунощи, утрудихомся, и немогучи ся докопати: і нача тужити, еда како на сторону копаемъ. Азже стр. 189 вземъ рогаль, начахъ копати рамено, а другу моему опочивающу пред пещерою. И рече ми: удариша вбило. И азъ втой часъ прокопавъ на мощи Ѳеодосиевы, оному глаголющу ко мнѣ: удариша вбило, и мнѣ рекущу: прокопахъ уже. Егдаже прокопахъ, обдержаша мя ужасть, и начахъ звати: Господи помилуй. Втомже часѣ седяста два брата вмонастыри, егда ігуменъ утаився нескимъ перенести отай, кпечере зряще: и егдаже, то удариша вбило вмонастыри, і тогда видѣста Г. столпы, яко дуги зарныя над песчерою блаженного отца нашего Ѳеодосия, и стояше долго время, приидоша на дверехъ церкви, ідеже положенъ бысть отецъ нашъ Ѳеодоси, учитель и наставникъ словеснаго стада вземли Рустей. Всеже время видѣ Стефанъ, иже бысть внего мѣсто игуменъ.

Всеже время епископъ видѣ всвоемъ монастыри чрезъ поля зарю велику над пещерою, мнѣвъ, яко несутъ Ѳеодосия; бѣ бо ему возвещено преже дне единаго: и сжаливси, яко без него преносятъ, и вседъ на конь, борзо поѣха, поимъ ссобою Климента, егоже всебѣ мѣсто игумена постави. И приидоста близъ, и видѣста свещи многи над пещерою: і приидоста кпещере, и не видѣста ничтоже; и приидоста внутръ пещеры, намъ седящимъ у мощей его. И егда убо прокопахъ, послахъ ко игумену: прииди, да выймемъ. Игуменъже приде здвема братома, и прокопахъ велми, и влезохомъ, і се лежаща мощи, но составы, не распалися бѣша, и власи главнии притяскли бяше: возложшеже мощи на манатью, вынесоша пред пещеру.

1093

На другийже день собрашася епископы Ефрѣмъ Переславский, Стефанъ Владимерский, Иоанъ Черниговский, и игумени от всѣхъ монастырей счерноризцы, і людии благовернии: и взяша мощи Ѳеодосиевы, стемъяномъ, и со свещами, і принесше и положиша вцеркви своей ему впритворе на десней странѣ, мѣсяца Августа въ Д.Г. день, вчетвергъ вчасъ А. Індикта Д.І. лѣто: і празнова- стр. 190 ша свѣтло втой день.

Сеже повѣмъ мало нѣчто, еже ся збысть пророчение Ѳеодосиево. Нѣкогда бо Ѳеодосию игуменство держащу вживотѣ своемъ, і правяще стадо порученное ему богомъ черноризцы. Нетокмо бо си едины, но и мирскими печашеся о душахъ ихъ, како бы спаслися; пачеже о дѣтехъ своихъ духовныхъ, утешая и наказуя, і приходя благословение имъ подавая. Единою бо ему пришедшу вдомъ къ Яневи, и къ подружию его Марии; бѣ бо Ѳеодосий любя ихъ, зане живяста по заповеди Господни, и влюбви межъ собою пребываста; единою бо ему пришедшу книмъ, и учаше ихъ о милостыни ко убогимъ, і о царствии небеснемъ, еже прияти праведникомъ, а грѣшникомъ муку, і осмертнемъ часѣ; и се ему глаголющу о положении тѣла во гробе има, и рече ему Яневая: кто се вѣсть, гдѣ мя положатъ? И рече ей Ѳеодосий: поистинне идѣже лягу азъ, ту и ты положена будеши. Сеже збыстъся: игуменуже преставльшуся преже осминадесять лѣтъ, и збыстъся. Тогоже лѣта преставися Яневая, именемъ Мария, мѣсяца Августа въ Ѕ.І. день. Пришедше черноризцы, пѣвше обычныя пѣсни, и принесше ю, положиша й вцеркви святыя богородицы, противу гробу Ѳеодосия, на шуеѣ странѣ. Ѳеодосийже положенъ бысть въ Д.І., а сия въ Ѕ.І. Сеже збыстьcя проречение отца нашего Ѳеодосия, добраго пастыря, иже пасяше словесныя овца нелицемѣрно, кротостию і смирениемъ блюдя ихъ, и бдя за ны, і моляся за порученное ему стадо, і за люди Християнския, и

