КНЯЖЕНІЕ ЯРОСЛАВОВО.

Ерославъ же седе вКиеве, утеръ пота содружиною своею, показавъ победу и трудъ велий по братии своей.

О взыскании телесъ святыхъ Мученикъ.

Тогоже лѣта началъ взыскати святыхъ телесъ ихъ, како и гдѣ положени суть. И повѣдаша ему о свя- стр. 125 темъ Борисе, яко вВышегороде положенъ есть; о святемъ же Глѣбе не вѣдяху. И вси убо вѣдяху, яко у Смоленска убиенъ бысть; но не вѣдяху, гдѣ положенъ: Ярославъ же прилѣжно нача искати о немъ. І собрашася отвсюду множество людей, и не вѣдяху, гдѣ положено есть тѣло святаго Глѣба. И начаша отнихъ другъ ко другу повѣдати: близъ Смоленска, глаголюще, впусте мѣсте видѣхомъ свѣтъ велий неизреченень, и свещи горящи, і пѣния ангельска слышахусь мимоходящимъ гостемъ, и ловцемъ ловы дѣющимъ, и пастыремъ пасящимъ овца. Сия же слышавъ Ярославъ возрадовася, и рече: тамо есть тѣло брата моего святаго Глѣба. И пославъ на взыскание со кресты и со свѣщами и скандилы, презвитеры и иноки и бояре, и обрѣтше святое его тѣло невре­жено ничѣмже, и не почернѣло, якоже обычай имутъ телеса мертвыхъ; но цѣло, і свѣтло сияюще, и благоухание испущающе. И положиша і вВышегороде раскопавше землю, идѣже лежитъ тѣло блаженного Бориса, якоже и напреди сказано бысть.

Влѣто Ѕ'.Ф.К.И. [1020]

Нача Ерославъ делити воемъ своимъ куны: старостамъ по І. гривенъ, а смердомъ по две гривны, а Новгородцемъ по І. гривенъ всѣмъ: и отпусти я.

1020

І давъ Правду имъ, и уставъ списавъ, глаголюще: посей грамоте ходите, якоже списахъ вамъ, тако держите.

Костятинъже тогда бяше вНовѣгороде, и разгневася нань Ярославъ, и заточи его вростове на три лѣта, и повелѣ убити его вМуроме на Оцѣ рецѣ.

Тогоже лѣта приходиша Печенѣги, и много зла сотвориша, и пойдоша во своя.

Тогоже лѣта родися Ерославу сынъ, и нарече имя ему Володимеръ.

Влѣто Ѕ'.Ф.К.Ѳ. [1021]

Приде Брячиславъ, сынъ Изяславль, внукъ Володимеровъ, свои исПолотска на Новъгородъ, и взя Новъ градъ, и поимъ Новогородцевъ, и жены и дѣти, и имѣния ихъ, и скоты, и весь полонъ, і пойде кПолотску опять. І пришедшу ему кСудомѣ рецѣ, Ярославъ же ту вѣсть слы- стр. 126 шавъ, і совокупи воя многи: и исКиева вседмый день постиже ту, і победи Брячислава, и Новгородцевъ вороти вНовъ городъ, и полонъ весь отъятъ у него, елико бяше вНовгородцкой области, і посла ихъ кНову городу; а Брячиславъ бежаше к Полотску. И оттоле исКиева призва его ксебѣ, и вда ему два града, Свячь и Видбескъ, и рече ему: будиже со мною одинъ. І воеваше Брячиславъ съ Ерославомъ вся дни живота своего.

Влѣто Ѕ'.Ф.Л. [1022]

Приде Ярославъ кберестью.

Тогоже лѣта Мстиславу сущу Владимеричю во Тмутаракани, и пойде Мстиславъ на Косаги. Слышавъ же се князь Касажский Редедя, изыде противу ему. І ставшима обѣма полкама противу себѣ, и рече Редедя Мстиславу: что ради погубимъ дружину межю собою? но снидевеся сами бороти; да аще одолѣеши ты, то возмеши имение мое, и жену мою, и дѣти мои, и землю мою; ащели азъ одолѣю, то возму твое все. И рече Мстиславъ: тако буди. И рече Редедя: боротись намъ неоружиемъ,

1022

но собою: и снястась бороти крѣпко. И борящимася има, началъ изнемогати Мстиславъ; бѣ бо великъ и силенъ Редедя. И рече Мстиславъ: пречистая богородица, помози ми! аще одолѣю сему, созижду церковь во имя твое. И се ему изрекъшу, удари имъ о землю, и вынемъ ножъ зарѣза Редедю: и шедъ вземлю его, взятъ имѣние его, и жену и дѣти, і дань возложи на Касаги. И пришедъ во Тмутараканъ, заложи церковь святыя богородицы, и созда ю, иже стоитъ и до ныне.

Влѣто Ѕ'.Ф.Л.А. [1023]

Приде Мстиславъ сКозары и сКосаги на Ерослава.

Влѣто Ѕ'.Ф.Л.В. [1024]

Ярославу сущу вНовѣгороде, приде Мстиславъ изо Тмутараканы хКиеву, и не прияша его Кияне. Онже шедъ седѣ настолѣ вЧернигове.

О Волхвѣхъ

Тогоже лѣта возсташа Волсви лживии вСуздале, избиваху старую чадь бабы, по дьяволю научению и бесованию, яко сии держатъ гобино і жито, и голодъ пуща- стр. 127 ютъ. И бѣ мятежъ великъ и гладъ по всей странѣ той, якоже мужу своя жена даяти, да ю кормятъ себѣ челядиномъ. І идоша поВолзе вси людие вболгары, і привезоша пшаницу, и жито, і тако ожиша. Слышавъ же Ерославъ волхвы, и прииде кСуздалю: і изымавъ убийца ты, и расточи, иже бяху бабы избили; и домы ихъ разграби, а другия показни. И устави ту землю, рекъ сице: богъ наводитъ погрехомъ на коюждо землю гладомъ, или моромъ, или ведромъ, или иною казнию; а человѣкъ невѣсть ничтоже. Христосъ богъ единъ есть на небеси содержай вся.

