КНЯЖЕНІЕ ОЛЬГОВО

Влѣто Ѕ'.Т.П.И. Влѣто Ѕ'.Т.П.Ѳ.

Олгово княжение.

Пойде Олегъ изНовагорода, поимъ ссобою Игоря, прииде кСмоленску: и прия градъ, и посади внемъ мужи свои.

А оттуду пойде внизъ поДнепру, и прииде кгорамъ Киевскимъ; и увѣде Олегъ, яко Осколдъ и Диръ княжита вКиеве. Игорьже и Олегъ творящася мимоидуща, потаистася влодияхъ: и нѣкимъ дружине своей повелѣ изыти набрегъ, сказавъ имъ дѣла тайная; а самъ творяшеся болѣзнуя, и ляже влодии. И посла коАсколду и Диру, глаголя: гость есмь Подугорский, и иду вГреки отОлга князя и отИгоря княжича, и ныне вболѣзни есмь, и имамъ много великаго и драгаго бисера и всякого узорочия; ещежо имамъ и усты коустомъ рѣчи глаголати ваша квамъ, да беззакоснения приидете кнамъ. Пришедшимже имъ скоро вмале зело дружине, и влодию влезшимъ видети болнаго гостя, и рече имъ: азъ есмь Олегъ князь, а се есть сынъ Рюриковъ Игорь княжичь. И втой часъ убиша Асколда и Дира: и несша ихъ нагору погребоша ю, еже ся ныне нарицаетъ Угорское, идѣже есть дворъ Олминъ; натой Олме могиле постави Олма церковь святаго Николу: а Дирева могила за святою Ириною.

И седе Олегъ княжа вКиеве, и рече: се буди мати всѣмъ градомъ Рускимъ, и обладаша всею землею Рускою. И бѣша у него мужи Варязи Словене, и оттоле прочии звашась Русью. Сииже Олегъ нача

881

городы ставити, и дани устави, повсей Рустей землѣ, Словеномъ и Кривичемъ и Мѣряномъ, дань даяти Варягомъ: а отНовагорода триста гривенъ налѣто миря дѣля, еже и ныне даютъ. И многи ины страны приtяжа крустей землѣ, и дани возложи на нихъ.

Влѣто Ѕ'.Т.Ч.А.

Іде Олегъ наДревляны, и на Сѣверы, и возложи дань нанихъ по черне кунѣ.

Влѣто Ѕ'.Т.Ч.Е.

Леонъ царствова сынъ Василиевъ, иже и Левъ стр. 23 прозвася, и братъ его Александръ: иже царствоваста лѣтъ К.Е.

Вкупеже сии лѣта збираются:

Отперього лѣта Олгова, понеже седе вКиеве на княжении, допервого лѣта Игорева, лѣтъ Л.А. И бысть княжения его лѣтъ Л.Г. поОлгове смерти. А приОлгѣ былъ, отнюдужъ приведе ему Олегъ жену отПскова, именемъ Олгу, лѣтъ десять; и жи Игорь соОлгою лѣтъ М.Г.

А отперваго лѣта Игорева до перваго лѣта Святославля, лѣтъ Л.Г.

А отпервого лѣта Ярополча, лѣтъ К.И. И княживъ Ярополкъ лѣтъ осмь.

А Володимеръ, Л.З.

А отМихаила докрещения болгарския земли, лѣтъ седмьнадесятъ.

А открещения допреложения книгъ, лѣтъ К.Ѳ.

А отпреложения книгъ докрещения Руския земли, лѣтъ Ч.В. бысть крещена земля вдевятое лѣто княжени Владимерова.

А открещения Руския земли досмерти Володимеровы, и доубиение Бориса и Глѣба, и допренесения мощемъ, лѣтъ Н.З.

897

А отпервого лѣта довторово лѣта пренесения, и довзятия Киевского, лѣтъ осмьдесятъ седмь.

А отвзятия до Калкопского бою лѣтъ двадесятъ.

А Святополкъ окаянный три лѣта княжилъ, бьяся збратомъ своимъ Ярославомъ.

А Ярославъ княжилъ лѣтъ четыредесятъ.

Володимеръ Ярославичь лѣта четыре.

Влѣто Ѕ'.Ѵ.Ѕ.е.

О Угрѣхъ

Идоша Угри мимо Киевъ горою, еже ныне зовется Угорское: и пришедше кДнепру сташа вежами; бѣша бо ходяща яко и Половцы, и пришедше отвостока, и устремишася чрезъ горы великия, иже прозвашася горы Угорския, и почаша воевати наживущая ту. Седяху бо ту преже Словяне: Волохижъ прияша землю Словенскую: посемже Угры прогнаша Волохи, и наслѣдиша ту, и седоша сСловены покорившеся подвся: и оттоле прозвася земля Угорская. И начаша воевати Угры наГреки, и полониша землю Ѳраческую и Македонскую дажъ и доСелуня, и начаша воевати Мораву и Чехи; бѣ бо единъ языкъ Словенескъ. Словенежъ се- стр. 24 дяху поДунаю, ихже прияша Угры и Марова и Чеси и Ляхове и Поляне, яже ныне зовома Русь. Симъ бо первое положени книги воИспании, вограде Мораве, еже есть Илирицѣ, яже и прозвася грамота Словенская: таяже есть грамота вруси и вболгарехъ Дунайскихъ.

