КНЯЖЕНІЕ РУРИКОВО.

О Князехъ Рускихъ о Рюрике и Синеусе и Триворе.

Влѣто Ѕ'.Т.Ѳ.

Пойдоша изНемецъ три браты со всѣмъ родомъ своимъ: Рюрикъ, Синеусъ, Триворъ. И бысть Рюрикъ старѣйшина вНовѣгороде, а Синеусъ старѣйшина бысть набелѣ озере, а Триворъ воИзборце. И оттѣхъ Варяговъ находниковъ прозвашась Русь, и оттоле словетъ Руская земля, ижи суть Новгородстии людие и до нынешняго дне. Преже бо нарицахусь Словене, а ныне Русь отъ тѣхъ Варягъ прозвашась; сице бо Варяги звахуся Русью.

Влѣто Ѕ'.Т.О.А.

Михаилъ Царь сВардою Кесаремъ иде Волгоръ воевати: бѣ же тогда гладъ вВолгарехъ. Болгарижъ убояшася, и просища Християне быти. Придеже воЦарь градъ Князь ихъ и вси бояре его; крестижъ его и приятъ откупели Царь Михаилъ, и нарече имя ему Симеонъ, и вси бояре его крестишася, и отпустиша ихъ восвоя свеликою честию. И тако весь родъ Болгорский святое крещение восприятъ.

Влѣто Ѕ'.Т.О.В.

Убиенъ бысть отъ болгоръ Осколдовъ сынъ.

Тогоже лѣта оскорбишася Новгородцы глаголюще: яко быти намъ рабомъ, и много зла всячески пострадаши отъ Рюрика и отъ рода его.

Тогоже лѣта уби Рюрикъ Вадима храбраго, и иныхъ многихъ изби Новгородцевъ совѣтниковъ его.

Влѣто Ѕ'.Т.О.Г.

Престависъ Синеусъ и Триворъ.

Синеусъ и Триворъ умроша бездетни. И прия власть Рюрикъ обою брату, и нача владѣти единъ: и роздаде грады племенемъ своимъ и мужемъ; овому Полтескъ, иному Ростовъ, иномужъ белоозеро.

Тогоже лѣта родися Рюрику сынъ, и нарече имя ему Игорь.

стр. 13 Тогоже лѣта воеваша Асколдъ и Диръ Полочанъ, и много зла сотвориша.

Влѣто Ѕ'.Т.О.Д.

Иде Асколдъ и Диръ на Греки. Царемже Михаилу и Василию отшедшимъ на Агаряны воеваши, и дошедшимъ имъ Черныя реки, посла книмъ Епархъ глаголя: яко Русь идетъ наЦарь градъ вдвою сту и множае кораблей. Ониже возвратишася, и едва внидоша во градъ, и сПатриархомъ Ѳотиемъ приходяще кцеркви святей богородицы вЛахерну, і износше ризу пречистые богородицы сплачемъ и сослезами многими, и край ея вморе омочивше; бѣ бо тогда море тихо велми. И егда омочиша ризу, і абие возсташа буря зелна, и разби множество кораблей, и потопи безбожную Русь.

Влѣто Ѕ'.Т.О.Е. 867

Возвратишася Асколдъ и Диръ отЦаря града вмале дружине, и бысть вКиеве плачь велий.

Того же лѣта бысть вКиеве гладъ велий.

Того же лѣта избиша множество Печенегъ Осколдъ и Диръ.

Того же лѣта избежаша отРюрика изНовагорода вКиевъ много Новгородцкихъ мужей.

Влѣто Ѕ'.Т.О.Ѕ.

Нача царствовати Василий Македонянинъ, и царствова лѣтъ И.І. и мѣсяцъ А.І.

Влѣто Ѕ'.Т.О.З.

Знамения

Трусъ бысть во Царѣ граде М. дни, и множество градовъ и полатъ разсыпашася.