І возвратился Ерославъ приде кНовугороду: и посла заморе по Якуна, по Варяжского князя, и по Варяги: и приде Якунъ сВаряги, и бѣ Якунъ слѣпъ, и луда бѣ у него вся златомъ исткана. Іде Ярославъ съ Якуномъ на Мстислава кЧернигову. Мстиславъ же слышавъ изыде противу има на сѣчю кЛиствену; і бяше осень, и ту ся

1024

срѣтоша. Мстиславъ же свечера исполчи дружину: и постави Северы вчело противу Варягъ, а самъ сша со дружиною своею по крилома. И бывши нощи, и бысть тма, и громъ шибаше, и молния, и дождь. И рече Мстиславъ дружине своей: пойдемъ нань; то намъ есть корысть. И пойде Мстиславъ и Ерославъ противу себѣ: и ступишася чело Северы сВаряги, и утрудишася Варяги секуще Северу. И посемъ наступи Мстиславъ со дружиною, и началъ сѣчи Варяги; і бысть сѣча зла и страшна: яко посветашеся молния, тако блещахуся оружия; елико молния светиша, тако мечи видяху, и тако другъ друга убиваше: и бѣ гроза велика и сѣча сильна. Видѣвшеже Ерославъ себѣ побежаема, побеже съ Якуномъ, княземъ Варяжскимъ: Якунъ же ту отбеже луды своея златыя. И тако победи Мстиславъ Ерослава и Якуна. Ярославъ же приде къ Нову городу; а Якунъ иде за море, и та- стр. 128 мо умре. Мстиславъ же отсвѣтъ заутра, видѣ лежаща отсвоихъ Северъ и Варягъ Ерославлихъ, и рече: кто сему не радъ? се лежитъ Северянинъ, а се Варягъ, а дружина своя цела. И посла Мстиславъ по Ерослава, глаголя: пойди сяди на своемъ столѣ вКиеве, занеже ты вящшъ братъ еси; мнѣ буди сия сторона. И не смѣя Ярославъ пойти, дондеже смиристася; беша бо седяще вКиеве мужи Ерославли.

Ярославъ Володимеричь вСуздале изби волхвы. А братъ его удалый Мстиславъ седе вЧернигове.

Влѣто Ѕ'.Ф.Л.Г. [1025]

Родися другий сынъ Ярославу, и нарече имя ему Изяславъ.

Влѣто Ѕ'.Ф.Л.Д. [1026]

Ярославъ совокупи воя многи, и приде хКиеву, и сотвори миръ збратомъ своимъ Мстиславомъ у Городца, и розделиста поднепръ Рускую землю: Ярославъ приятъ сию страну; а Мстиславъ ону. И начаша жити миромъ

1026

вбратолюбствѣ, и преста усобица и мятежъ, и бысть тишина велия по земли.

Влѣто Ѕ'.Ф.Л.Е. [1027]

Родися Ерославу третий сынъ, и нарече имя ему Святославъ.

Влѣто Ѕ'.Ф.Л.Ѕ. [1028]

Знамение

Знамение явися на небеси змиево, яко видети всей землѣ.

Влѣто Ѕ'.Ф.Л.З. [1029]

Ярославъ ходи на Ясы, і взятъ ихъ.

Сежe лѣто бысть мирно по всей землѣ Рустей отвсюду.

Влѣто Ѕ'.Ф.Л.И. [1030]

Родися Ярославу четвертый сынъ, и нарече имя ему Всеволодъ.

Тогоже лѣта иде Ярославъ на Белзѣ, и взя я: и Чюдь повоева, и победи я: и постави градъ Юрьевъ. И приде кНовугороду, и собравъ отъ старостъ и отъ прозвитеровъ детей Т., и повелѣ учити книгамъ.

Преставися Епископъ Акимъ

Того же лѣта преставися Новгородцкий епископъ Акимъ, і бяше ученикъ его Ефремъ, иже ны учаше.

Тогоже лѣта умре Болеславъ великий вЛясехъ. И бысть мятежъ вземли Ляцкой, воставше людие избиша стр. 129 епископы, и презвитеры церковныя, и бояре своя вся.

Влѣто Ѕ'.Ф.Л.Ѳ. [1031]

Ярославъ и Мстиславъ собраста вои многи, идоста на Ляхи, и взяста грады Черпенския опять, и повоеваста Ляцкую землю, и многи Ляхи приведоша, и розделиша Ярославъ посади по Руси, суть и до сего дни.

Влѣто Ѕ'.Ф.М. [1032]

Ярославъ поча поруси городы ставити.

Тогоже лѣта Улебъ иде на Желѣзная Врата изНова города, и вспять мало ихъ возвратишася, но мнози тамо погибоша.

Влѣто Ѕ'.Ф.М.А. [1033] 1033

Князь Мстиславъ, сынъ великого Володимера, изыде на ловы, и тамо разболѣся, и умре. И положиша его вЧернигове у святаго Спаса, иже бѣ зачалъ самъ; бѣ бо возделано при немъ возвыше, яко на конѣ стоячи. Бѣ же Мстиславъ дебелъ тѣломъ, а власы черменъ, лицемъ свѣтелъ, велики очи и брови возвышены имѣя, и милостивъ книщимъ, и долготерпеливъ ко всѣмъ, на рати храбръ, и дружину любляше повелику, имѣния не щадяше, ни пития, ни ядения небрежаше.

Посемже приятъ всю власть его Ярославъ, и бысть Самовластецъ вруской землѣ.

Епископа постави Жидяту

Тогоже лѣта иде Ярославъ кНовугороду, и посади сына своего Володимера вНовѣгороде; и епископа постави Луку Жидяту. И людемъ написа Грамоту, рекъ: по сей грамоте дайте дань. Ярославъ любяше книги прочитати И бяше храмоногъ, но умъ бяше внемъ добръ, и нарати храбръ, и Християнъ бяше, и самъ читяше книги.

Тогоже лѣта родися Ерославу сынъ, и нарече имя ему Вячеславъ.

Сущуже Ярославу вНовѣ городе, приде ему вѣсть, яко Печенѣзи обстоятъ Киевъ. Ярославъ же собра воя многи, Воряги и Словены, и прииде хКиеву веснѣ, и вниде воградъ свои многими, и Печенѣгъ безчисла видѣвъ. Ярославъже выступи изграда: и исполчи дружину, и постави Варяги посредѣ, а на правой сторонѣ Кияня, а на лѣвой Новгородцы: и сташа предградомъ. Печенѣзижъ приступиша, і начаша стреляти, и сступишася на мѣ- стр. 130 сте, ідѣже ныне стоитъ святая София Митрополия Руская; бѣ бо тогда поле вне града. И бысть сѣча зла, и едва одолѣ Ерославъ квечеру, и побегоша Печенѣзи разно: и не видяху камо бѣжаша истопоша, овии топляшеся вСитомли, а иниже во иныхъ рекахъ, а прокъ ихъ пробегоша и до сего дни.

1033

Тогоже лѣта разгневася Ярославъ наменшей братъ свой Судислава, и всади его впорубъ воПскове до живота своего; оклеветанъ бо бѣ кнему.

Влѣто Ѕ'.Ф.М.В. [1034] Влѣто Ѕ'.Ф.М.Г. [1035] Влѣто Ѕ'.Ф.М.Д. [1036] Влѣто Ѕ'.Ф.М.Е. [1037]

Свершенъ бысть градъ Киевъ, у негоже врата Златая.

