КНЯЖЕНІЕ ВЛАДИМИРА ВЕЛИКАГО.

Нача княжити Володимеръ вКиеве.

Начатъ княжити Володимеръ единъ вКиеве. И постави болванъ на холмѣ, внѣ двора теремного, Перуна древяного, глава сребряна, усъ златъ: и другия кумиры, Хорса, Дажба, Стриба, Симанрьгла, Мокоша; и жряху имъ нарицающе ихъ боги, и привожаху сынове свои и дщери, и жряху имъ. І служаще имъ Володимеръ и жряше, и вси людие, і чтяше ихъ яко боги, и оскверняху стр. 61 всю землю, и холмъ той, требами своими. Но преблагий богъ нехотя смерти грешникомъ, но на томъ холмѣ церковь святаго Василия бысть; яже последи скажемъ.

Володимержe посади Добрыню вНовѣгороде дядю своего. И пришедъ Добрыня кНовугороду, постави Перуна кумиръ надрекою надВолховомъ: и жряху ему людие Новгородстии аки богу.

Бѣ же Володимеръ побеженъ похотию женскою, и быша ему водимыя Розгнѣдь же посади на Лыбѣди, идеже есть ныне селище Передславино, отнеяжъ роди Д. сына, Изяслава, Мстислава, Ярослава, Всеволода, и двѣ дщери: а отГрекини Святополка; отЧехини Вышеслава: а отдругия Святослава, Мстислава; отболгарыни Бориса и Глѣба. И бѣ у него наложницъ Т. вВышегороде; а Т. вбелѣ городе; а Т. вроднѣ граде; а С. вберестовомъ селище, еже зовется и ныне Берестовое. И бѣ несытъ блуда, и приводяще ксебѣ мужския жены и дѣвицы, и растляя ихъ: и бѣ женолюбецъ, якоже и Соломанъ. У Соломана Ф. женъ Бѣ бо у Соломана женъ семь сотъ, а наложницъ Т. и другихъ Ф.

980

мудръ же бѣ, но и женолюбецъ, и наконецъ погибе. Сийже бѣ невегласъ, и наконецъ обрете спасение. Велий Господь нашъ, и велия крѣпость его, и разуму его нѣсть числа!

Влѣто Ѕ'.Ѵ.П.Ѳ.

Иде Володимеръ на Ляхи, и взя грады ихъ, Перемышль, Черпенъ, и иныя грады, иже есть подРусью.

Таже и Вятичи победи, и возложи нанихъ дань отплуга, якоже отецъ егоималъ.

Влѣто Ѕ'.Ѵ.Ч.

Заратишась Вятичи, и иде на ня Владимеръ, и победи я второе.

Влѣто Ѕ'.Ѵ.Ч.А.

Иде Володимеръ наЯтвяги, и победи Ятвяги, и взя землю ихъ.

И пришедъ кКиеву творяше требу кумиромъ слюдми своими. І рѣша старцы и бояре: мещемъ жребий о отроце или о дѣвице, нанегоже падетъ, того зарѣжемъ богомъ. И бяше Варягъ единъ, и бѣ дворъ его, идѣже есть стр. 62 ныне церковь святыя богородицы, южe созда Володимеръ; бѣ же Варягъ той пришелъ изГрекъ, изЦаря града, ссыномъ своимъ Иваномъ, седяще вКиеве, и держаше втайне Крестьянскую вѣру: и бѣ у него сынъ младъ, красенъ тѣломъ и душею. На сего паде жребий позависти дияволе; не терпяше бо дияволъ, власть имый надовсѣми; и сий бяше аки тернъ всердцы: и тщашесь потребити окаянныи, и наусти люди.

И пришедше послани кнему рѣша: яко паде жребие на сынъ твой, понеже бо изволиша его бози наши собѣ, да сотворимъ требу богомъ. И рече книмъ Варягъ: бози ваши не суть бо бози, но древо бездушно; днесь есть, а утре изгниетъ; не ядятъ, ни пиютъ, ни молвятъ, но суть дѣлани руками вдреве сикирою и ножемъ. А богъ есть единъ нанебеси, емуже служатъ Грецы и поклоняются,

983

иже сотвори небо и землю и звѣзды и солнце и луну и человѣка, и далъ есть ему жити наземли: а ваши бози что содѣлаша? сами суть содѣлани: не дамъ сына своего бесомъ. Посланникъже шедше повѣдаша людемъ. Народже вземше оружие пойдоша нань, и обойдоша дворъ его около; ономуже стоящу на сѣнехъ ссыномъ своимъ, и рѣша ему: вдай сына своего, да вдамы богомъ. Онже рече: аще суть бози, то пошлютъ единаго бога, и возмутъ сынъ мои; а вы чему требуете имъ? И абие они народі кликнуша велиимъ гласомъ, и подсекоша сѣни поднима, и тако побиша я.

Бяху бо тогда человѣцы невѣгласи погани, и дьяволъ радовашеся сему, невѣдый, яко близъ погибель хотяще быти ему. Тако бо преже тщашась погубити родъ Християнский, но прогонимъ бываетъ крестомъ честнымъ во иныя страны. Здѣже мняшеся окаяннии, яко здѣ ми есть жилище: здѣ бо не суть учили Апостоли, ни Пророцы проповѣдали. Невѣдый Пророка глаголюща: и нареку нелюди моя, людие мои; о Апостолехже рече: во всю землю изыдоша вещания ихъ, и вконца вселенныя глаголы ихъ. Аще бо и тѣломъ Апостоли не суть здѣ были, но учения ихъ яко трубы гласятъ по всѣй вселенней и вцеркваxъ; стр. 63 ихъ же учениемъ побежаемъ противнаго врага, и попираемъ его подносе: якоже попраста и сия оба, приимша венца небесныя отХриста бога сосвятыми Мученики и праведники.

Влѣто Ѕ'.Ѵ.Ч.В.

Иде Володимеръ наРадимичи. И бѣ у него воевода Волчей Хвостъ: и посла предсобою Володимеръ Волчия Хвоста, и срѣте Родимичи на рецѣ наПищане, и победи ихъ. Тѣмже Русь корятъ Радимичь, глаголюще: Пищанцы волчья хвоста бѣгаютъ. Бѣ же Родими отрода Ляховъ, и пришедше ту ся вселиша, и платятъ дань Руси, и повозъ везутъ и до сего дни.

985

Влѣто Ѕ'.Ѵ.Ч.Г.

Иде Володимеръ наБолгары Низовския зДобрынею дядею своимъ влодияхъ; а Торки берегомъ приведе наконехъ: и тако победи болгары. И рече Добрыня кВолодимеру: соглядахъ колодникъ, и суть вси всапозехъ; симъ намъ дани недати, пойдемъ искати лапотниковъ. И сотвори Володимеръ миръ зболгары, и роты заходѣша межъ себя. И рѣша болгари: ащели небудетъ мира межъ нами, и егда начнетъ камень плавати, а хмель на водѣ грязнути; тогда вамъ дань взяти. И приде Володимеръ кКиеву.

Влѣто Ѕ'.Ѵ.Ч.Д.

Срацыни

Придоша Срацыни кВолодимеру, вѣры хощеши, глаголюще: яко ты князь еси мудръ и смысленъ, но невѣси закона: вѣруй внашъ законъ, и поклоняйся Бахмитю. Володимеръ же испыта о вѣре ихъ, и не возлюби.

Нѣмцы

Посемъ приидоша Нѣмцы изРима отПапы, глаголюще: глаголетъ ти великий Папа: создание есмы вси единого бога, и родъ нашъ всѣхъ отъ единого Адама, и земля твоя яко земля наша; но вѣра твоя темна и смрадна, нашажъ вѣра свѣтъ есть. Служимъ бо и покланяемся Господу богу Вседержителю, Исусу Христу, сотворшему небо и землю, и всю тварь видимую и невидимую. Рече Володимеръ: кия заповедь вѣры вашея? Ониже рѣша: молитва и милостыня и пощение по силе; и аще кто ястъ, стр. 64 или пиетъ, или ино что творитъ; да все вславу божию творитъ: сице бо насъ научиша святии Апостоли Петръ и Павелъ и прочии. Рече имъ Володимеръ: идите вы ксебѣ; отцы наши не прияли суть сего.

ИсКазаръ Жидове

Сияже глаголы слышавше Жидове Козарстии, приидоша кВолодимеру глаголющи: яко слышахомъ мы, понеже бо приидоша ктебѣ болгаре, Християне, учаще тя кождо своей вѣре. Крестияне бо вѣруютъ, егоже мы распяхомъ; а мы вѣруемъ единому богу Авраамову и Исаакову и Ияковлю. И рече Володимеръ: что есть законъ вашъ?

986

Онижъ рѣша: обрезатись, свинины неясти низаячины, суботу хранити. И рече Володимеръ: гдѣ есть земля ваша? Онижъ рѣша: воИерусалиме. Онже рече: то тамо ли есте? Жидовежъ рѣша: разгнѣвася богъ наотцы наши, и расточи насъ по странамъ, грѣхъ ради нашихъ, и предана бысть земля наша Христианомъ. Володимеръ же рече имъ: то како вы иныхъ учите, а сами отвержени есте отбога, и расточени? аще бы богъ законъ вашъ любилъ и васъ, то не бысте расточени были почюжимъ землямъ; егда и намъ мыслите тожъ зло прияти?

Грецы

Посемъже прислаша Грецы кВолодимеру Философа, сице глаголюще: слышали есмя, яко приходили суть Срацыны, учаще тя прияти вѣру свою, ихже вѣра оскверняетъ небо и землю, иже суть прокляти паче всѣхъ человѣкъ; уподоблшесь Содому и Гомору, нанихже пусти богъ камение горящее, и потопи ихъ, и погрязоша. Тако и сихъ ожидаетъ день погибельный, егда приидетъ богъ судити наземлю, и погубитъ вся творящая беззаконие. І паки рече Философъ: слышахомъ и се, яко приидоша изРима отПапы, учити васъ вѣре своей, ихже вѣра снами мало развращена есть: служатъ бо опрѣсноки, ихже богъ непредаде, но повелѣ хлѣбомъ служити, и предаде Апостоломъ, приимъ хлѣбъ, и рече: се тѣло мое ломимое за вы; и чашу такожъ приимъ, рече: се есть кровь моя новаго завѣта. Сиижe того нетворятъ, и суть неисправили вѣры. Речежъ Володимеръ: приходиша комнѣ Жидове, гла- стр. 65 голюще сице: яко и Нѣмцы и Грецы вѣруютъ единому богу, егоже мы распяхомъ. Философь же: воистинну втого мы вѣруемъ, того бо бога Пророцы прорекоша, родитись ему отдѣвы чистыя, и распяту быти, и погребену, и втретий день воскреснути, і нанебеса взыти; онижъ тѣхъ Пророкъ избиша, а другихъ претроша древяными пилами. Егдажъ збыстьcя проречение ихъ, сниде наземлю, и распятие приятъ волею, и воскресе, и нанебеса вознесеся.

986

Отсихже ожидаше покаяния за М. лѣтъ и за Ѕ., и непокаяшеся. И посла на ня Римляне; онижъ шедше грады ихъ разориша, а самехъ расточиша постранамъ. Рече Володимеръ: что ради сниде богъ на землю, и токову страсть приятъ? Рече Философъ: аще хощеши послушати, скажу ти изначала, что ради богъ сниде наземлю. Володимеръ же обѣщась прилежно слушати.

Философъже нача глаголати сице:

Вначале сотвори богъ небо и землю вперный день. Во вторыйже день сотвори твердь, яже есть посреди водъ. Сегожъ дни разделишась воды, и полъ ихъ взыде на твердь, а полъ подтвердь. Втретий день сотвори море, и рѣки, источники, и езера, и сѣмена. Вчетвертыйже день сотвори солнце и луну извѣзды, и украси богъ небо. Видѣвже первыи отАнгелъ, старѣйшина чину Архангильску, и помысливъ всебѣ, рекъ сице: да сниду на землю, и прииму землю, и поставлю престолъ свои на облацехъ северскихъ, и буду подобенъ Вышнему. И ту абие за гордость Господь сверже его снебеси счиномъ сущимъ поднимъ, и внево мѣсто постави Михаила; бѣ же имя противнику Сатанаилъ: и отпаде отславы первыя, и наречесь противникъ богу. Впятыйже день сотвори Господь киты, і рыбы, и гады, и птица пернатыя. Вшестый день сотвори богъ звѣри, и скоты, і гады земныя: и сотвори богъ человѣка, по образу божию сотвори его. Вседмыйже день почи богъ отдѣлъ своихъ, еже есть субота.

І насади богъ рай на востоце воЕдеме, и введе ту человѣка, егоже созда, Адама: и заповѣда ему ясти стр. 66 отвсякого древа сущаго врай; а отъ единого неясти, еже есть разумѣти добро и зло. И бѣ Адамъ врай видяще бога, и соАнгелы славяще. И вложи богъ сонь воАдама, и успѣ Адамъ: и взя богъ единсе ребро изоАдама, и сотвори ему помощницу жену, и привиде ю ко Адаму. И рече Адамъ: се кость откостей моихъ, и плоть отплоти моея; сия наречется жена. І нарече Адамъ имя скотомъ, и звѣремъ, и птицамъ, и гадомъ; а самѣмъ Ангелъ повѣда имяна. И покори богъ Адаму звѣри и скоты, и обладаше всѣми, и послушахуть его. И виде

дияволъ,

986

дияволъ, яко почте богъ человѣка, и взавиде ему, и преобразися взмию, и приде къ Евзе, и рече ей: почто не ясте отдрева сущаго посреди рая? И рече Евга ко змии: сице бо заповѣда намъ богъ: отвсякого древа сущаго врай ясти; а еже есть посреди рая, оттово неясти: ащели снѣста, смертию умрета. И рече змиа кженѣ: смертию не умрета; вѣдяше бо богъ, яко вонже день яста отнего, отверзетась очи ваю, и будете яко бози вѣдяще добро и зло. И виде жена, яко добро древо вснѣдь, и яко угодно очима видети; и вземши жена отплода его, яде, и дастъ мужу своему, и яде. И отверзостася има очи; и уразумѣста, яко нага еста, и сшиста листвие смоковное, и препоясание себѣ сотвориша. И рече богъ Адаму: проклята земля вдѣлехъ твоихъ, и впечали да яси вся дни живота своего. И рече богъ: егда како постреста руку, і возмета отдрева животного, и живета вѣки. И изгна богъ Адама израя, и рече ему: дѣлай землю, отнеяже взятъ еси. И сѣде Адамъ прямо раю, плачася и рыдая, и дѣлая землю. И прокля богъ землю, и порадовася Сотона о проклятии земля. Се на ны первое отпадение Ангельского жития.

