ПРЫВІЛЕЙ ЖЫЛМОНТА I СТАРОГА ВЯЛІКАКНЯЖАЦКАМУ ПІСАРУ КАСЦЮШКУ ФЁДАРАВІЧУ НА МАЁНТАК СЯХНОВІЧЫ
25 красавіка 1509 г. г. Кракаў
Жикгимонт Божею милостю король польский, великий князь Литовский, Русский, княжа Пруское, Жомоитский и иных.
Бил нам чолом дьяк наш Костюшко Фёдорович и просил в сельце в Каменецком повете людей путных на имя Сехновичов, а поведал нам, што ж в том сельцу сдавна было тры чоловеки на имя Кисель, а Перко, а Лахович. Ино дей тот Кисель ешчо жив, а тыи два чоловеки Перко а Лахович померли, нижли дети их осталися. А к тому просил у нас пашень, и леса, и дубров, тых которые ж был одсудил людем нашим каменецким Орепи-чом а Жыличом наместник берестейскии пан Станислав Остыкович од Тышковое Коренев-ское и од ее детей, которых то пашень и дубров был в держаню Тишко от колькось лет — ино естли будет так, и мы тое сельцо Сехновичи тые три чоловеки и с братьею, и с детьми их, и с внуками, и тые пашни, и дубровы, и лес ему дали со всим, по тому как тое сельцо вышей писаное сдавна, и тые пашни, и дубровы в своих границах мают, и как на нас держано. А ввязати его в то послали есмо дворянина нашего Богдана Алексиевича.
Писал в Кракове апрыля 25 день индикта дванадцатого.
Правил маршалок и секретар пан Иван Сопега, подкоморый наш выжши пан Андрей Довгирд, подскарбии наш земский пан Иван Андреевич.
Korzon T. Kosciuszko, Ьіоgrаfiа z dокumеntow wysnutа. Кгакоkow, 1894 — 5. 549-550, ргzуріsеk 12.
3 ПАГАДНЕННЯ М. I. КАСЦЮШКІ 3 УЛАДАЛЬНІКАМІ МАЁНТКА ЗДЗІТАВЕЦ АБ УСТАЛЯВАНШ ПАМЕЖНЫХ ЗЕМЛЯЎ
1 лютага 1599 г. Маёнтак Здзітавец
Я, Лев Патей, писар земски берестеиски. Я, Лукаш и Лаврын Федюшки, Михаило Сосновскии, Василеи Сасин Калечицки, Остафеи и Миколаи Здитовецкие, Иван и Юреи Данилевичи Шляхта Здитовецкие, Григореи Бурый, Андреи, Петр и Адам Тишковичи, Юреи, Павел и Григореи Гуриновичи Здитовецкие, Лаврин и Сегень Федоровичи Здитовецкие, Василеи Сасин Старовольски, Федор и Кондрат Микитичи, Рудольф Рудницки, Григореи Островски, Павел и Федор Дмитровичи Здитовецкие, Малхер Паршлински, Ян Поплавски, Миколаи Яблонски, земяне господарские воеводства Берестеиского, участники имения Здитовецкого, в повете Берестеиском лежачего, сознаваем сами на себе тым нашим добровольным листом-записом, кому бы то належило ведати нинешним и напотом будучим; и што есмо мели права... о забране грунтов через границу нашу з земянином господарским воеводства Берестеиского з паном Николаем Яновичом Костюшком Сехновицким од имения его Сехнович, в том же повете Берестеиском лежачого, за которым зобранем розные немалые межи нами в перехоженю через границы делали, так теж и з стороны третьего жеребя, которого собе Ян Костюшко за правом своим быти у нас меновал во имению нашом Здитовецком межы речками Полехвы, Мытишча и речки Нечавницы Глиненца, леса Бовшова аж до Град, о которую то третюю часть пан Миколаи Костюшко некоторых особ, нас участников, перед суд земски берестеиски был позвал, также и мы пан(а) Николая Костюшко о грунты наши забраны их позвали; и правом яко вАасное свое позыскали.
А хотечи мы в тих границах и в грунтех покой вечисти з паном Миколаем Костюшком од имения его Сехнович, имению нашему Здитовецкому меть, и давше се на узнание и розсудок жебо полный их милости панем-приятел наших, права свое перед их милостю з обедвух сторон показали, а их милость панове-приятели наши успокояючи тие вси розницы и заистя, а одложивши права пана Николая Костюшко о третью часть на сторону прыступу ниякого пану Николаю Костюшку до поискиваня тое третее части вечными часы не зоставили, на чом и сам пан Костюшко перестать; а зас о тые пекные грунты нас помер-ковавши и границу певную тым имениям нашим стеною положили урочишчами тыми: почавши од петы граничное имения панов Кореневских Коренева з-под Жеидик од границы помененое Град, на котором местцу копа на следогониско сходытсе, и там тых трох именем границы опираются, то есть Коренева, Здитовце, Сехнович, на котором местцу на сес час дуб есть лежачи и други неподалеку стоячи, а тепер и копец через нас на том местцу на Градах у петы велики з паном Миколаем Костюшком сполне усыпан, а од того копца Град граница и стена граничная есть положена межи имением нашим Здитовцами, и его пана Косюшковым Сехновичами, почавши од копца и дуба лежачого долиною стеною зарослею над лесом великим до дуба, которы на сесь час стоит над полем нашим Градами, до которого дуба тою стеною копцов три кром першого нарожник, в котором то дубе и знаки крыжами положили есмо, а од того дуба другым простим трыбом так же стеною через заросли дуброве до полька и дуба, который стоит над смужкою подле Долгого поля, межи которыми дубами копцов усыпанных осм, в том теж дубе знаки положили осмо. А то все выполнивши и поплативши пред сес наш лист и положенье границ и стена урочышчами звышписаными вечными часы ни в чом ненарушаючы держати быти мает.
