Сядзіба (в. Дубае, Пінскі раён)

Выгляд з боку пад'езда. Аднапавярховы палац з бакавымі вежамі-алькежамі і двухпавярховай цэнтральнай часткай, аформленай чатырохкалонным порцікам з балконам; з правага боку капліца, з левага флігель. Сядзібна-паркавы ансамбль створаны ў 2-й палове XVIII ст. ў стылі барока. Належаў Кужанецкім, да якіх перайшоў ад пінскіх езуітаў. Захаваўся рэгулярны парк з капліцай. Літаграфія з малюнка Н. Орды.