1093

за землю Рускую: иже по отшествии своемъ отсея жизни, молиши за люди вѣрныя, і за вся своя ученики, іже взирающи на руку твою, поминающи учение твое и воздержание, прославляютъ бога.

Похвала

Азже грѣшный, твой рабъ и ученикъ, недоумѣю, чимъ похвалити добраго твоего жития, и воздержания, но и се реку мало нѣчто: радуйся, отче нашъ Ѳеодосие и наставниче, мирския плища от- стр. 191 ринувъ, молчание возлюби, богу послужилъ еси втишине во мнишескомъ житии, всякое принесение собѣ божественное принеслъ еси, пощениемъ превозвышшеся плотскихъ страстей, сласти возненавидѣвъ, и красоту и желание вѣка сего отринувъ, вслѣдуя стопамъ высокомысленнымъ отцемъ, ревнуя молчаниемъ, возвышаяся смирениемъ, украшаяся всловесехъ книжныхъ, и веселяся радуяся, укрепльсь надежею, вѣчныхъ благъ приимъ, умертвивъ плотскую похоть источникъ беззакония и мятежъ, преподобне, бесовскихъ козней избѣхъ и сѣтей, справедными, отче, почилъ еси, восприимъ противу трудовъ возмездие, отцемъ наслѣдникъ бывъ, послѣдова учению ихъ и нраву, и воздержанию ихъ, и правилъ ихъ. Пачеже ревноваше великому Ѳеодосию нравомъ, и житиемъ подобяся житию его, и воздержанию ревнуя, послѣдствуя обычаю его, и преходя от дѣла вдѣло уншие, і обычныя молбы богу воздая, ввоню благоухания принося кадило молитвеное, темьянъ благовонный, победивъ мирскую похоть, и миродержца князя вѣка сего, сопротивника поправъ диявола и его козни, побѣдникъ явися противнымъ его стреламъ і гордымъ помысломъ, укрепився оружиемъ крестнымъ, і божиею помощию. Молися за мя, честный отче! избавлену быти отсѣти неприязнены, и отврага противнаго соблюди мя твоими молитвами.

Знамение

Тогоже лѣта бысть знамение всолнцы, яко погибнути ему, и мало ся его оста, аки мѣсяцъ, въ часъ въ В. день мѣсяца Маия въ К.А. день.

1093

Тогоже лѣта Всеволоду ловы дѣюще за Вышегородомъ, заметавшемъ тенета, и кличаномъ кликнувшимъ: спаде превеликий змие от небесе, и ужасошася вси людие, и земля стукну, и мнози слышаше.

Тогоже лѣта волховъ бысть вРостове, и вскоре погибе.

Влѣто Ѕ'.Х.В. [1094]

Знамение

Предивно бысть вПолотске: вмечте бываше внощи, станяше тутно по улицамъ, аки человѣцы рищуще бѣси; аще кто вылазяше ис хоромины хотя видети, и стр. 192 уязвенъ бываше невидимо отбесовъ язвою, и стого умираше: и не смѣяху излазити ис хоромъ. І посемъ начаша во днехъ являшися на конехъ, и не бѣ іхъ видети самихъ, но коней ихъ видети копыта. И тако уязвляху люди Полотския и ихъ область: тѣмъ бо і человѣцы глаголаху, яко наяве биютъ Полочаны. Се бо знамение поча быти отДрютска.

Знамение

Тогоже лѣта бысть знамение на небеси, яко кругъ бысть посреди неба превеликъ.