Устави Ерославъ Митрополию

Тогоже лѣта свещенна бысть церковь святая София вКиеве: и устави Ерославъ Митрополию, и роспространи наипаче: и двѣ церкви постави, благовѣщение на златыхъ воротехъ, и святаго Георгия: и ины многи церкви постави, і монастыри устрои. При семъ бо Ярославе началъ вѣра Християнская разширятися и плодитися, и черноризцы начаша множитися, і монастыри начаша быти. И бѣ Ярославъ любя церковныя уставы, и презвитеры любяше повелику, и книги прочитая. И собра писцы многи, и прелагаше отГрекъ на Словенское писание, и списаша книги многи, и сниска, имиже поучахуся вѣрнии людие, наслажающеся учения божественного. Якожебо землю кто взора, а другий насѣетъ, а иниже пожинаютъ, и ядятъ пищу нескудну; тако и сей. Отецъ бо его Владимеръ взора, и умякчи, рекще, крещениемъ просвети; сей же насѣя книжными словесы сердца вѣрныхъ людей; а мы пожинаемъ, учение приемлюще книжное.

Велика бо бываетъ полза от учения книжнаго; книгами бо каземи и учимы есмы пути покаянию. Мудрость бо обретаемъ и воздержание отсловесъ книжныхъ; се бо суть реки напояюще вселенную. Се суть исходящемъ стр. 131 мости; книгамъ бо есть не изщетна глубина. Сими бо впечали утещаеми есмы, си суть узда воздержанию. Мудрость бо велика есть, якоже и Соломонъ похваляя глаголаше: азъ премудрость вселихъ, свѣтъ, разумъ и

смыслъ,

1037

смыслъ, азъ призвахъ страхъ Господень; мои совѣти, моя мудрость, мое утвержение, моя крѣпость; мною Цари царствуютъ, а сильнии пишутъ правду; мною велможи величаются, и судья держатъ землю. Азъ любящая мя люблю, и ищущеи мене обрящутъ мя. Аще бо поищеши вкнигахъ премудрости прилѣжно, то обрящеши велику пользу души своей. Иже бо святыя книги часто чтетъ, той збогомъ бесѣдуетъ, или со святыми мужми почитаетъ Пророческия бесѣды, и Евангельская учения и Апостольская, и жития святыхъ отецъ: сей приемлетъ души велику ползу.

Ярославъ же сей любляще книги зело, и многи написавъ положи всвятой Софии вцеркви, южe самъ создалъ, и украси ю златомъ и сребромъ, и сосуды церковными, внейже службы обычныя. И иныя церкви ставяше по градомъ и по мѣстомъ, и почитая священники, и дая имъ отъ имѣния своего оброки, и веля имъ учити люди, понеже тѣмъ есть поручено отбога, учити и наставляти люди, і тѣмъ дати о нихъ отвѣтъ. И тако священницы учаху люди благочестию, и приходити кцерквамъ; и умножишася священницы и людие Християнстии. Радовашеся Ярославъ, видя множество святыхъ церквей, и людей Християнъ сущихъ: а дияволъ сѣтоваше побежаемъ новыми людми Християны.

Влѣто Ѕ'.Ф.М.Ѕ. [1038]

Іде веснѣ Ярославъ хКиеву; а на зиму ходи на Ятвяги, и не може ихъ взяти.

Влѣто Ѕ'.Ф.М.З. [1039]

Священа бысть церкви святыя богородица Митрополитомъ Ѳеопемтомъ, южe созда великий Володимеръ, отецъ Ярославль.

Царство Греческое Костянтина, брата Василиева, иже царствова по Царѣ граде лѣтъ В.

І понеже не щадитъ никогоже адъ всеядецъ; и объя- стр. 132 ша и Василия челюсти смертныя, и Греческое утвержение

1039

смилашеся, яко пшеница, но обаче преставися во глубоцей многолѣтной старости. Царьская же хоругви и Греческая власть кбрату его Константину тече; но обаче истинствующии притча подави тширъ и купель оттѣхже перстей. Жития убо братенцу сия бяху разна, другъ отдруга отстояще многочисленными числы. Елико бо Василие сласти, отринувъ поучение братне, творяще житие свое, присно почитая доброконники, и оруженосцы, и желѣзощитники, и на брани уготовлены: толикоже бяше Костянтинъ ни зрѣти терпяше листныя оклопи, и желѣзныя одежда и сапоги, и ни клолотъ оружныхъ слышати поне ни воснѣ, ни трубный вопъ ратный, ни крычании мужескихъ, ни гласовъ злоратноплищныхъ. Но и впищахъ упражняшеся присно, и плотскихъ трапезахъ, и о женахъ радовашеся присно безстудныхъ и греливыхъ, любящехъ ликованиe і свирѣли и гусли. Пачеже и многовременный и сѣдъ и престарѣ, душуже страшливосерду и трясущуся имый, от худа помысла, сирѣчь отмнѣния множайше ослепльшесь, и оболгующихъ каплющее лукавство, и отступлене, яко сладость приимаше. Имяше точию две дщери, и оттѣхъ колебля житие, и увидѣвъ отвѣкихъ, яко власть по немъ на Романа прейдетъ, на единого отсинглита, по рекломъ Аргиропола, принужаетъ мужа обрученицу свою и жену отложити первую, и припрящися Зои Багрянородный своей дщери. И сие увещавъ преходитъ отжития вмале самодержца насладився.

Царство Греческое Романа Аргиропула, сий рѣчь Сребропродавца.

По Костянтине вседаетъ на Царския престолы Романъ, и царствова лѣтъ Е. и мѣсяцъ И.: мужъ премудръ и благочестивъ, поучаясь вбожественныхъ и о книгахъ радуяся много, и стоянихъ всенощныхъ, и желѣзовеликолѣпенъ Богородицы отроковице созда храмъ, емуже звание Перивлептъ. И стр. 133 убо Царица юностию цветущи, і клопоты плотными распалаема, и видящи Романа особно живуща, и непоминающа, яко привязанъ есть женѣ, ниже яко живетъ сженою пачеже юнною лукавыми нѣкими и злыми помыслы Царица уязвлашеся. Бѣ же нѣкто благообразенъ и доброзраченъ юноша, имяже сему Михаилъ, родемъ от Пеѳлагонъ. Тому убо Михаилу радостне образне воцарскихъ дворехъ живущу, Царица похотный нань возложивщи взоръ, и личный его видѣвши доброты и заря; бяше бо младъ, благозрачевъ, радостенъ, бѣлъ, румянъ, похотными капля росами похотнеже примешашеся, и прилежне обоимаше отлица Михайлова

1039

благодатныя цвѣты. И убо вкогда Роману Царю плоть упокоевающу банею и утешающу, мужие нѣцы радующеся злу убивственне нападше, и удавивше его, яко змия обвившеся о выи его, невѣде како и откуду наведени бывше; или, якоже глаголютъ, и Зои Царицы на се изволивше, или невѣдуще ей никакоже; ибо не вмамъ, что рещи.

