ИЗЯСЛАВЪ вторично

Изяславуже идущу ко граду, изыдоша людей спо- стр. 157 клономъ противу, и прияша его Кияне. И седе Изяславъ на столѣ своемъ, мѣсяца Маия въ В. день, и роспусти Ляхи накормъ поградомъ, и избиваху Ляхи отай. И возвратися Болеславъ сЛяхи вземлю свою. Изяславъ же возгна торгъ нагору, и прогна Всеслава исПолотска, и посади сына своего Мстислава вПолотске; онже скоро тамо умретъ: и посади внего мѣсто брата его Святополка.

Всеславуже бежавшу, и победи Глѣбъ князь сНовгородцы Всеслава на Гсене, мѣсяца Октября К.Г. день; велика бо тогда сѣча вожаномъ. И заутра обрѣтесь крестъ Владимеръ во святей Софии на полатехъ, егоже взялъ бѣ князь Всеславъ ратию.

Влѣто Ѕ'.Ф.О.И. [1070]

Родися у Всеволода сынъ, и нарекоша имя ему Ростиславъ.

Тогоже лѣта заложена бысть церковь святаго Михаила вмонастырѣ Всеволоже.

Влѣто Ѕ'.Ф.О.Ѳ. [1071]

Воеваша Половцы у Ростовца и у Неятина.

Тогоже лѣта выгна Всеславъ Святополка исПолотцка.

Тогоже лѣта победи Ярополкъ Всеслава у Волотичска.

О Волсвѣхъ

Всияжъ времена прииде волхвъ прельщенъ бѣсомъ, і пришедъ хКиеву глаголаша сице, повѣдая людемъ: яко на пятое лѣто Днепру тещи на вспять, а землямъ прийти на иная мѣсто, яко стати Греческой землѣ на Руской, а Руской на Греческой, и прочимъ землямъ изменитися. Егоже невѣгласи послушаху, вѣрниижe

1071

насмехахуся глаголюще: бѣсъ тобою играетъ на пагубу тебѣ. Сеже и бысть ему. Во едину убо нощь бысть безвѣсти: бѣси бо подкнуша на зло водятъ, посемже насмехаются вверхше вропасть смертную, и научивше глаголати, яко се скажемъ бесовское научение и дѣйство.

Бывши бо единою скудости вРостовстей области, воссташа два волхва отъ Ярославля, глаголюще: яко мы свѣмы, кто обилие держитъ. И пойдоста по Волзе, гдѣ приидоста впогостъ, ту лучьшая жены нарицающе, глаголаше: яко сия жито держитъ, а сия медъ, а сия рыбу, а сиа скору. И привожаху книмъ сестры своя, и матери, и жены своя: ониже вмечтании прорѣзоваше имъ за плещима, и выимаста любо жито, любо рыбу, любо бѣлку; и убиша многи жены, имѣния ихъ стр. 158 отнимаху за ся. И приидоста на бело озеро, и бѣ у нихъ иныхъ людей Т.

О Волсвѣхъ

Тогоже лѣта случися прийти отСвятослава дань емлюща Яну, сыну Вышатину: и повѣдаша ему белоозерцы, яко два волхва пришли, и уже многихъ по Волзе и по Шекснѣ погубили, и пришли еще семо. Янъже испыта, чьи есть смерди: и увѣдевже Янъ, яко князя его; и посла книмъ, иже около его суть, и рече: выдайте волхвовъ тѣхъ семо, яко смердиевъ князя моего и мои. Ониже сего не послушаша; Янъже самъ пойде безоружия. И рѣша ему отроцы его: неходи безоружия, изсоромотятъ тя. Онже повелѣ взяти оружие отрокомъ; бѣста бо снимъ В.І. отрокъ. И пойде книмъ полесу: ониже сташа, исполнившеся противу. Яневиже идущу стопоркомъ, выступиша отнихъ три мужа, и приидоша къ Яневи, рекуще ему: видя идеши насмерть, неходи. Яневиже повелѣвшу бити я, кпрочимъ же пойде. Ониже сунушася наЯна; единже грешись топоромъ, Янъже оборотя топоръ, и удари тыльемъ, и повелѣ отрокомъ своимъ сѣчи ихъ: ониже побегоша влѣсъ; убишаже ту попина Янева. Янъже шедъ воградъ