И роди Адамъ Каина и Авеля: и бѣ Каинъ ратай, а Авель пастухъ. И принесе Каинъ отплодъ земныхъ богу, и неприятъ богъ даровъ его: Авельже принесе агнецъ первенецъ, и приятъ богъ дары Авелевы. Сатанажъ влѣзе вКаина, и подстрекаше Каина убити Авеля. Речежъ Каинъ Авелю: пойдиве наполе; и послуша его Авель. И бысть, яко изыдоста, и абие Каинъ хотѣ убити Авеля, и не- стр. 67 умѣяше, како убити. И рече Сатана: вземши камень, и удари его вглаву, и уби его. И рече богъ Каину: гдѣ есть братъ твой Авель? И рече: егда стражъ есмь азъ брату моему? И рече богъ Каину: се кровь брата твоего вопиетъ ко мнѣ, и будеши стеня и трясыйся до дни живота своего. Адамъ же и Евга плакастася зело; а дияволъ радовашесь рекъ: се егожъ богъ сотвори, и почте и; азже сотворихъ ему отпасти отбога, а се ныне плачь ему нанесохъ. И плакастася поАвеле лѣто едино, и несогни тѣло его, и несмеяста погрести его. И повелѣниемъ божиимъ два птенца прилетѣша: единъ ею умре, а другий ископа яму, и погребе ю. И видѣвже се Адамъ і Евга, и ископаста яму, и вложиста Авеля, и погребоша его сплачемъ.

986

И бывшеже Адамъ С. лѣтъ и Л., роди Сифа и две дщери; и поятъ едину Каинъ, а другую Сифъ: и оттѣхъ человѣцы расплодишася, и умножишася поземли, и не познаша сотворшаго я. И умножишась блуда, и скаредия всякого, и убивства, и завистии: и живяху скотски человѣцы.

И бѣ Ной единъ праведенъ вроде томъ; и роди Г. сыны, Сима, Хама, и Аѳета. І рече Господь богъ: неиматъ пребывати духъ мой вчеловѣцехъ сихъ, зане плоть суть; и рече: да потоплю ихъ отчеловѣка и до скота. О Ковчезе И рече Господь богъ Ноеви: сотвори убо себѣ ковчегъ отдревъ четвероугленыхъ, и оконца сотвориши вковчезе, и посмоливше его внутрьюду и внеуду асфалтомъ; и тако сотвориши ковчегъ Т. лактии вдолготу, и Н. лактии вширoту, и Л. лактии ввысоту ему: совершая сотвориши ковчегъ, і влакотъ скончаеши его сверху, и дверижъ ковчегу сотвориши сстранъ, подница двоекровны сотвориши. И се азъ наведу потопъ наземлю, и истлитъ всяку плоть, внейже есть духъ животенъ поднебесемъ. Дѣлаемужъ ковчегу за сто лѣтъ, и повѣдаша Ной людемъ, яко быти потопу на землю, покайтеся отзлобъ вашихъ: и смеяхусь ему. Егдажъ содѣла Ной ковчегъ, и стр. 68 глагола Господь богъ Ноеви: влѣзи ты вковчегъ, и жена твоя, и сынове твои, и жены сыновъ твоихъ; і введе ссобою отскотъ чистыхъ седмь седмь, мужеский полъ и женский, и отскотъ нечистыхъ двое двое, мужескъ полъ и женский. И введе Ной, якожъ заповѣда ему богъ. И наведе богъ потопъ на землю, и потопе всяка плоть, а ковчегъ плаваше на водѣ. Егдаже иссяче вода, и излѣзе Ной и сынове его и жены ихъ исковчега, и отсихъ расплодишася земля.

И бѣша человѣцы мнози единогласни, и рѣша другъ кдругу сице: созиждемъ собѣ столпъ донебеси. И паки начаша здати. И бѣ старѣйшина у нихъ Неvротъ. И рече богъ: се умножишася человѣцы, и помысли ихъ суетни: и сниде богъ видѣти столпа, и размеси языки на О. языкъ и на два. Адамовже языкъ не отъятъ бысть отъ Евера; той бо единъ неприложися кбезумию ихъ, рекъ сице: аще бы богъ человѣкомъ реклъ, на небо создати столпъ; то повелѣлъ бы богъ словомъ своимъ, якоже богъ сотвори небо, и землю, и море, и вся видимая и невидимая. Того

986

ради сего языкъ неизменися; отсегоже суть Евреи. На О. языкъ и на одинъ разделишася, и разыдошася по странамъ. И кождо ихъ своя нравы прияша, и по дияволю научению ови рощениемъ вѣроваша, и кладяземъ, и рекамъ; и не познаша бога.

ОтАдамаже до потопа, лѣтъ В'.С.М.В. А отпотопа доразделения языкъ, лѣтъ Ф.К.Ѳ.

Потомъже дьяволъ вбольшее прельщение вверже человѣки; и начаша кумиры творити, ови древяны, (и инии мѣдяны), а инии злати и сребряны и мраморяны; и кланяхусь имъ, и приводяху сыны своя и дщери своя, и заклаху предними: и бѣ вся земля осквернена. И начальникъ же сий бяше кумиротворению Серухъ: творяще бо кумиры во имена мертвыхъ человѣкъ, бывшимъ овемъ Царемъ, другимъ же храбрымъ, овемъ же волхвомъ, и женамъ прелюбодейцомъ. Сийже Серухъ роди Фару; Ѳаражъ роди Г. сыны, Аврама, Нахора и Арона: Ѳараже творяше кумиры, навыкъ у отца своего. Аврамъже пришедъ стр. 69 во умъ, и возрѣвъ на небо, видѣ солнце и звѣзды и луну, и рече: воистинну то есть богъ, иже се сотворилъ; а иже сотворилъ отецъ мой, прельщаютъ человѣки. И рече всебѣ Авраамъ: искушу боги отца своего; и глагола Авраамъ: отче, почто прельщаеши человѣки творя кумиры древяныя? то есть богъ, иже сотворилъ небо и землю. И вземъ Авраамъ огнь, и зажже храмину скумиры. Видѣвъ же Аронъ, братъ Авраамовъ, ревнуя по идолехъ, хотѣ вымчати идолы, и самъ згорѣ Аронъ, и умре предотцемъ: а преже сего сынове предотцемъ неумираше, но отецъ предсыномъ мряше; и отсего почаша сынове умирати предотцы.

И возлюби богъ Авраама; и рече богъ Аврааму: изыди изземля твоея, и отдому отца твоего, и иди вземлю, яже ти покажу, и сотворю тя въ языкъ великъ, и благословятъ тя вся колена земная. И сотвори Авраамъ, якоже заповѣда ему Господь, и поятъ Авраамъ Лота сыновца своего; бѣ бо ему Лотъ шуринъ и сыновецъ, бѣ бо Авраамъ понялъ братню дщерь Аронову Сарру: и прииде вземлю Хананѣйску кдубу высокому. И рече богъ Аврааму: сѣмени твоему дамъ землю сию. І поклонися Авраамъ богови; Авраамъже бяше лѣтъ О.Е., егда изыде отХараона. Бѣ же Сарра неплоды, болящи ей

986

неплодствиемъ, и речеже Сарра коАврааму: влѣзи убо к рабѣ моей; и поимши Сарра Агарь, дастъ ю мужеви своему. И влѣзе Авраамъ ко Агаре, и зачатъ Агарь и роди сына, и прозва его Авраамъ Измайломъ; Аврамъ бѣ лѣтъ П.Е., егда роди Измаила. Посемже заченши Сарра и роди сына, и нарече имя ему Исакъ. И повелѣ богъ Аврааму обрезати отроча: и обрѣза Авраамъ въ И. день. И возлюби богъ Авраама и племя его, и нарече я влюди себѣ, и отлучи (отнихъ) языкъ, нарекъ люди своя. Семужъ Исаку возмогшу, Авраамужъ живъшу Р.О.Е. лѣтъ, и умре, и погребенъ бысть.

стр. 70 Исакужъ живъшу Ѵ. лѣтъ, і роди два сына, Исава, и Иякова. Исавъ же бысть лукавъ; а Ияковъ праведенъ, и работа у дядi своего у Лавана Д.І. лѣтъ, и вдаде занего двѣ сестрѣ, Лию и Рахиль, и двѣ рабичне приданыи. ОтЛии родишася Рувимъ, Семионъ, Левгий, Июда, Исахаръ и Заулонъ; а отРахилины рабы Зевалы, Гадъ и Асиръ; а отЛиины рабы, Данъ и Нефталимъ; а отРахили родися Иосифъ и Веньяминъ: и отсихъ расплодишася Жидове.

Ияковъ же сниде воЕгипетъ сый лѣтъ Р.Л.; и снимъ числомъ душъ О.Е.: и поживе же во Египте З.І. лѣтъ, и успѣ. И поработаша племя его понихъ въ Египте Ѵ. лѣтъ. Посихже лѣтехъ возмогоша люди Жидовстии, и умножишася, и насиляху имъ Египтяне работою. Всижe времяна родися дѣтищъ вЖидехъ, и рѣша волсви Египетстии Царю: яко родися дѣтищъ вЖидехъ, иже хощетъ погубити Египетъ. И втой часъ повелѣ Царь ражающия дѣти Жидовския вметати вреку. Матиже Мойсѣова убоявшися сего погубления, вземши младенецъ, и вложи вкорабиицу, и изнесши постави влузе прирецѣ. Всежъ время изыде дщи Фараоня Ѳермуфи купатьcя врецѣ, и видѣ отроча плачющеся, и пощадѣ его, і взя, и нарече имя ему Моисий; а преже бо имя ему Немелхия. И бысть отроча красно, и вскорми е, и бысть отроча четырехъ лѣтъ, и приведе его дщи Фараоня коотцу своему. Видѣвъ же Моисѣй Фараона, и возлюби его: Моисийже хапаяся за шею около Царя, и срони венецъ вглавы Царевы, и попра и. Видѣвшежъ сие волсви, и рѣша Царю: о Царю! погуби отроча сие; ащели непогубиши, иматъ погубити всего Египта. И непослуша ихъ Царь, но и паче неповелѣ погубляти дѣтей Жидовскихъ.

986

Моисѣюжъ возмогшу, и бысть великъ вдому Ѳараонове; бывшужъ Царю иному, и взавидеша ему бояре. стр. 71 Моисей бо уби Египтянина бьюща Израилтянина, и скры его впесцѣ, и посемъ бежа, і вниде вземлю Мадиамскую, и ходя по пустыни, и научися отАнгела Гаврила о бытии всего мира, и о первомъ человѣце, и о потопе, и о разделении языкъ, аще кто колико лѣтъ бѣ былъ, и звѣздное хожение, и число земное, и мѣру, и о всѣхъ мудростехъ.

И посемъ явися ему богъ вкупине огненней, и рече ему богъ: видѣхъ беду людей моихъ сущихъ воЕгипте, и низлезохъ изяtихъ изруку Египетску, извести ихъ отземля тоя; тыже иди ко Царю Египецкому Фараону, и рцы ему: пусти Израиля, и за три дни положатъ требу богу. Ащели не послушаетъ тебе Царь, побию его всѣми чюдесы своими. І пришедшу Моисѣю и Арону, и глаголаша Царю; и непослуша его Царь. І попусти богъ І. казней наФараона и на вся люди его. Казнь первая, преложи рѣки вкровь; В.е, жабы; Г.е, мышцы; Д. писие мухи; Е.е, смерть на скоты; Ѕ.е, прыщеве горящии; З.е, гладъ; И. прузи; Ѳ. тма три дни; І. моръ вчеловѣцехъ: сего ради І. казней бысть нанихъ, яко І. мѣсяцъ губиша дѣти Жидовскія. Егдаже бысть моръ воЕгиптехъ, рече Фараонъ кМоисѣю и коАрону: отидета вскоре. Моисѣйже собра люди Жидовския, и пойде отземля Египетския: и водяше я Господь попустыни кЧермному морю, и преди идяше предними столпъ огненъ вноши, а въ день облаченъ. Слышавже Фараонъ, яко бежатъ людие, погна по нихъ; и яко пригнаша кморю, видѣвшеже людии Жидовстии, возропташа на Моисѣя рекуще: лутчи бы намъ гробъ вземли Египетстей; почто изведе ны насмерть! И возопи Моисѣй кбогу; и рече Господь: что вопиеши комнѣ? удари жезломъ вморе. І сотвори Моисѣй тако, и раступися вода на В.І. путии, и внидоша сынове Израилеви вморе. Видѣвъ же Фараонъ и погна понихъ: сыновежъ Израилеви пройдоша посуху посредѣ моря; и якожъ излезоша набрегъ, и сступися вода о Фараоне и о всѣхъ стр. 72 воихъ его.

И возлюби Господь богъ Израиля; и идоша отморя три дни попустыни, и приидоша вМерру: и бѣ ту горька вода. И возропташа людие на бога: и показа имъ Господь древо, и вложи е Моисѣй вводу, и бысть сладка

986

вода. И посемъ возропташа людие наМоисѣя и наАрона ркуще: лутче намъ было воЕгипте, иже ядохомъ мясо и лукъ и хлѣба до сытости. И рече Господь кМоисѣю: слышахъ роптание сыновъ Израилевъ; и одожди имъ Господь манну ясти. Посемъ ежъ дастъ Господь Моисѣю законъ на скрыжалехъ, на горѣ Синайстей. И Моисѣюжъ сошедшу згоры, и обрете телецъ солиянъ, и поклонишася Израилтяне аки богу, глаголюще: се богъ твой, Израилю, изведыи насъ изъ Египта; ихже Моисѣй иссече Г'. числомъ. И посемъ паки не обретаху водыпити, и возропташа людие на Моисѣя и наАрона, зане не бысть имъ воды. И рече Господь кМоисѣю: удари жезломъ вкамень. Моисѣйже клюдемъ рече: отсего ли камени хощу вамъ дати воду пити? И разгнѣвася Господь наМоисѣя, яко не прослави ни возвеличи Господа бога; и сице людцкаго ради роптания невниде Моисѣй вземлю обѣтованную: и восплакася горко Моисѣй о согрешении предГосподемъ. І посемъ Господь Моисѣя возведе нагору Вамску, и показа ему землю обѣтованную, и рече: тамо ты невнидеши. И умре Моисѣй на горѣ, и погребенъ бысть Архангеломъ Михаиломъ.

И потомъ приятъ власть Исусъ Навгиинъ, и приведе сыны Израилевы вземлю обѣтованную, и изби вся Царя Хананѣйский, і вся силы ихъ, и всели внихъ мѣсто сыны Израилевы. Умершуже Исусу, и бысть внихъ судия Июда и Семионъ; и потомъ и инѣхъ судии Д.І. Принихже забыша бога, и служаху кумиромъ; богъ же вказни мѣсто предаяше ихъ иноплеменникомъ. И егда каяхусь, и богъ миловаше ихъ; и егда избавляше ихъ, паки уклоняхуся назло. Посихже бысть судия Или жрецъ.

Посемъ же судяше во Израили Самоилъ Пророкъ; и рѣша людие Самоилу Пророку: постави наднами Царя, да насъ судишъ. И бысть сей ихъ глаголъ лукавъ пред- стр. 73 нимъ, и разгневася Господь наИзраиля. И помолися Самуилъ Пророкъ о семъ Господу, и рече Господь: послушай людей; не тебѣ бо уничижиша, но мене не царствовати надними. І рече Самуилъ словеса Господня клюдемъ просящимъ Царя: просите убо Царя! но и сей благая ваша оскудитъ, и села ваша и винограды ваша одесятствуетъ, и дастъ рабомъ своимъ и скопцемъ своимъ, і волы ваша и велбуды и ослы одесятствуетъ, и васъ пора-

ботитъ,

986

ботитъ, и будете раби, и возопиите коГосподу, и неуслышитъ васъ Господь. И не послушаше его людие.