Послание

Словеномъ бо живущимъ крещенымъ, и княземъ ихъ Ростиславъ и Святополкъ и Кочелъ; и послаша коЦарю Михаилу, глаголюще: земля наша крещена ныне, инестъ у насъ учителей, иже бы насъ учили и наказали, и протолковали святыя книги; неразумѣемъ бо ни Греческому языку ни Латынскому. Сии бо тако учатъ, а друзи инако; тѣмже не разумѣемъ книжнаго разума, ни силы ихъ: да пошлите кнамъ учители, иже могутны сказати книжная словеса и разумы ихъ.

898

Се слышавъ Царь Михаилъ, созва вся своя философы, и сказа имъ рѣчи вся Словенскихъ князей. И рекоша философи: есть мужъ вСелуне, именемъ Левъ, и суть у него сынове разумливыи языку Словенску, и хитра два сына у него, и философа.

О Меѳодии і Костянтине.

И се слышавъ Царь, посла понихъ вСелунь ко Лвови, глаголя: пошли кнамъ вскоре сыны своя Меѳодия и Костянтина. Левъ же посла вскоре сыны своя, и придоста коЦареви. И рече има Царь: се прислася комнѣ Словенская земля, просяше учитель себѣ, иже могли бы истолковати святыя книги; сего бо желаютъ. И умолена быста Царемъ, і посла ихъ вСловенскую землю кРостиславу и ко Святополку и Кочелови. Симаже пришедшима, и начаша составляти писмена азбуковная Словенский, и преложиста Апостолъ и Евангелие: и ради быша Словене, яко слышаша величия божия своимъ языкомъ. Посемже преложиста псалтырь и охтаикъ и прочая книги.

Нѣцыиже начаша хулити Словенския книги, глаголюще: яко недостоитъ никоторомужъ языку имѣти азбуковъ своихъ, разве Еврѣй и Грекъ и Латынь, по Пилатову писанию, еже накресте Господне написа.

Папа Римский

Се слышавъ Папежъ Римский, похули тѣхъ, иже ропщутъ накниги Словенския, глаголя: да ся исполнитъ книжное слово, яко восхвалятъ бога вси языцы. Другоежъ: да вси возглаголютъ языки различными величия божия, якожъ дастъ имъ святый Духъ отвещевати: да аще кто похулитъ Словенскую грамоту, да будутъ отлучени отцеркви, дондеже исправятца. Тии бо суть стр. 25 волцы а не овцы, яже достоитъ отплодъ ихъ познати я, и хранитися ихъ. Выже, чада божия, послушайте учения, и неотрините наказания церковного, якоже вы наказалъ Меѳодии учитель вашъ.

898

Костянтинже возвратися вспять вдомъ свой, и иде учити болгарская языка: а Меѳодии оста вМораве.

О преложении книгъ отГреческаго языка на Словенский.

Вовторое надесять лѣто царствия Лва премудрого преложиша книги.

А допреложения книгъ отАдама лѣтъ Ѕ'.Ѵ.Д.І.

А отседмаго собора П.В.

А открещения Болгарского Л. лѣтъ.

Костянтинъ Философъ, и братъ его Меѳодии, преложиша святыя книги отГреческаго языка наСловенский. Болгарижъ и Словене и Серби и Арабнасы в Басавѣй Русии, вовсѣхъ тѣхъ единъ языкъ. Святыиже Костянтинъ Философъ многи книги преложивъ, отиде прежреченныя языки учити, и предати имъ святое писание по ихъ языку. Братажъ его святаго Меѳодия князь Кочелъ постави Епископа воИспании вограде Мораве, еже есть Илирикъ, донегоже Павелъ Апостолъ ходилъ проповѣдая Христа: многиже книги и тамо пребывая преложи.

О томже, отъ инаго лѣтописца.