Нацыянальны архіў Рэспублікі Беларусь. Ф. 1741. Воп. 1.
Спр. 49. Арк. 1193 1197.
СА СКАРП СЦЯПАНКАЎСКАГА СВЯТАРА ЗАХАРЫЯ НА ЎЛАДАЛЬНІКАЎ МАЁНТКА У КАРАНЁВЕ
5 чэрвеня 1619 г. г. Бярэсце
На роках судовых земских о Святой Троицы, святе Римском... перед нами врадниками судовыми земскими воеводства Берестеиского Предцлавом Горбовским, судьею, а Яном Патеем, подсудком, и Андреем Пекарским, писаром, ставши очевисто у суду в Бозе ве-лебны отец Захареи Лаврентеевич, свещенник Степанковскии и Гриневский церкви собор Светого Михаила Архангела, оповеданье свое на писмеку записанью до книг врадовых земских Берестеиских подал в тые слова:
Милостивые Панове, судовые земские Берестеиские! Я убогий человек а слуга и богомолец в летах — Захареи Лаврентеевич, свещенник Степанковскии и Гриневский церкви собор Светого Михаила Архангела, оповедаю се вашей милости, моим милостивым панам, на ее милость пани Раину Карпевну Миколаевую Кореневскую и на сынов ее милости, пана Юрья а пана Андрея и пана Яна Миколаевичов Кореневских о том, иж в року теперешнем, тисеча шестьсот деветнадцатом, давши мне их милость лист, добровольный запис свои на признанье листу, фундушу своего на церковь Степанковскую в именю их милости Кореневе, лежачом у воеводстве Берестеиском, который лист добровольный, фундуш свои, мели ми их милость дати, справивши водле права посполитого, под певными варунками и под печатьми и с подписами рук их милости, также под печатьми стороны шляхты и с подписами рук их на тгултори волоки земли к грунту на тот дом Божий наданую, то есть меновите в том же селе Степанках пулволоки, а на волоку земли в селе Волце, до тое ж маетности Кореневское належачое. Который тот лист добровольный, запис свой, мели ми их милости вси згодне признати, ставший на враде кгродском его королевское милости, перед судом земским воеводства Берестеиского, у Берестью, о Светой Троице, святе Римском, в року теперешнем тисеча шестьсот деветнадцатом. Уступивши в року четвертого дня, чого я через тот увесь день, в листе их милостей помененый, будучи пилен того признанья, жадное особы з их милости не моглем дождати до того признанья. Не маючи жадное ведомости од их милости, в чом я, поносечи од их милости кривду и шкоду немалую, прошу, абы тое оповеданье мое до книг врадовых было принято и записано.
Акты, издаваемые Виленскою археографическою комиссиею для разбора древних актов. Вильна, 1867. Т. 2. С. 50 — 51.

3 ЛІСТА ТАДЭВУША КАСЦЮШКІ ДА СЯСТРЫ ГАННЫ ЭСТКАВАЙ НАКОНТ ЛЁСУ СЯХНОВІЧАЎ
Верасень 1792 года
(...)
Я аддаю ў спадчыну табе Сяхновічы, а ты можаш перадаць іх аднаму са сваіх сыноў ці ўсім ім разам, але з умоваю, каб... кожны сялянскі двор ва ўсёй вёсцы цягнуў не больш за два дні паншчыны на тыдзень, а жанчыны былі 6 ўвогуле вольныя ад яе. Калі 6 было гэта ў іншай краіне, дзе ўрад забяспечыў бы выкананне маёй волі, я вызваліў бы сялян зусім ад прыгнёту. Аднак у нас вымушаны зрабіць толькі тое, што можна зрабіць напэўна, каб хоць у чым трохі палепшыць гаротную долю людзей. Заўсёды трэба памятаць: па закону прыроды ўсе мы роўныя, а адметнасці ўтвараюцца толькі асабістымі заслугамі, багаццем і вучонасцю. Таму мы абавязаныя праяўляць клопат пра бедных і займацца адукацыяй непісьменных, каб прывіць ім добрыя звычаі.
Я адсылаю пісьмовае пацвярджэнне маёй волі, каб ты мела магчымасць дзейнічаць па закону, згодна маёму ўказанню, і каб потым не было ніякага ўціску ні табе, ні тваім сынам.
(...)

Избранные произведения прогрессивных польских писателей.
М., 1956.Т.1 С. 501