Палац Скірмунтаў (в. Моладава, Драгічынскі раён)

Выгляд з боку пейзажнага парку. Аднапавярховы на высокім падмурку мураваны палац з гранёным рызалітам, галерэйкай па цэнтры i бакавымі чатырохкалоннымі порцікамі. Пабудаваны ў 1798 г. ў стылі класіцызму паводле праекта архітэктара Ван-Гроса. Палац не захаваўся. На алоўкавым, падмаляваным акварэллю малюнку надпіс: «Моладава 11 чэрвеня 1864. Губ. Гродзенская. Палац».