Посемже Кочелъ князь постави Меѳодия Епископомъ воИспании, настолѣ святаго Апостола Андронника, единого отъ О. ученика святаго Апостола Павла. Меѳодийже посади два попа борзописца велми; і преложивъ вся книги исполнь, отГреческаго языка наСловенский языкъ, Ѕ. ю мѣсяцы, наченъ отМарта мѣсяца до К. и Ѕ. ю день Октября мѣсяца; отконьчавъже достойную хвалу и славу воздавъ богу, давшему такую благодать Епископу Меѳодию, настолнику Андронникову. Тѣмже Словенску языку учитель бывъ Андронникъ Апостолъ, вМоравы бо ходилъ и Апостолъ Павелъ, и училъ ту. Ту бо есть Илирикъ, еже доходилъ Апостолъ Павелъ: ту бо бѣща Словене первие; тѣмже и Словенску языку училъ есть Павелъ: оттогоже языка и мы есмь Русь; тѣмже вРуси училъ есть Апостолъ Павелъ, и постави посебѣ намѣстника Апостола Андронника

898

Словенску языку. А Словенский языкъ и Руский одинъ есть: отВарягъ бо прозвася Русью, а первее бѣша Словени: аще и Поляне звахуся, но Словенская рѣчь бѣ. Поляне- стр. 26 жъ прозвашася, занеже вполехъ седяху: а языкъ Словенский бѣ имъ единъ.

Мыже мыже на предняя возвратимся

Влѣто Ѕ'.Ѵ.А.І.

Леонъ Царь ная Угры наболгары. Угриже нашедше всю землю болгорскую пленяху. Симсонже увидевъ возвратися на Угры, и Угри противу сташа, и победиша болгары, вДерстерѣ убѣша.

Влѣто Ѕ'.Ѵ.В.І.

Игоревиже возрастъшу, но хожаше по Олзе, и послушаше его; и приведе ему жену отПскова, именемъ Олгу. Посемъ Игорь и Олегъ пристроиста воя многи и корабли многи бесчисленныи.

Влѣто Ѕ'.Ѵ.Е.Г.

О Олзе

Иде Олегъ наГреки, а Игоря оставивъ вКиевѣ, поятже ссобою множество Варягъ и Словенъ і Чюдь и Кривичь и Мерю и Поляне, и Северы и Древляны і Радимичи і Вятичи и Хорваты и Дулѣбы и Тиверцы, еже суть толиовины, і звахусь отГрекъ Великая Скиѳия. И ссими всѣми пойде Олегъ наконехъ і вкараблехъ, бѣ бо число караблей В'., приидоша коЦарю граду. Грецыжъ замкоша сосуды, и градъ затвориша. І выде Олегъ искорабля, и повелѣ карабли извлещи набрегъ: и повоева около града, і многа убийства сотвори Грекомъ, і разбиша многи полаты, і церкви пожгоша: а яже имаху плѣнники, овыхъ посекаху, а другия мучаху, иныяжъ растреляху, а другия вморе вметаху. И ина многая творяху Грекомъ Русь, еликоже ратнии творятъ.

И повелѣ Олегъ воемъ своимъ, колеса здѣлати, и возставити корабля наколеса: и бывшу поносну вѣтру, вспяша прѣ, и идяху чрезполя вкораблехъ кограду.

907

Видѣвшеже Грецы убояшася, и рѣша ко Олгови, выславше изграда: непогубляй града, иметися подань, якоже хощеши. И устави свои вои Олегъ: и выносота ему Грецы изграда брашно і вино, и неприятъ его; бѣ бо устроено со отравою. И убояшась Грецы и рѣша: нѣсть се Олегъ, но святыи Дмитрей, посланный отбога наны. І заповѣда Олегъ дань даши на В'. караблей, по В.І. гривенъ начеловѣка, а вкорабли по М. мужей. И яшася Грецы посе, и начаша Грецы мира просити, да невоевалъ бы Греческия земли.

Олегже отступивъ мало отграда, начатъ миръ творити соЦарема Греческима, сЛеономъ и Александромъ, посла книмъ во градъ Карла, Ѳарлоѳа, Вели- стр. 27 мида, Рулава, и Стемида, глаголя имъ: іметемись подань. И рѣша: чего хощеши, дамы ти? И повелѣ Олегъ дати воемъ на В'. укораблей, по В.І. гривенъ на ключь, и потомъ даяти уклады наРуския грады: первое на Киевъ, такожъ наЧерниговъ, и наПереславль, и наРостовъ, и наЛюбецъ, и напрочая грады: потѣмъ бо градомъ седяху князи подОлгомъ суще. Да приходяще снѣдное емлютъ, елико хотяще: а иже придетъ гость, да емлетъ мѣсечину на Ѕ. мѣсяцъ, хлѣбъ и вино і мясы и рыбы и овощие, и да творятъ имъ, елико хотятъ. Поидучиже Русь домови, да емлютъ уЦаря вашего брашно и якори і ужа и прѣ, елико надобно.

И яшась Грецы, и рѣша Цари і боярство все: аще приидутъ Русь бескупля, да неемлютъ мѣсечинъ; да запретитъ князь людемъ своимъ приходящимъ здѣ Русии, да нетворятъ пакости вселѣхъ и встранѣ нашей. Приходящаяже Русь да витаютъ у святаго Мамы: и послетъ царство наше, да испытаютъ имяна ихъ; и тогда возмутъ мѣсечное свое А. отграда Киева, и паки исЧернигова, исПереславля, и прочии грады. И да восходятъ воградъ едиными враты сЦаревымъ мужемъ

907

безоружия, мужъ Н., и да творятъ куплю, иже имъ надобе, неплатячи вины нивчемже.

