Летопись, 1281-1289 годы

Въ лѣто 6789 (1281)

Иде Льстько на Лва и взя у него городъ Переворескъ, изсѣче люди въ немъ вси отъ мала и до велика и городъ зажьже; и поиде назадъ восвояси. 831. Потомъ же вложи дьяволъ пенависть во два. Сомовитовича, во Кондрата и во Болеслава, и начаста вражьствовати межи собою и воеватися, 832. Кондратови же живящу со братомъ своимъ Володимеромъ заодино, а Болеславѣ живяше съ Лестькомъ и съ братомъ его Володиславомъ заодино ; Болеславъ же совокупивъ рать свою, и поя помочь собѣ у Володислава, и поиде на брата на своего на Кондрата, къ городу ко Ездову, Кондратови же не бывшу тогда въ городѣ, и тако приступльше взята городъ, законъ же бяше въ Ляхохъ таковъ: челяди не имати, ни бити, но лупахуть городу же взяту, и поимаша въ немъ товара много и людій полупиша, и ятровь свою облупи, княгиню Кондратовую и сыновицю свою облупи, и учини соромоту велику брату своему Коньдратови, 833. Посемъ же Кондратъ посла посолъ свой ко брату своему Володимерови, жалуяся ему о своей соромотѣ. Болодимиръ же, сжаливси и росплакався, рече послу брата своего: „братеі Богъ, рци, буди отместникъ твоей соромотѣ; а се я готовъ тобѣ на помочь,“ и нача параживати рать на Болеслава, и ко сыновцю своему Юрьеви посла, помочи прося. 834. Сыновець же ему тако рече: „строю мой! радъ быхѣъ и самъ съ тобою шелъ, но нѣколи ми: ѣду, господине, до Суждаля жениться, а со собою поимаю немного людій; а се вси мои людье и бояре Богу на руцѣ и тобѣ, а коли будсть любо, тогда съ ниии пойди.“ 635. Володимеръ же нарядивъ рать пойде къ Берестью, ту ся и собра, и Холъмляне придоша къ нему, бяшеть бо воевода съ ними Тюима; и пойде Володимиръ ко Меднику со множьствомъ вой, изъ Мелника же отряди воеводу, Василка князя Вослонимьского,

Володимерови, и Желислава и Дуная, а съ Юрьевою ратью бяшетъ воевода Тюима; и тако поидоша въ Ляхы. 836. Володимеръ же отрядивъ рать и поѣха до Берестья, послалъ же бяшеть посолъ напередъ передъ ратью ко брату своему Кондрату, бяхуть бо у него бояре невѣрни, а быта не далѣ вѣсти Болеславу. 8337. Посолъь же Володимеровъ, пріѣхавъ Кондратови, точа ему молвити, при всѣхъ его боярѣхъ: „тако ти молвить братъ твой БВолодимеръ: радъ ти быхъ помоглъ за твою соромоту, но нелзѣ ми, замялѣ нами Гатарове.б 838. Посемъ же посолъ емъ Бнязя за руку, и сжа ему руку, князь же уразумѣвъ выйде съ нимъ вонъ, и точа ему повѣдати: „братъ ти тако молвить: наражайся самъ и лодье наряди возитися на Вислѣ, рать будетъ у тебе завътро.б Кондратъ же радъ бысть повелику, и повелѣ вборзѣ изрядити лодьѣ, самъ ся наряди. 8339. Пришедши же рати извозишася и почата изряживати полкы, изрядившежеся и тако поидоша: Васидко же поиде своимъ полкомъ, а Желиславъ своимъ полкомъ, а Дунай своимъ подкомъ, Кондратъ же князь съ Ляхы своимъ полкомъ, а Тюима своимъ полкомъ; и тако идяху съ великою крѣпостью усердьно. 840. Не дошедшимъ же имъ города Сохачева, и думахуть ѳ взятьи его, абы въ землю глубоко не входилѣ: но возборови имъ Кондратъ князь, ведя йв ко Гостиному, то бо бяшетъ милое мѣсто Болеславле, 841. Пришедшимъ же полкомъ къ городу, и сташа около города, яки борове велицѣи, и начашася приётраивати на взятье города: князь же Кондратъ нача ѣздя молвити: „братья моя милая Руси! потягнѣте за одино сердце, и тако полѣзоша подъ заборола, а друзіи полци стояху недвижими, стерегучи внезапнаго наѣзда отъ Ляховъ, 8342. Прилѣзшимъ же имъ подъ заборолѣ, Ляхове пущахуть на ня каменье, акы градъ силный, но стрѣлы ратьныхъ не дадяхуть ни выникнути изъ заборолъ, ни начата побадыватися копьи, и мнози язвени быта на городѣ, ово отъ копій, ово отъ стрѣлъ, и начата мертви падати изъ заборолъ, акы сноповье, и тако взята городъ,

и поимаша въ немъ товара много и полона бесчисленое множество, а прокъ изсѣкоша и городъ изжгоша, и тако возрратишася восвояси съ побѣдою и честью великою. 843. Кондратъ же князь поѣха во свой городъ, вземъ на ся вѣнецъ побѣдный и сложивъ съ себе соромоту, помочью брата своего Володимера; а Василко князь поиде къ Берестью, со множествомъ полона, и посла предъ собою вѣсть господину своему князю Володимирови. 844. Володимеръ же бяше печалуя повелику, зане не бяшеть вѣсти отъ полку его; посемъ же приде ему вѣсть отъ полку его, оже вси добрѣ сдоровѣ идутъ, съ честью великою, 843. Володимеръ же радъ бысть повелику, оже дружина его вся цѣла, а соромови брата своего Кондрата одолѣвъ, токмо два бяста убита отъ полку его, не подъ городомъ, но во изгонѣ: одинъ же бяше Прусинъ родомъ, а другій бяшеть дворный его слуга, любимы сынъ боярьскій, Михаиловичь именемъ Рахъ. 846. Убійсто же ею сице скажемъ: Бысть идущимъ полкомъ мимо Сохачевъ городъ, въ се же время выѣхалъ бяшеть князь Болеславъ вонъ изъ Сохачева, ловя того, абы кдѣ ударити на розгонѣ; Володимеръ же князь указалъ бяшеть своимъ воеводамъ тако, Василкови и Желиславу и Дунаеви не роспущати воеватъ, но пойти всимъ къ городу; си же утаившеся отъ рати, и ѣхаша на село человѣкъ со тридьцатъ, и Блусъ съ ними же Юрьевъ, и преемше дорогу отъ села, оже челядь бѣжала къ лѣсу, и поѣхаша по нихъ, и въ то время удари на ппхѣ Болеславъ съ Ляхы, дружина же ею не стерпѣвше устремишася на бѣгъ вси со Блусомъ.. 847. Си же два не побѣгоста, Рахъ со Прусиномъ, но створиста дѣло достойно памяти и начаста ся бити мужескы: Прусинъ съѣхася съ Болеславомъ, ту убитъ бысть отѣ многыхъ, а Рахъ уби боярипа добра Болеславля, ту же и самъѣ прія конецъ подобный. Сі\и же умроста мужественѣмъ сердцемъ, оставлеша по собѣ славу послѣднему вѣку. 848. Посемъ же Володимеръ поѣха изъ Берестья до Володимеря.

Въ лѣто 6790 (1282)

, Пришедшщу оканьпому и безаконьному Ногаеви и Тилебузѣ съ пимъ на Угры, въ силѣ тяжьцѣ, во безчисленомъ множьствѣ, велѣута же собою пойти Рускимъ княземъ: Лвови, Мьстиславу, Володимеру, Юрьи Лвовичю. Володимеръ же бяше тогда хромъ ногою, и тѣмъ не индяше, зане бысть рана зла на немъ: но посла рать свою съ Юрьемъ. сыновцемъ своимъ; тогда бо бяхуть князи Русціи въ воли Татарьской; ни тако поидоша вси, токмо и одьнъ Володимеръ остася, зане бысть хромъ. 850. Болеславъ же бяшеть еще гордяся своимъ безумьемъ, усмотрѣвъ веремя таково, пришедъ во дву сту воева около Цекарева и взя десять селъ, и тако идяшеть назадъ съ великою гордостью: творяшеть бо ся аки всю землю вземъ. 351. Посемъ же Левъ отцущенъ бысть, вшедъ во Угорьскую землю и пріѣха домовъ, и сжалиси о бывшемъ, оже Болеславъ воевалъ его землю; и посла ко брату своему Володимерови, река ему тако: брате! сложимъ сѣ себе соромъ сей; пошли возведи Литву на Болеслава, 852. Володимеръ же посла Дуная возводить Литвы. Литва же обѣщася ему тако створити, н ркуче: „Волдодимере, добрый княже, правдивый! можемъ за тя головы своѣ сложити коли ти любо, осе есмы готовы.“ 85:. Левъ же и Володимиръ нарядиста свою рать и поидоша къ Берестью, и бысть пришедшимъ имъ къ Берестью, ожидающимъ Литвы, Литва же не приспѣ, на рокъ. 854. Левъ же и Володимеръ сама не идоста, но посласта воеводы: Левъ посла со своею ратью Тюнма, и Василка Бѣлжянина, и Рябця, а Володимеръ посла со свсею ратью Василка князя, и Желислава, и Оловянъца, и Вишту; и тако поидоша на Болеслава и начата воевати около Вышегорода, и поимаша челяди бесчисленое множьство, и скота и коній, 855. Посемъ же придоша Литва къ Берестью, и начата молвити князю Володимерови: „ты насъ возвелъ, да поведи ны куда; а се мы готовы, на то есмы пришли. Кпязь же нача думати, абы куда ѣ повести: своя бо рать ушла бяшетъ уже далече на Болеслава, а уже рѣкы ростекаються, 356. И

