КНЯЖЕНІЕ СВЯТОПОЛКОВО.

Княжение Святополково вКиеве.

Святополкъже седе вКиеве по отцѣ своемъ. И созва Киянъ, и нача даяти имъ имѣние: ониже аще и приимаху, но не бѣ сердце ихъ снимъ, яко братия ихъ бяху зБорисомъ.

Борисуже возвратившуся своины, и не обрѣтше Печенѣгъ; вѣсть бо приде кнему: отецъ ти умерлъ. И плакася по отцы вельми, любимъ бо бѣ отцемъ паче всѣхъ стр. 114 сыновъ. И пришедъ ста на Алте; рѣшаже ему дружина отча: се дружина отча у тебѣ, пойди сяди вКиеве на столѣ отца своего. Онже рече: не буди ми, не буди ми взняти руки на брата своего старѣйшаго. Аще отецъ мой умре, то се ми буди во отца мѣсто. И се слышавше вои, разыдошася отнего; Борисъже стояше соотроки своими.

Святополкъ же исполнися беззакония, приимъ Кайновъ смыслъ, посла кБорису, глаголя: яко стобою хощу любовь имѣти, и ко отчию данию придамъ ти; а льстя подъ нимъ, какобы его погубити. Святополкъ же прииде нощию кВышегороду отай, и призва Путшу и Вышегородския бояре, и рече имъ: прияйтѣ ми всѣмъ сердцемъ. Речеже ему Путша сВышегородцы: можемъ главы своя сложити за тя. Онже рече имъ: ни повѣдующе никомуже, шедше убийте брата моего Бориса. Ониже вскоре обещашася ему сотворити се. О сяковыхъ бо Соломонъ рече: скоры суть пролити кровь безправды; тии бо приобщаются крови, и собираютъ себѣ злая; сихъ бо путие скончавающихъ беззакониемъ и нечестиемъ свою душу отъемлютъ. Посланниiже придоша наОлто нощию, и подступиша близъ, и

1015

слышавше блаженного Бориса поюще заутреннюю: бѣ же ему вѣсть, яко уже хотятъ его погубити. И вставъ началъ пѣти, сице глаголя: слава ввышнихъ богу. И Господи! что ся умножишася стужающеи ми, мнози востаютъ на мя. И паки: яко стрелы твоя унзоша во мнѣ; яко азъ на раны готовъ, и болѣзнь моя предомною есть выну. І паки глаголаше: Господи, услыши молитву мою, и невниди всудъ съ рабомъ твоимъ, яко не оправдится предтобою всякъ живыи; яко погна врагъ душу мою, и протчая. И скончавъ ексапсалмы, и началъ пѣти псалтырь, глаголя: яко обыдоша мя юнци тучнии, и соборъ злобивыхъ оседе мя; Господи боже мой, на тя уповахъ, спаси мя, і отвсѣхъ гонящихъ мя избави. И скончавъ заутреннюю, и стр. 115 помолися глаголя, зря на икону на образъ Владычень, глаголя сице: Господи Исусе Христе, иже симъ образомъ явися на земли, спасения ради нашего, изволивыи своею волею пригвоздити руцѣ свои на крестѣ, и приимъ страсть грѣхъ ради нашихъ; тако и мене грѣшного сподоби прияти страсть сию не отпротивныхъ, но отсвоего брата: не постави ему, Господи, всемъ греха. И кончавъ молитву, вляже на одрѣ своемъ.

Убиение Борисово.

І се нападоша нань, аки дивнии звѣрие, около шатра, и насунуша и копьи, и прободоша Бориса: и слугу его, падшаго на немъ, ту прободоша снимъ. Бяше отрокъ той Угринъ именемъ, именемъ Георгий, егоже князь Борисъ повелику любляше; бѣ бо возложилъ нанего гривну злату велику, внейже преднимъ стояше. Избишаже и иныя отроки Борисовы многи. Георгиевиже сему не могоша вборзе своротa снять гривну, и отсекоша главу его, и тако сняша: последи же не обрѣтоша втрупе телеси его.