Тогоже лѣта даде Ѳеодора Царица землю Болгаромъ отъ Римлянъ, и нарекоша е Загорие: сего ради и Цари Болгарстии нарицахусь. О хлевѣ Цареве Создаже Михаилъ Царь хлѣвъ конемъ своимъ, и мраморомъ украси, и воду текущую сотвори, и рече кмагистру Петру: вижь, какову память сотворихъ себѣ. Онъ же рече: Иустинианъ Царь преествественное дѣло показа, церковь Божию сотвори, и вся сокровища истощи наукрашение ея; весело памятуется: а ты, Царю, гноеви хранительницу сотвори, и сеголи ради памятствоватися глаголеши?

Влѣто Ѕ'.Т.О.И. І плѣто Ѕ'.Т.О.Ѳ. Влѣто Ѕ'.Т.П. Влѣто Ѕ'.Т.П.А. Влѣто Ѕ'.Т.П.В. Влѣто Ѕ'.Т.П.Г. Влѣто Ѕ'.Т.П.Д. стр. 14

О разбиении Зерцала

Михаилова царства К.Д. лѣта скончася великий кругъ. Царь же Михаилъ вся сокровища истощи соигрецемъ своимъ нетокмо грипсосидасъ на разорение златыя, но и доброкованную златую тополу, сии рѣчь, древо, на немже седяху многоразличныя птицы златыя, и пѣсни возглашаху, аки отжива языка, и слышащимъ ихъ удивление творяху, чюдящимся новей хитрости оной. И еже плачю достойное і рыданию и слезамъ поведати слово приходитъ, и тяжца

876

воздыхая глаголю. Прехитрый бо вѲилософехъ Левъ добролюбивому Василию Македонскому родителю и Царю страненъ содѣла сосудъ зерцало, имже подобаше видети Цареви нався часы, посреди живуще ему царскихъ домовъ, аще нѣчто начинашеся ново воАравехъ, или вСирехъ. Творящу же нѣкогда Михаилу колесничное уристание, Сирскихъ вой нашествие отнѣкоего возвещено бысть ему стяжкимъ и иногимъ и крѣпкимъ стремлениемъ: еже услышавъ Михаилъ Царь, и убоявся, да не народъ отъ слышания возмущенъ бывъ, и позорище разорится; абие зерцало оно повелѣ сокрушити. О горе прелести его! О горе умовредию! увы! увы! каково сокровище Грекомъ погуби человѣкъ скверножителевъ, пьяница и обѣдникъ! Сия убо доволно мною оплакася слово.

О убиении Михайла Царя.

Царю же Михаилу небысть ни сына ни дщери. Семя бо, глаголетъ премудрии, скоросовратныхъ во Аѳродитская дѣла, сии рѣчь, блудная, устава естественнаго неимутъ, сии рѣчь, чадородия не творятъ. Но пребысть Михаилъ веселася бесовскими всегда играми, самъ колесничная уристания всегда твораше. И нѣкогда, четверицу добрѣ управивъ, отъ вѣкоего, именемъ Василиска, похваленъ бывъ, почте похвалившаго, не камениемъ, ни бисеромъ, но царьскою высотою одаривъ его, восхотѣ царство отВасилия взяти, и тому дароваши. стр. 15 Василиежъ виде скоросовратное ума его, убояся, и зря его вблудѣ и пиянстве пребывающа, і Греческая имѣния истощавъ со игрецемъ своимъ, совѣтъ сотвори снѣкими, еже убити Михаила. Ѳеодоражъ мати его посла ему писание, имуще совѣтъ Михаиловъ нань; онъ же не ятъ вѣры. Царю же Михаилу навечерю упившуся зело, Василиежъ шедъ, никомужъ ведящу, разврати ключа ложницы: и воставъ отвечера Царь Михаилъ, заруку водимъ Василиемъ вовсвою ложницу: Василейже руку его лобзавъ изыде. Михаилже Василиску повелѣ усебе спати, і стрещи его, егоже восхотѣ Царемъ поставити. Михаилужъ Цареви отпиянства зело спящи, прииде Василий и инѣхъ ссобою водя. Болгаринъ же Петръ устремись наЦаря, и сущии соЦаремъ противляхуся ему, і убудиша Царя. Іванъ же Халдеянинъ удари мечемъ Царя, и обе руцѣ ему отсѣкъ; Іяковъ же Персенинъ мечемъ Василиска убивъ. Інже нѣкий, видевъ Царя обѣ руцѣ отсечены, и плакася зело. Леонже нѣкий немилостивно имѣя сердце, мечь водруси всердце Михаилово, и чрево его розрѣза. Василиижъ вшедъ вцарския полаты, и посла Павла Китовища, да проводитъ Михаила и догроба: и обвивше положиша его на колесницу, и видеща внутренняя его