И бѣ мужъ отъ сыновъ Веньяминъ, имя ему Кисъ, сынъ Авилиинъ, и семужъ именемъ Саулъ, тѣломъ великъ и силенъ зело и благообразенъ, яко не бѣ такова всынѣхъ Израилевыхъ. И бысть, егда погибоша ослята Кисова, и посла Кисъ сына своего Саула искати ослятъ, и не обретоша ихъ; і рече отрокъ кСаулу, еже ити вградъ, и вопрощати Самуила Пророка о ослятехъ погибшихъ. И входящемъ имъ вградъ, и се Самуилъ встрѣте ихъ; и Господь прояви Самуилу о Сауле преже единаго дне пришествия Саулова, и рече ему Господь помазати его на царство. І заповѣда Самоилъ Пророкъ всѣмъ людемъ взыти ко Господу вМасимаѳъ, и рече клюдемъ: вы убо днесь унижисте Господа спасающаго васъ отвсѣхъ золъ, и просите Царя; и ныне вы сами постависте похоругвамъ и по колѣномъ вашимъ. І приведе Самоилъ вся колѣна Израилева, и вопрошаше еще Господа: аще приидетъ мужъ, егоже ми рече? И рече ему Господь: сокровенъ есть мужъ той вковчезе. И текъ приведе его Самуилъ, и постави предлюдми, и помаза его на царство Израилтяномъ.

Таже Саулъ неизволи ходити взаконе Господни, и повелѣ богъ Самоилу Пророку тайно помазати Давыда нацарство, да не увѣсть сего Саулъ Царь, еже помазати на царство Давыда сына Иосѣева. И тако сотвори Самуилъ Пророкъ, и помаза Давыда нацарство Израилеви. И угоди Давыдъ богу, и вся оправдания и хотѣния Господня сотвори; и сему Давыду кляtся богъ, яко отплемени его родитися богу; и первое началъ пророчествовати о воплощении божии, рекъ: изчрева преже денница родихъ тя. Сий пророчествовавъ, і царствова лѣтъ М., и умре. (І понемъ царствова сынъ его Соломанъ, иже возгради церковь божию, и наречесь Святая Святыхъ: и бысть мудръ и смысленъ, но наконецъ поползеся: и царствова лѣтъ М. и умре). По Соломанежъ царствова сынъ стр. 74 его Ровоамъ. При томъ разделися царство на двое Жидовское; во Иерусалимѣ едино, а другое вСамарии. ВСамаринже царствова Иеровоамъ, сынъ Анавашъ, рабъ Соломоновъ отступникъ, иже сотвори двѣ краве злате, и постави едину вВефиле, а другую въ Ендане нахолмѣхъ; и рече клюдемъ: се боги ваши, Израилю, изведыи васъ изъ

986

Египта. И кланяхуся имъ людие, и забыша истиннаго бога. Такоже и воИерусалиме начаша забывати бога, и поклонятися начаша Валу, рекше, ратну богу, иже есть Орѣй; и забыша бога отецъ своихъ. И начаша посылати книмъ богъ первое Пророки, и начаша обличати ихъ о безаконии и ослужении кумиръ: ониже начаша Пророки избивати, обличаеми отнихъ. И разгневася богъ на Израиля, и рече: отрину я отсебѣ, и призову ины люди, иже мене послушаютъ; и аще согрешатъ, не помяну согрешения ихъ. И начаша Пророки посылати, глагола имъ: прорицайте о отвержении Жидовстемъ, и о призвании странъ.

Первеежъ началъ пророчествовати Иосей глаголя: преставлю царство дому Израилева, и сокрушу лукъ Израилевъ, и неприложу помиловати дому Израилева, но отметаяся отвергуся ихъ, глаголетъ Господь, и будутъ блудяще во языцехъ. Иеремияже рече: аще станетъ Самуилъ и Моисий, не помилую ихъ. И паки тойже Иеремия рече: тако глаголетъ Господь; се кляхся именемъ моимъ великимъ, аще будетъ имя мое имянуемо отселе Господи воустѣхъ Июдейскихъ. Иезекиильже рече: тако глаголетъ Господь Аданай; развѣю вся останки ваша вовся вѣтры, зане святая моя оскверинсте всѣми негодовании вашими; азъже тя отрину, и неимамъ тя помиловати паки. Малахияже рече: тако глаголетъ Господь; уже нѣсть ми хотѣния у васъ, понеже отвостока до запада прославися имя мое воязыцехъ, и навсякомъ мѣсте приносятся кандила имени моему, и жертва чиста; зане велие имя мое стр. 75 воязыцехъ. сего ради дамъ васъ на поносъ, и на пришествие вовся языки. Исаияже великий рече: тако глаголетъ Господь; простру руку свою на тя, истлю тя, и разсѣю тя, и паки не приведу тя. И паки тойже рече: возненавидѣхъ праздники ваша, и начатки мѣсяцъ вашихъ, и суботъ вашихъ неприемлю. Амосъ же Пророкъ рече: слышите слово Господне; азъ приведу на васъ плачь, домъ Израилевъ падется, и не приложитъ ктому встати. Михия же рече: тако глаголетъ Господь; пошлю на вы клятву, и проклену благословение ваше, и разорю, и небудетъ васъ. И много пророчествоваше о отвержении ихъ.

Симъ же Пророкомъ повелѣ богъ пророчествовати о призывании иныхъ странъ внихъ мѣсто. Нача звати Исаия, тако глаголя: яко законъ отмене изыде, и судъ мой

986

свѣтъ странамъ приближается, и скоро правда моя изыдетъ, и на мышцю мою страны уповаютъ. Иеремияже рече: тако глаголетъ Господь; и положу дому и Июдову завѣтъ новъ, дая законы моя вразумѣнияхъ ихъ, на сердцехъ ихъ напишу я, и буду имъ вбогъ, и ти будутъ мнѣ влюди. Исаияже рече: ветхая же мимо идоша, а новая возвещаю; преже возвещения явлено бысть вамъ: пойте богу пѣснь нову, работающимъ ми прозовется имя новое, еже благословится по всей земли; домъ мой, домъ молитвы прозовется всѣмъ языкомъ. Тойже Исаия глаголетъ: открыетъ Господь мышцю свою святую предвсѣми языки, и узрятъ вси концы земля спасение бога нашего. Давыдъ же: хвалите Господа вси языцы, и похвалите его вси людие.

Тако богу возлюбившу новыя люди, рекъ имъ, снити книмъ самому, и явитися человѣкомъ плотию, и пострадати заАдамово преступление. И начаша прорицати о воплощении божии; первое Давыдъ, глаголя: рече Господь Господеви моему; седи одесную мене, дондеже положу враги твоя подножию ногама твоима. И паки: Господь рече ко мнѣ; сынъ мой еси ты, азъ днесь родихъ тя. Исаияже рече, ни посолъ, ни вѣстникъ, но самъ Господь пришедъ спасти ны. И паки: яко дѣтищъ родися намъ, емуже бысть начало на раме его, и прозо- стр. 76 вется велика свѣта Ангелъ, и велика власть его, и миру его нѣсть конца. И паки: се дѣвица воутробе зачнетъ, и родитъ, и прозоветъ имя ему Еммануилъ. Михѣйже рече: и ты, Вифлиоме доме Еѳрантовъ, егда не моглъ еси быти втысящахъ Июдовахъ; истебѣ бо изыдетъ старѣйшина быти вкнязехъ воИзраили, исходи его отъ дни и вѣка: сего ради дастъся до времени ражающая родитъ, и прочии отбратья его обратятъcя на сыны Израилевы. Еремияже рече: се богъ нашъ, невменится инъ кнему, изообрѣте всякъ путь художества, и дастъ И якову отроку своему. Посихже на земли явися, и счеловѣки поживе. И паки: человѣкъ есть; кто увѣде, яко богъ есть? и яко человѣкъ умираетъ, и яко богъ восталъ есть. Захарияжъ рече: непослушаша сына моего, не услышу ихъ, глаголетъ Господь. Иосѣя рече: тако глаголетъ Господь; плоть моя отнихъ.

Прорекошаже и о страсти его ркуще, якоже рече Исаия: о люте души ихъ, понеже свѣтъ золъ сотво-

риша,

986

риша, рекуще; свяжемъ праведника. И паки тойже рече: глаголетъ Господь; азъ не противлюсь, ни глаголю противу, хребетъ мой вдахъ на раны, и ланите мои на заушение, и лица моего не отвратихъ отстыдения и заплевания. Иеремѣяже рече: приидите, вложимъ древо вхлѣбъ его, и истребимъ отземля животъ его. Моисѣйже рече о распятии его: узрите жизнь вашу висящу предочима вашима. И Давыдъ рече: вскую шаташася языцы? Исаияже рече: яко овча на заколение веденъ бысть. Ездраже рече: благословенъ богъ распростеръ руцѣ свои, и спасъ Иерусалима.

И о воскресении его рекоша; Давыдъ рече: встани боже, суди земли, яко ты наслѣдиши во всѣхъ странахъ. И паки: воста, яко спя, Господь. И паки: да воскреснетъ богъ, и да разыдутся врази его. И паки: воскресни Господи, боже мой, да вознесется рука твоя. Исаияже стр. 77 рече: сходяще встрану и сень смертную, свѣтъ восияетъ на вы. Захарияже рече: и ты вкрови завѣта своего испустилъ еси ужники своя отъ рва неимуща воды. И много пророчествоваше о немъ, еже збытьcя все.

Речежъ Володимеръ кѲилософу: то вкое время збыстьcя се, ибо было ли есть? егдали то теперво хощетъ быти сие? Онже отвещавъ рече ему: яко уже преже збыстьcя все, егда богъ воплотися. Якоже бо преже рекохомъ о Жидѣхъ, Пророки избивающимъ, и Царемъ ихъ законы преступающимъ, предастъ я богъ врасхищение и вплѣнъ, и ведени быша во Асирию, грѣхъ ихъ ради, и работаша тамо лѣтъ О., и посемъ возвратишася вземлю свою, и не бѣ у нихъ Царя; но Архиерѣи обладаша ими до Ирода иноплеменника, иже обладаша ими.

В сего же власть, влѣто Е'.Ф.Е., посланъ бысть Гаврилъ Архангелъ отбога, вградъ Назаредъ, кдѣвице Марии отколѣна Давыдова, рещи ей: радуйся обрадованная, Господь стобою! И отслова сего зачатъ Слово божие воутробе, и породи сына, и нарече имя ему Исусъ. И се волсви отвостока приидоша, глаголюще: гдѣ есть родивыйся Царь Июдейскъ? видѣхомъ бо звезду навостоце, и придохомъ поклонитися ему. Услышавже се Царь Иродъ, смятеся, и весь Иерусалимъ снимъ, и собра вся книжники и старцы людския, и вопрошаше ихъ: гдѣ Христосъ ражается? Ониже рѣша ему: вВиѳлиоме Июдейстемъ.

986

Иродъже се слышавъ, посла, рекъ: избейте младенца, сущая вВиѳлеоме, отдвою лѣту и нижайша. Ониже шедше избиша младенца: Марияже убоявшеся, скры отроча. Иосифъ же сМариею и соотрочатемъ бежа въ Египетъ, и бысть тамо до умертвия Иродова. И явися Ангелъ Господень Иосифу воЕгипте, глаголя: вставъ пойми отроча и матерь его, и иди вземлю Израилеву. Пришедше же вселися вНазареѳъ. Возрастъшу же ему, и бывшу Л. лѣтъ, начатъ чюдеса творити, и проповѣдати царство небесное. И избра В.І. Апостола, яже и ученики себѣ нарече, и началъ стр. 78 чюдеса творити, мертвыя воскрешати, прокаженныя оцыщати, хромыя ходити, слепымъ прозрѣние творити; и иная многая чюдеса велия, якоже Пророцы прорекли о немъ, глаголюще: той недуги наши исцели, и болѣзни понесе. И крестися воИердане отъ Иоанна, показа собою новымъ людемъ обновление. Крестившужеся ему, и се отверзошася небеса, и Духъ сниде зракомъ голубинымъ нань, и гласъ снебеси, глаголя: Сей есть сынъ мой возлюбленный, о немъже благоизволихъ. И посла ученики своя проповѣдати царство небесное, и покаяние, во оставление греховъ; хотя исполнити пророчество, и началъ проповѣдати: яко подобаетъ Сыну человѣческому много пострадати, и распяту быти, и въ Г. день воскреснути.

Учащуже ему вцеркви, архиерѣиже и книжницы исполнишася зависти, и искаху убити его: и имше ведоша его кПилату. Пилатъже испытавъ, яко безвины предаша его, и хотѣ пустити. Они же рекоша ему: аще сего пустиши, неси другъ Кесареви. Пилатъже повелѣ, да и распнутъ. Жидовежъ поимше Исуса, ведоша намѣсто Краниево, и распяшу ту: и бысть тма по всей земли отъ Ѕ.го часа до Ѳ.го, и при десятомъ часѣ испусти духъ. И се церковная завѣса раздрася надвое, гроби отверзошася, и мертвии восташа мнози, имъже повелѣ врай ити.

И снемъше со креста Исуса, положиша и вогробе, и печатми запечатлѣша гробъ. Людиеже Жидовстии и стражи поставиша, глаголюще: егда како украдутъ ученицы его. Исусъже въ Г. день воскресе, и явися ученикомъ своимъ, воскресъ отмертвыхъ, рекъ: идите вовся языки, и научите вся страны крещению во имя Отца и Сына и Святаго Духа. И пребысть сними М. днии, являяся имъ по

986

воскресении. И егда исполнишася днии М., повелѣ имъ ити нагору Елеонскую; и ту явися имъ, і благослови ихъ, стр. 79 рече имъ: сядете вограде Иерусалиме, дондеже пошлю обетование Отца моего на вы. И се рекъ возношащесь на небо. Онижъ поклонишася ему, и возвратишася во Иерусалимъ, и бяху выину вцеркви. И егда скончевахуся дние пятдесятницы, сниде Святый Духъ на святыя Апостолы, и приимше обетование Святаго Духа, и разыдошася повселенней, учаще, и крестяще водою и духомъ, во имя Отца и Сына и Святаго Духа.

І рече Володимеръ: что ради отжены родися Христосъ, и надреве распятся, и водою крестися? Философъ же рече ему: сего ради; понеже исперва родъ человѣческий женою согреши. Дияволъ бо прельсти Евгою Адама, и отпаде рая: такоже богъ отомщение Дияволу дая, отжены родися. Женою первее Адамъ испаде израя; отженыжъ воплотися богъ, и повелѣ врай внити вѣрнымъ. А еже надреве распятся, отдрева вкушъ Адамъ испаде испорода; богъ же надреве того ради и страсти приятъ, да древомъ Дияволъ побежденъ будетъ, и отдрева животнаго врaи пища и наслажение приимутъ праведнии. А еже водою обновление; понеже при Нои умножающимся грехомъ вчеловѣцехъ, и наведе богъ потопъ наземлю, и потопиша водою человѣки. Сегоже ради рече богъ: понеже погубихъ водою человѣки грѣхъ ради ихъ, нынеже паки водою очищаю грехи человѣкомъ обновлениемъ водою. Ибо Жидовский родъ вморе очистишась отъ Египецкого злаго нрава, понеже бо вода изначала бысть первее. Рече бо: Духъ божий ношашеся верху воды; еже бо и ныне крестятся водою и Духомъ. Проображение бысть первое водою, якоже и Гедионъ прообрази, егда приде кнему Ангелъ Господень, веля ему ити на Мадиамы; онъ же искушая, рече кбогу: положивъ руно на гумнѣ, аще будетъ по всей земли роса, а на рунѣ суша. И положи руно, и заутра виде повсей земли роса, а на рунѣ суша; и бысть тако. И рече: еще искушу Господа бога; аще будетъ по всей земли суша, а на рунѣ роса: и стр. 80 бысть тако. Сеже прообрази, яко иностраннии и невѣрнии быша суша, а Жидове руно: последиже настранахъ роса, еже есть святое крещение; а наЖидѣхъ суша. Пророцыже проповѣдаша, яко водою обновление будетъ.