Борисаже убивше окаяннии, и вынесше ввертѣша вшатеръ, и возложивше на кола повезоша и, і еще дышущу ему. Увѣдевже сие окаянный Святополкъ, яко еще

1015

дышетъ, посла два Варяга прикончати его. Онемаже пришедшимъ, и видѣша, яко живъ есть еще, единъ ею извлекъ мечь, и пронзе и ксердцу. И тако скончася божественный Борисъ, мѣсяца Июля въ К.Д. день на память святыя Мученицы Хрестины: венецъ приимъ отХриста бога, слики Мученикъ причтеся, со Пророки и Апостолы и со всѣми святыми водворяяся, Аврааму на лоне почивая, видя неизреченную радость, воспевая соАнгелы, и веселяся влице святыхъ.

Погребение Борисово.

І положиша тѣло его, принесше отай, вВышегороде, у церкви святаго Василия.

Окаянниижe сии и трекляти убийцы Путшина чадь приидоша кСвятополку величающеся, аки нѣкое дѣло добро сотворивше, и неразумѣюще, яко хулу имуще беззакон- стр. 116 нии. Суть же имена убийцомъ законопреступицамъ: Путша, Талецъ, Елипецъ, Ляшко; отецъ же ихъ Сата бысть: и ти вси безпамяти погибоша, и ввѣки мучими суть огнемъ негасимымъ. Таковыя бо слуги бѣси бываютъ; бѣси бо на зло посылаютца, Ангели на благое посылаеми. Ангелъ бо человѣку не сотворяетъ зла, но всегда благое мыслитъ; пачеже Християномъ помогаетъ, и заступаетъ отвсякого зла и сѣти дияволя, и отсопротивного врага. Бѣси всегда на зло ловятъ и поучаютъ; понеже видятъ человѣка богомъ почтена, завидяще ему, на злое скоро слеми суть. Рече бо богъ: кто идетъ прельстити Ахава? и рече бѣсъ: се азъ иду. Такоже и злый человѣкъ тщится на злое нехудше есть бѣса. Бѣси бо бога боятца; а злыи человѣкъ ни бога боится, ни человѣкъ стыдится. Бѣси бо и креста боятца, а злыи человѣкъ и креста не боитца. Тако и сии окаяннии убийцы убивство зло сотвориша.

Убиение Глѣбово.

Святополкъже окаянныи, помысливъ, себѣ рекъ: се убихъ Бориса, како убию Глѣба. И приимъ помыслъ Кай-

новъ,

1015

новъ, посла слестию кГлебу, глаголя сице: пойди вборзе, отецъ тя зоветъ; не здравитъ бо вельми. Глѣбъ же вборзе всѣдъ на конь, вмале дружине пойде; бѣ бо послушливъ отцу. И пришедшу ему на Волгу на полѣ, потчеся конь во рвѣ, и наломи ему ногу мало: і прииде кСмоленску. И яко пойде от Смоленска, яко зрѣемо, и ста на Смядине вкораблеце. Всеже время пришла бѣ вѣсть къ Ярославу, отПередславы сестры его, о отче смерти; и посла Ерославъ кГлѣбу, глаголя сице: не ходи, отецъ нашъ умерлъ, а братъ Борисъ убиенъ отСвятополка. Сеже слышавъ Глѣбъ, возопи (*) велиимъ гласомъ], и плакася по отцѣ, паче же и по брате. И началъ молитися сослезами, глаголя: увы мнѣ Господи! лутче бы мнѣ умрети збратомъ, нежели жити во свѣте семъ мимотекущемъ. Аще бо быхъ, брате мой, видѣлъ лице твое ангельское, умеръ быхъ стобою; ныне же что сотворю азъ умиленный, и отчюженный оттвоея доброты? нынеже что стр. 117 ради остахъ азъ единъ? гдѣ суть словеса твоя, яже ми глаголалъ, брате мой любимый? нынеже не услышу тихаго твоего наказания. Да аще еси получилъ дерзновение у бога, помолися богу и о мнѣ; да и азъ туже смерть быхъ приялъ: лутче бо ми стобою умрети, неже во свѣте семъ прелестнемъ жити.

И сице ему молящуся сослезами, стенюще и плачюще, и воздыхающу, и часто бога призывающу: і се внезаапу придоша посланнии отСвятополка злыя слуги на погублени Глѣба. Святыйже Глѣбъ ехаша вкораблеце; и сретоша и усть реки Смядыни. Тогда окаяннии оступиша вкораблецехъ, и яша корабль Глѣбовъ, и обнажиша оружия; отроцы же Глѣбовы уныша. Окаянний же посланнии, имянемъ Горясѣръ, повелѣ вборзе зарѣзати Глѣба: поваръже Глѣбовъ, именемъ Торчинъ, вынявъ ножъ, и зарѣза господина своего Глѣба,

(*) Попр. Патр. велми сослезами.