Влѣто Ѕ'.Ф.М.И. [1040]

Ярославъ иде на Литву.

Влѣто Ѕ'.Ф.М.Ѳ. [1041]

Ярославъ иде на Мозовшане влодияхъ.

Влѣто Ѕ'.Ф.Н. [1042]

Іде Володимеръ, сынъ Ярославль, на Ямь, и победи я, и плени множество Ями. И помроша кони у Володимеровыхъ вой, яко еще дышущимъ конемъ здираху кожи снихъ зживыхъ; таковъ бо бѣ моръ на кони.

Влѣто Ѕ'.Ф.Н.А. [1043]

Посла Ярославъ повоевати Царя града

Посла Ярославъ сына своего Володимера на Греки, и давъ ему воя многи: и воеводство поручи Вышатѣ, Яневу отцу. И пойде Володимеръ на Царь градъ влодияхъ; и прошедше пороги, придоша кДунаю. Рекоша же Русь Володимеру: станемъ здѣ на поле; а Варязи рекоша: пойдемъ под городъ. И послуша Володимеръ Варягъ, и отДуная пойде свои поморю коЦарю граду. Грецыжъ, видѣвше ихъ, изыдоша на море, и начаша погружати пелены вмори смощми святыхъ. И божиимъ гнѣвомъ возмутися море, и громъ бысть великъ и силенъ, и буря великий; и на- стр. 134 чаша лодьи розбивати и карабли, и побегоша Варязи вспять, и княжъ корабль Володимеровъ разби вѣтромъ, и едва Иванъ Творимиричь князя Володимера всади всвой корабль и воеводы Ерославля: а прочииже вои Володимеровы выверженi быша на брегъ, числомъ Ѕ'. И сташа на брезе нази, и хотяше пойти вРусь; и не иде сними никтоже отдружины княжи. Всеводаже Вышаша видѣвъ дружину стоящу, и рече: нейду къ Ярославу; и выйде

1043

искоракорабля квоемъ, и рече Вышата: азъ иду сними; ащели живъ буду, сними; ащели погибну, здружиною. И пойдоша хотящей вРусь.

Греческий Царь Мономахъ

И бысть вѣсть кГрекомъ, яко избило море Русь: и пославъ Царь именемъ Мономахъ по Руси оляди Д.І. Володимеръ же видѣвъ ихъ содружиною, яко идутъ по нихъ, и воротися Владимеръ, изби оляди Греческия, и возвратися врусь, всѣдшей кождо вкорабли своя. Вышатуже яша Грецы со изверженными на брегъ, и приведоша коЦарю граду, и ослепиша его, и Руси много. По трехже лѣтехъ миру бывшу, пущенъ бысть врусь Вышата къ Ярославу.

Тогоже лѣта дастъ Ярославъ сестру свою за Казимера.

Втоже лѣто обидяше Мойславъ Казимера, и ходи Ярославъ двожды на Мазовшане влодияхъ. И рече Казимеру: елико отецъ твой Болеславъ полонилъ людей моихъ за ся, то вдай ми за вено. И собра Казимиръ людей полоненыхъ Руси осмь сотъ, кромѣ женъ и детей, и вда за вено Ярославу, шурину своему. Сейже Казимеръ дастъ сестру свою за Изяслава, сына Ярославля.

Влѣто Ѕ'.Ф.Н.В. [1044]

Выгребоша кости дву князей, Ярополка и Олга, братии Владимеровыхъ, сыновъ Святославлихъ: и крестиша кости ихъ, и положиша вцеркви святыя богородица вВолодимере, южe бѣ самъ создалъ благовѣрный князь Владимеръ, крестивый всю землю Рускую.

Тогоже лѣта ходи Ярославъ на Литву; а на весну заложи Новъ городъ, и содѣла и.

стр. 155 Тогоже лѣта умре Брячиславъ Полоцкий, сынъ Изяславль, внукъ Володимеръ, отецъ Всеславль. І Всеславъ, сынъ его, седѣ на столѣ отца своего. Сегоже ради мати от волхвования; матери бо родивши его, бысть язвена яма на главѣ его; рекоша бо волсви матери его: се язвено навяжи нань, да носитъ е до живота своего. Иже

1044

носилъ Всеславъ и до смертнаго дни на себѣ; сего ради и немилостивъ былъ на кровопролитие.

Влѣто Ѕ'.Ф.Н.Г. [1045]

Заложи церковь Софию

Заложилъ Владимеръ Ярославичь церковь святую Софию вНовѣ городе.

Влѣто Ѕ'.Ф.Н.Д. [1046] Влѣто Ѕ'.Ф.Н.Е. [1047]

Иде Ярославъ втретий на Мозовшаны, и победи я, и князя ихъ Мойслава уби, и покори землю ту Казамиру.

Влѣто Ѕ'.Ф.Н.Ѕ. [1048] Влѣто Ѕ'.Ф.Н.З. [1049]

Мѣсяца Марта въ Д. день суботный, згорѣ вНовѣгороде церковь святыя София: бѣша бо честно устроена и украшена, Г.І. верхи имуще; а стояла конецъ Пискупли улицы надВолховомъ, идеже ныне поставилъ Сотко Святаго Бориса и Глѣба.

Тогоже лѣта преставися княгиня Ерославля.

Влѣто Ѕ'.Ф.Н.И. [1050]

Священа бысть церковь святыя Софии вНовѣ городе, на воздвижение честнаго креста, при князи Ярославли, и сыне его Володимере, епископомъ Лукою Жидятою.

Влѣто Ѕ'.Ф.Н.Ѳ. [1051]

Поставленъ бысть Митрополитъ на Руси своими епископы.

Ярославу, сыну Владимерову, внуку Святославлю, со Греки брани и нестроения быша: и сице Ерославъ съ епископы своими Рускими свещавше, умыслиша по священному правилу, и уставу Апостольскому сице. Правило святыхъ Апостолъ А. е: Два или три епископы да поставляютъ единого епископа. И по сему священному правилу и уставу божественныхъ Апостолъ, сошедшеся Рустии епископы, поставиша Илариона Русина Митрополита Киеву и всей Рустей земли, не отлучающеся отъ православныхъ Патриархъ и благочестия Грече- Иларионъ Митрополитъ

1051

скаго закона, ни гордящеся отнихъ поставляшися, но соблюдающеся от вражды и лукавства, якоже быша тогда.

Начало о Печерскомъ монастырѣ, и повесть извѣстна, что ради прозвася Печерский монастырь.