Царьже Леонъ и Александръ миръ сотвориста соОлгомъ, имяшесь подань, и роте заходиста межъ собою, целовавши сами крестъ: а Олга и мужи его водиша нароту поРускому закону; кляшесь оружиемъ своимъ, и Власиемъ скотьимъ богомъ, и утвердиша миръ.

И рече Олегъ: сшийте пре паволочиты Руси, а Словеномъ кропивныя; и бысть тако. І повѣси щитъ свой воврашѣхъ, показуя побѣду. И пойде отЦаря града: и воспяша Русь пре паволочитыя, а Словене кропивныя, и раздра вѣтръ кропивныя прѣ; и рѣша Словене: имемся своимъ толстинамъ, недане суть Словеномъ прѣ.

И приде Олегъ кКиеву ксвоему князю Игорю, несый злато и поволоки, овощи и вина, і всякое узорочие. И прозваша Олга Вѣщимъ: бяху бо люди погании и невегласии.

Влѣто Ѕ'.Ѵ.Ѳ.І.

Знамение

Явися звезда велика назападе, копейнымъ образомъ.

Влѣто Ѕ'.Ѵ.К.е.

Посла Олегъ мужи своя вЦарьградъ, построити мира, и положити рядъ межъ Греки и межи Русию. І стр. 28 посла Олегъ, равно другаго овещания, бывшаго притѣхъже Царехъ Леоне и Александре, глаголя:

„Мы отрода Рускаго, Каларъ, Ингелдъ, Фарловъ, „Велмидъ, Рулавъ, Груды, Руалдъ, Карнъ, Фаславъ, „Риаръ, Актеву, Трианъ, Лидулфостъ, Стемидъ: „иже послани отъОлга великого князя Рускаго, и от- „всѣхъ, иже суть подрукою его, свѣтлыхъ князей и „бояръ, квамъ Леону и Александру и Костянтину, ве- „ликимъ обозе самодержцемъ Царемъ Греческимъ, на- „удержание и наизвещение отмногихъ лѣтъ межъ Кре- „стьяны и Русью бывшую любовь, по хотѣнию нашихъ „князей, и поповелѣнию отвсѣхъ, иже суть подрукою

„его

912 „его сущихъ Руси, наша свѣтлость боле іныхъ и хо- „тящихъ обозе удержати и известити такую любовь, „бывшую межъ Крестьяны і Русью, многажды правосуди- „хомъ точию простословесенъ писаниемъ и клятвою „твердою кленишесь оружиемъ своимъ такую любовь изве- „стити и утвердити, повѣре и позакону нашему суть: „яко понеже мы ся имали обожии мире и о любви.

„Главы таковыя. Понервому убо слову да уми- „римся свами Греки, да любимъ другъ друга отвсея „душа и изволения, и невладимъ, елико наше изволе- „ние быти, отсущихъ подрукою нашихъ князей свѣт- „лыхъ никакомуже соблазну и винѣ быти; но подщим- „ся елико восиле насохранение быти и прочихъ лѣтъ „свами Греки исповѣданую написаниемъ и склятвою „извещаемую любовь непревратну и неподвижиму. Та- „кожъ и вы Грецы, да сохраните такожъ любовь ко „княземъ нашимъ свѣтлымъ Рускимъ, такожъ і всѣмъ, „иже суть подрукою Князя нашего, несоблазну и не- „преложну выну вовся лѣта.

„О главахже ключитѣся проказа урядимся сице: „да елико яве будетъ показанми явленными, и да имѣетъ „вѣрная о тацехъ явление: а емужъ начнутъ неяти „вѣры, да егда кленется по вѣре своей, будетъ казнь, „якоже явится согрѣшение о семъ.

„Аще кто убиетъ, или Християнина Русинъ, „или Християнинъ Русина: да умретъ, идѣже аще „сотворитъ убийство. Аще ли убежитъ сотворивый „убийство: аще есть имовитъ, да часть его, сирѣчь, „иже его будетъ позакону, да возметъ ближнии убиен- „наго, а иже убившаго да имѣетъ; ащели есть не „имовитъ сотворивый убой, убежавъ, да держится

стр. 29 „тяже, дондеже обрящется, яко да умретъ.

„Аще ударитъ мечемъ, или кацемъ либо инымъ „сосудомъ, что ударение или биение да вдастъ Е. „литръ

912 „литръ сребра по закону Римскому. Ащели будетъ не- „имовитъ тако сотворивый: да вдастъ, елико можетъ, „да сойметъ ссебѣ и тыя самыя порты, иже самъ хо- „дилъ той; а опроче да ротѣ ходитъ своею вѣрою, яко- „же никакожъ иному помощи немогутъ ему, да пребыва- „етъ тяжа оттоле не взыскаема о семъ.

