КНЯЖЕНІЕ ЯРОПОЛКОВО.

Начало княжения Ярополка.

Влѣто Ѕ'.Ѵ.П.А.

Нача княжити Ярополкъ вКиеве, вмѣсто отца своего Святослава, и облaдая всѣми, якоже отецъ его и дѣдъ его.

Влѣто Ѕ'.Ѵ.П.Г.

Ловы дѣюще Свѣйделинъ, именемъ Лотъ; исшедъ бо исКиева, гна по звери влѣсе. И узрѣ его Олегъ, стр. 57 и рече: кто се есть? и рѣша: Свѣйделичь. Олегже изъѣхавъ его, и уби: бѣ бо Олегъ ловы дѣя. И оттоле бысть межъ ими ненависть Ярополку наОлга; Свѣйделже всегда молвяше Ярополку: иди набрата своего, и приимеши власть его; хотя отмстити сына своего.

Влѣто Ѕ'.Ѵ.П.Е.

Пойде Ярополкъ наОлга, брата своего, наДревскую землю: и изыде противу ему Олегъ. И ополчишася, и сразишася полцы, и бысть сѣча зла, и

977

одолѣ Ярополкъ Олга. И побѣгшу Олгу свои своими во градъ рекомыи Вручий, и бяше мостъ чрезъ гроблю ко вратомъ граднымъ, и теснящеся другъ друга спихаху вгроблю; и спехнуша и Олга смосту вровъ, и падаху на него людие многи, и удавиша его и кони и человѣцы.

И вшедъ Ярополкъ во градъ Олговъ, и приятъ власть его. И посла искати брата своего: и искавше его, и необретоша. И рече единъ Древлянинъ: азъ видѣхъ вчера, яко спехнувша его смосту вровъ. И посла Ярополкъ искати его; и влачиша трупие изгробли отъ утра и до вечера, сирѣчь, весь день; и надругий день вдевятыи часъ обретоша трупъ его вмертвыхъ телесѣхъ врове; и изнесше, положиша и наковрѣ. И приде Ярополкъ надънего, и плакась горко зело, и возопи глаголя: о люте мнѣ, брате мой драгий! лутче бы мнѣ умрети, а тебѣ живу быти; но сия вся Сотона сотвори лукавствомъ своимъ. И обратився рече Свейделу: виждь сие; ты сего хотяще и сотвори. И погребоша его (на мѣсте) у града зовомого Вручаго, и есть могила его и досего дне.

И приятъ власть его Ярополкъ. И бѣ уЯраполка жена Грекиня, бяше преже была черницею, южe бѣ привелъ отецъ его Святославъ, и вдаде ю за Ярополка красоты ради лица ея.

Слышавже Володимеръ вНовѣгороде, яко уби Ярополкъ Олга, и убоявся бѣжа заморя; Ярополкъже посади посадники своя вНовегороде, и бѣ владѣя единъ вРуси, якоже отецъ его и дѣдъ его.

Влѣто Ѕ'.Ѵ.П.Ѕ.

Победи Ярополкъ Печенѣги, и возложи нанихъ дань.

Влѣто Ѕ'.Ѵ.П.З.

Приде Печенѣжский князь Илдея, и бичеломъ Ярополку вслужбу; Ярополкъ же приятъ его, и даде ему грады і власти, и імяше его вчести велице. стр. 58

979

Тогоже лѣта приидоша послы отГреческаго Царя къ Ярополку, и взяша миръ и любовь снимъ, и яшася ему подань, якоже отцу его и дѣду его.

Тогоже лѣта придоша послы къ Ярополку изРима отПапы.

Знамение

Тогоже лѣта быша знамения влунѣ и всолнце и взвездахъ, и быша громи велицы и страшни, и ветри сильни свихромъ; и много пакости бываху человѣкомъ, и скотомъ, и зверемъ леснымъ и польскимъ.

Влѣто Ѕ'.Ѵ.П.И.

Приде Володимеръ сВаряги кНовугороду, и взя его. И сосла намѣстники Ярополчи, глаголя: идите и рцыте брату моему старѣйшему Ярополку: идетъ на тя меншии братъ твой Володимеръ; буду на брань готовъ. Слышавже сия Ярополкъ отбрата своего меншаго Володимера, смутись, и нача совокупляти воя многи: бѣ бо и самъ храбръ вельми. И рече ему воевода его Блудъ: неможетъ противу тебѣ стати братъ твой меншии Володимеръ, якоже синица на орла брань сотворити: несмущайся убо боятися его, и не утружай воинства своего собирая. Сияже блудъ лукавствомъ глаголаша ко господину своему Ярополку, уласканъ и улщенъ Владимеромъ.

Княжаше Володимеръ вНовѣ городе.

Седѣже Володимеръ вНовѣ городе, и владѣя имъ. И посла кРогволоду Полочскому князю, глаголя сице: хощу поняти дщерь твою женою себѣ. Онъ же рече дщери своей: хощеши ли за Володимера? Онаже рече: не хощу розувати робичища; но за Ярополка хощу. Бѣ бо Рогволодъ пришелъ иззамория, имяше власть свою вПолотске а Туртове, отнегожъ и Турове. И придоша отроцы Володимери, и повѣдаша ему всю рѣчь Рогнедину, дщери Рогволожи, князя Полотскаго.