1071

кбелоозерцомъ, и рече имъ: аще не имѣте волхвовъ тѣхъ, неиду отвасъ за лѣто. Белоозерцыже шедше яша ихъ, и приведоша ихъ къ Янови. И рече имъ Янъ: что ради толико погубиста человѣкъ? Онемже рекшимъ: яко ти держатъ обилие, да аще истребимъ сихъ, да будетъ обилие. Ащели хощеши, предтобою вымемъ жито или рыбу или иное что. Янъ же рече: поистинне лжа то есть; сотворилъ есть богъ человѣка отземля, составлена костми и жилами и открови, и нѣсть внемъ ничтоже, но токмо богъ единъ вѣсть. Онаже глаголаста: вѣмы, како есть сотворенъ человѣкъ. Янъже рече: како? Ониже рѣста: богъ мывся вмовнице, и вспотѣвъ, отреся ветхомъ, и сверже снебеси наземлю; и распреся Сотона збогомъ, кому внемъ сотворити человѣка: и сотвори дияволъ человѣка, а богъ душу вонь стр. 159 вложилъ. Тѣмже аще умретъ человѣкъ, вземлю идетъ тѣло, а душа кбогу идетъ. І рече имъ Янъ: поистинне прельстилъ есть васъ бѣсъ; коему богу вѣруете? И рѣша: Антихристу. Онже рече имъ: то гдѣ есть? Ониже рекоша: седитъ вбезднѣ. И рече имъ Янъ: то кий то богъ сѣдитъ вбезднѣ? той есть бѣсъ; а богъ есть на небесѣхъ, седитъ на престоле славимый отАнгелъ, иже предстоятъ ему со страхомъ, немогуще нань зрѣти. А сихъ Ангелъ сверженъ бысть за гордость снебеси, егоже вы глаголете Антихриста, и есть вбездне, якоже вы того глаголете ждуще, егда снидетъ богъ снебеси, сего Антихриста емъ свяжетъ узами, і посадитъ вогне вѣчнемъ сослугами его, иже кнему вѣруютъ: вамъже и здѣ прияти мука у мене, и по смерти тамо. Онемже глаголющимъ: наши бози повѣдаютъ, не можеши намъ сотворити ничтоже. Онже рече имъ: лжутъ вамъ бози ваши. Они же рѣша: намъ стати пред Святославомъ вКиеве; а ты намъ не можеши сотворити ничтоже. Янъже повелѣ бити ихъ, и торгати брады ихъ. Симже биеннымъ и поторганнымъ, рече имъ Янъ: что вамъ бози ваши скажутъ?

1071

Онемже глаголющимъ: стати намъ предСвятославомъ. И повелѣ Янъ клячь вложити во уста ихъ, и привязати ихъ ко упругу, и пусти предсобою влодьи, а самъ за ними пойде. И сташа на усть Шокены, и рече имъ Янъ: что вамъ бози ваши повѣдаютъ? Ониже рѣша: тако молвятъ бози наши, не быти намъ живымъ оттебѣ. И рече имъ Янъ: то вамъ право повѣдали. Ониже рекоста: аще наю пустиши, много ти добра будетъ; ащели насъ погубиши, то многу печаль приимеши и зло. Янъже рече: аще васъ пущу, то зло ми будетъ отбога. И рече Янъ кповозникомъ: аще кто у васъ убиенъ бысть отсихъ? Ониже рѣша: у меня мати; а другий рече: у меня сестра, у меня жена. Янъже рече имъ: мстите своихъ. Ониже поимше ихъ биша, и возвесиша ихъ на дубъ, отмѣстие приимше отбога по правде. Яневиже идущу восвояси, вдругуюжъ нощь медвѣдь влѣсъ угрызе ихъ. І тако погибоша наущениемъ бесовскимъ, инемъ ведуще и глаго- стр. 160 люще, а своя погибели несвѣдуще. Аще быста ведала, не бы пришли на мѣсто се, идѣже ятыма быти има. Аще и ята быста, почто глаголаста: не умрети нама, оному мыслящу убити я. Но се есть бесовское наущение; бѣси бо не вѣдаютъ мысли человѣческия, и тайны несвѣдуще. Богъже единъ вѣсть помышления человѣческая, бѣси бо не вѣдаютъ ничтоже; суть бо немощни и худи взоромъ, яко и се скажемъ о взоре ихъ, и о немощи и обмрачении ихъ.

