КНЯЖЕНІЕ ИГОРЕВО

913

О Рускомъ Князе Игоре.

Влѣто Ѕ'.Ѵ.К.А.

Присемъ Костянтине Царѣ, сыне Лва премудрого, зяте Романове, умершу Олгу, нача княжити вРусии Игорь сынъ Рюриковъ. И Древлене заратишася отъ Игоря поОлгове смерти.

Влѣто Ѕ'.Ѵ.К.В.

Иде Игорь наДревляны, и победивъ я, возложивъ наня дань болши Олговы. И бѣ у него воевода, именемъ Свентеадъ; и премучи Угличи, и возложи наня дань Игорь, и даде Свентеаду: и не дадеся ему единъ градъ именемъ Пересѣченъ, и седе около его три лѣта, и едва взятъ его. І бѣша седяще Угличи поднепру внизъ, и посемъ придоша межи воин дестръ, и седоша тамо. И даде дань Древскую Свентеаду, и імаша по черней кунѣ здыма. И рѣша дружина Игорева: се далъ еси единому мужеви много. Посемъ последи скажемъ.

О Болгарскомъ Цари.

Присемъ Костянтине, Цари Греческомъ, Семионъ Царь болгорский помиру вниде вЦарь градъ. И благословися отПатриарха, и обѣдова соЦаремъ: и изшедъ оттуду, нача пленовати; и брани бывши, побѣди злѣ Греки подваши. Аще и крестишася болгаре, но рати неосташася.

Царство Греческое Романа Лакапина.

Увязается венцемъ царскимъ Романъ Лакапинъ отзятя своего, Царя Костянтина Багрянороднаго, сына Лва премудрого, внука Василья Македонова: бѣ бо Романъ любимъ Царемъ Костянтиномъ, дщери его ради и приятельства. И бысть вГрецехъ Цари Романъ и Костянтинъ, і согласие и тишина многа влюдехъ.

914

О соборе соединения.

Присихъ Царѣхъ Романе и Костянтине бысть соборъ соединения, и при Николе Патриарсе разгласившимъ четвертаго ради брака: егожъ и отвергоша, і правила написаша.

О принесении нерукотворенного Образа.

Сниде нѣкогда Романъ Царь, свои обступле Едесъ градъ. стр. 38 Ониже просиша мира, и никогдажъ на нихъ приходити; и того ради даша ему Образъ Нерукотворенный Господа нашего Иеуса Христа. І устрѣтиша его Костянтинъ Царь и Патриархъ свеликою радостию, и поставиша его вполате, Августа въ Ѕ.І.

Царь убо Костянтинъ сотвори Романа Царемъ, и отца себѣ нарече, якоже речеся, симъ привлача его вболшую любовь. Глубокоумныйже Романъ многокозньствовавъ, и укрепи себѣ всюде державу, и отвысоты властныя люте отчая и дѣдная Багрянородную отрасль Костянтина, зятя своего, на землю сверже, самъ приемлетъ скипетродержание, и Царь нарицашеся Романъ всѣми языки; а Костянтинъ никакоже, но и восхищение чти покрываше его, якоже звѣзды отоблакъ. И убо Романъ всытость приемъ пищу власти самодержства, и не да сего остави ласкордство разума своего, но весь чюжий хлѣбъ восхитивъ, неточию самъ, но и вся своя насытивъ; имущагожъ хлѣбъ остави алчюща, Костянтина глаголю. Ибо дѣти своя, и первороднаго своего сына Христофора, и его сына, Самодержца постави, и проповѣда всѣмъ Царя самовластны, и еже печалнейшее и лютейшее вгоресть и костей косаемо самыхъ и сердца, еже первейше сихъ посылаше вовсемъ отКостянтина впроповѣданнихъ и вписании и на престолехъ, предпочиташе дѣти своя и внучата.

І егда вся виде Романъ утвержена, якоже столпъ Халанский, тогда падъ ницъ лице сокруши си, и отвласти отпадение окаянне пострада. Ибо багрянородныи Царь Костянтинъ дошедъ мужескаго возраста, егда мудростная заря человѣкомъ восияетъ, первосовѣтники приемъ, мужа добронравны, змийныя главы пожатъ, Романовы глаголю чада, и ксебѣ скипетрдержание припасти сотвори, дебелыя отогнавъ облаки, и чисте облисташа ему властныя луча. Роману убо воиногу старость дошедшу, и препроводи многого время вовласти, К.Ѕ. лѣтъ пребысть вцарствии; всѣхъже стр. 39 наполнивъ даровъ, всѣмъ добро сотворивъ, отсыновъ своихъ изверженъ бысть отпрестола, и власы остризаетъ первое венцемъ украшения: якоже аще кто рече, заходя старородныи корень.

914

Присемъ Романе Цари Болгарский Царь Семионъ иногажды досамого Царя града поплени, и царский домъ пожже, и Одринъ приятъ, и присемъ умре. Сего Царя Романа Петръ Болгарский Царь имѣ жену.

О Рускомъ князи Игоре.

Присемъ Цари Романе пойде Игорь наГреки сомножествомъ вой. Онже слышавъ, дастъ ему дань выше первыя Олговы.

Влѣто Ѕ'.Ѵ.Н.Г.

Убиша Игоря Древляне у Коростеня града. И остася у него сынъ Святославъ малъ зело; а воевода у него Свентелдъ. Олгаже вметавъ вьяму живыхъ Древлянъ К., иже пришли кней, хотяше ю поятти Князю своему вжену. И потомъ послаша по нѣ Н. мужей; Олгаже повелѣ всажати ихъ вбаню, и ту сожже ихъ. И тако сама пойде книмъ, хотящи творити тризну надмужемъ своимъ; и ту уби ихъ пять тысящъ.