1016

Влѣто Ѕ'.Ф.К.Д. [1016], мѣсяца Сентября въ Е. день, впонедѣльникъ, на память святаго Пророка Захария. І принесеся яко агнецъ непороченъ на жертву богу ввоню благоухания, жертва словесная, и приятъ венецъ отбога, вшедъ внебесныя обители, и узрѣ желаемаго брата своего, и радовашеся снимъ неизреченною радостию, и прияста венца нетлѣнныя, иже улучиста братолюбиемъ своимъ. Се коль добро, и коль красно, еже житии братии вкупе!

Окаянниижe убицы возвратишася вспять. Якоже рече Давыдъ: да возвратятся грѣшницы во адъ. Онемъже пришедшимъ, и повѣдавшимъ Святополку: яко сотворихомъ повелѣнное тобою; онже слышавъ се радъ бысть, и вознесеся сердце его болма. А не вѣдый Пророка Давыда глаголюща: что ся хвалиши возлобе силне? беззаконие весь день, и неправду умысли языкъ твой.

Глѣбу же убиенну бывшу, и поверженну на пусте стр. 118 мѣсте на брезе, межъ двема колодома, и лежа тамо долго время. И не оста вневѣдении и небрежении и пребыти оттинудь; но показася, овогда столпъ огненъ, овогда свеща горяща во дни и вноши: иногда пѣния ангельска слышаху мимоходящие гостие, иниижe ловы дѣюще, и скоты пасуще. Сииже слышаще и видяще, не бысть памяти ниединому ихъ о взыскании телѣси святаго: вси убо вѣдяху, яко у Смоленска убиенъ бысть; но не вѣдяху, гдѣ положенъ. Тогда помянуша свѣтъ, яко видѣша, и свеща впустыни: и то слышавше, послаша искати телеси святаго счестными кресты; и обретоша, идѣже бяху видели, и вземше везоша, и привезше роскопаша землю,

Погребение Глѣбово.

и положиша тѣло святаго Глѣба, идѣже лежитъ тѣло брата его, святаго Бориса, у церкви святаго Василия, якоже бо лѣпо и честно, со псалмы и пѣсньми.

1016

Совокуплена тѣломъ и душею, у Владыки всѣхъ Царя пребывающе врадости бесконечней, восвѣте неизреченномъ, подающе целебныя дары Руской землѣ, и инымъ приходящимъ страннымъ свѣрою даста исцеления: хромымъ ходити, слепымъ прозрѣние, болящимъ исцеление, окованнымъ розрешение, темницамъ отверзение, печальнымъ утѣха, напастнымъ избавление: и суть заступницы Руской землѣ, светильника сияюща, и молящеся всегда ко Владыце о своихъ людехъ.

ПОХВАЛА страстотерпцемъ Борису и Глѣбу.

Тѣмже и мы должни есмы похвалити васъ страстотерпецъ Христовыхъ, молящеся прилѣжно, и глаголюще: Радуйтася, страстотерпца Христова Руския земля, яже исцеления даста приходящимъ квамъ вѣрою и любовию. Радуйтася, небесная жителя, во плоти Ангела бывша, единомысленная служителя, верста единообразна, и святымъ единодушна. Радуйтася, Борисе и Глѣбе богомудрая, яко источника источаета откладязя воды животныя, и исцеления истекаютъ вѣрнымъ людемъ. Радуйтеся, лукаваго змия поправше, свѣто- стр. 119 зарная явистася светила, озаряющу землю Рускую всегда, и тму отгоняюща, являющася вѣрою неуклонною. Радуйтеся, брата, вкупе вмѣстехъ светозарныхъ, вселехъ небесныхъ, вславе неувѣдающей, еяже по достоянию сподобистася. Радуйтася, свѣтлая звезда заутра восходящи. Но и христолюбивая брата, страстотерпца, и заступника наше, покорита поганыя подноги Княземъ нашимъ, молящеся о нихъ ко Владыце Христу богу нашему, и мирне пребывати всовокуплении и во здравии, избавляюще ихъ от усобныя рати, и отпронырства дияволя. Сподобита же и насъ чтущихъ ваю честное торжество, во вся вѣки до скончания, Аминь.