986

Апостоломъже учащимъ по всей вселенней вѣровать богу, ихже учение и мы Грецы прияхомъ, и вся вселенная вѣруетъ учению ихъ. Поставилъже есть богъ день единъ, воньже пришедъ снебеси, хощетъ судити живымъ и мертвымъ, и воздати комуждо подѣломъ ихъ: праведнымъ царство небесное, и красоту неизреченную, и веселие бесконца, и неумрѣти ввѣки; а грешникомъ бесконца мука вѣчная, огнь неугасающий, червь неумираемый, тма кромѣшная, и муце не будетъ конца. Иже невѣруютъ Господу нашему Исусу Христу, и иже некрестятца; мучими будутъ воогнѣ вѣчно бесконца.

И сия вся изрекъ Философъ, показа Володимеру запону, нанейже бѣ написано страшное судище Христово: и показоваше ему о десную страну праведныя ввеселии предъидуща врай, а о шую грѣшныя идуща вмуку. Володимеръ же воздохнувъ рече: добро сущимъ о десную, гореже сущимъ о шую. Философъ же рече: аще хощеши о десную Христа быти справедными, приими нашъ законъ Греческий, и крестися во имя Отца и Сына и Святаго Духа. Володимеръже положи насердцы своемъ, рекъ: пожду еще мало, хотя испытати о всѣхъ вѣрахъ. Володимеръ же Философу сему многу честь и многи дары давъ, и отпусти его.

Влѣто Ѕ'.Ѵ.Ч.Е.

Созва Володимеръ бояры своя и старцы градцкия, и рече имъ: се приходиша комнѣ болгаре, рекуще: приими законъ нашъ; посемъ придоша Нѣмцы, и ти хвалятъ законъ свои; приходиша же и Жидове; последиже придоша Грецы, хуляще всѣхъ законы, а свой законъ хваляще, и много глаголаша, сказующе отначала миру. Сутьже хитро сказующе, и чюдно слышати ихъ и любо комуждо, и другий свѣтъ повѣдаютъ быти; да аще стр. 81 кто вѣруетъ внашу вѣру, то паки умершии встанетъ, и неумирати ему ввѣки; ащели во инъ законъ ступите, то наономъ свѣте воогнѣ горѣти. Да что ми ума придасте, и что отвещаете? И рѣша бояре и старцы:

987

вѣси, Княже, яко своего закона никтоже нехулитъ, но хвалитъ; ащели хощеши гораздо испытати, то имаши у себя мужии, пославъ испытати коюждо службу, и кто како служитъ богу. И бысть люба рѣчь Князю и всѣмъ людемъ.

І избраша мужи мудры и смысленни, числомъ І., и рѣша имъ Володимеръ: идите кболгаромъ, испытайте вѣру ихъ и службу. Онижъ идоша; и пришедше, видѣша скверная ихъ дѣла, и нечистоты всякия и смрады ихъ злыи, и кланяние вропоте: и приидоша вземлю свою. И рече имъ Володимеръ: идите паки кНемцемъ, и соглядайте такожъ; и оттуду идите вГреки вЦарьградъ. Онижъ придоша вНемѣцы, и соглядаша церковь и службу ихъ.

І придоша коЦарю граду, и внидоша коЦарю. Речеже Царь: испытайте ихъ, коея ради вины приидоша. Ониже исповѣдаша вся. Сияже глаголы слышавъ Царь, радъ бысть, и честь велию сотвори имъ и втой день. Наутрияже Царь посла кПатриарху, глаголя сице: приидоша Русь пытати вѣры нашея, да пристрой сосуды церковныя и крылосъ церковныи, и самъ пристройся во святительския ризы, да видятъ славу бога нашего. И сия слышавъ Патриархъ, повелѣ созвати крылосъ: и по обычаю сотвориша праздникъ, и кандила возжогоша, и пѣния ликъ составиша, и всяко благочиние и красоту о Господи чюдно устроиша. И вниде Царь спосланники Володимеровыми вцерковь, и поставиша ихъ на пространне мѣсте, показующе имъ церковную красоту, и благочиние и божественную службу, и Патриарха и епискупы предстояща Господеви ввелице благочинии, и красотѣ преудивленне. Онижъ ви- стр. 82 дѣвше изумишася, и умилишася душею и сердцемъ, и возлюбиша вѣру Греческую, и служение ихъ похвалиша. Цари же Василии и Костянтинъ отпустиша ихъ вземлю свою свеликою честию и здары: онижъ придоша вземлю свою.

И созва князи и бояри своя и старцы, и рече Володимеръ:

987

димеръ: се приидоша мужи посланнии нами, да слышимъ отнихъ бывшее. И рече имъ: скажите предъ дружиною. Онижъ рекоша: яко приидохомъ первее кБолгаромъ, и смотрихъ, како ся кланяютъ вропате, стояще беспояса, и поклонився сядутъ, и глядятъ семо и авамо аки неистови; и нѣсть веселия у нихъ, но печально и смрадно; нѣсть добръ законъ ихъ. Приидохомже вНѣмцы, и видѣхомъ вхраме службу ихъ творяща; а красоты не видехомъ никоеяжъ ни преудивления. Приидохомже вГреки, и введоша насъ вцерковь, идѣже они богу своему служатъ, и быхомъ во изумлении, и невѣмы, на небеси ли быхомъ, невѣмы на земли: нѣсть бо на земли таковыя красоты и благочиния, и не можемъ сказати о томъ. воистинну богъ тамо сними пребываетъ; мы убо ни сказати ни забыти можемъ сицевыя красоты и благочиния; всякъ бо человѣкъ, аще вкуситъ сладко, последи горести неприметъ: тако и мы неможемъ здѣ быти, но идемъ тамо.

Рѣша бояре Володимеру: ащебы непреудивленна была вѣра Греческая, не бы прияла баба твоя Олга, яже бѣ мудрейши всѣхъ человѣкъ. Отвещавъже Володимеръ рече: то гдѣ приимемъ крещение? Ониже рѣша: гдѣ ти любо.

Влѣто Ѕ'.Ѵ.Ч.Ѕ.

Иде Володимеръ всиле велице на Корсунь, градъ Греческий, и затворишася Корсуняне вограде. И ста Володимеръ обонъ полъ града влимени, яко единаго стрелища, или мало вяще, отграда. Володимеръ же много тружався, не успеваше ничтоже; и страшаше имъ, глаголя: да предадятся ему; аще ли ни, имамъ стояти многа лѣта. Онижъ непослушавше. Володимеръже повелѣ творити кограду приметъ, и землю сыпати вровъ: стр. 83 Корсунянежъ тайно извнутрь града подкопавше стѣну градную, крадяху сыпленую персть у ратныхъ. Еликоже ратнии сыпляху землю вровъ, толикожъ гражане тайно

988

крадяху у нихъ землю, и ношаху среди града. Володимеръже зря удивляшеся, яко ничтоже успеваху сыплюще.

И се мужъ Корсунянинъ, именемъ Анастасъ, стрели, написавъ на стрелѣ кВолодимеру, сице глаголя: се азъ Анастасъ сказую ти истинно, о Владимере! суть кладязи за тобою отвостока, и истѣхъ вода идетъ во градъ потрубамъ, и сице копавъ переймеши воду, и возмеши градъ. Володимеръже сия слышавъ отъОнастаса, удивися; и возревъ на небо, рече: Господи! аще сице предаси ми градъ, имамъ креститися, и Греческии законъ прияти. И сице копавъ, обрѣте воду потрубамъ текущу вградъ, и засыпавъ путь водѣ, томляше гражанъ: и изнемогше же гражане, предашася.

Володимеръже вниде вградъ свелможи своими, и укрепи и уласка всѣхъ, и самъ возрадовашеся радостию великою. И посла коЦаремъ Греческимъ Василью и Костянтину, сыновомъ Романа Царя, внукомъ Костянтина багрянороднаго, правнукомъ Лва премудрого, глаголя: сей градъ вашъ славныи Корсунь взяхъ, но и большему вашему граду сотворю, внемже вы живете, аще недадиде за мя сестры вашея Анны, яже у васъ дѣвою пребываетъ.

Онижъ слышавше оскорбишася, и не восхотѣша за него дати сестры своея, понеже нѣсть Християнинъ. И послаша кнему, глаголюще: не достоитъ Християномъ за поганыя даяти; но аще хощеши, да крестишися, и приимеши нашъ законъ Греческии, да и царство небесное наслѣдиши, и снами единовѣренъ и единомысленъ будеши и единосовѣтенъ, и вся во благая поспѣютъ ти ся. Володимеръже рече посланнымъ: идите и рцыте Царемъ вашимъ, Василию и Костянтину, яко стр. 84 возлюбихъ вѣру вашу паче всѣхъ вѣръ подсолнцемъ, ихже испытахъ, и невозлюбихъ; о вашейже вѣре испытахъ, и зело возлюбихъ, и хощу креститися и

988

прияти законъ вашъ Греческии, аще дадите за мя сестру свою Анну, яже у васъ пребываетъ дѣвою. І посласта кВолодимеру, глаголюще: крестися, тогда послевѣ ктебѣ сестру свою. И рече Володимеръ: да пришедъ ссестрою вашею крестятъ мя.

Цариже послушавше словеси сего, и послаша кнему сестру свою Анну сСановники и презвитеры. Она же не хотяще итти: яко впоганыя, рече, неиду; лутче бы мнѣ здѣ умрети. И глаголаша ей братия: егда како тебѣ ради обратитъ богъ Рускую землю напокаяние, а Греческую землю избавиши отъ лютые работы; видиши ли бо, колико зла сотвориша Русь Грекомъ? и ныне, аще неидеши, тожъ имутъ сотворити намъ. И едва ю принудиша. Онаже послушаше ихъ, иде сСановники и спрезвитеры кВолодимеру вКорсунь.

Побожиюжъ строению вто время разболѣся Владимеръ очима, и не видяше ничтоже; и бысть болѣзнь тяжка зело. І посла кнему Царица Анна, глаголаше: аще хощешъ избыти болѣзни сея, то вскоре крестися. Володимеръ же сие слышавъ рече: аще сия тако есть, то воистинну велий богъ Християнский, и нѣсть инъ богъ, развее его. И повелѣ себя втой часъ крестити. И егда крести его Епископъ Корсунскии спрезвитеры Царицыными, вцеркви святаго Иякова, вКорсуне граде, посрѣдѣ града, идѣже торгуютъ Корсуняне: полатаже Володимера скрая церкви стоитъ и до сего дне; а Царицына полата стоитъ за олтаремъ. И втой часъ, воньже крести его Епископъ, абие прозрѣ, и здравъ бысть, яко николиже болѣвъ; и прослави Господа бога Исуса Христа, и возрадовась радостию велиею.

И сия видѣвше велможи его, князи, и бояре, крестишася во имя Отца и Сына и Святаго Духа, и прияша законъ Греческий. И бысть радость велия во всѣхъ.

988

стр. 85 Нѣцыиже невѣдуще глаголютъ, яко крестился есть Володимеръ вКиеве; иниижъ рѣша вВасилеве; друзиижъ инако глаголютъ: но неистинствуютъ. Невѣдяще бо глаголютъ; и истинно бо есть, яко вКорсуне крестился есть Володимеръ, якоже прежде рекохомъ, и написахомъ: и прия Греческии законъ и научение вѣре вКорсуне. И многая благая дѣла показа, правду, долготерпѣние, любовь, смирение, человѣколюбие, милость: и бѣ по Господе бозе и о божественней вѣре горя духомъ яко огнь, и невѣрующимъ вГоспода Исуса Христа страшенъ бѣ премного.

Крещеннужъ бывшу Володимеру вКорсуне, предаша ему вѣру Християнскую, сице глаголюще:

Поучение.

Се ныне новорожденъ еси, благодатию Христа бога, и очищенъ отвсякого греха, и сынъ свѣта, и наслѣдникъ царствия небесного. Блюди сохраняя внутреннии смыслъ о Господи сердца твоего, и очи убо непричастни да будутъ всякого лукавого зрѣния, слышаниежъ словесъ празныхъ неприятно, языкъ же чистъ отсловесъ неподобныхъ, уста же чисты славяще Христа бога, рукижъ лукавыхъ да освяняютъ тя дѣлъ, мысль же и желание внебесное царствие, страхъ же и милость кпослушнымъ о Господи да будетъ; ястижъ и пити и вся творити вславу божию; втихостижъ и вкротости и смирении и умилении всегда быти. Любитиже Господа бога всею душею, и всѣмъ сердцемъ, и всею мыслию, и всею крѣпостию; и искренняго своего, яко самъ себѣ.

Вѣроватиже, якоже прияхомъ отсвятыхъ Отецъ, на первомъ соборе сошедшихся Т.И.І., еже есть: Вѣрую во единого бога, Отца Вседержителя, Творца небу и земли; и все сие до конца исповѣдание православныя вѣры соблюдати любомудренно. И паки: вѣрую во единого бога Отца нерожденна, и во единого Сына роженного, и во единъ Святыи Духъ исходящъ, трисобственна и свершенна единосущна, разделяема лицы числомъ собственнымъ, а не божествомъ. Разделяетца нераздѣльно, и совокупляетца неразмѣстно: Отецъ бо богъ присныи

988

пребываетъ воотечестве, нероженъ, безначаленъ, начало и вина стр. 86 всѣмъ, единемъ нерожениемъ старѣй сый Сыну и Духови; отнегоже ражаетца Сынъ прѣже всѣхъ вѣкъ; исходитъ же Духъ Святыи и безвремене и безлѣта: и вкупе Отецъ, и вкупе Сынъ, и вкупе Духъ Святыи. Есть Сынъ подобносущенъ, и безначаленъ Отцу, рожениемъ почию разднествуя Отцу и Духови. Духъ есть Духъ пресвятыи, Отцу и Сыну подобносущну и присносущну, Отцу бо отечество, Сынуже сыновство, Святому же Духу исхожение. Ни Отецъ бо вСынъ ни вДухъ приступаетъ, ни Сынъже воОтца или вДуха, и Духъ ни вСынъ или воОтецъ; неподвижима бо свойствы. Не трие бози, но единъ богъ; понеже едино божество втрехъ лицехъ.