Володимержe собра воя многи Варяги, и Словяне, и Чюдь, и Кривичи, и пойде на Рогволода; втожъ

980

время хотяху Рогнѣдъ вести заЯрополка. И прииде Володимеръ кПолотску, и уби Рогволода и два сына его; а дщерь его Рогнѣдь поятъ себѣ женою. стр. 59

И оттуду пойде на брата своего Ярополка кКиеву сомногими вои. И немогийже стати Ярополкъ противу Володимеру, и затворися вКиеве слюдми своими, и своеводою блудомъ; Володимержe стояше на Дорогожицѣ, обрывся межъ Дорогожичемъ и Капичемъ, и есть ровъ и до сего дне. И посла Володимеръ кблуду квоеводе Ярополчю слестию, глаголя: поприяй ми; аще убию брата своего Ярополка, любити тя имамъ, и будеши ми во отца мѣсто, и многу честь приимеши отмене. не азъ бо почахъ братию бити, но онъ; азъ же того убояхся, преже и приидохъ нань. И рече блудъ кпосланнымъ Володимеримъ: азъ буду тебѣ впомощъ и вприязнь.

О злая лесть человѣческая! иже приимаше честь и дары откнязя своего напогубление, горыши суть бесовъ таковии: якоже сий блудъ преда князя своего, а приимъ отнего чести многи; сий бо есть повиненъ крови той. Сий бо блудъ затворися вограде съЯрополкомъ, а кВолодимеру посылаше часто, веля ему ко граду приступати ратью. Самъ бо мысляше убити господина своего Ярополка, и невозможе како убити его, и замысли слестию, невеля ему излазити набрань изграда. И рече блудъ къ Ярополку: Киене посылаютъ безпрестани кВолодимеру, глаголюще: приступай кограду, яко выдадимъ ти Ярополка; тѣмъже послушай мене, Княже, побегни изграда.

И послуша его Ярополкъ, и побѣже изграда; и пришедъ затворися вограде Родне наустью Рси: а Володимеръ вниде вградъ Киевъ. И оттуду иде кРодню граду, и осѣдоша Ярополка вРоднѣ, и бѣ тамо гладъ великъ, и есть притча и до сего дни: беда аки въ Роднѣ. И рече блудъ Ярополку: видиши ли, колико есть вой у брата твоего? намъ ихъ не перебороти: твори миръ збратомъ своимъ; льстя

980

поднимъ. И рече Ярополкъ: тако буди. И посла блудъ кВолодимеру сице глаголя: яко збыстьcя мысль твоя, яко приведу ктебѣ Ярополка; пристрой убити его. Володимержe то слышавъ, вшедъ втеремныи дворъ отень, о немъже преже сказахомъ, и седѣ ту свои своими и здружиною. И рече блудъ Ярополку: пойди кбрату своему, и рцы стр. 60 ему: что ми ни вдай, азъ прииму. И пойде Ярополкъ.

И рече ему Варяжко: неходи, Княже, убиютъ тя, но побѣгни вПеченѣги, и приведеши воя многи. И не послуша его Ярополкъ, и приде кбрату своему кВолодимеру: и яко полезе вдвери, и подъяста его два Варяга мечи подъ пазуси; блудже затвори двери, и недастъ понемъ внити своимъ: і тако убиенъ бысть Ярополкъ. Варяжкожъ видѣвъ, яко убиенъ бысть Ярополкъ, бежа здвора вПеченѣги, и много воева сПеченѣги на Володимера, и едва прибави, заходивъ ему роте.

Володимержe поя засебя жену братню Грекиню, и бѣ неправда, отнеяже родися Святополкъ: отгреховного бо корени золъ плодъ бываетъ; понеже была бѣ мати его черницею. А второе Володимеръ не по браку поялъ за себя. Прелюбодѣицъ убо бысть; тѣмъже и нелюбляше его Володимеръ, зане отдвою брату и отцу.

Посемъ рѣша Варязи кВолодимеру: сей градъ нашъ, мы прияхомъ его, и хощемъ имати окупъ нанихъ, подве гривны отчеловѣка. И рече имъ Володимеръ: пождите замѣсяцъ, яже куны зберутъ. И ждаша замѣсяцъ; и недастъ имъ. И рѣша Варязи: олукавствовалъ еси насъ; но убо покажи намъ путь вГреки. Онже рече имъ: идите; и отсла ихъ вГреки. И избра отнихъ мужи добры и храбры и мудры, и раздая имъ грады; а прочииже идоша вГреки кЦарскому граду. И посла предними Володимеръ послы коЦарю глаголя: се идутъ ктебѣ Варязи, не мози ихъ держати вограде, дажъ паки несотворятъ ти зла вограде, якоже здѣ сотвориша; но расточи ихъ разно, а сѣмо непущай ниединого.

980