ВВЕДЕНІЕ

(Шмуцтитул)

НИКОНОВСКАЯ ЛѢТОПИСЬ

ВВЕДЕНІЕ.

Откуду пошла Руская земля, и кто вней преже нача княжити, и откуду Руская земля стала есть, о семъ начнемъ повесть сію. стр. 1

По потопе трие сынове Ноеви разделиша землю, Симъ, Хамъ и Аѳетъ. И яшася восточныя страны Симови: Симова часть Персида, Ватрь, даже и до Индикия вдолготу, а вширину и до Ниронурия; якоже рещи, отвостока даже и до полуденья: и Сирия и Мидия и Ефратъ река, Вавилонъ, Кородуния, Сирия, Месопотамия, Аравия старѣйшая, Еллиния и Асиндия, Аравия сильная, Килия, Комагния, Финикия вся.

Хамотиже яшася полуденныя страны, Египетъ, Хамова Еѳиопия прилежащия ко Индиомъ, и другая Ефиопия, изнеяже исходитъ река Ефиопская Чермна, текущи навостокъ; Ѳивиа, Ливия прилежащия даже и до Кириния, Мармария, Сиритиа, Ливия и другая Нумидия, Масирия, Мавритания противу сущи Гадире. Сущийже квостокомъ имутъ Киликию, Памѳилию, Писидию, Мисию, Ликаонию, Фригию, Каманию, Ликию, Карию, Лидию, Амасию, другую Троаду, Фригию, Камалию, Солидию, Виѳинию, старую Ѳригию. И островы ксимъ имать: островы Сардани, Критъ, Кипръ, и рекѵ Гионъ нарицаомую Нилъ.

Аѳетова часть

Аѳетуже яшася полунощные страны и западныя: Мидия, Алвания, Армения малая и великая, Каппадокия, Февлагония, Галатия, Колехкия, Воспирия, Ментия, Деверия, Сарматия, Тавриания, Скиѳия, Ѳрацы, Македония, Долматия, Малосы, Ѳасалия, Локрия, Пеления, яже и Пелопонисъ нарицаетца, Аркадия, Иппрония, Илирикия, Словене, Лихития, Андриакия и Андриатинская пучина. Островы Имать же островы Вретания, Сикилия, Евиасъ, Родонасъ, Хионазъ, Лесовоназъ, Киѳироназъ, Ѕакинѳия, Кефалиния, Аѳакиния, Керкурия: и часть всяческия страны и нарицаемую Онию; и реку рѣки стр. 2 Тигръ текущую межу Миды и Вавилономъ до Понтискаго моря на полунощныя страны: и река Дунай, река Днесръ, и Вкакасиския горы, рекше Угорския: и оттуду до Днепра; и протчая реки, Десна, Припетъ, Двина, Волховъ, Волга, яже идетъ навостокъ вчасть Симову.

В Аѳетовеже части седятъ Русь, Чюдь, и вси языцы: Меря, Мурома, Весь, Мордва, Заволочская Чюдь, Пермь, Печера, Ямъ, Угра, Литва, Зимгола, Корсь, и Чюдь приседятъ кморю Варяжскому. По сему морю седятъ Варязи сѣмо квостоку до предѣла Симова: потомуже морю седятъ кзападу доземли Аглянски и до Воложски.

Аѳетово бо колѣно и то, Варязи Свѣя Мурманти Гтия Русь Агляне Галичане Ляхове Волоси Римляне Нѣмцы Корюляси Венедицы Ѳрязи и прочии: тиже приседятъ отзапада кполунощию, и соседятъ сплеменемъ сХамовымъ.