Всияжъ бо времена и влѣта сия ключися нѣкоему Новгородцу, прийти вЧюдь: и прииде х кудеснику, хотя волхвования отнего; онже по обычаю своему, хотя начати и призывати началъ бѣсы вхрамину свою. Новгородецъ же той седѣ на пороге тоя храмины; кудесникъже лежаше оцепеневъ, и шибе имъ бѣсъ. Кудесникъже вставъ рече Новгородцу: бози не смѣютъ прийти, нѣчто имаши насебѣ, егоже боятца. Онже воспомяну на себѣ крестъ, и отшедъ постави крестъ кроме храмины тоя. Онже

1071

начатъ призывати опять бѣсы; бѣси же метавше имъ повѣдаша, что ради пришелъ есть. Посемъже началъ вопрошати его: что ради боятца его, егоже носимъ насебѣ креста? Онже рече: то есть знамение небеснаго бога, егоже наши бози боятца. Онже рече: то кацы суть бози ваши, да гдѣ живутъ? Онъже рече: бози наши живутъ вбезнахъ, суть же образомъ черны и крылаты, и хвосты имуще; восходятъ же и поднебо, слушающе вашихъ богъ; вашижъ бози нанебесѣхъ суть. Да аще кто умретъ отвашихъ людей, то возносимъ есть на небо; ащели кто отъ нашихъ людей умретъ, то носимъ есть кнашимъ богомъ вбездну: якоже бо есть и грѣшницы во аде суть, ждуще муки вѣчныя; а праведницы внебесныхъ жилищахъ водворяются со Ангелы. Сице бо есть бесовская сила и лепота и немощъ: тѣмже прельщаютъ человѣки, веляще имъ глаго- стр. 161 лати видѣния, являющеся имъ не свѣршеннымъ вѣрою, являющеся во снѣ, инемъ вмечте, и тако волхвуютъ научениемъ бесовскимъ. Паче женами бесовская волшвления бываютъ; искони бо бѣсъ же прельсти, и жена мужа: такождеже вродехъ мнозехъ все жены волхвуютъ чародѣйствомъ, и отравою, и иными бесовскими козньми; но и мужи прельщени бываютъ невѣрнии отбесовъ, якоже се впервыя роды.

О Симане волхвѣ

При Апостолехъ бо бысть Симонъ волхвъ, иже волхвованиемъ творящъ псомъ глаголати человѣчески, а самъ применяшесь ово старъ, ово младъ, ово инаго пременитъ во инъ образъ, вмечтании сице творяше: якоже и Аннии и Амврии волшествомъ чюдеса творяху противу Моисѣови. Но и Кононъ мечтании творяше бесовский, яко и по водамъ ходити, и ина мечтания творяше бесовскими лестми, на пагубу себѣ и людемъ.

Яписл волхвъ

Таковъ убо бѣ явился вНовѣ городе волхвъ при князе Глѣбе, глаголаше людемъ, творяся яко богъ, многи прелести мало не весь градъ; глаголаше бо, яко

1071

проведе вся, а Християнскую вѣру хуляше. И рече: яко прейду Волховъ, аще ми велите, пред всѣмъ народомъ прейду. И бысть во граде мятежъ и молва немала, и вси людие яша ему вѣру, и хотяху Ѳедора епископа погубити. Епископъже вземъ крестъ, и облечеся во святительские ризы, и ставъ посреди народа, глаголаше: аще кто хощетъ вѣровати волхву, то да идетъ кнему; ащелиже не вѣруетъ, то да идетъ ко кресту. И разделишася людие на двое: Князь бо Глѣбъ и дружина его идоша ко кресту, и сташа у епископа; а людие вси идоша за волхва: и бысть мятежъ великъ межу ими. Глѣбъже возмя топоръ под одежу, прииде кволхву, и рече ему: что хощетъ утре быти, что ли до вечера? И рече волхвъ: вся проведе. И рече Глѣбъ: вѣси ли, что хощетъ быти днесь? Онже рече: чюдеса велика сотворю. Глѣбъже выемъ топоръ, и растне его, и паде мертвъ, и людие разыдошася: онже погибе душею и тѣломъ, предався диаволу. стр. 162