воспомяну Володимеръ, оже преже того Лестко, пославъ Лыблинець, взялъ бяшеть у него село на Въкраиници, именемъ Воинъ, и напоминалъся ему Володимирѣъ о томъ много, абы ему воротилъ челядь, онъ же не вороти ему челяди его; за се же посла на ѣъ Литву. И воеваша около Люблина и поимаша челяди множьство, и ополонившеся, и тако поидота назадъ съ честью. 857. Посемъ же приде рать Лвова и Володимерова, съ честью великою, вземше полона многое множество; и тако розіидошася кождо восвояси. 858. Въ прежереченая лѣта, коли Лестько взя Переворескъѣ городъ Лвовъ, тоже Ляхове воеваша у Берестья по Кроснѣ, и взята селъ десять и поидоша назадъ: Берестьяне же собрашася и гната по нихъ, бяшеть бо Ляховъ двѣстѣ, а Берестьянъ 70, бяшеть бо у нихъ воевода Титъ, вездѣ словый мужьствомъ на ратѣхѣъ и на ловѣхъ, и тако угонивше ѣ и бишася съ ними: Божіею же милостью побѣдита Берестьяне Ляхы. и убища ихъ 80, а другія поимаша, а полонъ свой отполониша, и тако придоша во Берестій со честью славяще Бога и пречистую его Матерь во вся вѣки. 859. Мы же па прежняя возвратимся, 3860. Бысть идущу оканьному и безаконьному Ногаеви и Телебузѣ съ нимъ, воевавшима землю Угорьскую, Ногай поиде на Брашевъ, а Телебуга поиде поперекъ Гору; што бяшеть перенти треими деньми, и ходи по 30 дній блудя въ горахъ водимъ гнѣвомъ Божіимъ. 861. И бысть въ нихъ голодъ великъ, и начата людіе ѣсти, потомъ же пачаша и сами измирати, и умре ихъ бесчисленое множьство; самовидци же тако рекоша: умершихъ бысть сто тысячь, 8692. Оканьный же и безаконьный Телебуга выйде пѣшь, со своею женою, объ одной кобылѣ, посрамленъ отъ Бога, 863. Бысть же по сихъ Болеславу князю еще исполнившуся своего безумья, и не престаяшеть злое творя Володимеру князю и Юрьеви; Володимеръ же и Юрьи начаста рать свок наряжати на Болеслава, Володимиръ же пославъ и Литву взведе, и тако поидоша вси, и Юрьи князь съ ними же идяше на Боле-

слава. 864. Яко быта въ Мѣлницѣ, и присла къ нему отецъ его Левъ, река ему тако: „сыну мой Юрьи! не ходи самъ съ Литвою, убилъ я князя ихъ Воишелка: любо восхотять мьсть створити;“ Юрьи же не поиде по отнѣ словѣ, но посла рать свою. 865. И тако шедше взята Сохачевъ городъ и поимаша въ немъ товара много и челяди, а прокъ изсѣкоша, и тако ополонишася и поидоша восвояси.

Въ лѣто 6791 (1283)

Хотящу поити оканьному и безаконьному Телебузѣ на Ляхы, и собравшу ему силу многу, забившу ему казни Божіѣ, еже сбися надъ нимъ во 'Угрѣхъ, о немъ же передѣ сказахомъ, и приде къ Ногаевн; бяше же межи има не любовье велико, 8367. Телебуга же посла ко Заднѣпрѣискымѣъ княземъ и ко Волыньскимъ, ко Лвови, и ко Мьстиславу, и къ Володимеру, вели имъ поити съ собою на войну; тогда же бяху вси князи вѣ неволѣ Татарьской; и тако поиде Телебуга на Ляхы, собравъ силу многу, 8368. Пришедшу же ему къ Горинѣ, и срѣте ай Мьстиславъ съ питьемъ и съ дары; и пойде оттолѣ мимо Крймянець ко Перемилю, ту ай срѣте Володимеръ князь съ питьемъ и съ дары на Липѣ; и посемъ угони Левъ князь ко Бужьковичемъ и съ питьемъ и съ дары: и пришедшимъ же имъ на Бужьковьское поле, и ту перезрѣша своѣ полкы; князи же надѣяхуться избитья собѣ и городомъ взятья; и оттолѣ поидоша къ Володимерю и сташа на Житани, 369. Телебуга же ѣха обзирать города Володимеря, а друзіи молвятъ, оже бы и въ городѣ былъ: но то не вѣдомо. 870. Въ недѣ/лю же минута городъ, по Микулинѣ дни назавтри день, Богъ избави своею волею и не взята города, но пасилье велико творяху въ городѣ, и пограбиша товара. бесчисленое множьство и коній, 871. И тако безаконьны Телебуга пойде въ Ляхы; остапа же Татарове друзіи у Володимеря кормити любимыи конѣ. 872. Си же учиниша пусту землю Володимерьскую, не дадяхуть бо изъ города ны лѣзти въ зажитье: аще ли кто выѣхашеть, овы избита, а другія поимаша, а иныя лупяхуть и конѣ отъимахуть, и во

городѣ изомре въ оспою, Божіимъ гнѣвомъ, безчисленое множество, 873. Идущу же Телебузѣ въ Ляхы, и съ нимъ идоша вси князи, неволею Татарьскою: Левъ кпязь со сыномъ своимъ Юрьемъ съ своею ратью, а Мьстислдавъ со своею ратью, а Володимеръ со своею ратью. 874. И тако поидоша ко Завихвосту и придоша ко рѣцѣ ко Вислѣ, рѣка же не стала бяшеть и пе могоша еѣ перейти, и поидоша во верхъ ей къ Судомиру, и переидота Санъ рѣку по леду, ту же на Сану Володимеръ воротися отѣ нихъ назадъ, а Вислу переидоша по ледови выше Судомиря, и приступиша къ городу со всѣ сторонѣ: но не успѣша ничтоже, и почата воевати землю Лядьскую и стояша на ней 10 дній. 875. Телебуга же хотяте ити ко Кракову, и не дошедъ его воротися во Торьжку: вѣсть бо приде къ нему, оже Ногай попередилъ его ко Кракову прити, и про се бысть межю има болшее нелюбье; и тако не снимавшася съ Ногаемъ и попде назадъ на Лвову землю, па городъ на Лвовъ. 876. И стояша на Лвовѣ землѣъю 2 недѣли, кормячесь, не воююче, и не дадяхуть ни изъ города вылѣзти въ зажитье; кто же выѣхатеть изъ города, овы избываша. а друзіи поимашя, а иныя излупивше пущаху пагы, а тѣни отъ мороза изомроша, зане бысть зима люта велми, и учиниша землю пусту всю. 8377. Се же наведе на ны Богъ грѣхъ ради нашихъ, казня ны, а быхомъ ся покаялѣ злыхъ своихъ безаконьныхъ дѣлъ, и еще же и накопець исполни на насъ гнѣвѣ: измре въ городѣхъ во оспою безчисленое множьство, друзіи жэ изомроша въ селѣхъ вышедше изъ городовъ, по стшествіи безаконьныхѣъ Агарянъ. 878. Но мы на предлежащее возвратимся. Ногай же оканьный не иде съ Телебугою въ Ляхы одиною дорогою, зане бысть межи има нелюбье велико: но иде своею дорогою на Перемышль, 879. Пришедшу же ему къ городу Кракову, и не успѣвъ у него ничтоже, якоже и Телебуга у Судомиря, но воеваше землю Лядьскую, а съ Телебугою не снимася зане боястася оба, сій сего, а сей сего, и тако поидоша пазадъ въ своѣ вѣжѣ: Телебуга по- 16

иде своею дорогою опять, я Ногай своею дорогою. 830. Тое же зимы и въ Ляхохъ бысть моръ великъ: изомре ихъ бесчисленое множество, 8381. По отшествіи же Телебузинѣ ни Ногаевѣ, Левъ князь сочте колко погибло во его землѣ людій: тто поимано, избито ни тто ихъ Божіею волею изьмерло, полътретьинадесять тысячѣ.

Въ лѣто 6792 (1284)

, У Юрья князя у Лвовича умре сынъ, именемъ Михайло, младу сущу ему, и плакашася по немъ вси людье; и спрятавте тѣло его, и положиша е во церкви святыя Богородица въ Холмѣ, юже 6ѣ создалъ прадѣдъ его великій князь Данило король, сынъ Ро. мановъ. 8383. Тое же зимы петокмо во одиной Руси бысть гнѣвъ Божі&й моромъ, но и въ Ляхохѣъ тое же зимы и въѣ Татарехъ изомре все, кони и скопи и овцѣ, все изомре, не остася ничегоже.