Симже и Хамъ и Аѳетъ розделивше землю, и жребия метавше, непреступати никомуже вжребий братень, и живяху куждо восвоей части; и бѣ языкъ единъ. И умножившимся человѣкомъ на земли по потопе, и помыслиша столпъ создати до небеси, во дни Нектана и Ѳалека: и собрашася на мѣсте Сенарполи создати столпъ до небеси, и градъ около его Вавилонъ. И здаша столпъ той за М. лѣтъ, и не свершенъ бысть. И призрѣ Господь видети градъ и столпъ, и рече Господь: се родъ единъ и языкъ единъ. И размеси богъ языки, и раздели на О. и на два языка; и разсѣяхъ ихъ по всей земли. По размещении языкъ богъ вѣтромъ великимъ разруши столпъ; и есть останокъ его и до ныне промежи Асирия и Вавилона, ввысоту саженей Е'. и У. и Л. и Г., толикоже и вширину: и лѣта многа бысть хранимъ останокъ той.

По разрушении столпа

По разрушении столпа и по разделении языкъ прияша сынове Симови восточные страны, а Хамови сынове полуденныя страны, Аѳетовиже прияша западъ и полунощныя страны. Оттѣхъже седмидесять и двою языкъ бысть языкъ Словенескъ отплемени Аѳетова нарицаемый Норцы, еже суть Словене.

стр. 3 По мнозехъже временехъ сѣли суть Словене оба полъ Дуная, гдѣ есть ныне Угорская земля и болгарская, и оттѣхъ Словенъ разыдошася по земли: и накоторомъ мѣсте седоша, оттого и имя себѣ нарекоша. Сѣдоша нареце Мораве, и нарекошася Моравлене: а друзии нарекошася Чеси, а инии Хорватии белии, инии Сербии, инии Хорутане, а инии Дунаи. Волохомже нашедшимъ наДунаискиia Словены, и седшимъ имъ вних, и насилующимъ имъ: Словенежъ пришедше овии на Висле рецѣ, и прозвашася Ляхове; а инии оттѣхъ Ляховъ прозвашеся Поляне, Ляховеже друзии Наутицы, инии Мазавшеня, инии Поморяне: такоже и тии Словене пришедше седоша поднепру, и нарѣкошася Поляне; а друзии Древляне, зане седоша влесехъ; а инии сѣдоша межу Припетью и Двиною, и нарекошася Дреговичи; а инии Полочане, реки ради Полоты, яже вдвину течетъ. Словенеже пришедше здуная седоша около езера

Илмеря, и нарекошася своимъ именемъ. И создаша градъ, и нарекоша и Новгородъ: и посадиша старѣйшину Гостомысла. А друзии седоша поДеснѣ и по Семе и по Сулѣ, и нарекошася Сепера. И такъ разыдошася словенскый языкъ, тѣмже грамота прозвася Словенская.

О пути подномъ сказание.

Поляномже живущимъ особь погорамъ, и бѣ путь изВарягъ вреки (), изГрекъ поднепру и вверхъ Днепра волокъ даВолоти; поВолоти внити воИлмерь воезеро великое; изнегоже течетъ Волховъ, и течетъ въ езеро великое Нево, и того езера устье течетъ вморе Варяжское: потому морю внити до Рима, отРима потомуже морю итти кЦарю граду; а отЦаря града притти вПонтъ море: внеже течетъ Днепръ река. Днепръ бо течетъ изОковского лѣса, и течетъ на полдень, а Двина истогоже лѣса течетъ и идетъ наполунощие, и вниде вморе Варяжское. Истогоже лѣса потече Волга на востокъ, и втече О. устьи вморе Хвалимское: тѣмже и изРуси можетъ итти поВолзе вболгоры и вХвалисы, и навостокъ дойти вжребий Симовъ; а поДвине вВаряги, стр. 4 а изВарягъ до Рима, а отРима до племени Хамова. А Днепръ течетъ вПонтское море треми устьи. Сеже море словетъ Руское; понемуже ходилъ и училъ святый Апостолъ Андрѣй*, братъ Петровъ, якоже рѣша: Андрѣю учащу вСинопе, и пришедшу ему вКорсунь, и увѣде, яко близъ есть устие Днепрское, и восхотѣ пойти вРимъ. И вниде воустии Днепрское, и пойде поДнепру вверхъ.