1016

Убиение Святославле.

Святополкъже окаянныи убии и Святослава, пославъ по немъ, вгорахъ Угорскихъ; бежащу бо ему воУгорскую землю; поущаше бо и Сатана на братоубивъство.

Началъже помышляти: яко избию всю братию свою, и прииму власть Рускую единъ и землю. Сеже помысливъ высокоумиемъ своимъ. А невѣдый, яко богъ даетъ власть, емуже хощетъ, поставляетъ Царя и Князя Вышний; емуже хощетъ, дастъ. Аще бо кая земля управитца предбогомъ, поставляетъ ей Царя или Князя праведна, любяща судъ и правду, и властеля устроятъ, и судию правяща судъ. Аще бо князи праведни бываютъ вземли, то много отдаются согрешения: ащели злии и лукавии бываютъ, то большое зло наводитъ богъ на землю ту; понеже той есть глава землѣ. Тако бо Исаия рече: согрешиша отъ главы и до ногу, и еже есть, от Царя і до простыхъ людей. Люте бо граду тому и земли той, внемъже князь юнъ, любяй вино пити сгусльми, и со младыми совѣтники: таковыя бо властели даетъ богъ за грехи человѣкомъ на казнь; а старыя и мудрыя отъемлетъ. Якоже Пророкъ Исаия глаголетъ: отъиметъ богъ отъ Иерусалима крѣпкого исполина, и человѣка стр. 120 храбра, и судию праведна, и смирена старца и разумна и послушна: и поставлю юношу Князя, и имъ ругателя обладающа ими.

Княжение Святополче.

Святополкъже окаянныи нача княжити вКиеве. И созвавъ люди, нача даяти овемъ корозная, а другимъ кунами, и раздая множество всего.

О Князе Ярославе.

Ярославуже бывшу тогда вНовѣ городе, невѣдящю о отчи смерти, кормяше бо Варяги бояся рати. Варязи бо мнози бяху у Ерослава, и насилие творяху Новгородцемъ и женамъ ихъ. И собравшесь Новгородцы, рекоша

1016

всебѣ: сего мы насилия не можемъ терпѣти. И собрашася внощь, и избиша Варяги водворѣ Поромоне. И розгневася Ярославъ, и шедъ на Ракому, седѣ водворѣ; и посла кНоугородцемъ сице рече: уже мнѣ сихъ не воскресити. И позва ксебѣ нарочитыхъ мужей тысящу, иже бяху изсекли Варяги, обольстивъ ихъ иссече; а друзии бежаша изграда.

Втуже нощъ приде кнему вѣсть исКиева отсестры его отПередславы: отецъ ти умерлъ, а братъ твой Святополкъ седитъ вКиеве, убивъ Бориса і Глѣба; а ты блюдись сего повелику. І се слышавъ Ярославъ, печаленъ бысть о отце, и о братии, и о дружине. Заутраже собравъ останокъ Новгородцевъ, и сотвори Ерославъ вече на поле, и рече имъ: о любимая моя дружина, южe вчера избихъ вбезумии моемъ; но теперво ми ихъ золотомъ искупати, а ныне надобны. И утеръ слезы на вече, рече имъ: братие, отецъ мой умерлъ, а Святополкъ седитъ вКиеве, избивая братию свою; хощу нань пойти, потягните по мнѣ. И рѣша ему Новгородцы: Княже, аще братия наша избиты суть, но мы можемъ стобою итти.

І собравъ Ерославъ Варягъ А'., а прочихъ вой М'., и пойде на Святополка, нарекъ бога: не азъ началъ избивати братию, но онъ; да будетъ отмѣстникъ богъ и кровь братии моей, Бориса и Глѣба, зане безвины пролия кровь ею; егда и мнѣ сицеже сотворитъ. Но и суди ми Господи по правде, да скончаетца злоба грешного. стр. 121 И пойде на Святополка. Слышавъже Святополкъ идуща Ерослава, и пристрои безчисла вой, Руси и Печенѣгъ, и изыде противу кЛюбцу обонъ полъ Днепра; а Ерославъ обсю сторону.