Тогоже лѣта ведро бяше, яко изгораше земля, и мнози боры возгарахусь сами, и болота, и многа знамения бываху помѣстомъ. И рать велика бяше отПоловецъ и отвсюду, и взяша Г. грады, Песоченъ, Переполоху, и многи села повоеваша, и стояше Половцы по обема странама.

Тогоже лѣта воеваша Половцы Ляхи, сВасилькомъ Ростиславичемъ.

Тогоже лѣта умре Рюрикъ, сынъ Ростиславль.

Тогоже лѣта мнози человѣцы умираху различными недуги, якоже глаголаху продающе корстъ, от Ѳилиппова дни до мясопуста З'. Сеже бысть за грехи наша, яко умножишася греси наши и неправды: сеже наведе на ны богъ, веля намъ имѣти покаяние, и востягнутись от греха и от зависти, и от протчихъ злыхъ дѣлъ, и неприязненыхъ сѣтей.

Преставися князь Всеволодъ. 1094

Влѣто Ѕ'.Х.В. Індикта въ А. лѣто, преставися великий князь Всеволодъ, сынъ Ярославль, внукъ Владимеръ, мѣсяца Апреля въ Г.І. день; а погребенъ бысть въ Д.І. день, сущи недѣли тогда страстней, і дни сущу четвертку: воньже положенъ бысть во гробе ввелицей церкви святей Софии.

Сии бо благовѣрный князь Всеволодъ бѣ издѣтска боголюбивъ, і любя правду, и милуя убогия; воздая честь Епископомъ і презвитеромъ, по премногуже любляше иноки, і подаваше требование имъ. Бѣ бо и самъ воздержаяся от пиянства, и от объядения, и от сластей плотскихъ; тѣмъ і любимъ бѣ отцемъ своимъ, яко глаголати отцу кнему: сыну мой, благо тебѣ, яко слышу о тебѣ кротость, и радуюся сему, яко ты покоиши старость мою, еда ти по- стр. 193 дастъ богъ прияти власть стола моего по братии своей справдою, а не снасилиемъ, тогда богъ отведетъ мя от жития сего, да ляжеши, идеже азъ лягу, у гроба моего; понеже люблю тя паче братии твоея. І се збыстъся отца его проречение, якоже глаголалъ бѣ ему, приимшу последи вся братии столъ отца своего, по смерти брата своего седе вКиеве княжа.

І бысть ему печали больша паче, неже седящу ему вПереславли: седящу бо ему вКиеве, печаль ему бысть от сыновецъ своихъ, яко начаша ему стужати, хотяща собѣ власти, и всихъ почаша ему быти напасти і печали отнихъ: востояше и недузи ему, и ксимъ приспѣвше старость ему, и нача любити смыслъ уныхъ, и совѣтъ творя сними. Сииже начаша завидѣти, и негодовати дружины прьвыя своея, і людемъ нехотѣти княже правды: и начаша тивуни грабити людей и продаяти, а князю невѣдущу вболѣзнехъ своихъ. И разболѣвшусь велми, посла по сына своего, по Володимера Манамаха Черниговского. Пришедшуже Владимеру, и виде больна суща велми, і плакася. Присѣдящу Владимеру Манамаху, і Ростиславу, сынови его меньшому, пришедшуже часу,

1094

преставися тихо и кротко: и приложися ко отцемъ своимъ, живъ лѣтъ Е.І. вкняжении вКиеве, а вПереславле лѣто, а вЧернигове лѣто. Володимеръже Манамахъ плакася сРостиславомъ, братомъ своимъ, опрятаста тѣло его: и собрашася епископи, и ігумены, і черноризцы, и попове, и бояре, и простии людие; и вземше тѣло его со обычными пѣсньми, положиша во святей Софии, якоже рекохомъ прежде.

(Наборная орнаментальная концовка — конецъ Части первой)

(Шмуцтитул)