Пророчество святаго Апостола Андрея о граде Киеве.

И по прилучаю прииде святый Апостолъ Андрей, и ста подъ горами на брезе. И заутра воставъ рече сущимъ снимъ ученикомъ: видите ли горы сия, яко на сихъ горахъ восияетъ благодать божия, и будетъ градъ великъ, и церкви многи имать Богъ воздвигнути. И вшедъ на горы тыя, и благослови ихъ, и постави крестъ, и помолися богу. И сниде згоры, и по мнозе времяни, натѣхъ горахъ созданъ бысть градъ Киевъ.

(*) Чит. вГреки. И въ слѣдующей строкѣ, чит. доВолоти.

И пойде поДнепру вверхъ, и прииде вСловены, идеже ныне Новгородъ великий: и виде люди сущая, како есть обычай у нихъ, и како ся моютъ вбане; и удивися имъ. И иде вВаряги, и прииде вРимъ, и исповѣда, елико научи и елико виде, и рече имъ: дивно видѣхъ вземли Словенстей; видѣхъ бани древяны, и вних много каменья, и пережегше камение то румяно, и нази облипаются квасомъ кислымъ, и прутиемъ младымъ бьются сами дотолика едва излезутъ живи: и обливются водою студеною, и паки оживутъ; и то творятъ повся дни сами ся мучатъ. И слышавше Римляне дивляхусь. Андрѣйже бывъ вРиме прииде вСинопию.

Начало о граде Киеве.

Поляномже живущимъ особь, и владущимъ роды своими на своихъ мѣстехъ, бышаже братия: единому имя Кий, а другому Щокъ, а третьему Хоривъ; а сестра у нихъ Лыбедь. И живяше Кий на горе, идеже ныне есть Возвозборичевъ, а братъ его Щокъ живяше на другой странѣ горы, идеже ныне зовется Щоковица; а Хоривъ на третьей горѣ, отнеже прозвася Хоривица. И создаша стр. 5 градъ во имя брата своего старѣйшаго, и нарекоша имя ему Киевъ. Бяше бо около града Киева лѣсъ и боръ великъ, и ловяху звѣри; и баху мужи мудрии и смыслени, и нарицахуся Поляне, отнихже суть Поляне и до сего дни.

Невѣдящеже нѣцыи рекоша, Кий есть былъ перевозникъ; но нѣсть тако. Бѣ бо у Кия тогда былъ перевозникъ со оноя страны Днепра, сего ради нарицаху его перевозника. Аще бы былъ Кий перевозникъ, не бы ходилъ ко Царю граду ссилою ратью. Но сей Кий княжяше вроде своемъ, и ратоваше многи страны: таже сКостянтиноградскимъ Царемъ миромъ и братски живяше, и велию честь приимаше отнего, и отвсѣхъ. Идущуже ему извои на болгары ходивъ, и приде кДунаю, и возлюби мѣсто, и созда градъ, хотя тамо сѣсти сроды своими; и недаша ему тамо живущей, всегда рати сотворяющи. Градищеже то и до ныне нарицаетца тамо живущейми Дунаичи Киевецъ. Таже на Воложския и Камския болгары ходивъ, и победи и возвратився приде во свой градъ Киевъ, и ту животъ свой сконча, и братъ его Щокъ, и Хоривъ, и сестра ихъ Лыбедъ ту скончашася.

