КНЯЖЕНІЕ СВЯТОСЛАВОВО

Начало княжения Святославля.

Влѣто Ѕ'.Ѵ.Н.Д.

Впослѣднее царство Костянтина багрянороднаго нача княжити вРуси Святославъ. И пойде Олга ссыномъ и совсѣю силою наДревляны, и победи ихъ, и приятъ вся грады ихъ: и у Коростеня стоя лѣто, замысли нанихъ дань, по три голуби и по три воробьи здвора; ониже даша. И квечеру Олга повелѣ заверчивая

946

вплате сѣру соогнемъ вязати голубемъ и воробьемъ, и пускати: и тако возгорѣся весь градъ.

Царство В. Костянтина Багрянороднаго, сына Лвова, и царствова лѣтъ Е.І.

Чада убо Романова злокозненная Багрянородныи ухвативъ Костянтинъ, измену ихъ сотворь внезаапу островены, сии рѣчь, во островы отсла ихъ, и Варду Ѳоку военачалника постави; егоже Схоломъ Доместиха нарицаютъ Грецы. Скопцаже стр. 40 Василия единаго отизрезаныхъ, родившагося Роману Лакапину израбыни, Паракимумена хранителя царской сотвори. А понеже Вардѣ угасе яже на бранехъ теплота, и скоростремное нападение уьяну старостию: вНикиѳора Ѳоку военачалие прелагаетъ; якожъ аще кто речетъ, отлова на того нова щенца.

Костянтинже видети сына получивъ отсвоего чресла, иже изъ Елены, Романовы дщери, прозябе ему; и нарече его Романа. Достигшаже довозраста и женѣ припряже, видѣвъ отсына своего чада Василия, великого впобѣдахъ, и младенца наруку поносивъ толикого: и хотя отрешитися отъ естественныхъ соузъ, Грекомъ Царя поставляетъ Романа своего сына.

Присемъ Царѣ Костянтине бысть Иванъ Рылский, и при Болгарскомъ Царѣ Петрѣ.

Царство Романово, сына Костянтина Багрянороднаго.

ПоКостянтине Багрянородномъ царствова сынъ его Романъ; вЦарѣ граде, три лѣта и мѣсяцы три. Сей всю силу и всю крѣпость худоумнымъ евнухомъ предавъ, самъ о ловленияхъ печашеся, и бесовски внимая напесмя течения.

Тогда Критъ злочестивымъ Аравляномъ приятшимъ, (Агарянежъ бяху сии), крѣпко убежище себѣ положившимъ островъ той, и озлобляющимъ, иже на суши, и вся волнующимъ; Никифоръже Ѳока, сей лютъ вбранехъ, и стремениемъ искусенъ, и крѣпокъ рукама, рати началникъ показася: тѣмъ исполняетъ моря кораблей доброратныхъ, и назвери посылаетъ водосушныя, сирѣчь Аравляны, и рать составль крѣпку, и победивъ супостаты, и погрузивъ разбойническия насады Аравомъ. Ухватиже и разбою началника, предерзаго оного вКонополинорукаго, оного яко младенца обиятъ: оттуду возвратися ссвѣтлыми побѣдами и многочастными почитаемъ. Обличаетъ таковая тогда прекрасныи градъ Антиоховъ, благородныи і благолѣпныи, і яко невѣсты украшены, Измаилтене убийственнии оружиемъ вземше, яко прерѣбу посрамиша, и яко стр. 41 напутную блудницу. І паки прехрабрый приемлетъ Фока

оружие,

946

оружие, и паки подвизается на враги крови ради единоплеменные; и побѣди иноплеменники, и паки доброзрачную отроковицу возвращаетъ, сии рѣчь, Антиоховъ градъ матерь доброчадней градовомъ, Царю граду.

Ещеже Ѳоце на брани, Царя Романа смерть восхити, женѣ своей Ѳеофане власть оставивщу, и детемъ ея младороднымъ сущимъ. Увѣдежъ сия Фока оттуду востече, и квеликому граду вскоре достиже, и паки показася восточный чиноначалникъ: клятвами страшными увязанъ бысть, яко да небудетъ навѣтникъ Романовымъ детемъ; и паки пославъ бываетъ вСирики.

Присемъ Цари Романе Михаилъ Малеинъ, емужъ бысть Афонасий Аѳонский ученикъ.

Присемъ Царь Петръ Болгарский умре. Сыновежъ его Борисъ и Романъ, толицы суще вЦари граде, отпущена быста на отчину.

Влѣто Ѕ'.Ѵ.Н.Е.

Иде Олга кНовугороду, сына своего оставивша въ Киеве, и нача уставляти помѣстей и погосты и дани: и по Лузе оброки устави и дани и ловящея суть и досего дни повсей земли Рустей и Новгородстей знаменияжъ и мѣста и погосты, и сани ея стоятъ воПскове и ныне; и поднепру перевѣсища ея суть и села и подеснѣ, и есть село ея уКиева близъ надеснѣ Олгино и досего дне. Изрядивши вся сия, и пресмотривши очима своима, возвратися ксыну своему Святославу вКиевѣ, и пребываше снимъ влюбви.

О крещении Олгине.

