Выгляд з боку пад'езда. Аднапавярховы сядзібны дома з мансардай i тэрасай на чатырох калонах і флігель з мураваным ганкам пабудаваны ў 1-й палове XIX ст. ў стылі класіцызму. Сядзіба не захавалася. На алоўкавым, падмаляваным акварэллю малюнку надпіс: «Туганавічы 24 ліпеня 1876. Тут жыў Міцкевіч, дзе пісаў для Марылі. Калісьці маёмасць фаміліі Верашчакаў. Зараз належыць роду Туганоўскіх».