По сихже родъ ихъ нача владѣти вПолянехъ княжениемъ, а вДревленехъ свое княжение, а Дреговичи свое, а Словене вНовѣгороде свое, а другое на Полоте, еже есть Полочане: отнихже Кривичи, иже седятъ вверхъ поВолзе, и вверхъ поДвине, и вверхъ Днепра, ихже градъ есть Смоленескъ; туде живутъ Кривичи, таже на Северъ отнихъ седятъ, а набеле езере седятъ Весь, а на Ростовскомъ езере Меря, а на Клещине езерѣ седятъ Меряже: а по Оцѣ реке, идеже вошла вВолгу, седятъ Мурома языкъ свой, Мещера свой, Мордва свой, Черемиса свой. Се бо токмо вРуси Словенский языкъ: Поляне, Древляне, Новгородцы, Полочане, Дряговичи, Северъ, Бужане, занеже седоша по бугу: последиже Волыняне. А се суть инии языцы, иже дань даютъ Руси: Чюдь, Меря, Весь, Мурома, Черемиса, Мордва, Пермь, Печера, Емь, Литва, Зимгола, Корса, Морова, Мио: сии суть языкъ свой имуще отколѣна Аѳетова, иже живутъ настра- стр. 6 нахъ полунощныхъ.

О Словенехъ.

Словенскомуже языку, якоже рекохомъ, живущии наДунаи, придоша отСкиѳъ, рекше отКозаръ, рекомии Болгаре, и седоша наДунаеви, населницы Словеномъ быта. И посемъ придоша Угри бели, и наслѣдиша землю Словенскую: сии бо Угри почаша быти при Ираклии Цари, иже ходиша на Хозроя Царя Перскаго.

О Обрехъ.

Всияже времена быша и Обри, иже находиша на Ираклия Царя Перскаго, и мало его не яша. Сииже Обри воеваху на Словены, и насилие творяху женамъ Дулѣбскимъ. ВпоѣздехЪ бо своихъ коиждо Обронъ впрегаше втелѣгу Дулебскихъ женъ Е. или Ѕ., и сице гордящесь ѣздяху наругающеся Словеномъ. Бѣша бо Обри велицы тѣломъ и силни зело, яко никомуже мощи противитися имъ, и отсего возгордѣшася: и богъ потреби ихъ, и изомроша вси гнѣвомъ божиимъ, и есть притча вруси и до сего дни: погибоша яко Обри, иже нѣсть племени ни наслѣдия.

О Полянехъ.

Поляномже живущимъ особь, якоже рекохомъ, сущимъ отрода Словенска, а Древляне отСловенже, и нарекошася Древляне; Радимичиже и Вятичи отЛяховъ. Бяста бо два брата вЛясехъ, Радимъ, а другий Вятко: и пришедше седоша Радимъ наСжу, и прозвашась Радимичи; Вятко седѣ сродомъ своимъ на Оцѣ, отнегоже прозвашася Вятичи и до сего дни. И живяху вмире Поляне, и Древляне, Севера, бужане, Радимичи, Вятичи, Хорваты, Дулѣбы, иже живяху побубу, гдѣ Волыняне живутъ: а Лютичи и Тюверцы приседаху кДунаеви, и бѣ множество ихъ седяху поднестру и доморя, и суть гради ихъ и досего дни; да то ся зоветъ отГрекъ Великая Скиѳь.

Имѣху уво обычаи свои и законъ отецъ своихъ и предания, кииждо свой нравъ имѣяху. Поляне бо своихъ отецъ обычай имутъ кротокъ, тихъ, и стыдливъ кродителемъ; и кплемяни велико стыдение, и брачныи обычаи творятъ.

А Древляни живутъ своимъ образомъ звѣринымъ, живущи скотскии, убиваху другъ друга, і ядяпъ все не стр. 7 чисто. Бракъ у нихъ не бываетъ; умыкаютъ бо уводы дѣвицы жены себѣ.

А Радимичи и Вятичи и Северяне единъ обычай имутъ: живутъ влѣсехъ, якоже и всякий звѣрь, ядуще все нечисто. Срамословие внихъ передродителми, и племяни нестыдятся: и брацы небываютъ внихъ, но игрища межъ селы ихъ, и схожаютца на игрища и на вся бесовская плясания, и ту умыкаютъ себѣ жены, снеюжъ хто совещавъ преже: имяхутъ же подве и потри жены. Аще хто умряше унихъ, и творяху тривну наднимъ, и посемъ творяху кладу велику, и возложатъ накладу мертвеца и сожгутъ і; и посемъ собравше кости, и вложатъ судно мало, и поставляху напутѣхъ настолпѣ: сеже творятъ Вятичи і досего дни. Сии творятъ обычаи и Кривичи и прочии погании, невѣдуще закона божия, но творящи сами себѣ законъ.