Въ лѣто 6793 (1285)

, ПНачата повѣдати, оже въ Нѣмцихъ вышедъ море и потопило землю, гнѣвомъ Божіимъ, болѣ шьстидесять тысячь душь потонуло, а церквій каменыхѣъ одинадесять и сто, опроче деревяныхъ. 885. Того же лѣта Лестько Казимиричь, пославъ полкъ свой, воева князя Кондрата Сомовитовича; князь же Кондратъ, собравъ дружину свою, гна по пихѣ и бися съ ними и побѣди іа, Божіимъ пособьемъ, и многи изби отъ полку Лестькова, бояръ и простую чадь, и воеводу его уби Серажьского Матѣя, а свой полонъ отполони; и тако возвратися восвояси съ честью великою, хваля и славя во Троици Отца и Сына и святаго Духа.

Въ лѣто 6794 (1286)

Ходиша Литва вся и Жемоть вся на Нѣмцѣ къ Ризи, опѣмъ же вѣсть бысть и сбѣгошася въ городы, они же пришедше къ городу не успѣвъ ничегоже; и оттолѣ же идоша на Лотыголу и доходивше города медвѣжьей Головы, не успѣвше у него ничтоже, и тако возвратишася восвояси, добывше мадо полона. 887, Се же услышавше Торуньсцѣн Нѣмцѣ, оже Жемоть вся пошла на Ригу, идота на Жемоть, помагаюче свопмъѣ

Нѣмцемъ: и поимаша ихъ бесчисленое множьство. а другія избишау и тако придоша восвояси со множествомъ полона. 888. Того же лѣта приставися великій князь Лестько Казимиричъь Краковьскый; епископъ же, и игумени, попове и дьякони. спрятавше тѣло его, пѣвше обычныя пѣсни, и тако положиша тѣло сго во Краковѣ городѣ, во церкви святѣй Троицѣ, и плакашася по немъ вси людье, бояре ни простіи, плачемъ великомъ. |

Въ лѣто 6795 (1287)

Посла Богъ на насъ мечь свой, иже послужить гнѣву своему, за умпоженіе грѣховъ нашихъ. Идущу же Телебузѣ и Алгуеви съ нимъ въ силѣ, тяжьцѣ, и съ пими Русцѣи князи, Левъ, и Мьстиславъ, и Володимеръ, и Юрьи Лвовичь, иніи князи мнозіи, тогда бяхуть вси князи Русціи въ воли Татарьской покорени, гнѣвомъ Божіимъ, и тако пондоша вси вкупѣ. 890. Володимеру же князю болну сущу, зане бысть рана послана на нь отъ Бога неисцѣлимая, идущимъ же имъ въ Ляхы и доидоша рѣкы, нарѣцаемаго Сана, Володимеръ же князь сотьснувъѣси немощью тѣла своего, и нача слати ко брату своему Мьстиславу, тако река: „братеі видишь мою немощь, оже не могу, а ни у мене дѣтій; а даю тобѣ, брату свосму, землю свою всю и городы, по своемъ животѣ; а се ти даю при царихъ и при его радьцахъ.“ 891. Мьстиславъ же удари челомъ передъ братомъ своимъ Володимеромъ, ни посла Володимеръ ко брату ко Львови, ко сыновцю ко Юрьевн, съ тѣми словы: „се вама повѣдаю, далъ есмь брату своему Мьстиславу землю свою и городы.“ 892. Левъ же рече Володимеру: „тако и гораздо, оже еси далъ; мнѣ подъ нимъ ци исКати но твоемъ жнвотѣ? а вси ходимъ нодъ Богомъ, абы мь далъ Богъ и своимъ мочя изволодѣти въ се время.“ 893. И посемъ посла Мьстиславъ ко брату ко Лвови и ко сыновцю своему, тако река: „се же, брате мой, Володимиръ далъ ми землю свою всю и городы; а чего восхочешь искати по животѣ „ брата моего и своего, осе же ти царевѣ, а се царь, а се азъ, молви со мною што восхочешь.“ Левъ же

не рече чротиву тому слову ничегоже, 394. Посемъ же пойде Тельбуга въ Ляхы, и Алгуй съ нимъ, вси князи, а Володимера воротиша назадъ. зане бысть жалостно зрѣти на нь, видячи его болна суща; и пріѣха Володимерь, и ради быта вси людье, видяче своего господина пріѣхавша во здоровьи, 8395. И перебывъ мало дній у Володимери, и нача молвити княгиви своей и бояромъ: „хотѣлъ быхъ до- ѣфхати до Любомля, зане досадила мь погань си, а человѣкъ есмь боленъ, пи я съ ними могу повѣстити, а прояли мь уже и на печенехъ; а се мене мѣсто пископъ же Маркъ.“ И поѣха до Любомля со княгинею и со слугами своими дворьними, изъ Любомля поѣха до Берестья, и перебывъ во Берестьи 2 дни поѣха до Каменца; ту же и лежаше во болѣсти своей во Каменьци, и рче княгини своей и слугамъ: „олны же минеть погань си изъ землѣ, тоже поѣдемъ до Любомля.“ 896. Минувщимъ же днемъ нѣколицѣмъ, прі- ѣхаша слуги его къ нему въ Каменець, иже то были вѣ Ляхохъ на войнѣ съ Татары, Володимеръ нача вопрашати ихъ о Телебузѣ, уже ли пошелъ изъ землѣ Лядьской; онѣмъ же повѣдающимъ: „пощелъ,“ - „а брать ми Левъ и Мьствславъ, ни сыновець ми во здоровьи ли?“ онѣмъ же повѣдающимъ: „господинсі добри вси и здоровѣ, и бояре и слуги,ѣ Володимеръ же о томъ похвали Бога, а Мьстислава повѣдаша, оже пошелъ съ Телебугою на Лвовъ. 897, Тогда же повѣдаша: „братъ ти даеть городъ Всеволожь бояромъ и села роздаваеть.“ Володимеру же нелюбье бысть велико на брага своего, и нача молвити;ф „се лежю въ болѣсти, а братъ мой придалъ ми еще болшее болѣсти; мнѣ еще живу сущу, а онъ роздаваеть городы моѣ и села моя; ольшы моглъ по моемъ животѣ роздавати,“ 998. И посла Володимеръ посолъ свой со жалобою ко брату своему Мьстиславу, река: „братеі ты мене ни на полону ялъ, ни копьемъ мя еси добылъ, ни низъ городовъ моихъ выбилъ мя есь, ратью пришедъ на мя, оже сяко чиниши надо мною, ты мы братѣ есь, а другій мч братъ Левъ, и сыновець мы Юрьи, язъ же

у васъ, трехъ избралъ есмь тебе одиного, и далъ ти еемь земло свою всю н городы по своемъ животѣ, а при моемъ. ти жнвотѣ не воступатися нивочтожеу се же есмь учинилъ за гордость брата своего и сыновца своего, далъ есмь тебѣ землю свою. 899. Мьстиславъ же рече брату своему: „господинеі „рци,“ брате, земля Божія и твоя и городи твои, а я надъ ними не воленъ, но язъ есмь во твоей воли, а -дай ми тя Богъ имѣти аки отца собѣ, и служити тобѣ со всею правдою до моего живота, абы ты, господине, здоровъ былъ, а болтая мь надежа по тобѣ, рци,“ И пріѣха къ Володимеру посолъ его въ Каменець, повѣдая рѣчь Мьстиславлю; Володимеру же люба бысть рѣчь та, 900. Посемъ же поѣха изъ Каменца до Раю, будущу же ему ту, и начатѣъ молвити княгини своей: „хочю послати по брата своего по Мьстислава, и быхъ съ нимъ рядъ учинилъ о землю и городы, ни ѳ тобѣ, кнагини моа мила Олго, и о семъ дѣтяти о Изяславѣ, иже миловахъ ю аки свою дщерь родимую: Богъ бо не далъ ми своихъ родити, за мои грѣхы, но си ми бысть аки отъ своее княгинѣ рожена, взялъ 69 есмь ю отъ своее матери въ пеленахъ и воскормилъ.“ 9071. И посла ко брату епископа своего Володимерьского Евьсегнья: а съ нимъ Борка же, Оловянца, съ тѣми словы, река ему: „братеі пріѣдъ ко мнѣ, хощю съ тобою рядъ учинити про все.“ 902. Мьстиславъ же пріѣха къ нему въ Рай, со своими бояры и со слугами, и съ ними епископъ Володимерьскій, и Берко и Оловянець, Мьстиславъ же ста на подворьи, и повѣдаща слуги его Володимеру: „братъ ти пріѣхалъ. Оному жо лежащю въ болѣсти своей, услышавъ братенъ пріѣздъ возставъ и сѣде, и посла по брата; онъ же приде къ нему и поклонися ему. 903. Володимеръ же нача вопрашати его о Тслебузѣ, како ся дѣяло въ Ляхохъ и куда и выходъ его изъ Ляховъ; онъ же сказа ему все по ряду бывшее, и иныи рѣчи многи повѣсти съ нимъ. 904. Мьстиславъ же пойде на подворье, Володимеръ же посла къ нему епискоца своего, съ Боркомъ и Оловянцемъ, тако