Влѣто Ѕ'.Ѵ.Ѵ.Г.

Иде Олга вГреки, и приде коЦарюграду; и бѣ тогда Царь именемъ Цемесхии: ониже повѣдаша Царю приходъ ея, и абие Царь возва ю ксебѣ; онаже иде кнему, ничтоже медляши. И видевъ ю Царь зело добру сущу лицомъ, и смыслену впремудрости; удививжеся Царь разуму ея, и паки бесѣдовавши рече ей: подобна еси снами царствовати вграде семъ. Онажъ разумѣвши рече Царю: погана есмь; да аще хощеши мя крестити, крести мя самъ; ащели сего несотвориши, то неимамъ

955

креститися. Царь же послуша словеси ея, и абие крести стр. 42 ю сПатриархомъ.

Просвещенажъ бывши, радовашеся душею и тѣломъ и тѣмъ, яко поучивъ ю Патриархъ о вѣре, и рече ей: благословена ты вженахъ Рускихъ; сице убо оставивше тму, а свѣтъ возлюби, и благословити тя имуть сынове Рустии впослѣдняя дни родовъ внукъ твоихъ. І заповѣда ей о церковномъ уставе, и о молитве, и о постѣ, и о милостыни, і о воздержании тѣла чиста. Онажъ поклонивши главу, стояше аки губа напаяема, внимаше учения; и поклонися Патриарху, глаголющи: молитвами твоими сохранена буду, чеснѣйший Владыко, отъ сѣти неприязнены. Бѣ бо имя ей наречено вокрещении Елена, якожъ древняя Царица, мати великого Костянтина. И благослови ю Патриархъ, и отпусти.

И по крещении призва ю Царь, и глагола ей: хощу тя поняти себѣ женою. Она же рече: како хощеши мя пояти, крестивъ мя самъ, и нарекъ мя себѣ дщерию? а вХристиянехъ нѣсть сего закона, и ты, Царю, самъ вѣси. И рече Царь предстоящимъ ту велможамъ своимъ: упремудри мя Олга словесы своими; бѣ бо Олга мудра словесы. Царьже Цемский глаголы ея, дастъ ей дары многи, злато, и сребро, и паволоки, и сосуды многи различны: и абие отпусти ю, нарекъ себѣ дщерию.

Олгаже хотящи возвратитися вземлю свою, приде кПатриарху, благословения просящи на домъ свой, и рече ему: людие мои погании, сынъ мой такожъ поганъ бѣ, дабы мя богъ соблюлъ отвсего зла. И рече ей Патриархъ: чадо вѣрное! воХриста крестилася еси, и во Христа облечеся; Христосъ иматъ и сохранити тя, якожъ сохрани Еноха впервыи родъ, потомъ Ноя вковчезе, Авраама отАвимелеха, Лота отСодомлянъ, Моисѣя отФараона, Давыда отСаула, три отроки отпещи, Данила отзверей; тако и тебѣ избавитъ

955

отнеприязни и отсѣтей его. И благословивъ Патриархъ со вселенскимъ соборомъ, и отпусти ю смиромъ всвою землю. И пришедши ей паки кКиеву, приявши стр. 43 святое крещение и божественныя дары, вЦарьскомъ граде, отчестнѣйшаго Патриарха: сеже таковожъ бысть, якожъ приСоломоне Царѣ приде Царица Еѳиопская кСоломону, слышати хотящи премудрость Соломоню многую, и знамение видети: тако и сия блаженная Олга искаше добра и мудрости божия и славы нетлѣющия. Она бо человѣческия, а си божия; писано бо есть: ищущеи мене обрящутъ премудрость.

Блаженнейже Елене уже сущи вКиеве, присла кней Царь Цемский, глаголя сице: яко много дарихъ тя, тыже ми ркла тако: яко аще возвращусь вРусь, многи дары пришлю ти, челядь, и воскъ, и скору бѣлку, и войны впомощь. И отвеща ему Олга, и рече косомѣру: аще ты сице глаголеши отЦемскаго Царя, рцы ему тако: пришедши постоиши уменя вПочаине, якожъ азъ у тебѣ вкуду стоявши; то тогда ти дамъ. И сия паки глаголавши много, и абие отпусти послове пришедшая отЦаря.

Живущиже Олга ссыномъ своимъ Святославомъ, и учаше его мати креститися, но небрежаше того словеси; но аще кто хотяше волею креститися, невозбраняху ему, но паче ругахуся тому. Невѣрнымъ бо вѣра Крестьянская уродство есть; несмыслиша бо, ни разумѣша вотмѣ ходяще, и невидятъ славы Господня. Олгаже часто глаголаше Святославу: язъ, сыну мой, бога познахъ, и радуюся; аще ты познаеши, и ты радоватися начнеши. Онже не внимаше глаголя: како азъ хощу инъ законъ прияти единъ, а дружина смеятися начнутъ и ругатися? Олгаже рече ему: сыну, аще крестишися, то вси имутъ тожъ творити. Онже непослушаша матери, творяше нравы поганския; невѣдый бо, аще кто матери непослушаетъ, паки вбеды впадаетъ,

955

якоже рече: аще ли кто отца неслушаетъ или матери, смертию да умретъ. Сииже ктому гневашесь наматерь свою. Соломонъ рече: уча злыя прииметъ себѣ досажение; і паки: необличай злыхъ, да не возненавидятъ стр. 44 тя. Олгаже любя сына своего Святослава, плачющися глаголюще всебѣ: воля божия да будетъ! аще хощетъ богъ помиловати роду моего и земли Руския, да возложитъ имъ богъ насердце обратитися кбогу, якожъ и мнѣ богъ дарова. И се рекши моляшеся кбогу залюди и засына повся дни, и кормяше его до возраста его и до мужества.