876

излияна наземлю. Приятъ же плачь вся, матери и сестрамъ рыдающимъ окаянного: и владьи превезше погребоша его ворсонолии монастырѣ.

Василейже царствова сМихаиломъ лѣто едино и четыре мѣсяцы, поМихаилеже лѣтъ Ѳ.І. Аще бо и злѣ Михаилъ животъ свой проваждаше, но богъ таковымъ судия и воздаятель; елицыже поучишась сВасилиемъ наубивство его, мѣсто отъБога постиже ихъ, и злыми смертми житие свое скончаша. Іяковъ Персянинъ сконя спадъ, и нога встремени оста, и размыканъ бысть коневъ, умре злѣ: Иванъ Халдеянинъ воеводствуя, копии зободенъ бысть: Леонже, Царя Василия брато- стр. 16 чинъ, отсвоихъ рабовъ вножий изрезанъ: Персянинже храбрый Іяковъ червми снеденъ бысть, умре: Костянтинже мечи ссеченъ бысть: Маркинже, Царевъ братъ, сконя сверженъ, и ногу сокруши, и червемъ воскипевшимъ, со многою нуждею умре. Вижь каковый судъ постизаетъ, иже ненавистию и завистию натаковая дерзающихъ, а невозлагающихъ на Бога отмщение! Пишетъ бо: мнѣ мѣсть; азъ воздамъ, глаголетъ Господь, неправо творящимъ.

Трусъ

Бысть же и Трусъ М. дний, земля трясашеся, и церковъ святыя Богородицы вСигме паде. Леонже Философъ повелѣ всѣмъ изыти, и непослушаша его, побиени быша вси.

Царевиже Василию вцерковь пришедшу, и хотящу прияти чесное тѣло и кровь Господа нашего Исуса Христа, Патриархъ же Ѳотий отгна его отбожественнаго причащения, мужеубийцу нарицая его, и рабстника, и таинству недостойна. Василиеже разгневася, изРима епископа приведъ свитокъ носяща отъПапы, и Ѳотия спрестола согна, яко неправе приемша престолъ; Игнатияже божественного второе на его престолъ возводитъ.

Родижесь Цареви сынъ Александръ, восхотѣже Василие Царь народу имѣние отдати: изыскавъ домовы златохранящая, иже первее стяжаху имѣния множество, и видѣвъ вся празны, скорбяше и печаловаше, не имы что сотворити. Царь бо неимѣя имѣния многобогатного, подобенъ есть орлу преветху и престару неймущу перия и нохтей и клуна: и сего ради Василий тужаше, Царь бо Михаилъ вся истощи соигрецемъ своимъ. И втесноту достигшу Греческую честь итружающуся и пасти окаянне ницъ хотящу, пачеже бы рещи, скончавшуюсь и едва дыхающу, подщася Царь обновити и возставити царскою мудростию, и елицы спротивнии отлучися отцарьствующаго града, паки обратися своя его кнему. Отсего убо трудове велицы и печали, и щитове наперснии и желѣзная одеяния и шлемове и копия, и око неспящее и не приемлющее сна всимости, и брани, и стр. 17