Хотѣниемже Отца и Святаго Духа Сынъ божий, хотя спасти свою тварь, отческихъ ядръ неотступи, снебеси сшедъ, и вдевическия ложесна пречистыя божие Слово вшедъ, и плоть одушевленну словеснужъ и умну не прежде бывшу приемъ, изыде богъ воплощенъ, родився неизреченно, и дѣвство матери сохрани нетлѣнно. Не смешение, ни размешение, ни изменения пострадавъ; но пребывъ, еже бѣ; бысть, еже и не бѣ, приимши зракъ рабий, истинною и не мечтаниемъ; всячески, разве греха, намъ подобенъ бысть. Волею бо родися, волею бо взалка, волею вжада, волею трудися, волею устрашися, волею умре; истинною, а немечтаниемъ: вся естественная не оклеветаны страсти человѣчества. Распятжеся и смерти вкуси безгрешный, воскресъ всвоей плоти, не видѣвъ истлѣния, на небеса взыде, и сяде о десную Отца. Приидетъ паки сославою, судити живымъ и мертвымъ; якоже бо взыде со своею плотию, тако и снидетъ.

Ксимъ едино крещение исповѣдаю водою и духомъ, приступаю ко пречестнымъ тайнамъ; вѣрую воистинну тѣлу и крови Христове, и приемлю церковная предания вся, и поклоняюся честнымъ и святымъ иконамъ, стр. 87 и поклоняюся честному кресту, и святымъ мощемъ, и святымъ сосудомъ.

О Соборехъ

И вѣрую седми Соборомъ святыхъ Отецъ, иже бысть первии вНикѣи Т.И.І., иже прокляша Ария, и проповѣдаша вѣру непорочну праву. Вторыйже Соборъ вКостянтине граде святыхъ Отецъ Р.Н., иже прокляша Македония духоборца, и проповѣдаша Троицу единосущну.

988

Третийже Соборъ во Ефесе святыхъ Отецъ С., наНестория, егоже прокленше проповѣдаша святую богородицу. Четвертыйже Соборъ вХалкидоне святыхъ Отецъ Х.Л., наЕвтихия и Диоскора, еюже прокленше святии, и возгласиша совершенна бога и свершенна человѣка, Господа нашего Исуса Христа. Пятый Соборъ, иже воЦарѣ граде; святыхъ Отецъ Р.Ѵ.Е., наАриногенова предания, и на Евагрия, ихже прокляша святии Отцы. Шестый Соборъ бысть вЦарѣ граде, святыхъ Отецъ Р.О., наСергия и Пира, ихже прокляша святии Отцы. Седмый Соборъ бысть вНикѣи второе, святыхъ Отецъ Т.Н., ихже прокляша святии Отцы, понеже бо непоклоняютца святымъ иконамъ.

О Латынлхъ

Не примаю же поучения отъЛатынъ, ихже учение развращено. Влезщи бо вцерковь не поклоняютца иконамъ до земли, но стоя поклонится, и поклонився написаетъ крестъ на земли, и целуетъ, и ставъ простъ, станетъ на немъ ногами; да легше целуетъ, а вставъ попираетъ; сего бо Апостоли не предаша. Но предали суть святии Апостоли, крестъ целовати, сицежъ и иконы предаша: Лука бо Евангелистъ первое посла вримъ, написавъ, якоже глаголетъ Василий: иконная честь на первыи образъ приходитъ.

Ещеже Латыня и землю зовутъ материю: да аще земля имъ мати есть, то отецъ имъ есть небо; искони бо сотвори богъ небо и землю, то тако глаголютъ: Отче нашъ, иже еси на небесехъ. Ащели посихъ разуму земля есть мати; то почто плююtъ на матерь свою? да семо ю лобызаетъ, а семо ю оскверняетъ. Сего бо Рим- стр. 88 ляне преже не творяху, но исправляху на всѣхъ Соборехъ, сходящеся отрима, и отвсѣхъ престолъ. На первомъ Соборе, еже наАрия вНикѣи, отрима Селивестръ посла презвитеры и епископы, отАлександрия Аѳонасии, отЦаря града Митрофанъ посла епископы отсебѣ; и тако исправливаху вѣру. Навторомъже Соборе отрима Дамасъ, отоАлександрия Тимоѳей, отАнтиохия Мелентий, Кирилъ Иерусалимский, Григорей богословъ. На третиемже Соборе Келестинъ Римский, Кирилъ Александръский, Увенали Иерусалимский. На четвертомже Соборе Леонтъ Римский, и Анатолий Царя града, и Увеналий Иерусалимский. На пятомъже Соборе Виргилий Римский, Евтихий Царя

града,

988

града, Аполинарий Иерусалимский, Домнионъ Антиохиский. На шестомъ Соборе отрима Агаѳонъ, Георгий изЦаря града, Феофанъ Антиохийский, а отАлександрия Петръ мнихъ. На седмомъже Соборе Андрианъ отрима, Тарасий изЦаря града, Политиянъ Александръский, Ѳедоритъ Антиохийский, Илья Иерусалимский. Сии вси ссвоими Епископы сходяще вѣру исправляху.

О Петрѣ Гугнивомъ

По семъ же седмомъ Соборе немалу времени минувщу, Петръ Гугнивый со инѣми шедше вримъ, восхитивъ престолъ, и разврати вѣру, и отвергъcя престоловъ Царя градского, и Александрийскаго, и Антиохийскаго, Иерусалимского; и возмути Италию всю, сѣющи учение свое разно: тѣмъже держатъ не во единосоглашении вѣру, но раздно. Ови бо попове единою женою оженився служатъ, а друзии до седми женъ держаще служатъ, и иные многораздно держатъ, ихже учения блюдись. Прощаютъже грехи на дару, еже есть всего злѣе. Богъ да сохранитъ тя отвсѣхъ сихъ, и небеснаго царствия сподобитъ, молитвами преславные и приснодѣвы богородица Мария, и всѣхъ святыхъ, Аминь.

Володимеръже вся сия учения радостне приятъ отъ епископа Корсунскаго, и свеликою любовию чествова- стр. 89 ше его, и целоваше его о Господи, и многими дарми почте. Обещанияже на святомъ крещении, и вся заповеди Христовы, и вся подобающая православию крѣпко обещася соблюдати, богу помогающу. И бысть радость велия влюдехъ, и слово божие растяше и множашеся.

Таже подобающему по крещении малу времяни минувшу, Володимеръ сотвори бракъ, и поя засебя Царевну Анну, сестру Царей Греческихъ, Василия и Костянтина. И сотвори учрежение велие убогимъ, и нищимъ, и страннымъ, и сиротамъ, и вдовицамъ, и по улицамъ сосуды ставяще вина, и меду, и переваръ, и мяса, и рыбы, и овощи всякия; да кто что хотяще, не возбранно срадостию насыщающеся.

Посемъже Володимеръ посла вГреки кпресвященному Фотию, Патриарху Цареградскому, и взятъ отнего

988

перваго Митрополита Михаила Киеву и всей Рустей земли.

Михаилъ Митрополитъ Киевский и всеа Русии, бысть же сей Митрополитъ учителенъ зело, и премудръ премного, и житиемъ великъ и крѣпокъ зело, родомъ Сиринъ: тихъ убо бѣ, и кротокъ, и смиренъ, и милостивъ премного; иногдаже страшенъ и сверѣпъ, егда время требоваше. Чествоваше бо его Володимеръ, и всогласии и любви мнозе снимъ пребываше. И радовахуся вси: и слава божия превосхожаше.

Таже Володимеръ благословениемъ отца своего Митрополита постави церковь вКорсуни нагорѣ, иже ссыпаша посрѣде града, крадуще приспу: сия церкви стоитъ и досего дни.

Посемъ многи послы приходита изГрекъ отЦарей, со многою честию, и здары, и слюбовию.

Приходиша послы изРима отПапы, и мощи святыхъ принесоша Володимеру.

Тогдаже приде Печенежский князь Метимагакъ кВолодимеру, и вѣровавъ крестися во Отца и Сына и Святаго Духа.

Отдадеже Володимеръ, яже взялъ, Корсунь градъ Грекомъ, Царицы для.

Влѣто Ѕ'.Ѵ.Ч.З.

Пойде Володимеръ со отцемъ своимъ Михаиломъ стр. 90 Митрополитомъ кКиеву, и взятъ ссобою мощи святаго Климента, и Ѳива ученика его, и святыя кресты, и святыя иконы, и священныя сосуды церковныя: и отпрезвитеровъ Корсунскихъ многихъ избравъ взятъ, и Онастаса писавъшаго настрелѣ; и два болвана мѣдяны, и четыре кони мѣдяны, и три львы мѣдяны: и даде Анастаса отцу своему, Митрополиту Михаилу. И пришедъ во градъ Киевъ, повелѣ кумиры сокрушати, и огневи предаяти: и бѣ слово его со властию, и многи срадостию крестишася.

989

Крестиже Михаилъ Митрополитъ В.І. сыновъ Владимеровыхъ, ихъже имена суть сия: Вышеславъ, Изяславъ, Святополкъ, Ярославъ, Всеволодъ, Святославъ, Мстиславъ, Борисъ, Глѣбъ, Станиславъ, Позвиздъ, Судиславъ. И посади перваго сына своего Вышеслава вНовѣгороде Великомъ: а Изяслава вПолотце: Святополка вТурове: Ярослава вРостове; по умертвииже старѣйшаго сына своего Вышеслава, посади вНовѣгороде вВеликомъ четвертаго сына своего Ярослава: а Бориса посади вростове: а Глѣба вМуроме: Святослава вДеревехъ: Всеволода вВолодимери: Мстислава вТмутаракане: Станислава вСмоленце: Судислава воПскове.

Посемъ же Володимеръ соотцемъ Митрополитомъ помыслиша со страхомъ, и свеликимъ прещениемъ, глаголати ковсѣмъ людемъ сице: аще кто не обрящется креститися нарецѣ, воединого бога Отца и Сына и Святаго Духа, противенъ Христу богу и намъ, и неиматъ сей пощаденъ быти отнасъ. Сияже слышавше людие, срадостию течаху креститися. І на заутрие изыде Володимеръ соотцемъ, и ссвоими детми, и князи и бояры, и спрезвитеры на реку Днепръ. И снидошася многое множество безчисла людей, и здетищи и ссущими млеко, и стояху вводѣ до персей, и овии младенцы врукахъ держаще стояху вводѣ. Презвитерыжъ стояще набрегу, молитвы глаголаху, и крестяще ихъ во имя Отца и Сына и Святаго Духа. И бѣ радость велия влюдехъ, и сми- стр. 91 рение, и любовь премнога; и вси созидающеся вѣрою и любовию ко Христу богу, и утешениемъ Святаго Духа умножахуся.

Володимеръже видѣвъ сия вся, возрадовася душею и сердцемъ, и возопивъ, и возрѣвъ на небо, рече: Господи боже, сотворивый небо и землю, призри нановыя люди сия, и даждь имъ увѣдети тя истинного бога, якоже увѣдеша страны Християнския; утверди внихъ вѣру

989

праву, и несовраши. Помози Господи на противнаго врага; да надѣяся на тя и натвою помощъ, побежду козни его. И повелѣ воздвизати церкви, и составляти монастыря честныя: и постави церковь святаго Василия на холмѣ, идѣже стоялъ Перунъ, и прочии ихъ дѣмонстии кумиры. Сицежъ и повсѣмъ градомъ и по селомъ воздвизахуся церкви и монастыри, и умножахуся священницы, и вѣра православная цвѣтяше, и сияше яко солнце.

Таже посемъ пресвященный Митрополитъ Михаилъ Киевский и всеа Русии совеща ссыномъ своимъ, сокняземъ Володимеромъ, како наипаче утвердити православную вѣру: и начаша отъ отцевъ и отматерей взимати младыя дѣти, и давати вучилище, учитись грамоте. И бысть множество училищъ книжныхъ; тѣхже всѣхъ учителей грамотныхъ призываше ксебѣ Митрополитъ, и наказываше, православие и благочестие крѣпко соблюдати, и безумныхъ речей и неподобныхъ отъятися. И бысть отсихъ множество людии мудрыхъ философъ, яко збышися пророчеству глаголющему: земли Рустей во оны дни услышатъ словеса книжная, и ясенъ будетъ языкъ гугнивыхъ. Сии убо никогдаже слышали словесъ божественныхъ писании: нынеже благодатию Христа бога быша дивни философи, якоже рече Пророкъ: помилую, аще хощу. Велий еси, Господи, и чюдна дѣла твоя, и ниединоже слово довольно есть кпохвалению стр. 92 чюдесъ твоихъ. О глубина богатества, премудрости, и разума божия! яко неиспытанни судбы его, и неизслѣдованни путие его. Кто бо разумѣ умъ Господень, или кто совѣтникъ ему бысть? Яко сии убо человѣцы преже быша яко звѣри, идолослужебницы безумнии, кровопроливии; нынеже благодатию Христовою просвещени, и Евангельски живуще, і на небеса восходяще, и быша философи любомудри и дивни. Слава тебѣ Исусе Христе, Сыне божий, всяческихъ ради, слава тебѣ!

990

Влѣто Ѕ'.Ѵ.Ч.И.

Приходиша множество Печенѣгъ, и многа зла сотвориша Християномъ. Володимеръже со множествомъ вой изыде противу ихъ, и многихъ изби, и мало отнихъ избежаша.

Нача ставити Володимеръ грады подеснѣ, повыстры, поТрубежу, по Сулѣ, повСтуглѣ: и насели ихъ Словены сии рѣчь Новгородцы, Кривичи сирѣчь Смолняны, и Чюдью, и Вятичи. А самъ воюяся сПеченѣги, и одолѣваше имъ.

Тогоже лѣта посла Володимеръ философа, нарицаемаго Марка Македонянина, вболгары, иже есть воАгаряны, еже Измаилтяне глаголются, и Срацыны, яко отСарры наречени отсвободныя, яко Агарь раба бяше Сарре; и помногихъ именовании и бесермени нарицаютца, и Татари, и другии имена ихъ дѣмонския. Сице глаголя: яко приходиша комнѣ прежде, егда еще непросвещенъ вѣрою православною, хваляще свою вѣру скверную, и мене ю нудящу прияти. Азъже увѣдехъ истинно о ней, яко гнусна есть, и неприяхъ ю: тыжъ иди книмъ, и проповѣждь имъ слово божие, яко да вѣруютъ вГоспода бога и Спаса нашего Исуса Христа, и да крестятся божественнымъ его крещениемъ, и снами единоверни, и единосовѣтни будутъ, и небесныхъ благихъ получатъ. Ащелиже не восхотятъ просветитися божественнымъ крещениемъ, стр. 93 да не брань сотворятъ о семъ; ибо и сами мнѣ преже сего сотвориша о своей вѣре, не вѣдяще ю хваляще: азъ же не сотворихъ имъ брани никоеяже; да сице и они такожъ да не сотворятъ. Философъ же иде вболгары, и много глаголавъ имъ слово божие; онижъ безумиемъ своимъ обьюродѣша. Онже возвратися кВолодимеру вКиевъ, и много чествованъ бысть отнего, и отвсѣхъ похваленъ.

Тогоже лѣта придоша изБолгаръ кВолодимеру вКиевъ четыре князи, и просветишась божественнымъ крещениемъ.

990 щениемъ. Володимеръ же чествовавъ ихъ, и много довольствова.