Тогоже лѣта приде Ерославъ на Святополка, и сташа противу себя оба, на обѣ стороны Днепра. И не смѣяху ни се онехъ начати, ни они сехъ; и стояша три мѣсяцы противу себя, не смѣюще ся сступитися. И

1016

нача воевода Святополчь, именемъ Волчей Хвостъ, ездя возле брегъ, укоряти Новгородцевъ, глаголя: почто придосте со хромцемъ симъ, а вы плотники суще? приставимъ васъ рубити хоромъ нашихъ. Се слышавше Новгородцы рѣша Ерославу: заутра перевеземся наня; ащели кто не пойдетъ, то сами изсечемъ ихъ. Бѣ бо уже взаморозъ; а Святополкъ стояше межъ двема озерома, и всю нощь пилъ бѣ здружиною своею: и нача Днепръ мерзнути.

І бяше Ярославу мужъ вприязнь у Святополка, и посла кнему Ерославъ отрока своего нощию, и рече кнему: онсии, что ты тому велишъ творити? меду мало варено, а дружины много. И отвеща кнему мужъ той: рцы тако Ерославу; аще ти меду мало, а дружины много, то квечеру даши. І разумѣ Ерославъ, яко квечеру велитъ сещися. Ярославъ же заутра исполчився со дружиною своею противу свѣту, перевезеся на ону страну Днепра: и выеде на брегъ, и отринуша лодия отбрега, и той нощи пойдоша противу себя на сѣчю. И рече Ерославъ дружине своей: знаменайтеся, повивайте главы своя убрусомъ. И сступишася вмѣсто, и бысть сѣча зла, и не бѣ льзе озеромъ помогати Печенѣгомъ, притиснуша Святополчихъ вой ко озеру, и выступиша на ледъ, и обломися сними ледъ. И одолѣти началъ Ерославъ; видѣвже Святополкъ побеже. И одолѣ Ерославъ; Святополкъ же побеже вляхи. Ярославъ же седе вКиеве на столѣ отче и дѣдни: бѣ бо тогда Ерославъ К.И. лѣтъ.

Княжение Ярославле вКиеве.

Влѣто Ѕ'.Ф.К.Е. [1017]

Іде Ерославъ хКиеву. И погорѣ градъ, и церквей стр. 122 много, яко доседми сотъ; и опечалися Ерославъ.

Тогоже лѣта заложи Ерославъ градъ Киевъ боле первого, и златая врата постави, и церковь святыя Софии заложи, и много церквей постави, и безчисла имѣния роздая

1017

дая нищимъ. Бѣ бо Ярославъ, якоже и отецъ его, Христолюбивъ и нищелюбивъ, и всегда умъ свой напаяя божественными писании.

Тогоже лѣта приидоша Печенѣги хКиеву, і всекошася вКиевъ; и едва квечеру одолѣ Ярославъ, и победи Печенѣги, и отбегоша.

Влѣто Ѕ'.Ф.К.Ѕ. [1018]

Приде Болеславъ сСвятополкомъ, ссилою многою, и сЛяхи, на Ерослава. Ярославъже совокупи воя многи, Русь, и Варяги, и Словяны, и пойде противу Болеслава и Святополка, и приде кВолыню, и сташа оба по обе стороны реки Буга. И бѣ у Ерослава кормилецъ и воевода, именемъ Блудъ, и нача укоряти Болеслава, глаголя сице: да что ти прободемъ трескою твое чрево толстое. Бѣ бо Болеславъ великъ, и тяжекъ тѣломъ, яко и на конѣ немоги сидети; но бяше смысленъ. И рече Болеславъ дружине своей: аще вамъ сего укора не жаль, азъ единъ погибну. И всѣдъ на конь, вбреде вреку, и понемъ вои его. Ерославъ же не успѣ исполчитися, и победи Болеславъ Ерослава, и ту убиша Блуда воеводу его, и иныхъ множество победиша; а иже руками яша ихъ, тѣхъ росточи Болеславъ по Ляхомъ. А самъ вниде вКиевъ сСвятополкомъ, и седе на столѣ Володимере. И тогда Болеславъ положи себѣ на ложи Передславу, дщерь Володимерю, сестру Ерославлю. Ерославъ же убежа счетырми мужи вНовъ городъ. И рече Болеславъ: розведите дружину мою погородомъ накормъ: и бысть тако.

