Руіны замка ў прадмесці Каралін (г. Пінск)

Замак узведзены на беразе р. Піна ў канцы XVI ст. ў традыцыях новаітальянскай фартыфікацыйнай сістэмы. У 2-й палове XVII ст. ім валодаў маршалак Вялікага княства Літоўскага Ян Дольскі, потым - князі Вішнявецкія. У ліпені 1660 г. у час аблогі разбураны рускімі войскамі, у 1704 г. - войскамі шведскага караля Карла XII. Знік у пачатку XIX ст. у працэсе пашырэння забудовы Пінска. Літаграфія з малюнка 1868 г.