Се да скажемъ, что ради прозвася Печерский мона- стр. 136 стырь. Боголюбивому князю Ярославу любяще Берестовое, і церковь ту сущую святыхъ Апостолъ Петра и Павла, и соборъ многъ вней собравшу священниковъ, и всяческими потребами удоволившу, и чествовавъшу: внихже бѣ презвитеръ, именемъ Ларионъ, мужъ благъ, книженъ, и постникъ, хожаше зберестового наднепръ, на холмъ, на ветхий монастырь Печерский, и ту молитву творяще; бѣ бо тамо лѣсъ великъ тогда. И ископа Печерку малу дву саженъ: и приходя зберестового, отпеваше часы, и моляшеся богу тамъ втайне. По семже паки вложи богъ Князю всердце, и постави его Митрополитомъ во святей Софии Киеву и всей Руской земле; і сия печерка остала пороздна, не бысть вней никогоже.

И не по мнозехъ днехъ бѣ нѣкий человѣкъ, именемъ мирскимъ, отграда Любецка: и вложи богъ сему всердце, ити встрану; і устремися во святую гору, и виде тамо монастыри сущия, обходивъ ихъ, и возлюби мнишеский образъ. И прииде во единъ от монастырей тамо, и умоли Игумена тамо сущаго, дабы нань возложилъ мнишеский образъ. Онже послушавъ его, постриже, і нарекъ имя ему Антоней: наказавъ его и научивъ его мнишескому чину. И рече ему: иди врусь спять, и буди благословение отСвятыя горы на тебѣ. И рече ему: яко оттебѣ мнози черноризцы имутъ быти. І благословивъ отпусти его, рекъ: иди смиромъ. Антонийже приде хКиеву, помышляя, гдѣ бы хотѣлъ быти; и ходи по монастыремъ, и не возлюбивъ, богу нехотящу: и поча ходити по дебремъ и по горамъ, ища, гдѣ бы ему богъ показалъ. И приде на холмъ, идеже бѣ Ларионъ ископалъ печерку,

1051

и возлюби мѣсто се, и вселися вней; и нача молитись богу со слезами, глаголя: Господи! утверди мя вмѣстьцы семъ, да будетъ на мѣсте семъ благословение Святыя горы, и моего Игумена, иже мя постриже. И поча жити ту бога моля, ядый хлѣбъ сухъ, и токъ черезъ день, и воды пия вмѣру, копая печеру, і не дая себѣ упокоя, день и нощь втрудехъ пребывая, во бдении, и вмолитвахъ. стр. 137 Посемъ же увѣдаше его добрии человѣцы, і прихожаху кнему, приносяще ему еже напотребу: и прослылъ великий Антоний, и приходяще кнему просяху у него благословения.

Посемъже преставльшуся великому князю Ярославу приа власть сынъ его Изяславъ, и седе в Киеве. Антонижe прославленъ бысть врустей земли. Изяславъже увѣдевъ житие его, приде кнему содружиною своею, прося у него благословения і молитвы святые его. И увѣданъ бысть всѣми великий Антоний і чтомъ, и начаша приходити кнему братия, и нача примати і постригати я. И собрася кнему братии числомъ В.І., ископаша печеру велику, и церковь, и кѣлия, иже суть и до сего дне впечере подветхимъ монастыремъ.

Совокупленейже братии, рече имъ Антоний: се бо Господь васъ, братия, совокупилъ, и отблагословения есте Святыя горы, и отИгумена, иже мя постриже, а азъ васъ постригалъ; да буди благословение на васъ, первое отбога, второе отСвятыя горы. И се рекъ имъ: живитеже себѣ, и поставлю вамъ Игумена; а самъ хощу ити во иную гору, и сѣсти единъ, якоже обыклъ бѣхъ, уединився. І постави имъ Игумена Варлама: а самъ иде вгору, и ископа печеру, яже есть под новымъ монастыремъ, и внейже сконча животъ свой: поживеже вдобродѣтели, не выходя испечеры лѣтъ М., внейже лежатъ мощи его и до сего дне.

Братияже со Игуменомъ живяху; и умножишася братия вПечере, и помыслиша поставити вне печеры монастырь. І прииде Ігуменъ и братия ко Антонию, и

1051

рекоша ему: отче, умножишася братия пощениемъ и молитвою и бдениемъ. Антоний бо не имѣ злата ни сребра, но стяжа слезами и пощениемъ, якоже глаголахъ. Варламужъ шедшу кстарцу Антонию, и рекоша братия Антонию: постави намъ Игумена. Онъже рече имъ: кто болий васъ есть, якоже той Ѳеодосий послушливый, кроткий, и смиренный? да сей будетъ вамъ Игуменъ. Братия- стр. 138 же ради быша, поклонишася старцу, и поставиша Ѳеодосия игуменомъ братии числомъ З.І.

Ѳеодосиюже приимшу монастырь, поча имѣти воздержание и великое пощение и молитвы со слезами: и нача совокупляти многи черноризцы, и совокупи братии О уставе Студийскомъ числомъ Р., и нача искати правила чернеческого. І обрѣтеся тогда Михаилъ, чернецъ монастыря Студинского, иже бѣ пришелъ изГрекъ сМитрополитомъ Георгиемъ: и нача у него искати устава Чернеческого Студинского монастыря; и обретъ у него Ѳеодосий, и списа вся уставы святыхъ и блаженныхъ иноковъ великихъ отцевъ, и устави вмонастыри своемъ, како пѣти пѣния монастырская, и поклоны како держати, и чтение почитати, и стояние вцеркви, и весь рядъ церковный, на трапезе седание, и что ясти вкия дни все со уставлениемъ. Ѳеодосижъ всего изообрете, предастъ монастырю своему: и оттого монастыря переяша вси монастыреве уставъ; тѣмже почтенъ есть монастырь Печерский старѣе всѣхъ.

Ѳеодосиевиже живущу вмонастыри, правящу добродѣтельное житие и чернеческое правило, и приимающу всякого приходящаго кнему: кнемуже и азъ пришелъ, худый и недостойный рабъ, и приятъ мя лѣтъ М. сущи вмонастыри: а лѣтъ З.І. отъ рождения моего постригохся во иноческий образъ. Сеже написахъ и положихъ, въ которое лѣто началъ быти монастырь, и что ради зовется Печерский: а о Ѳеодосьеве житье инде скажемъ.

Тогоже лѣта приде вКиевъ трие певцы отГрекъ сроды своими.

Влѣто Ѕ'.Ф.Ѯ. [1052] 1052

Преставися Володимеръ, сынъ Ярославль старѣйший, вНовѣ городе, мѣсяца Октября въ Д. день внедѣлю; и положенъ бысть во святей Софии, южe бѣ самъ создалъ.

Влѣто Ѕ'.Ф.Ѯ.А. [1053]

Родися у Всеволода, сына Ярославля, внука великого Володимера, сынъ Володимеръ Мономахъ, отЦаревны Грекины.