Влѣто Ѕ'.Ѵ.О.А.

Князю Святославу возрастъшу и возмужавшу, начатъ вои совокупляти многи храбры; бѣ бо самъ храбръ, и лехко ходя аки пардусъ. И войны многи творяше ходя; а возовъ посебѣ невожаше, ни котла, ни мясъ варяше, но потонку мяса изрезавъ конину, или зверину, или иная, на углехъ испекъ ядяше; ни шатра имяше, но исподседла войлокъ или потникъ постилаше, а седло вголовахъ: такожъ у него и прочии вои вси бяху. И паки посылаше кстранамъ, глаголя имъ сице: хощу на вы ити. И абие пойде наОку реку, и наВолгу, и налезе Вятичи. И рече Вятичамъ: кому дань даете? Ониже рѣша: Казаромъ дань даемъ, пошлягу отрала.

Влѣто Ѕ'.Ѵ.О.Г.

Іде Святославъ наКазары: слышавшеже Казары изыдоша противу, со княземъ своимъ Каганомъ, и сступишася набой, и бысть брань, и одолѣ Святославъ Казаромъ, и градъ ихъ Белу вежу взя.

И Ясы победи, и Касаги, и приведе кКиеву.

Влѣто Ѕ'.Ѵ.О.Д.

Победи Святославъ Вятичи, и дань нанихъ взя.

Царство Греческое Никифора Ѳоки.

По Романе, сыне Багрянороднаго Костянтина, царствова Никифоръ Ѳока лѣтъ Ѕ. и мѣсяцъ Ѕ. сицевымъ образомъ.

966

Еще убо Никифоруввоеначалстве вСирии воююще, не убо почину лютый звѣрь вражда, иже земленородныхъ сердце снѣдный медвѣдь; ибо нѣкий скопецъ отсущихъ вцарскихъ, иже тогда всю власть горе и долу обращая, терниемъ вражебнымъ уязвися наВоеводу, і толикий успѣхъ чести нетерпя зрѣти Никифору Ѳоце, начертаетъ писание доброперо стр. 45 Цимисхиеви, емуже бѣ изплада имя Иванъ, снимъ тогда воюющу, дѣло оружию Ѳоку положити подвизающе, еже есть убити, самогожъ вВизантию прииши понужающу, яко быти ему Царю и держателю Грекомъ. Приятъ же послание оно Иванъ Цымисхий, и прочетъ, увѣде написание образы. Цимисхижъ имый разумъ благообученъ и ненавидяй благо, являетъ писание Ѳоце, и совѣтъ исповѣдаетъ, обличи и омрази убивственный нравъ скопца. Бѣ же добръ Цимисхий, доброзраченъ, доброкосъ, терпеливъ и храбросердъ, благоуменъ ратникъ, непобедимъ совѣтникъ, великодушевъ, нехраня вражды, ниже злобе гнездо сердце свое содевая. Подобаетже малыми великая того обявити: одушевленъ бѣ рай, благодатная садовия храня, ограда многихъ благъ божиими водами наполема: таковже бѣ Цимисхий, великъ вмужестве, копиемъ потрясати наученъ, и лукъ тяглати, и верзати стрелы нанамѣрение. Бѣ же тогда сѲокою воюя, и потребу сущихъ подрукою, тогда воинъ сверша ему: бѣ же и сродникъ Ѳоце оттѣхже кровей; ибо вкупе руками держаще писание, и разумѣша разумъ убивственный лежащий внемъ, и обличаетъ сие воеводе. О горе, рече воевода, Греческия чести! доколе царствия корабль правити имутъ скопцы женосердии, стремнии назлобу, всѣмиже злымъ обрѣтателне, і всѣмъ злымъ дѣлателне, человѣцы мяхкодушнии, сосудъ лукавству, неподобнымъ проходи сопоти злодѣланию! Услышавъ сия воевода, і воздвиже ярости пламенъ, и отсего спяй вгорахъ крыйся левъ отверзе око, и рыкание испусти, страхъ обтече удолия и горы и луговы, и Царь наречесь Никифоръ, и поетиже Костянтинъ градъ, и безнужа вниде, и видевъ былъ, и видѣ и возвеселися, и все множество просыпашеся, елико вцарскихъ дворѣхъ, і елико свѣтлотою сияше, и елико подработою, и елико свободныхъ. Преже всѣхъ Царица со священнослужите- стр. 46 ли распростертыма подвяша мужа дламма, и совѣтомъ общимъ бываетъ Царь Никифоръ. Бѣ же воиниченъ благодерзновененъ, крѣпкорукъ, труды неумяхченъ, каменъ твердъ вболѣзнехъ: и примесися Ѳеоѳане, Романове бывшей Царице, и детемъ ея любовь отчу показуетъ. Тогда Ѳока душевное обяви мужество, и дерзосердие, и еже вбранехъ теплоту; имяше бо душа благородныя, крѣпкое и терпеливое показываше измачала, и хитра ковника издалече обнажаше; той нервее