река: брате мой! на то и тя „рци“ есмь призвалъ, хочю съ тобею рядъ учинити землю н , городы, н ѳ княгниѣу своей, и о семъ дѣтяти; хочю грамоты посати,“ 905. Мьстиславъ же рече епископу брата свого своего: „тосподине, рци, братъ мой! я ссго ци хотѣлъ, оже бы мнѣ нскати твоей землѣ, по твоемъ животѣ? сего пи на сердцѣ моемъ не было; но реклъ ми есь былъ, въ Ляхохъ коли есмь былѣ съ Телебугою и со Алгуемъ, а братъ мой Левъ тупо же ми, сыновець ми Юрьи, ты же, господине мой братъ мой, при. слалъ ко мнѣ, тако река: Мьстиславе, даю ти землю свою всю ни городы, по своемъ животѣ, 9056. Мьстиславъ же рече епископу брата своего: „господине!ш рцп брату, како Богу любо и тобѣ. оже хочешь грамоты ппсати, како Божья воля твоя,“ Епискоцу же пришедшю ото Мьстислава, повѣдаючи рѣчь братьню, Волдодимеръ же повелѣ пиецю своему Ѳедорцю писать грамоты. 907. Князя Волдодимера рукописаніе. 908. Во имя Отца и Сына и святаго Духа. Молитвами святыя Богородица и Приснодѣвица Марья и святыхъ ангелъ, Се язъ кпязь Володимеръ, сынъ Василковъ, внукъ Романовъ даю землю всю свою и городы, по своемъ животѣ, брату своему Мьстисдаву, и сгтолный свой городъ Володимирьу другую же грамоту напсахъ брату свосму такую же хочю и еще и княгинѣ своей псати грамоту такую же. 909. Въ имя Отца и Сына и святаго Духа, Молитвами святыя Богородица н Приснодѣвица Марья, святыхъ ангедъ. Се язъ князь Володимеръ, сынъ Василковъ, внукъ Романовъ, пищу грамоту: далъ ссмь каягинѣ своей, по своемъ животѣ, городъ свой Кобрынь, и съ лдюдми и съ данью, како при мнѣ даяли, тако и но мнѣ даютъ княгипшѣ моей. 910. Аже далъ есмь ей село свое Городѣлъ, и съ мытомъ, а людье како то на мя страдалѣ, тако и на кияганю мою по моемъ животѣ; аже будеть князю городъ рубити, и ни къ городу, а поборомъ и Тотарьщиною ко князю. 911. А Садовое и Сомино же далъ есмь княгинѣ своей, н мана-

стырь свой Апостолы, же создахъ й своею силою. 912. А село есмь купилъ Березовичѣ Урьевича у Давыдовича Ѳодорка, а далъ есмь на немъ 50 гривенъ кунѣъ, 5 локотъѣ скорлата да бропѣ дощатые: а тое далъ есмь ко Апостоломъ же. 913. А княгини моя, по моемъ животѣ, оже восхочеть въ черницѣ пойти, пойдеть,ф аже не восхочеть ити, а како ей любо, мпѣ не воставши смотритъ, что кто иметъ чипити по моемъ животѣ. | 914. Посемъ же посла Володимеръ ко брату, тако река: „брате мой Мьстиславе! цѣлуй ко мнѣ хрестъ на томъ, како ти не отъяти ничегоже ото княгини моей, по моемъ животѣ, что есмь ей далъ, и отъ сего дѣтища отъ Изяславы же, не отдать еѣ неволею ни за кого же, но кдѣ будеть княгинѣ моей любо, тутоть ю датн,“ 915. Мьстиславъ же рече: „господине, рци, брате! не дай ми Богъ того, оже бы мнѣ отъяти что по твоемъ животѣ у твоей княгинѣ и у сего дѣтища, но дай ми Богъ имѣти свою ятровь аки достойную матерь собѣ и чтити; а про се дѣтя оже сяко молвишь, абы ю Богъ того довелъ, дай мы ю Богъѣ отдати аки сваю дщерь родимую,“ и на томъ крестъ цѣлова, Се же ся дѣяшеть Ѳедоровы недѣли, 916. Вземъ же рядъ съ братомъ, поѣха до Володомеря, и пріѣсавъ Володимерь ѣха во пископью ко святѣй Богородици: и созва бояры Володимерьскыя брата своего, и мѣстнчѣ Русціи и Нѣмцѣ, и повелѣ передо всими чести грамоту братну, о дапьи землѣ и всѣхъѣ городовъ и столного города Володимеря, и слышаша вси отъ мала и до велика, 917. Епископъ же Володимерьскій ѵвьсегнѣй и благослови Мьстислава крестомъ воздвизалнымъ на княженіе Володимерьское, хотяшеть бо уже княжити въ Володимерѣ: по братъ ему не да, тако река: „моглъѣъ ольны по моемъ животѣ княжити, Мьстиславъ же пребывъ нѣколько дній у Володимери, ѣха во свои городы, въ Луческъ и въ Дубенъ, и во иныи городы, ихъ же не псахъ. Эі8. Володимеръ же пріѣха изъ Раю въ Любомль, ту же и лежаше всю зиму въ болѣсти своей, розсылая слуги своѣ на

ловы, Бяшеть бо и самъ ловецъ добръ, хороборъ, николиже ко вепреви и ни къ медвѣдевѣ не ждаше слугъ своихъ, а быта ему помогли. скоро самъ убивате всяки звѣрь; тѣмже и прослылъ бятеть во всей землѣ, понеже далъ бяшеть ему Богъ вазнь нетокмо и па одиныхъ ловѣхъ, но и во всемъ, за сго добро и правду. 919. Но мы на предлежащее возвратимся, Настаяту же лѣту, и услыша Кондратъ князь Сомовитовичь, братъ Володимеровъ, оже далъ землю свою и городы, првсла къ Володимеру посолъ свой, река тако: „господине братъ мой! ты же мы былъ во отца мѣсто, како мя есй держалъ подъ своею рукою, своею милостью; тобою есмь, господине, княжилъ и городы своѣ держалъ, и братьи своей отъялъься есмь, ни грозенъ былъ; а нынѣ, господнпе слышалъ есмь, оже еси далъ землю свою всю и городы брату своему Мьстиславу, а падѣюся на Богъ ни на тя: абы ты, господине мой, послалъ свой посолъ съ моимъ посломъ ко брату свесму Мьстиславу, абы мя, господине, со твоею милостью, пріялъ братъ твой подъ свою руку, и стоялъ бы за мя во мого обиду, како ты, господинъ мой, стоялъ за мною во мою обиду. 920. Володимеръ же посла ко брату евоему Мьстиславу, тако река: „братъ мой! самъ вѣдаешь, како есмь имѣлъ брата своего Кондрата, и честилъ и дарилъ, а въ обиду его стоялъ ссмь за нимъ, како и за собою абы ты такоже, мепе дѣля, пріялъ й съ любовью подъ свою руку и стоялъ за нимъ во его зло,“ 921. Мьстиславъ же обѣчася Володимеру, тако река: „братъ мой! радъ, тебе дѣля, пріимаю съ любовью подъ свою руку, а въ обиду его дай ми Богъ голову свою сложиги за нь.б И посемъ присла Мьстиславъ къ Володимеру, река ему: „хотѣлъ ся быхъ сняти со Кондрато тѣ; а докладываю Бога и тебе, како ми велишь.“ 922. Володимеръ же рече: „соймися съ нимъ.“ Мьстиславъ же посла посолъ свой ко Кондратови, река: „хочю ся сняти съ тобою; пріѣдь ко мнѣ. И пріѣха посолъ Мьстиславль повѣдая рѣчь Мьстиславлю и Володимерю ; и возрадовася о семъ. 923. Посемъ поѣха Кондратъ

ко Мьстиелаву и пріѣха во Берестій, и посемъ пріѣха въ Любомль, Повѣдаша Володимеру слуги его, рекуче: „братъ ти, господине, пріѣхалъ Кондратъ; оцъ велѣ ему прити къ собѣ. 924 Кондратъ же приде къ Володимеру, идѣже лежаше въ болѣсти своей крѣпко стража, и вшедъ поклонися ему, и плакася повелику, видя болѣсть его и унынье тѣла его краснаго, Повѣстивъ же со братомъ рѣчи многіи, о нѣхъ же передѣ писахомъ, иде на подворье, Володимеръ же присла конь свой ему добрый; обѣдавъ же и поѣха до Володимеря, изъ Володимеря же поѣха ко Луцку. 925. Бывшу же ему въ Луцки, Мьстиславу же не сущу ту, но близъ города нѣкоемъ мѣстѣ, именемъ въ Гаи, мѣсто же то красно вѣдѣніемъ и устроено различными хоромы, церкви же бяше въ немъ предивна, красотою сіяющи, тѣмже угодно бысть князю пребывати въ немъ; и поѣха Кондратъ изъ Луцка въ Гай. 926. Мьстиславъ же срѣте съ бояры своими и со слугами, и прія й съ честью и съ любовью подъ свою руку, по братню слову по Володимерову, тако река: „како тя имѣлъ братъ мой и честилъ и дарилъ, а мнѣ дай Богъ такоже имѣти тя, и честитн и дарити, и стояти за тобою во твою обиду; и посемъ начата веселитися, Мьстиславъ же одаривъ Кондрата конми красными и въ сѣдлѣхъ вѣ дивныхъ, и порты дорогими, ины дары многи вдавъ ему, и тако отпусти со честью. 927. По отъѣздѣ же Кондратовѣ изъ Любомля пригна Ярътакъ Ляхъ изъ Люблина, и повѣдаша Володимерови: „Ярѣътакъ пріѣхалъ“ и не велѣ ему передъ ся, но рече княгини своей: „иди, роспроси его, сѣ чимъ пріѣхалъ?“ Княгини же посла по нь, онъ же приде вборзѣ, и нача вопрашати его: „князь ти молвить, сѣъ чимъ есь пріѣхалъ, повѣжь.і Онъ же нача повѣдати: „князь Льстко мертвъ,“ Володимиръ же сжаливъси и росплакася по немъ, „а врислали мя Люблинци, хотятъ князя Кондрата княжить во Краковъ; а наборзѣ хочю наити Кондрата, кдѣ будеть.і 928. Княгини же вшедши повѣдѣ рѣчь Ярътакову; Володимеръ же велѣ даши подо нь конь: его бо конѣ пристали 17