„Аще украдетъ Русинъ у Крестьянина что лю- „бо, или Крестьянинъ уРусина, и ятъ будетъ втомъ „часѣ тать, егда татбу сотворитъ, отпогубившаго что „любо, аще приготовится, татбу творяй убиенъ бу- „детъ: да не взыщется смерть его, ни отКрестьянъ, „ни отРуси; но паче убо да возметъ свое, еже будетъ „погубилъ. Аще дастъ вруцѣ украдый: да ятъ будетъ „тѣмъ, унегоже будетъ украденое, и связанъ будетъ, „и отдастъ то. Иже творитъ или Русинъ Христьяни- „ну, или Христьянинъ Русину, мучение образомъ искусъ „творити насилие, яве возметъ что любо дружне: да „возвратитъ трижды.

„Аще возвержена будетъ лодия вѣтромъ наземлю „чюжу, и обрящутся тамо иже отнасъ Руси; да „аще снабдитъ лодию срухломъ своимъ, и отслати „паки на землю Християнскую: да проводимъ ю сквозе „страшно мѣсто. Ащели таковая лодия, или отбуря, „или борения земнаго боронима, неможетъ возборони- „тися всвоя мѣста: спотружаемся Грекомъ тоя лодия „мы (на) Русь, да проводимъ ихъ и скуплею поздорову, „аще лучится близъ Греческия земли. Ащели ключит- „ся такоже проказа лодьи Руской: да проводимъ ю „вРускую землю, і да продаютъ рухло тоя лодии, аще „что можетъ продати отлодии, и лодия волочимъ мы „Русь да егда ходимъ вГреки или смолбою кЦареви на- „шему, или куплею: да пустимъ ю счестию проданое „рухло лодии ихъ. Аще лучится оттой лодии убиенну бы- „ти отнасъ Руси, или взяту быти чему любо: да

912 „повинни будутъ то сотворшеи, и оттоя Руси прежере- „ченною епитемею, сирѣчь, еже его будетъ позакону, „да возметъ ближнии убиеннаго, а иже на убившаго да „имѣетъ, толицемже пребудетъ позакону. Ащели есть „неумовитъ сотворивый убой, и убежавъ оттѣхъ.

стр. 30 „Аще пленникъ обою страну держимъ есть от- „Руси или отГрекъ проданъ во ину страну, или обря- „щется Русинъ или Гречинъ: да искупятъ і возвратятъ „искупное лице всвою страну, и возметъ цѣну его купя- „щии, или мнится вкуплю надень челядинная цена. Та- „коже аще отъ рати ятъ будетъ: да оттѣхъ Грекъ та- „кожъ возвратится въ свою землю, и отдана будетъ це- „на его, якоже реченно есть, якоже есть купля. Егдажъ „требуетъ на войну итти; егдаже потребу творитъ „и си почтити Царя вашего хотя своею волею: да бу- „детъ отРуси плененни многажды откоея любо стра- „ны пришедшимъ вРусь, и продаемомъ вКрестьяны. Аще- „ли отКрестьянъ плененныхъ многажды откоея любо „страны приходящимъ вРусь: се продаеми бываютъ по К. „златникъ, и придутъ вГреки отомъ.

„Аще украденъ будетъ челядинъ Руской, или „ускочитъ, или понужи проданъ будетъ, и жаловати „почнутъ Русь, тако покажетца отчелядина: да пой- „мутъ и Русь. И гость, аще погубитъ челядина, и вжа- „луютъ: да ищетъ, обрѣтше и поймутъ. Ащели хто „искушения того недастъ творити: мѣстникъ да по- „губитъ правду свою отработающихъ Грековъ вРуси „у Християнского Царя.

„Аще кто умретъ, неурядивъ своего имѣния сми- „лымъ ближникомъ вруси, ащели сотворитъ обряжение „таковый: да возметъ уряженое его, кому будетъ писалъ „наслѣдити имѣние, да наслѣдитъ его стцымающихъ „куплю Руси, отразличныхъ ходящихъ вГреки, и у- „должающихъ.

„Аще

912 „Аще злодѣй возвратится вРусь, да жалуютъ „Русь Християнскому Царю: и ятъ будетъ таковый, „и возвращенъ нехотя вРусь. Сияже вся творятъ „Русь Грекомъ, ідѣже аще ключится таковое. На утвер- „жение и подвижение быти межу вами Християны и „Русию бывши миръ сотворихомъ Ивановымъ написани- „емъ на двою харатию, предлежащимъ честнымъ Кре- „стомъ, и святою единосущною Троицею единого истин- „ного бога нашего извести, и дастъ нашимъ словомъ. „Мыже кланяхомся Царю вашему, иже отбога сущее къ „божию созданию, и позакону языка нашего, непре- „ступити ни намъ никому отстраны нашея отъ уста- „вленыхъ главъ мира и любви. И таковое написание „дахомъ царства вашего наодержание обоему пребыва- стр. 31 „ти таковому совещанию, на утвержение межу нами „бывшаго мира. Мѣсяца Сентября въ В. недѣлю Е'.І., „влѣто создания мира сего (влѣто) Ѕ'.Ѵ.К.