СКАЗАНИЕ о хулней вѣре Срацынстей.

Есть же и донынe держаще и прельщающе люди служба Измаилтеска, рекше вѣра Срацынска, предтеча сущи Антихристовъ. Сходитъ же ото Измаила и отАгары рождьшагося Аврааму; тѣмъ же Агаряне Измаилтяне нарицаютца. Саракиняжъ себѣ нарицаютъ отСсарры, яко Сарре Агарь раба бяше; понеже рече Агарь коАврааму: отпусти мя, яко много оскорбляетъ мя Сарра. Сии убо идоломъ служивше, и поклонившеся деннице звездѣ, и Аѳродите, южe Ихаваръ своимъ языкомъ нарекоша, еже сказаетца великая.

До лѣтъ же убо Ираклия Царя яве идоломъ служаху (Срацыни). Отъ Ираклия же Царя и донынe возрасте внихъ лжепророкъ, именемъ Моамедъ, иже бесѣдовавъ съ Еврѣи и съ Християны, и съ Арияны, и сНесторияны, и сМонихѣи, и съ Яковиты, и со Армены, и сХристоразодорники, и зДонотияны, и сЛамбетияны, отвсюду почерпъ злая; отъЕврѣй убо единоначальна, отоАриянже Слово и Духъ творенна оба, отНесториянже человѣкослужемие. И прочте ветхий и новыи завѣтъ. Такожъ и соАрияниномъ нѣкимъ мнихомъ бесѣдовавъ, свою состави ересь, извѣтомъ, якоже мнѣти, благовѣрия, языкъ Срацынский стр. 94 присвоивъ, снебеси отбога писания вкнигахъ его смѣха достойна вѣру емъ, і сице предаде. Глаголетъ, единого бога Творца быти всему, ни рожденнуже, ни родивша. Глаголетъ, Христа Слово быти божие, и Духъ его, сотвореннаже и раба, и яко отМариямъ сестры Моисѣовы и Ароновы безсемени родися. Слово бо, рече, божие и Духъ вниде вМарию, и роди Исуса, Пророка суща и раба божия. И яко Июдеи беззаконновавше восхотѣша его распяти, и емше и распяша сѣнь его: самже Христосъ нераспятъ бысть, ни умре; богъ бо его взятъ ксебѣ на небеса, понеже любляше его. И се же глаголютъ, яко Христу возшедшу на небеса, вопроси его богъ, глаголя: о Исусе, или еси реклъ: сынъ есмь божий і богъ? И отвещавъ Исусъ, рече: милостивъ ми Господи мой, ты вѣси, яко не рекохъ, ниже стыжуся быти рабъ твой; но человѣцы преступницы написаша, яко рекохъ слово се; солгаша на мя, и суть заблуждъше. И

990

отвещавъ, рече ему богъ: вѣмъ, яко ты не рече словеси сего. И ина многа баснословия втаковѣмъ писании. Смѣха достойно сие отбога снесено нань блядословатъ. Намже глаголющемъ: и кто есть свидѣтельствуя, яко писание далъ ему есть богъ; или кто отъПророкъ прорече, яко таковыи востанетъ Пророкъ? И недоумѣющимся имъ, и бывшимъ яко рыбамъ безгласнымъ. Яко Моисѣй, на Синайстей горѣ, предлицемъ всѣхъ людии, во облацы и во огни, во мраце и вбури явльшуся богу, приятъ законъ: и яко вси Пророцы отМоисѣя, и потомъ наченше о Христове пришествии, проповедаша, и яко богъ Христосъ и божий сынъ воплотитися прииде, и распятъ будетъ, умрѣ же воскреснетъ; и той есть судия живымъ и мертвымъ.

И глаголющимъ намъ: како не прииде пророкъ вашъ инѣмъ свидѣтельствующимъ о немъ? но ни вамъ пришедшимъ ту, якоже Моисеови богъ даде законъ, зрящимъ всѣмъ людемъ, курящися горѣ; и тому писание, еже рѣсте, тако далъ бы, да и вы извѣщение имаше. стр. 95 Отвещеваютъ глаголюще: яко богъ, елико хощетъ, творитъ; воли бо его никтоже противится. Мыже глаголемъ книмъ: сие и мы вѣмы, но вопрошаемъ: како сниде писание на пророка вашего? І отвещеваютъ Агаряне: егда спаше, сниде писание нань. Мыже посмехающеся глаголемъ книмъ: яко прочее, понеже спя приялъ есть писание, и не чюлъ есть дѣйства, и на томъ исполнися людцкая притча. І паки вопрошающимъ намъ: како тому заповѣдавшему вписании вашемъ, ничтоже творити или приимати безсвидѣтель, не вопросисте его, яко о себѣ да покажеши намъ первие свидѣтельство, яко Пророкъ еси божий, и отбога изыде, яко второе писание свидѣтельствуетъ о тебѣ? Молча стыдящеся. Книмже подобно рѣчемъ: понеже жены поятi нѣсть достойно вамъ безсвидѣтель, ни купити, ни стяжати; ни вы же сами не хощете осляте ни скотины безсвидѣтель имѣти; имате же убо и жены и стежания иослята и прочия свидѣтѣли, токможе едину вѣру и писание безсвидѣтель имаше. Ибо вѣру вамъ предавый ни откудуже иматъ извещения, но ни свидѣтель того никтоже познаваетца, но и спя взялъ есть.

990

Нарицаютъже насъ двобоги: яко, рѣша, другаго бога вводимъ, глаголюще быти Сына божия и бога. Книмъ же речемъ: яко тако Пророцы и писание предало есть; вы же яко крепитеся Пророки приимати, аще убо злѣ глаголемъ Христа Сына божия? І нѣцыи отъ нихъ рѣша: яко мы, Пророки оклеветающе, таковая приложихомъ. Иниижe рѣша: яко Еврѣи, ненавидяще васъ, прельстиша васъ, якоже отПророкъ написавше; да вы погибнете. И паки речемъ книмъ: вамъ глаголющемъ, яко Христосъ Слово есть божие и Духъ; како оклеветаете насъ, яко двобожие бысть? ибо Слово и Духъ и разлучно есть отного, внемже есть. Аще убо есть въ бозе яко Слово его; яве, яко богъ есть: ащеже кромѣ есть бога, безсловесенъ есть, по вашей рѣчи, богъ, и бездушенъ. Же бегающели другаго бога, пресекосте его? Луче бо бы стр. 96 вамъ другаго имѣти и глаголати, неже присецати его, аки камень, или древо, или ино что отнечюствнныхъ вводити. Якоже вы убо насъ лжеоклеветаете, и двобоги нарицаете; сице и мы богапресекателе богу именуемъ васъ.

Оклеветаетеже насъ, яко идолослужителе покланяющихся Христу, и иконе его и кресту, и святымъ его Ангеломъ, и Архангеломъ, и Апостоломъ, и Пророкомъ, и Мученикомъ, и Святителемъ, и Преподобнымъ, и Праведнымъ, и всѣмъ Святымъ его. І паки речемъ книмъ: како убо вы о камень трепеся по глаголу Вахеана вашего, и облобызаете камень целующе? І нѣцы отнихъ рѣша: Авраамъ лежалъ есть нанемъ со Агарою. Иниижe рѣша: яко велбуда привязалъ бѣ кнему, егда хотяще жрети Исаака. І книмъ отвещеваемъ: писанию глаголющу, яко гора бѣ леса, много имуще древесъ, отнихже всесожжению уцепивъ Авраамъ возложи на Исаака, і яко соотрокомъ осляте остави; откуду бо вамъ сия лжа, тамо ни древа ни дубравна суть; ни ослята минуютъ: посрамляетеся убо. Ониже рѣша, камени быти Авраамлю. Мы же речемъ книмъ: да есть Аврамль камень, якоже вы лжете, яко токмо Авраамъ съ женою лежа нанемъ, яко велблуда привязалъ кнему; сего убо целующе не стыдитеся: но како насъ повинныхъ творите, яко кресту Христову покланяемся и образу его, имъже бесовская крѣпость, и дияволя прелесть разрушися?

990

Сей, егоже рѣша, камень глава Аѳродитина есть, ейже поклоняхуся, и южe Вхаваръ именоваху, нанемъже и донынe изсечение знамение извѣстно смотрящимъ являетца.

Сей Моамедъ многа, якоже речеся, баснословие списавъ, коемуждо сихъ наречение приложи, якоже сице писание женъ, и внемъ четыре жены яве поимати узаконяетъ, и наложницъ, аще можетъ, тысещу, елико рука его обиметъ повинующихся. Отъ четырехъже женъ, южe хощетъ, пустити, и южe хощетъ, пойметъ другую; стр. 97 отсицевыя вины законъ положи.

Помошникажъ имѣяше Моамедъ, рекше, друга, именемъ Зида. Сийже Зидъ имѣяше жену красну, ейже похотѣ Моамедъ. Седящема же има рече Моамедъ онъ сице: богъ заповѣда ми жену твою пояти. Зидъ же отвеща: Апостолъ еси; твори, еже ти богъ реклъ, поими жену мою. Пачеже выше речемъ; рече кнему: богъ заповѣдалъ ми, да пустиши жену твою; онже пусти ю. По днежe нѣкихъ инако рече: заповѣдалъ ми богъ, да азъ возму ю. И тако поемъ, прелюбы сотвори снею, таковыи законъ положи: хотяй да пущаетъ жену свою. Ащеже по пущении возвратится, да пойметъ ю инъ; не достойно бо есть пояти ея, аще не лежитъ вдругимъ. Аще же и братъ пуститъ жену, да пойметъ ю другии братъ его хотяй. Втомже писании таковая повелеваетъ: дѣлай землю, южe ти далъ богъ, и памятию се твори; и сицево да не глаголю всѣхъ странныхъ словесъ, якоже онъ.

Накиже другое писание велблудица божия, о нейже глаголетъ: яко бѣяше велблудица отбога, и испиваше всю реку, и не можаше проходити сквозe двѣ горѣ, понеже не вмещашеся; людиеже бяху, рече, на мѣсте томъ, и единъ убо день той пияху воду; велблудицажъ другий день: пиющаже воду кормля ихъ млекомъ воды мѣсто. Воставже убо людие они, лукави суще, и убиша велблюдицу. Родилажъ бѣ та велблудица малу; материнжъ убиенни бывши, малая возопи кбогу, и взятъ ю богъ ксебѣ. Книмже речемъ: откуду бѣ велблудица она? Глаголютъ: яко отбога бѣ. И речемъ имъ: смѣшилали ся велблюдица та со инѣмъ велблюдомъ? И глаголютъ: ни. Откуду убо, рѣкомъ, роди малую

990

видомъ велблудицу вашу безо отца и безматери и неродословну; родившижъ, злѣ пострада? но ни нужу стр. 98 сотворивый ей и не являетца, и малая велблюдица вознесеся. Пророкъ убо вашъ, кнемуже, глаголюте, глагола богъ, почто не увѣде о велблюдице, гдѣ пасется, которое млеко ядятъ снедоящими, или тайне како возло впадши убиенна будетъ, или врай предними внидетъ, отнеяже река млечная вамъ будетъ, якоже глаголете, три реки врай вамъ потекутъ; водна, и винна, и млечна. Аще же есть свѣне рая предтеча вашъ велблюдица; яве есть, яко изсше гладомъ и жаждею, или и млека ея наслажающтца: и всуе пророкъ вашъ шатаетца, мняся бесѣдовавъ збогомъ; тайны бо ему о велблюдицы не откры. Аще врай есть, паки испиетъ воду, и безводиемъ пресхнетъ посреди пища райския, и отвинныя реки вжадаетъ пити, не сущи водѣ, испила бо всю велблюдица: едино вино пивше вжадаетcя, и впиянство внидетъ, и уснете, главою же болящи, и по возстании отъ сна насытившеся вина, красоты райския забудете. Како убо пророкъ вашъ недомыслися, егда когда таковая вамъ приключатся врай пища, ни о велблюдицежъ ниброже, гдѣ ныне пребываетъ; но и вы не вопросисте его, якоже вамъ о трехъ рекахъ исповѣда нѣкое баснословие. Но мы дивную вашу велблудицу вдушахъ вашихъ ослятъ, идѣже вы хощете пребывати, яко скоти предтекуще предвами, яве возвещаемъ; тамо бо есть тма кромѣшная и мука безконечная, огнь, скрежетъ, червь неумираемый, бездны бесовския.

Паки рече Моамедъ писание трапезы; глаголетъ же: яко Христосъ убо просилъ трапезы, и дастъ ся ему; ибо богъ, рече, глагола ему: яко вдахъ тебѣ и твоимъ трапезу нетлѣнну. Паки писание о велблудице глаголется, и ины нѣкия глаголы смѣха достойны. Враиже четыремъ рекамъ глаголете, едина воды чисты и немутящаяся, другая млека неизменяемого сладости своея, третья вина сладка, четвертая медъ уцыженъ: и пятдесятъ стр. 99 тысяцъ лѣтъ пребывати врай Срацыномъ ссвоими женами, плотски скверномъ живущемъ, и подсѣнми нѣкихъ древесъ, яже нарицаются Сиидриталехъ; мяса ядущимъ птицъ, ихже хотятъ, и овощи всякие, пиющимъ чистую воду ото источника и отъ знигивѣрна потока,

990

нарицаемаго Салсавила, і вино приносящи, егоже черпание ото источника нарицаемаго Зданима. Мужемже, рече, и женамъ будетъ возрастъ тогда досязая до небесъ; и срамни уди М. лакотъ, смешающеся несытно предбогомъ: понеже богъ, рече, не срамляется, и минуютъ же и Ангелы Ароѳаже и Вароѳа і Тызаѳа и Мурува, ихже отчестныхъ и божиихъ быти баснословитъ.

Ещеже баснословитъ и Пророки и Апостолы, иже суть сия: Худъ, Залетъ, Салехъ, Ссапъ, Едрисъ, Дуалифилъ Локманъ. І ещеже лжуще глаголетъ: яко богъ, егоже хощетъ, прельщаетъ; егоже хощетъ, наставляетъ на благое; и всякому благу и злу есть повиненъ, и по лучаю часъ всѣхъ держитъ. И ещеже: яко Господь нашъ Исусъ Христосъ, и еще младъ сый, птица вкале лепляше, и дунувъ на ня, творяще я живы; слепыя исцеляше, и мертвыя воставляше. И ещеже глаголетъ, на молитву приходити кбожию дому молитвенному на мѣсто нарицаемое Меке; внемже, рѣша, лежитъ посреди камень великъ, образъ имы юродитъ. На молитву тамо приходящимъ повелеваетъ едину убо руку свою прострети хкамени, и другоюжъ объяти ухо свое, и тако вертетись имъ около почасту, дондеже падутся отзавертѣния омрачившеся, и тамо метати камени, и семь на Християны, еже Християномъ ругаютcя, отметники сихъ именуя, и обѣщники двобоги, и воздвижетъ Срацыны не видети ихъ; и путь божий именуя заколение, и еже на Християны брани, и втаковѣй брани умирающая Срацыны, сыны божия, и достойны раеви нарицая. И ещеже прилагаетъ: да аще не обретаютъ воды, таковы стр. 100 обрѣтше персть добру, и тою потираютъ лица своя и руцѣ. Человѣкаже глаголетъ создана быти отперсти и откала, глаголя, и отпиявицъ и отсмешения: и яко человѣку создану бывшу, инии убо вси Ангели божии повелѣниемъ божиимъ поклонишася ему, единже Сатана не покорися поклонитися ему. І надо всѣмижъ сими глаголетъ бога Моамедъ покованаго бога проклиная отрицаяся ихъ; и иныя нѣкия глаголы смеха достойны, яже множества ради преступити вменихъ подобнее.