бѣхуть. И погна вборзѣ и наиде й Володимерѣ, и нача молвити Кондратови: „князь Льстко мертръ; а прислади мя Люблиньци, поѣфдъ княжить къ намъ до Кракова; Кондратъ же возвеселися сердцемъ и возрадовася душею о княженьи Краковоскомъ, и поѣха вборзѣ, и пріѣха во Любомль: хотяшеть бо посѣдѣти со братомъ о томъ, абы ему како погадалъ, 929. Володимеръ же не велѣ ему къ собѣ прити, но рече княгинѣ своей: „иди же, повѣсти съ нимъ, та 07- ряди й, ать поѣфдеть прочь; ,а у мене ему нечто дѣяти.“ Княгини же вшедши повѣда рѣчь Кондратовуг „братъ ти, господине, молвить: пошли со мною своего Дуная; ать ми честьно.“ 930. И поѣха вборзѣ къ Люблину, пріѣхавшу же ему къ Люблину; и запроша Ляхове городъ, а Кондрата не пустиша къ собѣ; и ста Кондратъ на горѣ. у мниховъ, и посла къ горожаномъ, тако река: „на что мя есте привели, да нынѣ городъ есть передо мною затворилѣ?“ 931. Горожани же рекоша: „мы тебе не привели и ни сладѣ по тя, но голова намъ Краковъ, тамо же и воеводы, наши и бояри велиціи; оже имешь княжити во Краковѣ, то тъ мы готовѣ твои,“ Посемъ же повѣдаша Кондратови: „рать идеть кѣ городу, творяхуть бо рать Литовьскую, и пополошишася, и выбѣже Кондратъ во столпъ ко мнихомъ, съ бояры своими и слугами, и Дунай Володимировъ съ нимъ; рати же пришедши къ городу, познаша, оже Руская рать, 932. Кондратѣъ же вопроси ратьныхѣъ: „кто есть воевода въ сей рати?“ они же повѣдаша: „князь Юрьи Лвовичь:“ хотяшетъ бо собѣ Люблина и землѣ Люблиньской. 933. И прі- ѣха Юрьи къ городу, горожани же не подаша ему города и пристраивахуться крѣпко на бой; Юрьи же позна лесть ихѣъ. Онѣмъ же молвящимъ: „княже! лихо ѣздишь, рать съ тобою мала; пріѣдутъ Ляхове мнозіи, соромъ ти будеть великъ: 934. Юрьи же, слышавъ си слова отъ нихъ, роспусти дружину свою воевать, и взята полона много, а жита пожгоша и седа, и не остася ни въ лѣсѣхъ, но все пожьжено быстъ ратными, и тако возвратися восвояси со мно-

жествомъ полона, челяди и скота и коній; а Кондратъ по- ѣха восвояси, вземъ собѣ соромъ великъ, лѣпши бы не живъ былъ. Посемъ же мятежь бысть великъ въ землѣ Лядьской.

Въ лѣто 6796 (1288)

, Присла Юрьи Лвовичь посолъ свой ко строеви своему князю Володимеру, река ему. „господине, строю мой! Богъѣъ вѣдаеть и ты, како ти есмь служилъ со всею правдою своею, имѣлъ тя есмь аки отца собѣ, абы тобѣ сжалилося моее службы; а нынѣ, господине, отецъ мой прислалъ ко мнѣ, отнимаеть у мене городы, что ми былъ далъ, Бѣлзъ, и Червенъ, и Холмъ, а велить ми быти въ Дорогычинѣ и въ Мѣлницѣ; а бью челомъ Богу и тобѣ, строеви своему, дай ми, господине, Берестій, то бы ми столу было.“ 936. Володимеръ же рче послу: „сыновче! рци, не дамъ, вѣдаешь самѣъ, оже я не двоюрѣчю, ни я пакъ ложь былъ, а Богѣ вѣдаеть и вся подънебесная, не могу порушити ряду, что есмь докончалъ съ братомъ своимъ Мьстиславомъ: далъ есмь ему землю свою всю и городы, и грамоты есмь пописалъ} сѣъ тѣми словы отряди посда сыновца своего, 937. Посемъ же посла Володимеръ слугу своего, доброго, вѣрного, именемъ Рачтьшю, ко брату своему Мьстиславу, тако река: „молви брату моему: прислалъ, рци, ко мнѣ сыновець мой Юрьи, просить у мене Берестья, ажь же ему не далъ ни города, ни села, а ты, рци, не давай ничегоже,“ и вземъ соломы въ руку отъ постеля своеѣ, рече: „хотя быхъ ти, рци, братъ мой, тотъ вехоть соломы далъ, того не давай по моемъ животѣ никомуже.“ Рачьша же изнайде Мьстислава во Стожьцѣ, и сказа ему рѣчь братню. 938. Мьстиславъ же удари челомъ противу словомъ брата своего, река: „ты же ми братъ, ты же ми отецъ мой Данило король, оже мя еси пріялъ подъ своѣ руцѣ; а что ми велишь, а язъ радъ, господине, тебе слушаю; Рачьшю же одаривъ отпусти, и пріѣхавъ сказа все по ряду Вододимеру. 939. Присла же потомъ ко Володимеру Левъ епископа своего Перемышлескаго, имецемъ

Мемнона, Слуги же его повѣдаша ему г „владыка, господине пріѣхалъ.“ Онъ же рече: „который владыка?“ Они же повѣдаша: „Перемышлескій, ѣздить отъ брата ть ото Лва.“ 940. Володимеръ же бѣ разумѣа древняя и задняя, на што пріѣхалъ, посла по него; онъ же войде къ нему и поклонився ему до землѣ, река: „брать ти ся кланяеть.“ И велѣ ему сѣсти, И нача посольство правити: „братъ ти, господине, молвить: стрый твой Данило король, а мой отецъ, лежить въ Холмѣ у святѣй Богородици, и сынове его, братьа моа и твоя, Романъ и Шварно, и всихѣъ кости тупо лежать; а нынѣ, брате, слышилъ твою немочь великую, абы ты, братъ мой, не изгасилъ свѣчѣ надъ гробомъ стръя своего братьи своей, абы далъ городъ свой Берестій: то бы твоя свѣща была.“ 941. Володимеръ же бѣ разумѣя притчѣ и темно слово, и повѣстивъ со епископомъ много отъ книгъ, зане бысть книжникѣ великъи и Филосъѣъ, акогоже не быстьѣ во всей земли и ни по немъ не будеть, и рче епископу: „братъ, рци, Лве княже! ци безъ ума мя творишь, оже быхъ не разумѣлъ сей хитрости? ци мала ть, рци, своя земля, оже Берестья хочешь, а самъ держа княженія три, Галичкое, Перемышльское, Бѣльзьское, да нѣту ти сыпи, осе пакѣ мой, рци, отецъ, а твой стрый, лежить во епископьи у святой Вогородици въ Володимерѣ, а много ль есь надъ нимъ свѣчь поставилъ ? что есь далъ который городъ, абы то свѣча была? оже, рци, просилъ еси живымъ, а уже пакѣ мертвымъ просиши; не дамъ, не реку города, но ни села не возмешь у мене, разумѣю я твою хытрость, не дамъ.ѣ Володимеръ же одаривъ владыку, отпусти й, зане бысть не бывалъ у него николиже. 7942, Князю же Володимеру Васильковичю великому лежащу въ болѣсти А лѣта, болѣзнь же его сице скажемъ: Нача ему гнити исподняя устна, первого лѣта мало, на другое и на третьее болма нача гнити. И еще же ему не вельми болну, но ходяшеть и ѣздяшеть на конѣ, и розда убогымъ имѣніе свое все: золото и серебро, и каменіе дорогое,