Царьже Леонъ послы Руския почти добрѣ честию и дары и златомъ и паволоками і Фохоудиями. И пристави книмъ мужи свои, показати имъ красоту церковную, и полаты златые, и внихъ сущее богатество, злато многое и паволоки і камение дорогое; ещеже і чюдеса бога своего, и страсти Господня, і венецъ и гвоздия и хламиду багряную, и мощи святыхъ, учаще я квѣре своей, и покажучи имъ истинную вѣру: и тако отпусти ихъ всвою землю счестию великою.

Посланнижъ Олгомъ послы приидоша коОлгови, і повѣдаша всѣ рѣчи обою Царю, и како сотвориша миръ, и урядъ положиша межъ Греческою землею и Рускою, и клятвы, неприступити ни Грекомъ ни Руси. Живяше Олегъ миръ имѣя ковсемъ странамъ, княжа вКиевѣ.

Конецъ Олговъ.

О конѣ

И приспѣ осень, помяну Олегъ конь свой, иже бѣ поставилъ кормити, невседати нань. Бѣ бо

912

преже того воспрошалъ волхвовъ и кудесниковъ: отчего ми умрети? И рече ему единъ кудесникъ: Княже, у тебѣ есть конь, егоже ты любиши, и ѣздиши нанемъ; оттого ти умрети. Олегъ же сия приимъ во умъ и рече: николиже всяду нань, ни вижу его боле того. И повелѣ кормити его, и неводити его кнему.

И пребысть неколко лѣтъ, ни виде его, дондеже наГреки иде. И пришедшу ему отГрекъ кКиеву, и пребывшу ему четыре лѣта, и на пятое лѣто помяну конь свой, отнегоже рекли бяху волеви умрети ему. И призва старейшину конюхомъ, и рече ему: где есть конь мой, егоже бѣхъ далъ ти кормити, и блюсти его не ѣздити на немъ, и не приводи предъ мене? Онже рече: умре конь. Олегже посмеяся, и укори кудесника рекущи: то неправо глаголютъ волеви, но все лжа есть, конь умерлъ, а язъ живъ. І повелѣ оседлати себѣ конь, да вижу кости его и лобъ голъ. И сниде сконя, и посмѣ- стр. 32 яся глаголюще: отсего ли лба смерть взяти мнѣ? І воступи налобъ ногою, и выникну змия толба, и уклюну его вногу, и оттого разболѣся, и умре. И плакашася понемъ вси людие плачемъ велиимъ; и несоша и погребоша и нагорѣ, иже глаголется Щековица: есть же могила та і до сего дни, словетъ могила Олгова. И бысть всѣхъ лѣтъ княжения его Л. и три лѣта.

О волхвѣ.

Сеже недивно, яко отволхвования збываетца чародѣйствомъ. Якоже бѣ вцарство Доментияново нѣкий волхвъ, именемъ Аполони тянинъ, знаемъ бѣша, шествуя и творя всегда і всюду, во градехъ и вселехъ, бесовская чюдеса. ОтРима бо пришедъ вВизантию, умоленъ бывъ отживущихъ ту сотворити сия, отгна множество змии и скорпии изграда, яко невреждатися человѣкомъ отнихъ, и ярость конскую обуздавши, егда схожахуся боляре. Якоже и воАнтиохию шедъ, и

912

умоленъ бысть оттѣхъ, томимомъ бо Антиохияномъ отскорпии и откомаръ, сотвори бо мѣдянъ скорпии, и погребе его вземли, и малъ столпъ мраморянъ постави надънимъ, и повелѣ тростемъ трясомомъ бескомара гряду: и тако изчезнуша изграда скорпия и комари. И спросишаже паки отлежащихми на граде трусъ воздуху списа надщицу. Сия вина тобѣ, окаянныи чародѣи, како потрясешися много, огнемъ одержимъ будеши, ополутяже тя приорезъ и орепты.