Симъ обрѣзоватися и женами законъ положивъ, не суботствовати, ни крещатися повелѣвъ: закономже отреченна ясти, повелѣ сия ясти; а яже законъ ясти

990

повелѣлъ, онъ сихъ удалятися заповѣда; свиныяже мясъ не ясти; вино, еже пити, отинюдъ отрече, и единомуже точию кланятися богу; Христаже честна убо яко Слово божие, а не яко Сына, яко отДуха пресвятаго рождьшагося; словомъ и духъ произносно и воздухъ разливающеся разумѣти, не составно, ни родителемже единосущно; святуюжъ приснодѣву Марию не глаголати богородицу, но Моисѣову и Аронову сестру сию мнѣти. Сице баснословивъ, еликонъ отвѣтнаго писания мнятся преводя развращая сие и похулися, и тмами лжу глаголя на Ноя же и Авраама и Исаака и Иякова и на Иосифа и Иова и Моисѣя и Аарона и надавыда и Соломона Илию и Иону и на Захарию, отца Предтечева; себѣ же убо ключарю райскому быти рече.

Вденьже судный первое, рече, представетъ Моисѣй со Израилтяны, и яко преступницы закону муце вѣчней предани будутъ. Потомже Исусови представати, рече, и отметатися предбогомъ, яко не наречеся Сынъ божий; Християнеже таковое имя дерзнувше приложити Христовы, и бога того, Сына божия, и Слово воплощенное, и распята проповѣдавше. Потомъ себѣ, рече, отбога позвану быти, и паче, яко богочестиву, и всего стр. 101 языка благочестию повинну бывшу, повинну быти і тому райскому ключарю быти, того ради и отверзту ему рай внити снимъ безпротивна словеси. И безразсужения рече О'. Срацынъ могущихъ на сей устремитися, прочимъ же осудитися глаголетъ; и праведникомъ убо извѣстно пищи насладитися, обретающимжe ся грешникомъ грамоты навыяхъ навязанны имущимъ, і тѣмъ врай внити, и сихже нарицати прощеники божия и Моавмедви. Женамъ же быти сними безстрастно, и пометати имъ храмы, и всячески угажати, рече. Июдеомъ же и Християномъ вдровъ мѣсто огнемъ подложенномъ быти; Саморяномъ же рече смѣтие износити, і мотылу ихъ израя, яко да невозсмердится рай. Кождоже, якоже и здѣ жилъ есть, или вбогатствe или внищетѣ, тѣмже образомъ и онамо жити глаголетъ сий льстецъ: коимъ всякому благу и злу повинну быти богу научи; и все, еже аще найдетъ на человѣка, и аще отоискушения, или отлукаваго, отбога быти лжесловитъ, и разбойникъмъ и чародѣйца; елицыхъ отреченныхъ ати

990

будутъ взлыхъ дѣлехъ и убиваеми; таковымъ, рече, писалъ есть богъ быти, і тако умрети имъ восхотѣлъ есть. І ины нѣкая лжуще баснословятъ окаяннии вѣчныхъ благъ отчюждени, яко нечестивии хульницы.

Да сия вѣдяще, отбегайте отАгарянскихъ дружебъ и общения и единосовѣтия и любви, яко дѣмонско есть.

Михаилъ Митрополитъ.

Тогоже лѣта иде Михаилъ, Митрополитъ Киевский и всеа Русии, вНовгородъ великий съ епископы Ѳотѣя Патриарха; даде бо ему Фотѣй Патриархъ шесть епископовъ напомощь; и зДобрынею, дядею Володимеровымъ, і со Анастасомъ. И идолы сокруши, и многия людi крести, і церкви воздвиже, и презвитеры постави по градомъ и по селомъ.

Тогоже лѣта умножени всяческихъ плодовъ бысть, и тишина велия отвсюду.

Тогоже лѣта придоша отГреческихъ Царей послы о любви.

Влѣто Ѕ'.Ѵ.Ч.Ѳ. стр. 102

Иде Михаилъ Митрополитъ поруской землѣ и до Ростова, счетырма епископы Фотия Патриарха, и зДобрынею и соАнастасомъ; а друзии епископи Ѳотиевы вКиеве пребываху. И учаще Митрополитъ всѣхъ съ епископы, вѣроваши воединого бога вТроице славимого, и научи и наказа богоразумию и благочестию многихъ: и крести безчисла людей, и многия церкви воздвиже, и презвитеры и дияконы постави, и клиросы устрои, и уставы благочестне устави. И бысть радость велия влюдехъ, и множаще вѣрующеи, и повсюду прославляшеся имя Христа бога.

Тогоже лѣта придоша изГрекъ вКиевъ кВолодимеру каменосѣчцы, и зиздателе полатъ каменныхъ.

Тогоже лѣта бысть наводнение много.

Тогоже лѣта приде Печенѣжский князь Кучюгъ, иже нарицаютца Измаилтяне, кВолодимеру вКиевъ, и

991

приятъ вѣру Греческую, и крестися во имя Отца и Сына и святаго Духа. И служаше Володимеру чистымъ сердцемъ, и много на поганыхъ одолѣние показа: и любляше его Володимеръ и почиташе зело; такожъ и Митрополитъ и вси князи и бояре почитаху и любляху его.

Тогоже лѣта придоша кВолодимеру послы изрима отПапы, слюбовию и счестию.

Влѣто Ѕ'.Ф.

Ходи Володимеръ вСуздальскую землю, и тамо крести всѣхъ; бѣ же сВолодимеромъ два епископа Ѳотѣя Патриарха. И заложи тамо градъ всвое имя Володимеръ, нарецѣ на Клязме, и церковь внемъ постави древяну пречистые богородицы, и наказаше люди съ епископы Ѳотѣя Патриарха. И бысть благочестие велие, и сияше вѣра Християнская яко солнце, и день о дне напредъ успеваше. И радовашеся Володимеръ душею и сердцемъ, и много имѣния убогимъ и нищимъ раздаяше, и ставяше по улицамъ ядение и питие, и хто, что хотяше, насыщашеся.

стр. 103 Тогоже лѣта посла Володимеръ наПеченѣги, и одолѣша имъ, возвратишася спобѣдою и срадостию кВолодимеру.

Тогоже лѣта придоша послы кВолодимеру отъ Болеслава Ляцкого.

Тогоже лѣта преставися пресвященный Михаилъ Митрополитъ Киевский и всеа Русии, иже поживе крѣпкимъ житиемъ, и многъ трудъ о Господи показа вновокрещеныхъ людехъ, и вѣру православную соблюде, и всѣхъ богоразумию научи. И много о семъ поскорбѣ и прослезися Володимеръ, и едва отъ епископъ Ѳотѣя Патриарха, и отсвоихъ князей и бояръ, утешаемъ бываше; бяху бо всегда влюбви и всовѣте сВолодимеромъ.

Леонтъ Митрополитъ Киевский и всеа Русии.

Тогоже лѣта взя Владимеръ, у блаженнаго Патриарха Ѳотия Костянтиноградского, Митрополити Киеву и всей Русии Леонта: и бысть радость велия влюдехъ.

992

Тогоже лѣта придоша послы отАндриха Чежского слюбовию, кВолодимеру вКиевъ.

Постави Леонъ Митрополитъ Киевский и всеа Русии і епископы по градомъ.

Тогоже лѣта вКиеве Леонтомъ, Митрополитомъ всеа Русии, Нову городу великому и Пскову поставленъ бысть епископъ Иакимъ Корсунянинъ: и приде кНову городу, и достальная требища разори, и идолы сокруши, и Перуна разсече, и вВолховъ вверже: и бысть слава Господня повсюду.

Тогоже лѣта постави Леонтъ, Митрополитъ Киевский и всеа Русии, Чернигову епископа Несѳита: а вРостовъ постави епископа Ѳедора, а вВолодимеръ Стефана, а вБѣлградъ Никиту; и по инымъ многимъ градомъ епископы постави. И радовахуся людие, и сiяше православие, и прославляшеся имя Христово, и слово божие растяше и умножашеся.

Влѣто Ѕ'.Ф.А.

Благословениемъ отца своего, Митрополита Леонта Киевского и всеа Русии, созда Володимеръ церковь пречистые богородицы каменну вКиеве, мастеры Греческими: и украси ю иконами и книгами, и сосуды церковными, и еже что бѣ взялъ вКорсуне граде, святые кресты, и честные иконы, и священные сосуды: и то все да- стр. 104 де вцерковь пречистые богородицы, и отцу своему Митрополиту Леонту. Дадеже и десятины всоборную церковь пречистые богородицы изо всего своего княжения, и отвсякого суда десятое, а исторгу десятую недѣлю во всѣхъ градѣхъ, и отвсякого стада на всякое лѣто десятая, и отвсякого жита на всякое лѣто десятое, Господу богу и Спасу нашему Исусу Христу, и пречистой его матери богородицы, и отцемъ своимъ Митрополитомъ Киевскимъ и всеа Русии.

Сеже и по всей землѣ Руской во всѣхъ княженияхъ соборные церкви епископомъ сотвори, по прежнимъ

993

Греческимъ номоканономъ, и вся сосуды церковныя, и вся оправдания церковная, даде по прежнимъ Греческимъ номоканономъ святей церкви пречистые богородицы, и отцемъ своимъ Митрополитомъ. И заповѣда никакоже сихъ претворити, ни отрода его, ни отбояръ его, и отпротчихъ всѣхъ, до скончания мира, никакоже дерзнути на церковная и святительская. И положи написавъ клятву во святей божественней церкви, ту стоящу Леонту Митрополиту Киевскому и всеа Русии, и епископомъ Ѳотѣя Патриарха, и Рускимъ епископомъ и презвитеромъ и инокомъ, и его княземъ и бояромъ, сице глаголя: аще кто посудитъ сего моего уставления, яже уставихъ по преже насъ бывшихъ Греческихъ номоканонахъ; да будетъ проклятъ. И сотвори втой день праздникъ велий сМитрополитомъ, и съ епископы, и збояры, и со всѣми велможами своими, и раздаде имѣния много убогимъ и нищимъ.

Влѣто Ѕ'.Ф.В.

Ходи Володимеръ на Болгары, и много ратовавъ ихъ победи, и возвратися срадостию вКиевъ.

Тогоже лѣта бысть сухмень великий, и знойно добрѣ.

Тогоже лѣта послы Володимеровы приидоша вКиевъ, иже ходиша врим кПапе.

Влѣто Ѕ'.Ф.Г.

Приде Володимеръ вКиевъ, воевавъ Хопраты. И услыша, яко Печенѣзи грядутъ нань, иде противъ имъ. стр. 105 Ониже выведоша мужа велика и сильна, да послетъ Володимеръ противу его братися; Володимеръ же по всей Руской землѣ пославъ, взыска такова человѣка.

И се нѣкий усмошвецъ приступивъ рече ему: имамъ сына, иже, кроящу ему кожу сыромятну великаго вола аргичнаго, и разсверѣпивъ о нѣкоей вещи, раздра ѣ руками на двое. Владимеръ же повелѣ его привести, и

995

повелѣ великого вола (*) ордичного разженымъ желѣзомъ ожещи; волужъ яростно и свирѣпно бежавшу, отрокъ же ухвати его рукою за бокъ, и вырва кожю и смясомъ. Володимеръже и всѣ его велможи ради быша, и повелѣ ему братися збогатыремъ Печенѣжскимъ.

И егда схожахусь братися, и нача Печенѣжанинъ смеятися, глаголя: како сей худы грядетъ противъ меня братися? бѣ бо отрокъ средний возврастомъ. И пойде ко отроку, яростию дыша яко левъ, и гордостию взимаясь яко дѣмонъ, крича и вопия на отрока. Отрокъ же надѣжу имѣя на бога, и на пречистую богородицу, не бояся противу его идяше; и одолѣвъ уби богатыря Печенѣжского. Печенѣзиже видѣвше побегоша, а Володимеръ погна занимн, бия ихъ. И заложи на броду томъ градъ, и нарече имя ему Переяславль, зане переялъ славу отрокъ: и сотвори отрока того великимъ велможею, такожъ и отца его великимъ величествомъ почте, и весь родъ его. И іде вКиевъ радуяся со славою и побѣдою.

Влѣто Ѕ'.Ф.Д.

Заложи Володимеръ Бѣлградъ, и наведе вонь отъ иныхъ градовъ множество людии; бѣ бо Володимеръ любя градъ той паче всѣхъ градовъ. И постави внемъ церковь Преображение Христово.

Влѣто Ѕ'.Ф.Е.

Ходи Володимеръ на Болгары Воложския и Камския, и одолѣвъ плени ихъ.

Влѣто Ѕ'.Ф.Ѕ.

Придоша Печенѣзи кВасилеву. Володімеръ же изыде противу ихъ вмале, и не возможе братися сними, и бежавъ подмостъ укрыся отнихъ, и обещася поста- стр. 106 вити церковь вВасилеве Преображение Христово; той бо бѣ празникъ тогда. И постави церковь камену, и украси ю иконами и всякими утварми.

(*) Поправл. Патр. аргичшаго.

998

И пойде вКиевъ. И пришедъ виде церковь великую пречистые богородицы Десятинную совершену; и вшедъ вню, помолися Господу богу, и пречистой его матере богородице, сице глаголя: Господи боже! призри снебеси, и виждь, и посети виноградъ сей, егоже насади десница твоя, новыхъ людий сихъ, ихже обратилъ еси сердца вразумъ познати тебя бога истинного; и призри на церковь сию, южe создахъ недостойныи азъ рабъ твой, во имя рождьшия ти матери богородицы и приснодѣвицы Мария. И аще кто помолится вней, услыши молитву его, и отпусти согрешения его, и милостивъ буди ему, ради пречистыя ти матери. И сице восплакавъ и прослезився рече: се даю ти, о богомати, и пресвятей церкви твоей, и святымъ отцемъ своимъ Митрополитомъ всеа Русии, якоже и прежде обещахся, сице и ныне, десятую часть отъ имѣния моего, и отъ градовъ моихъ. И положивъ написавъ клятву вцеркви сей, рекъ сице: аще кто посудитъ сие, да будетъ проклятъ. І рече ко отцу своему Митрополиту: да будеши соблюдая и сохраняя сия, о Господе добрѣ, понеже божествена суть, и да не претворяема будутъ. И рече коАнастасу Корсунянину: да будеши впокорении и впослушании всяцемъ о Господе отцемъ нашимъ Митрополитомъ. И вдаде десятинамъ, и инымъ вещемъ церковнымъ, хранителя Анастаса Корсунянина.