и поясы золотыи отца своего и серебряные, и своѣ, иже бяше по отцт своемъ стяжалъ, все розда; и блюда великаа сребрянаа, и кубькы золотые и серебряные, самъ передъ своима очима поби и полья въ гривны, и мониста великая золотая бабы своей и матери своей все полья, и розъсла милостыню по всей земли; и стада роздая убогымъ людемъ, у кого то коній нѣтуть, и тѣмъ, иже кто погибли въ Телебузину рать. 943. Ко сему же кто исповѣсть многые твоя и нещадныя милостыня и дивныя щедроты, яже ко убогымъ творяше, иі къ сиротамъ и къ болящимъ, и ко вдовицамъ и къ жаднымъ, и ко всимъ творяше милость требующимъ милости? Слышалъ 6о 6бѣ гласъ Господень ко Навьходъносору царю: съвѣтъ мой да будеть ти вгодеіъ, и неправды твоя щедротами нищихъ; еже ты, о честниче, дѣломъ сконча слышаное, просящимъ подая, нагыя одѣвая, жадныя и алчъныя насыщая, болящимъ вслко утѣшеніе посылая, долъжныя искупая, работныя свобождая; твоя бо щедроты и милостыня нынѣ во челдовѣцѣухѣъ поминаемы суть, паче же предъ Богомѣъ и ангелы его; ея же ради добропрелюбныя Богомъ милостыня, и много дерьзновенье имѣещи къ нему, яко присный рабъ Христовъ, 944. Помагаеть ми словесы рекы: милость хвалится на судѣ, милостипи мужю акы печать сѣ нимъ. Вѣрніе же самого Господа глаголъ: блажени милостивіи, яко тѣи помиловани будутъ, Иная же ясвѣе и вѣрніе послушьство приведемъ о тебѣ отъ Святыхъ Писаній, реченое Яковомъ апостеломъ: яко обративы грѣшника отъ заблуженія пути его, спасеть душю и покрыеть множьство грѣховъ, 945. Ты же и церкви многи Христовы поставль и служителя его введъ, подобниче великого Костянтина, равноумне, равнохристолюбче, равночестителю служителемъ его! Онъ со святыми отци Никейского сбора законъ человѣкомъ полагаше: ты же со епископы и игумены снимаася, часто, со многимъ смиреніемъ, много бесѣдоваше отъ книгъ о житьи свѣта сего тлѣньнаго. 946. Но мы на предлежащее возвратимся, Исходящу же четвертому лѣту и наставши

зимѣ, и нача болми немочи, и опада ему все мясо съ бороды, и зубы исподніи выгниша вси, и челюсть бороднаа перегни. Се же бысть вторы Гевъ. 947. И вниде во церковь святаго и великаго мученика Христова Георгія, хотя взяти причастье у отца своего духовнаго; и вниде во олтарь малый, идѣже, ерѣи совлачаху ризы своя, ту бо бяшеть ему обычай всегда ставитися, и сѣде на столцѣ, зане не можаше стояти отъ немочи. и воздѣвъ руцѣюжъ на небо молятеся со слезами, глаголя: „Владико Господи Боже мой! призри на немощь мою, и вижь смиреніе мое, одержащаа мя нынѣ: на тя 6о уповая терплю; о всихѣъ сихъ благодарю тя, Господи Боже, благая пріяхъ отъ тебе въ животѣ моемъ, то злыхѣъ ли не могу терпѣти? яко державѣ твоей годѣ, тако и бысть яко смирилъ еси душю мою, во царствіи твоемъ причастцика мя створи, молитвами пречистыя твоея Матери, пророкъ и апостолъ, мученикъ, всихѣъ преподобныхъ святыхъ отецъ; якоже и тіи пострадавше и угожьше тобѣ, искушени бита отѣъ дьявола, яко злато въ горнилѣ: ихъ же молитвами, Господи, избрапьномъ твоемъ стадѣ съ десными мя овцами притчи,“ 948. Пришедшю же ему отѣъ церкви, и леже, по-. томъ вонъ не вылазя, но болми нача изнемогати, И опада ему мясо все съ бороды, и кость бородная перегнила бяшетъ, и бысть видити гортань, и не вкуша по семь недѣль ничегоже, развѣе одиное воды, и то же носкуду. 949, И бысть въ четвергъ на ночь точа изнемогати, и яко бысть въ куры, и позна въ собѣ духъ изнемогающь ко исходу души: и возрѣвъ на небо и воздавъ хвалу Богу, глаголя: „безсмертный Боже! хвалю тебе о всемъ: Царь бо еси всимѣ ты единъ воистину, подая всей твари всебогатьствомъ наслаженіе; ты бо створивъ міра сего, ты сблюдаешь, ожидаа душа, яже посла, да добру жизнь жившимъ почтеши яко Богъ, а еже не покорившимся твоимъ заповѣдемъ предаси суду: всь бо судъ праведный отѣ тебе и безъ конца жизнь отъ тебе, благодатью своею вся милуешь притекающая кѣ тебѣ.“ 950. И кончавъ молитву, воздѣвъ руцѣ на небо, и

предастъ душю свою въ руцѣ Божіи, и приложися ко отцемъ своимъ и дѣдомъ, отдавъ общій долгъ, его же нѣсть убѣжати всякому роженому, Свѣтающю же пятку, и тако преставися благовѣрный, христолюбивый, великій князь Володимеръ, сынъ Василковъ, внукъ Романовъ, княживъ по отци 20 лѣтъ, Преставленіе же его бысть въ Любомли городѣ, въ лѣто 6797 (1288), мѣсяца декября во п0 день, на святаго отца Микы. 951. Княгини же его слугами дворьными омывше его, и увита й оксамитомъ со круживомъ, якоже достоить царемъ, и возложиша й на сани и повезоша до Володимеря; горожане же отъ мала и до велика, мужи и жены и дѣти, съ плачемъ великимъ проводиша своего господина. 952. Привезшимъ же в во Володимерь у епископью ко святоѣ Богородици. и тако поставиша й на санѣхъ во церкви, зане бысть поздно, 953. Того же вечера по всему городу увѣдана бысть смерть княжа; наутрѣя же, по отпѣтьи заутреніи, приде княгини его, и сестра ему Олга и княгини Олена черници, съ плачемъ великимъ пріидоша, и весь городъ сойдеся, и бояри вси стари и молодіи, плакахуся надъ нимъ, 954. Епископъ же Володимерьскій Евьсегнѣй, и вси игумени, и Огапитъ Печерьскі&й игуменъ, й попове всего города, пѣвше надѣъ нимъ обычныя пѣсни, и проводиша й со благопохвальными пѣснми и кадилы добровоньными, и положиша тѣло его во отни гробѣ; и плакашася по немъ Володимерци, поминающе его добросердье до себе, паче и слугы его плакахуся по немъ, слезами обливающи лице свое, и послѣдвюю службу створьше ему, опрятавше тѣло его вложиша й во гробъ, мѣсяца декября во 11 день, на память святаго Данила Столпъника, въ суботу., 955. Княгини же его беспрестани плакашеся, предстоящи у гроба, слезы отъ себе изливающи аки воду, сице вопіюще, глаголюще: „царю мой благый, кроткый, смиреный, правдивый! воистину наречено бысть тобѣ имя во крещеньи Иванъ, всею добродѣтелью подобенъ есь ему: многыя досады пріимъ отъ своихъ сродникъ, не видѣхъ тя, господине мой, николи

же противу ихѣъ злу ни которого же зла воздающа, но на Бозѣ вся покладывая провожаше.“ 956. Наипаче же плакахуся по немъ лѣпшіи мужи Володимерьстіи, рекуче: „добро бы ны, господине, съ тобою умрети, створшему толикую свободу, якоже и дѣдъ твой Романъ свободилъ бяшеть отъ всихъ обидъ; ты же бяше, господине, сему поревновалъ и наслѣдилъ путь дѣда своего; нынѣ же, господине, уже ктому не можемъ тебе зрѣти, уже бо солнце наше зайде ны и во обидѣ всѣмъ остахомъ;ѣ и тако плакавшеся надъ нимъ все множество Володимерцевъ. мужи и жены и дѣти, Нѣмци, и Сурожьцѣ, и Новгородци, и Жидове плакахуся аки во взятье іерусалиму, егдя ведяхуть а во полонъ Вавилоньскій, и нищіи и убозіи, и черноризци и черници: бѣ бо милостивъ на вся нищая. 957. Слй же благовѣрный князь Володимеръ возрастомъ бѣ высокъ, плечими великъ, лицемъ красенъ, волосы имѣя желты кудряви, бороду стригый, рукы же имѣя красны и ногы; рѣчь же бяшетъ въ немъ толъста и устна исподняя дебела, глаголате ясно отъ книгъ, зане бысть Финлосоѣѣъ великъ, и ловецъ хитръ, хороборъ, кротокъ, смиренъ, незлобивъ, правдивъ, не мьздоинмець, не лживъ, татьбы ненавидяше, питья же не пи отъ возраста своего. 958. Любовь же имѣяше ко всимъ, паче же и ко братьи своей, во хрестьномъ же цѣлованьи стояше со всею правдою, н истиньною, нелицемѣрною; страха же Божія наполненъ, паче же милостыни прилежаше, манастырѣ набдя, черньцѣ утѣшаа и вси игуменѣ любовью пріимая, и манастырѣ многи созда, на всь церковный чинъ и на церьковникы отверздъ ему бяшеть Богъ сердце и очи; иже не помрачи