Глаголетъ бо Георгий влѣтописании: ибо коемуждо языку, отвемъ исписанъ законъ есть, другимъ же обычая, зане беззаконнымъ отечествие мнится. И отнихъже Персиди і Сирии, живуще наконецъ земля, законъ имутъ отечествию ихъ и обычай нелюбодеяти, ни красти, ни оклеветати, ни убити, ни злодѣяти весьма.

Законже и Ухтинярхъ глаголемии Рахмане и Островницы, иже отпрадедъ наказаниемъ и благочестиемъ мясъ не ядуще, ни вина пиюще, ни блуда творяще, страха ради многа, ни злобы творяще никоеяжъ. Ибо друзии близъ тѣхъ суть инѣмъ закономъ, сквернотворяще всѣ, гнѣвливии паче естества: вовнутреннеишей странѣ и человѣки ядуще, и странствующихъ убиваху, паче ядаху яко пси.

Инже законъ Халдѣомъ и Вавилоняномъ: матери поимати, собратними чадми блудъ творити, и убивати, и всякое безстудне деяние творятъ.

Инже законъ Гилиомъ: жены унихъ орятъ, и храмы созжаютъ, и вся мужская дѣла и оружия творятъ, и прелюбытворитъ ей, елико хотятъ, невоздержими отъ мужъ своихъ воину: и суть жены ты храбры, ловятъ звѣрь крѣпкии, и владѣютъ мужи своими.

Во Вретаниижъ мнози мужии соединою женою спятъ, и жены многи соединымъ мужемъ похотствуютъ: беззаконныи законъ отческии творятъ независтно ни- стр. 8 воздержано.

Амозонянеже мужа неимутъ, но аки скотъ безсловесный, но одиною днемъ квесннимъ днемъ обеметвсни будутъ, и сочетаютца сооокрестными: ибо мужи, яко нѣкоторое имъ торжество и великое празднество время то тѣмъ мнятъ: отъ нихъ заченши вочреве, и паки разбегнутся отъ себе вси. Вовремяже хотящимъ родити, аще родитъ мужескъ полъ, то погубитъ е; ащели женескъ, то воздоитъ прилежно: якоже сии принаѣ ныне Половцы законъ держатъ отецъ своихъ, кровь проливати хвалящеся осихъ, ядятъ мертвечину и всю нечистоту, хомѣ, сусолы, и поймаютъ мачехи и ятрови, и иныя обычая худыя творятъ отецъ своихъ.

Мы же Християне, елико вземль, вѣруемъ восвятую троицу, воедино крещение, воедину вѣру, и законъ имамъ единъ, елико во Христа вѣруютъ: во Христа крестихомся, и во Христа облекохомся.

По сихже лѣтехъ и посмерти братья сея быша обидимии Древляны и иними околними, и найдоша Козарии, седящая на горахъ сихъ влѣсехъ, и рѣша Козаре: дайте намъ дань. И здумавше Поляне даша имъ отъ дыма мечь, и несоша Козари къ князю своему и старѣйщинамъ своимъ, и рѣша имъ:налесохомъ дань нову. Онѣмъ рѣша: откуду? Сииже рѣша: влѣсе на горахъ надрекою Днепрскою. Ониже рѣша: что суть дали? и показаша имъ мечь. И рѣша старцы Козарстии: недобро, княже, дань сия, мы ся доискахомъ оружия одиною страною остриямъ, рекше, саблею; а сихъ оружие обоюду остро есть, рекше, мечь: сии бо имутъ имати нанасъ дань и наиныхъ странахъ. Сеже збыстьcя все; не отъ своея бо воля рекоша, но отбожия повелѣния збыстьcя се. Бысть якоже при Ѳараоне Цари Египетскомъ, егда приведоша Мойсея передѲараона, и рѣша Ѳараону старцы Египетстии: о царю! си хощетъ смирити область Египетскую: яко и бысть; погибоша бо Египтяне отъ Мойсея. Такожъ и сии Козарии вла- стр. 9 дѣша Поляны, послежъ самѣми Козары начаша: владѣютъ бо Козары Русь и до нынешняго дни.