966

храбродушие храняше вглубине сердца, яко главня впеплѣ сѣмя огня храня. Егдаже приятъ время дѣланию, еже вся совершающее коло злотекущаго естества; того убо самого постави на доброоружныхъ колесницахъ царствия. Тогда убо и Ѳока яко молния разседеся, и вся обтече племена Варварскихъ языкъ яко огнь, аще кто речетъ, впадъ воводоль многодревну; и духомъ гонимъ, и повсюду обходя, и весь ядъ поядая, и холми попаляя: убояшася его Арави, и поклонися Сирия, Киликия усумнѣся, и Ѳиникия повинуся, и приложишася Грекомъ Греческая. Сице непобедимъ Ѳока бяше спротивнымъ; коло бо добродѣтельное венчеваше мужа, и все доброе просвещаше, все благо украшаше его; крѣпость, мужество, смысла крѣпкая, целомудрие.

Но убо непороченъ никтоже отземленородныхъ человѣкъ, аще и наверхъ добродѣтели постигнетъ; ибо добровенчанныи Ѳока толикий во иныхъ убо сияше добротахъ телесныхъ, и душу являше благодатьми светящуся, яко невѣсту новоукрашенну; толико убо печашеся душевною добротою и красотою, яко отягчати тѣло свое тернию подобными остротою рубии, и одежу жестокую крыти багряницею, и трапезъ отлатися мясоястныхъ. И убо впротчихъ светилникъ бѣ сияя светозаренъ всюду, но обаче, яко нося земленную и перстную плоть, имяше и скверныхъ предвновении стр. 47 надушевней одежи чистей. Сеже бѣ первая скверна, еже подуху сродство кЦарицы, обаче кней плотски примешатися дерзаше. Подуху сродство, сии рѣчь покрещению, имяше кЦарицы Романове, южe поятъ. Втораяжъ абие сия, яко недостойно Цареви имяше худословие, и даролюбное отразума его отстояше, яко око исъ тела и отревъ фаристъ, сии рѣчь недаролюбивъ кболромъ и к обшему народу. Тѣмъ и все Ѳоцыно начинание нелѣпотно являшеся, и злообразно; якоже бо оттѣла исторгшися зѣницы, все тѣло его потемнело есть, и весь соузъ его мраченъ есть; якоже отсланушка млада листу открошившуся, стеблие невесело есть, и корень дряхлъ.

Предложеноже ми буди сказание худоразумию его. Ибо лютоснова злобою глада народъ погибаше, і вси рыдаху отгладныя язвы: назлатницы бо колобелъ единъ продавашеся. И возвестиша сия Ѳоце: онже поскорбе слышавъ, и злое исцелити собою невосхотѣ, царския исчерпати повелѣ житницы, и подва точию повелѣ продавати кобла. Сице Ѳока худолѣпно о вещи радяше, начежъ и многожитными богатъ сый житницами, отоварены тяготою, и пшеницами наполненными; и въ сихъ убо не взревнова благодаровитому вЦарехъ Василию Македоняниу. Онъ убо видѣ вВизантии

966

народъ стражущъ отглада, и доброкозненъ спротививщися страсти злорастней, сии рѣчь гладу, и спрошивъ брався храбре схрабрымъ, и погубль звѣря лютово удави ми дарованиї великихъ; по двѣнадесяти бо кобелъ на златницу продаваши свою пшеницу повелѣ. И кая убо накоегождо воли долежитъ, аще мало, аще велико благодаровати.

Ѳокаже уязвися отнѣкоего забора, яко убо кЦымисхию похотный имать соузъ Царица, и творитъ снимъ прелюбы; увѣдежже и Цимисхия тепле воцаритися желающе, стр. 48 всякия власти лишаетъ его и силы, и особь, якоже хощетъ, жити повелеваетъ ему. Но Царица тяжко сия вменивши, еже Цимисхия невидети вЦарскихъ домѣхъ, творитъ Ѳоку призвати мужа паки, и красоту вдати ему первую. И убо сердцемъ уязвленномъ возвратися онъ, и нося язвы вдуши лукавыя: образомъ убо коварне являшеся беспечаленъ и светообразенъ, внутрьюдужъ ины огнь ненависти, и вся копаше злокозненныя навѣты.