И сотвори пирование свѣтло со отцемъ своимъ Митрополитомъ, втой день, и совсѣми бояры и велможи своими. Таже недѣлю всю пиры творя веселяся, зсывая отмногихъ странъ люди, і раздая имѣния многа убогимъ и нищимъ и страннымъ, и по церквамъ и помонасты- стр. 107 ремъ: больнымже и нищимъ поставляще поулицамъ великия кади и бочки меду, и хлѣбъ, и мясо, и рыбу, и сыръ, и яица, и овощия различная; кождо хотя приходяше, и ядяше, славяще бога и блаженного князя Владимера.

998

Бѣ же Володимеръ милостивъ и щедръ и даровитъ, и сие слово присно глаголя: яко сребромъ и златомъ не имамъ добыти дружины, но дружиною добуду сребра и злата. И сице зело любляше Владимеръ дружину, и сними думая о божественней державе Руской, и о всемъ земскомъ устроении. Живяшеже вмире и влюбви и со окольными странами, и сКороли, зБелославомъ Ляцкимъ, и Стефаномъ Угорскимъ, и со Ондрихомъ Чежскимъ. І бѣ любя Володимеръ зело божественныхъ словесъ прочитание, и сихъ сладостию много наслаждашеся: и бѣ всегда встрасе божественнемъ, и втихости, и во умилении, и вслезахъ, и ковсѣмъ человѣкомъ кротость и тихость велия.

Разбойницы

Ненавидяйже добра дияволъ сотвори влюдехъ лукавство, и братъ брата и другъ друга лихоимствоваше; і сице умножишася разбои вземли Рустей. И собрашася епископи и старцы, Митрополиту глаголаше: яко сынъ твой, князь Владимеръ, ввелицей тихости и кротости бѣ, и разбойницы опустѣша землю; и ты что о семъ мыслиши? И рече имъ Митрополитъ: идите и рцыте ему: да воспрещаетъ злымъ, и да казнитъ разбойницы, по божественному закону, со испытаниемъ и разсмотрѣниемъ. Писано бо есть: овехъ милуйте разсужающе, овехже страхомъ спасайте. Тако бо есть воля божия, рече Апостолъ, благотворящимъ обуздовати безумныхъ человѣкъ неразумие, и яко власти не суть боязнь благимъ дѣломъ, но злымъ; аще ли хто хощетъ власти не боятися, благое да творитъ, имать похвалу отнея. Епископиже шедше и рѣша Володимеру: отецъ твой Леонтъ, Митрополитъ всеа Русии, посла насъ ктебѣ, сице глаголя: яко умножишася разбойницы вземли нашей, и почто не возпрещаеши, і не казниши ихъ? Володимеръ же рече книмъ, боюся Господа бога; кто бо есмь азъ, яко стр. 108 много согрешихъ, і безаконновахъ, паче всѣхъ человѣкъ

998

подсолнцемъ? Епископиже рѣша ему: коставленъ еси отХриста бога на воспрещение и на обуздание и на казнь злодѣйствующимъ, а добрымъ на милование; и подобаетъ ти со испытаниемъ и разсмотрениемъ злыхъ казнити, по закону божественному, а добрыхъ миловати; понеже власть во обоихъ сихъ послушныхъ окормляетъ, еже есть страхомъ и милостию; безъ сихъ бо власть никакоже пребываетъ. І рече Володимеръ: да творю, да творю тако, якоже учитъ отецъ нашъ, и ваша святость наказуетъ, по божественному закону. И сице Володимеръ подвизашеся на лукавыя и злыя, сразсмотрениемъ и великимъ испытаниемъ: бѣ же Владимеръ многотерпеливъ зело, и смысленъ вразуме.

Влѣто Ѕ'.Ф.З.

Придоша Печенѣзи на Бѣлградъ; Володимеръже не бѣ вКиеве, но вНовѣ городе: ониже глада ради восхотѣша предатися. І единже отнихъ домыслився, повелѣ ископати два кладезя, и постави внихъ по кади; и единъ наполнивъ цежа кисельного, сий рѣчь, киселя невареного, а другии сыты. И введоша Печенѣги воградъ, и показаша имъ кладези глаголюще: яко сия пища безпрестани намъ отземля исходитъ. И почерпъше предними, и свариша, и сами ядоша, и Печенѣгомъ даша: ониже ядше и кпротчимъ возопиша. И удивишася, идоша прочь.

Влѣто Ѕ'.Ф.И. [1000].

Прииде Володарь сПоловцы хКиеву, забывъ благодеяния господина своего, князя Владимера, дѣмономъ наученъ; Володимеружe тогда вПереславце на Дунаи: и бысть смятение велие вКиеве. И изыде нощию во стрѣтение имъ Александръ Поповичъ, и уби Волода- стр. 109 ря, і бра его, и иныхъ множество Половецъ изби, а иныхъ вполе прогна. И се слышавъ Володимеръ, и возрадовася зело, и возложи нань гривну злату, и сотвори велможа вполате своемъ.

1000

Тогоже лѣта преставися Рахдай удалой, яко наѣждяше сей на триста воинъ. И плакася понемъ Володимеръ, и погребе его соотцемъ своимъ Митрополитомъ Леонтомъ.

Тогоже лѣта бысть поводъ велия.

Тогоже лѣта приде послы отПапы Римского и отКоролей Ческихъ и Угорскихъ.

Влѣто Ѕ'.Ф.Ѳ. [1001].

Богатыри

Александръ Поповичь, и Янъ Ушмосвецъ, убивый Печенѣжского богатыря, и избиша множество Печенѣгъ, и князя ихъ Родмана и съ тремя сыны его вКиевъ кВолодімеру приведоша. Володимеръ же сотвори празднование свѣтло, и милостыню многу раздаде по церквамъ и по монастыремъ, и убогимъ и нищимъ, и по улицамъ больнымъ и клоснымъ великия кади и бочки меду и квасу и перевары и вина поставляше, и мяса и рыбы и всякое овощие, что хто требоваше, и ядяше.

Тогоже лѣта посла Володимеръ гостей своихъ аки впослехъ врим, а другихъ во Иерусалимъ, и во Египетъ, и вВавилонъ, соглядати земель ихъ ихъ, и обычьевъ ихъ.

Влѣто Ѕ'.Ф.І. [1002].

Преставися Малпредъ сильныи.

Тогоже лѣта преставися Рогнеда, мати Ярославля.

Тогоже лѣта родися Святославу сынъ Янъ.

Тогоже лѣта бысть течение звездамъ.

Тогоже лѣта быша дожди мнози.

Влѣто Ѕ'.Ф.А.І. [1003].

Преставися Изяславъ, сынъ Володимеровъ, отецъ Брячиславовъ. Бысть же сий князь тихъ и кротокъ и смиренъ и милостивъ, и любя зело и почитая священнический чинъ и иноческий, и прилежаше кпрочитанию божественныхъ писании, и отвращаяся отсуетныхъ глумлении, и слезенъ и умиленъ и долготерпеливъ.

Тогоже лѣта бысть умножение плодовъ всякихъ.

Влѣто Ѕ'.Ф.В.І. [1004]. 1004

Идоша Печенѣзи на Бѣлградъ. Володимеръже посла стр. 110 нанихъ Александра Поповича и Яна Усмошвеца со многими силами. Печенѣзиже слышавше побегоша вполе.

Тогоже лѣта Митрополитъ Леонтъ посадi втемницу инока Андреяна скопца. Укоряше бо сей церковныя законы, и епископы, и презвитеры, и iноки: и помале исправися, и прииде впокаяние, и впознание истинны, якоже и многимъ дивитися кротости его, и смирению, и умилѣнию.

Тогоже лѣта знамение бысть всолнце и влунѣ и взвездахъ.

Тогоже лѣта Андриха Добрянкова храбраго отравою смертною окормиша свои его слуги.

Тогоже лѣта убиенъ бысть Темирь, князь Печенѣжский, отсвоихъ сродникъ.

Влѣто Ѕ'.Ф.Ѕ.І. [1008]

Митрополитъ Иоаннъ постави церковь каменну вКиеве, святыхъ Апостолъ Петра и Павла. И вПереславли постави церковь каменну, Воздвижение честнаго Креста.

Тогоже лѣта быша прузи мнози.

Тогоже лѣта изымаша хитростию нѣкоего славнаго разбойника, нарицаемаго Могута. И егда ставъ передъ Володімеромъ, вскрича зело, и многи слезы испущая изо очию, сице глаголя: порученика ти по себѣ даю, о Владимере, Господа бога, і пречистую его матерь богородицу, яко отныне никакоже не сотворю зла предбогомъ и предчеловѣки, но да буду впокаянии во вся дни живота моего. Слышавъ же сия Володимеръ, умилися душею и сердцемъ: и посла его ко отцу своему Митрополиту Ивану, да пребываетъ никогдаже исходя издому его. Могутъ же заповедь храня, никакоже исхожа издому митрополича, и крѣпкимъ и жестокимъ житиемъ живяше, и

1008

умиление и смирение много показа; и провидевъ свою смерть, смиромъ почи о Господе.

Бѣ же Владимеръ милостивъ и нищелюбивъ, и сия присно глаголаше словеса: блажени милостиви, яко тии помиловани будутъ. И милость хвалится на судѣ. И стр. 111 судъ безмилости не сотворшему милости. І блаженъ разумеваяй на нища и убога. И милуяй нищаго взаимъ даетъ богу, и собираетъ себѣ сокровища на небеси, идѣже ни червъ ни тая тлитъ, идѣже татие не подкопаваютъ ни крадутъ. И милостынями и вѣрами очищаются грехи. И паки Пророка Данила глаголюща: воспоминая грехи твоя, милостынями искупи, і прегрешения щедротами нищихъ. І сице глаголаше, многи слезы проливаше, и всегда живяше втихости и кротости, и всмирении мнозѣ, и влюбви и милости. И радовахуся людие, и прославляшеся имя Христово.

Влѣто Ѕ'.Ф.Ѳ.І. [1011].

Преставися Царица Володимерова Анна.

Влѣто Ѕ'.Ф.К.В. [1014]

Ярославу сущу вНовѣ городе, и не восхотѣ даяти отцу своему урока сНова города, на Киевъ В'. гривенъ, а тысящу вНовѣ городе роздаваху, якоже и Вышеславъ преже, такоже и самъ Ярославъ даяше: таже не восхотѣ давати отцу своему, якоже прежде речеся. Отецъ же его Володимеръ восхотѣ пойти на него; и повелѣ вои собирати, и путь готовити, и мосты мостити, хотя итти наЯрослава сына своего: и разболѣся.

Влѣто Ѕ'.Ф.К.Г. [1015]

Сынъ же его Ярославъ, слышевъ отца своего хотяше итти на него, посла за море, и приведе Варяги, бояся отца своего. И богъ не дастъ дияволу радости; Володимеръже разболѣся зело. И вто время бѣ у него Борисъ: Печенѣгомъ же идущимъ нарусь, и посла противу имъ Бориса; самъ бо боляше вельми. Втой же болѣзни и скончася, мѣсяца Июля въ Е.І. день.

1015

Преставися благовѣрный великий Князь Володимеръ.

Умреже Володимеръ на Берестовомъ. И потаиша і; бѣ бо Святополкъ вКиеве. Нощиюже межъ клѣтьми проимавше помостъ, опрятавше и вковеръ, и ужи свесивша на землю, возложше на сани, и везше поставиша вцерковь святыя богородицы, яже бѣ самъ создалъ, и украсилъ ю златомъ и сребромъ и камениемъ многоцѣннымъ. Се же увѣдевше людие, безчисла снидошася, и плакашеся понемъ бояре, аки заступника земли ихъ, убозии аки кормите- стр. 112 ля и господина. И вложища и враку мраморяну, и сохраниша тѣло его сплачемъ.

Сей есть новый Костянтинъ великого Рима, иже крестися самъ, и люди своя крести; тако и сей сотвори подобно ему. Аще бо бѣ на скверную похоть прежде желая, но напослѣдокъ прилежа на покаяние. Якоже Апостолъ глаголетъ: идѣже умножится грѣхъ, ту изообилуетъ благодать. Аще бо вневѣжествии нѣкое согрешение быша, напоследи разсыпашеся покаяниемъ и милостынями. Глаголетъ бо Соломанъ: милостынями и вѣрами очищаются грехи. И паки Пророкъ Данилъ глаголетъ: грехи твоя милостынями искупи, и прегрешения твоя щедротами нищихъ. Милуяй бо, рече, нищаго, взаимъ даетъ богу. И Пророку Давыду глаголющу: блаженъ разумеваяй на нища и убога! вдень лютъ избавитъ и Господь; Господь сохранитъ и, і живитъ и, и ублажитъ и наземли, и не предастъ его вруки врагомъ его. И инде Пророческий гласъ отлица божия глаголетъ: вчемъ тя застану, втомъ тя и сужу. И паки инде глаголетъ: живу азъ, рече Господь, яко не хощу смерти грѣшнику, но еже обратитеся, і живу быти ему отзлаго пути своего. Мнози бо праведнии много добродѣтельми бывше, таже разлѣнившеся, погибаютъ. Тѣмже глаголетъ: елико великъ еси, толико смиряй себя. И бойтеся, рече, Господа вси святии его. О семъже князе Владимере дивно есть, колико

1015

добра сотвори врустей землѣ, крестивъ ю. И колико ревностию божественною подвизася о вѣре Христове: и благими дѣлы просия яко солнце, вторый равноапостольный Костянтинъ явися. Даруй намъ, о Владыко Христе, выну сицевого князя, заповеди твоя божественная соблюдающа, и державу Рускую сохраняюща, и насъ втихости и кротости и влюбви и вмилости содержаща. Даруй намъ здравие, и на враги побѣду. И даруй намъ святаго Князя Владимера память духовно праздновати, і радостию і ве- стр. 113 селиемъ воспоминати его, и всѣхъ православныхъ князей, достойно по твоей волѣ жившихъ, и исправльшихъ слово твоея истинны. И даруй намъ божественную твою любовь другъ ко другу стяжати, і тебѣ ради вся творити; да и внастоящемъ о тебѣ благихъ насытимся, и обещанныхъ вѣчныхъ наслѣдимъ, ихже буди всѣмъ намъ получити благодатию і человѣколюбиемъ Господа нашего Исуса Христа, емуже слава и держава, со Отцемъ и со святымъ Духомъ, ныне и присно, и вовеки вѣкомъ. Аминь.

Тогоже лѣта быша знамения страшна на небеси.

О Угрехъ.

Видѣвшеже Пиони, глаголемии Угри, яко прияша языцы сущии вруси святое крещение: и абие мановениемъ божиимъ подвигошася два князи Угорскаго языка; идоша воЦарь градъ, и прияша свято крещение, и ссущими подобластию ихъ. Архиерѣиже Греческии недоспѣше внити вземлю ихъ, варварского ради нашествия наЦарь градъ, еже наказати ихъ, и предати имъ божественное писание; понеже по языку ихъ не имяху книгъ. И абие единъ откнязей ихъ, Стеѳанъ именемъ, отиде ко Господу, многа добра дѣла сотворивъ. Видѣвшиже Латыне изнеможение Греческое, пришедши изРима, удобно глаголеми Угри ксвоей прелести приложиша: такоже и ближняя ихъ языки, и Уны, и Пиды, и Нѣмцы, и Поляне, и иныя прилежащая криму, приложиша ксвоей прелести. И Вретанский островъ, аще издавна крещенъ, но и того приложиша ксвоей прелести, якоже напреди писано есть.

1015