своего ума пьяньствомъ, кормитель бо бяшеть черньцемъ и черницамъ и убогимъ, и всякому чину яко возлюбленый отецъ бяшеть, паче милостынею бяше милостивъ. 959. Сдыша Господа глаголюща: аще створнте братьи моей меншей, то и мнѣ створите. Пакы Давыдъ глаголетъ: блаженъ мужъ милуя и дая всь день, о Господѣ не потькнеться, Мужьство и умъ въ немъ живяше, правда же и истина съ нимъ хо-

дяста, иного добродѣянья въ немъ много бѣяше. Гордости же въ немъ не бяше, зане уничижена есть гордость предъ Богомъ и человѣкы: но всегда смиряше образъ свой, скрушенымѣъ сердцемъ, и воздыханіе отъ сердца износя и слезы отъ очью испущаше, покаяніе Давыдово пріимъ, плачася ѳ грѣсѣхъ своихъ, возлюбивъ нетлѣнная паче тлѣньныхъ, и небесная паче временьныхъ, и царство со святыми у В<е- держителя Бога паче претекущаго сего царства земнаго; и чести тя обѣщника Господь на небесѣхъ сподоби, благовѣрья твоего ради, еже имѣ въ животѣ своемъ. 960. Добръ послухѣъ благъвѣрью твоему обителниче святая церькви святая Богородица Марья, юже созда прадѣдъ той на правовѣрнѣй основѣ, идѣже и мужественое твое тѣло лежить, жда трубы архангеловы. Добръ зѣло послухъ братъ твой Мьстиславъ, его же сотвори Господь намѣстника по тобѣ твоему владычеству, не рушаща твоихъ уставъ, но утвержающа, ни умаляюща твоему благовѣрью положенія, но паче прилагающа, не казняща, но вчиняюща иже нескончанаяа твоя учиняюща аки Соломонъ Давыда, иже домъ Божій велдикый и святый его мудростью созда, на святость и очищеніе граду твоему, иже всякою красотою украси, златомъ и сребромъ, и каменьемъ драгимъ, и сосуды честными; яже церкви дивна и славна всѣмъ окружнымъ сторонамъ, ака же ина не обрящеться во всей полунощни земля, отѣ востока и до запада. И славный городъ твой Володимерь, величествомъ акы вѣнцемъ обложенъ, преда люде твоя и городъ святѣй, славнѣ#й и скорѣй на помощь хрестьяномъ святѣй Богородици, 961. Возстани отъ гроба твоего, о честная главо, возстани, отряси сонъ: нѣси бо умерлъ, но спишь до общаго возстанія, Возстани: нѣси бо вьмерлъ, нѣсть бо ти умерети лѣто, вѣровавшу во Христа, всему міру Живодавца; отряси сонъ, возведи очи, да видиши какоя тя чести Господъь тамо сподоби, и на землѣ не безъ памяти тя оставилъ братомъ твоимъ Мьстиславомъ. Востани, видъ брата твоего, красящаго столъ земля твоея; ксему же 18

вижь и благовѣрную свою княгиню, како благовѣрье держить по преданью твоему, како поклоняешься имени твоему: вѣдѣ же, яко аще не тѣломъ но духомъ показаеть ти Господь вся си, яко твое вѣрное въсѣянье не изсушено бысть зноемъ невѣрья, но дождемъ Божія поспѣшенія распложено бысть многоплоднѣ. 962. Радуйся, учителю нашъ и наставниче благовѣрья! ты правдою бѣ оболченъ, крѣпостью препоясанъ и милостынею яко гривною утварью златою украсуяся, истиною обитъ, смысломъ вѣнчанъ. Ты 6ѣ, о честная главо, нагимъ одѣяніе, ты бѣ алчещимъ коръмля и жажющимъ во вьртьпѣ оглашеніе, вдовицамъ помощникъ и страньнымъ поксище, безпокровнымъ покровъ, обидимымъ заступникъ, убогымъ обогатѣніе страньнъпріимаикъ; имже благымъ дѣломъ инѣмъѣъ возмездье пріемля на небесѣхъ благая, яже уготова Богъ любящимъ Отца и Сына и святаго Духа. 963. Сему же благовѣрному князю Володимеру, нареченному въ сватомъ крещеніи Гоанну, сыну Василкову, вложену въ гробъ, и лежа въ гробѣ тѣло его не замазано отѣ 71 дне мѣсяца декабря до 6 дне мѣсяца априля, Княгини же его не можаше ся втолити, но пришедши съ епископомъ Евсегеніемъ и съ всѣмъ крилосомъ, открывши гробъ, и видиша тѣло его цѣло и бѣло, и благоуханіе отъ гроба бысть и воня подобна араматъ многоцѣнныхъ; и тако чюдо видѣ, видѣвше же прославиша Бога, и замазаша гробъ его, мѣсяца априля въ 6 день, въ среду страстноѣ недѣли. 964. Князь же Володимеръ, въ княженіи своемъ, многы городы сруби, по отци своемъ: сруби Берестій и за Берестіемъ сруби городъ на пустомъ мѣстѣ, нарицаемѣмъ Льстнѣ, и нарече имя ему Каменець, зане бысть камена земля. Създа же въ немъ стодпъ каменъ, высотою 17 сажней, подобенъ удивленію всѣмъ зрящимъ на ньу и церковъ постави Благовѣщенія святыя Богородица, и украси ю иконами злдатыми, и съсуды скова служебныя сребрены, и еуангеліе опракосъ оковано сребромъ, апостолъ опракосъ, и парамья, и съборникъ отца своего тупо жъ положи, и крестѣ вѣъздви-

залный положи, 965. Такоже и у Бѣлску поустрои церковъ иконами и книгами, У Володимери же списа Святаго Дмитреа всего, и съсуды служебные сребряные скова. и икону пречистыя Богородица окова сребромъ съ каменіемъ дорогымъ, и завѣсы золотомъ шнты, а другые оксамит ные съ дробницею, и всѣми узорочіи украси ю, У епископѣи же у Святоа Богородаца образъ Спаса великаго окова сребромъ, еуангеліе списавъ и окова сребромъ и да Святой Богородици, и апостолъ списа опракосъ, Святой Богородици да, и съсуды служебные жьженого золота съ каменіемъ драгымъ Богородици же да, образъ Спасовъ оковавъ золотомъ съ драгымъ каменіемъ постави у Святоа Богородица, въ память събѣ. Въ монастырь свой Апостолы да еуангеліе опракосъ, и апостолъ самъ списавъ, и съборникъ великый отца своего тутоже положи, и крестъ въздвизалный и молитвеникъ да. 966. Въ епископью Перемышльскую да еуангеліе опракосъ, оковано сребромъ съ женчюгомъ, самъ же сѣъписалъ бяше, а до Чернѣгова пославъ въ епископью еуангеліе опракосъ золотомъ писано, а оковано сребромъ съ женчюгомъ, и среди его Спаса съ Финиптомъ; въ Луцкую епископью да крестѣ великъ сребрянъ позлотистъ, съ честнымъ древомъ. 967. Созда же и церкви многы: въ Любомли же постави церковъ каменну святаго и великого мученика Христова Георгіа, украси ю иконами коваными, и съсуды служебные сребряны скова, и платци оксамитны шиты з0- лотомъ съ женчюгомъ, херувимъ и сераФимъ, и иньдитья золотомъ шита вся, а другаа паволокы бѣлчатое, а въ малою олтару обѣ иньдитъи бѣлчатое же паволокы; еуангеліе списа опракосъ, окова е все золотомъ и каменіемъ дорогымъ съ женчюгомъ; и деисусъ на немъ скованъ отъ злата, цяты великы съ Финиптомъ, чюдно видѣніемъ, а другое еуангеліе опракосъ же волочено оловиромъ, и цяту въѣздожи на не съ Финиптомъ, а на ней святая мученика Глѣбъ и Борисъ, апостслъ опракосъ, прологы списа 12 мѣсяца, изложено житіа святыхъ отецъ и дѣяніа святыхъ мученикъ,

како вѣнчашася своею крѣъвію за Христа, и мѣнеи і2 списа, и тріоди; и охтай, и ермолой, списа же и служебникъ Святому Георгію, и молитвы вечерніи и утрьніи списа, особь молитвеника, молитвеникъ же купилъ въ протопопиное и да на немъ 8 гривенъ кунъ, и да Святому Георгію; кадильници двѣ, едина сребрена, а другаа мѣденаа, и крестъ вѣздвизалный да Святому Георгію; икону же списа на золотѣ намѣстную святого Георгія, и гривну златую възожи на нь съ женчюгомъ, и святую Богородицю списа на золотѣ же намѣстную, и възложи на ню монисто золото съ каменіемъ дорогымъ; и двери соліа мѣдяные; почалъ же бяше писати ю и списа всѣ три олтарѣ, и шія вся съписана бысть, но не скончана, зайде бо в болѣсть; поліа же и колоколы дивны слышаніемъ, такыхѣъ же не бысть въ всей земли, 968. Вѣ Берестіи же съѣзда стльпѣъ каменъ, высотою яко и Каменецкый; постави же и церковъ святого Петра, а еуангеліе да опракосъ оковано сребромъ, и служебные съсуды скованы сребрены, и кадилница сребрена, и крестъ въздвизалный тупо положи; и инаа многаа добродѣяніа съдѣа въ животѣ своемъ, яже словуть по всѣмъ землямъ. Туто же положимъ конецъ Вълодимерову княженію. 969. Мьстислава великаго князя начало княженія въ Володимерѣ. .