Ѳокажъ невѣдый сѣти и ловления совѣтъ составляемыхъ, яко орелъ ношашесь, пернемъ высокопарнымъ легце возношашеся кдобродѣтели воздуху. Тѣмъ воустѣхъ бѣ ему Давыдъ недоточныи, и долулегания на жестокопосланней постели; постелъже златотканныхъ и мяхконаславныхъ, и плотскаго смешения доковца отлася, и ни всенѣгъ мечташеся ему, паче же рещи, яко звездамъ уподоблящеся, всякимъ сладодушиемъ; удаляя убо удалихся, и отбеже бегая, и особящаяся наздѣ бысть птица, и ношный вранъ безсна на здании. Но бяху неугодна сия Царицы; требоваше бо пригорновения и плотскаго смешения: восприемшижъ Цимисхия благовремянне, и привязавшися ему любовию; (бѣ же и онъ зло мысля наЦаря), взводитъ того отсий сомногими оруженосцы, и представляетъ того лвову ложу, сии рѣчь, Никифора Ѳоки, и предаетъ того. О горе врагомъ супружника своего, яко Сампсона Далида убийственная, яко Тинадарияда сожителя своего, храбраго ироя. Кая убо щевца кормящия лвица дерзну таковая, или кий тигропардусъ, или злогнѣвная мечка? Обтекошажъ Ѳоку следящеи пси, и обретоша его на худе лежаща долулегании, и убиваютъ его немилостивно, имуще воустѣхъ божественная словеса, и кровь убо течаше праведнаго поземли, яко Авеля стр. 49 древле отруку братоубивственную Кайнову; и кБогу воз пущаше вопля плачевныя.

Присемже Царѣ Никифоре Аѳонасий Аѳонский; и еще ему военачалнику, имяше любовь велику коАѳонасию, и по его повелѣнию і помощию созда въ святей горѣ превеликую Лавру, и хотя себѣ отходныя, восхотѣ постріщися и снимъ жити; но заблення царства сиее ему возбрани.

967

О Рускомъ князе Святославе.

Присемъ Никифоре Царѣ

влѣто Ѕ'.Ѵ.О.Е.

Иде Святославъ на Болгары, Никифору Царю извед­шу его нанихъ, многого ради ихъ всевания, еже на Царь градъ. И бысть имъ бой соСвятославомъ, и одолѣ имъ, и взятъ поДунаю П. градовъ: и вграде Переславце седѣ, емля дань наГрецехъ.

Влѣто Ѕ'.Ѵ.О.Ѕ.

Придоша Печенези наРускую землю первое; а Святославъ тогда вПереславце. Олгаже затворись во граде со внуки своими, съЯрополкомъ, и соОлгомъ, и сВолодимеромъ, вграде Киеве. Печенѣзижъ обступиша градъ всиле тяжце безчисленное множество около града, и не бѣ лзѣ изграда вылести, ни вѣсти послати: изнемогаху людие гладомъ и жажею.

И собравшеся людие оноя страны Днепра влодияхъ, стояху об ону страну: не бѣ лзѣ внити вКиевъ ниединому ихъ, ни изграда книмъ. І возстужиша людие вограде, и рѣша: нѣстли кого, иже бы моглъ на ону страну дойти? аще неприступите наши утро подъ градъ, предатися имамъ Печенѣгомъ. И рече одинъ отрокъ: азъ прейду.

И изыде изграда нощию соуздою, и рыскаше сквозе Печенѣзи, глаголя имъ: невидестели коня никто же? бо умѣя велми Печенежскимъ языкомъ; онижъ мнѣвше его своимъ. І яко приближися крецѣ, свергъ порты ссебе, сунуся вДнепръ и побреде. Видѣвше же се Печенѣзи, абие устремишася нань, стреляюще его, и немогоша ему ничтожъ зла сотворити. Онижъ видѣвше со оноя страны, прибѣхавше володии, переяша, и привезоша кдружине своей. И рече имъ: аще не поступите заутра ко- стр. 50 граду, Кияне предатися имутъ Печенѣгомъ.

Речеже воевода ихъ Притичь: подступимъ заутра влодияхъ, и похвативше Княгиню и Княжичи умчемъ

968

на сию страну людей; ащели того несотворимъ, погубитъ насъ Святославъ. И бысть, заутра вседше влодия, противу свѣту, вструбиша велми трубами, и людие во граде кликнуша; Печенѣзижъ мнѣша князя пришедша, и побегоша разно отграда. Изыдежъ Олга со внуки своими и слюдми клодиямъ. Видѣвже се князь Печенежский, возвратися квоеводе Притичю, и рече князь Печенѣжский: кто се прииде? и рече: люди оноя страны. И глагола ему князь: а ты кто еси? Онже рече: азъ есмь мужъ его, пришелъ есмь въсторожехъ, а помнѣ идутъ вси со княземъ безчисленное множество; сеже рече грозя имъ. И рече князь Притичю: буди ми ты другъ; онже рече: тако буди. И подаша руцѣ межу собою: и вдаде Печенежский князь Притичю конь, саблю, стрелы; онже дастъ ему брони, щитъ, мечь. И отступиша Печенѣзи отграда; небяше бо лзѣ коня напоити на Лыбеди.

И послаша Кияне кСвятославу послы, глаголюще: Княже, чюжия земли ищешъ и блюдешъ, а своея ся охабивъ; мало бо невзяша Печенези матери твоей и детей твоихъ и насъ: аще неидеши и оборонишъ насъ, да паки ны возмутъ, аще ти нежаль отчины своея, и матери стары суща, и детей своихъ. То слышавъ Святославъ, вборзе всѣдъ на коня, здружиною своею прииде кКиеву, и целова матерь свою и дѣти своя, и зжаливси о бывшемъ отПеченѣгъ. И собравъ воя, прогна Печенѣги вполе: и бысть мирно.