Влѣто Ѕ'.Ф.Ѯ.В. [1054]

Вчетвертое лѣто Михаила Пафлогонина, Греческого Царя, преставися Князь великий Руский Ярославъ, сынъ великого Володимера.

Ещеже живущу ему, наряди сыны своя, рекъ имъ: се стр. 139 азъ отхожу свѣта сего, сынове мои! имѣйте всебѣ любовь, понеже вы есте братия единаго отца и матери. Да аще будете влюбви межи собою, богъ будетъ ввасъ, и покоритъ сопротивныя подруки ваша, и будете мирно живуще; ащели будете ненавистно живуще, враспряхъ, и которающеся; то погибнете сами, и погубите землю отецъ своихъ и дѣдъ своихъ, иже налѣзоша трудомъ своимъ великимъ. Но пребывайте мирно, и послушайте братъ брата. Сеже поручаю всебѣ мѣсто столъ свой старѣйшему сыну своему, Изяславу, брату вашему, Киевъ; сего послушайте, якоже и мене послушасте, да той вамъ будетъ вмене мѣсто. А Святославу даю Черниговъ, а Всеволоду Переславль, а Игореви Володимеръ, а Вячеславу Смоленескъ. И тако раздели имъ грады, и заповѣдавъ имъ, не преступати предѣла братня, ни изгоняти, рекъ Изяславу: аще кто хощетъ обидити брата своего, то ты помогай, егоже обидятъ.

И тако наряди сыны своя пребывати влюбви, а самомуже больну сущу, и пришедшу кВышегороду, разболѣся вельми: Изяславу тогда сущу вКиеве, а Святославу вВолодимере, а Всеволоду у отца; бѣ бо любимъ отцемъ

1054

паче всея братии, егоже имяше присно у себѣ. Ярославужъ приспѣ конецъ жития, и предастъ блаженную свою душу Господеви, мѣсяца Ѳевраля въ К. день, всуботу, А. недѣли поста, на память святаго мученика Ѳедора Тирона. Всеволодъ же спрятавъ тѣло отца своего, возложъ на сани, повезоша хКиеву, поповежъ обычныя пѣсни поюще: и плакахомъ по немъ людие вси и Всеволодъ; и принесше положиша враце мраморяне, вцеркви святыя Софии. Житъже всѣхъ лѣтъ О.Ѕ.

Прииде Изяславъ кНовугороду, и посади Остромира вНовѣ городе. И иде Остромиръ сНовгородцы на Чюдь, и убиша й Чюдь, и много Новгородцевъ сними паде. И па- стр. 140 ки Изяславъ иде на Чюдь, и взявъ Осехъ Кединипъ, сирѣчь, солнечная рука.

Царство Греческое Михайла Пефлагоненина.

По Романежъ воцарися Михаилъ Пефлагоненинъ, царствова лѣтъ З. и мѣсяцъ И. Сей приятъ скиптры, иже преже мала неявленъ и смиренъ человѣкъ родомъ. Бѣ же добръ Михаилъ не токмо образомъ, но сияше и благодатми, иже добродѣтели ражаютъ, душевныя красоты и умная светила; разумеваше бо, яко смысленъ, и всебѣ смотряше, откакого смирения взыде на царство, и откаковыя худости на каковую высоту взятся. И сего ради бысть благоувѣтливъ, негорделивъ, смиреномудръ, преклоняяся на милость, и ущедряя злостражущихъ, и утешая убогихъ, и обогащая нищихъ, и увядшая злобою не имѣния оживляя и посещая, и златострунными водами напаяя жаждущихъ. Никтоже бо того видѣхъ, отхожаше слезы точа; никтоже помолився, отвѣде скорбя. Но убо стерзашеся недугомъ лютымъ, якоже Саулъ лютою удавою бесовскою, и житие болѣзнево имяше и бѣдно, или отболезненыхъ временъ омрачался и подая, или нужнымъ мучителемъ бѣсомъ боримъ; множицею бо наземлю безгласа пометашесь, пени теща изоустъ, и слины точа, уставѣ имѣя сини, и очи развращены, и гласы испущая злый неподобны, яко овча. І аще не прилучахусь нѣцыи помогающу о страсти ему, биаше главу свою о стену, яко чюждю. От сицевыя бо страсти воспрянувъ, теплейший бываше добродѣтели дѣлатель, и множае прилежаше, еже отсихъ здравию душевному, иноческое житие паче жедаше.

1054

Бяше же ему единокровницы, и оттѣхъже семенъ, сирѣчь братия, мужие зловраннии вѣщый, лютии и хищницы, мужие сластолюбивии, скотни, и злооблични пачеже и свиножительны, и говядопасцы, и говядоре, мужие овча живущии вбезумии, и Царевымъ плодомъ пекущеся, и дубовымъ желудмемъ. Таковымъ убо братиямъ сущимъ Царевымъ, и взлыхъ первенствовавшего, иже бѣ и родомъ той первый, стр. 141 скоплевъ же бѣ сей издавна изрѣзанымъ тайнымъ удомъ его, человѣкъ злодѣлатель, нравомъ лукавъ, скверноуменъ, иже приемъ попечение гирокомства, и прочая вся власти водаше горе и долу, во всемъ державному являшеся точенъ. Сей убо увещаетъ Михаила Царя, брата своего, сына своего присвоити Царицы Зои. Царь убо Михаилъ послушавъ его, анепѣсия сына своего, сирѣчь братия сына, именемъ Михаила Калафата, женѣ своей и присвоетъ, и кесарскимъ венцемъ скотнаго украшаетъ, точнаго свинии умомъ; яко да помогаетъ Царицы царствия карабль правити. Самъже придавляемъ и стужаемъ от страсти обычныя ему, во одежду облачится лучшую багряницу, духовнымъ черниломъ ризы своя очернивъ, сирѣчь, вмѣсто царския багряница иноческая наложивъ, и ктишине пришекъ отмногаго мятежнаго жития. Оттоле убо Царица приятъ попечение власти, снеюже бяше правя Михаилъ Калафатъ Кесарь Д. мѣсяцы и дни К.