Ерославуже хотящу убежати заморе, и посадникъ Костянтинъ, сынъ Добрынинъ, сНовгородцы разсекоша лодьи Ярославли и глаголюще: хощемъ еще битися по тебѣ зБолеславомъ и сСвятополкомъ. И начаша збирати дань, отмужа по Д. куны, а отстаростъ по десяти гри- стр. 123 венъ, а отбояръ по И.І. гривенъ: и приведоша Варяги, и даша имъ дань; и совокупи Ярославъ воя многи.

1018

Болеславъ же седяше вКиеве. Безумныйже Святополкъ рече: елико Ляховъ по городомъ, избивайте; и избиша ихъ. Болеславъ же побеже исКиева, безчествовавъ Передславу, и взятъ имѣния много, и бояре Ярославли и сестры его: и Анастаса пристави Десятинного ко имѣнию; бѣ бо ся ввѣрилъ ему лестию. И люди множество поведе ссобою, и грады Червенския зая собѣ, и прииде во свою землю: а Святополкъ же нача княжити вКиеве.

И прииде Ерославъ на Святополка; и бежа Святополкъ вПеченѣги.

Влѣто Ѕ'.Ф.К.З. [1019]

Приде Святополкъ со множествомъ Печенѣгъ; Ерославъ же собра вой множество, и изыде противу ему на Алто, и ста на мѣсте, идѣже убиша Бориса; и воздѣвъ руцѣ на небо, и рече: кровь брата моего вопиетъ ктебѣ, Владыко, мсти кровь праведнаго сего, якоже мстилъ еси кровь Авелеву, положивъ на Каине стенание и трясение, тако положи и на семъ. И помолився, и рече: братия моя! аще тѣломъ отшли есте отсюду, но молитвою помозита ми на противного сего убийцу гордаго. И се ему рѣкшу, пойдоша противу себѣ, и покрыша (*) Лещкое] поле обои от множества вой: бѣ же пятокъ тогда, восходящу солнцу; и сступишася обои, і бысть сѣча зла, яко такова вруси не бывала, за руки емлю емлющеся сечахуся. И сступахуся трижды, и по удолиемъ крови текущии; мнозиже вѣрнии видяху Ангелы помогающа Ярославу. И квечеру одолѣ Ерославъ, а Святополкъ побеже.

И бежавшу ему, страхъ нападе нань, и разслабѣша кости его, и не можаше сидѣти. И несяху его на носилахъ, и принесоша и кберестию, бегающе снимъ. Онже стр. 124 глаголаше: побѣгнете со мною, женутъ по насъ. Отроцы же Святополчи выслаху противу, егда кто женитъ по немъ: и не бѣ видети никогоже, и бежаху снимъ. Онже

(*) Попр. Альтцкое.

1019

лежа внемощи, и восхапився глаголаше: а се женутъ по насъ! побегните. И неможаше терпѣти на единомъ мѣсте: и пробежа Ляцкую землю, гонимъ божиимъ гнѣвомъ, і прибеже впустыню межю Чахи и Ляхи, и ту испроверже злѣ животъ свой. Егоже по правде, яко праведну сущу суду пришедшу нань, и по отшествии сего свѣта прияша муки окаянного; показаша яве посланная нань пагубная рана, и всмерть немилостивно вогна, і по смерти немилостивно мучимъ есть, связанъ во днѣ аду. Есть же могила его впустыни і до сего дне; и сходитъже отнея смрадъ золъ: ибо разседшися земля пожре его.

Сеже богъ показа на показание княземъ Рускимъ, да аще сице творятъ се слышавъше, тужъ казнь приимутъ, но и большии сея; понеже вѣдуще се бывшее, сотворитъ зло братоубийство. О казнехъ Понеже седмь мъстии приятъ Каинъ убивъ Авеля, а Ламехъ О.; понеже бо Каинъ уби невѣдый отмщения прияти отбога, а Ламехъ вѣдый казнь бывшую на прародителе его, сотвори убийство. Рече бо Ламехъ къ своима женама: мужа убихъ во вредъ мнѣ, а юношу въ язву мнѣ; тѣмже, рече, О. мстии на мнѣ: понеже, рече, вѣдая се сотворихъ. Сей Ламехъ уби два брата Енохова, и поя себѣ женѣ ею. Сииже окаянный треклятый Святополкъ, новый Ламехъ, иже ся родилъ бѣ отъ прелюбодеяния, якоже и Авимелехъ, иже изби братию свою О., сыны Гедеоновы, тако и сии бысть.

(Наборная орнаментальная концовка)

КНЯЖЕНІЕ

1019