Онемже и великий Анастасий божия града рече. Аполониюжъ даже и донынѣ на нѣцыхъ мѣстехъ збывающа стоящая, ово наотвращение животенъ четвероногъ птица могущи вредити человѣка, другияже навоздержание струямъ реченнымъ невоздержанно текущимъ. Но ина нѣкая на тлѣние и вредъ человѣкомъ суща напобежение стоятъ: неточию бо за живота его тако и таковая сотвориша бѣси его ради, но и посмерти у гроба его пребывающе знамения напрелщение имъ окаяннымъ человѣкомъ, и ина таковая одиявола. Кто убо что речетъ, и творяше вещественныхъ дѣлехъ; яко таковые гораздъ есть волшебнымъ прелщениемъ, яко воину зазряше, вѣдый Аполони и неистовся Ѳилософскую хитрость имуща. Подобаетъ бо ему рещи, якожъ азъ, словомъ точию сотвориши, ихже стр. 33 хотяше, а несвершениемъ творити повелеваемая отнего. Такоже вся ослаблениемъ божиимъ и творениемъ бесовскимъ бываетъ таковыми вещми искушатися нашея православныя вѣры, аще тверда есть и спребывающе Господеви: но не влекома врагомъ мечныхъ ради чюдесъ, и сатанинъ дѣлъ творимомъ отврага и саугъ злобие другое. Ещеже имя Господне пророчествоваше нѣцы, яко Валамъ и Саулъ и Каияфа; и бѣсы паки изгнаша, яко Июда, сынове Ияковли; и на недостойныхъ благодѣйствуетъ, и Валамъ обоимъ обѣ чюжъ

912

жития изящна вѣры, но обаче совлядѣйствова снемъ благодать инѣхъ ради смотрения. И Ѳараонъ таковъ бѣ, но и тому будущая предпоказа: и Навходнасоръ законопреступникъ, но и сему паки помнозехъ сущихъ последже родъ откры, тѣми являя, яко мнози, прекосны имущи умъ, образомъ Христовымъ знаменуютъ, иною кознию напрелесть человѣкомъ неразумевающимъ добраго: якожъ бысть Симонъ волхвъ и Менадръ и инии таковыхъ ради поистинне рече не чюдесы прелщати.

Умрежъ Олегъ влѣто Ѕ'.Ѵ.К.

Премудрыйже воЦарехъ Левъ конечно лютымъ недугомъ дручимъ, і видя приближающуся смерть, и посажаетъ напрестоле царствемъ брата своего Александра, и сына своего Костянтина, иже отчетвертыя жены роженного. И наиздыхании послѣднемъ рече брату своему Царю Александру: вижу о тебѣ, о любимый брате, яко лютѣ содержаши тебѣ царство. И бысть тако, якоже рече.

Царство Греческое Александра, брата Лвова, и Костянтина сына его.

ПоЛве премудромъ царствова Александръ, братъ его, лѣто едино і мѣсяцъ, сКостянтиномъ сыномъ Лвовымъ. И возведоша Николу напрестолъ Патриаршества, егожъ изгна Левъ четвертаго ради брака, возбраняюще ему, еже вцерковь входа; Евѳимияжъ изгнаша, поставленнаго вмѣсто Николы. Александръже впищахъ и впитияхъ и всѣхъ и втицахъ и во играниихъ суетныхъ упражняяся, и ничтожъ достойно власти ни рекъ ни сотвори, но оподромияхъ упражняяся, и на ловехъ всегда пребываше. Ксимже и горшая при- стр. 34 ложи: божия церкви завѣсы и светилны собра, иподромие украси, божию честь набезсловесная и неподобная преложи. Сего ради Богъ отнего взятъ честь вскоре: нѣкогда убо обѣдавъ и упився сниде, идеже псы щенятся, и у хортицы взятъ щеня, і абие оружие Богомъ послано нань, и уязвенъ бысть, и за два дни, иноze крови изшедше, умре, точию царствова тридесятъ мѣсяцъ.

Царство Греческое Костянтина Багрянороднаго, сына Лвова.

Костянтинъ, сынъ Лвовъ, соАлександромъ царствова лѣто едино, и остася единъ юнъ сый, седми лѣтъ точию, и приятъ Зою матерь свою вцарство, и снею царствова З. лѣтъ, а сРоманомъ К.Ѕ. лѣтъ, а единъ Е.І. Ибо, якоже

912

речеся, Костянтинъ юнъ сый, и многимъ злобамъ вина бысть, иножество скорбныхъ напои горестию Царя, аще и конецъ добрѣ искушениемъ бысть. Якоже сажденное внове і младорастное древо ни мраза, ни дыхания сверѣпыхъ вѣтръ, ни тучныя дожда, ни знойного вара, ни граднаго нашествия понести можетъ, но уязвляютъ юность его, и отвсюду покушаются искорене сокрушити. Аще же оттяжежъ злодыхателныхъ возможетъ избежати, бываетъ искусно. Садъ бо, якоже глаголютъ, возрасты ввтерехъ, иножае твердо естество имать. Сице и онъ худый возрастомъ Царь, сынъ Лвовъ багрянородныи, Костянтинъ, едва нѣкогда подсолнечныхъ долгихъ течений, и бѣдныхъ напастей, и искушении лютыхъ смыслъ и разумъ приплоди множае утверженъ, и якоже корабленикъ искусенъ едва втихо пристанище по инозей бури достигъ. Первое убо искушение бысть на юннаго Царя: крѣпкий бо Костянтинъ, егожъ имѣти глаголютъ родителя Андронника Дуку; сей многу рать собра добрыми оруженосцы управлену, напрасно нападаетъ на Багрянороднаго, младости его всячески небрегъ: но и ложъ, якоже Давыдъ поетъ, на спасение конь высоковыеръ и борзоногъ і сверѣпъ Костянтинъ, и спадъ отседания конскаго, на землю низвер- стр. 35 женъ бывъ, абие оружае вкушаетъ плоти его, и очервлено бываетъ кровию.