876

кровопролития. Познавша Василия Варвари тверя притеко неспящого храбре востающаго наобидящая ево, и вси вострепетавше отбегоша враздолия. И паки возврати имѣния Грекомъ, и часть состарѣвшую и обрасковѣвшую младозрачную сотвори отроковицу, и паки наспротивныя укрепися Бреческий жезлъ. Крестиже и многи жды Царь, и саны ихъ дарова, и зело почте ихъ. И Николу прозмавара емуже явися святый мученикъ Деомидяе, и царствие Васильево проповѣда; того Николу Сингела Великия церкви сотвори; братиюже его такожъ великими саны почте Ивана и Павла, Костянтинаже Геникомъ и Логоѳета постави.

И понеже убо буря избеже житейския священный Игнатий, и вдобрая и тихая позниже пристанища, отшедъ ко Господу: глубокоумныиже Ѳотие присно жедая престола, и тщася паки прияти церковь, сицевое нѣчто глубокообразно и лукаво ухищряетъ. Именъ начало приемлетъ Царевыхъ сыновъ и Царицыно, сирѣчь, отвсѣхъ именъ послову или подва, и притчю приличну имъ сосгави, и сию протолковавъ тогда сущимъ мудрецемъ, вещи исходатаивъ, сирѣчь, удивление: и отсего вознепщевася Царемъ быти велий вpremудрости, и сего ради паки Царь возводитъ его напатриаршество: и паки многоревнивый приятъ престолъ. Но убо умъ доковца погрешителенъ есть всѣхъ земнородныхъ; и обычая совозрастныи естеству нѣцы суть вчеловѣцехъ. Ібо многи вразуме сей Василий Царь отнѣкихъ преможенъ бывъ мужей зминеобразныхъ, иже лесть сшиваютъ и козни сплетаютъ, и любимая разлучаютъ ототецъ чада, и отматерей дщеря, а отжениха невѣсту. Якоже Сантапаринъ, злой бѣсы онъ, именемъ Ѳеодоръ, бывый Митрополитъ во Евхаитехъ, егоже любляше Царь Василие по научению Патриарха Ѳотия, яко святъ есть Санталаринъ и прозорливъ и чюдотворецъ: сейже стр. 18 бяше волхвъ и чародей; Василижъ мня его свята, и вчести велице имы его.

Имыйже Царь печаль великую умершаго ради сына своего Костянтина, Сантавариже рече Цареви: азъ ти покажу его жива. И шествующи Цареви поединому отвиноградовъ, призракъ усрѣте его накони, Костянтину сыну его подобенъ, облеченъ взлатоистканную одежду, егоже и очима видѣвъ Царь и обиемъ, и облабыза его, и извѣствова ему, яко той есть умерый его сынъ. Сего ради натомъ мѣсте церковь Царь созда святаго Костянтина и монастырь созда, и кСантаварину велию вѣру имяше.

Левже сынъ Василиевъ нарицаше его волхва и чародѣя. Поятъ же жену Левъ дщерь Матринакиеву Ѳеофанию, и постави его отецъ Царя. Сантаварижъ нелюбляше Лва, и

876

состаставляше вражии, чтобы отецъ его возненавидѣлъ; и сего ради примирися коЛву лестию, научи его, рекъ: понеже юнъ еси, о Царю! подобаетъ ти носити ножъ великъ близъ себѣ, егда будеши налове со отцемъ своимъ: аще прилучится тебѣ звѣрь дивий, и будетъ ти напомощь ножъ той; ащелижъ кое злосовѣтие будетъ наотца твоего, извлекъ ножъ устрашиши злосовѣтниковъ. Онже наразумѣвъ лесть, и вѣру емъ, и вложи ножъ всапогъ свой, и ношаше. И обращися паки Сантаварь рече отцу его Царю: да вѣсть царствовати, яко зло мыслитъ натя сынъ твой Левъ. Аще хощеши увѣдеши, яко истинну глаголю, повели да видятъ, яко неноситъли ножъ всапогу своемъ сокровенъ. Изыде налову Царь, и снимъ сынъ его Левъ, и поискавше обретоша всапогу его ножъ сокровенъ, и яшася Сантаварину, яко истинну глаголетъ. Лвуже лесть Сантаваринову исповѣдающу невѣроваху, и разгневася Царь, и повелѣ его затворити втемнице полатней, и пребысть многое время.