О Царица Зоя Греческую власть Самодержца мужа требовати умысливши; ибо тѣмъ восприятие и рожства жажущи, і желающе дѣтородна услышатися, и чадомъ мати: отдвою бо вертаградорю яко древо наполвшися, сий рѣчь, двоимъ мужемъ припрагшися, и безплодна бывши: тѣмъ и мужа нѣкоего красна, имевемъ Костянтина, изЛезвы приводитъ корабли ветрилоперными, егоже и Манамаха нарицаху очимъ прирскомъ: ибо осуженъ втомъ островe жити от перваго Михаила царствовавшаго. Глаголютъ убо, яко царство покусився восхитити; иниже глаголютъ, имже не ложенъ языкъ, зане яко примесися похотне и Зои Царицы; сего ради вЛезву юсужаетcя сей Костянтинъ; ксимъже вмале не пострадавъ и очнымъ зѣницамъ угашенье. Сего ради, яко превратившееся вспять стр. 142 колу царствия, Михаилу оставившу скипетры того, и безмолвие лобызавшу: и по немъ сей Костянтинъ Царицею Зоею призванъ бываетъ, яко обыченъ ей бѣ преже, и Царь показася и Владыка, иже перье рабъ, самовладыка бысть осуженный, самодержецъ связаный, і Царицу Зою уневещаетъ на бракъ. Сице неисправлено есть земленородныхъ житие; сице самодержства и имѣния коло горе і долу превращаяся, разсыплетъ и размешаетъ вся мертвеная и текущая. Похвалыхъ воображаютъ сего Манамаха, на бранехъ убо неискусна и на оруженосие, а во иныхъ великолѣпна, даролюбива,

1054

весела, свѣтлодушна, милостива, нрави даролюбию море, сребролития, изнегоже восприемше мнози потоки доброкапленыя: пролития бо повсюду источивъ, явися златопроходный Пактолосъ, Нилъ среброструнный. Познаша сего и людие длани любодаровитыя, увидеша сего и хромии красолюбныя руцѣ, нищии напоишася, і почерпоша всытость, всякъ храмъ восприятъ напоения златоточная. Сице обща бѣ река всюду наводняема; издаваше бо даромъ нескуднопролитная излияния, яко невотлачныя проходы вобидимыя и нищия. Ибо Ксерксъ, прегордый онъ Персомъ Царь, поддобрую тополу, сирѣчь подрево, восклонився во время жатвы, и сего ради красатами бездушнаго древа садъ почиташе. Овогсже, сирѣчь Костянтина, и камения і садовия, островы и пристанища дарми упокоишася доброросными, и присносгекущими. Сице богату душу и велику имаше, и аще кто разумѣти хощетъ великодушие его, добросѣзданный храмъ уверитъ ему вещи, егоже отосновании воздвиже, и откорень стр. 143 первыхъ божественному Мученику и победоносцу Георгию. Но и добрыми цвѣты всѣтяся добродѣтели листвиемъ, яко финикъ. Но и убо зело недуженъ бяше плотию перстною; исгоболиемъ бо тяжкимъ стесашеся ногама, яко желѣзы твердыми, и яко нерешимыи оковы. И убо пребываше весь день влежахъ постеляхъ, упокоевая свои недужный нозе. Отсего разседошася нань многи волны, і напастемъ и бедамъ ветри бурнии: возстаетъ убо на Царя, и слышится всяческий онъ лютый и маниякосъ, мужъ исполинорукъ, мужъ убийца и дерзосердъ, дыхая стремлениемъ усерднымъ: той убо собравъ мужа ратныя шлемоносца и копейники, мужа исполивы тѣломъ, и доброрастныи возрастомъ, пантополии, рекше, дрeвъ водныхъ высоту имущихъ, внезапу яко облакъ сташа надглавою Царю дебелъ и мраченъ имутенъ, и червѣйший паче смолы, тяжкими дожди претя; не водными дожды, но и струями кровными, но и кровными пролитии. Постиже убо убѣжища, постиже градовы, идяше претя яростию, и дыхая паче Кентавръ, яко Кананевъ велерѣчюя, и гордяся яко Антея, и кто убо надѣяшася избегнути отзлобы толикия. Но и хранимый божиима дланма, не убоится Исполинъ, ни зверей устрашится, ниже вострепещетъ железа ни Каркинегыхъ устъ; имать бо поборника Бога паче всякого тяжка камения, и крѣпости находящихъ, паче Тигрскаго зверогонителя Мивда, и паче видимыхъ и невидимыхъ: тѣмъ и всесильною десницею разгна темныя облаки таковыхъ золъ, и восия солнце свѣтлыя луча, и видяше свѣтъ тишины Царь и градове; бысть бо вребра прободенъ злый звѣрь, подвигнувый таковая мучители, і вси избегоша от звероядныхъ его челюстей.

1054

Посихже паки терникъ въ другое зло произыде, другий стр. 144 звѣрь, подобенъ тому, егоже Даниилъ провидѣ древле, попирая вся, и развевая, и ногами истирая, а оставшая сокрушая зубы; но и сего восхити судъ не избезбожными стрелами того сострелявши, и звѣря уязвивши язвами напрасными, і тогда обиятъ Самодержца тишина немутная, не имущи приложения бурного. Да якоже притужаху лютии недузи К. Костянтина, и брения телеснаго естества прошаше, сирѣчь умерти; никтоже бо отприемшихъ плоть тоя угоньзнетъ. Царствияже скипетры на багренородную абие Ѳеодору преходитъ, Зоину сестру: ибо Царица Зоя преже умерла бѣ. Сияже Ѳеодора навластную вмале вседше колесницу, исхожение свое увидевши, еже истела: бяше же, яко глаголютъ, неискусна плотскимъ сквернамъ, и сего ради мужа нѣкоего долго живша и седа и трясущася возводитъ всадника на колесницу царствия, емуже имя Михаилъ глаголемый Аластратиотихъ.

Царство Греческое Михаила старца Аластратиотиха, иже царствова лѣто едино і днии Ѕ.І.

Сей убо Михаилъ множительными украшашеся верхи, и долгостаростными; вспять убо достигшихъ и заподомъ жития, принемъже Греческое военачалие оскудеваше, яко пристарце и немощне, во иныхъже добронравенъ и изященъ бѣ. Но убо не возможе сердечныя отрасли на свѣтъ произвести, и показати сущей воглубине класъ, рекше сына родити, наслѣдника царствию; ибо обдержаху всю власть Ѳеодорины сродницы первые Царицы, не брещи о Михайле, яко безвремянную зелку безлиственну и стару, и уже увядшу. И понеже и свазанъ бѣ отѲеодоры Царицы страшными клятвами, яко да предастъ сродникомъ ея вся правити и словещми: самъже бѣ яко сѣнь, и званиемъ точию Царь; а прочая руками онехъ правляхуся, ихже пестуны Михаилу остави Ѳеодора и хранителя и строителя, и власти его отца: двои пѣстуввны бо суть старцы по притчи, сирѣчь, во младенстве требую пестунъ, второеже впослѣдней старости. И елицыже пристави Ѳеодора властеля, стр. 145 тѣмъ и приходяще и приступающи книмъ, и по воли ихъ творящии: сии почерпаху обилия даровъ. Человѣцыхъ воинственнии, и ратемъ искусни, и откорене славныхъ прозябший, ихже отечество и родъ отхрабрыхъ: сии яко сосудъ нѣкий скудельничь приметахусь и небрегоми. Увѣритиже иматъ глаголемое Комнинъ онъ, емуже имя Исакие, иже во храбрости имяже прослутие велико, і руцѣ и персти доброуказани нарашь. Сей приступи кМихаилу, и плодовъ своихъ