Влѣто Ѕ'.Ф.П. [1072]

Пренесение мощемъ святыхъ страстотерпецъ, Бориса и Глѣба, сице бысть. Совокупишася три Князи братия, сынове Ярославли, внуци великого Владимира, со отцемъ своимъ Георгиемъ, Митрополитомъ Киевскимъ и всеа Русии; Изяславъ, Святославъ, Всеволодъ, и съ епископомъ Петромъ Переславскимъ, и съ епископомъ Стефаномъ белоградскимъ, и съ епископомъ Михаиломъ Юрьевскимъ, и съ епископомъ Иваномъ Холмскимъ, і соѲеодосиемъ игуменомъ Печерскимъ, и сСофрониемъ игуменомъ святаго Михаила, и зГерасимомъ игуменомъ святаго Спаса, и сНиколою игуменомъ Переславскимъ, и со всѣмъ священнымъ соборомъ. Принесоша мощи святыхъ Мученикъ изВышегорода вновую церковь, южe создалъ князь Изяславъ, яже стоитъ и до ныне: вземше преже святаго Бориса вдревяной рацѣ, Изяславъ, Святославъ, Всеволодъ, на рамехъ своихъ понесоша,

1072

предидущемъ священосцемъ и инокомъ, і посихъ диаконы скадилы, и по сихъ презвитеры, и по нихъ епископи сМитрополитомъ, і по сихъ всѣхъ раку несяху. И принесше вновую церковь, отверше честную его раку, и наполнися церковь благоухания: і видѣвшеже сие прославиша бога. Митрополитъ Георгий Митрополитаже ужасть обыде; бѣ бо книмъ сомнѣние имѣлъ; и падъ ницъ просяше прощения, и целовавше мощи его, вложиша й враку каменну. Посемъ вземше Глѣба враце камене, и поставиша й на сани, и емше за ужа везоша: и якоже бысть вдверехъ, и ста рака неподвижна. И сотвориша молитву преосвященный Митрополитъ Георгий, і съ епископы, и со всѣмъ священнымъ соборомъ, и князи и весь народъ возопиша: Господи помилуй! И тако повезоша я, и положиша й, мѣсяца Маия въ В. день; и отпѣвше литоргию, и сотвориша празникъ честенъ: и празноваша свѣтло всѣ князи со отцемъ своимъ Митрополитомъ Георгиемъ Киевскимъ и всеа Русии, і съ епископы, и со всѣмъ священнымъ соборомъ: и бѣ же тогда держа Вышегородъ Чюдинъ, а церковь Лазарь; и посемъ разыдошася во свояси. стр. 163

Влѣто Ѕ'.Ф.П.А. [1073]

Воздвиже котору дияволъ вбратии, всынѣхъ Ярославлихъ, внуцехъ великого Владимера бывши распре межъ ими. І быста съ единого Святославъ соВсеволодомъ на брата своего старѣйшого, великого Князя Изяслава Киевского: и совокупившесь вкупе, идоша нанего хКиеву; онже невозможе стати противу ихъ, и іде вЛяхи. Бѣ же у него сынове Ярополкъ и Святополкъ, а менший сынъ его Мстиславъ преставися вПолотские.

Святославъ же і Всеволодъ внидоста вКиевъ, Марта въ К.В. день; и седѣ Святославъ настолѣ вКиеве. Бѣ же отчина его дана отцемъ ему Черниговъ; а сынове у него Глѣбъ и Олегъ. А у Всеволода отчина Переславль; а сынове у него Володимеръ Манамахъ, да Ростиславъ.

1073

Святославъ же бѣ начало вигнанию братию, желая большая власти, и тако Всеволода прельсти, глаголя: яко Изяславъ сватается соВсеславомъ, мысля на насъ; да аще его не прогонимъ, иматъ насъ прогнати. И тако взольсти Всеволода на Изяслава. Ізяславъже бежа вЛяхи со имѣниемъ многимъ, и зженою, уповая богатствомъ многимъ, глаголя: яко симъ налѣзу полкъ себѣ впомощъ. И взяша Ляхове все богатство у него, и показаша ему путь отсебѣ.

(Наборная орнаментальная концовка)