О крещении Болгарскомъ.

Нѣкогда брани бывши, пленена бысть сестра князя Волгарского отГрекъ, и крещена бысть, и въ царскомъ дворѣ учаху ея книгамъ, приМихаиле Цари. Потомже измениша ея на Болярине, именемъ Ѳеодоре Кифаре; онаже учаше всегда брата своего Християнству. Прилучижеся тогда недугъ прокажевия вВолгарехъ, и мнози умираху: егдаже приятъ поучение сестры своея, и вѣрова, тогда и недугъ прокажения преста. Онже посла вЦарь градъ, да пришедъ архиерей крестятъ его. Видевше же сего Болгаре совещаша убити его: онже дерзнувъ, борятся сними крестнымъ целованиемъ; и победи ихъ кресту предходящу преднимъ, и тако возлюбиша креститися.

О друземъ Князе Болгарскомъ.

Приде Князь Болгарский во Царь градъ, проея святое крещение совсѣмъ княжениемъ своимъ: и божественною благодатию сподобися прияти, и открещения приятъ его Михаилъ Царь, и нарече его посвоему имени Михаилъ.

О пришествии Руси на Царь градъ.

Иногда придоша исКиева Рустии князи Осколдъ и Диръ на Царь градъ, воцарство Михаила Царя и матери его Феодоры (иже проповѣдаша поклонение святыхъ иконъ), впервую недѣлю поста, и иного убивства сотвориша. Царь же Михаилъ и Ѳотии Патриархъ всенощную молбу сотвориша вцеркви святыя Богородицы вЛахернахъ. Сегоже ради Лахерна нарицается мѣсто то, князю Скиѳскому убиену ту именемъ Влахерну. Таже изнесши спѣсми ризу святыя Богородицы, и край ея вморе умочивше, и абие воста буря зелна, и лодия безбожныхъ Руси ко брегу приверже, и вси избиени быша.

Знамения

Падеже вѣкое время и пепелъ снебеси подобенъ крови, и камени обретаху напутѣхъ и ввиноградехъ червлено яко кровь.

О убьении Варды Кесаря.

Василие Македонский оклевета Варду Кесаря кМихаилу Царю: яко мыслитъ, рече, убити тя; онже нелтъ вѣры. стр. 10 Василие же научивъ Логоѳета зятя Вардина, и клятвами утвердивъ его: яко Царь, рече, любитъ тя: тестя ради твоего Варды недастъ ти Кесарства, и аще склятвою глаголеши Царю на него, яко Царя мыслитъ убити Варда, и азъ поспешествую уЦаря, и дастъ ти кесарство. Логоѳетъ же прелщенъ Василиемъ, склятвою глагола Царю на Варду: яко хощетъ убити тя, рече. Царьже вѣру емъ, враждоваше наВарду. Семуже бывшу Ѳилоссоѳъ Леонъ учаше Варду пощадѣти кЦареви умышления. Знамениямъ быша о смерти Кесареге: воображения два царска стояху настолпѣ уцеркви святыя Анны, и трусу бывшу меншии спаде и сокрушися; сынъ же Василиевъ Левъ Ѳилософъ протолкова, яко отпервого Царя второму настися смертию. И паки Ѳеодора Царица, сестра Вардина, присла Варде ризу инѣ двою мѣръ, и злато обледцанне изткано наней. Еюже вопрошаше: чесо ради кратка бысть? Мню же, яко блещания ради злата воображаше, еже нанего прелестныи совѣтъ; а украшения ради ризнаго, дневъ его сокрашение являетъ. И совеща Царь Михаилъ сКесаремъ Вардою и сВасилиемъ Македонскимъ Паракинуменовъ ити имъ на Критскую войну. Ѳилоссоѳъ же Левъ моляше Варду невйти сними: невозвратиши бо ся, рече, вспять. И впразникъ Пасхи взыде Царь свои страны Ѳракинския. Иванъ же Халдеянинъ увѣдавъ совѣтъ Кесаря, вечере приде кшатру, и повѣда слусе его, яко наутрие владыка вашъ на удеса ссеченъ будетъ; онже возвести Кесарю, и невѣрова сему. Вардаже пребысть веспя всю нощь: наутриежъ облекся взлатотканную ризу свою, и всѣдъ наконъ, прииде кшатру Цареву. Василийже приятъ Кесаря заруку, и введе и ко Царю, и сѣдъ соЦаремъ.