Влѣто Ѕ'.Ѵ.О.З.

Рече Святославъ матери своей и бояромъ своимъ: нелюбо ми есть жити вКиеве, но хощу жити вПереславцы наДунаи, яко ту есть среда земли моей, яко ту вся благая сходятся: отГрековъ злато, паволоки, вино, овощи различнии; а изЧаховъ и изУгръ, сребро и кони; изРусижъ бѣлка (скора), и воскъ, и мѣдъ, и челядь.

969

И рече ему Олга: видиши ли мя больну сущу, камо хощеши отмене ити? бѣ бо уже разболѣлася. И рече ему: стр. 51 погребши мя, камо хощеши, тамо идеши. И потрехъ днехъ умре Олга: и плакась поней сынъ ея, и внуцы ея, и людие вси, плачемъ велиимъ зело: и несше погребоша ю намѣсте, идѣже повелѣла. И бѣ заповѣдала Олга нетворити тризны надсобою; бѣ бо имущи презвитера втайне, и той погребе блаженную Олгу.

Сия бысть предтекущия Християнстей вѣре, аки звезда предсолнцемъ, и аки заря предсвѣтомъ: ибо сияше аки луна вноши, тако и сия бысть вневѣрныхъ человѣцехъ светящись; и аки бисеръ вкале, кални бо быша грехомъ, и неомовени святымъ крещениемъ. Си бо омывся купѣлию святою, свлечеся греховныя одежа ветхаго человѣка Адама, и вновыи Адамъ облечеся, еже есть Христосъ. Мыже рцемъ кней: радуйся Руское познание кбогу, начатокъ примирению бысть. Сия первое вниде внебесное царство отРуси: сию бо хвалятъ Руские князи и сынове Рустии, аки начальницу; ибо и посмерти молящеся богу заРусь. Праведныхъ бо душа не умираютъ; защитилъ бо есть Господь сию блаженную Олгу отпротивныхъ и отсупостата диявола.

Влѣто Ѕ'.Ѵ.О.И.

Посади Святославъ Ярополка вКиеве, а Олга вДеревехъ. И приидоша Новгородцы просяще себѣ князя, и отпрѣся Ярополкъ и Олегъ. И рече Добрыня Новгородцемъ: просите Володимера. Володимеръ бо бѣ отМалки ключницы Олгины, Малкажъ бѣ сестра Добрыне; и бѣ Добрыня дядя Володимеру. И бѣ рождение Володимеру вБудутине вѣси; тамо бо вгнѣве отслала ея Олга: село бо бяше ея тамо, и умираючи даде его святей богородицы. И рекоша Новгородцы Святославу: дай намъ Володимера. И даде имъ Володимера, и иде Володимеръ вНовгородъ зДобрынею дядею своимъ, а Святославъ кПереславцу иде.

970

ОтГреческаго лѣтописца Царство Греческое Ивана Цимисхия.

По Никифоре Ѳоце царствова Иванъ Цимисхий лѣтъ Ѕ. и мѣсяцъ Ѕ. Бѣже Цимисхий храбръ и страшенъ супостатомъ: и егда вложи наглаву свою венецъ, паки Аравляне того видѣша воююща, устращишась, и паки Асиряне стр. 52 вкусиша острѣйша меча, паки Хавдавъ бѣгаше страшно. Сей Царь навраги мечь потрясъ, и вся Грекомъ прилежащия Варвары устрашивъ, и гордоумие ихъ сотвори отложити, и стеснившаяся отсупостатъ Греческия предѣлы, распространи странами безчисленныхъ селений, и даже до струй Тигровѣхъ вдрузи дворы и селения. И устрашишася сего копия Киликийстии стражеве, возстрясошася открѣпости его Аравистии военачалницы, Ѳиникияне усумнѣшася искусныхъ его рукъ, отблещания копия его бежаша Сиряне, Едесъ виде его и Ефратская поля; Греческимъже коня напоишася водъ Ефратцкихъ, и скакании гордыхъ наполниша того. Видѣ сего Дунавъ и Скиѳи близъ Истра живущии, волки сседающа и разбивающа, воеводы убивающа, и гоняща супостаты и побежающа, якоже нѣкий левъ впадъ воволове великоребрыя налагая и разстерзая и уязвляя нужно. Тогда и струя рѣчныя вкровь преложишася, и бысть червленъ доброводныи Истръ, сирѣчь, Дунавъ; Грецы ликоваху вполихъ и стровѣхъ, сердцажъ Варварская страхъ уязвляше. Победижъ и Болгары, и первый градъ ихъ взя Переславль, и всхити вся царьския белеги, и самого Царя ихъ Бориса отведъ вЦарь градъ, красоту блещания царьскаго сверже зглавы его венецъ, и от Висса и Порфиры царьския сбнажи его, великимъ саномъ почте его, Магистра Грекомъ сотвори.

О Святославе.