Царьже многу вѣру имѣя ко пророку Илии, и вдень празника его обѣдающу ему со князи своими, вхрамежъ томъ висяще птицъ, нарицаемый Пистахъ, нѣцыжъ его Палега стр. 19 глаголютъ; подобитжеся гласомъ своимъ всякому глаголу, иже услышитъ отчеловѣка. И услыша тогда человѣка вне плачюща и глаголюща: Леому! Леому! начатъ и се ясно и чисто глаголати; Леонъ! Леонъ! Слышавшеже князь начаша плакати и молитися со слезами за Лва, глаголюще: Царю, сие животное, еже выше насъ безсловесно сущее и требуетъ и ищетъ господина своего, наповошение наше вопиетъ; мыже человѣцы суще словесни невоспоминаемъ о немъ, иже толико время втемнице затворенъ есть. Царь же умилився о словесехъ сихъ, и прости сына своего, и Царя его сотвори, якоже и преже бѣ.

О князе Рустемъ Осколде.

Родижъ нарицаемии Русий, иже и Кумани, живяху воЕксинопонте, и начаша пленовати страну Римлянскую, и хотяху пойти вКостянтинъ градъ, но возбрани имъ вышний промыслъ, паче же и приключися имъ гнѣвъ Божий, и тогда возвратишася тщии князи ихъ Асколдъ и Диръ.

Василиижъ много воинствова наАгаряны и Манихѣи. Сотворижъ и мирное устроение спрежереченными Русий, и приложи сихъ наХристианство, и обещавшася креститися: и просиша архиерѣя, и посла книмъ Царь. И внегда хотяху креститися и паки увыша, и рѣша ко архиерѣю: аще невидимъ знамение чюдно оттебѣ, нехощемъ быти Християне. Архиерѣйже рече: просите, еже хощете. Ониже рѣша: хощемъ, да ввержеши святое Евангелие воогнь, иже учитъ Христова словеса; да аще незгоритъ, будемъ Християне, и елика научиши насъ, сохранимъ сия, и непреступимъ. И рече архиерѣй:

876

елика просите, будетъ вамъ. Повелѣ и сотвориша огнь велий, и воздѣвъ руцѣ свои на небо архиерѣй рече: Христе Боже, прослави імя свое! И постави святое Евангелие во огнь, и пребысть много время внемъ, и не прикоснуся его огнь. Сне видевше Русии удивишася чюдящеся силе Христове и вси крестишася.

О смерти Василия Царя.

Изшедшу убо Василию Царю налову обретеся елень великъ зело, и воздвиже Царь мечь свой, еже ударити еленя стр. 20 оного; еленже восхити Царя рогомъ своимъ запоясъ, и обѣсися нарогу его. И притекъ нѣкто розрѣза ножемъ поясъ его, и спасеся Царь; и вмѣсто, еже благодаровати человѣка оного, повелѣ ему главу отсѣщи, рекъ: како наЦаря обнажилъ еси мечь? Царюже отъ язвы рога еленя озлобишася внутреняя, и мало время пребывъ умре.

Царство П. И Лва премудрого, сына Василиева Влѣто Ѕ'.Т.Ч.Е.

ПоВасилиижъ царствова сынъ его Левъ лѣтъ К., и Е. мѣсяцъ. Сей изгна Ѳотия спрестола патриаршеского, занеже помогаше Сантавару, и постави брата своего Стеѳана: и посла во Евхайты, привѣде Сантавара, и бивъ ослепи его, и заточи воАѳины.