859

Василиеже позади пришедъ, и тя мечемъ Кесаря, и нападше советницы его снимъ, на уды разсекоша его, Ца- стр. 11 рю Михаилу зрящу и молчащу. Царь же наутрие сВасилиемъ возвратися вКостянтинъ градъ, и нѣкии инокъ восонивъ: добру войну сотворилъ еси, Царю, своего уя, си рече, дядю убивъ, и кровию сроднею очервивъ десницу.

О поставлении Василия Македонского на царство.

Наутриеже восвятую Н.цу приде Царь вцерковъ, и взыде цаамбонъ, и Ѳотии Патриархъ снимъ, и повеле глаголати кболромъ: яко Кесарь Варда умысли меня убити, аще бы не заступлениемъ Василия Паракимуменя и сущихъ снимъ избавленъ бывъ, небыхъ уже вживыхъ былъ; и сего ради Василия хощу, да будетъ Царь, яко вѣрна ми суща хранителя моего царства; и вси прославятъ его Царя. Василиежъ стоя и мнози слезы изливая. И повелѣ Ѳотию Патриарху, ризу царьскую и венецъ возложити нань; Василиеже ногама Царевыма поклонися.

О пришествии Агарянъ на Царь градъ.

Множество совокупившися Агарявъ прихождаху наЦарь градъ, и сия множицею творяща. Слышавже Киевстии князи Асколдъ и Диръ, идоша наЦарь градъ, и много зла сотвориша.

О Варязехъ.

Имаху дань Варязи приходяще иззамория наСловенехъ, рекше, наНовгородцехъ, и наМещерехъ, и наКривичахъ, отмужа по бѣлѣ и вевѣрицы. О Казарехъ А Казари имаху дань на Полях и наСеверенях и наВятичахъ побелѣ, рекше, повекше здыма.

Влѣто Ѕ'.Т.Ѵ.З.

Восташа Словене, рекше Новгородцы и Меря и Кривичи, наВаряги, и изгнаща ихъ заморе, и недаша имъ дани: начаша сами себѣ владѣти, и городы ставити. И не бѣ внихъ правды, и воста родъ на родъ, и рати, и пленения и кровопролития безпрестани. Посемъ собравщеся рѣша ксебѣ: поищемъ межъ себе, да хто бы внасъ Князь былъ, и владѣлъ нами; поищемъ, и уставимъ таковаго или отнасъ, или отКазаръ, или отПолянъ или отДунаичевъ, или отВарягъ. И бысть осемъ молва велия, овемъ сего,

859

овемъ другаго хотящимъ; таже совещавшеся послаша стр. 12 вВаряги.

Влѣто Ѕ'.Т.Ѵ.З. Влѣто Ѕ'.Т.Ѵ.И. Влѣто Ѕ'.Т.Ѵ.Ѳ.

ПриМихаиле и Василии Царема, и приѲотии Патриарсе, придоша Словене, рекше, Новгородцы и Меря и Кривичи, Варягомъ рѣша: земля наша велика и обилна, пойдите владѣти нами. Ониже бояхусь звѣринаго ихъ обычая и нрава, и едва избрашась три браты.