1054

труды пожати отнего восхотѣ, сирѣчь достойныя дары, и надежи не получивъ, ни пожатъ цвѣтны, но и паче поругания обрѣте терния отзлыхъ вертоградарь властныя ограды, сий рѣчь Ѳеодориныхъ приставникъ: и гневевъ бывъ возрѣ, и устремися на отступление отМихаила, и придруживъ Дуку Костянтина и многи іны великихъ богатствомъ кипящихъ, и роду начала свѣтла имущихъ, и собрався изосия оружники, нападе на Царя, хотя его сопрестола соврещи. Услышавъже сия Михаилъ трясущийся старецъ, и судивъ паче себѣ недостойна быти сану, яко гробна уже старца и гнила, готовъ слести спрестола и уступити: но иже корабль властный устроение правити нехотяще спасти его, но потопити волнами тяжко шумящими на брань, и не хотяще старца подвизаютъ вмале непогребена наополчение. Отсего брани межусобныя, и десницы Греческия на Греки сулица острятще, и копия омокаеми кровми междуусобными, и серпъ простирашеся разделяя соединение, и друга на друга подвиже яко во мраце, и чада единого отца другъ на друга сверепея. Бываетъже Комнинъ изящнее вбрани, и градъ первый градовомъ Царь градъ постигъ безпервою борзостию, и венецъ возложивъ на ся, Самодержецъ показася.

Царство Греческое Исакия Комнина.

стр. 146 По Михаиле же царствова Исакие Комнинъ лѣта В. и мѣсяца Г. Сей прикасашеся царстней власти вещми всеми, и всѣмъ приношашеся по величаю и ближнимъ и дальнимъ, и еже во властехъ и славопиввое и злое лоскание и того кормление, сирѣчь, лесть и лукавство отдуша ненавидяше. Отсего убо тяжекъ многимъ мняшеся, и яко горделивъ; но обаче насладися власти не надолгообратныхъ солнцехъ, сирѣчь лѣтехъ, но еже бы рещи, яко злакъ процвѣтъ, и по мале увяну лютыми недуги: и Костянтина Дуку украшаетъ царствия образы, яко отверзоша ему многа имениемъ царскимъ сокровища, и поспешествовавша ему нанервое воцарение. Самъ же жестокое житие, еже побозе восприемъ, одеявся вризы черноsрачныя, и уставвъ себѣ житиемъ, и дѣлы долготрудными, много ревностию и добродѣтельною кончиною житие свое скончеваетъ.

Царство Греческое Костянтина Дуки.

По Исакииже Дука Костянтинъ приимъ царствия правление на З. лѣтъ, и мѣсяцъ Ѕ., днии І. Сей четверицу златую царствия правляше равне, ниже удержая стремление борзости даи себѣ, и беспутиемъ теча; но обоя востязая коснение и борзости скорость, и отбегая, еже по брегохъ и

1054

беспутныхъ мѣстехъ гонити, і отколесничныхъ и конскихъ уристании уклоняяся зело. Седмочисленнымиже чады царствия домъ утвердивъ, якоже седными столпы известне утверженными, и хотя прейти отжития, и житейскихъ молву безчисленныхъ печалей имѣя на сердце, и бурями помашеся попечение различныхъ: любляше бо Царицу, и хотяще сию быти чадомъ и его хранительницу, но и забирраше паки младости возраста ея; разжизании бо и разгорении плотскими цвѣтяше, яко досего ради паки на бракъ уклонится, и мати будетъ дѣтемъ инороднымъ; отсего прозябшии отнего увянутъ, а держава царствия прейдетъ ко стр. 147 иноroднымъ. Таковыми волнуемъ помышлении, извести Царицу отцарскихъ покушашеся, и дѣтемъ оставитъ свободно царство, и іныя тѣмъ учителя поставивъ, яко младымъ. Но и человѣческая умышления тщетна бываютъ, і сего ради промыслу божественному сия подобаетъ оставляти, иже премогаетъ, и хвалится надпомыслы, и побежаетъ совѣты сердечныя; самъ бо той глаголетъ: ни человѣческимъ умышлениемъ, но и мною Царие царствуютъ, и емуже хощу дамъ е. Увѣдевшеже Царица помыслы супружника своего Царя нотонку, егоже клятвами себѣ страшными яко узами связуетъ, еже ктому не сотворити втораго брака, но и чадомъ его власть соблюсти. И убо Дука узами естественными обятъ бывъ, и смертию земленою и тлѣнною отложивъ плоть. Евдокия же счады правляше царствия корабль; но и внезаапу возсвирѣпиша плотския буря, и воздвигоша сломутенъ вѣтръ и волны, и прещаху плавающихъ волнами потопити; чтожъ убо приключившееся повѣмъ.

Бяше Романъ нѣкий воевода, рекомый Диогенъ, радостенъ и доброобразенъ, родомъ Каппадокиянинъ, добру имѣя доброту железную, добрыиже мышца, зракомъ обогащаяся красными достойнымъ царствия. Сей видѣвъ имѣния силу Греческую женою обладаему, паче же юнною и неистовящеюся, и дѣтемъже сущимъ младымъ и маломощнымъ: нанихже онъ яко змии восвистевъ, яко на птища бесперные, ихже поглотити хваляся усты костоснѣдными, самую птищемъ матерь и сотненцы; невѣдашежъ, яко малыми соплетении уловляютъ повоеру летящая, и шенепы липоплетѣными медведя уловляютъ. Нападаетъ убо Романъ у града Ѳрачкского Андриянова, собра множество воинства, и устремися, и ополчися кцарствующему граду; ругашежеся бояромъ и воеводамъ, и расхищение посылаше земленымъ строителемъ. І помалеже Романъ волъ рыкающий и великоперсый, ухва- стр. 148 щенъ бысть исы, и приведенъ бысть мучитися и прияти

1054

дерзновению своему судъ. Видѣвже его Царица доброту, удивися, сердце похотию уязвено имѣ отвидения, и ни вочтоже дерзость Романову положивши, и оны преступивше страшныя клятвы, еже кпервому мужу своему и Царю, и похотне прилепляется связанному, и примесися Роману, и вмѣсто темница отверзаетъ ему чертоги женишеския, вмѣсто желѣзъ даруетъ ему ризы бисерныя, и одръ царский вмѣсто худыя постели, и Самодержца устрояетъ отсмерти избавльши его, во адовы челюсти вмале не впадшаго. Таковы суть твоя игры, игрече, коло житейское!

(Наборная орнаментальная концовка)