Сему нѣкогда церкви происхожение творяще, и вцеркви святаго мученика Мохия бывшу, наскочи некто сверепъ нань, яко бѣснующеся; человѣкъ лютъ и образомъ и взоромъ, и жезломъ Царя воглаву ударивъ; и аще небый конецъ его держался отпаникадила, смерть бы ему сотворилъ. Хващенже бывъ, и принуженъ повѣдати совѣтникъ, и неимѣя что рещи, страстию бо дручимъ бѣ.

Человѣкъ же священныи, и духомъ божественнымъ сияя, і благодатьми преукрашенъ, именемъ Марко, видѣвъ увывша велми тяжце Царя, и нѣчто сотворити зло тому человѣку умыслившу, старецъ же лечбу целебную Цареви предлагая, словомъ пророчески взываше усты доброязычными: о Царю! никакожемися кончины надѣи, ниже печалуй о смерти; десять бо лѣтъ живота и царства отвышняя руки даровашатися; ово убо рекъ, умолче. Царь же абие отъ язвы свободися и отъ печали. Сему божественному Марку повелѣ Царь Левъ четверопѣсно великия суботы наконечати, и сотворити цѣлъ канонъ, и главы во уставе той сотворити.

Сему Царю Лву первая бѣ Царица Ѳеофания. И еще она жива бѣ, Царь же вземъ Зою Заюцаню дщерь, и нача жити стр. 21 снею. Царицыжъ Ѳлоѳне невѣдящи; онажъ бо всегда пребываше вЛахѣрне упражняющися вмолитвахъ, и

877

представися угодивши Богу, и бысть чюдотворица, двѣ лѣте точию царствова. Царьже Левъ благословенъ жити сЗоею попомъ полатнымъ, егожъ отлучиша отсвященства. Живъ же Зоя едино лѣто со Царемъ и умре, и хотяху тѣло ея вложити враку мраморну, обретоша писание прилеплено: Дщи Вавилоня окаянная.

Умершу Патриарху Стефану, брату Царя Лва, поставленъ бысть Патриархъ Никола. Поятже Царь третию жену, именемъ Евдокия: и той вскоре умерши безчадне, приложиже поятти і четвертую, Зоюже именемъ, несластивоже побежаемъ, но жадая чада, и дѣти хотя видещи оттого прозябша чреслъ. И убо отчетвертыя и послѣдния породи сына багрянородного, именемъ Костянтина.

Но убо недостойно Божиимъ слугамъ мняшеся отЦаря творимое, еже бракъ ввести четвертой и осквернити нетлѣнную и чистую невѣсту церковь. И убо Николае первый сый тогда первой пастырь, иже Костянтинова града престолъ правя, и тогда глаголаше здерзновениемъ Царю, исполняя пророческихъ глаголъ, глаголя Божия сведения предЦари, и яже оттѣхъ прещения небояся нетрепеща; сице и страхъ Божий изгонитъ далече страхъ ихъ отчеловѣкъ судящихъ и владущихъ. Тѣмже и отгонится отстада и престола Патриархъ Николае, и наизгнание осуженъ бываетъ; и ввнего мѣсто поставляется именемъ Евѳимие, жилище имѣя воАлимбе отбожественныхъ преже яко отноктей младыхъ дремъ божественный понесъ иноческаго жития, и благодатьми облистая будущая проявляя.

Наказание

Приде страхъ и трепетъ на Лва Царя, стеня и трясашеся, и падеся града нѣкая часть, и иного полатъ разсыпашеся

Влѣто Ѕ'.Т.П.Е. Влѣто Ѕ'.Т.П.Ѕ. Влѣто Ѕ'.Т.П.З.

Умре Рюрикъ княживъ лѣтъ З.І.; и предаде княжение свое Олгови, понеже отрода ему своего суща. И вдаде ему сына своего Игоря наруцѣ, поне- стр. 22 же Игорь малъ бѣ детескъ велми.

Отперваго лѣта царства Михаилова до первого лѣта Олгова Рускаго князя лѣтъ К.Ѳ.

881