Потомъ же приходитъ прегордый князь Святославъ, обладай Русы тогда, сомногоратнымъ воинствомъ, паки Болгары попленяетъ, подвластию себѣ сотворяетъ ихъ. И вДрестрѣ пребывающу ему и звезда восия Цимисхий, многоратныхъ воинствомъ устремляется нань, и зелне побежаетъ, и Болгары паки водержаву Греческаго скипетродержания устраяетъ. Таковже бѣ человѣколюбивъ и великодушевъ Цимисхий квладующимъ і высотою сана почтенымъ: самоволне убо отпущаетъ стр. 53 Святослава составшими ему силами. Тойже дошедъ совсѣми своими вПеченѣги, и тамо озимѣвъ, и отзубовъ гладныхъ, и отсущихъ тамо скончася совсѣми своими.

Таковъ бѣ Цимисхий пастырь звѣропрогонитель, хранилища сотворяя своимъ овцамъ, добрыя зѣницы на сонъ преклоняя, и челюсти сокрушая звѣрей крѣпконогщыхъ.

970

Воостраднажъ и мирная времена ковѣмъ кротокъ сладокъ веселъ окерадостенъ, о зрѣния очей источая веселие и образы кротости: рука любодаровита, сердце великодушно и великолѣпно, другии бяше рай божий, четыре реки источая; правду, мудрость, мужество, целомудрие; яко аще не бы скверною убийства осквернился, звезда убо поистинне светозарная и животворная.

Да якожъ нѣкогда Цимисхия изводитъ отжития общий долгъ естественныя нужа, смертный глаголю облакъ и гробъ покрываетъ ему любодаровитыя зѣница: прозябе Василий купно сКостянтиномъ, Багрянородныя отросли Романа, преже Греки обладавшаго, сына Костянтинова.

О князехъ Рускихъ.

Присемъ Цари Цимисхий влѣто Ѕ'.Ѵ.О.З. преставись Олга въ О.И. лѣто.

Присемъ Цари Святославъ посади Ярополка вКиеве, а Олга вДеревехъ, а Владимера вНовѣгороде.

Влѣто Ѕ'.Ѵ.О.Ѳ.

Приде Святославъ кПереславцу: и затворишася Болгаре вграде, и излезоша болгаре насѣчю противу Святослава, и бысть сѣча велика, и одолѣша болгаре. И рече Святославъ воемъ своимъ: уже намъ здѣ пасти; потянемъ мужески, о братие и дружино! И квечеру одолѣ Святославъ, і взя градъ копиемъ, и рече: се градъ мой.

И посла кГрекомъ, глаголя имъ: сице хощу навасъ ити, взяти градъ вашъ, якоже и сему сотворихъ. И рѣша ему Грецы: мы не хощемъ противу вамъ стати, но возми на насъ дань, на себе, и на дружину свою; и повежте ны, колико есть васъ; дадимъ вамъ по числу на главу. И се рѣша Грецы льстящесь подРусию; суть бо Грецы льстиви и до сего дне. И рече Святославъ: есть насъ двадесять тысящъ; толикожъ приложили еще кто- стр. 54 му десять тысящъ. И приготовиша Грецы сто тысящъ на Святослава, и не даша дани. И пойде Святославъ на Греки, изыдоша Грецы противу Руси. Видѣвшеже Русь множество вой, убояшася зело; и рекъ Святославъ: о мужи, уже намъ некамо ся дѣти! волею и

971

неволею стати противъ, да не посрамимъ земля Руския, но ляжемъ костию ту; мертвии бо срама не имѣютъ: ащели побегнемъ, то срамъ имамы, и не имамы убежати: но станемъ крѣпко, азже предъ вами пойду; аще моя глава ляжетъ, то промыслите о себѣ. И рѣша воини: гдѣ, Княже, глава твоя, ту и наша главы сложимъ. И исполчишася Русь, такожъ и Грѣцы противу исполчишася обои полцы, и обступиша Русь, и бысть сѣча велия зело, и одоле Святославъ, и бежаша Грѣцы: а Святославъ паки пойде кграду, воюя, и грады розбивая, иже стоятъ пусты і до сего дни.

Царьже созва бояры своя вполату, и рече имъ: что сотворимъ, яко неможемъ противитися ему. И рѣша ему бояре: пошли, Царю, книма дары; искусимъ его, любивъ ли есть злату и паволокамъ. И послаша кнему злато и паволоки, и мужа мудра, и рѣша ему: глядай взора его, и лица его, и смысла его. Онже вземъ дары, иде кСвятославу.

Якоже приидоша Грѣцы споклономъ, и рече Святославъ: введите ихъ сѣмо; и абие введоша и. Онемже посломъ пришедшимъ, и поклонившимся ему, і положившимъ предъ нимъ злато и паволоки, и рече Святославъ отрокомъ своимъ, кромѣ зря: возмите, кому что будетъ; ониже поимаша. Послыже Царевы видѣвше то, приидоша кЦарю. И созва Царь бояры своя и велможи, рѣшаже послани: яко приидохомъ кнему, и не позрѣ наны, но токмо отрокомъ своимъ повелѣ поимати. Речеже единъ отъ ту предстоящихъ: Царю, искуси его единою еще; посли кнему оружие бранное. Онже послуша его, и посла ему мечь и иное оружие. Послуже Цареву принесшу ко Святославу, онже приимъ началъ любити и хвалити и целовати Царя. Послыжъ приидоша коЦарю, и исповѣдаша бывшее все; и рѣша бояре: лютъ сей мужъ хощетъ быти, яко имѣния

971

стр. 55 небрежетъ, а оружие емлетъ и любитъ; имемся но дань. І посла Царь, глаголя сице: неходи ко граду, возми у насъ дань, еже хощеши; маложе бѣ недошелъ Царя града. И даша ему дань; онъ же и на убиенные имаше, глаголя: яко родъ его возметъ. И взяже и дары многи, и возвратися кПереславцу спохвалою великою.