Вскорѣ убо сей лютой зиме мимошедши, другая зима и буря возстаетъ множае лютейши первыя. Ибо Фока Магнистъ, семуже имя Левъ, мужъ величествомъ тѣла и силою изяществуя, воевода бѣ всѣмъ тогда Греческимъ военачалиемъ, видѣвъ почитаема Царемъ, иже отЛакапи, старца; бѣ же Романъ воевода корабленному воинству. Исперва убо Фока Левъ поучаясь и сшивая отступление, и ксебѣ привлача царство, но такше воебѣ времени не сущу. Егдаже прииде время, и изверже насвѣтъ исчрева, якоже ехиднино рожение, злый совѣтъ, и нехотяше доконца обнажити себѣ, но и вину Рамана обрѣтъ, творяшеся наРомана воюя, и оЦари всячески пекинся, и полезное ему творя, еже Романа побеждати, подобяся лисицы злокозненей, иже нѣ всячески имаше опашь послѣдующу. И симъ лукавствомъ воинство прелсти, и воздвизаетъ полкъ воинственныи, і всоружается тяжкими силами отвсюду отЛикаонъ и ізТракия і изКологъ и изъ Иверъ и отПамфилия, и полки собравъ яко морский песокъ, мужа храбры, оруженосцы и силны и мужа ратны, огнь во бранехъ дыхающе, и ополчается у Хрисополи, прямо Царю граду лежащему, егоже аще кто небесныи градъ наречетъ, не погрешитъ; и наполняетъ поля храбрыхъ мужей, и всю землю облистоваху копия, и сияху

шлемове,

912

шлемове, и щитове зоряхуся, и воздухъ блистоваше сулицами. Бяху убо тамо златощитницы, и тулоносцы, и доброконницы, и желѣзоносцы, убоялися убо быша, и исполни таковаго полка. Старецъ же Романъ, корабленами вои обладая видѣ кланящеся царство сѣмо и овамо люте волнуемо, якоже корабль неуправленъ, рукою отрочащѣ млада стр. 36 правимо; Царя обходитъ, и присвояетца ему приступъники и келиоты, иже паче приятели мними бяху быти Самодержцу, приобщився имъ совѣты сокровенными і совещавъ сними, лукавство соплетъ и козни многообразныя. Царьже убо совѣтники послушавъ, паче же яко навѣтники своя, Романа яко любима присвояетъ, и власти своей хранителя поставляетъ, якоже аще кто речетъ не неприлѣжне ныне же прилежне Троѳила корходилъ и Липина преколажу.

Левже убо Фома, слышавъ Романа обладающа Царемъ, множае воя прелстивъ, яко напомощь Цареви грядаше, пачеже ксебѣ привлача царство. Богъже хапая и премудрыя вковарстве ихъ і сокровенныя вѣдый козни Лвовы, насупротивное претвори: и Левъ явися яко волкъ зинувый точию, и ничтожъ успѣ. Послуша убо Царь Костянтинъ совѣты Романовы, писание червленное назнаменуя ко всему воинству посылаетъ, иже бяху послушали Лва Ѳоку, осужающи Ѳочино мучителство, о Романежъ благая свидѣтелствующее. И отсего бысть смущение зло воинстве и молва, и мравия страннопера бысть Фока Левъ: писания убо Царева все множество воинства усумнѣся, отбегоша вси, и пуста окаяннаго оставльше; ухваченъ бысть Ѳока, и угасиша ему зѣницы, и светила очные ослепиша ему и помрачиша, и паки бяше Романъ водя и строя вся. Но обаче, яко маши, приемъ хранение юннаго, явися мащеха злоумна вмѣсто добромыслящия, и сие реченное исполняя, отгоня волки, яко да овча самъ разсторгнетъ и уязвитъ. Царь бо Костянтинъ Романа благоумна вознепщева быти и благодателя, животу, и хранителя державе его: первое убо саномъ Магистра почте его великимъ етериярществомъ; таже кславе прилагая другую лутшую, отца и хранителя творитъ его царству стр. 37 своему. И болшими привлачая Романа влюбовь себѣ, наобручение брака вдаетъ дщери его: и уже браку связание хотя невѣсте совершити, тьстя своего царьскимъ венцемъ увязаетъ.