Въ лѣто 6797 (1289)

Князь же Мьстилавъ не притяже на погребенье тѣла брата своего Володимера: но прі- ѣха послѣ съ бояры своими и со слугами, и ѣха въ епископью ко святѣй Богородици, идѣже положенъ бысть братѣ его Володимеръ, и плакася надъ гробомъ его плачемъ великымъ зѣло, аки по отцѣ своемъ по королѣ: и утоливъ жеся отъ плача, и нача розсылати засаду по всимъ городомъ. Хотящю же ему послати до Берестья, и до Каменьца, и до Бѣльска, и приде ему вѣсть, оже уже засада Юрьева въ Берестьи и во Каменци и въ Бѣльски, Берестьяни бо учинили бяхуть коромолу: еще Володимеру князю болну сущю, они же ѣхавте къ Юрьеви князю цѣдоваша крестѣ

на томъ, рекуче: „како не достанеть стрыя твоего, ино мы твои и городъ твой, а ты нашъ князь ѵ 970. Володимеру же преставлешюся, и Юрьи услыша вѣсть о стрыи своемъ, и въѣха въ Берестій и нача княжити въ немъ, по съвѣту безумныхъ своихъ бояръ молодыхъ и коромолниковъ Берестьянъ. 971. Мьстиславу же рекоша бояре его и братни бояре: „господинеі сыновець твой велику соромоту возложи на тя; тобѣ далъ Богъ, и братъ твой, и молитва дѣда твоего и отца твоего, можемъ, господине, головы своѣ положити за тя и дѣти наши, пойди, первое займи городъ его Бѣлзъ и Червенъ, но тоже пойдеть въ Берестью.“ Князь же Мьстиславъ бяшеть легосердъ, и рече бояромъ своимъ: „не дай ми Богъ того учинити, оже бы мнѣ пролити кровь неповиньную; но я исправлю Богомъ и благословеньемъ брата своего Володимера,і 972. И посла послы ко сыновцю своему, тако река: „сыновчеі оже бы ми ты не былъ на томѣ пути и не слышалъ ты: но ты самъ слышалъ гораздо, и отецъ твой и вся рать слышала, оже братъ твой Володимиръ далъ ми землю свою всю и городы, по своемъ животѣ, при царѣхѣъ и при его рядцахъ, а вамъ повѣдалъ, а я повѣдалъ же; аже чего еси хотѣлъ, чему есь тогда со мною не молвилъ при царѣхъ? а повѣжь ми то, самъ ли есь въ Берестьи сѣлъ своею волею, ци ли велѣніемъ отца своего, абы ми вѣдомо было, не на мя же та кровь будеть, но на виноватомъ? а по правомъ Богъ помощникъ и хрестъ честный; я же хочю правити Татары, а ты сѣди, аже не поѣдешь добромъ, а зломъ пакъ поѣдешь же. 973. Посемъ по . сла ко брату своему ко Лвови епископа своего Володимерьского, река ему: „жалую, рци, Богу и тобѣ, зане ми, рци, есь по Бозѣ братъ ми есь старѣйшій; повѣжь ми, брате мой, право, своею ли волею сынъ твой сѣлъ въ Берестьи, ци ли твоимъ повелѣніемъ ? оже будеть твоимъ поведѣніемъ се учинилъ, се же ти повѣдаю, брате мой, не тая: послалъ есмь возводить Татаръ, а самъ пристраиваюся, а како мя Богъ разсудить съ вами, а не на мнѣ та кровь будеть, но

ы 142 на виноватомъ, но на томъ, кто будеть криво учинилъ. 974, Левъ же убояся того велми и еще бо ему не сошла оскомина Телебужины рати, и рече епископу брата своего: „сынъ мой, рци, не моимъ вѣданіемъ се учинилъ, то одинѣ Богъ вѣдаеть, но своемъ молодымъ умомъ учинилъ; о семъ, рци, братъ мой, не печалуй, шлю я къ нему, ать поѣдеть вонъ изъ города сынъ мой.“ Епископъ же пріѣха ко Мьстиславу, и нача повѣдати рѣчь братну; Мьстиславу же любо бысть то, 975, Посемъ же Мьстиславъ вборзѣ посла гонцѣ по Юрьи князи Пороскомъ, веля воротити в назадъ, послалъ бо бяшеть возводить Татаръ на сыновця своего; тогда бо Юрьи Пороскій служаше Мьстиславу, и первое служилъ Володимиру. 976. Се же услышавъ Левъ князь, посла Семена своего Дядьковича ко сынови своему съ прочіими рѣчьми, река ему: „поѣдь вонъ изъ города. не погуби землѣ: братъ мой послалъ возводить Татарѣъ; не поѣдешь ли вонъ, я же ти буду помочникъ брату своему на тя; аже ми будетъ смерть, по своемъ животѣ даю землю свою всю брату своему Мьстиславу, а тобѣ не дамъ, оже мене не слушаешь отца своего. 977. Семенови же ѣдущю ко Юрьеви, Мьстиславъ же посла съ нимъ Павла Деонисьевича, тъи бо ѣздѣлъ бящеть ко Лвови и вѣдаеть вси рѣчи; посла же съ нимъ и отца своего духовнаго, река Павлови: „оже ти поѣдеть вонъ сыновець ми, наряди же до мене кормъ и питье, такоже и въ Каменци наряди.“ 978. Семенови же прі- ѣхавшу ко Юрьеви и повѣдающи рѣчь отню, и бысть назавтрѣе поѣха Юрьи вонъ изъ города сѣ великимъ соромомъ, пограбивъ всѣ домы стрыя своего, и не остася камень въ Берестьи, и въ Каменци, и въ Бѣльски, Павелъ же Мьстиславу повѣда: „сыновець уже поѣхалъ, а ты, господине, поѣдѣ во свой городъ.“ 979. Мьстиславъ же поѣха до Берестья, ѣдущю же ему къ городу, и срѣтоша его горожане со кресты отъ мала и до велика, и пріята й сѣ радостью великою своего господина. Берестьяни же началницѣ коромолѣ бѣжаша по Юрьи до Дорогичина, цѣловалъ.

бо къ нимъ крестъ на томъ: „не выдамъ васъ стрыеви своему.“ 980. Мьстиславъ же пребывъ мало дній въ Берестьи, и ѣха до Каменца и до Бѣльска, и ради быта ему вси людъе; утвердивъ людій, засаду посади въ Бѣльски и въ Каменци, и пріѣха въ Берестій и рече бояромъ своимъ: естьѣ ли ловчіи здѣ?“ Они же рекоша: „нѣтуть, господине, изъ вѣка.“ Мьстиславъ же рече: „язъ пакъ уставливаю на нѣ ловчее, за ихъ коромолу, абы ми не зрѣти на ихъ кровь,і и повелѣ писцю своему писати грамоту: 981. Се азѣ князь Мьстиславъ, сынъ королевъ, внукъ Романовъ уставляю ловчее на Берестьяны и въ вѣкы, за ихъ коромолду: со ста по двѣ лукнѣ меду, а по двѣ овцѣ, а по пятинадцять десяткъвъ лну, а по сту хлѣбовъ, а по пяти цебровъѣ овса, а по пяти цебровъ ржи, а по 20 куровъ; а потолку со всякого ста, а на горожанахъ 4 гривны кунъ; а хто мое слово порушить, а станеть со мною передъ Богомъ, А вопсалъ есмь въ лѣтописецъ коромолу ихъ, 982. Князь же Мьстиславъ сѣде на столѣ брата своего Володимера, на самый великый день, мѣсяца сприля въ 10 день, а нача княжити по братѣ своемъ, правдолюбьемъ свѣтяся ко всей бра. тьи своей и къ бояромъ, къ простымъ людемъ, и бысть радость велика тогда людемъ: се воскресеніе Господне, а се княже сѣденіе; миръ держа съ околными сторонами, съ Ляхы и съ Нѣмци, съ Литвою, одержа землю свою велячествомъ олны по Татары: а сѣмо по Ляхы и по Литву. 983. Тогда же Литовьскій князь Будикидъ и братъ его Будивидъ даша князю Мьстиславу городъ свой Волковыескъ, абы съ ними миръ держалъ; и утвердивъ же засаду въ Берестьи и поѣха до Володимеря, и пріѣхавшу ему въ Володимерь, и съѣхашася къ нему бояре его старѣи и молодіи, бесчисленое множестве, 984. Тогда же пріѣхалъ бяшеть Кондратъ князь Сомовитовичь ко Мьстисливу, прося собѣ помочи на Ляхы, пойти хотя на княженіе Судимирьское; Мьстиславъ же обѣща ему, а Кондрата одари и бояры его всѣ и отпусти, рекъ ему: „ты поѣдь, а я по тобѣ пошлю

рать свою“ 985. Кондратови же поѣфхавшу, Мьстиславъ же совокупи рать свою, посла, ю нарекъ Чюдина воеводу, и тако сѣде Кондратъ князь въ Судомирѣу княземъ Мьстиславомъ, сыномъ королевымъ, и его помочью.