Видѣше мало дружины своея, и рече ксебѣ: да како прельстивше избиютъ дружину мою и мене; бѣша бо мнози избиенни на полку. И рече: пойду вРусь, и приведу больши дружины. И посла послы Царевы, бѣ бо Царь вДерестрѣ, рекъ: хощу имѣть миръ стобою твердъ и любовь. Се же слышавъ Царь радъ бысть, и посла кнему дары боле первыхъ. Святославъ же приятъ дары, и нача думати здружиною своею, глаголя сице: аще мира не сотворимъ соЦаремъ, и увесть Царь, яко насъ мало есть, и пришедъ обступитъ ны вограде, а Руская земля далече, а Печенѣзи снами ратни; кто намъ поможетъ? но сотворимъ миръ соЦаремъ; се бо намъ ся подань ялъ, и то буди довольно намъ. Ащели почнетъ неуправливати дани, изнова изРуси совокупивше вое многи, пойду наЦарь градъ. И любо бысть рѣчь сия дружине, и послаша лутчия мужи коЦареви.

Царьже наутрия призва ихъ, и рече Царь: да глаголютъ послы Рустии. Онижъ рѣша: тако глаголютъ, Князь нашъ хощетъ любовь имѣти со Царемъ Греческимъ свершеную прочая вся лѣта. Царьже радъ бысть, повелѣ писцу писати вся рѣчи Святославля на хартию: и нача посолъ Святославль глаголати вся рѣчи, а писецъ нача писати, глаголя сице:

„Равно другаго совещания, бывшаго приСвятосла- „ве Игоревиче, Князе великомъ Рускомъ, и при воеводе „его приСвентелде, писано приѲеофиле Синкѣле, кИва- „ну, нарицаемому Цимисхию, Царю Греческому, вДе- „рестрѣ, і мѣсяца Июля въ А.І. день, Индикта въ Д.І.

„Азъ

971 „Азъ Святославъ Руский Князь, якожъ кляхся, „и утвержаю на свещании семъ роту свою; хощу имѣ- „ти миръ и любовь свою свершену со всякимъ Царемъ „Греческимъ, сВасильемъ и сКостянтиномъ, збогодухно- „венными Цари, и совсѣми людми вашими, и иже суть „подо мною Русь, князи, и бояре, і вся Русь, доскон­ча- „ния вѣка: яко николиже помышлю настрану вашу, стр. 56 „ни збираю вой, ни языка иного приведу настрану ва- „шу, и елико есть подъ властию Греческою; ни на власть „Корсунскую, и елико есть градовъ ихъ; ни на страну „Болгарскую. Да аще кто инъ помыслитъ на страну вашу; „азъ противенъ ему, и борюсь снимъ. Такожъ кляхся и „коЦаремъ Греческимъ, и со мною бояре и Русь вся, да со- „хранимъ правая совещания; ащели оттѣхъ прежеречен- „ныхъ несохранимъ, азъ же, и сомною, и подомною; да имѣ- „емъ клятву отбога, внегоже вѣруемъ, вПеруна, и вВоло- „са скотия бога; и да будемъ злати, яко злато, и сво- „имъ оружиемъ изсѣчени будемъ. Сеже имѣйте воистин- „ну, якоже и пехросу сотворихъ ныне квамъ, и написахъ „на хартьи сей, и своими печатми запечататлѣхомъ.

Сотворивже миръ Святославъ зГреки, и поѣха влодияхъ кпорогомъ. И рече Игоревъ воевода Свентелдъ: неходи, Княже, влодияхъ, поѣди наконехъ; около стоятъ бо Печенѣзи впорозехъ. И не послуша его Святославъ, и пойде влодияхъ. И послаша Переславцы кПеченѣгомъ, глаголаше сице: идетъ (на васъ) князь Святославъ вРусь, вземъ имѣния много уГрековъ, а вмале дружине. Слышавшеже се Печенѣзи, заступиша пороги: и прииде Святославъ кпорогомъ, и не бѣ льзе пройти пороги, и ста зимовати вБелобержьи. І недоста у нихъ брашна; уже и бѣ гладъ великъ, яко пополугривне продаема голова конская: и зимова Святославъ ту. Приспѣвшеже веснѣ,

972

влѣто Ѕ'.Ѵ.П.

Пойде Святославъ впороги; и нападе наня Куря князь Печенѣжский, и убиша Святослава. И взяша главу его, и оковавше лобъ его, содѣлаша внемъ чашу, и пияху изнея. Свѣйделже приде кКиеву къ Ярополку, и исповѣда ему вся. И бысть всѣхъ лѣтъ княжения Святославля К.И.